صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة






الرجاء استخدام خاصية البحث أدناه للبحث في الموقع:









إضافة رد
 
أدوات الموضوع إبحث في الموضوع انواع عرض الموضوع
  #5  
قديم 31-03-2013, 01:10 AM
الصورة الرمزية صمت المشاعر
:: عضو مميز ::
______________
View صمت المشاعر's Photo Album  صمت المشاعر غير متواجد حالياً
 
مايموت عزمك دامني جنبك




















السلام عليكم ورحمة الله وبركاته


صباحكم ورد وخير وعامر بالمسرات واتمنى التوفيق لكل منهم ذاهبين لادراج الاختبارات ولاتنسوا قراءة الادعيه والاذكار لطلب التوفيق والعون من الله

اسعدني ازدياد القراء ومتابعتهم

استلموا البارت الفي اي بي لحبايبي فهم من ساعدوني في تدوينه وتوصيله لكم

بسم الله قراءه ممتعه



-البارت السادس- ات


------------------


بعد مارقى فيصل لساره بعد ماانهى الموال اللي يشيل همه ثنيناتهم في كل مره يسافرون بدون عيالهم

ووكيف ووشلون نقول ؟ ويتوقعون من فيهم هالمره بيتحسس اكثر؟


وعلى هالموال في كل مره يسافرون

طلع فوق وقلب ملامحه كنه مضايق --


دخل ولقى ساره تبوس رهوف وتقولها --لاتنسين تاكلين كويس شوفي الساندوتش بالشنطه وووودعتها


مرت من عند فيصل وبوسها ونزلت تحت مع الحاضنه


ساره لمحت ملامح فيصل وقالت بخوف -- هااا وشفيييه من زعل منهم ؟؟


فيصل يمسح على شعره -- وبكل تكشيره --سعود عيا لايروح المدرسه وقال بيروح معنا

ساره بوله وهي متوجهه نحو الباب -- سعود ياقلبي عليه

فيصل بابتسامه --- وييين وين ايييييه على طول تكنسل الروحه بس ماتصدق خبر المشكله انها مزحه ---


ساره بغضب وبيدها على كتفه مثل اللي بتضربه -- يااربي منك مو مززززززح ترا هذا مو وقته انا مدري متى بتخلي هالطبع

فيصل بخبث -- ماخليه دامني اشوفك تبينيين لي شوقك وخصوصا للسفر معي

ساره تناظره بشوق مفضحوح--

فيصل بشوق يقترب منها -- فديت هالعيون المشتاقه

ساره تنتبهه لسعود اللي دخل الغرفه -- يالله ماما مع السلامه

لاتنسين هديتي ابي كندوره اماراتيه طيب

ساره بحرج----اوك حبيبي كل شي تبيه بجيبه لك


الحين روح لاتتاخر على الباص

باي بابا واهو يقرب منه---

فيصل ينزل بطوله لسعود القصير -- باي حبيبي انتبه طيب

مع السلامه وطلع يركض كاشخ ان معه 50 ريال <على ان اوضاعهم ومادياتهم حلوه الى

ان سياسة ساره وفيصل مع ابنائهم لا افراط ولا تفريط لان كل هذا بياثر عليهم

ويدمر تربيتهم فما دلعوهم من هالناحيه

فيصل رجع نظراته لساره --- تدرين من فرحتي وش بسوي ؟


ساره بابتسامةحب- يخالطه حياها اللي يجذب فيصل دوم


ومايحس نفسه الا قريب منها كلما استلم تللك النظرات منها--وش بتسوي ؟


فيصل يمسكها من ايدينها ويضحك-- انا اللي برتب شنطتنا

ساره بشووق -- لاحرمني ربي منك


فيصل عرف وش بعد هالكلمه لانه تعود لاشاف ملامحها تغيرت درى انها تخاف دايم عليه ومن حبها وفي عز نزف مشاعرها


لازم تقول -- لاحرمني ربي منك وبعدها تقووووول

قل امين وقتهااا وقل لاتقول جملتها

فيصل حضنهاااا ووبقوووووه وبكل هدوووء---امين




---------------------------





دخلت الفرع وسلمت على ام محمد حارسة الامن --شخبارك ام محمد --

بخير ونعمه يابنيتي





دوم انشاء الله


علينا وعليتس الله يوفقك انشاء الله دنيا واخره

وقعت عند السكرتاريه

وعلى طول الغرفه اللي فيها مكتبين


مكتب لها ومكتب لعائشه

عبير- السلام عليكم

عائشه وعليكم السلام

عبير واهي تنزل عبايتها -- اشوا ماتاخرت


عائشه لا مزبوط يامزبوط كعادتك ماشاء الله

عبير بابتسامه -=شالاخبار مافي مراجعين اليوم اشوف

عائشه وباستغراب--شفيك تونا انتي مصره ان الوقت متاخر انتي على وقتك ترا

عبير بضحك -- لاتلوموني ياشيخه الله يعين بس

عائشه تتصفح الجريده --


عبير بتشفق -- عيووش عساك جايبه معتس براد القهوه

عائشه مو معاها مره -- اي هذا هو حبيبتي خذيه

عبير -- ياجعلتس تسلمين

عائشه صبيلي معتس انتظرتس ترا ماتقهويت


عبير اووك


عبير واهي تمد الفنجان وتحاول تشوف وش تقرا عيوش


وش في الجرايد اليوم عطيني من اخبار ؟


اقرا مقال يجنن والله ان ذا الكاتب صادق

عبير بتعجب --وش السالفه ؟وش يقول ؟ياكثر قولهم ذا الكتاب

عيوش بحماس--لالا يتكلم عن شباب السعوديين يقول ان نسبه الشباب اللي يبون يعيشون العقد الثلاثين بقفص العزوبيه زادوا -

عبير واهي تاخذ فردة تمره-- ايووه


عيووش تقرا النسب والاحصائيات وبعض من اراء الشارع الصحفي اللي اكدواا ذلك وهذا راجع للتربيه في الاغلب عند العرب

عيوش ذات النظارات سميكتي العدستين لضعف نظرهاا -- وبحماس سكرت الجريده واستطردت قائله --انهم صادقين

ولا عمرس شفتي واحد من عيالنا راح لامه وقال ابي اعرس ولا اخطبيلي ولا حتى لمح

حتى لو انه يبي ينتظرالفرج من الله ومن ثم امه الى ان يجيها الوحي ويلهمها ربي

ان تخطب له وتجي واهو عادي يمكن موافق بس يخليها تترجاه يتزوج مدري هو حيا ولا مدري عنهم

عبير تصب لها فنجان ثاني وتبتسم -- خبري بالحيا عندنا مو عندهم والله انك صادقه

واستطردت قائله--طيب شلون اعرف اذا اهو يبي يعرس ولا مايبي

عيوش وبحماس تتكلم -- تدرين عبور انا زوجي يقول ماكنت ابي اعرس لولا حنة امي وابوي على راسي

مرتاح اجي وادخل على راحتي ولاحسيت بعمري الا واهم يقولون تراك صكيت الثلاثين وانت ماعرست ات


وش يقولون عنك الناس

حتى انه يقول ان عمي <تقصد ابوه يقوله -- ياويلدي انت فيك شي

يوم شفت افكارهم توديهم وتجيبهم - قلت يارجال اعرس وارض والديك

وتستطرد قائله --تصدقين حتى لو الواحد يبي بنت خالته ولا وبنت عمه ولا من عايلته يستحي يقول لاهله ان جات منهم ولا الشكوى على الله حب بداله حب غيره وبالمصري قالت --ماهو كلوه على اسطوانة الزواج التقليدي

على انه زواج ياعبور يعني على سنة الله ورسوله الا ان عيالنا بعاداتهم وتقاليدهم اللي ربوا عليها مايبينون قلوبهم من تبي ومن تعشق

اجل البنت عندنا يجي اخوها ولا ابوها يقولها تراه رجال وفيه خير وصلاح وانتي استخيري والله يكتب اللي فيه الخير لتس

وعلى هالحال توافق البنت على اساس استخارتها -- ولا وجهه عريس الغفله ماتدري وش خرايطه

كله من انها عادتها وتقاليدها ماتسمح انها تشوف حتى لو صوره منه الا بتهريب من احد

ولا اذا ماحصل صوره ولامواصفات من قرايب المعرس

جات دخلتها واهو السبرايز في ذيك الليله ثنيناتهم ان كانه ماطلب الشوفه الشريعه

يعني دب نحيف فيه شامه فيه حرق فيه دقه بجبهته -- هذا نصيبتس وارضي فيه

هذا اذاكان من برى العائله

اذا كان من داخل العائله او القبيله اهون شوي يمكن تتذكره في صغرهم او خواته يدبرون لها صوره او يوصفونه لها

عبير مستمعه وتضحك على طريقة تعبير عيوش لواقع هالايام --


عيوش بضحك -- والله اني صادقه

عبير --لاتحرقين رزتس تقهوي كلن ونصيبه

عيوش -- يعني منتيب طالبه لخطيبتس صوره


عبير بحرج وانصفق وجهها--اللي يسمعتس يقول انخطبت امس

عيوش اي انا ابيتس لاخوي


عبير بحرررج اكثرر -- تقهوووي بس حرام عليتس ياشيخه مالتس شغله الا تزوجين هالاخو ولا تطلقينه


عيوش ياختي مابعد الله كتب انه يتوفق

عبير -- الله يعوضه خير ماهو ناوي يرجع زوجته

عيوش -- والله مدري عنه شكله عايفها

عبير - الله يكتب اللي فيه خير وصالح لهم


قطع جووو الحوار

السلام عليكم


عميله متوسطه بالعمر تدخل وتتوجه لمكتب عبير وتضع اوراق عليه

عبير تناظر عيوش-- ياله عن اذنتس


عيوش تهز راسها -- وبداخلها هذا وقته تجي ذي بعد مامداني اتقهوى خخخخخخ


-----------------------




وفي شارع عبد الرحمن الغافقي وتحديدا بسياره نايف





ريناد -- نايف معليش تمر بنات عمي


نايف يعدل مراية الفياغرا-- ليه بهالصباح ؟


ريناد -- انا كل يوم اخذهم معي او اهم ياخذوني ونروح مع محمود

نايف باستغراب -- وين

ريناد باستغراب اكثر --وين يعني للجامعه

نايف بتعجب -- بنات عمي كبرتس؟؟


ريناد اي نوره وافنان

نايف بحماس -- اللحين كل ذولا بنات عمي ناصر ماشاء الله وبالجامعه ياسرع الدنيا


ريناد بتعجب وانكار -- لالا افنان بنت عمي ناصر ونوره بنت عمي فيصل


نايف باستغراب --فيصل لاياشيخه قولي غير هالحكي قالها واهو يضحك صدق والله بالجامعه ماشاء الله اجل اكبر بناته هذي

ريناد -- ايه


نايف بابتسامه -- ومسوي فويصل انه صغير وبنته بالجامعه


ريناد تضحك واهي منجنه تقول ماني مصدقه هذا مايعرف شي عن عائلته --واستطردت قائله--اللحين مر بيت عمي فيصل اول

نايف يتذكر --فيصل هو امس حاجز بيسافرمع خاله ساره

ريناد -- صدق ماقالت لنا شي امس


نايف الا هو مارني امس ويقولي مستعجل بروح احجز رحله انا وساره


ريناد-- اها ات


ولف على حارتهم ودخل

ريناد تقول في خاطرها -- مستحيل هالنايف مايعرف شي عن بنات عمه ياويلي وش هالانسان مايدري عن اللي حوله

قاطع افكارها صوت رنين هاتفه --

ريناد بحذر -- اجل شكلي عطلتك عن شغلك

نايف يتدارك الموقف -- لاعادي معي التييلفون اذا جاهم شي دقوا علي


ريناد تطالع باب بيت عمها-- وتدخل ايدها بالشنطه تطلع جوالها وتطلب نوره

<<<<<جاري الاتصال بنوره


الو

الو

وينك


ياله انابرى


اوك انا طالعه


اوك


ريناد كانت حابه انها تقولها انه مو محمود بس ماجا مجال


دقيقه وهذي نوره عند باب السياره


ونايف يتوتر من اي جنس اخر غير امه وعبير وريناد ولاول مره ينفرد مع غريبه ويجرب شعور الاختلاط


وبيده اليساار فتح ازارير التحكم للابواب


ركبت نوره بروحها العاديه ومجهزه سؤال عالطاير لريناد انو ليش محمود وش في سيارته عشان ياخذ سيارة نايف


بس انفتح باب السياره وفتحته وشافت مافي احد ورى لمحت الشماغ والترسيمه والنظاره تلعثمت وماقالت حتى السلام

ريناد ميلت ايديها على عضد نايف وقالت بصوت خافت سلم عليها xنايف بالمقابل ناظر ريناد بنظره استطلاع لكلامها


وبادر مقنعا بانه الواجب عليه فعله





كيف الحال يابنت العم؟


نوره بصوت مخنوق من التوتر --الحمممد


قاطعها وشلون الوالد والوالده -- طيبييييي


قاطعها الله يديمها علينا وعليكم


نايف ماااااااااااااااااسمع ولا حرف منها لانه ادى المهمه من باب الواجب لاغير ولم يبدي اهتمامه للرد


ومرو ا بيت ال ناصر وخذو افنان اللي كانت جاهزه هي الاخرى




-------------------------------





في احد الممرات بمدرسه الابتدائيه الثانيه بالقويعيه




كانت اريج تمشي طالعه من المقصف رايحه لغرفة المعلمات

قالت البائعه في المقصف لزميلتها انتي تشوفين ذي ابلة الرياضييات الجديده


لعنبوها زينها يذبح وماتحط شي في وجهها وحنا من نصبح نصبخ ونلبخ بوجيههنا ولا شفنا احد خطبنا

وهي عرجا وتطرح الطير من السماء وكل يوم ناشدني احد منها <تقصد سكان القويعيه


البائعه الثانيه -- العز للرز والبرغل شنق حاله وتشر بيدها على وجهها

-----------------------


في السياره للطريق الى الجامعه


افنان بتركيز يخالطه حياء -- مااااشاء الله وش ذا الاطخم امحق زين يقول للقمر ابعد وانا اجلس مكانك


ياويلي اكيد نوره تشوفه مدت يدها اليسرى لفخذنوره وقبصتها


بينما نوره اللي كانت تحاول ان تتجاهل وتبعد نظراتها لمكان السايق حرجا وحياءا من رجل غريب لاول وهله تجمعهما --هاااوهي تلتفت لها


افنان تقترب منها اكثر ليصبح فمها موجهاا الى اذن نوره -- ياويلي انت تشوفين اللي اشوفه


نوره تجبر نفسها على عدم الرؤيه اليه حرجا وحياءا -- اوووص مو صاحيه انتي


افنان بابتسامه وبصوت خافت -- اول مره اشوفه من كبر

نوره تطالع شباك السياره--لايوجد رد


افنان باهتمام --انتي قد شفتيه؟


نوره توجه فمها لاذن افنان-- لالااااااااااااااع اوووص تكفين لايسمعنا

نايف بعد مانزلهم وبطريقه للشركه -- سبحان الله كبرو والله اني ماتوقعت ان فيصل عنده وحده في الجامعه

اخبرها بزر وقصيره

ماشاء الله طويله وفي الجامعه

الله يخليهم لاهلهم ويوفقهم

طفى السياره ونزل للشركه


--------------------------------------


ات


القويعيه - المدرسه الثانيه الابتدائيه




في المقابل اريج اللي توها بتجلس على مكتبها الخالي من المعلمات

ماعدا معلمه كانت حامل ونايمه على الارض


حست بنغزات في وركها الاعرج لالا نغرزات خفيفه جعلتها تنهي فكرة الجلوس موقتا

اريج واهي تسمي على نفسها بداخلها --

مشت قليلا للخلف واحسست بالنغزات

بادرت بالرجوع والوقوف في مكانها الاول


وثواني تحاول بالجلوس وهاهي تجلس

ولاتزال في حاله تفكير وش سالفة هالنغزات اللي احسها بتفكك عظامي





لم يجف قلمي غدا يكمل ويكشف لنا اسرارهم

كل الود لكم

صبى الاوراق


-----------------------------






























 

 








 
 
رد مع اقتباس
 
 
   
  #6  
قديم 31-03-2013, 01:11 AM
الصورة الرمزية صمت المشاعر
:: عضو مميز ::
______________
View صمت المشاعر's Photo Album  صمت المشاعر غير متواجد حالياً
 
مايموت عزمك دامني جنبك




















السلام عليكم ورحمة الله وبركاته

تقبل الله منا ومنكم صالح الاعمال احب اشكر ازدياد عدد المتابعين والقراء حتى وان كانوا على قولة ناقده من خلف جدران الكواليس اتمنى للجميع قراءه ممتعه

كل الود مني لكم

بسم الله


قراءه ممتعه للجميع








-البارت السابع -





في لندن




وفي جامعه اكسفورد تحديدا




فلاح وامام احدى القاعات الكبيره -- لالا الحمدلله زين انت وينك فيه بس

راكان من سماعة هاتف فلاح --الحمدلله وصاجنا بذاكر بذاكر تعال تعال واجهني عند البوابه انتظرك





فلاح بابتسامه -- جايك

قفل الخط وخذا فاتورة الطلب من النادل وجلس مقابل البوابه على طاوله


فلاح عرف راكان من الخلف - جاه وسلم وجلس يتكلم عن الامتحان بحماس وبالورقه يحلون الاجابات مع بعض

قطع على فلاح صوت هاتفه المحمول -- شاف الشاشه يااااااهلاااوالله ومرحبا

امه بصوتها الحنون --


وبكل شوق ووله لابنها الصغير -- ياهلابك مليون وشلونك يمك عساك طيب


بشرني عنك وعن دراستك يقولي اخوك ان عندك اختبار اليوم؟


لا الحمدلله عاد والله لوني سامعن صوتس قبل الاختبار لكان جبت الاول عليهم قالها وهو يشوف راكان ويضحكون

امه بصوت مخنوق-- ولالك جية قريبه -- لاوالله يمه يمه الحمدلله في ناس ماشافوا اهلهم 7 سنين


امه بقلب متقطع -- لا انشاء الله يرخصون لك وتجي لمنا قريب

انشاء الله انشاء الله


راكان يفكر بدقة فلاح بالحكي عليه --راكان جته كم فرصه بس مانزل للسعوديه

كل مره تكون الفرصه ولايكتب ربي لراكان لانه مكون نفسه مره برى فسكنه ملك وسيارته ملك ومااسس اوضاعه بذكاء وجهد

وكل هذا واعمامه معه وهم من ساعدوه ومع ذلك ماعمره طلب منهم هم من يبادروا ويجبروه لاخذ مايقدمونه له


واخرها السياره من فيصل اللي عطاه اياه اول هالسنه يوم زاره في لندن


بينما فلاح لم يفعل مافعل راكان فلم يملك الى الان سياره

وكثيرا مايعتمد على اخيه في ارسال له المبالغ عندما يحتاج


جاء النادل بالكوبين وقدمه لهما --


رشف راكان رشفات واهو يحن لسماع سوالف الامهات على اولادهم


والواضح ان ام فلاح توصي فلاح انه يتدفى وفهم انها تقول دف اهم شي رقبتك وراسك

فلندن بارده وقارصه هالايام

يجملها صوت القطارات والريل السريع

ابتسم راكان لفلاح الذي يطمان والدته انه بخير وعافيه ولاتقلق عليه

انهى المكالمه واهو يقول يابعدهم انتي


راكان -- الله يخليها لك


فلاح --تحيا وتدوم


فلاح بحماس -- تدري امي هالايام وش تقول انا مدري من حاط هالفكره براسها


راكان بضحك وحماس--- وش تقوولوشهي فكرته


فلااح تقول حاول تاخذ اجازه تعال شايفتلك بنت بزوجك اياها وخذها معك

راكان -- الله يجعل والدينا في الجنه

فلاح اي خايفه علي لا انحرف

راكان بضحك --- لا انحرفت ترى انا اول من يطردك من بيتي


فلاح بضحك وثقه --- ماتقدر مالك غنى عني


راكان بثقه اكبر -- قد عشت 6 سنين لحالي

فلاح بضحك -- ترا بصدق انك ماتبيني


راكان بود -- لاوالله يابو عايد شراتك ينعاف وقت بلياه والله معرفتك ردة لي الروح عن فراق اهلي وربعي


فلاح بود اكبر-- جعلك سالم ومتهني

والله لايفرق مابينا ويجمعنا على الخير والطاعه

وينهيي غربتنا بالتوفيق انشاء الله





---------------------


في غرفة المعلمات

واثناء مااريج تضغط بنفس مكان الالم تحاول تتاكد انه اختفى او لازال

والحمدلله كانت اجابته انه اخف من الاول بس مايبي حركه قويه للحوض


وبخاطرها --- ياربي وش جاني

حاولت تتناسى الالم -- مسكت جوالها ودقت على عبير الورد<<<<<<<<<


وقبل لايفصل كان صوت عبير -- الووو هلا والله بالخوافه

اريج بابتسامه خافته -- هلا والله وش خوافه بعد


واستطردت متذكره اللي صار-- اهاااا وضحكت

عبير وش مهببه انتي قفلتي الايميل بوجهه صح ههههههههههههههه


اريج اي مو ايميلي وش يخليني اصلا ارد عليه من زوده رحمته يوم شفته قلق عليتس وعادت اللي صار كله


عبير -- اي اي قالي بس مو بالتفصيل مثلك اجل كذا السالفه

عبير طيب عادي ولد عمتس ترى ورابي معتس يعني مثل اخوتس

اريج لاياشيخه --- من متى المعرفه ولد عمي بس انا بالذات ماربيت معه ولا اصلا اعرف وجهه

عبير لازم وجهه وبعدييييييييييييييييييييييييييين شهقت تذكرررت ملامحهه

ارووج اروووج ياويلييييييييييييه يااروووج ياعليه وجهه وملامح يهبل والله وطلع عندنا احد في العائله ينافس نيوف

ارييييييييج وش السالفه ههههههههههههه شفتيه؟؟


اي فتح الكام لي امسسسسسس


وبحماسها طلعت من مكتبها لغرفة المرايا والصلاة عشان العميلات


موجودات بالممر اليوم لانه اليوم في اسهم نازله

اقووولتس ارووووووج ياليتني طلبت صوره له عشان تشوووفينه

يهبل يهبل يقطع غضاريف القلب

اريج بحماس --- اوف كل هذااا قولي ماشاء الله حسيت انتس شايفه سلفستر

عبير --- ياويش سلفستر عند اخوي وولد عمي

وبعدين ابنظله انا اخته اللي اخاف عليه

الخوف من اللي عنده وماخذين عقله

اريج بحماس -- من ؟ وش تخورين انتي ؟


عبير بقهر -- شكله يحب امدري متزوج والله مدري اروج انا ماخبي عنتس شي

اريج بخوف وشفيتس انتي ؟


تكلمييي


عبير ماحب الالغاز لاتقلقيني


عبير ماعاد كملت حوارها واختفى صوتها----------


الوو


الوووووووو


اخت اريج اي خدمه اخرى

اريج ؟؟


عبير بثقه واحترام --انا حاضره كل الشكر لك لتعاملك مع بنك ---مع السلامه





اريج تعودت على هالحركه من عبير اذا شافت عملاء او مندوبات او اي ظرف يشغلها بمراقبته لها او انتظارها

عدلت جلستها وقالت ياربي ياعبير حبكت تقطعين السالفه من النص

ليش كذا راكان يتزوووج ليه مهوب بكيفه ؟؟


-------------------------------------





فصله -لصبى الاوراق --


يمديكم على مهوب بكيفه تتوقعون ليش قالت مو بكيفه ؟؟





-----------------------








وتحديدا في الطريق لمطار الملك خالد




ليتني مريت على اختي حصه وشيخه اسلم عليهم


فيصل يبادر وهو يناظر الطريق من ورى نظارته--مايكفي كلمتيهم تيلفون

ساره وفي بالها حصه الحنونه اكثر

لا بس الجد على الاقل حصيص اختي تقطع قلبها يوم درت


فيصل واهو مغلق فمه ويعلك بخفيف-- اجل بكت كالعاده


ساره بضيق -- اي جعلني فداها دايم تبكي تقلق من بعد خالد واهي معاد تتحمل فراق احد


فيصل --الله يعين تدرين اجل يمدي نرجع ونسلم عليها

ساره بحيره -- لا واقفين يعني ولايمدي نجلس نتقهوى شوي معها

فيصل بحماس-لاحبيبتي مايمدي نجلس معنا ساعه على بال ماعود ولبيتهم ومسافة الطريق للمطار مره 2 بيكون مابقى شي على البوردنق والرحله


ساره بياس -- خلاص بعد نروح نبكيها زود خلا ااص خلاص


فيصل وجاءت فكره براسه -- السوري شرايتس بعد مااخلص شغلي نروح لراكان بلندن

ساره واهي تطالعه بنظره فاهمته -- ايييي وبعد


فيصل وبس مابعد لندن شي نبي البراد والجو الزين ومنها نشوف راكان

ساره واهي تستبعد افكارهاا-- ماعليه شر راكان طيب وتكلمونه وتوك جاي منه اول السنه


فيصل واهو يمسك المقود بايد صلبه -- والايد الثانيه يحاول يشبكها بايد ساره -- والله ماستانست بدونتس اي سفره حتى لو بديره مثل لندن منتيب معي فيها

ماعتبرني زرتها لاني رحت بدون قلبي

ساره واهي تبوس كفه -- وافديتك انا


فيصل برجاء --هاا وش قلتي حبيبتي نروح للندن ؟؟


ساره بابتسامه وتبي ينسى هالسفره اللي لو وافقت عليها بتطول غيبتها عن بناتها وخصوصا ان رهوف مو معها--حنا خل نوصل للمطار ومنه للامارات وبعد الامارات

تزين الامور انشاء الله


فيصل وبخاطره انا عارف ياساره ان العيال اهم وهم اللي تحسبين حسابهم بالاول ناظر شباكه عشان يلبق السياره زين بالمواقف --- انشاء الله

وقبل لاينزل دق فيصل على نايف ----<<<<


الوو

الوو


هلاومرحبا بالشايب

فيصل وهو يراقب عيون ساره من النقاب وكانه يرسم رموشها وكحلتها السايله الدقيقه اللي خذت رسمة العين بمهاره ورموشها المتباعده بمسكارا طبيعيه خلابه


وينتس تسمعين ياساره --------يقولي شايب تدرين؟





ساره واهي تضحك وبصوت خافت لمسامع فيصل-- ياحلو شايبي

فيصل يضبط نفسه يوم سمع جملتها الاخيره --ايوه شسالفه الشياب على ذا الصبح يوم شفتني بسافر عشان اتشبب هههههههههههههه قلت لي شايب يعني لازم تذكرني حتى وانا عند المطار

نايف يضحك وبقووه -- اجل ماتقولي ان اكبر عيالك في الجامعه

فيصل بحماس -- وانت لاتقولي انك ماتدري ههههههههههههههه


وحطه سبيكر عشان ساره تتفاجا مثل مافيصل تفاجا--


يقول توه يدري ان اكبر عيالي بالجامعه

قالت ساره --نايف ماتدري ان نوره وريناد كبر بعض وحتى بنت عمك ناصر افنان كبرهم ابد مابينهم الا اشهر ولاكلهم بنفس السنه


نايف بحرج--عالعموم الله يخليهم لكم انشاء الله وهاجين اجل وتاركينهم


ساره بحياء تضحك --ماينخاف عليهم بسم الله عليهم دام عندهم اختهم

فيصل يغلق السبيك -اقول نايف انا السياره بركنها في المواقف وتعال انت وبندر خذوها ولامحمودومعه بندر وتراني بحط المفتاح في الشكمان طيب


نايف --اعتمد ماتشوف شر


فيصل --ولا اياك

فيصل يقول لساره --ياله فديتس تاخرنا انزلي


-------------------


في شارع القدس وتحديدا الشارع اللي فيه بنك الجزيره وعلى هدير محركات GMC


كان واقف بينهم بشعره الكدش متلطم يستنى دوره بالاستعراض

بندر-- اقول ذا مرتبك ماعرف للموتر خله يعطيني اياه اعلمه الشغل صح


صاحب اللثام بالشماغ الاسود الي كنها غتر ه فلسطيني -- لالاتتهاون فيه ترا يضبط الشغل زين بس اليوم

عطوه عين العيال اصبر عليه بيبدع لك اللحين بس راقبه راقبه


بندر بحماس وغضب بنفس الوقت --ياشيخ ماشفنا شي منه


لحظااااااات واصوات الدوريتين الامنيتين تحيط المكان --- وتحاول القبض على بعض الشباب لكنهم ساروعوا بالركوب في سياراتهم


وفركواا على قولتهم افركوااا ياعيال افركواا الشرطه الشرطه


بندر كان بعيد هو وحمدان عن سياراتهم -- بينما لم يستطيع الهرب

فمسك به هو وحمدان ووثلاثه معهم افراد الامن





-------------------


وفي الجامعه بحي الملز





ريناد ونوره وافنان يدخلون الجامعه --


افنان بجراه -- ريناد امحق زييييييييييييين على نايف يهبل

ريناد بثقه --- بسم الله على اخيي من يوم يومه يجنن


نوره تصفط عبايتها وتسمع حوارهم

افنان بجراه-- والله لولا الحيا ولاكان صورته

ريناد باستغراب وابتسامه -- لييييييييش تصورينه


افنان بمكر -- اصوره وارسل لصورته لوحده تسوي عمل عشان اتزوجه

نوره وريناد يضحكون على افكارها

نوره بضحك واهي تلبس نظارتها الشمسيه-- عليك افكار ياافناان


افنان بجراه اكثر --والله اني ياريناد انهبلت يوم شفته انا من زمان عنه هو ليش ماينشاف

ريناد بضحك واستغراب -- وشوو تبينه كل اسبوع يجي يمر يسلم عليتس خخخخخخخخخخخخخ


افنان -- لا جد هو ماينشاف ابد

ريناد بحب -- ياحبي له هو اصلا بيتوتي من الشغل الى استراحتنا الى البيت

نوره باستماع لهم ومتعمده تقطع حوارهم عن نايف--بنات ياله تاخرنا على محاضرة الدكتور


وبطررررررريقهم للقاعه


رينااااااااااااااد رينااااد

كان هذا صوت صديقتها من ايام الثانويه الاهليه --هلااا

صديقتها -- هلا وتسلم عليها بينما ريناد صافحتها بجهل فيها


الصديقه ريناد ماعرفتيني--

ريناد بحرج-- لاوالله ماعرفتك مشبهه


بينما نوره تنزع نظارتها الشمسيه تراقب ملامح هاللي تعرف ريناد وترحب فيها هي الاخرى مشبهه

نوره تقاطعها --- هند

هلاااا هند




وصووت ريناد اهااا هند وترجع تسلم عليها خد

لكن هند انجنت يوم عرفت نوره نوووره تغيررررتي


سبحان الله الزين الزين يالبيييه تغيرتي بس تدرين سامنه وخدود وحركات


نوره بحرج -- عيونتس الحلوه


تستطرد الحكي عن اي قسم انتوا ومعلوماتهم هنا---


هند تبادر -- وين بنت عمكم الثالثه هي اسمها افنان


ريناد بحماس ونوره تهز راسها وتعاود لبس النظاره-- اي اي


هند بابتسامه--عادها دبدوبه


ريناد ونوره بضحك نوره حرام عليتس تسوي ريجيم

ريناد -- هي وينهااا اكيد سبقتنا للمحاضره


هند اجل عندكم محاضره--

ريناد ونوره بحرج -- ايي


هند اجل عطلتكم خل نشوفكم ياله بايو


نوره وريناد --- انشاء الله باي


---------------------





بيت ام نايف




حصه تتحسس جيب جلابيتها تبي جوالها--ماري ماري

ماري-- نأم ماما


حصه --جيبي جوالي من الغرفه


ماري --تيب ماما


حصه وبخاطرها تقول بدق على عبير انشدها محمود بيجيب ريناد ولا لا


ماري -- تفزل ماما


حصه اي عفيه عليتس --ركبتي الغدا

ماري-- اي ماما يطبخ الا نار


حصه زين زين


جاري الاتصال -- <<<<<<<<<


جاها صوت عبير-- الووو يامرحبتين والله كنتس حاسه اني افكر بتس


امها -- هلابتس يانور عيني امري امي انتي


عبير بوله -- ابي انشدتس ودى نايف البنات


امها -- اي نفداه وداهم


عبير براحه-- يعطيه العافيه خل تذكرله ريناد انه مره وداها تلقيناها مبسوطه ان نايف الي وداها


امها --اي حبيبتي نزلت عجله وقلتلها لاتخافين نايف بيوديتس على دربه


امها باستطراد اكملت -- اسمعيني يمتس اخلي يجيبهم اذا طلعوا ولامحمود يمديه يجيبتس ويعود عليهم


عبير بدون تفكير -- لالا برد لتس خبر قبل لاطلع بساعه طيب

امها -- اجل وداعتس الرحمن

عبير بانشغال-- ماتشوفين شر


-----------------------


حصه اغلقت الخط وسريعا احسست بشي من القلق على اختها اللي قلقت عليها مابعد مر يوم على غيابها


اختارت رقم 9 اتصال سريع <جاري الاتصال بدلوعة زوجها كان هذا اختيار حصه وشيخه عندنا شروا شرايحهم قبل 4 س


وخزنوا اختهم بهالنك

<<<<<<<<<<<<ان الهاتف المطلوب لايمكن الاتصال به الان فضلا اعد الاتصال في وقت لاحق


حصه بووله كبيروتوتر --اكيد بالطياره توهم


الله يحفظكم وينقل خطركم

-----------------------


في شركه ومؤسسه ابناء خالد ال سعود --


وتحديد مكتب مدير الشركه







يرن هاتف نايف المحمول--- نايف يشوف رقم غريب


وضع الجهاز على يمينه بعد ماوضع كتم للرنين


ولازالت الاضاءه تشير بان الاتصال مستمر


تركه محاولا تجاهله --لان مزاجه مشغول بالمعامله اللي قدامه


دقيقه وعاود الرنين-- وبتافف شاف نفس الرقم وباستغراب من طالبني على الهاتف الخاص بي

اكيد صديق قديم او احد يبي خدمه والله مالي مزاج

اغلق الهاتف نهائياووضعه في جيبه ووقف ذاهبا للمدير المالي اللي اكبر منه سنا

تعود انه يروح له شخصيا احتراما له لكبر سنه وانه يحبه ويعده مقام ابوه

من الموظفين القدامى واللي لهم جهد قبل وبعد وفاة خالد ابوه


---------------


رن تيلفون الثابت وحصه جالسه تسنن الضحى

فكانت ماري الاقرب له من هاتف المطبخ--- الو


الو السلام عليكم هذا بيت نايف خالد ال سعود








ماري بخوف -- نام بابا هازا بيت


الشرطي --- وين نايف


ماري -- نايف مافي موجود


الشرطي-- انا شرطه في موجود ام نايف


ماري لها 13 سنه تشتغل في بيت ال خالد وكنها وحده منهم عاشت معهم حلو الايام ومرها بس سمعت كلام الشرطي عرفت ان بندر مسوي سالفه نفس اللي صار قبل شهرين

ووقتها عبير قالت لماري امي ياماري تعبان سكر وضغط مايصلح نقولها اي خبر مافي كويس

ماري قالت بصوت خائف-- ماما مافي موجود


الشرطي بياس--عطيني رقم شغل بابا نايف

ماري --معلوم نمبر موبايل بابا شقول مافي معلوم


وجه التيلفون مكتوب

الشرطي اوك جيبي موبايل ملته الرقم اللي علىو جه التيلفون مكتوب

الشؤطي خذاه واغلق الخط -- بينما ماري اغلقته سماعة المطبخ

والقت نظره اطمئنان على حصه في الصاله اللي مازالت تصلي


وبسرعه رجعت رفعت سماعة المطبخ واتصلت برقم نايف اللي عالتيفلون <<<<<<<وكانت الاجابه مغلق


نايف عنده رقمين رقم خاص باهله وعلاقاته الخاصه ورقم خاص بالشركه واشغاله


ماري ماتعرف رقمه 2

قررت تستنجد بجهاز ام نايف اللي لمحته فوق التيلفزيون وعلى طول ومنه قامت تبحث في الاسماء على اسم نايف ولكنها ماعرفت انه بجوال امه اسمه -نور داري-


فقررت الاتصال بعبير اخر رقم اتصلته ام نايف--- الووو الووو


هلااا يمه ----من ماااري


عبير بخوف-------





شفيتس ماري امي فيها شي-----------؟؟


لالا مافي شي مافي كوف حبيبتي هادا بندر سوي اكسدنت وانا مايبي قوول لماما اشن شورطه كلام قول وين ماما وين بابا نايف

عبيييييييييير وبصوت قلق ومرتفع توقف وتمشي خارجه من المكتب -------- اي اي وشووو فيه شي صار له شي

لالا انشاءوالله مافي شي مافي كوف بس لازم كلام انتي بابا نايف نمبر تاني اشان انا سوي كلام بس نبر موقفل

عبيررررر انا جايه جايه


قفلت كلمت محمود --------------------محمووووود تعال بسرعه بنك


وعلى طووووول نايف<<<<<ان الهاتف المطلوووب 0000000000000


ياااربي <<<<<<<<<<<<<<رقمه الثاني


وبعد عدة رنااات

الووووو


الوووووومحاولة ضبط نفسهااا نايف وينك


نايف يحاول يتمالك نفسه بالسياره رايح للشرطه


واستدرك لاتخافين مافيه شي --- انا بنفسي كلمته عند الضابط وطيب ومافيه الا العافيه

عبير والله قل والله وشهو صادم فيه ومن سيارته اللي معه


نايف وشوووووو حادث ماصدم لاتخافين طاق من المدرسه انا بنفسي موصله الصبح اليوم

ومعه شله ورايحين يتفرجون على تفحيط بس هذي كله السالفه والله


عبيررر بخووووووف اكثر ------ لاتكذب علي يانايف بندر فيه شي


يابنت الحلال والله هذي كل السالفه وبعدين من قالتس حادث


يعني ماري تكذب ---


نايف بخوف يقاطعها---- لالا ماعندها سالفه عسى امي بس مادرت ان الدعوه كذااا خل اكلمها اطمنها

لاتحاتين حبيبتي كملي دوامتس ترا بندر مافيه شي الحمدلله بس جالس يتفرج ومسكوه وانا ؤايح اخذه من المركز

وبحزم اكثر--- خلاص ياعبير لاتحاتين


عبير مرتبكه وترفع شعرها عن عيونها --- ماتشوف شر

اسمع كلم امي عسى ماماري قالت لها شي انا مقدر حدي متوتره منيب عارفه احكي

نايف طيب طيب ياله ياله


----------------


دق على البيت ردت ماري

الووو ماري ماري زين انتي اللي رديتي ماما عرفت شي عن شرطه


لالا انا مافي قول


من قول بندر مسوي حادث


شورطه ---


شورطه قول لا مافي بس جنجان شوي مافي قول شي لماما طيب شوي وانا اجي بالطريق


ماري بخوووووووف من رجولة نايف وعصبيته---تيب تيب


نايف بحزم اكثر -- مافي قول ماري ماابي ماما يعرف شي طيب

تيب تيب

نايف تدرين افصلي تيلفون اللي عند ماما


اوك اوك بابا


مع السلامه





لم يجف قلمي غدا يكمل ويكشف لنا اسرارهم

كل الود لكم

صبى الاوراق






























 

 







 
 
رد مع اقتباس
 
 
   
  #7  
قديم 31-03-2013, 01:12 AM
الصورة الرمزية صمت المشاعر
:: عضو مميز ::
______________
View صمت المشاعر's Photo Album  صمت المشاعر غير متواجد حالياً
 
مايموت عزمك دامني جنبك




















السلام عليكم ورحمة الله وبركاته

اسعد الله صباحكم عزيزاتي وكل من ترقب لهذا البارت احب اشكر كل من نقل الروايه اعجابا بها واتمنى ان تكون البارتات منتظمه في نقلها معنا

اسعدني اراء وتعليقات الجميع عليها فا انا استمتع بملاحظاتكم يعجبني من تاكد واقعيه الروايه فلكم مني كل الشكر والود فا انتم من ضمن اهتماماتي

افتقد ارادة الحياه هذه اليومين واتمنى من الله ان يحفظ الجميع وان لايؤاخذني بزلاتي في النص واء خصوصا




استلموا البارت الثامن

قراءه ممتعه ومفيده


بسم الله


-البارت الثامن -





في لندن وتحديدا في شقة فلاح وراكان


راكان يلبس بجامته العنابيه الساتان

ويفكر يفتح الايميل لانه اشتاق لريحة اهله اللي بيلقاها في ايميله


يامع عبير وهو المتوقع او نايف او بندر اللي نادر مايشوفه متصل اوعمه فيصل او احد اصدقائه المهم ريحة السعوديه يتحسسها بقرب احد منهم عبر هالخدمه





فتح الكمبيوتر مستبعدا محادثته لعبير اولا يعلم ان الساعه اللحين 11 بالسعوديه


واكيد عبير بالبنك وان وان كانت متصله ماراح اقدر اكلمها لان ابو عايد مسنتر بالسوالف ومركز معي منيب عارف اسولف معها


فتح ولقى بسسسس واحد متصل وكان احداصدقاءه بالسعوديه

جلسوا يسولفون عن اخر اخبار كل واحد فيهم

صديق راكان --متزوج وعنده بنت خذا وعطى بالسوالف مع راكان

وانت متى ناوي تفرحنا فيك ترى العمر يجري بتدخل 30 وانت مانت حاس

راكان --لاحق يارجال على الغثى

صديقه--لاتقول غثى عادك بتذوق ايامه وتقول ليتني من زمان متزوج لايغرك كلام بعضهم ترا غيرك مافهمها زين

راكان --الله يكتب اللي فيه الخير

يالله اخليك تامرني بشي

سلامتك يالغالي اسلم وسلم

اغلق الكمبيوتر وانسدح يحاول يريح ظهره من الجلسه على الكمبيوتر


فلاح فلاااح نمت

لايوجد رد


عرف انه نام -راكان جلس يفكر بكلام صديقه

{وجلس يحسب عمره وعرف انه بيدخل 30

واذا يعني ياراكان -- الشباب شلون يتزوجون

تخطب لهم امهاتهم مانسيت ترى اني يتيم


انا وين امي؟ ولاحتى ابوي--الله يرحمهم حتى بالعين ماشفتهم

اختنق تفكيره يتالم دوم كل ماتذكر ان عنده اجازه من اروح لهم ابوي ناصر ابواني كلهم بسسسس وبعدين محد متحملني كثر ابوي وامي وهالثنين وينهم؟


الله يجعلهم بالجنه


ترحم عليهم ياراكان كل مره تفكر بهالموضوع -- ترا ماتعبك الا هالتفكير --ويقولون ليش ماتروح السعوديه? اروح ليش هذولا ابواني لابغوني جاوني اما اني اروح اروح لمن

ابوي ناصر وبيته كله بنات والله مانيب رايح -- اضيق على بناتهم واحرجهم-- طيب انت تقدر تروح وتشتغل هناك وتشتري بيت وتتزوج

اتزوج من ؟ وشلون اتزوج من بيزوجني الا الناس شلون يتزوجون؟ يخطبون صح


من بيخطب لك؟


و من بيزوجك ؟


ممافي احد


معقول


وشلون بتزوج اجل


والحل


لايوجدرد


طيب يمكن ربي يرسلك احد يزوجك اخته ولابنته؟


مسلسل يعني


لاجد


الله يعلم


والله يرزق النمله في جحرها


وشلون اجل لطفه ورزقه لعباده


انت اللحين وش جاب هالسوالف لراسك؟


ايييه طراه صديقي الل يقول ان عمري 30 ولا اتزوجت


يابن الحلال انت خلص بعثتك وارجع لديرتك وماتدري وش ربي يكتبلك لارجعت

اي والله اشغلني وراح

خلاني افكر في 700 شغله خخخخخخخخخخخخخ}كان هذا حوار راكان مع نفسه

هدات جفون عينيه وقلت حركتها حينها اقفل عينااه مسلما جسده لنووووووم عميييق





--------------------------





السعوديه حيث العاصمه الرياض





في السياره عند باب الشرطه




ركبا الاثنان بالسياره وكانا صامتااااااااااان طوال الطريق


بندر في داخله--


{ياخي تكلم هاوش من اللحين لاتقعد تكتمها للبيت قدامهم


قل هزء


هااا


ترا قفلت معي لاتسكت ياخي


لو تبي ارجفني بيدك


لالا اما تضرب لابس هزاني طيب


قل شي


لاتخليني كذاااا


لازم عند امي نتهاوش


اللحين طيب


عرف انه مافي امل يبادر بشي من عنده


فقرر ان يبادر هو


لانه لم يعد يتحمل الوضع صامتااا


مراهقته اختنقته بكبرياء ابيه يهاوش لاني بقوله اني رجال ومحد له كلمه علي


وبزيد وبزيد بعنادي الى ان تجيبلي سياره

هو بس خله يرد علي

مسوي معصب يعني مضايق

لايكون بيضرب والله ماعاد يشوفني بالبيت عنده


لالامايسويها }


صمت وصمت داخله لثواني معدوده وبادر قائلااااااااا--انا ترى ابي سياره


نايف يشدد قبضة المقود بيدييه التي بدت عروقهاا تزداد وضوحا --لايوجد رد


بندر عرف ان اي كلمه زياده ممكن يصير شي مو زين له


وشهوو مايدري فقرر ان يضع بنج قليلاا على اعصابه ويلتزم الصمت





-----------------------





قبل لحظات وصلت للتو عبير للمنزل بعد ماستاذنت من سميره انها بتطلع

هذي اهي جالسه تهدي امها وتسولف عليها عشان تقتنع ان بندر مافيه شي

وانه جاي بالطريق مع نايف


امها الله يجيبيهم بالسلامه ياربي يهالبندر مهوب مرتاح ولاهوب مريحني معه


امها دقي دقي يمه عليهم شوفي وين قدهم فيه


عبير طيب طيب


<<<<<<<<<جاري الاتصال

الو

الوو


نايف وينكم فيه


نايف بحزم--انا اللي بسالك وينك انتي فيه؟


عبير عرفت انه بيضيق عليها--بالبيت





نايف خير خير- انا بالطريق جاي وبحزم-


سويتي اللي قلتلك عليه ؟؟


تذكرت ووقفت رايحه للدرج- اي اي سويته


وقفل الخط


عبير عرفت ان نايف زعل عليها لانه قايل لها ان بندر مافيه شي ولاتطلعين من الدوام





-------------------


في القويعيه المدرسه الابتدائيه الثانيه





وتحديدا عند باب المدرسه

الفراش ابو محمد-- ياله يامعلمات الرياض الفان جاا


طلعت اريج وزميلاتها


اريج بس ركبت احسست باالا لام في حوضها نفس اللي احسست فيها وهي تمشي طالعه


من المكتب للباب


المعلمه القريبه منها شفيتس اريج


اريج تحاول تهدي من الامها والله مدري وش ذا اللي اجعني اليوم


المعلمه-- ماتشوفين شر


اريج بتعب- معتس بندول

المعلمه بنات معكم بندول--


وحده منهم عطتها كلتها وشربت مويه


وهالمره طول الطريق ماقدرت تنام ولاحتى تغفي عنها مقلقها الم حوضها





------------------------


بيت ال خالد





فتح الباب ودخل حب راس امه وقال هذا هو بيدخل مافيه الا العافيه

واختصر السالفه وطلع فوق مايبي يواجه بندر

بندر دخل -- وحصه تبكي وتحتضنه احتضااان الام الخائفه الوجله على طفلها


وكنه بدى لعبير وماري انه رضيعا وليس مراهقاا متعجرفا


بافكاره اللي تنرفز من حوله

فمابالك ترى نفسك كبيرا ورجلا وافعالك تدل على عكس ذللك -- انا مراهقتك التي لازالت تحت سيطرتها ماقول الا الله يصبر نا عليك

عبير ياربي نايف زعل مني مايكفي عليه ان بندر مضيق صدره اجي انا اكملها عليه بعد


تطمئنت على اخوها وبندر كان بعالم اخر يفكر بنايف ليش ماناقشه ولاهاوشه ولاحتى رمى عليه

تهديد او حتى نصيحه مثل كل مره اسوي تصرف ويقابلني بعده


عبير بجوار امها تهدي من روعها--يايمه خلاص هذا هو طيب ومافيه الا العافيه خلاص

ماري جيبي مويه لماما


ماري اللي تبكي مع ام نايف -- اي اي طيب طيب


عبير توترت واهي تشوف حالة امها --يمه فديتك لايرتفع عليتس السكر اللحين وتتعبين خلاص حبيبتي

بندر حب راس امه ويضحكها ويمزح معها -- يقول يمه ولدتس ذيب ذيب لاتخافين علي


امه وهي تمسح دموعها --الله يفتح عليك ياوليدي ويصلحك

قطع عليهم الحوار سعود وفصول اللي جابوا العابهم في الصاله

وبندر نزل من الكنب يركب لهم القطار

عبير شاورت امها باذنها برقى اشوف نايف ليش ماهاوش ولا تكلم عليه اكيد ناوي على شي له -- امها قالت انشديه يبي غدا




---------------------


في الجامعه




وتحديدا امام احد المباني شله بنات كووول على قولتهم يجهزون ويتناقشون

في مسابقه اعدوها من كم اسبوع يختارون فيها اول احلى 10 بنات في جامعتهم على مستوى جامعات الرياض


- صدق انهم فاضين--


اللي مسوي رئيسه عليهم العنود انا جبت لكم بذووقي 4 بنات بنظري هم احلى بنات الجامعه

والثانيه تبادر وانا بعد جبت 4 وهذي هي اسماءهم

والثالثه والرابعه وكل وحده عرضت ذوقها وترشيحهم كانت هند مستمعه للاسامي ولم تشاركهم وتتحاول تعرف الاسامي من هم وجوهها

عرفت من ضمن الاسامي اللي تكررت مرتين على مسمعها واللي قررت تستوعب انه للمره الثانيه تسمعه


بس هالمره استوقف عقلها ان الاسم مار عليها

نوره بنت فيصل امممم نوره بنت فيصل -- يالبيييييه اللي شفتها اليوم بنت عم ريناد اي والله صدقوووا


قالت ياويلي انا ليش ماخذيت ارقامهم وش هالغباء علي ؟

اللحين وشلون اقول لنوره انها من ضمن الاسامي اللي تكررت مرتين متى عاد اواجهها

لازم اقولها خل تستانس ان لها شعبيه ماشاء الله


قالت احاول الف اليوم ادورهم قبل لايطلعون نهاية الدوام




---------------------------


وصلت عبير لغرفة نايف




طقت الباب وقال -- عبير تعالي


عبيروبخاطرها بسم الله علي حس فيني - السلام عليكم


وعليكم السلام وهو يتصفح الكمبيوتر

نايف ادري انك مو ناقصني وانا زودتها عليك


نايف لايوجد رد


عبير -- نايف والله قلقت على امي لايصير فيها شي ولا بندر انا عارفه ان مافيه شي الحمدلله


نايف -- عبير طلعتك ماكان لها داعي انا قلتلك الامور زينه وانا عند امي

مو كل مره ادنى شي تخلين الدوام وتجيني

نايف بحزم عبير-- انت كبيره لاتخليني اخلي محمود مايحرك السياره الابشوري

عبير باحترام -- والله ماقدرت حاولت اجلس بس افكاري وخوفي على امي ماخلاني اجلس بادوام


عبير وهي جالسه على طرف السرير ---ياشيخ لاتزعل نفسك بس وبندر فتره وتعدي


نايف الله يعين عليه بس


عبير خذتي انتي اللاب بس


اي

زين زين


لاتفكرين تقولين له انه عندك لاني ابي ينحرم من كل شي

عبير عرفت انه ناوي يدرسه--طيب انت مهاوشه في السياره

نايف بهدوء -لا ولاتكلمت معه باي حرف


عبيربغضب--- ليييش كان هاوشته اللحين توصله المدرسه ويطق منها يروح يتفرج على اللي يفحطون


مو كل يوم ينادونك ذا الشرطه

نايف يكتم غضبه -- خليها على الله ياعبير انا بمارس عليه فكره في بالي وعندي امل انها بتجيب نتيجه معاه


وكلام معه ماراح اتكلم نهائي خل يعرف اني ماعاد اهتم فيه ولايشغلني تصرفاته


عبير مافهمت فكرته واستطردت -- الله يعينك تبي غدا تغد تكفى عشان امي

نايف بدون نفس واستوعب كلمتها عشان امي -- بشرط تتغدين معي

عبير بابتسامه-- معليش مو بتتغدا انت باكل حتى لو اني شبعانه


ياله اجل قومي ونزلوا تحت وبالطريق قال لها


عبير نسيت حبيبتي جوالي الاسود جيبيه على السرير


اوك


--------------------------


في مطار دبي الدولي --حيث الامارت





حيث داخل طائرة الخطوط الجويه السعوديه


فيصل يلتفت على ساره -- والله ياساره اني استبعدت هالمره تكونين معي

ساره بصوت هادي -- طيب هات ايدك

فيصل يحب مداعباتها لها- اممم وهو يمد ايده وعينه بعينها


ساره بابتسامه حياا -- بارده ايدك

فيصل وهو مسلم نفسه لعيونهااا--بارد من برى ولا الصحيح اني اغلي من داخل


ساره ابعدت عينااها عن حوار عينيه-- واردفت كن حنا بنهبط


فيصل يواصل مراقبتها لها لانه ينتهي شوق اذا شافها منحرجه -- مدري عن شي انا ماحس الا بيدك اللي ماسكتني


استوعبت ساره ان ايدها لازالت ماسكته-- ضحكت بخجل ملحوظ واطلقتها


فيصل بصوت لايسمعه الا قلب ساره ---ياويليييه والله اضيع ياالسوري بين عيونك


ساره تحاول تتهرب من شوق عينيه الواضح-- بنسكن بدبي ولا الشارقه هالمره

فيصل وهو غارق في كحلتها -- اللي تبين حبيبتي


وقتها هبطت الطائره مطار دبي الدولي

فاستعدا للنزول


-----------------------





عوده لادراجنا بالسعوديه


بيت ال خالد





على سفرة الغدا نايف بدا صامتا امام الجميع وحدها امه وعبير يعلمون سبب سكوته ؟


بينما بندر اللي ماكل بعمره يبي لو حرف من نايف


رن هاتف نايف -- اها هذي ريناد

الو

الو هلا نايف


شخبارك


الحمدلله


بتجي تاخذني ولا محمود بيجي


نايف عادي من تبين كلنا تحت امرك كم عندنا من ريناد


افنان -- قالت تكفين لالا هوو هوو خليه يجي السواق لا


نايف تمنى انه اصمخ ولا سمع بنت عمه ؟؟


ريناد تكمل حوارها ولاكنها سمعت افنان لانها ماتبي تتعب اخوها لمشوار الملز البعيد


براحتك اذا مافيه تعب عليك تعال

نايف بذهوول -- لا انا جاي جاي


ريناد بحنان اكبر --لاتستعجل باقي محاضره على بال مانطلع

نايف اوك


اوك


لايكون سواق انا عندها ولاماتبي تركب مع محمود محمود ماعليه عيبه رجال وله سنين عندنا

ريناد نفسها حانتني من المشوار


لالا تحسبني سواق عندها بسسسسسسس لو اعرف منهي اي وحده فيهم ؟


طلع فوق بعد مابلغ امه وعبير


انه هو اللي بيروح يجيب ريناد




--------------------





خذا حمام ولبس وتعطر ونزل


واهو على الدرج دق نظارته الشمسيه

ورسم بشماغه في مرايا المدخل

وطلع


شاف سيارة الgmc


حقت محمود واقفه ومغسله ونظيفه

قال --- انا ماغسلت سيارتي اليوم باخذ سيارة محمود


خذاها وعلى طول للجامعه


بس وصل اتصل على ريناد اللي فهمت انه عند الباب

ريناد التفتت على افنان --ياله افنان جاءنايف وييين نوره لي ساعات ماشفتها حتى ان هند جات تقول تبيها بموضووع


افنان واهي تتلفت بحثا عن نوره - والله مدري وينها

ريناد بضيق -- ياقلبيه بنتاخر على نايف كذا

وعين بعيده تراقبهم تنتظر مجيء نوره لهم عشان تكلمها


ريناد تدرين بنطلع انا وياك ونوره بدق عليها بالسياره عشان مانطول على نايف


افنان اوك اوك


طلعوا

دقت ريناد على نايف اللي ماشافت السياره حقته

الو


الو وينك


اي نسيت انا بسياره محمود الجي ام سي


اهااا طيب وين بالضبط انا عند البوابه اهااا يمين وتلقيني

اهااا اي اي شفتك


نايف لمح مجموووعه جاو ومايدري كم

ركبت ريناد قدام

عرفت افنان انه ماخذ سياره السواق

هو غااااارق بحيرته من اللي قالت عنه --سواق اي وحده فيهم


ركبت ريناد

السلام


نايف وعليكم السلام نايف قفل الابواب بيحرك

قالت لا باقي نوره انتظر


نايف سحب شماغه اسفل ظهره معدلا جلسته

اكيد انها هيييي نوره انا عااارف مفكرتني سواق عندها بس

نوره منهي بنت اي عم فيهم؟صدق عمي وخالتي ماربوها


الووو

الوو وينكم


وينكم انتوا


طلعنا

ياله تعالي حنا برى


انتي وينك كانت معي هند


ترااها تدورك


تقول بقول لها خبر مدري وشو خبره تعالي الحين حنا بالسياره اقولك بعدين

اوك


اوك


-------

في جوا الجامعه وتحديدا عند البوابه لمحت هند نوره تلبس غطاها وطالعه سارعت هند بخطواتها تريد ملاحقتها لاخبارها الخبر

فهي من يوم تنتظرها باحثه عنها

وبالشارع تناديها ولاسمعت نوره فسارعت بخطواتها تريد اللحاق بها




لم يجف قلمي غدا يكمل ويكشف لنا اسرارهم

كل الود لكم

صبى الاوراق






























 

 








 
 
رد مع اقتباس
 
 
   
  #8  
قديم 31-03-2013, 01:13 AM
الصورة الرمزية صمت المشاعر
:: عضو مميز ::
______________
View صمت المشاعر's Photo Album  صمت المشاعر غير متواجد حالياً
 
مايموت عزمك دامني جنبك




















[COLOR="Blue"]السلام عليكم ورحمة الله وبركاته

اسعد الله صباحكم جميعاا واشكر الله لمحبتكم لي فأن بالشكر تدوم النعم--واعتذر للتاخير عن موعدي اليوم-


ولازال الحماس يتوالى مع وجود احداث فلا تتضايقون من القفلات كل الود مني لكم


استلموا البارت التاسع والعاشرسيكون بعد حماسكم للتاسع


بيكون بحول الله وقوته الساعه 9 ليلاااا


بسم الله [/COLOR]-البارت التاسع-


ركبت ريناد

السلام


نايف وعليكم السلام نايف قفل الابواب بيحرك

قالت لا باقي نوره انتظر


نايف سحب شماغه اسفل ظهره معدلا جلسته

اكيد انها هيييي نوره انا عااارف مفكرتني سواق عندها بس

نوره منهي بنت اي عم فيهم؟صدق عمي وخالتي ماربوها


الووو

الوو وينكم


وينكم انتوا


طلعنا

ياله تعالي حنا برى


انتي وينك كانت معي هند


ترااها تدورك


تقول بقول لها خبر مدري وشو خبره تعالي الحين حنا بالسياره اقولك بعدين

اوك


اوك


-------

في جوا الجامعه وتحديدا عند البوابه لمحت هند نوره تلبس غطاها وطالعه سارعت هند بخطواتها تريد ملاحقتها لاخبارها الخبر

فهي من يوم تنتظرها باحثه عنها

وبالشارع تناديها ولاسمعت نوره فسارعت بخطواتها تريد اللحاق بها



فتحت نوره الباب

فاذا بهند تناديها

نعممممم من انتي؟


انا هند العبدالله


اهااا اي هلا


ترا من يوم وانا انتظرك

والله تو البنات يقولون لي انك تبيني

معليش كنت بالمكتبه عندي بحث


اها عالعموم حبيت ابلغك بالخبر

اي خبر

جاها صوت افنان

هييي انتي كملي سوالفك بعدين اركبي


نوره تضع شنطتها ولم تلتفت على السياره


وش خبره انتي?











وعلىىىىىىىىىىىىىىىمسااامع من فيه السياره




مرشحينك من جميلات الجامعه على مستوى بنات الرياض


نوره ضحكت بصوت واطي تحاول تكتمه عشان محمود واللي بالشارع--ياشيخه عليكم سوالف ياله بعدين اشوفك الله لايفضحنا بالشارع

وركبت بعد ماقالت لها باي


------------------------





ريناد --- افنان--في قمة الحرج

مماسمعوه على مسامع من نايف


ركبت نوره وبصوت محترم وجاف--معليش تاخرت اسفه محمود


نااايف بصوت واثق وبكل حزم -- انا ولد عمك نايف يابنت عمي


نوره <<<<اصابها صمت يشابه صمت الاخرص


افنااااااان تشدد قبضتها بيديهااا على رجل نوره التي بدا لها انها اصابها الشلل والخرص


ريناد تبادر--مادرت عشانك بسيارة محمود --


نايف تخفي ملامحه النظاره --

نوره خلاص العبره بعيونها فشششششششششله والله فشله شهالموقف ياربي


نايف بخاطره--سواق وسكتلها --وواقفه تسولف ولاطعتني وانتي عارفه اني بجي بالطريق -

ولاوفوق كذا ترجعين تقولين اسفه لمحمود وولد عمك يوم امرتيه يجي ياخذك وش حضرتك يوم تامرينه

متى المعرفه؟ هذا اللي تبين ياخاله شيخه تزوجيني اياها هذي تربيتك في بناتك


نايف يدخن عصبيه ويبخر حراره --


ريناد وافنان عادي جوهم بعد مانسوا الموقف متوقعين ان هالاثنين نسوا الموقف

نايف يستطرد افكاره اللي اول مره من هالنوعيه من الافكار الخاصه بالجنس الاخر-





{انت سمعت البنت وش تقول لبنت عمك


وش الكلام هذا ؟ملكه جمال يعني ؟؟ناقص الا يطلعونها بالتيلفزيوون والجرايد


وش هالخرابيط

الجامعه دراسه ولا جمال وسوالف عبط؟


انا لازم اسال ريناد عن هالحكي الماصخ

وانا اللي بوديهم واجيبهم كل يوم هذا ولا شرفي وعرضي

وش هالسوالف اللي تصير لهم انا لازم انتبه على عرضي

<<كل هذا يانايف عشان قالوا اجمل بنات الرياض بنت من لحمك ودمك


لابوهم لابو تعليم عندهم اذا هذي افكار جامعتهم انا لازم اتفاهم مع ريناد بس مو اللحين}


--------


وفي حي الورود حيث بيت ال فيصل





وعند البااااب صعق بل تفاجااا بل استوووووووعب نااااااايف ان اللي نزلت اللي نزلت هيييييييييييييي





-------------------------------





في طريق الشيخ زايد ذاهبا لمنطقة بين الجسرين







بعد ان استاجر لكزس 2009 فيصل وساره وهو اختيار ساره لها-

ساره-- يالله دبي كل مره نروح ونجي لها تتغير وتزدحم اكثر والاغلب اجانب ولا اهل الديره مانشوفهم الا بسياييرهم سبحان الله


بس تدري جوها هالايام حلو صراحه ماتوقعتها جوها هالايام كذا


فيصل واهو كعادته اذا ساق السياره يمسك بانامل يديهاا اليسرى -- اي عارفين ان الزين بيجيهم

حتى شنقريلاا اللحين تلقينهم يترقبونتس


من قدهم ساره بتسكن عندهم


ساره بحرج-- بنسكننننن في شنقريلا اجل


اي مو ذيك المره يوم معنا البنات يوم قلتي خل نسكن فيه قلت مايصلح هالمره

عرفتي ليش ذيك المره مايصلح واللحين يصلح ونص هههههههههههههههه


هالمررررررره استاجرت من الى ولو تبين الفندق كله نمشي فيه هو لك

الله لايخليني ولايحرمني اردفت قائله




قل امين





رفع ايديها البيضاء الشفافه وقبل دبلة

زواجهم واطلق تنهيده تنوب عن كلااااااام كثير بداخله

----------------------------





السعوديه قلب الرياض حي الوروود








وعند البااااب صعق بل تفاجااا بل استوووووووعب نااااااايف ان اللي نزلت اللي نزلت هيييييييييييييي هيييييييييي بنت عمي فيصل

اسمها نوره بنت فيصل

بنت خالتي ساره

اول جامعه


جميله

مغروره


مو محترمه


هاها وش بعد --- للاسف مافي شي منها يدل على انها من بنات ال سعود مااعمري سمعت طاري


وحده من بنات ال سعود ولا ال بندر جت عليهم العيبه

الا انتي مع من معي انا


اجل انا سواق عند ابوتس

ابوتس نفسه مايرضاها علي - والله لو درى عنتس لايقطعتس قطع -

وش ينفعتس ذا الزين ها قوليلي ?


مغروره مهوب جايب خبرتس الا جمالتس

انا لازم التفت لهم ثلاثتهم الجامعه ذي ماتبشر بخير


والبنات توهم باول سنه ولازم انتبه لهم


من بقىى ?


متى بس تنزل بنت عمي ناصر

واكلم ريناد واسالها عن ذي ووش قصة جمالها


وش جمالها فاللعنه قلعتها

لالا وش قصة الجامعه حقتهم





---------------------------





اريج لم تستطيع اغماض عيناها الواسعتين من الالم

حاولت ان تتناساه لكن هو فارض نفسه ويذكرها بنفسه كلما تحركت


قررت ان تتصل على عبير لتتناسى المها --


<<<عبير الورد<<<<<<<<<<<


الو

الووو


هلااا والله


هلافيك


بالسياره


اي


انتي بالدوام


لا


غريبه


طلعت عشان بندر طاق من المدرسه وحبيت اجي اطمن امي


وعساه مافيه شي


لا الحمدلله


وبترجعين للدوام


لا


عالدوام2


اها


وشفي صوتس


مدري عبير تعبانه


بسم الله عليتس


جايتس العمه


لاوالله حوضي يوجعني

صدق والله


اي والله


فجاه يعني


اي


اكيد ولا يمكن انك شايله شي ثقيل ولا صاقعه بشي


لالا


متاكده


طيب اسمعيني

شرايك امرك اليوم بعد ماطلع من دوامي على 8 تكونين ارتحتي ونروح ناخذ اشا عه ونطمن


مدري مدري لاتكبرينها عوار ويروح


لالا حبيبتي لازم


من هنا الى المغرب انشاء الله اكون احسن


طيب نشوف

قالت اريج اي لالا ابي اطلع معك نختار هديه لمعلمة ميس والو بتتزوج وموصيني اشتري لها

عبير مايخلون حركاتهم خواتس

ضحكت بصعوبه اريج ياحبيلهم والله


واستطردت وهي تشوف اسواق العثيم


خلاص هذا حنا دخلنا الرياض اكلمك بعدين


باي

باي


-----------------------


بعد مانزلو افنان




نايف يحاول يبدى بالكلام ماعرف-- قال ريناد عادي بتكلم--ريناد اللحين وش سالفة اللي سمعتها

اي سالفه


نايف واهو ينزل نظارته -- البنت اللي جات تكلم بنت عمي فيصل


ريناد بحرج-- اي مهيب صاحيه ماعندهم سالفه وكملت ببراءه كنها تسولف مع عبير ولا مع بنات

عمها --اي مافهمت انت هم بنات فارغات فاضيات همهم التزيان واللبس بس ولا دراسه ماهمهم

نايف بغموض وحزم--وانتي وبنات عمي ليش تحتكون فيهم


ريناد بثقه -- حنا مانعرفهم وش دخلنا بس هم رشحوا نوره بنت عمي فيصل

نايف وبعصبيه بس سمع اسمها-- ليش اختاروها وهم مايعرفونها على كلامتس -

ريناد بحماس تلتفت عليه -- ياويلي ماتعرف نوره بنت عمي تجنن تاخذ العقل من دخلت الجامعه

والناس تخطبهااا واللحين مثل ماسمعت


ان البنت ذي تلاحقنا من يوم تدورها اثرها تبي تقولها انهم اختاروها

من جميلات بنات الجامعه مهيب صاحيه البنت ذي لاوتقول ان اغلب الاختيار تكرر على النوري

واردفت ضاحكه --الله يستر عليها من العين


نايف بعصبيه وبحزم --واهي مبسوطه انها صارت مشهوره يعنييي


ريناد بقهر ماتدري شلون تفهم نايف -- من يقول مافكرت فيهم انت ماسمعت وش ردت عليها سفهت فيها


نايف واهو يدخل الحاره واصبح قريب من البيت وتمنى لو انهم لم يصلوا ليطول النقاش

عن تلك الفتاه اللي من لحمي ودمي المشهوره والمطلوبه والمغروره والمتعجرفه بجمالها وتصرفاتها





قال بداخله -- نوره انا بلتفت لك اذا عمي مهوب داري عنك انا اتولاك





-----------------------


ابوظبي حيث الامارت




في جناح شانغريلا الفاخر واختارو فرعه في مدخل ابوظبي بقرب نادي الضباط


ومركز ابو ظبي للمعارض


حيث الفخامه والاستقبال

والاجوا ءالمطله على شواطئ الخليج العربي





فيصل ايوه شوووفيه هذاك وياشر على اللي ورا الجسر

الله فيصل يجنن شكله وهو عالبحر

لالا واحلى احلى من الداخل

امممم قد دخلته؟


اي اجل اجيبتس لشي ما اضمنه رحت شفته من يوم اشرتي عليه ذاك اليوم وانا اقول بشوف شوضعه

عشان نجي انا وانتي فيه


انا سامع عنه بس تعرفين لازم اشيك بنفسي


وكيف ؟


بيعجبك ان شاء الله

اهم شي فيه خدمات لي

كلللللللل شي

قال بنظره حاده وهدوء ايقظ فيه جوارح ساره --كل اللي ابيه انا

ساره بحرج -- اها


فيصل -- يالله حبيبتي انزلي

ساره باعجاب لمدخل الفندق وبهوهه -اوك


--------------





دخلت محاولاة اخفاء ملامح التعب عليها بعد ماتركت عندهم خبر انها شبعانه وماتبي غدا




تمددت عالسرير بصعوبه


ياربي رحماك وش هاللي جاني فجاه


وضعت يدها الشفافه اللامعه الصغيره على حوضها وبدت تقول


بسم الله


بسم الله


بسم الله


اعوذ بكلمات الله التامات من شر ماخلق


تتحاول الاستسلام للنوم


لالا لم تستطيع فالالم يذكرها بوجوده


هاهي عيناااها الجميلتين بدت تغرق

سكبت احد عيناها قطره


وتوالت القطرات من الاثنتين


فبداا تذرفان كسباق بينهما

انها تتالم وش فينيييييييييييي


والله ماتحركت ولاشلت شي ثقيل

جاني فجاه والله فجاه من الله مو من شي انا سويته


مابي اقول لامي وتخاف علي وحدي انا راح اتحمل ماجاني فالله الوحيد الالطف بي


-----------------


في لندن




وفي الطريق المؤدي لشقه راكان وفلاح كان الاثنان قد ذهبا سرا على الاقدام وهاهما يعودان على ارجلهما




فلاح بحماس-تدري من شفت اليوم وكيل مدير البعثات زاير الجامعه اليوم


راكان -بالله زين اني ماشفته


فلاح بضحك-- ليه


الله لايحوجني له مره ثانيه

فلاح --ليه قد واجهته انت--


راكان --ايه يوم توفى ابوي خالد الله يرحمه دخلت عليه وطلبت منه انه يرخص لي اروح احضر العزا

وهو يتذكر السالفه كلها


{وانا ادخل عليه وكنت تعبان سلام عليكم


عليكم السلام


يعطيك العافيه


الله يعافيك


انا الطالب راكان بن محمد ال سعود


ونعم تفضل

ماعليك زود


بصراحه عمي متوفي وابي ترخصولي احضر عزاه

عظم الله اجرك


الله يجزاك خير

طيب راكان تفضل عند السكرتاريه دقايق واعطيك خبر

الله لايهينك


هلا هلا


طلع اجرى اتصال النائب وبلغوه

دقايق وقالي السكرتير-- اخ راكان يقول سعادةالنائب -- الظروف ماتسمح


راكان بحزم -- بالله ابي ادخل عليه ممكن

انتظر شوي


السكرتير بعد اتصال اجراه-- تفضل اخوي


دخل راكان وقال لاهنت معليش انا لازم اروح الاختبارات انا عارف ماتنعاد لي

معليش حاول الله يجعلها بموازيين حسناتك هذا ابوي اللي رباني وانا لازم احضر

هو كم له متوفي ؟


امس واليوم ثان ايام العزا


على بال ماتروح خلص وانا ابوك العزا


معليه اهم شي اسلم على ابواني واهلي

والله غيابك عن الاختبارات معناه حرمانك من دخولها

راكان ماعاد يهمه شي -- ماتقدر تسوي شي


والله ماقدر هذا اللي بيدي


الله يعطيك العافيه

شكرا

هلا هلافيك}


فلااااح ولاحضرت عزا عمك

لا يجيك العلم طلعت خلاص معزم لابوها من دراسه واطلع

ويدق على عمي فيصل

ويسالني عن جيتي


طقطقتله اللي صار كله

قالي عمي فيصل - يابن الحلال على بال ماتجي يكون العزا خلص والعزا مايجوز عن 3 ايام لاتضيع مستقبلك وبعدين


ابوك خالد الله يرحمه وش كان همه ماكان همه الا ان تكمل تعليمك وتجيب الشهاده اللي ترفع راسك فيها

لاتضيع مستقبلك وانا عمك


وبعدين مثل ماتشوف عماتك وابوك ناصر كلنا كلمناك وعزيناك عاذرينك وانا عمك وهو راح الله يرحمه جيتك مهيب رادته


يقول والله سكاكين كانت تقطع قلبي

وعمي حاس فيني -- قالي وانا كلها فتره واجي اسلم عليك


ابوي خالد كان عندي من اشهر وماراح الا صحته زينه وتفاجات بوفاته

ويوم كان عندي كنت احس واحد من العيال عندي بالبيت

وكان بسم الله عليه يعرف لغات وفطين ويبيني اصير مثله

الله يرحمه

فلاح بتاثر -- الله يرحمه ويجعل مثوانا ومثواه الجنه


وبعدها ماعاد ابي اشوف ذا النائب ماينفع ولا بريال



فلاح --الله لايحوجنا لعباده




انتظروا -البارت العاشر- هذا اليوم مسااءاا




لم يجف قلمي غدا يكمل ويكشف لنا اسرارهم

كل الود مني لكم

صبى الاوراق






























 

 







 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة








الساعة الآن 02:42 AM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net