منتديات بال مون  

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة

إضافة رد
 
أدوات الموضوع إبحث في الموضوع انواع عرض الموضوع
قديم 06-06-2013, 05:46 AM   رقم المشاركة : 37
:: رومانس مون متفوق ::
 
الصورة الرمزية اميرة





اميرة غير متواجد حالياً

اميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond repute


رواية أقول إنسى تمر ذكراي / للكاتبة : رحلة ألم ، كاملة






البارت الخامس والثلاثون (الأخير)




بيت أبوناصر ((بيت ساره))



في غرفتها



ياقلبي إسنى عثراتك ..ولالاتمني أيامك ... ولاتحلم تجي قربه... خلاص الماضي ودعته... أبمحي هذي الذكرى... وأعيش أيامي مثل أول...


وأرجع قلب هالطفله...وأرجع بسمة الأحلام... مصيبه عالعشق نرثي...


ولكن هو معذبنا... نبي نرتاح من شوقه... يزيد النبض في دمنا...


نبي تهدا مدامعنا... تفجرها مواجعنا... أبي أنسى ... أبي أقسى...وأعيش أآمالي مثل أول....


خلاص الماضي ودعته....




مامداها تفكر بحالها وش صارلها اليوم لأن تلفونها دق



ساره: الوووووووووووووو هلا وغلا ومرحبا


شعول : هلا غناتي شلونج


ساره: أنا من سمعت صوتج وأنا بخير


شعول: فديتج والله حتى انا


ساره: شعولتي وش فيك


شعول: تعبانه ساروه ماأدري وشفيني


ساره: حلوه ذي ماأدري وش فيني... خير قلبي شيء مضايقج أحد مزعلج


شعول بتردد: أمممم جاسم


ساره: جسوووم شفيه رجع يتحركش فيك


شعول: ياليت إلا حاقرني......


ساره:؟؟؟؟؟؟؟؟ ... طيب مو هذا إلي كنتي تبينه


شعول : ماأدري ياساره بس هالشيء يضايقني ويوترني... وأنا هالأيام أحس النفسيه بالأرض


ساره: طيب شعولي وش رايــــــــك تجين مع حمود تجلسين عندنا إسبوع ولا إثنين ترى حتى أنا النفسيه مااااااااااش عالأقل لاجيتي بنستانس وتتغير نفسياتنا شوي


شعول: أخاف أبوووي مايرضى


ساره: تلحلحي نزلي كم دمعه على وجه أصفر ... وسوي نفسج تعباااااااانه من البيت وتبين تغيرين المكان شوي


شعول: بحاول وإن شاءالله يوافق


ساره: إن شاءالله



(أكيد تبون تعرفون السالفه)



السالفه ومافيها إنه بأحد الأيام قبل ثلاث أسابيع تقريبآ من هالمكالمه



في مجلس واحد من ربع جاسم



جالس ساهم ومهموم يفكر بحاله من بعد ماكان هوإلي مايبيهم جته إلي يبيها وماتبيه



راكان (صديق جاسم وغالي عليه حيل): جسووووووووووم


جاسم: هاه


راكان: هويييييييييييييت وش فيك ساكت


جاسم: مافيني شيء


راكان: عيني بعينك جسوم


جاسم: راكانووووووووووه فج عني مالي خلق


راكان : آفاااااااا والله ماخليك لين تقول وأنا راكان ولدك يابو راكان


جاسم: ياخي قد قالولك ان دمك ثقيييييييييييييييييييل


راكان :شفيك وأنا خوك قول وسر فبير


جاسم: آه ياراكان لو تدري وشبلاني


راكان: قول قول بسرعه كلي آذان صاغيه


جاسم: آه ياطويل العمر السالفه ومافيها........................إلخ


راكان : ههههههههههههههههههههههههههههههههههههههههههه


جاسم منفجع: وش يضحك فالسالفه


راكان :ماأصدق هههههههههههههههههههههههههههههه إنت جسووووووووم ههههههههههه والله وجاتك من تسنعك ياجسووووووووووم


جاسم: كر كر كر كر كر تصدق مت من الضحك...الشرهه مب عليك الشره علي أنا أشتكيلك


راكان : أسف والله آسف بس قووووووويه الصراحه ..


جاسم : منهي


راكان : إلي سافطتك


جاسم: سفطك إبليس قل آمين


راكان: آمين


جاسم وهو قايم من مكانه: أقول أنا رايح


راكان وهو يلحقه : على وين


جاسم: ماأدري


راكان: طيب خذني معاك


جاسم: حياك بسيارتي



مشوا لحد الكورنيش ((كورنيش الدوحه))



راكان بعد فترة صمت: جسوم انت تبيها من جدك ولا تنتقم منها عشان رفضتك ومااهتمت فيك


جاسم: شهاالكلام ياراكان هذي فكرتك عني


راكان : محشوم يااخوي بس هالسالفه مافيها لعب ...وانت لازم تتأكد من مشاعرك عدل عشان ماتظلم نفسك والبنت وياك... خذ الشور مني وأنا أخوك


جاسم : وشهو شورك


راكان: ابعد عنها فتره ولاتشوفك ولاتشوفها ..


جاسم: انتش تقول


راكان: خلني أكمل كلامي..... وإذا صار وشفتها فجأه سو نفسك ماكاانك تعرفها ولاحتى تدري بوجودها ...خلها هي والجدار واحد....


جاسم: رايك أسوي جذي


راكان: ايه منها لما تبعد بتتأكد من شعورك ...ومنها تشككها بنفسها وانك ماعدت تبيها...... وعاد البنات أكره شيء عندهم احد يحقرهم مايعبرهم بسالفه...


جاسم: صدقت ووووووووووي جان يموتون... هين يامشيعل أنا أوريج مااكون جسوم إذا ماعلمتج ...


راكان بإبتسامة مكر: هي حلوه مثل اسمها


جاسم: منووووووو


راكان: مشاعل


جاسم بغيره: لاتقووووووووووول اسمها... وبعدين انت من وين عرفته


راكان: ههههههههههههههههاااااااااااااااااي انت الي قايلي


جاسم ؟؟؟؟: متى


راكان : الله يخلف عليك أمحق اكره قوم بس قوووووم عشنا بواحد من هالمطاعم الحلو


جاسم: على هالخشم ...



وفعآ نفذ جاسم العهد ومشى على مبدأ الحقران يقطع ..... (( لكن هل سيبقى على وعده خخخخخخخخخخخخ))




بعدها بيومين قالت شعول لبوها وامها (( وعاد ماقصرت دموووووووووع ومناحه والنفسيه التعبانه ... والوزن يزل خلاص هيكل عظمي ..))


وبعد هالفلم الهندي وافق ... والشيخه ماضيعت وقت راحت تجهز أغراضها لأن حمد بيمشي بكره الصبح راجع للسعوديه...



وهي ترتب بالشنط



شعول: يوووووووووووووووه أبي أغراض من السوق ((ونزلت من غرفتها للصاله أدور امها))



يمااااااااااااااه ... يمه


أم حمد: هذاني قدامج ليه تصارخين


مشاعل: يمه أبي شوية أغراض من السوق


أم حمد: لازم


شعول: ايه لازم


أم حمد: طيب روحي لبسي عباتج وأنا بشوف الدريول



راحت شعووووووووووول ركض ولبست عباتها بعجله وانزلت ((نست انها لابسه بجامه)) (( كانت لابسه بجامه بنطلون أسود ستان مع تي شيرت سماوي فاتح))


شعول: يلا يمه انا جاهزه


أم حمد: جلسي مكانج الدريوليه محد


شعول: ليه وينهم


أحمد: واحد رايح لسوق الخضره والثاني ماأدريبه وين طاس


مشاعل بيأس: يعني يوم أبيهم ماأحصلهم



إلا وبجية حمد


حمد: السلاااااااااااااااام


مشاعل: هلا وغلا بولد اختي الغالي


حمد؟؟؟؟: هلا بخالتي وش هالترحيب الحار


مشاعل بإبتسامه: آفا عليك عاد كله ولا أهل السعوديه


حمد : لاداعي لاداعي أحرجتم تواضعنا يعني هالشيء عارفينه من زمان خخخخخخخخخخخخ


مشاعل: حمود فديتك ماتردني قل تم


حمد: تم


مشاعل: ودني الستي بشتريلي أغراض


حمد: ماطلبتي يلا


مشاعل: عااااااااااااااش الأخضر


حمد وهو يغمزلها : أكيـــــــــــــــد


مشاعل: أكيد ونص



((حمد ولد إخت مشاعل الكبيره إلي متزوجه واحد من عيال عم ساره ... وحمد بثالث ثنوي لكن ماشاءالله طول بعرض وهيبه تعطيه اكبر من سنه))




مشاعل



دخلت محل ........ للعطورات بتشرا شوية هدايا للبنات .... وطبعآ كانت معاي اللزقه (( منور الصغيره بنت إخوها)).. أما حمد فخليته بالمحل الي جنبه يجب أغراض لي طلبت يغلفها... توني ادووووور بالمحل إلا وشفته


(( أكيد عرفتوه خخخخخ)) كان مع واحد يتنقى بالعطور ... عاد الفضيحه ((منور من شافته )) طيررررررررررررررااااااااان لعنده



معطيها ظهره وماانتبه إلا للي تناديه



منور: عمي جاسم


جاسم وهويلتفت: منوور منو جايبج هني


منور ببرائه: جيت مع عمتي مشاعل


راكان وهو يضحك على هالفضيحه الصغيره: طيب إهي وينها عنج انتي ضايعه


منور: لالا هني


جاسم والقلب طبوووول: إهي هني


منور وهي تأشر: شوفوها هناك



جاسم وراكان طااااارت عيونهم عالمكان.....



شعول اول ماشافت منور تأشر ...لفت وعطتهم ظهرها ومسك عطر تشم ريحته (( يعني أنا أختارلي عطر ماأدري عنكم خخخخخخخخخ))


وهي فخاطرها


وييييييييييييييه وش هالفضيحه ...هين يامنور أوريج...يالخايسه الشرهه علي جايبتج ولاكان خليتج تنطقين بالبيت ...



عند الشبيبه



راكان : صراحه مالومك مستخف ياهي عليها عيوووووووووووون ماشاءالله


جاسم بغيره: لااطالع غمض عيونك


راكان : حشى لو عليك بتخليني أعمى (( ولف يشوف العطر إلي أختاره))


جاسم : تعالي منور انا بوديج عند عموه لاتخافين


راكان بمكر وبصوت واطي: بوديج عند عموه لاتخافين ... أونه بتوصلها من بعد المكان قول تبي تشوفها وتسولف وياها...



جاسم سفطه ومشى لمشـــــــــــــــــــاعل



بهالوقت دخل حمد المحل شايل الكيس وراح لمشاعل يكلمها



حمد: هاه خلصتي ولا تبيني أجيبك شيء.. ((وماكمل كلامه إلا وهالخانقه من رقبته))



((جاسم شاف حمد متجه لمشاعل وسمع آخر ثلاث كلمات ...حسبه مغازلجي))



جاسم بصوت عالي : والله لاأوريك يالجلب (( الكلب وانتوا بالكرامه)) يالي ماتستحي تغازل بنات الناس ((وبدى الضرب وتم افتتاح الهوشه))



راكان ((كأني أسمع صراخ جسوم)) ... ولف وياليته مالف ..


شاف جاسم خانق الرجال وبيتهاوش معه... رااااااااح ركض



مشاعل: جاسم هده أقولك هده ....هد حمد...


حمد: وخر ياحيووووووووووان


جاسم من سمعها تقوله هده وتنطق إسمه عصب زووووووود ...


وصل راكان


راكان: جسووم هد الريال خنقته


وحاول يسحبه .... وشعول من الجهه الثانيه تسحب ومعاها العامل بالمحل حمد ...



ويااااااااالله عقب حرب قدروا يفرقونهم



جاسم: هدني راكانوه خلني أأدبه وءأدبها بعد


حمد يوم سمع هالكلام عصب وحاول يفك أيدين العامل إلي ماسكه: وإنت من تكوووون ووش دخلك فيها


جاسم: آنا من أهلها


حمد: كذااااااااااااااب من عينك



شعول بعصبيه : بس إنت وياه... ولفت على جاسم بغضب ...


مشاعل: هذا حمد ولد إختي


وبعدها لفت على حمد: هذا جاسم إخو سعيد رجل وضحى



جاسم مصدووووووم ومتفشل: بس آنا ماقد شفتك حتى بالعرس


حمد بعصبيه: لأني ماحضرت العرس كان عندي إختبارات ...وتوني أقدر أجي



راكان بإحراج : السموحه إخوي ..إحنا شفنا الصغيره وحسبناها ضايعه..


وقال جاسم بيردها لأهلها...وشافك تكلم الشيخه عباله تغازلها


حمد: مسموح ((ولف على شعوووول منقهر)): تبين شيء ولا نطلع


مشاعل بحره ونظرات غضب لجسوم: لاء خلاص عفت المحل ... خل نطلع



وسحبت منور ومشت



راكان لجاسم: الله يفشلك زين جذي فشلتنا


جاسم بعصبيه: راكانوووووووووه ماني رايقلك ((وطلع من المحل والمجمع بكبره))



وراكان يلاحق جاسم وين مارا حوراه....


وهم في غمرة الدجـــــــــــــــــه بالسياره ...تكلم راكان اخيرآ



راكان: جسوووم هد وأنا اخوك والي صار يتصلح


جاسم: شلوووون انت ماشفتها شلون اطالعني ....نظراتها كلها حقد وكره


راكان: صراحه ماالومها انت فضحتها بالمجمع كله ...صراخك واصل لوووووووووووين


جاسم : غصب عني..انامن شفته جايلها ويكلمها حسيت بالنار تاكلني ...وبعدين انا شدراني انه بيطلع ولد اختها الي من السعوديه عمري ماشفته


راكان: حصل خير هد اعصابك ... وكل مشكله ولها حل


جاسم: مااظن ياراكان مااظن




من جهه ثانيه فيبت شوشو ((شعوله الحلوه))



حمد وهو معصب: هذا بأي حق يجلس يتفلسف ويصارخ ويفضحنا قدام الناس


خاله حمد: معليه ياحمد الرجال من نسابتنا ..وبعدين هو عباله انت تغازل عشان كذا هاوشك


حمد: حتى ولو ماله دخل ...هذا فضحنا بين الناس



مشاعل كانت جالسه ساكته وهاديه إلا لما



أم حمد: شفتي كله منج يالسوسه ...ماطرى فبالج السوق إلا اليوم


مشاعل: وأنا شدخلني انا ماسويت شيء رايحه أتشرالي أغراض حرااااااام



وراحت لغرفتها معصبـــــــــــــــــــه



اليوم الثانــــــــــــي فبيت جاسم


الساعه 10 الصبح



كان جاسم جالس مع أمه بالصاله إلا وتدخل عليهم وضحى بعباتها



وضحى: السلام عليكم


جاسم وأم سعيد: وعليكم السلام والرحمه


وضحى: صبحكم الله بالخير


أم سعيد: صبحج الله بالنور غناتي...إلا وين بتروحين على هالصبح


وضحى: بروح لأهلي يمه ..


أم سعيد: عسى ماشر ...أهلج فيهم شيء


وضحى: لاء فديتج مافيهم شيء بس إختي مسافره اليوم للسعوديه وبتم هناك فبروح أسلم عليها


جاسم قاط إذنه يتسمع ومسوي نفسه يتقهوى


أم سعيد: اتروح وترد بالسلامه...وأمج بتروح معاها


وضحى: لاء الغاليهبس إهي بتروح وبتم لحد عرس وحده من البنات هناك


أم سعيد: عيل بطول هناك


وضحى: ايه يمكن فحدود الإسبوعين



جاسم(( الله إسبووووووووووعين مره وحده ..)) خخخخخخخ بلاك ماتدري وش بيصير خخخخخ



وضحى: يلا الغاليه توصيني بشيء


أم سعيد: لافديتج إلا من بيوديج


وضحى: الدريول والخدامه


أم سعيد: لاوالله ماتروحين مع هالخبل مايعرف يسوق ((نسيت أقولكم وضحى حامل بالشهر الثالث)) هذا جسوووووم ماوراه شيء هو بيوصلج



جاسم تشقق من الوناسه والله وجبتيها يمه



وضحى: لايمه أخاف جاسم مشغووووول وأخره عن دوامه



((أمحق أي دوام الساعه 10))



جاسم: آفا يامرت أخوي ماعليج من الدوام ينطر ...يلا مشينا




فبيت أبو حمد (( بيت مشاعل))



أول مادخل جاسم بالسياره لحوش البيت ...لقى حمد يركب الشنط بسيارته


فخذاها فرصه يسلم عليه ويعتذر منه ...



وضحى سلمت على حمد ودخلت للبيت أما جاسم



جاسم : السلام عليكم


حمد: وعليكم السلام


جاسم: وش اخبارك


حمد: الحمدلله


جاسم بعقل: اسمحلي يااخوي على الي صار بس انتوا بحسبة اهلي وانا ماارضاها لكم ....العذر والسموحه


حمد: الي صار صار ...وهالشيء من طيبك وطيب اصلك


جاسم بفرح: يعني منت بزعلان


حمد: لايمكن كنت معصب شوي بس لوانا مكانك وشفت احد يتحرش بأحد من اهلي كان سويت مثلك .........




انتهت السوالف ... ومشاعل وصلت للسعوديــــــــــه


وتغيرت الأجواء...الحزن قلب فرح ... والتكشيره اقلبت إبتسامات عريضه..



كل يوم طلعه وتمشيه ووناسه طول النهار... وبالليل سهرات وضحك وخبال...



وفي احد الأيام وفي جمعــــــة البنات وبعد إسبوع بالتحديد من وصول مشاعل



الساعه 3 الفجر


ضحى : أنا جوووووووووعانه


الكل : حتى احنااااااااااااا


في: طيب نطلب من المطعم


نور: بس خلاص لاعت كبودنا كل يوم مطاعم ... وش رايكم نسوي مكرونا بالبشميل


البنات: الحيــــــــــــــــــن بهالليل


نور: وش فيها عادي


ساره: شدعوه


نور: عااااااااااااااااادي ماورانا شيء


البنات: اوكي يلا



ودخلووووا المطبخ ...وخلصت المكرونا على الساعه 6 تقريبآ



كلوا وشبعوا ((جعله بالعافيه )) وعلى الساعه 8 نامو الكل ماعدا ساره ومشاعل



ساره: مافيني نووم


مشاعل: حتى انا


ساره: طيب خلينا ننزل تحت نسولف عشان مانزعجهم


مشاعل : يلا



نزلوااااااااااا وانخشوا بوحده من الغرف



ساره: شعولتي


مشاعل: ياعيونها


ساره: يلاق وليلي وش الي صارلك مع جسوم


مشاعل: يووووووووووه وش اقول وش اخلي


ساره: الله السالفه شكلها تونــــــــــــس


مشاعل: ايه معليه ...اسمعي .........................ولما شفته بالـــ................................ وجاء لعندي...........................



ساره: وللللللللللللللللللل زين مادفن حموووووووود بمكانه مسكين


مشاعل: صدقتي


ساره: ياحياتي قالب عنتر بن شداد


مشاعل: سكتي انتي لو تشوووفين شكلي ...ياربيييييييي ...من الفشيله وانا امشي أحس الناس كلها اطالعني .... ماشيه سيييييييده وعيوني فالأرض


ساره: هههههههههههههههه مايسوى عليج


مشاعل: خليها على الله طاح وجهي


ساره: ايه بس هالحركه إلي سواها لها معنى


مشاعل: وش معناها حضرة المحلله النفسيه


ساره: الغيـــــــــــره


مشاعل: الغيره


ساره: ايه شعولتي جاسم يحبج ويغار عليج حرام تضيعينه من ايدينج... ((وبنبرة حزن)) لاتسوين مثلي ..ترا بتندمين بعدين


مشاعل: أنا محتاره ياسوير ماادري وش اسوي


ساره: انتي تبينه


مشاعل: انا مو بس ابيه انا أكتشفت اني احبــه


ساره: خلاص لاتضيعينه منج


مشاعل: شلووووووووووووووون


ساره : بسيطه إذا خطبج لاترفضينه


مشاعل: وإذا ماخطبني ...يكفي إني رفضته من قبل


ساره: بيخطبج بيخطبج إن شاءالله ...صدقيني جاسم يحبج ويبيج


مشاعل: الله يسمع منج


بعــــــــد إسبوعين زيد وفهد رجعووووووا لديار الوطن



والـ يوووووم زواج عهود وبعدها بإسبووووع بيكون زواج زيد والريم



في فندق.......... القاعه الرئيسيه


الساعه الـ8 مساء



سمــــــر



دخلت القاعه ..أمشي ورا أمي وأنا خطوه قدام وخطوتين ورا خايفه ...خايفه ...ماأدري شلون بيستقبلوني ...وفهد ..آه يافهد لما يشوفني ..بيحس فيني وبيحس بالتغيير إلي صارلي... يارب يارب أنا تبت إغفرلي ..وإرحمني... يارب عفوك... سهل لي شوفته وخله يسامحني ...مالي غيره ..يااااااااااااااااارب يسامحني ...والله لأصيرله مثل الخدامه تحت رجلينه




وصلت لمرة عمي وبنت ...سلمت عليهم وشفت نظراتهم لي ..نزلت عيني للأرض وجلست على أقرب طاوله...



شوي وبديت أتمالك نفسي ...مشيت بخطوات ثقيله ومتردده...



سمر: عمتي وين عهووود أبي أسلم عليها


أم فهد : عهود بالجناح فوق


سمر: كم رقم الجناح بروحلها


أم فهد : جناح رقم 5



مشيت وتركتها وتوجهت للدرج الخلفي تغطيت ورقيت للدور الثاني ...


اوووف وش ذا الدرج ..شلون بتنزل معه عهود بفستانها حرام يمكن تتطيح..



وصلت لباب الجناح



طق طق طق طق





ساره



الدنيا معفوووسه بجناح عهود كل الشلة متواجده ..إلي ترتب المسكه ..وإلي تتمكيج .. وإلي تلبس ...و...و....و



كنت أنا رايحه أشربلي مويه من الثلاجه ... وسمع دق عالباب وبما إني أقرب وحده للباب .... رحتله



ساره: ميـــــــــــن


صوت إنثوي ناعم: ممكن أشوف عهود



فتحته ...وشفت غريمتي قدامي ..وانفجعت بشكلها ...صايره قمه في الإنوثه



تحسرت على شكلي بيني وبين نفسي ((كنت لابسه بنطلون جينز مع تيشيرت أسود عادي وشعري ملفلف بالرولات))




سمر: السلام عليكم


ساره: وعليكم السلام هلا حياك


سمر بشوية إحراج: ممكن أسلم على عهود


ساره: تفضلي إرتاحي هي مشغوله ألحين بالتسريحه ((جلستها بالصاله الصغيره للجناح))


سمر: لاانا مابي اطول خلاص سلميلي عليها


ساره: لالا إنتظري ثواني بس ...



ومشيت للغرفه الموجودين فيها البنات



ساره: عهود سمر ((وبغصه)) زوجت خالك بره تبي تسلم عليك


عهود بصدمه: مين


ساره: سمر


عهود بغضب: قوليلها مابي أسلم عليها



رحت وجلست عندها وبكل هدوء



ساره: عهود عيب عليك اليوم زواجك والبنت جايه تسلم عليك إحشميها على الأقل عشان جدك ((مابغيت أقول خالك عشان مااحرق قلبي زود))


عهود: طيب خليها تدخل



ثواني ورجعت للغرفه معاي سمر ...سلمت على الكل ...و



سمربعد مانتبهت لفستان عهود المفروش عالسرير: ماشاءالله ياعهود الفستان شكله روعه وأكيد أنتي بتحلينه زود..الله يوفقك حبيبتي تستاهلين كل خير


عهود بدون نفس: مشكوره هذا من ذوقك



جلست سمر شوي وبعدها انزلت مع البنات ومابقى إلا عهود ومشاعل وضحى وساره



بعد ماخلصوا كلهم من المكياج


ساره وهي تناظر للساعه: يؤ يؤ تأخرنا لازم ننزل للقاعه أنا بروح ألبس


وبعدها ننزل أوكي



ضحى: أنا بجلس عند عهووود وبنزل معها حرام أخليها بروحها على الأقل عشان أساعدها باللبس


مشاعل: خلاص أنا وساروه بننزل وبنرجع وقت الزفه



ساره راحت لغرفة الملابس عشان تلبس الفستان



بهالوقت إندق باب الجناح وهالمره شعول هي إلي راحت تفتح



شعول: من


: أنا فهــــــــــد


شعول لحظه شوي


وطيراااااااااااان للغرفه


شعول: عهود خالج عند الباب


عهود: فديته خليه يدخل


مشاعل : وإحنا


عهود: إنتوا جلسوووا هنا بالغرفه وأنا بطلع أسلم عليه


شعووول : طيب روحيله بسرعه مسكين قاعد بالحر



((الكل راح عن باله ساره المسكينه وإلي ماتدري من إلي بالصاله))




بغرفة الملابس




طلعت الفستان ولبسته بكل هدوء وروقان عشان ماأعفس قماشته الناعمه



وجلست أتأمل بنفسي وبمكياجي الرايــــــق



فستاني كان بلوووون أحمـــــر صارخ مع شرايط ستان ذهبيه تنلف حول الرقبه والصدر ..وبعدها مثل الكلوش البسيط ....أما الظهر فكان مفتووووح بس فيه حركات بسيطه ونعومه بسيور ذهبيه...كان مبين رشاقتي بشكل ملفت للنظر... جلست متردده ..أنا أول ماشفت اللون دخل مزاجي ...رغم إنها تعتبر مغامره مني .. كان الفستان قمه بالنعومه والأنوثه لكنه جريئ باللون الناري وشوي يعتبر عاري ....


وبعدها جلست أدقق بمكياجي ..كان هادي حيل...


شدووو ذهبي مع أحمر بسيط عالأطراف مع لون العدسات الرمادي إلي لابستها معطي عيوني لمعه غريبه خخخخ ماعرفت نفسي...بس إلي فاقع فيه هو لون الروج الأحمر الصارخ مع اللمعه الذهبيه البسيطه..



بعد تدقيق عميق وتفكير أعمق قررت أطلع وأستكشف راي البنات



فتحت الباب وشوووت للغرفه وماالتفت لأي مكان بس قبل ماأدخل الغرفه وقفت شوي قبال المرايه الكبيره إلي بجنب الباب..



جلست أعدل الفستان شوي وقلت مره وحده خلني أفك الرولات الباقيه من شعري.. ((يعني ماخذت حتى دقيقه ولا دقيقتين))



بعد ماإنتهيت من هالمهمه جلست أنفش بشعري شوي عشان يصير أحلا



بعد ماتأكدت من شكلي دخلت الغرفه وأنا محوله بسبب العدسات (( لأن مثل ماتدرون نظري ضعيف شوي ولما ألبس عدسات ماأركز عدل))




في الصاله



فهـد بعد ماسلم على عهود ودقها سوالف ..طلع وعهود راحت للغرفه ..وتوه بيفل الباب وراه ويتذكر جواله على الكنبه بالصاله ...رجع دخل وجلس يدور عليه مالقاه... جلس على الأرض وطل تحت الكنبه ولقاه ..توه رافع راسه ..إلا ويشوف هالغزال الأحمر ... جلس خاااااااااااق ...متنح ...مفهي.. كل الكلمات بقاموس المفردات بالعربيه أو العاميه ...ماتقدر توصف حالته..كان طايـــر بالسماء يتخيلها ويتخيل الدنيا بكبرها بلون أحمر..



بعد ماحس بنفسه ومكان جلسته الغلط على الأرض قام وطلع ووقف عند باب الجناح... يحاول يهدي من هالمشاعر والأحاسيس إلي إجتاحته مثل الطوفان الأحمر(( خخخخخخخخخخخخخ))



شوي ويحس بالباب ينفتح إلتفت وإلا ثنتين طالعين من الجناح بعبيهم والشيال مرميه على وجيههم ((خخخخخ كانوا متغطين بغطا شفاف بس من إنتبهوا لفهد ثقلوها شوي وهم يمشون كانت أطراف الفساتين تطلع من تحت العبي))



ساره أنا من شفته وأنا القلب يرقص سامري



فهد عرف إنها وحده منهم: السلام عليكم


ساره ((خخخخخخ قلبت البطل الصامت))


مشاعل بإحراج: وعلي...كم ..السلام


فهد: نازلين للقاعه


ساره بصوت واطي: إيه


فهد ((فديت هالحس والله)): طيب أنا بوصلكم


مشاعل: لاماله داعي مانبي نشغلك


فهد وهو يطالع بساره: حتى لو مشغول أفضالكم


مشاعل بققت عيونها ((أمبيه هذا جريء)): طيب أنت أمش قدامنا وإحنا وراك



ألحين جت الطامه الكبرى الدرج ...أول مافتحلهم فهد الباب المؤدي للدرج


لف عليهم وإستغرب وقفتهم ...



ساره تساسر شعول(( ياويلي نسينا الدرج وهقه شلون بنشوف الدرج نوره بسيط أنا خلقه النظر لك عليه بعد لابسه عدسات))


شعول((صدقتي لوكان فهد مو ويانا كان كشفنا ونزلنا))


ساره(( طيب والحل)) مامداها تكمل كلامها إلا وفهد عندهم



فهد : وشفيكم


البنات تنحوووووووا


فهد: شفيكم ناسين شيء


مشاعل ((جانا الفرج)): إيه خلاص روح أنت وإحنا برجع للجناح نجيب الغرض وننزل


فهد: لاخلاص أنا بنتظركم هنا


ساره ((ياويلي وش ذا النشبه ماخبرته كذا)): لاخلاص روح انتم مانبي نأخرك


فهد وهو بدى يشك بالموضوع : لاعادي مافيه أي تأخير


بعد فترة صمت كانت لمدة ثواني


ساره بشوية جرأه: فهد


فهد ((لبيه)): آمري


ساره: مايامر عليك عدو ..بس إحنا ...وسكتت


فهد: شفيكم ((مصمم الأخ))


ساره: ماراح نقدر نزل مع الدرج وإحنا متغطين ((الأخت فلتها خلاص تأخروا بمافيه الكفايه))


فهد بعد مافهم الموضوع: خلاص أنا بنزل قلبكم وإنتوا خلكم وراي ..ماراح ألتفت ((بإبتسامه))



ومشوا للدرج نزل فهد وبعده ساره ومشاعل ...


وهم ينزلون رافعين الغطوه شوي عشان يقدرون يشوفون ...والدرج كلما له يضيق ...فصار ترتيبهم



فهد....... ساره......مشاعل ...مشاعل وهي تنزل داست على طرف عباية ساره ((وتوها بتنبها إلا وبصوت شهقتها))



فهد لف على طووووووووول من سمع الصوت وماحس إلا باللي طاحت بين يدينه... وتمسك فيها بكل قوته عشان مايطيحون سوى...



بدون شعور ومن إحساس اللاوعي إنها بين يدينه ضمها بكل قووووته وهمس بإذنها كلمه وحده ...خلتها ترتجف لآخر عرق بجسمها



فهد بهمس ((أحبك))


ساره رفعتله عيونها المصدومه ((من تأثيرات الطيحه إن الغطى صار عالأرض))


ساره بصوت هامس: فهد


فهد: ياعيونه


ساره ومع إحساسها بهااللحظه تمسكت فيه بالقوه ودفنت وجها بصدره ...رافضه تنهي هاللحظات ...



مشاعل كانت مفهييه ...ومع إيستيعابها للموضوع ..


مشاعل: سارووووووه وخري لاحد يطب علينا



ساره وفهد مع سماعهم لصوت مشاعل ..إبتعدوا عن بعض بسرعه


ساره رمت نفسها بحضن مشاعل تحاول تصيطر على نفسها المنهاره


أما فهد فنزل الدرج بسرررررررعه وطلع من المكان



ساره وهي تجلس على الأرض خلاص ماعادت تتحمل الوقفه زووووووود


ساره: أحبه يامشاعل والله أحبه وهو يحبني


مشاعل وهي تضمها: أدري حبيبتي خلاص إهدي


ساره: وشلوون أهدا وأنا أحس بالسكاكين تقطعني


مشاعل: ليه انتي المفروض تفرحين مو يصير هذا حالج


ساره: أفرح ...وشلون أفرح وأنا عارفه إنه ماراح يكون من نصيبي ..وشلون أفرح وأنا أتذكر إنه متزوج ..قوليلي وشلون أفرح ..وبدت الدموع تنزل من جديد



بعد ماهدت شوي ساعدت مشاعل ساره إنها توقف ورجعوا للجناح عشان ساره تعدل مكياجها بعد ماخرب شوي


أول مادخلو الجناح



ضحى: وشفييييييييييك سارووووه وش صاير


مشاعل وهي تساعد ساره إنها تجلس على الكنبه: ماصار شيء بس طاحت مع الدرج وتعورت شوي


ضحى :بسم الله عليك عسى ماتعورتي


ساره بصوت حزين: لاالحمدلله بسيطه



ونادوا الكوافير عشان تعدلها المكياج



ومن بعدها صار وقت زفة عهووووود فنزلوا كلهم سوى


أما فهد إلي كان ينتظرهم عندالباب إنفجع بشوفة ساره ((عرفها من طرف فستانها)) هو توقعها بالقاعه ...



عهود بنص الطريق للدرج: خالي مافيه طريق ثاني أقدر أنزل منه الدرج طوووووويل وضيق وأخاف أطيح



فهد بعد تفكير: فيه الأصنصير بس الطريق طويل و كذا بنظطر نمر من وسط صالة الفندق


ضحى بعجله: عادي بس أهم شيء ماننزل مع الدرج



((أما مشاعل وساره كانوا ساكتين ويتبادلون النظرات))



ركبوا الأصنصير وكانت نظرات فهد ماتنزل من على ساره لدرجة إن الكل كان حاس فيها ... وساره من الإحراج كانت عيونها على الأرض



وهم يمشون كانت مشاعل وضحى يساعدون عهود برفع الفستان أما ساره فكانت تمشي من جنبهم ووراهم فهد...



عاد مايحتاج أعلمكم ...الصاله كانت مليانه شباااااااااااب .. ومابقى تعليق مارموه...



لدرجة إن ساره داست على طرف عباتها وبغط تطيح بسبب واحد من هالتعليقات ...



فهد : بسم الله عليك فيك شيء


ساره بصوت واطي: لا لامافيني شيء بخير



وأخيرااااااااااااا وصلوا للباب الخلفي للقاعه ...


وبعدها تمت الزفه على خير ... ودخل المعرس ..والزحمه كلها من زفته إلين تقطيع الكيك وروحت المعاريس لجناحهم...



بعد نهاية الزواج وعلى حدود الســـــــــاعه 4 ونص الفجر ...


مابقى بالقاعه إلا الأهل ... يرتبون أغراضهم وحاجاتهم بعد عفسة الزواج..


وبعد ماخلصوا بدووا يطلعون عشان يتوزعون بالسيارات للرجعه لبيوتهن..



كانوا ساره ومشاعل وضحى طالعين من باب القاعه الداخلي ومارين بالصاله عشان يلعون من الباب الرئيسي إلا ويشووفووووون


فهد


كنت جالس أنتظر أمي سرحاااااااااان ومبتسم أفكر بالأيام الحلوه الجايه..


وماإنتبهت للي جايه جهتي بلا غطوه ولاحتى عبايه ((يقوولون تبي تغريه خخخخخخخخخخ))



سمر: السلام عليكم



رفعت عيوني وبكل بروووود عشان القاعه المليانه من أهلنا مالها داعي الفضايح: وعليكم السلام


سمر بعد ماجلست جنبه: الحمدلله على السلامه فهد


فهد بدون نفس: الله يسلمك


لف عنها بوجهه وإنتبه لساره الواقفه بعيد شوووووي ونظراتها تطلع شرااااااااااااار...



ساره بعد ماحست على نفسها ....شووووتت للباب وضحى وعهود وراها...



فهد فز من مكانه بيلحقها إلا وسمر تمسك إيده...فك إيده بقوه


فهد والشر يطلع من عيونه: لاتلمسيني


سمر وبعيون مليانه دموع: فهد أنا آسفه سامحني أنا تبت وتغيرت صدقني أنا تغيرت عشانك


فهد: أسفك لك ...والتغيير مايهمني ..


سمر :بس أنا أحبـ


فهد يقاطعها: لاتنطقين هالكلمه على لسانك لأنها ماراح تنفعك إنا وإنتي خلاص مانصلح لبعض وورقة طلاقك بتوصلك بأقرب وقت



بعد خطوتين وبعدها لف



فهـد: سمــــر إنتي طالــــــــــــــــق



ومشى وتركها مستعجـــــــــــل يبي يلحق ساره ويشرحلها الموضوع ويفهمها إنه بيطلق سمر ..بس للأسف تأخر ومالقاها..



فهد (( ياقلبـــــي ياساره أكيد زعلت من شافتني معها ...بس كل شيء بيتعوض ...كل شيء يتعوض ياغلاي وبأقرب وقت))




أقول إنسى تمر ذكراي بلحظة شوق لأيامك...أنابنساك وإسمحلي محيتك من قناعاتي


محيت إسمك ونظراتك وكل مرسوم من رسمك...محيتك لحظة إلي كنت تايه في معاناتي


فعيني كنت نور الشمس وأثاري شعاعك سهامك... سهم غدرك طعن قلبي وتشهدلك إصاباتـــــــــــــــــــــي.....



((رحلــــــــــة ألم ))









رد مع اقتباس
قديم 06-06-2013, 05:47 AM   رقم المشاركة : 38
:: رومانس مون متفوق ::
 
الصورة الرمزية اميرة





اميرة غير متواجد حالياً

اميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond repute


رواية أقول إنسى تمر ذكراي / للكاتبة : رحلة ألم ، كاملة







بعد إسبووووووووووع


وأخيرآ زواج الريم & زيــــــــد



بجناحها بفندق .......



جالسه وتنتفض من الروع ...



بووووووووووووووووووووووووووو



الريم : يممممممممممممه


ساره & ندى &ضحى & مشاعل: هههههههههههههههههههههههههههههه


يالخوافه


الريم: بسم الله طيرتوااااا قلبي حرام عليكم وأنا مانيب بناقصه


ندى: أحلا الرييييييييم وش ذا الحلا وش هالكشخه ناويه على زيووووود مسكين


الريم بخجل: ندووووووووووش خليني بحالي لاتحرجيني


ساره: يلا مناك أنتي وين والحياء وين


الريم بقهر: ليه شايفتني فاصخته مره وحده ولا ملسوووووونه لساني يطول أذاني


البنات: خخخخخخخخخخخخخخخخخخ دام هذا مودك الله يعينك يازيد


الريم: بسكم عاد تر ى والله أصيح


ساره: لالالالالالالالالا كله ولادموعك أخاف ينتفنا زيد


الريم : تستاهلون وأنا إلي بعلمه عليكم أمحق صديقات


ندى: ولأن إحنا صديقاتك جينا عشان نساعدك بالزفه...



وإنزفت الريم على إغنية تركي ((ألف بسم الله ....



ألف بسم الله عليها ...الحلا منها وفيها...نورت بدر البدور...والغلا شمعه بيديها...ياهلا بالزين كله...ماخلق بالناس مثله...جامعه كل الصفات ...كامله والكامل الله...... أنا أقول النور هذا ...ياربي منين جانا..أثرها الزينه حضرت ..وأنورت قمره بسمانا...مثلها مافيه أصلا الحسن فيها تمكن...


بس هذي من تجي المحال يصير ممكن...))



جلست على الكوشه إلي عباره عن عربة سندريلا ...



كلها نص ساعه وإنزف بعدها المعرس ... وكانت زفته مفاجأه...



قصيده قمممممممه بالروعه مكتوبه فيه وعلى إسمه من حبيبة قلبه الريم..



كان يمشي على الممر وبكل خطوه يسمع أحلا كلام ... وأحلا قصيد ..كانت الدنيا مي شايلته من الفرحه ...ماهموه الناس ولاباقي الدنيا ...مايهمه إلا شخصية هنااااااااك ...جالسه على كرسي وفستانها الأبيض منثووور حولها ..


كأنها وردة جوري بوسط عقد لولو ...غالي ..عمره ماراح يفرط في هالورده لو تكون حياته الثمن....



بعد سنه من هالأحداث الحلووووووه ...وتحديدآ بآخر يوم إمتحانات..


يوم الثلاثاء الساعه 10 ونص


رجعت ساره تعبانه ومهدووود حيلها... دخلت لغرفتها



خلاص اليوووم أنتهت الدراسه وأيامها ...وبتبدى حياة جديده مايندى تكون حلوه ولا شينه...


رمت نفسها على السرير وجلست تتذكر بلمحات بسيــــــطه أحداث هالسنه السريعه...



ريووووووووومي ومن بعد زواجها ألحين حامل بالشهر الثاني


وشعووووووول خطبها جاسم وزواجها كان قبل شهرين


وندووووووش خطبها ولد خالتها من بعد ماشافها وحبها وحبته


ونايف تزوج وحده من جماعتهم وجابتله ولد مثل القمر


وحياااااااااااااتهم كلها عسل بعسل الله يتمم عليهم


وإنتي ياساره ...


أنا مثل ماأنا ماتغيـــــــــر شيء بحياتي...


طيب وفهد



فهد آاااااااااااااااه يافهد ...له أكثر من 6 شهووووووور من طلق سمر ولحد ألحين ماتحرك خطوه وحده يثبتلها فيها إنه لحد ألحين يحبها ويبيها..



يمكن ندم إنه تسرع وطلق سمر...ولايمكن نساها ...ولا يمكن ..ويمكن...



مع زحمه هالأفكار المشوشه ...ماحست بنفسها إلا والنوووووم غالبها..




وماصحت إلا باليووم الثاني على صوت الجوال ...نغمه معروووفه ((الريم))



ساره بصووووووت مليان نوم: هلا وغلا بالماما كيف الحال


الريم: هلا حبيبتي نايمه


ساره: كنت كم الساعه ألحين


الريم : 4 العصر


ساره: يوووووه بدري خليني أنام ألحين وبرجع أكلمك بعدين من جيت من الإمتحان وانا أحس حالي مهدووده


الريم: ياقلبي عليك أكيد الإختبار كان صعب أمس


ساره : لاأمس كان سهل بس اليووووم كاااااان مووووووووووووت صعب


الريم:؟؟؟؟ ساروه اليوم ماعندك إمتحان وشفيك


ساره بفهاوه: ليه اليوم وش


الريم: الأربعاء


ساره: ووووش يعني أنا نايمه من أمس ولاأحد صحاني


الريم: خخخخخخخخ أكيد قافله الباب وماتحسين بالدنيا


ساره :يمكن


الريم: طيب بخليك ألحين بس أول ماتصحين كلميني أوكي


ساره: أوكيك يالماما المستقبليه... سلام



ورجعت نااااامت لحد الساعه 7 بالليل



بعد ماحست نفسها نامت عن سنة لقدااااااااام نزلت متوجهه للمطبخ بتمووووووووووووووووت من الجوع



وهي بطريقها للمطبخ شافت أبوها سلمت عليه وتوها بتمشي



أبوناصر: على وين حبيبتي


ساره: بروح للمطبخ جوووووعانه من أمس ماكلت شيء


أبوناصر: طيب لاخلصتي تعاليلي المجلس أبيك بموضوع


ساره وهي متفاجأه: إن شاءالله



بعد ماكلتلها كم ساندويتش مع كاس عصير...راحت للمجلس وكانت المفاجأه



أبوناصر: ساره يابنيتي ...إنتي مره كبيره عاقله وفاهمه ..وفيه رجال ماينعاب متقدملك ...هو خطبك مني قبل فتره بس أنا قلتله ينتظرك هالشهرين لين تخلصين هالسنه وتتخرجين على خير...


ساره :بس يبه أنا


أبوناصر يقاطعها: يابنتي أنا مو دايم لك طول العمر ...وفهد ماينعاب وانا أخرت بالسالفه لبعد إمتحاناتك عشان مايكون عندك عذر... والحين الدراسه والحمدلله خلصتيها...أبيك تفكرين زين وتستخيرين بالموضوع...


ومهما كان ردك أبيك تعرفين إني ماراح أغصبك...



ساره



من سمعت أبوي يقول إسم فهد وأنا ضعت بدنيا ثانيــــــــه ماأسمع فيها إلا دقات قلبي...



وكلمه وحده يتردد صداها بعقلــــــــــي...



وأخيـــــــــــرآ



رجعني صوت أبوي للواقع



أبو ناصر: يابنتي أنا مودايم لك ومايرضيني أشوفك على هالحال ...إبيك تفكرين بنفسك وتعيشين حياتك ..و..



قاطعته بسرعه: بعد عمر طويل يبه وإلي تبيه بيصير...أنا موافقه على فهد



أبوناصر والفرحه بدت تملا وجهه: على خير إن شاءالله بس أبيك تستخير أول وبعديت تعطيني رايك ..


ساره: إن شاءالله...




بعد إسبوعيــــــــن مروا مثل الساعتين وتحديدآ



بيوم خميس ...ملكة ساره & فهـــــــد



ساره



جالسه بالجناح حقـــي والكل حولي..



أحس الدنيا مو سايعتني من الفرحه ...خلاص وأخيرآ ساره لفهد وفهد لساره.. ماني مصدقه أخاف أكون بحلم ...وأصحى على كابوووووس...



يارب تمم كل شيء على خير...



ضحى: يلا سارووووووونه الدفتر وصل ...ورينا توقيعك الحلو..



مسكت القلم وأنا أرتجف ..ووقعت أحلا وأجمل توقيع بحياتـــــي...



وسط فرحات البنات وصراخهم وتبريكاتهم لي....



الكل: مبرووووووووووووووووووووووووووووووووووووووووووووك



البنات :يلا ساره عشان تنزفين ...


ساره: طيب بس شوي


البنات :لالا يلا لازم تنزلين



ألقيت نظره أخيره على شكلي



((كنت لابسه فستان بلووووون الفيروز الغامق بخطوط فضيه بسيطه قصير لتحت الركبه من قدام وطويل شوي من ورا مع جزمه فضيه سيور للركبه.. وفاتحه شعري إلي صار يوصل لنص ظهري بس مرفوع بحركه بسيطه من قدام مزين بتاج فضي صغيرون...ومسويه مكياج ناعم وهادي بس القوه بالروج الفوشي ...))



جلست أتأمل وأقول بنفسي ((حسافه فهد ماراح يشوفني بهالكشخه والحلا...أمممممم ياليتني ماحرمت عليه إنه يدخل ويشوفني...آاااه المشكله إني تعقدت من ملكتي الأولى...يلا معليه كلها كم شهر ويشبع من شوفتي... بس إلي مستغربه منه هو شلون وافق بهالسهوله ...ممممم غريبه ))




نزلت على الدرج وكان زفتي لمطربي الرائع راشد




((


من ألف ليلة وليلة هذي الليله ...فيها الحبايب سوى ..هي أحلا ليله ...حلوه وجميله... قلبين حب ووفاء ...خل وخليله ...يلا نغني يلا ..ونضوي الليالي...ونزف الغالي والله وإيده بيد الغالي...زهر المداين غنى لحلمي ووحلمه أحلا غنوه... حلمي تلاقا بحلمه وحقق كل أحلامه ...ربي يسعده فيها ويسعد كل أيامه..



حلوه الليله وأحلا ليلة ....ليلة قلب وليلة عين ..حلمي وحلمه في هالليله ...أجمل وأحلا وأغلا إثنين... يلا بشوق وحب نغني للعرسان ...ونخلي الأيام تغني وتزف الحب لكل إنسان.... ))



كنت أمشي بكل هيبة وهدووء ...وأنا من داخلي ودي أغني وأرقص وأملا هالدنيا من فرحتي...





جلست على الكوشه إلي صممتها بنفسي وأبرزت فيها كل حبي وفرحتي للحياه الجديده إلي ببداها من اليووووم ...من بعد سنين الشقاء.. والعذاب




كنت أطالع الكل وهو فرحان ...وكانت عيوني تلمع بالفرحه والشكر لهم ..


لأنهم يشاركوني أجمل لحظات حياتي ...



جلست بحدووووود الساعه بعدها جت عهود



عهود: ساروووونه قومي للمجلس عمامي بيسلمون عليك


ساره: لاعهود ماأقدر


عهود: ليه


ساره: فستاني عاري مره أستحي أطلع قدامهم كذا وبدون شال مايصير


عهود: يابنت الحلال عااااااااااادي حلال عليك هم موغرب


ساره: ولو مايصير


ضحى: أقوووول عهود إنتي معطتها وجه سحبيها وقوميها ...وهي تمسك يد ساره...يلا أشوف قدامي



وقدام باب المجلس



ساره: لالالا


مشاعل وشبه إبتسامه مكر مرسومه على شفاتها : سارونه صدقيني الفستان عادي بالعكس هالشيء بيعجبهم...


ساره بإستغراب: أنتوا شكلكم إنهبلتوا..



البنات : لالا ماانهبلنا إدخلي وفكينا ...



فتحوا الباب ودفوها لداخل المجلس وقفلوه وراها



ساره بدهشه وهي تناظر جهة الباب: ولللللللللللل شوي شوي على باب بيتنا



جاها صووووووت من طرف المجلس: لاتخافين ماراح يصير فيه شيء



من سمعت الصووت وهي ترجف من أولها لآخرها...



فهد: ساره



لفت بسرعه ...وتنحت لما شافته ..كاشخ بالثوب الأبيض والشماغ ...


جلست ثواني متنحه..



وهو الإبتسامه مرسومه على شفاته: ماودك تسلمين علي



بعد إستيعاب الموقف ...إنحاشت للباب تحاول تفتحه ..لقته مقفووووووول ..



مشى لحد ماوصل عندها .. ومسها بين إيدينه ولفها..



فهد: ليش خايفه ...((والإبتسامه كل مالها وتتوسع)) أنا ألحين زوجك ..يعني إنتي حلالي ((ويغمزلها بعينه))


وسحبها وجلسها معه على أقرب كنبـــــــه ..ومسك إيدينها بيدينه..



فهـــــد بكل إحساس: يااللـــــــــه من متى وأنا أنتظر هاللحظه



ساره من جلست مالها لاحس ولاصووووت سكووووووووووون..



فهد يبي يقهرها: أقووووول سارونتي


ساره بخاطرها ((لبيه ياقلب وروح وحيات سارونتك))


فهد: من دخلتي مالك حس لايكوووووووون بلعتي لسانك ...أشوف وريني



ساره تخزه بنص عين:......


فهد: آخ لالالا خلاص نسحب الكلمه ..كله ولا هالعيون ...((ويغني)) أنا دخيلك يالعيون السوووود..


ساره بدلع: بس أنا عيوني مو سود


فهد وهو يقرب منها : أدري وهالعيوووووون إلي جننتي


ساره: بس عيوني


فهد : لا كلك على بعضك عذاااااااااااااب ذبحتيني .... أحبك وحبك ذبحني وملكني ...آه يااني تعذبت بفراقك ... وكله كووووووم وعذابي لما صرتي لغيري..


ساره بحب: بس أنا ل كلك إنت وبس وماابي غيرك ولاراح يفرقني عنك إلا الموت..


فهد : توعديني ..


ساره بكل رقه ونعومه :



عشقتك كلمة توصل لآخر جزء بعظامك ...تبللها عروق الحب تنورلك مساراتي


عطيتك حبي العذري هدية حب لأيامك...تحفظه في خفوق صار لدروبي متاهاتي


نظرتك لحظه وحسيت تتيه نفسي بإغرامك... كتبتك شعر وأبياته تسطرلك مهاراتي



أحبـــــــــــــك وراح أبقى أحبك لآخر يوم بحياتي ..فهد إنت


نبضــــ عروقي ـــــــك


فهد: آااااااااااااه ياقلب وروح ونبض فهد..




تمــــــــــــــــــــــــــــت






رد مع اقتباس
قديم 06-06-2013, 05:48 AM   رقم المشاركة : 39
:: رومانس مون متفوق ::
 
الصورة الرمزية اميرة





اميرة غير متواجد حالياً

اميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond reputeاميرة has a reputation beyond repute


رواية أقول إنسى تمر ذكراي / للكاتبة : رحلة ألم ، كاملة









رد مع اقتباس
قديم 29-08-2017, 07:37 PM   رقم المشاركة : 40
:: رومانس مون متفوق ::





Wail ameen غير متواجد حالياً

Wail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond repute


رد: رواية أقول إنسى تمر ذكراي / للكاتبة : رحلة ألم ، كاملة


موفق بإذن الله ����������لك مني أجمل تحيه







رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة









الساعة الآن 01:11 PM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون