منتديات بال مون  

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة

إضافة رد
 
أدوات الموضوع إبحث في الموضوع انواع عرض الموضوع
قديم 19-04-2013, 08:06 AM   رقم المشاركة : 49
:: عضو مميز ::
 
الصورة الرمزية جنيــن






جنيــن غير متواجد حالياً

جنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond repute


آشتقت لك حتى صآر بي منك لمحآت/للكآتبه:غرور آلهلال




يا حبيبي شرهة العاشق كبيرهـ

.................... كل ما زاد الغلا زاد العتب

تحسب ان جروح مفتونك صغيرهـ

................... حرج قلبي من هوى قلبي عذاب

القليله من هوى بالي كثيرهـ

................... والكثيره من غيرهـ هباب



ديم جالسه على السرير طفشت من الناس الي يزورونها من عمامها وحريم

عمامها وبناتهم واخوانها وحريمهم وعيالهم حبت ترتاح شوي انسدحت على

السرير جاء في بالها منظر فيصل والبنت الي واقفه معاه غمضت عيونها تبي تبعد

صورتهم من بالها طقت الباب جود ودخلت


جود: لآيكون صحيتك من النوم؟


ديم: لآ جيتي بوقتك محتاجه اسولف طفشت


جود سحبت وساده من السرير وجلست قبآلهـآ ..


ديم: ايوه وش صار على موعد الملكة؟


جود سكتت ..دنقت

ديم: خير وش فيك تغيرت ملآمحك؟


جود مآحبت تقول لديم الي فيها مكفيهآ ماتبي تزود همومها

ديم: تكلمي وش صاير لكم ؟


جود: ديم انا كنسلت الخطوبة


ديم شهقت: ليـــــــــــــــــــش؟


دخل فآرس عليهم


جود مسحت دموعها

فآرس: سلآم شخبار خوآتي الحلوآت ؟


ديم ابتسمت له: تمام


فارس: ايوووه كذا نبيك من زمان عن هالابتسامه الحلوة


جود صدت علشان مايشوفها فارس


فآرس: تعالي جود بكلمك شوي


جود: لاتتعب حالك قلت لديم كل شي

فارس جر الكرسي وجلس

فآرس: طيب وش السبب وش اقول للولد؟


جود: قولهم جود ماتبي تعرس ياربي منكم غصب هو الزواج


فارس عصب : يعني ترفضين طارق بس كذا


ابو عبدالعزيز دخل عليهم وسمع السالفه لان اصوآتهم كانت مرة عاليه


ابوعبدالعزيز: مين الي مايبي يتزوج


جود شهقت وفارس اختبص وماعرف وش يقول

ديم : طول بالك يبه


ابو عبدالعزيز: وين اطول بالي فيه .. اقول لكم جاوبوني وش قصتكم انتم؟


فارس عصب : يبه انا اقول لك السالفه كلها بنتك جود امس مسكتني وقالت لي انها رفضت طارق وماتبي تتزوج


ابو عبدالعزيز: خوش والله بعد ماعطيت الرجاجيل كلمة تقولين لي مابي اتزوج


جود صرخت: يبه فارس افهموني انا مارفضته بس كذا انا رفضته بعد ماعرفت شي عنه


فارس: لا تفترين على طارق ترى طارق صديقي وحسبة اخوي واعرفه من كان صغير ولو كان مو رجال ماصريت انك تتزوجينه


جود باست يد ابوها ودموعها تنزل: يبه قولهم ماصار فيه نصيب بس تكفى لا تزوجني


ابو عبدالعزيز ضم جود لصدره وجود تبكي ...ديم ماقردت تتحمل الموقف نزلت دموعها وفارس يهاوش ويصارخ


ابو عبدالعزيز:طيب بفهم ليش

جود: انا مقدر اقولكم السبب


نزل فارس وقابل امه على الدرج ماشافها صبخها وطاح كوب المويا وانكسر

ام عبدالعزيز: وش فيك ماتشوف ؟ وبعدين ليش معصب؟


فارس: بنتك الي ماتتسمى طق براسها ورفضت طارق


ام عبدالعزيز: وش تقول جود ليش؟


فارس: وش عرفني عنها ..


طلع فارس وهو معصب ركب سيارته وراح لطآرق بالكوفي كان عنده موعد وياه دخل فارس الكوفي

وطارق استقبله بابتسآمته المعتآدة ..


طآرق: وش بوجهك شاحب؟


فارس ساكت ..


طآرق: ياخي تكلم روعتني ..


فارس زفر: وين اودي وجهي ياطارق منك قسم بالله مستحي اوآجهك وآكلمك

طآرق: ليش وش الي صاير؟ مابيننا هالرسميات انا معتبرك اخو يافارس تكلم قولي وش الي صار ؟


فارس: جود ياطارق

طآرق: وش فيها؟


فارس: رفضت ترتبط فيك


طارق ضرب على الطاولة : وشو؟ ليش؟


فارس: ماتبي تقول لنا السبب تقول انها عرفت عنك شي وطول الوقت انا و ابوي

نحاول تتكلم تقولنا وش الي عرفته عنك ماتبي..


طآرق: اتصل عليها خلها تقول انا ماراح تغمض لي عين الا بعد ماعرف سبب رفضهآ لي ..


فارس طلع الجوال من جيبه

طآرق: بسرعه وش فيك متردد


فارس: ياخي اصبر علي


دق الجوآل بس كان جهازها مسكر ..

فآرس: مسكر الجهاز


طآرق: اتصل على ديم او على البيت دبرني ابي اشوف وش فيها..


اتصل فارس على البيت وقال للخدامه تحول التليفون لغرفة جود .. طارق متوتر

لآخر درجة رجله تضرب بالارض وتفكيره مشوش .. بعد خمس دقايق ردت جود


جود: نعم؟


فارس:هذا طارق معاي يقول وش سبب رفضك


جود: فارس اسمعني انا ماراح اقول هالسبب الا لطارق نفسه فهمت او لا ؟[ سكرت جود الخط]


فآرس قال لطآرق الي قالته جود


فآرس: وين قايم ؟


طآرق: لبيتكم يالله امشي معاي


فآرس: وش تبي في بيتنآ ؟


طآرق: اقول امشي معاي واذا ماتبي اروح لحالي


فآرس: لحظة لحظة بروح معآك بس بقول لك شي ترى ماراح تقابل جود انت تعرف لسى ماملكت عليها

طآرق: ايه عارف بس انت امشي معاي


فآرس: طيب دآمك تعرف وش تبي ترى الوقت تأخر


طآرق: بكلم عمي

فارس: بس ابوي نايم اللحين


طآرق: يووووه غابت عن بالي طيب اسمعني اعط عمي خبر بكرى ان شاء الله راح اقابله


فآرس: وش تبي فيه؟


طآرق: بكرى ان شاء الله بتعرف كل شي ..


/


تركي دخل البيت على وجه الفجر شاف الشقه مظلمه عرف ان ريانه نايمه .. فتح

نآفذة البلكونه وجلس ينآظر للشآرع كيف هآدئ ومآفيه حركه وسكون صآير مثل


حياته هاديه وفجأه قرآر ريآنه قلب كل موآزينه هي طلبت طلب مستحيل يتنفذ


تركي[ ماراح اطلق ريانه لاني احبها .. صدق احبها انا ؟ اكيد ياتركي هذا مو

سؤال ينسأل بس هي الله يهدآها كل ما حاولت اتقرب لها ابعدت عني معقوله اطلقها

حياتها معاي عذاب وانا حاس بالشي هذا هي مو قادرة تستوعب الوضع الجديد ولا

انا مو قادر انا بترك الموضوع الا اذا فتحته من جديد بشوف وقتها وش يصير

معاي]


تركي حس ببرد سكر البلكونه ودخل وهو يمشي لغرفته شاف باب غرفة ريانه مو

مسكر ماقدر يتحمل دخل عندهآ وشاف انها رآيحه للحمآم علشان كذا غرفتها

مفتوحه جاء بيطلع قبل ماتدخل عليه بس شاف روبهآ"روب قميص النوم" على

السرير مسكه وشمه كآنه يتنفسه حس بقربها لقلبه وريحتها الي عطرت له مزآجه

سحب الروب ورآح لغرفته .. طلعت ريانه من الحمآم ولما جت بتنوم تذكرت الروب

المرمي على السرير ريآنه[ وين اختفى هذا؟ اكيد رميته على الكرسي يوووه

عجزانه ادوره فيني نوم ]


تركي جالس على الكنبه الي بغرفته وماسك اللاب توب يتصفح النت جلس يقراء بالموآضيع والآخبار


فتح على الحآفظة المويزك وحط اغنية عبدالله رويشد


بكل سهوله انتهينا كلمه قالتها وراحت


وانا ماني قادر افهم شنهو يعني انتهينا


يعني ماعدنا حبايب وانهدم كل شي فينا

المحبه, والاماني, والجروح, والسنين اللي قضينا


شنهو يعني انتهينا؟


ليش ماقلتي بالاول ترى هالرحله قصيره

ومهما طال الحب فينا اعتبرنا مبتدينا


اه لوقلتي بالاول قبل لاتغرق تعلم


المحبه بحر لاكن بحرها من غير ميناء


شنهو يعني انتهينا ؟



بكل سهوله انتهينا كلمه قالتها وراحت


وانا ماني قادر افهم شنهو يعني انتهينا


شلون مامرت فبالي لحظة الفرقا حبيبي


وانك انته مثل غيرك والقدر ماهو بدينا

ليش يااجمل واغلى من عرفته حياتي

ماعرفنا هالمحبه والى اصلا ما لتقينا

شنهو يعني انتهينا؟


بكل سهوله انتهينا كلمه قالتها وراحت

وانا ماني قادر افهم شنهو يعني انتهينا



تركي مسك روب ريآنه قربه له دمعت عيونه


تركي: والله ضربت على الوتر الحسآس يآبو رويشد ..!!


/


آلصبح الساعه 11 ديم نزلت تفطر مع آمها ونجلآء الي جتهم من الصبح علشان تتطمن على ديم وعيآلها


ام عبدالعزيز: تو ماتبارك الفطور ياديوم


ديم: تسلمين يمه


نجلآء: أي والله ياديومه ماحلى هالفطور الي يجمعنا معك


ديم:ههههههه لا عاد تروني ماتحمل هالكلام الحلو


نجلآء: عاد الي يشوفك يقول مو متعودة وفيصل استاذ بصف الكلآم الحلو


ديم انقلب مزآجها: يمه صبي لي شآي


نجلآء رفعت حوآجبها وهي تطآلع لآم عبدالعزيز وام عبدالعزيز تنآظر نجلآء وهم مستغربين من حركتهآ ..


ديم: وش فيكم ؟


ام عبدالعزيز:هاااه لا ابد سلآمتك ايه صح نسيت اقولكم تروحون معاي بكرى نزور تهاني بنت جيرآننا بالمستشفى


ديم ونجلآء: ليـــــــــــــــش ؟


ام عبدالعزيز: ياعمري هي سقطت الي بطنها وتعورت والليحن بالمستشفى


ديم نزلت كوب الشآي وتذكرت الموقف الي مر عليهآ

نجلآء حست بديم وعرفت ان خالتها ماكانت تقصد شي بحركتهآ ..


نجلآء: ان شاء الله خآلتي... ماقلت لكم شوق باشرت بالدوآم

ديم ابتسمت: آمــــــــــــــــانه ...ياحياتي ياشوق متى؟


نجلآء: آمس


ديم: يابعد قلبي هي لآزم نتصل عليها نهنيهآ


ام عبدالعزيز: هالبنت وربي رفعت روسنآ فوق

نجلآء: أي والله من كآنت صغيره


ديم: الله يوفقها يارب


نجلآء: آمين


ديم: يمه السوآق فيه؟


ام عبدالعزيز: ايه


ديم: بتصل عليه علشان يرسل لشوق ورد


نجلآء: والله انك رآعيه حركآت كيف مآفكرنآ فيهآ ههههه


ديم:ههههههههههههههه


رن جرس البيت

آم عبدالعزيز: يا ريتشي افتحي الباب.. غريبه من الي زآيرنآ بالوقت هذآ؟


نجلآء: يمكن وآحد من العيآل


دقآيق وتدخل عليهم رندآ ..


رندآ: صبآح الخير ..


الكل: صبآح النور ..


ام عبدالعزيز: تعالي قريبي يمه


رندآ: سبقتكم خالتي عليكم بالعافيه

ديم: الحمد لله


نجلآء: شخبآرك رندوش؟


رندآك الحمد لله تمآم


ديم: مشتاقه لك يالدبه


رندآ: وانا آكثر والله البيت مايسوى بدونك

ديم حبت تغير الموضوع: وش عندك صاحيه بدري وزآيرتني لاتقولين جيتك بالحلم ههههههههه


رندآ: ايه صح ذكرتيني تعالي بوريك ليش انا زرتك [ سحبت يد ديم ]


ديم: وين تبين فيني استني


رندآ غمزت لنجلآء ولآم عبدالعزيز وجلسوآ يضحكون ..


رندآ طلعت بديم لبرى عند باب الحوش .. ديم وقفت ورندآ رجعت ورى

رندآ: وش فيك وقفتي؟


ديم: فيصل


فيصل ابتسم وهو برى لما شاف ديم كآن نفسه يركض لها ويلمها ..


رندآ: ايه فيصل


ديم دمعت عيونهآ..


فيصل جاء يبي يجيهم بس ديم رآحت

فيصل صرخ بآعلى صوته: ديــــــــــــــــــم


ديم وقفت ودموعهآ بعيونهآ

رندآ: ديم فيصل ترى امس طلع من المستشفى كآن تعبآن والسبب انتي


ديم مشت وتركتهم دخلت وهي تصيح وصعدت لغرفتها


ام عبدالعزيز ونجلآء مو فآهمين شي

فيصل : رندآ انا آموت لآشفت ديم مآتحمل هالوضع ابي اكلمها ابي افهمها الي صار


رندآ سآكته ماتدري وش ترد على آخوهآ قلبها يتقطع على حالته ..


طلعت لهم ام عبدالعزيز وهدت فيصل وقالت له يبي لها شوية وقت وترضى لآن نفسيتها تعبانه ..


عبدالعزيز دخل على آمه ونجلآء كآنوا بالصاله جآلسين ..

عبدالعزيز: السلام عليكم ..


الجميع: وعليكم السلآم ..


عبدالعزيز: شخبار ديم؟


ام عبدالعزيز: الحمد لله .. وربي مكسور خاطري على ديم وفيصل


نجلآء: فيصل مرة يحبهآ مايقدر يعيش من غيرهآ


عبدالعزيز: ان شاء الله الامور بتتصلح دآم الحب بينهم


رن جوآل عبدالعزيز وطلع يكلم برى


آم عبدالعزيز: مين يكلم؟


نجلآء زفرت: مدري..


آم عبدالعزيز حست ان نجلآء متضايقة: اكيد وآحد من اصدقائه


نجلآء [ ماله دآعي ياخالتي تبررين له لو تدرين بالي اشوفه واسمعه كل يوم كآن ماقلتي هالكلآم ...]


رجع عبدالعزيز لعندهم وشآف نجلآء مكسور خآطرهـآ

عبدالعزيز: نجولتي يالله ياقمر تعآلي معاي

نجلآء : وين ؟


ام عبدالعزيز: عزوز اللحين ظهر وحر وين بتطلع؟


عبدالعزيز: انا قلت اللحين يالله قدآمــــي ..


نجلآء طآرت عيونهآ ماتدري وش السالفه فجأه خلص مكالمته وقالع تروح وياه


عبدالعزيز جاب عباية نجلاء واعطاها : يالله انا بالسيارة بسرعه تعالي
{في عيونك شي ماقدر اوصفه

وفي كلامك لي قسوه وعاطفه

تنفعل وتثور في لحظه غضب

والسكون يصير عندك عاصفه

كل ساعه لك ياعمري شكل

وعلى كل موضوع لك رده فعل



بالسيـــــــــــــــــآرة..


عبدالعزيز: حبيبتي تبين تعرفين من يكلمني


نجلآء عصبت: لآ مآبي

عبدالعزيز: متأكده ارجع فيك للبيت؟


نجلآء: ايه عآدي


عبدالعزيز:ههههههههههههه لآ بس الي اكلمها تقول لآزم اشوف ذي النجلآء الي جننتني فيهـآ

نجلآء: هه هه هه بآيخه


عبدالعزيز: اوف حرم عبدالعزيز الرآ..... معصبه حدهآ طيب يالغلآ مآعاش رآسن على الدنيا يكدر خآطرك


نجلآء سآكته ومآعلقت ..


عبدالعزيز : وصلنــــآ


نجلآء نزلت من السيارة مبهورة ظلت تطآلع

عبدالعزيز: حبيبتي مآتبين تدخلين؟


نجلآء : عزوز ايش هذآ ؟


عبدالعزيز: قلبي انا عآرف انه هالمشغل من زمان نفسك فيه


نجلآء : يابعد عمري ياعزوز


عبدالعزيز: ترآني تعبت من الوقفه خلينآ ندخل ..


دخلوآ عزوز ونجلآء

عبدالعزيز: اضغطي على الجرس


نجلآء ضغطت الجرس .. انفتح الباب ودخلوا ..


وطآح من فوق اورآق مقصصه صغيره ملونه واشياء تلمع والفلبينيآت واللبنانيآت يصفقون

عبدالعزيز: هذي صآحبة المشغل الي كلمتكم عنهآ مدآم نجلآء


نيللي: نيالك ياست نجلآء السيد عبدالعزيز من تلات شهور وهو مشغول حاب يعمل لك سربرايز محترم

نجلآء ابتسمت لعبدالعزيز ..


المشغل صاير مثل المتحف كان مليان الوآن وفازات كبيرة كآن كبير وموقفع مرة حلو وآسمه " نجــلآء بيوتي "


نجلآء: حبيبي ليش خبيت علي كل هالوقت


عبدالعزيز: حبيت تكون مفأجأه حلوة


نجلاء: احلى مفأجأه حبيبي وانت تعرف ان حلمي افتح مشغل واشغل وقتي فيه اذا شفتك بالدوآم


عبدالعزيز: وهذا وحلمك تحقق


نجلآء: حلمي الي ابيه تكون جنبي وماتفآرقني

عبدالعزيز: وبعون الله محد رآح يفرقنآ ..


/


طآرق: ياعمي انا بعرف ايش السبب الي مخليها ترفضني

ابو عبدالعزيز: كلنا نبي نعرف بس هي ماتبي تقول


فآرس: انا بروح اناديها واسألها


رآح فآرس لجود وحآول يقولها ويترجاها علشان يعرف سبب رفضها لطآرق كانت

مصره على انها ماتقول الا لطآرق نفسه ..رجع فآرس وهو معصب للمجلس


طآرق قام وآقف: هاه وش قآلت ؟


فآرس أشر برآسه..


ابو عبدالعزيز حس ان طآرق مرة متضآيق وباين عليه كيف كآن مرتبك ونفسه

يعرف ليش ترفضه كان حاس انه يحب جود وشاريها وابو عبدالعزيز من كان

طارق صغير وهو يحبه ومعتبره رجآل ..


ابو عبدالعزيز: انا بروح اناديها وتعرفون سبب رفضها


طآرق قام من غير شعور وباس رآس ابو عبدالعزيز

ابو عبدالعزيز: فارس خلك هنا لان اختك بتجي

فآرس: على هالخشم يبه


رآح ابو عبدالعزيز وقال لجود تلبس عباتها وتتغطى علشان تقول لطآرق سبب

رفضها طبعآ جود مارفضت هالشي لانها حالفه بالله ماتقول عن الصورة الي

شافتها الا له كانت حريصة على ان صورة طآرق قدآم النآس وخصوصآ اهلها

تكون زينه وماتتشوه ويطيح من عينهم لبست عباتها وتغطت ودخلت المجلس

وشافت طآرق وجنبه اخوهآ فــــــــــــــآرس


جود: السلآم عليكم


الجميع: وعليكم السلآم

طآرق: جود ريحيني تكفين وش الي غيّر رآيك فيني؟


جود توترت ماعرفت كيف تجآوبه .. حآولت تكون قوية لو مرة وحده بس وماتنهار

او تخبص بالكلآم قررت تقول له كل شي شافته وتحطه بالصورة

جود: قبل كم يوم وصلني ايميل فيها صورتك وصورة بنت اجنبيه والمنظر الي كنتوآ عليه مو زين

فآرس : خيـــــــر؟

طآرق صرخ بوجه فآرس: خلها تكمل ياخي


جود توترت اكثر: آآآ ممم الي غثني انك تقول مالك علاقات مع بنات غير كذا

الصورة باين انها منتشرة ولا كيف راح توصلني؟


طآرق: طيب من الي ارسل لك اياها؟


جود: وحده اسمها فاعلة خير


طآرق: ممكن اشوفهآ؟


جود طآرت عيونها كان يتكلم وهو وآثق مافيه شي هزه او خلاه يتوتر ويعصب

جابت الخدآمه اللاب توب لجود فتحته ودخلت بآيميلها وفتحت الايميل الي فيه الصورة اعطت اللاب توب فارس

فآرس طآرت عيونه لما شاف الصورة مو فاهم أي شي من الي يصير


طآرق تفاجأء لما شاف الايميل: هذي Anna


فآرس: وتعرفها بعد ليش ياطارق تسوي كذآ ؟


طآرق : لحظة شوي الصورة هذي مفبركه والي مفبركها وآحد غبي ومايفهم شي بالفوتو وانا اوريكم الاصل


فتح طآرق ايميله

طآرق: هذي الرسالى الاصليه وهذي الصورة الحقيقيه


جود تنآظر هي وفارس للصورة والايميل


فآرس: طيب وش قصتهآ هذي؟


طآرق: هذي قصتها قصة..


جود عصبت : طيب ممكن نفهمهآ؟


طآرق ابتسم : آكيد يآجود


فآرس: يالله كلنآ نسمع لك


طآرق: هذي اسمهآ ( آنا ) كآنت" مسيحيه" تكرهنآ احنا العرب وخاصه


المسلمين بشكل كبيــــر ماتتصورون كيف وتحآول تبين كرهها لنا وللأسف كانت

بنفس الكلآس حقي المهم صار الدكتور يقسمنا قروبات ومن ضمن القروب الي

معي كانت هي معاي وجلسنا ندردش وخليتها مع مرور الايام تشيل فكرتها عن

الاسلام وصارت كل ماتشوفنا تجلس معنا وآخر شي توصلنا له انها فكرت تدخل

الاسلام واقتنعت فيه والفضل لله ثم لي انا وقبل مآرجع للسعودية طلبت ايميلي

علشان تتوآصل معاي وتكلمني عن دخلوها للدين وهي قالت انها بتجي للسعودية

تآخذ عمره .. [ التفت على جود] طبعآ وقتها بتصيرين معآي ونستقبلهآ سوآ صح؟


جود استحت وقامت من المجلس


طآرٌق: فارس يالله روح شوف وش رآيها غيرته ؟


فآرس: لحظة

قآم فآرس ومسك جود وقالت انها فهمت الموضوع غلط وطلبت منه يعتذر لها و وآفقت عليه

طآرق:هاه بشرني؟


فآرس: قالت انها تعتذر منك مو قصدهآ وتقول انسى الي صار وكن ماشي صار

طآرق: الله يبشرك بالخير عشت ايام سودآء الله لايذوقك اياها


فآرس: بس انا بعرف مين الي ارسل لجود وحاول يفركش حطوبتها؟


طآرق: والله لو اعرفه الا اذبحه وموته يصير على يديني ..


/


ريآنه قآمت من النوم مفزوعه حلمت حلم شين بتركي خآفت عليه ...


ريآنه: بسم الله ..بسم الله [ شربت كوب مويآ]


انسدحت على السرير بس ماجآها نوم تتقلب يمين وشمآل مآقدرت تنوم كويس


قلبهآ يدق بقوة مآقدرت تتحكم بمشآعرهآ ونفسهآ رآحت لغرفته مسكت الباب

ويدينها ترتجف من الخوف دخلت وهي متردده وخايفه شافت تركي نآيم على

السرير قربت له حطت يدها على راسه وهي ترتجف خايفه متوترة لآيقوم ويحس

عليها لمحت على الكنبه روب قميصهآ انصدمت ونزلت دموعها حست انه للحين

يحبهآ قلبها يدق بقوة جلست على ركبها وظلت تتأمل تركي

ريآنه[ تركي احبك بس ليش تجافيني ليش ماتحسسني بحبك لي كل صبح اقول اليوم احلى من الي قبله آكيد رآح يتغير ]

قآم تركي الفجر بس حس بشي يمسك يده التفت شاف ريآنه نآيمه على يده وشكلها

ملآئكي في برآئتهآ شآلها بكل خفه بين يدينه وحطها جنبه على السرير [ ريآنه

طبيعه نومهآ ثقيل ] مآقدر ينوم كآن نفسه يطير من الونآسه ريآنه جنبه حط يده

على رآسه وجلس يتأمل فيهآ كأنه اول مرة يشوفهآ بآس جبينهآ ونآم جنبهآ ..


صحت ريآنه بكل خمول فتحت عيونها شافت الغرفه مو غرفتها خآفت جلست على

السرير بس مآشافت تركي جنبهآ استحت وحمرت خدودهآ تمنت لو الآرض تنشف

وتبلعهآ شآفت على الكومآدينه ورقه مكتوب فيهآ /


صبآح الخير ..


الفطور جآهز يستنآك ..


لآينشغل بآلك علي اتصلوآ علي الجآمعه


يبغوني آوقع على كم ورقة ..


تركي ..


ريآنه [ مآكلف خآطره العم يكتب حبيبتي .. وبعدين مسوي فيها راعي ذوق واتيكيت مجهز الفطور ..]


طلعت ريانه وشافت طآولة الفطور مرتبه افطرت وسمعت صوت المنبه حق جوآلها

استغربت مو بالعاده تحط تذكير وخصوصآ من جت لنيوزيلندآ رآحت تشوف جوآلها

قرت مكتوب " تذكير الرحلة الليله الساعه 2 بالليل " ضآق صدرهآ بعد مآبدت

الآمور تمشي تمآم بس تذكرت ان تركي جرح كرآمتها اكثر من مرة مسكت الجوآل

واتصلت على تركي

تركي: هلآ ريآنه


ريآنه قلبهآ يدق: تركي الليله موعد رحلتي قلت بذكرك


تركي سكت شوي اعتفس مزآجه عصب وبان عليه من نبرة صوته القويه والي خلت ريانه تخآف


تركي: آدري متذكر مو نآسي تبين شي ؟


ريآنه: لآ


تركي سكر الخط ..


/


شوق: الحمد لله العنود اجتزتي مرحلة العلآج بكل نجآح


العنود: الحمد لله يآرب


شوق: وكل المشآكل الي كآنت تمنعك من حدوث الحمل تلآشت وصآرت نسبه الحمل عندك 98%

العنود بآست شوق: الله يبشرك بالخير ولك مني اذا جبت بنت بسميهآ " شوق"


شوق:ههههههههههههه ياحبي لك الله يكتب لك الي فيه الخير وتجيبين بنيات وصبيان

العنود : بروح اطمن ضآري جآلس برى

شوق: ايه روحي طمنيه والله يوفقكم وتفرحون ان شاء الله

آلعنود: هذا كله بفضل الله ثم لك

شوق: انا ماسويت الا الي علي ومرحلة العلآج تعتمد عليك انتي وماشاء الله عليك

كنتي قوية ومافقدتي واستلمتي بسهوله وخليتي ثقتك بالله كبيرة والله يرزقك

على قد نيتك..


العنود: مشكورة يابعد قلبي يالله بالاذن ضاري ازعجني بالجوآل


شوق:هههههه موفقين ..


/


ديم جالسه بالصاله مآسكة الريموت كنترول وعندهآ فآرس ومآجد

ديم تقلب بالقنوآت وشافت برنآمج كورة يتكلم عن نآدي [ مانشستر يونآيتد] < نآدي فيصل المفضل


تركت البرنآمج وكآنت تتابعه بحمآس


مآجد: وععع اكره المآنيو كره مو صاحي


فآرس: بالعكس فريق قوي ماعليه كلآم بطل انجلترآ


ديم: يكفي انهم جو عندنآ بالرياض وقت اعتزآل سامي الجابر


مآجد: ليش انتم تشجعونه؟

فآرس: لا انا حدي الدوري السعودي ويخب علي بعد


ديم تحمست: انا اشجعه


مآجد: خبري فيك ماتحبين الكورة ولا تتابعينها واذا جلسنا نتابعها غيرتيها


فآرس: ترى فريق فيصل المان يونايتد


ديم لفت رآسها : تدرون كيف تآبعوا معاي هذا عرض ازيآء على كيف كيفكم


مآجد: اقول اقلعيها مابقى الا ذي نشوف بالفساتين رجعي على القناة

ديم رمت الريموت على مآجد: اشبع فيه ههههههه


فآرس:هههههههههههه لحظة رجع على الاغينه

مآجد:حقت محمد عبده؟


فآرس: ايوووه خلها



ما عاد بدري قلت لي وش تحرى


ذابت نجوم الليل من جمر الآهات


ما عاد بدري تدري العمر مرة

سرقت سنينه مننا كيف لحظات


تقول باكر وانت باكرك برا

مر الزمن واقف على كل الاوقات


وبتنتهي الدنيا قبل ما تجرا

ولاضاعت الفرصة ترى الموت حسرا


ت يامن تصبر كل امري بأمره


همي وحزني والفرح والمسرات


ما ترحم اللي توسمت فيه عبرة


اشتاق حتى صار به منك لمحات


الحب كله لو جمع عٌشرِ ذرة


واللي في قلبي لك ملايين ذرات

احساسي لك كوكب تعدى المجرة


فيه الفضاء شيد لنفسه مجرات


ماعاد بدري قلت لي وش تحرى


ذابت نجوم اللي من جمر الآهات


ماعاد بدري تدري العمر مرة


سرقت سنينه مننا كيف لحظات
ماعاد بدري


ديم جلست تفكر بالكلآم الي قاله فآرس شبكت يدينها وهي تفكر في فيصل بعدين تذكرت هذي الحركه يسويها فيصل اذا كان يفكر في شي لآزم يشبك يدينه ببعضهم

...... ديـــــــــــــــــم .....


لو تدري يافيصل كل شي يذكرني فيك لو تدري انك عايش فيني حتى طبايعي تغيرت وصارت تشبه لك آنا وش سويت علشان تجازيني كذآ ..


فآرس: ياهووووه نحن هنا


ديم: هاه كلمتوني؟


مآجد: لا البنت رآيحه دعس ههههههه


فآرس:هههههههههه لا بس امي تناديك


ديم : طيب


قآمت ديم ورآحت لآمها بالصاله بس وقفت لما شافت خالتها نآديه "ام فيصل" جالسه بالصاله مع


امها حآولت تهرب بس كشفتها


ام عبدالعزيز: ديم هنا يمه تعالي


ديم جت عندهم مسكتها ام فيصل وضمتها بقوة حتى انها اندهشت من الحركه


ام فيصل: ديم يمه انا جيتك هنا ومابي ترديني ابيك ترجعين لبيتك تنوريننآ .. عمك كآن يبي يجي

بس انا رفضت قلت ديم ماراح تردني وترجعني مكسورة هاه يمه وش قلتي؟


ديم: خالتي انتي وعمي على راسي من فوق وجيتك لبيتنآ على عيني والله بس مسأله الرجعه

اعذريني انتم كذا تحملوني فوق طآقتي


ام فيصل: انتي لو شفتي فيصل والله حتى اليهودي يحن عليه الولد راح يروح من بين يديني ياديم [


نزلت دموعهآ] الولد ماياكل مايشرب حتى الكلام مايكلمنا النوم له يومين ماغمضت عيونه من طلع


من المستشفى وهو حاله كل يوم تسوء

ديم صرخت : خلآص خالتي خلآص [ قامت وهي تصيح وراحت لغرفتهآ ]


/


{دق ولا تراانـــي مـاني بداق


أنا لو أني مزعـــلك دقيت


تعوذ من بليس وتزين بالأخـلااق


وتلفن مـوبايل ولا تلفـن من البيت


شغل جهـاازك وآشحنه بعد ألأغــلااق


ودق لجهــاازي يعملك ’’كلوز ليت‘‘


خل أتصــالي يقول مشتاق مشتاق


والذبذبــاات تقول مليت مليــت



الساعه 12 بالليل ريآنه متوتره ومزآجها متعكر باقي ساعتين على الرحله وتركي من الصبح مارجع

تتصل عليه جوألها مسكر ماقدرت تجلس بمكانها اعصابها تلفت وهي تفكر فيه وقفت على الشباك


تنآظر للي تحت سمعت صوت الباب

ريآنه جت تركض باين عليها كيف كانت خايفه.. تركي وجهه شاحب اسود الي يشوفه يقول مات له آحد ..


ريآنه: وينك فيه ؟


تركي: لاتخافين ماراح تتأخرين على رحلتك


ريآنه[ فهم قصدي غلط]


تركي: وين شنطك؟


ريآنه: هذولي رتبتهم


تركي لما شافهم حز بخآطره كيف تروح وتتركه باين انها شالت كل شي وماعندها نيه للرجعه هنآ


ريانه شاله الشنطه


تركي: اتركيهم انا اشيلهم انزلي تحت بسرعه اركبي بالسيارة ..ركبت ريآنه قدآم وعيونها تلمع

ماتبي تفارق تركي بس كبريائها وعزة نفسها منعتها كان ودها تقول خلاص مابي اروح ابي اجلس عندك بس ماقدرت غرورهآ ماسمح لها وتركي ماقال لها شي او ترجاها تجلس

ركب تركي جنبها وشغل السيارة حاول يتكلم حاول يمنعها حاول يصرح لها عن الي بقلبه بس خاف

تقلب عليه وتهاوشه سكت وهو كآن مو مبسوط علشانها نست فكرة الطلآق ومافتحتها من جديد


خاف يناقشها انها تجلس معاه وتكنسل فكرة الرجعه للسعودية بس خاف انه تتذكر موضوع الطلآق ..


وهم بالطريق والهدوء يعم السيارة كل وآحد فيهم يفكر بالثاني وقتها تركي مشغل الcd المنوعآت


وكلها اغاني هاديه جت اغنيه " ادعي علي بالموت " تركي طآلع لريآنه وريآنه انتبهت لتركي ولنظرآته بس تركي صد مرة ثانيه



أدعي علي بالموت ولا سمني


بس لاتفارقني دخيل الله وتروح


طال السفر يابعد عمري همني


شلون أودع بالمطار أغلي حبيب


تعال قبل تروح عني ضمني

أقرب من أنفاسي ترى حالي صعيب


أبي أتثر قدام عينك لمني

وأبي أسألك هل نلتقي عما قريب
:


:


بالمطآر جلست ريانه وتركي يقص البوردينغ حق ريانه

مد تركي لريانه: تفضلي اركبي جنب حرمه اوكي وانتبهي على نفسك و اذا وصلتي اتصلي علي


طمنيني ترى ماراح انوم الا لمن توصلين فاهمه


ريآنه جآلسه على الكرآسي وتركي وآقف قدآمها تنآظر له و عيونها تلمع

تركي مد يده يبي يسلم على ريانه وقلبه يعتصر يحاول يخفي دموعه المجتمعه بعيونه ويغطيها بشعره النآعم


تركي: ماتبين تمدين يدك وتسلمين آخر مرة ياريآنه طيعيني هالمرة ومدي يدك؟


ريـــــآنه مآقدرت تمسك نفسهآ ارتمت على تركي ولمته بقوة وهي تبكي وتشهق من كثر البكآء

وكأنها مغصوبه على السفر تركي مسكها بكل قوة وهو يلمس شعرهآ الكل يطآلع لهم بالمطآر

وعيون الناس عليهم الي يشوفهم يقول هذولآ احسن ثنين بالعالم وعلآقة الحب بآينه من نظرآتهم لبعض ..


ريآنه مآقدرت تتكلم وتركب كلمتين على بعضهآ


ريآنه: تركـ..ـي آنـا خـ...لآص مـ..آبي آسـ.....آفـ....ـر


تركي : احلفي خلآص شلتي الفكره؟


ريآنه: انا بجلس معآك لآخر يوم بعمري


تركي شال ريآنه بين يدينه يدور فيهآ بوسط النآس والكل يضحك على هبالهم كيف انقلب حالهم من

شوي يبكون واللحين الابتسامه منورة وجيههم..


ريآنه: تركي الشنط لاتنساهم


تركي: بكيفهم يالله على البيت ..


ريآنه استحت

تركي: ريآنه آحبك ورب البيت مآتخيل حياتي من دونك


ريآنه توترت من كلآمه وحمرت خدودهآ: يعين حياتك من غيري سلطه


تركي:هههههههههههههههههههههه


ريآنه:هههههههههههههههههههههه

رد مع اقتباس
قديم 19-04-2013, 08:07 AM   رقم المشاركة : 50
:: عضو مميز ::
 
الصورة الرمزية جنيــن






جنيــن غير متواجد حالياً

جنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond repute


آشتقت لك حتى صآر بي منك لمحآت/للكآتبه:غرور آلهلال



فيصل بالليل والوقت متأخر طق الباب على بيت عمه ابو عبدالعزيز


مآجد رآح يفتح الباب وشاف فيصل كان شبه منهآر طآيح على عتبه البآب


مآجد: وش فيك فيصل ؟


فيصل: وين ديم آبي اشوفهـــــــــــــــــــــا


مآجد شال فيصل واسنده ودخله المجلس

مآجد : لحظة اجيب لك كآس مويآ


فيصل: لآ ابي ديم تكفى مآجد خلها تجي

مآجد: لحظة بنآديها


فيصل: بسرعه والي يرحم وآلديك


مآجد:ديم تعالي معاي انزلي بوريك شي


ديم: وشو؟


مآجد: تعالي بسرعه


نزلت ديم وشافت فيصل بالمجلس وشكله تعبان

ديم: روح جيب مويا


مآجد جآب مويا واعطاه ديم .. ديم شربت فيصل المويآ

فيصل مسك يد ديم: استني لاتمشين


ديم: خلاص فيصل الي بيننآ انتهى


فيصل: ماراح ينتهي


ديم: فيصل افهمني مآبيك خلآص النفس عافتك

ديم ابعدت يده وتركته ومشت لغرفتهآ ..


الصبح ابو عبدالعزيز قآيم يبي يروح للشركة شآف باب مجلس الرجآل مفتوح راح يبي يشوف من فيه انصدم لما شاف فيصل على الكنبه نايم


ابوعبدالعزيز: يبه فيصل وش عندك هنآ؟


فيصل مسك يدين ابو عبدالعزيز بآسهم

فيصل: عمي تكفى اقنع ديم تجلس معي لو دقآيق ابي افهمها الموضوع


ابوعبدالعزيز عوره قلبه على شكل فيصل

ابوعبدالعزيز: انا اشهد ان الحب مجنون طيب ياولدي بروح اقولها

ابوعبدالعزيز ينآدي ديم


ام عبدالعزيز: ديم نايمه


ابوعبدالعزيز:صحيها الولد يبي يشوفها


ام عبدالعزيز: فيصل؟


ابوعبدالعزيز:وفيه غيره


ام عبدالعزيز: لاحول ولا قوة الا بالله يالولد هذا كاسر خاطري وبنتك العنيده ميبسه راسها


ابوعبدالعزيز بروح اقوله والله يعين قلبه عليها


/


عبير : أي والله يايمه ديم ماتبي ترجع لفيصل والكل خايف انها تطلب الطلآق منه وتصير اول طلآق


بالعايله والكل راح لها يترجاها ترجع بس رآكبه راسها ماتبي


ام طآرق: لا ان شاء الله ليش تطلب الطلاق ديم حبوبه وماتوقع انها تطلب الطلاق بالسهوله هذي

الا انها شايفه شي ماقدرت تسكت عنه


عبير: محد عارف السالفه حتى جود اختها ماقالت لها ولو تشوفين شكل فيصل زوجها يبي يموت


وخصوصآ انها سقطت الي في بطنها


مشاعل طآحت من يدهآ كآسه الشاي وانكسرت

ام طآرق : وش فيك؟


مشآعل بتردد وخوف: ديم حآمل؟


عبير: تخيلي كانت حآمل


مشآعل: عبير يالله قومي معآي


عبير: وين تبين؟


مشآعل:قومي معاي تكفين تكفين


عبير:وين ماقلت لمشعل


مشآعل: نبي نروح لديم


عبير طآرت عيونها:وش تبين فيهآ؟


ام طآرق: وش عندك


مشآعل: البنت بتتطلق قومي

عبير لبست عباتها وهي ماتدري وش الطبخه وراحت مع مشاعل لبيت ابوعبدالعزيز


دخلوآ بالمجلس واستقبلتهم جود


عبير: هلا بمرت اخوي


جود: هههه هلآ بك اكثر منورين


مشآعل: جود وين ديم؟


جود طآرت عيونهأ:اللحين تجي


عبير: وش عندك انتي من جينآ هنا سألتي هالسؤال 3مرآت


مشآعل متوترة


جود: مبروك الخطوبه مشاعل تتهنين يارب


مشآعل: الله يبارك بعمرك


دخلت ديم وهي لابسه جلابيه سودآء وجهها اصفر ذبلآن


مشآعل: ديم كيفك


ديم:الحمدلله مبروك الي سمعنا


مشاعل :الله يبارك بعمرك


عبير:هذي ديم يالله قولي الي عندك


جود: انا بروح اجيب لكم العصير


عبير: ماله داعي

جود: ولو عبير

عبير ابتسمت وديم وجهها اصفر وخايفه من كلآم مشاعل


مشآعل: آآآ ديم احليني تكفين

ديم طآرت عيونهآ: خير وش تقولين؟


مشآعل:ديم ترى فيصل ماله ذنب ارجعي له تكفين الولد يحبك ويعشقك لاتسوين فيه كذا


عبير: وضحي اكثر شلون؟


مشآعل: انا الي خططت كل شي وسميرا الي نفذت تكفين ارجعي لفيصل


ديم طآرت عيونها ماقدرت تسوعب عبير مصدومه


مشآعل: ديم هاوشيني هزئيني لاتسكتين

ديم نزلت دموعهآ:طيب وش استفدتي؟


مشآعل: انا كنت اشوف الدنيا سودآ تفكيري غبي ماستفدت شي فرقت قلبين وهدمت الي بينهم


ريحي ضميري وارجعي له


عبير اعطت مشآعل كف حآر على دخلة جود ومعاها صينيه العصير طآحت الصينيه على الآرض لما شافت الموقف


عبير: ياحقيرة قومي قدآمي للبيت قووووومي


مشآعل:ترى طآرق يحبك ياجود وانا الي فبركت الصورة وارسلتها لك لاتصدقين كل شي ترى

اخوي مستحيل يحب غيرك


مشآعل طلعت وهي تبكي ورآها عبير ديم رآحت لغرفتها وارتكت على السرير وهي تبكي من كل

شي من ظلمها لفيصل ومن حقد مشاعل لها ومن حالة فيصل الي صايرة فيه ومن الحمل الي

طآح وماكانت تدري حست بذنب فضيع اتجاه فيصل


مسكت الجوآل واتصلت على رندآ وقالت لها تجي اللحين للبيت... لما وصلت رندآ قالت لها كل شي

ورندآ مبسوطه ان ديم فهمت اخوها صح وبنفس الوقت متضايقه من تصرفات مشاعل وكيف كانت

نيتها شينه


رندآ راحت لفيصل وقالت له كل شي وقالت ينتهز الفرصه ويشوف ديم بس استغربت من ردة فعل


فيصل ماكان مبسوط على طول سكر الخط بوجه رندآ


/


العنود جالسه على اعصابها تقوم وتجلس كل الي بالمستشفى يناظرون لها مستغربين من حالتها

متوترة لآخر شي من شدة التوتر صارت تآكل اظافرهآ

شوق جت وهي تركض

شوق: العنود ابي البشـآآآآآآآآآآرة مبروك طلعتي حآمل


العنود قمزت " طمرت" : احلفي احلفي


شوق: انا استلمت نتيجة التحليل بيدي مبروك ياحياتي واخيرا بتصيرين ام


العنود باست شوق : وشلون اشكرك وربي ماني عارفه


شوق: مابيك تقولين شي يالله اتصلي ضاري بشريه وانا بروح ابشّر مشاري انه بيصر خآل


/


بالليل الساعه 11 ونص ديم صحت من النوم بعد مآكلت حبوب علشان تنومهآ بع مآصحت نزلت تحت شاف البيت فآضي مافيه احد

ديم: يمه.. جووود وينكم؟


ريتشي: ديم كوله روح


ديم: وين؟


ريتشي: مافيه معلوم


ديم: وبابا وفارس ومجود؟


ريتشي: كوله اطلع سوى


ديم: وين رآحو ياربي


ريتشي ضحكت وطلعت

ديم: شوفيها هذي صايرة نفسيه


ريتشي: تفضل تفضل


ديم: مين الي جآي


دخل فيصل على ديم ..هنا ديم وقفت من شافت فيصل


فيصل: ممكن تروحين معاي؟


ديم: وين؟


فيصل: بنروح لمكآن كل اهلنا فيه انتي تعالي بس


ديم ابتسمت وراحت بدلت ملابسها ولبست عبايتها ونزلت


ديم: تأخرت عليك


فيصل: لو تجلسين دهور وسنين راح استنآك


ديم ابتسمت


فتح باب الشارع فيصل وكانت سيارة مزينه بالورد مثل سيارة العرآيس وفآرس وآقف جنبهآ


فآرس: يالله اركبوآ يالمعآريس ..


ديم ضحكت على حركآتهم وحست نفسها عروس من جديد وجنبهآ فارس احلآمها فيصل ..


وصلوآ لقآعه صغيره منورة ولما دخلت السيارة كانت الدانه وكآدي ماسكين بوكيهات ورد عند البوآبه


وعمآمها وحريمهم والبنات كلهم وعيال العايله وآقفين ينتظرون ديم وفيصل برى


ديم: وش عندهم وآقفين؟


فيصل: انزلي قلبي


ديم نزلت ومد فيصل المقص لديم ..ديم طآرت عيونهآ مسكت المقآص وكانت البوآبه عليها شريطة


حمرآء قصت الشريطة والكل يصفق لها اخذت الورد من البنوتات الصغار ودلخت جواء القاعه وهي


ماتدري وش السالفه


دلخت وانصدمت بالي شافته كآن معرض لرسومآتهـآ وكل رسمه من رسمأتها معلقه بطريقة حلوة

ومتناسقه الكل اعجبه المعرض وديم كانت مبسوطة نفسها لو تضم فيصل قدآم الكل وتقولهم

ياناس احبه كل الي بينهم نظرآت وهالنظرآت مشبعه بالحب والشوق ..


فآرس رآح ورى امل: اعجبتك اللوحه؟


آمل:يمه

فآرس: ليش شفتي جني؟


آمل:هههههههههه


فآرس: خالي عمتي ياعرب ياجماعه دام الكل فرحآن ومبسوط وكل ثنين مع بعضهم وهذا سعود

يبي يخطب رندآالاسبوع الجاي ماعدآ انا وهالطخمه الي جنبي جالسين نتفرج على هالعالم

علشان كذا قررنا نتزوج


الكل:ههههههههههههههههههههههههههههههه


العمه صيته: حشى مسلسل مصري


فآرس: انا واحد ماعندي اسلوب واعترف ماحب اللف والدورآن خالي انا بطلب يد بنتك امل على سنه الله ورسوله


ابوعبدالعزيز: ايالمفتري تخطب بدون ماندري


فآرس: يبه ادري انه منى عينك تشوفني معرس هذا انا حققت لك منيتك..هاه خالي وش قلت


ابوعآدل: لا يافارس اعذرني ماعندي بنات للزوآج


الكل سكت وطارت عيونهم امل دمعت عيونها ومسكت يد رندآ

العمة صيته: بس ياعبدالرحمن احنا

الكل تضايق وفارس وجهه صار احمر من العصبيه


ابوعآدل: تبي تعرف ليش رفضت ازوجك؟


فآرس: ايه


ابوعآدل: ليش ماقلت لآبوك ياشاطر اخبر الي يبي يتزوج يجيب ابوه


الكل:ههههههههههههههههههههههههههههههههههههه


فآرس: يعني وشلون ابي اتزوج آمل


ابوعآدل: اذا وآفقت ماعندي مانع


فآرس رآح لأمل مثل المهبول


فآرس: هاه وش قلتي

آمل ضحكت

شوق: موآفقه يافارس

فآرس: لازم اشوفها تقول ايه


آمل تخبت ورى ظهر شوق والكل يضحك على حركاتها العفويه


فآرس: اطلعي قولي لي ايه


جود:خف على البنت مستحيه


امل اشرت برآسها


الحريم يزغردون :لولولولولييييييييييش


الكل فرحآن ومبوسط لرجعة ديم وفيصل وخطوبة فآرس وآمل

ضآري: وانا بعد ابي اقولكم انا وزوجتي خبر يفرحكم


ام عبدالعزيز: العنود حآمل صح؟


ضآري: ايه يمه راح يجيني ولد


ابوفيصل:الحمد لله اليوم كلها اخبار حلوة

ابومشعل: الله يديمها علينآ

عبير: ديم ممكن شوي بعد اذنك فيصل


فيصل: لآتضيعون حرمتي ترى ماصدقت تصير جنبي


ديم:ههههههه

عبير: ديم والله مدري وين اودي وجهي منك منحرجه من الي سوته الغبيه وانا والله ورب البيت

حلفت ماحاكيها بعد الي سوته


ديم: حبيبتي عبير انا كنت عتبانه عليها بس الحمد لله هي بفضل الله رجعت المياة لمجآريها تكفين

لاتقولين هالكلآم انتم خوآت ومالكم الا بعض علشان خاطري كفري عن حلفك البنت بتتزوج وتبيك

يكوني وآقفه معاها


عبير ضمت ديم لصدرهآ : الله يخليكم لبعض انتي وفيصل ومآتشوفون شي ينكد عليكم ..

بعد مرور خمس سنـــوآت....!!


ديم وفيصل : حياتهم مليانه رومانسيه وجآبوا بنت و ولد وعآشوا مع ابو فيصل وام فيصل .. ام فيصل صارت ماتستغني عن ديم حبتها كثر بنتها او يمكن اكثر..فيصل صار اكبر محامي بالريـآض ( تقدرون تروحون له يابنات وتشوفونه بمكتبه ) وديم افتتحت معرض ثاني لقى اصداء حلوة بالمجتمع الثقافي ..


تركي وريآنه : ريآنه حملت بعد مآخلصت درآستها وصارت مهندسه برمجيات وتركي صيدلي وتخرجوآ ورجعوآ للريآض وسكنوآ في بيت مستقل وانلقب الكره والحقد الي بينهم الى حب وهيام وطبعآ بيتهم funny house لانهم ثنينهم يحبون الضحك والفرفشه ..


رندآ وسعود: سكنوآ بالشرقيه وسعود صآر " مقدم لوآء" وعندهم بنتين مثل الآقمار تؤآم وحياتهم مآشيه عال العآل كل وآحد متفهم الثاني ..


العنود وضآري: العنود جابت بنت ولدين وحآمل بالرآبع وسمت البنت على شوق وصارت شوق الصغيرونه مثل الدكتورة شوق تشبها بشكل كبير .. ضآري يحب البزآرين وبعد الازمه الي جتهم كآن وده لو كل سنه العنود تجيب له بيبي ..


آمل وفآرس: حياتهم كلها سفر × سفر .. امل تحب فارس بشكل كبير وفارس يحبها بس دايما يعاندها بالبصبصه ع الحريم وهي تموت من الغيره < طبعآ الوضع جايز له : )


شوق ومشآري: قمه بالهدوء والرومآنسيه حياتهم عمليه ارتقت شوق بشطآرتها وكفأئتها وصارت نائبه رئيس مجلس الآداراة الي هو زوجها مشآري والمستشفى ازدهر وتطور وصار من اكبر متشفيات الرياض ..


طآرق وجود: سكنوآ بدبي علشان عرض ضخم من شركة كبيرة بالامارات جاء لطآرق وقبله .. معاهم ولد وجود حآمل بالثاني

عبدالعزيز ونجلآء: والحب العميق الي بينهم وحياتهم المليانه مفاجأت نجلآء اذا سافر عبدالعزيز قضت معظم يومها بالمشغل واذا جاء ابو الشبآب نست المشغل والي عمل المشغل : )


مشعل وعبير: والهدوء والحب الي هم عايشين فيه تعودنآ عليهم من بدآيه القصه كذآ ..


مشآعل رجعت وحكمت عقلهآ وصارت انسانه طيبه تغيرت وصارت مشاعل ثانيه غير الي قبل والفضل يرجع لله ولزوجهآ الي كآن قمه بالطيبه ..
][ آنتهــــــــــــــــــــــــــى ][

رد مع اقتباس
قديم 23-08-2015, 08:52 PM   رقم المشاركة : 51
:: رومانس مون متفوق ::





Wail ameen غير متواجد حالياً

Wail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond repute


رد: آشتقت لك حتى صآر بي منك لمحآت/للكآتبه:غرور آلهلال


شـكــ وبارك الله فيك ـــرا لك ... لك مني أجمل تحية .







رد مع اقتباس
قديم 21-08-2017, 10:21 AM   رقم المشاركة : 52
:: رومانس مون متفوق ::





Wail ameen غير متواجد حالياً

Wail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond reputeWail ameen has a reputation beyond repute


رد: آشتقت لك حتى صآر بي منك لمحآت/للكآتبه:غرور آلهلال


موفق بإذن الله ����������لك مني أجمل تحيه







رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة









الساعة الآن 11:46 PM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون