صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة






الرجاء استخدام خاصية البحث أدناه للبحث في الموقع:









إضافة رد
 
أدوات الموضوع إبحث في الموضوع انواع عرض الموضوع
  #9  
قديم 12-09-2012, 04:49 PM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق غير متواجد حالياً

 
دموع بلا خطأ / للكاتبه : بسمة خوف ,كامله







الجــزء التـاسـ ع (9)





طالعته باستغراب.. شنو يقصـد ؟



هجم علي مثل الاسد وانا صرخت من الخوف ..


كان يحاول يلمسني ..


وعقب فجأه قاام ..


وانا كنت مغطيه ويهي بيدي ..



شفت هارفي ماسك ستيف..


هارفي منفعل: شفيــك انت .. جي تسوي في صديقتك ؟


ستيف دز هارفي : شتبي انت .. قوووووم ..


هارفي يسحبه : تعال معـااي تعاال ..


ستيف عطـى هارفي بكس ودزه : قلت لك قوووم ..


صرخت : ستييييف ..


طالعني وابتسم , وفتح لي يدينه : تعالي .


رجعت على ورى خايفه .


قرب مني ومسك بلوزتي يحاول يفتحها


دزيته ورحت صوب هارفي .. كأني استنجد فيه


هارفي طالعه وصب عليه الماي اللي كان في يده ..


هارفي :ستيييف اصحـــى ..



اخذت شنطتي وركضت عنهم وتميــت اصيـح .. مو معقوله هاللي يستووي .. مو معقوله .. الانسـان الوحيـد اللي وثقت فيه وحسيت معاه بالامـان طلع جي .. يحاول يتهجم علي ..



سمعت صوت يناديني : لوووتس وقفــي ..


تميت اركض وانا اصيـح ..


مسكني من ذراعي ووقفـني ..


التفت عليه وانا اصيـــ ح ..


هارفي : وين راايحه بروحج .. انتي ماتعرفين شي هنيه ..


صحت وماقدرت اتكلم ..


هارفي طلع ورقة من جيبه : هالورقه طاحت من ستيف في القطـار ..


مسحت دموعي : ورقة شنو ؟


هارفي : عنوان بيت .. اظنها لج ..


قريتها وانا امسح دموعي: اي .. هذا بيت خالتي .. ممكن توصلني ؟


هارفي ابتسم : اكيد ..



مشيـنا وانا لبست شالي لان البرد زااد ..



ركبنا تاكسي ووصـلـنا ..


وقف عند بيت كبـيـر وكأنه قصـر ..


قال : هذا مكـان العنوان ..


هارفي : لحظه انا بنزل بتأكد من الاسم ..



نزل وانا ألعب في اصابعي من التوتـر ..



رد ..


هارفي : يلا نزلي لوتـس .. هذا بيت خالتـج .. السيدة جوليت ..


بلعت ريجي ونزلت ..


طالعت البيت ونزلت دمعه حاره دفت ويهي البارد ..


قلت : كنت اتمنـى ان ستيف يكون معـاي ..


هارفي : باجر اذا صحـى راح يكون عندج ..


التفت عليه بسـرعه : ما راح اسمح له انه يوصـل عند عتبة هالباب ..


هارفي استغرب : ليــش ؟


قلت : هو خسـر الثقة اللي كنت معطتها ايـاه .. كنت احس معاه بالأمـان .. الحيـن وبعد اللي صار ما اعتقد اني راح اقدر اشوفه .. ستيف يا هارفي حط حاجز بيني وبينه باللي سواه اليوم .. وانا لايمكن انسـى ..


هارفي : لا لوتـس انتي ما فهمتـيـه .. هو كـان مو في وعيـه ..


قاطعته : لا ياهارفي .. لا تدااافع عنه .. وانتظـر شنو راح يسوي لك انت بعد ..


هارفي نزل راسه ..


قلت وانا آخذ شنطتي: انا بروح .. مع السلامه ..


هارفي : مع السلامه ..



هارفي تم يراقبني من بعيد .. وانا رنيت جرس الباب ..



طلعت لي وحده : نعم ؟


قلت : موجوده السيده جوليت ؟


قالت : نعم موجوده .. من اقول لها ..


قلت بتردد : لـ .. لـوو .. لـوتس ..


قال : آآآه لوووتس .. تفضـلي ..


قلت : شكـرا ..


التفت على هارفي وابتسم لي يشجعني وراح ..


دخـلت البيت والتفت يمين ويسـار .. البيت كبيـــر .. وكأني نقطه موجوده داخله ..


حطيت شنطتـي ومشيت خطوتين للداخل ..


نزلت بنت اعتقد من نفس عمري وهي تغني وتركض على الدري بمرح ..


شافتني سكتت ..


ابتسمت لها مجامله ..


ابتسمت لي : من ؟


قلت : انا لوتـس ..


جات عندي بسـرعه : صــج .. وانا ألـمـا بنت خالتـج


ابتسمت لها وضمـتني ..


ألما : لحظه بروح انادي ماما ..


راحت تركض : ماااااماااا .. مااااااااااااااماااااااااااا ..


ابتسمت وتميت واقفه مكاني ..


جاتني وحده لابسه نفس لبس اللي فتحت لي الباب .. اظن انهم يشتغلون في هالبيت ..


أشـرت لي اقعد وقدمت لي الشـاي ..


شربته لاني كنت محتاجه لشي دافي ..



دخلت علي وحده كـانت لابسه ارقـى الملابـس ..


قمت لها بابتسامه ..


قالت : انتي لوتـس ..


قلت : اي .. انا لوتـس ..


قالت بابتسامه : وانا خالتج جوليت ..



فتحت لي يدها ورحت ضميتها .. خنقتني العبـره .. بس قدرت اتغلب عليها ..



جوليت : من سنين وانا ادور عليـج .. والوقت اللي فيه يأست سمعت عنج .. وشفتج أخيـرا ..


قلت : يعني انتي كنتي تدريـن ان انا عايشه ..؟


جوليت : ما كنت متأكده .. بس كنت حاااسه .. قلبي كـان جي يقولي ..


ابتسمت لها : انتي تشبهيـن امي ؟


نزلت راسها بحزن : انا وامـج ما كنـا نتشـابه .. كل وحدة لها جمالها .. وامج كانت احلى منى .. بس لاني كنت صغيـره ما كنت اقتنع .. وكانوا يراضوني ويقولون لي انتي احـلى .. مع اني كنت اشوف ان امج أحـلى منـي ..


طالعتني : انتي تشبهينها واايد ..


ابتسمت وعيوني غرقت من الدموع ..


قلت : وأبوي ؟


جوليت : امم .. انتي ما تشبهيـن ابوج .. بس ابوج كـان يحب امج حـب جنوني .. كانوا يضربون المثـل في حبهم .. حبو بعض من وهم صغـار .. رغم المشـاكل اللي كانوا يتعرضون لها ..


قلت : أي مشاكل ؟


جوليت سحبتني وقعدنا : كـنا احـنـا من طبقه فقيـره واايد .. وابوج كـان عنده خيـر .. واهل ابوج ماكانوا يرضون بأمج .. لانها كانت فقيـره .. بس حبهم لبعـض خلاهم يحاربون العالم عشـان يستمـر هالحب ويكبـر .. بعد ما شافوا أهل ابوج ان ابوج متعلق في امج وايد .. قررو انهم يوافقون على زواجهم ..


ابتسمت ونزلت دمعتي ..


جوليت : حبيبتـي انا امج .. ما ابيج تزعليـن .. روحي خذيلج دش ساخن وانا بتظـرج هنيه .. نكمل سوالفـنا ..


ابتسمت : اوكي ..


جوليـت : سوزااااااااااان ..


جات اللي فتحت لي الباب بسـرعه : نعم ؟


جوليت : دليها غرفتها وين .. وجهزي لها ملابسها ..


سوزان : حاظـر ..


رحت وراها ودلتني مـكـان غرفتي الجديده ..


كانت في منتهـى الروعه ..


السرير كبيـــر ملـكي ..


لون الفراش احـمـر ..


والدفايه موجوده في نص الغرفه ..


سوزان : هاي غرفتج مدام ..


وأشـرت لي على باب في الغرفه : وهاي الحمام


قلت : اهاا .. شكـرا ..


سوزان : راح احط لج الملابس على السرير اوكي ؟


قلت : مافي داعي .. عندي ملابسي في الشنطه ..


سوزان : هاي اوامـر السيدة جوليـت .. ما اقدر اخالفها ..


ابتسمت لي وراحت ..


جوليت خالتي عايشه وكأنها ملكه .. فرق بين عيشتي وعيشتها .!



دخلت الحمام واخذت لي شاور دافي ..


حسيت ان جسمي دفـى ..


شفت الملابس اللي كانت على سريري ..


كانت تنورة سوده قصيـره صوف .. وجاكيت اسوود وداخله بدي فوشي ..


ولقيت البوت الفوشي عند السرير ..


لبستهم وانا مستغربه ليش ألبس هالملابس .. المفروض البس بيجاما ..


مشطت شعـري اللي وصل لين اكتاافي ,, وخليته نفتوح عشان ينشف



نزلت تحت .. بس ضيعت .. مادري وين كنا قاعديـن ..


شفت وحده من الخادمـات ماره ..


قلت : لوسمحتـي ..


قالت بابتسامه : انا مادلين .. تفضـلي ..


قلت : مادليـن شفتي وين جوليـت ؟


ابتسمت : تعالي معـاي ..


رحت معاها وشفت جوليت قاعده وتشرب شاي وتقـرى الجريده ..


قلت : هه ضعت ..


جوليت : هههههههههههه ..تسبحتي ..؟


قلت : اي خلصت ..


جوليت : ليـش ما نشفتي شعرج ..؟ الحيـن بتاخذين برد ..


قلت: لا عادي انا متعوده جي ..


جوليت : بس الحين بررد .. روحي نشفي شعرج .. وخلي سوزي تنشفه لج ..


قلت : مافي داعي ..


جوليت : امبلا .. يلا ..


جات سوزي ودتني لغرفتي مرة ثانيه .. طلعت المنشف ونشفت شعـري .. وهو يطلع هوى دافي وصوته مزعج .. اخذت شعري مره ثانيه وربطته .. وصار اطول شوي ..


ولاحظت انه نشف عدل ..


رحت الصاله مره ثانيه برفقة سوزي ..


جوليت : تعالي الحين بيجون ألما وجورج ..


قلت : ألما بنتج وجورج من ؟


جوليت : ولدي ..


قلت : اهااا .. بس انا توني شايفه ألما طالعه .. حرام تخلينـها ترجع بسببي ..


جوليت : لا اصلا الوقت تأخـر والدنيـا برد بـرع .. انا قلت لهم اذا كان الجو بارد تجون بسرعه قبل لا ينزل الثلـج ..


رن الجرس ..


جوليت : آه .. كاهم جو ..








راحت سوزان تفتح الباب ..


تميت اطالع الباب اترقب من اللي بيجي ..


وانصدمت ووقفت بسرعه ..


جورج طالعني وطالع امه : لوووتس ؟


جوليت : اوه .. تعرفون بعـض ؟


جورج : ايي .. يمـمممه هااي اللي قلت لــج عنها .. اللي دعمتها ..


جوليت : اوووه لوتس انتي بخيـر الحيـن ..


قلت : اي لا تحاتين .. انا بخـير ..


جورج : رحت المستشفـى وقالوا لي انج طلعتي .. وسألت عنج وقالوا ان ردت لج الذاكـره ..


قلت : اي ..



جوليت تطالعني وتطالعه بابتسامه ..


جوليت : ما سلمتو على بعـض ..


قلت : هههههه .. شايفين بعض قبل .. عادي ..


جورج جدم : لا مو عادي ..


مديت يدي اسلم .. مد يده وسلم علي بالخد ..


طالعت جوليت وكانت نظـرتها عاديه ..


استغربت .. انا ولا مره سلمت على ستيف اللي هو ستيف جي ..


بس اعتقد ان هالمنطقه منفتحه شوي .. والدليل لبسي انا الحين ولبـس ألـما ..


جوليت : فيـج شي لوتـس ؟


قلت : لا مافيني شي ..


جورج : شكلج تعبانه .. روحي نامي عشان ترتاحين ..


قلت : اي .. بروح ..


جوليت : تعشي أول .


قلت : لا تعشيت قبل لا اجي .


رحت ومادري شلون وصلت غرفتـي ..


دخلت وابتسمت : وكل مـره بيتغيـر شكل هالغرفة بنظـري .. مساعه كانت غيـر والحيـن غيـر ..


حذفت روحي على السرير ..


تميت افكـر في ستيف .. آآآآه ياستيف ..


في اليوم اللي قلت لك احبـك افتــرقــنـا ..


ليـش ياربي بعد كلمه احبك فراق ..


عشـت احـلى ايامي معاه بدون هالكلمه ..


هالكلمه تدمـر الحب ما تقويـه ..


انا غلطت غلطه كبيـره يوم اني قلت لك أحبـكـ يا ستيف ..


..


بس اللي سويته اليوم شي ما ينسـي .. وشي من المستحيل اني اسامحك عليـه .. انت دمـرت هالحب .. ودمرت كل شي معـاك ..قطعت حبل الثقه اللي كان مربوط بينا .




غطيت عيوني ونمت ..



فتحت عيوني وشفت جورج مجابلني ..


تخرعت وقمت بسسسرعه ..


قلت : شفيـك ..


جورج : جبتج غرفتج ..


التفت حولي .. عيل انا وين كنت ..


جورج بابتسامه : نمتي في غرفتـي ..


قلت : انزين جان قعدتني عشان اقوم بنفسـي ..


جورج : هههه قعدتج بس ماقمتي .. هاوشتيني هوااش ..


قلت باستغراب : اناا ؟


جورج : هههههههه اي .. يلا ما اعطلج .. نامي ..


طالعت الساعه كانت 1 في الليل ..


حاولت انام بس ماجاني نوم ..


فتحت الشباك الكبيـر .. او بالاصـح البلكونه ..


وهف علـي هوا بااارد ..


شفت لبسي ومازلت بالبس اللي عطتني اياه جوليت ..


رحت فتحت شنطتي وطلعت لي بيجامات من بيجاماتي ..


لبستها ورديت نمت ..



قعت على الساعه 5 الفجر ..


تميت اتقلب على الفراااش ابي انااام لين الساعه 6 ..



نمت وقمت الساعه 8 ..


حاولت انام بعد بس ما قدرت خلاص .. المكان الغريب وما اقدر انام بهالسـرعه ..



اخذت الروب ولبسته ونزلـت ..


شفت جولييت قاعده وفي يدها اوراق وتوقع وتشخبط ..


قلت : صـبـاح الخيـر ..


طالعتني جوليت باستغراب : صباح النور ..


قعدت جنبها ..


قلت : شتسويـن ..


جوليت : اشتغـل ..


قلت : في البيت ..


جوليت : هههههه ألما تتضايق اذا شافتني اشتغل في البيت .. بس شغلـنا ما يوقف .. حتى في اجازه نهايه الاسبوع ..


قلت : الله يكون في عونج ..


طالعتني ..


جوليت : لوتـس ..


قلت : نعم ..


جوليت : ليش نازله بالبيجاما ؟


قلت : ليش لازم شنو ألبس ..؟


جوليت : شوفي انا ضيوفي الباب لهم مفتوح .. ومب عدله يدخلون ويشوفونج بهاللبس .. بيحطون في بالهم انج مو مستعده لأستقبالهم ..


فهمت هي شنو تبي : اهاا .. اوكي بروح ابدل ..


جوليت : افتحي كبتج حبيبتـي واخذي أي لبسه تبين .. كلهم لج ..


قلت : بس انا عندي ملابس في الشنطه ..


جوليت : هاي لا تلبسينهم .. قطيهم في الزباله .. لان هنيه لازم يتغيـر ستايلج شوي ..


قلت : لـيش ؟


جوليت : يا لوتس لا تكثريـن كلام .. انا ابي اشتغل .. نفذي اللي اقوله وبس استغـربت منها بصـراحه .. يوم طيبه ويوم تتأمـر ..! وباجر شنو بتصيـر مادري ..



رحت و فتحت الكبت .. لقيت ملابس واايد ..


احترت أي لبسه ألبـس ..


غمضت عيوني وخذت فستان لين تحت الركبه .. صوف .. لونه رمادي .. وعليه ربطه في الصدر حمـرا .. ومعاه شال أحمـر ..ولبست بوت اسود


مشطت شعري وخليته مفتوح ونزلت ..



قلت : خالتي شدراج بقيـاسي ..؟


جوليت بابتسامه عريضه : من مصادر خاصه ..


عقدت حواجبي : يعني شلون ..


جوليت : لا تحسبين انج جيتي هنيه بالساهل .. احنا سألـنا عنج .. وعن كل شي ..


تسندت وانا مستغربه .. ليش يعني يسألون عني .. انا وحده من أهلهم ..


بس لهم الحق .. وحده بتدخل عليهم وبتعيش معاهم وهم مايعرفون عنها شي ..!



جوليت : لووتس .. فطورج جاهز ..


قلت : لا انا مابي ..


جوليت : ما يصيـر .. انتي شايفة نفسج شلون ضعيفه .. كأنج ما تاكلين كلش ..


قلت : ما اشتهي ..


جوليت : حاولي .. لان الفطور عندنا وجبة رئيسيه ..


ابتسمت ورحت مع مادلين ..


دخلتني على غرفة فيها طاوله كبيـــره وكرااسي وايد ..


حطتلي الفطور على اول الطاوله ..


قلت : انا بروحي بتفطـر ؟


مادليـن : الحين بيجي السيد جورج وبيتفطـر ..


قلت : وألـما ..؟


مادلين : ألمـا تفطرت بدري .. لانها راحت الجامعه ..


قلت : آهااا .. اوكي ..



آآه الجامعه .. انا المفروض اكون في الجامعه ..


وقفت عن الدراسه من غبائي ..



جورج : شفيــه الحلو سرحـان ..


ابتسمت : لا ولاشي ..


سحب الكرسي وقعد ..


جورج : ليش ما أكلتي ..؟


قلت : الحين باكل ..


أخذت العصيـر وتميت اشـرب ..


جورج : لوتس ..!


قلت : نعم ؟


جورج : انتي وين كنتي عايشه ..؟


انسدت نفسي وحطيت العصيـر على الطاوله ..


قلت : ليـش تسأل ..؟


جورج : فضـول ..


قلت : ومصادركم الخاصه ما قالت لكم ؟


جورج : أي مصادر ؟


قلت : امك جي قالت لي ..


جورج : ههههه هاي مصارد امي .. انا مادري بشي ..


قلت : يعني شلون مصادر خاصه ..؟


جورج : يعني امي تعرف ناس هناك .. وسألتهم عنج .. وسووا ابحاث ودراسات عنج .. وين تسكنين .. ومع منو .. وشنو تشتغلين او شنو تدرسين .. وامي احتفظت بالمعلومات حق روحهـا ..


قلت : آهـااا ..


اخذت العصيـر أشرب ..


جورج : شخباار ستيف ..


آآه ياجورج انت مو ناوي تخليني اتفطر مثل العالم والناس ..


قلت : زين ..


جورج : ليش ما جا معاج ..؟


قلت : ليش يجي معاي ؟


جورج : يعني انتي جيتي في هالطريج بروحج ؟


قلت : لا هو كان معاي والحين رجع ..


جورج : آهـاا ..


تم ياكل جورج وانا سرحت ..


ياترى وينك ياستيف ..؟ شتسوي ؟


آآه ياقلبي ..


وانا شدخلني فيه ..!


انا نسيته خلاص ..



جورج : لوووووووووووتس ..


تخرعت : شفيـك ؟!


جورج : من مساعه اناديج .. ليش ما تااكلين ..


قمت : شبعت ..


رحت الغرفه وطليت على العالم من الشباك ..



يات سوزي : آنسه لوتـس ..


التفت ..


سوزي : السيده جوليت تبيج ..


قلت : اوكي يايه ..



نزلت وراها ..



طليت على جوليت .. أشـرت لي اقعد ..


جوليت تتكلم في التلفون : أي أي .. لا راح ننسحب من هالصفقه لاني مو مرتاحه لها .. ادري انها راح تربحـنـا بس خلـنا على هالشغل احـسن .. وانا عندي مشروع ضخم في بالي .. راح اكلمك عنه اذا جيت المكتب .. اوكي خلال ساعه راح اكون هناك .. في انتظـارك ..


قلت : نعم ؟


جوليت : لوتس عرفت انج تركتي المدرسه ..


نزلت راسي ..


جوليت : ادري ان هالشي غصب عنج .. وانا ما راح اخليـج جي .. راح ادخـلـج أحسن المدراس .. واحسن الجامعـات .. وانا سجلتج في مدرسه .. وراح يوديج ويجيبج السواق الخاص فيج ..


قلت : انا عندي سواق ؟


جوليت : أي نعم ..


قلت : بس اللي تسوينه هاي وايد ..


جوليت ابتسمت : مو وايد ولا شي .. يلا انا بروح الحين مابي اتأخـر .. وانتي اطلعي مع جورج اذا تبين .. اخاف تملين في البيت بروحج ..


قلت : لا يمكن يكون مشغول ..


جوليت : لا مو مشغول .. اليوم عطيته اجازه ..









جورج جا من برع : اي صح يا لوتس طلعي معاي .. لانج اذا ما طلعتي راح اروح المكتب معاها .. الاجازه بيدج ..


ابتسمت : اوكي ..


جورج ابتسم : يلا ..


جوليت : لوتس انتظـري ..


التفت : نعم ؟


جوليت : مسكي .. فتحت لج حساب ..


فتحت عيوني : لييييش ؟


جوليت : ههههههه مايصيـر ألما وجورج عندهم وانتي لا .. مو غير عنهم اانتي ..


قلت : والله ما اعرف شلون راح ارد لج هالجميـل ..


جوليت ابتسمت وطلعت ..


رحت اخذت لي شنطه حمرا وحطيت فيها هالبطاقه ..



طلعت برع لقين جورج ينتظـرني داخل السياره ..


ركبت : تاأخـرت ؟


جورج : لا .. وحتى لو تأخـرتي انا راضـي ..


ابتسمت ..



حط جورج موسيقـى هااااديه تملل ..



قلت : وين بنروح ؟


جورج : بتشوفيـن الحيـن ..


قلت : لا قول لي ..


جورج : مفـاااااجأه يالوتـس ..


قلت : انا ما احب المفاجأت ..


جورج : بس انا احب افاجأ الناااس ..


ضحكت : هههههههه .. انزين بنشوف شنو مفاجأتك ..



طولـنا في الطريج ..


قلت : جورج وين رايحين ..


جورج ضحكت : هههههههههه اصبري ياماما شفيـج ..


قلت : مافين صبـر .. الحين قول لي احنا وين بنروح ..


جورج : شوفي شوفي الثـلج ..


التفت ليـقت الثلج مغطي الارضيه ..


واحنا رايحين فوق كأنا رايحين جبل ..


قلت : بتوديني الجبل ..


جورج : تقريبـا ..


قعدت اطالع تلال الثلج والاجبال ..


حسيت بالبرد ..


شفت الشمس متخبيه ورى الغيوم .. والاشعه طالعه بنور خفيف .. حبيت هالمنظـر ..


وقف السياره ونزل ..


شفته ومانزلت ..


فتح لي الباب : يلا ..


نزلت : وين بنروح ..؟


جورج : وصلـنا ..


قلت : هالمكان ؟


جورج : اي .. بنتزلج ..


نقزت بفرح : صصصصصصصصج ..!


جورج : ههههههه اي ..


قلت : بس انا ما اعرف ..


جورج : ولا انا .. بس بنتعلم ..


مسك يدي وسحبـني ..


دخلـنا مبني وعطونـا ملابس لـ التزلج ..


واأدوات التزلج ..



ساعدني جورج في لبس الالواح ..


كان لبسـنا عباره عن بنطلون سميك وجاكيت نفس الشي ..


وقبعه صوفيه .. ونظـاره عن الثلج لا يدخل في عيونا ..


ولوحتين نلبسهم في الرجلين .. وعصاتين عشان ندفع فيهم انفسـنا ..


وركبنا قمه الجبل ..


ماكان عالي وايد .. لان احنا مانعرف نتزلج ..


غرزت العصـا في الثلج وغمضت عيني ..


جورج كان جنبي بس ماعرف شنو يسوي ..


جورج : هههههههههه لوتس فتحي عينج ..


فتحتها : ما اعرف اتزلج ..


جورج : شوفي سوي نفسـي ..


غرز عصـاته جدام شوي .. ودفع نفس لجدام .. وتم يمشي لين نهاية الجبل وطاح ..


حطيت يدي على بطني وتميت اضحك ..


أشـر لي اني انزل ..


سويت مثـل ما سوى هو ..


حطيت عصاتي جدام ودفعت نفسي ..


واندعست في الثلج ..


نفضت ثيابي وقمت ..


رديت سويت نفس الحركه وطحت على صوب ..


تميت اضحك وبعدين تعبت وتميت قاعده ع الثلج ..


وصل لي جورج وهو ميت من الضحك ..


جورج : وتضحكين علي هااا .. انا على الاقل وصلت لين النهايه .. انتي متـر ما مشيتي ..


قلت وانا اضحك : ههههههههههههه حرام عليك جورج .. انا مشيت واايد ..


جورج : هههههههههههه ماشفت شي انا.. يلا قومي خلـنا نركب مره ثانيه ..


قلت : خلاص انا تعبت ..


جورج : مافي .. الا توصلين النهايه ..


ركبنا بدايه الجبل ..


جورج : سوي نفسي .. صدقيني مابتطيحيـن ..


قلت : بنشوف ..


سويت كل خطوه نفسه ..


انا مشيت وصرخت : وصصصصصصصصصصصلت ..


جورج كان وراي : هههههههه للحين .. جدمي عصاتج واسرعـــي ..


كنت اسوي مثل ما يقولي جورج ..


ووصلت وماطحت ..


استااانست ..


وصل جورج : مبرووووووووك ..


ضحكت : هههههههههههههه .. يلا خلاص انا تعبت ..


جورج : يلا تعالي نقعد في الكوفي وعقب نكمل مشوارنـا ..


قلت : اوكي ..



رحـنا وشربـنا لـنا قهوه دافيه .. وزادتنا نشـاط ..


بعد ما خلصـنا ..


جورج : يلا بوديج مكان حـلو ..


قلت : يلا ..


رحـنا صوب كراسي معلقين في الهوى ..


قلت : شنو هااااي ؟


جورج : تعالي يلا ركبي ..


قلت : لااا بطيــح ..


جورج : مابتطيحين .. في حزااام .. يلا ..


شافني متردده سحبني من يدي وقعدت على الكرسي ..


وقعد جنبي ..


مسك يدي : مابيصيـر شي ..


قلت : اصلا انا مو خايفه ..


جورج : هههههههه واضح ..


بدى يمشي وانا اشوف الثلج اللي تحتي والناس .. ما كنـا بعاد وايد عن الارض .. بس بعد حسيت بخوف ..


جورج : لوتس طحتي طحتي ..


وكان يقولها بشكل سريع ..


ضحكت : هههههههههه مو لهالدرجه ناقصـه عقـل .. انا اعرف اذا طحت ..


جورج : هههههههه ابي اخرعج .. بس بصـراحه طلعتي شجاعه ..


ابتسمت بخفـر .. عقب حسيت نفسي طفله ..


يلا خلني اتدلع دام اني ما تدلعت وانا صغيره ..



درنـا مناطق الثلج كلها ..


استانست واايد بهالطلعه ..



طول الطريـج واحـنا نسولف ونضحك ..


جورج : ها نتغدى برع ..؟


قلت : لا مافي داعي .. خلـنا نرجع البيت ..


جورج : على راحتج ..



كمل طريجه وكملـنا سوالف ..



وقف السياره عند البيت ونزلت من السيـاره وانا ماسكه بطني من الضحك ..


قلت : ههههههههههههههههه جوورج حـرام عليـــك اسكــــت ..


جورج : ههههههههههه وعقب ما انصدت حرمت اطلع بدون شور ..


قلت : ههههههههه تستاااهل .. عيل هاي طريقه يشردون من البيت .. ههههههههههه ..



دعمت حد وانا كنت منزله راسي من الضحك ..


رفعت راسي وفجأه ذابت البسمه من شفاتي ..


كأن انصب علي ماي حااار حرق ويهي وصار أحمـر وحـار ..




قلت منصدمه : ستيف ..!





:



:











 
 
رد مع اقتباس
 
 
   
  #10  
قديم 12-09-2012, 04:50 PM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق غير متواجد حالياً

 
دموع بلا خطأ / للكاتبه : بسمة خوف ,كامله







الجـــزء الـ عـاشـر (10)






ستيف واقف وحاط يده على الباب : وأخيـرا شرفتي ..


قلت : انت ما رحت ؟


قاطعـنا جورج : مرحبـا ستيف ..


ستيف : اهليـن ..


جورج : شخبارك ..


ستيف : يعني ..


جورج شاف العبوس على وجه ستيف وماكمل كلام ..


جورج وهو رايح : لوتس انتظـرج داخل .. لا تتأخريـن ..


بلعت ريجي وانا ألعب بأصابعـي ..


ستيف : شنو هاي لوتس ..


قلت : شنو ؟


ستيف : اشوف علاقتكم صارت اوكي وصار يدخل بيت خالتج بعد ..


قلت : جورج ولد خالتي ..


ستيف وهو مو مصدق : لا لا .. صج !


التفت عنه وانا رايحه : مو ضروري تصدق ..


سحبني من ذراعي : يهوون عليـج اروح بدون ما تودعيني ..!


طالعته بغضب : اي يهووووون ..


طالعني بغضب ..


قلت : انت ما سألت نفسك اذا يهون تسوي فيني اللي سويته امس والا لا .. ياي اليوم وبكل وقاااحه تقول لي هالكلام .. تفضل ستيف انا تعبانه ..


التفت عنه ورد سحبني ..


ستيف : لوتس انا أحبج .. لوتس ما خلصت كلامي .. تعالي معاي ..


قلت : لا ياستيف .. انت انسااني مثل ما انا نسيتك ..


ستيف : شنوووووووو .. نسيتيني ..!


دارت عيوني عنه : اي اللي بينـا انتهـى ..


ستيف سحبني من يدي : تعااالي يا لووووتس .. هالبيت خرب عقلـج ..


سحبت يدي من يده بقوه عشان يفكها : مارااااح اروح معاااك .. خلاص ستيف .. روح مكان ما جيت وكثـر الله خيـرك ..


ستيف : لااااااااا مارااح اخليييييييييييج .. تعاااااالي ..


وسحب يدي وانا احاول امنعه ..


شفت جورج ياي صوبـنا وهو يركض وسحب يدي من يد ستيف ..


وطالعه بنظـره ..


طلع شرار من عيون ستيف ..


ستيف بكل غضب مكنون : اوكي لوتس .. قعدي معـاه .. وعيشي حياتج .. بس انا ماراح انساج .. وما راح اسمح لج تنسيني ..



راح ستيف وانا واقفه مكاني .. ومنزله راسي ..


مسك جورج يدي ودخلني داخل ..



مادليـن : سيد جورج الغدا ع الطاوله ..


جورج : اوكي ..


جورج : تعالي نتغدى لوتـس ..


هديت يده : لا مااشتهـي ..


رحت غرفتي ..


وقفت عند المنظـره ..


حاولت اصااارح نفسـي ..


شنو الشعور اللي اكنـه لـ ستيف ..!


حب والا صداقه والا تعودت عليه وبس ..!



قطعت حبل افكاري طقت باب ..


رحت فتحت الباب ..


ألمـا : مرحبااا ..


ابتسمت ودخلت الغرفه : مرحبتين ..


ألما : ليش ما تنزلين للغدى ؟ الكل ينتظـرج ..


قلت : مالي نفس ..


ألما : شلون يعني ..!


قلت : ما ابي اتغدى ..


ألما : بس يا لوتس امي ما بترضى جي ..


قلت : شلون ..؟


ألما : لازم تكونين متواجده في هالوقت .. لان كل جمعتـنا وقت العشـا والغدا والفطور ..


قلت : انا ما ابي شاسوووي ..


التفت عنها وجابلت البلكونه .. ناقصـتها خالتي هي الثانيه ..


ألما مسكتني من كتفي ..


ألما : لوتس شفيج ؟


قلت : متضايقه شوي ..


مسكتني وقعدتني على الكرسي اللي جنب السرير وقعدت معاي : ابي اعرف السالفه .. مو انا بنت خالتج ..


ابتسمت ..


ألما : يلا ..


قلت لها كل اللي صار بيني وبين ستيف .. وقلت لها اني ما اعرف شعوري اتجاهه .. هل هو حب والا صداقه والا شنو ..


ألما : انتي الحين شنو شعورج اتجاهه .. في هالوقت ..


قلت : الغضب ..


ألما : الحين ما تقدرين تقيسين حبج له .. لان مزاجج مايسمح .. خلي يعدي عليج كم يوم وساعتها انتي بتعرفين من نفسج ..


قلت : انتي شنو استنتجتي ؟


ألما : انتي قلتيلي شعورج يوم كنتي بتجين هنيه .. استنتجتها انها حب .. لان نفس الشعور اللي اعيشه الحين " ابتسمت "


قلت : صـج ..! انتي تحبين ؟


ألما : اي عيل بس انتي .. يلا يلا امي تنتظـرنـا ..


قلت : اوكي ..


نزلـت معاها .. وحاولت أكـل عشان خالتي ما تفتح لي محظـر ..


لاحظت عيون جورج وألما علي ..


أكلت وقمت قبلهم .. ورحت الغرفه ..


قعدت شوي أفكـر ..


وشوي الا ألما ياتني ..


ألما : تعالي معاي النادي .. شرايـج ..!


قلت : لا ألما .. مالي مزاج أطلع .. بتم هنيه ..



ألما : راح تغيـريـن جو ..


قلت : ما لي مزاااج .. ان شالله المـرة اليايه ..


ألما : توعديني ..


ابتسمت : وعد ..


ألما : يلا عيـل انا الحين بروح .. باي ..


قلت : باي ..


راحت وانا تميت قاعده على السرير ..


شفت مجله على الطاوله اللي جنبي .. اخذتها وتميت اتفرج ..


طق الباب ..


قلت : الباب مفتوح ..


انفتح الباب ..


سوزان : آنسه لوتـس ..


قلت : نعم ؟


سوازن : السيده جوليت تبيـج ..


قلت : اوكي يايه ..


وراحت وانا رحت وراها ..


يوم شافتني اني وراها وقفت وخلتني انا أمـر قبلها ..


ابتسمت باستغراب ورحت الصاله ..


قلت : وينها ..؟


سوزان : سوري بس هي في المكتب .. تعالي من هنيه ..


ودلتني ورحت ..


فتحت الباب .. وكأنها تخرعت ..


أشرت لي اقعد وكانت في يدها أوراق ..


قعدت وانا اشوف المكتب ..


فخم والكنبات من الجلد .. وكان جزء من الطوفه جلد ..


التصميم وايد حلو .. وغريب ..


حطت الاوراق وشلت نظارتها ..


جوليت : لوتس ..


قلت : نعم ..!


جوليت : انا اعرف انج يايه من مكان بدائي .. وماتعرفين في الإتكيت شي ..


طالعتها باستغراب .. كأنها مشمئزه مني ..


جوليت : انا ما اقول لج جي عشـان أهينج او اقلل من قدرج .. لان انتي مكانج الاصـلي هنيه ..


نزلت راسي ..


جوليت : راح يجي مدرس الإتكيت بعد ساعه .. راح يعلمج أصول الاتكيت في كل شي .. شلون تتعاملين مع الناس بذوق وإتكيت .. وشلون تقعدين في المطعم .. وشلون تمشيـن .. في كـــل شي ..


قلت : بس هالشغلات مالها لزمة .. انا اعرف شلون اقعد وشلون أكل وشلون امشي ..


جوليت : بس انتي محتاجة تتعلمينهم بالاتكيت ..


تنهدت بملل ..


جوليت : ترى مو ضروري يعجبج اللي اقوله .. المهم انج تطبقينه ..


قلت : انزين ليش هالمعامله هاذي .. اذا انتي متمللة مني هالكثر برجع مكان ما جيت ..


جوليت وقفت ويات صوبي ..


نزلت راسي ..


مسكتني من كتفي : أنا آسـفه اذا كلتمج بقساوة .. بس انا ما احب حد يعارض رايي ..


وقفت : اوكي انا اللي آسفـه .. راح اجهز حق المدرس الحين ..


ابتسمت .. وانا ابتسمت لها وراحت ..


طلعت من مكتبها وانا محتره عليـها .. شنو ما احب حد يعارض راايي .. يعني احنا مالـنا راي بعد رايها .. اوووف ..


رحت الغرفه ولبست لي قميص طويل لين تحت الربكبه بيـج .. وله حزام تحت السدر عنابي .. وبرمودا عنابي تحت .. ربطت شعري ونزلت ..


قعدت في الصاله انتظـر المدرس .. مع ان ما اشوف له دااعي ..


فتحت التلفزيون وتميت اشوف برنامج عن الحيوانات ..



شوي الا رن الجرس ..


اكيد المدرس ..


رحت عند الشباك وطليت ..


شفت سوزان ووراها ريال ..


سوزان : آنسه لوتـس .. المدرس تشاكي وصـل ..


وقفت ومديت يدي : اهلا ..


ابتسم وانحنـى وباس يدي ..


ابتسمت باحراج


جات جوليت وسلمت عليه ..


جوليت : انا الحين طالعه .. تقدر تاخذ راحتك استاذ تشاكي ..


انحنـى لها : شكـرا ..


ابتسمت وطلعت ..


تشاكي : مستعده ..!


ابتسمت : مستعدة ..


اول شي علمني شلون اقابل الناس .. وشلون اقعد ومتى ..


وعقب علمني شلون اقعد في المطعم .. واذا كنت مع ولد او اذا كنت مع بنت .. واذا كنت مع رجل كبيـر او صغيـر او حبيب او صديق ..


وعلمني شلون امشي ..


حط 3 كتب على راسي وقالي أحاول امشي ..


تشاكي : يلا امشي لوتـس ..


قلت : انا ما صدقت اثبتوا الكتب على راسي .. اذا مشيت بطيحووون ..


تشاكي : حاولي ..


جدمت خطوه .. واهتزوا الكتب ..


خطيت الثانيه طاحوا ..


قلت : ششششفت ..


شال الكتب من على الارض ..


تشاكي : يا لووتـس مو تمشيـن وانتي تطالعين الكتب .. امشي وانتي تطالعين سيده .. يلا حاولي مره ثانيه ..


حاولت وحاولت لين قدرت امشي 3 خطوات ..


فرحت .. وتشاكي يضحك علي ..


قلت : يلا دورك انتي حط الكتب وامش ..


ابتسم واخذ مني الكتب .. حطهم على راسه وتم يمشي بكل ثقة ..


استانست .. حسيت ان السالفه سهله ..


اخذت منه الكتب وتميت ادور نفس .. بس عقب ما طاحوا ..


وتمينا نضحك ..


تشاكي : شوفي لوتس اليوم الدرس خلص .. بكـره باجي عشان بقالنا شوي ونتعلم الاساسيات .. اوكي ..


قلت : اوكي ..


راح وانا وصلته لين الباب اللي برع ..


تميت ادور في الحوش .. لين ما ظلمت الدنيا ..


توني بدخل الصاله الا ألما جايه ..


قلت : اوه جيتي ..


ألما : اي .. يلا يلا تعالي بقول لج شي ..


وسحبتني داخل بسـرعه ..


قلت : شفيج خرعتيني ..!


ألما : لا تتخرعيني .. ابي اسولف معاج ..


ابتسمت : ما تبين تتسبحين ..!


ألما : لا تسبحت في النادي وبدلت ..


قلت : اوكي الحين سولفي ..


ألما : شفت بوب ..


قلت : من بوب ..!


ألما : حبيبـي شفيـج ..


قلت : ما قلتيلي عنه ..


ألما : صج ..!


قلت : اي بس قلتيلي انج تحبين .. بس ما عرفتيني عليه ..


ألما : عيل بعرفج عليه قريب وعد ..


قلت : انزين وين شفتيه ؟


ألما : شفته في النااادي .. يااااي محلووو ..


قلت : ليش من متى ما شفتيه ؟


ألما : من اسبوع .. كانت عنده دوره ياي ما تتصورين شكثـر وحشـني .. و بكـره بيسون له حفـله .. انه رجع بالسـلامه ..


قلت : زيــن حـلو ..


ألما : اي انتي من المعازيم ..


قلت : شنوو ؟


ألما : اييي بتييين معااي .. بليــز .. كل صديقاتي عندهم خوات وقريبات .. الا انا .. والحين انتي جيتي وابيج تكونين معااي ..


ابتسمت : اوكي باجي ..


ألما : صـــــج ..!


قلت : اي صج .. تبيني اوعدج ..


ألما : لا خلاص صدقتج .. يلا الحين انا بروح ابدل .. وبنام شوي ..


قلت : بتتعشين ؟


ألما : اي اكيد .. العشـى بينحط بعد 3 ساعات .. خلني انام ساعه على الاقـل .. تعبانه ..


قلت : اوكي روحي ..


راحت وانا تميت قاعده بروحي ..


طق الباب ..


قلت : الباب مفتوووح ..


جورج دخل راسه : ممكـــن ادخل ..


ابتسمت : اكييد تعال ..


جورج : شالاخبااار ..؟


قلت : زين انك جيت .. كنت متملله بروحي ..


جورج : اصلا انا فديتني اونس ..


قلت : اي بس لا تفتخـر بهالشي ..


جورج : ليـش ..!


قلت : المهمممم ..!


جورج : اي صح المهم ..


مد لي الكيس اللي في يده : هذا لج ..


قلت : شنو هاي ..


جورج : شوفيه ..









فتحته لقيت علبه مربعه كبيـره شوي مغلفه بجلاد أزرق ..


ابتسمت وفتحت الغلاف ..


لقيت علبه مرسوم عليه جوال ..


طالعته باستغراب ..


جورج : فتحيها ..


فتحتها لقيت جوال ..


حطيت الاكياس على الطاوله ..


قلت : ليش ؟


جورج مبتسم : شنو اللي ليش ؟


قلت : ليش يبت لي جوال ..؟


جورج : هه لان ما عندج ..


خذت العلبه : بس انا مو محتاجته ..


وعطيته اياه ..


دز لي العلبه : بس انا محتاج ان يكون عندج ..


طالعته باستغراب ..


جورج : انا ابي اكلمج اعرف وين انتي وشتسوين .. مو دوم نكون مع بعض .. لازم اعرف اذا تبين شي والا عندج مشكله .. يعني الجوال ضروري .. ما اعرف شلون انتي عايشه بدونه .. انا ما اعرف امشي بدونه .. لدرجة خذت لي 3 ..


قلت : عندك 3 موبايلات ..؟


جورج : اي ..


قلت : شتبي فيهم هالكثـر ..


جورج : يعني اذا نسيت واحد في مكان يكون عندي بديل ..


قلت : بس 3 وايد ..


جورج : مو وايد .. يلا يلا فتحي جوالج تعلمي عليه ..


ابتسمت : شلون يفتحونه ..


وتم يعلمني عليه .. ماكان صـعب وايد ..


تعلمت عليه بسرعه ..


كان جورج مسجل أرقامه ورقم ألما وامهم ..


جورج : وانا حفظت رقمج عندي ..


قلت : اوكي ..


جورج : اي صـح .. المدرسه ..


قلت : أي مدرسه .؟


جورج : مدرستج انتي .. المفروض تداوميـن امس ..


قلت : صـج ..


جورج : اي صج .. بدايه الدوام .. صج ان ما عندج زي للمدرسه .. بس راح اخذه انا .. وانتي بكره روحي اوكي ؟


قلت : اوكي ..


جورج : كأنج مو فرحانه ..


قلت : لا بالعكس ..بس منحرجه منكم ..


جورج : لااااا .. احنا عائلتج ..


ابتسمت : شكـرا ..


جورج قام : وولوو ..


طلع وانا قلبي قام يدق بسرعه , شلون راح اروح المدرسه بروحي !


بدون روز وصوفي !!


تنهدت


انا تميت اطالع الجوال ..


لونه أحمـر وحجمه صغيـر ومناسب لحجم يدي ..


كان شكله كلاسيك ..


رن وتخرعت ..


رديت : ألوو ..


....: مسـاااء الخيـر ..


قلت : مسـاء النور .. من معاي ..؟


.....: شخص ..


ابتسمت : جورج ..


...: هههههههههههههه عرفتيني ..


قلت : اكيد .. نفس الصوووت ..


جورج : انزين اسمي يطلع لج اذا اتصلت .. شخبارج ..؟


ضحكت : ههههههههه توك كنت معاي ..


جورج : هههههههه ادري بس وحشتني سوالفج .. قلت اسولف لين ما اوصل غرفتي ..


قلت : وصلت الحين ..


جورج : لا الاشاره حمرا ..


قلت : هاهاها ..


جورج : ههههههههههه انكت انا الحين اضحكي .


ضحكت : هههههههه زين ..


جورج : يلا باي بقعد ألما .. لان الماما جات ..


قلت : اوكي انا يايتكم ..


سكرت التلفون وانا اضحك على هبال جورج ..


طلعت من الغرفه رحت لهم ..


جورج وهو ماسك القيتار ويعزف بازعااج على راس ألما ..


يغني : ألما قومي قومي .. قووومي يلاااااا ..


ضحكت : عليك مزاااج يا جورج ..


جورج هد القيتار وتم يناقز على سرير ألما ..


ألما شلت الفراش عنها : قمت قمـــــــــــــت .. اطلع برع خلاااص ..


جورج سحبها من يدها ودخلها الحمام وسكر الباب عليها ..


تميت اضحك عليهم ..


جورج : ترى اذا ما دخلتها الحمام ماراح تقوووم .. وامي الحين بتجي اذا شافتها نامه بتعصب ..


ابتسمت واخذت القيتار ..


قلت : هذا لك ؟


جورج : اي ..


قلت : تعرف تعزف عليه ؟


جورج : اكيد .. بس صار لي فتـره تاركه .. لان الشغل كثـر على راسي ..


مرر اصابعي على الاوتار ..


جورج : تبني اعزف لج ..


قلت بوناسه: اي ..


جورج اخذ القيتار وقعد على السرير ..


جورج : أي اغنيه تبين .؟


قلت : ماعرف , على ذوقك ..


ابتسم وتم يعزف موسيقـى هاديه ..


عجبتني واايد .. على انها هاديه بس مو حزينه ..


جورج : عجبتج ؟


قلت : واايد وايد ..


جورج : تعالي جربي ..


شوي الا ألما طالعه من الحمام ..


شفتها ابتسمت .. ابتسمت لها ..


قلت : سوري ازعجناااج ..


ألما : لا حبيبتـي متعوده . اخذي رااحتج ..


جورج : ماعليـج منها .. يلا جربي ..


عطاني القيتار وقعدت ..


قمت احط اصابعي على القيتار بدون ترتيب وبدن تركيز ..


جورج : هههههههههه يبيـلج مدرس ..


جوليت من وراه : اي صـح ..


استغربنا لوجودها .. ما حسيـنا فيها ..


جوليت : فاتحج جورج عن موضوع المدرسه ..؟


قلت : اي ..


جوليت : استعدي .. وفي المدرسه بعد بيعلمونج دروس للموسيقـى ..


ابتسمت ..


جوليت : انا ببدل ملابسي وانتو نزلوا تحت للعشـا ..


نزلنا تحت كلـنا ..


وكنا نسولف ونضحك ..


كل واحد فينا قعد المكان المخصص له ..


لاحظت النظام في هالبيت اهم شي ..



بعد شوي جات جوليت وقعدت مكانها ..


حطوا لنـا الخادمـات الاكل في الصحـن ..


وتمينا ناكـل ..


جوليـت : ابوي بيوصل بكـره ..


جورج : وين يوصـل ؟


جوليـت : من علاجه .. بيوصل هنيه ..


ألما : عندنا في البيت ..؟


جوليـت : اي بعد وين ..


شفت وجوههم كأنهم مو فرحانين ..


حركت راسي وكأني اسأل ألما عن ابو جوليت .. اللي هو يصيـر جدي اعتقد جي


نزلت راسها وتمت تاااكل ..


قلت : جدي ؟


جوليت بابتساامه : اي ..


ابتسمت ..


جوليت : ابوي اسمه روبرت .. وكان مسافر فتـره لعلاج والحين رجع لنـا بالسـلامه ..


قلت : الحمدلله على سلامته ..


جوليت : شكـرا ..


أكلـنا وقمـنا ..


تجمعـنا في الصاله وجورج وأمه تموا يسولفون عن شغلهم ..


اما انا وألما تميـنا على صوب نسولف ..


قلت : ألما ..


ألما : نعم ..


قلت : كأنكم مو مستانسيـن بوصول جدكم ؟


ألما: هو انا مستاسه انه رجع بالسلامه .. بس اللي مو مفرحني انه بيعيش عندنا ..


قلت : ليش شالمااانع .. البيت كبـير .. وهو مو غريب .


ألما : لا السالفه مو جي .. بس جدي روبرت واايد يتدخل في أمورنـا الشخصيـه .. وما يخليـنا نسوي اللي يريحـنا ..


قلت : ليش ؟


ألما : بس جي متسـلط ..


قلت : لا ان شالله بيتغيـر ..


ألما : الله يسمع منج ..


جوليـت : لوووتـس ..


التفت عليها : نعم ؟


جوليت : روحي نامي الحين .. ترى المدرس قال لي انه بيجي الصبـح بدري ..


قلت : ان شالله ..


قمت ورحت بدلت ونمت .. كأني انتظـرها تقولي روحي نامي .. كنت تعباانه ..



وعيـــت على صوت طق الباب ..


قمت وشفت الشباك منور .. يعني الصبح ..


فتحت الباب ..


مادلين : آسفه آنسه ساره .. بس المدرس وصـل ..


مسكت راسي : اوه ..اوكي قولي له ينتظـر .. الحين جاايه ..


رحت بدلت ملابسي بسـرعه ونزلت ..


شفت المدرس قاعد في الصاله ويشـرب كوفي ..


قلت : سوري استاااذ على التأخيـر ..


الاستااذ : لا عاادي .. يلا نبدأ الحصـه ..


ابتسمت : يلا ..


وابتديـنا من الساعه 6 ليـن 10 ..


القعده معاه ما تنمل .. رجال طيب وظريف ..


بس تعبت واايد ..


وآخـر الحصه علمـني الرقص على الموسيقـى الكلاسيكيه ..


دست على ريله كذا مره .. بس كان يبتسم ويعلمني الخطوه الصـح ..


بسرعه تعلمت لاني كنت ابي اتعلم الرقص الصـح ..


خلصـت الحصه وراح .. وقال بجي خلصت الدورس الاساااسيه ..



طلع الاستاذ ودخل جورج ..


جورج : صباح الخيـر ..


قلت : صباح النور .. وين ياي الحين ؟


جورج : نسيت سي دي مهم ..


ابتسمت وحسيت بدوخه .. ومسكت جورج اثبت رووحي ..


جورج : لوتــس شفيــج ؟


قلت : لا مافيني شي .. بس تعبت شوي ..


جورج : انتي ما فطرتي الصبح صـح ؟


قلت : لا ..


جورج مسكني ودخلنا الصاله ..


طلب من سوزان تحط الفطور لي ..


قلت : خلاص انت روح انا بتفطـر وبصيـر احسن ..


جورج : اول اتطمن عليـج ..


قلت : والله مافيني شي ..


جورج : اوكي برووح .. بس بعد ما تخلصين فطور اتصلي لي عشان اتطمن عليـج ..


ابتسمت : اوكي ..


راح وانا تميت أكـل ..


خلصت واتصلت له سولفـنا شوي وعقب قال عنده اجتماااع ..


تميت في الصاله برووحي ..


تميت احط في هالمحطاات ..


شفت مباراة سله ..


آآآه ياستيــف .. ما اعرف شنو أخبارك الحيـن ..


فرحان والا زعلان ..


حياتك ماشيه مثلي والا لا ..


انا عرفت شلون اتغلب على عواطفـي .. بس ما عرفت شلون انسااك يا ستيف .. ماعرفت ..


نزلت دمعة حاارة من عيوني ..


مسحتها بألم وقمت ..





:




:










 
 
رد مع اقتباس
 
 
   
  #11  
قديم 12-09-2012, 04:51 PM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق غير متواجد حالياً

 
دموع بلا خطأ / للكاتبه : بسمة خوف ,كامله







الجزء الـحادي عشـر (11)




جابلتني ألما ..


ابتسمت ..


ألما : صباح الخيـر ..


قلت : صباح النور .. شعندج جايه هالوقت ؟


ألما : خلصت محاظرااتي وعقب قلت لين ما اتجهز .. حق الحفله ..


قلت : أي حفله ..؟


ألما فتحت عيونها على الآخـر : حفلة بوووووب ..


قلت : اي اي صح ..


ألما تطالعني من طرف عينها : لووووتس ..


قلت : ههههههه نسيت زين ..


ألما : زين يلا تعالي معااي خلـنا نورح نشـتري لـنا فستاان يناسب الحفله ..


قلت : لا عندي ملابس كفايه ..


ألما : ترى أزعل منج اذا ما رحتي .. ما يصيـر تطلعيـن اقل منهم .. لازم احنا نكون فتنة الحفل .


قلت : اكيييد احنا اللي بنفتن الحفل ..


ألما : يلا يلا قومي معااي ..


رحت جبت شنطتي وجاكيتي وطلعت ..


رحنا مركز قريب منهم شوي .. وتمينا ندوور ..


قلت : ألما ودينا محل الفسااتين .. هالمحلات مالها دااعي ..


ألما : يعني بتلبسين فستااان بدوون اكسسواراات ..


قلت : اوكي اكسسوارات بس احنا ليش داخلين محل العطوور ..!


ألما : ههههههههه لوتس خلـنا ندوور ..


قلت : هههههههه قولي جي من قبل ..


تمينا ندور وأخذنـا أغرااضـنا واللي ما نحتااجه بعد اخذنااه ..


وانا طالعه واجهت هارفي ..


قلت : هاااارفي ..!


هارفي ابتسم : لوتس ..!


سلمت عليه : انت ما رحت ؟


هارفي : لا للحين .. انا بتم هنيه شهور ..


نزلت راسي : وستيف ؟


هارفي : ستيف للحين هنيه ..


قلت : صــــج ..!


هارفي : اي حتى اماندا وليزي جاوا هنيه .. بكره بيروحون ..


قلت : اهاا .. بس ليش هم للحين هنيه ؟


هارفي : يقول ستيف تغيير جو ..


قلت : اهاا ..


هارفي يطالعني : للحيـن متزاعلين ؟


قلت : خلاص ماعاد شي يربطني بستيف ..


هارفي : تراه غلط .. والانسان مو معصوم عن الغلط .. وكلنا بنغلط يا لوتـس ..


قلت : ادري انه غلط يا هارفي .. بس ستيف واايد تغيـر .. وكل ما ابي اسمح لقلبي يحن عليه .. ينغزني .. يقول لي ان ستيف راح يسوي شي .. والله انا ما اعرف شاسوي ..


هارفي : قعدي معاه وافهموا بعض ..


تنهدت : بشوووف يوم اكون فيه رايقه ..


هارفي : اليوووم زين .. هو بكره بيرووح ..


قلت : لا انا اليوم مشغوله .. بكره يمكن ..


هارفي : واذا مافي وقت ..


قلت : بحاول أكلمه في التلفون ..


هارفي شاف اصراري : اوكي على راحتج ..


هارفي شاف ألما : اوه آسف ما انتبهت لج ..


ألما ابتسمت : لا عادي ..


سلم عليها ..



وطلعنا ..


ألما : هارفي شكلة مهتم بسالفتكم انتي وستيف ..


قلت : اي هو صديقه ..


ألما : شكله ريال طيب ..


قلت : واايد ..


ركبنا السياره ..


ألما : ليش جي معصبه ..


حطيت الشنطه جنبي بعصبيه : مو معصبه انا ..


ألما : ههههه لا وااضح ..


تمينا ساكيتن طول الطريج ..



وصلـنا البيت ورحت على طول غرفتي ..


قعدت على السرير وانا اهز ريلي ..


انفتح الباب ..


التفت ..


ألما : ياااااالوووتس .. ما صاار شي ليش هالتوتـر ..


قلت : ألما انتي مو فاهمتني .. شوفي اي زلة لسـان مني او من ستيف راح ناخذها بحساسيه .. لان الخطأ صار يتكرر .. والثقه راح تنهز .. وماراح نعيش بسعااده لو تراضيـنا .. شعور الشك فينا احنا الاثنين ..


ألما : لوتس كلامج هاي يدل على تشااؤمج .. لا تقولين جي .. ماراح يصيـر الا الخيـر .. انتي لا تحااتيـن ..


قلت : ألما انا ما ابي انجرح واتعذب مره ثانيه ..


ألما : ماراح يصيـر هاي كله .. حاولي تسمعينه من قلبج .. وراح تشوفين الفرق ..


تنهدت ونزلت راسي ..


ألما : يلا الغدا جااهز ..


نزلت معاها وأكلـنا بدون كلام .. مافي الا جورج يسولف بروحه ..


رحت فوق ..


يلا نجهز ..


قلت : ليش بنروح الحين ؟


ألما : اي ..


قلت : بدري ..


ألما : لين ما نخلص يبيلـنا وقت .. يلا يلا قومي طلعي فستااانج ..


قمت وطلعت فسـتاني ..


فوشي كات و وطويل ..


وعليه في تحت السدر فيونكا بنفس اللون ..


عجبني وايد على انه بسيط ..


وفستان ألما كان فستان نفس جلد حمار الوحش .. وفي السدر ربطه بالاحمـر ..


بدون اكمام ويوصل لتحت الركبه ..


يناسبها ..


قبل لا ألبس الفستان مشطت شعري ..


ألما : اممم لوتس ..


قلت : شنو ..


ألما : بطلب منج طلب عجيييب ..


قلت : هههه قولي اسمعج ..


ألما : شوفي .. انتي حلو عليـج الشعر الطويل ..


مسكت شعري : بيطول مع الوقت ..


ألما : لا الحين بنروح نطوله ..


قلت : شنو ؟


ألما : ارجووووووج ..


قلت : شلون تطولينه بعد ؟


ألما : بحط لج وصله شعـر .. تنشال متى ما تبين ..


قلت : يعني تنحط في شعري ..؟


ألما : اي اي .. يلا خلنا نرووح عشان ما نتأخـر ..


ابتسمت : اوكي ..


أخذت شنطي ونزلـنا ..


الا جورج في ويهنا : ليش ما لبستو ؟


ألما : بنطلع الحين ..


جورج : وين ..


ألما : عندنا شغل .. يلا يلا لووتس .. بنتأخـر ..


سحبتني بسرعه وطلعنا ..


قلت : ألما في وقت ليش مستعيله هالكثـر ..


ألما : لاني ما حجزت يا حلوه .. واذا في زحمة مضطرين ننتظـر ..


سكت لاني ما افهم في هالامووور وايد ..



وصلنا الصالوون ونزلنا ..


ما كان في واايد .. وأول ما شافت الموظفه ألما رحبت فيها ..


الموظفه : بشنو اخدمكم ؟


فهمتها ألما كل شي .. وقعدت على الكرسي وبدو يلعبون في شعري ..



تمللت لانهم طولوا ..


أخذت مجله موجوده على الطاوله اللي جدامي وتميت اشوف قصات الشعر وموديلات الفسااتين ..


ألتفت ابي اشوف ألما وين .. لقيتها قاعده بعيد عني شوي يسون اظافرها ..


ابتسمت لها وابتسمت لي ..


طالعت نفسي في المنظـره لقيت شعري طويل فجأه ومروول ..


وااااو طاالع جنااان .. اول مره اشوف شعري بهالطريقه ..


وعقب ودتني كرسي ثاني .. وبدت تشتغل في ويهي ..


قلت : شتسوين ؟


قالت : احط لج ميك آب ..


التفت على ألما ابتسمت لي وهزت راسها بالموافقه ..


ابتسمت : بس لا تكثرين ..


ابتسمت : اوكي ..



ألما بعد سوت شعرها وحطت ميك آب ..


انا حطت لي بودره خفيفه على طلبي وكحل داخل وبرع العين ومدته بطريقه حلوه ولون وردي فاتح فوق عيتي وماسكارا وبلاشر وروج وردي .


اما ألما حطت لها كحل لكن بزياده وحطت لها شادو اسود خفيف وماسكارا وروج أحمر .


طلعنا والدنيا شوي وتظلم ..


ألما تشهق : تأأأأخرنـااا ..


قلت : يلا نروح البيت بسرعه ..


وصلـنا البيت ولبسـنا ..


أخذت لي شنطه صغيـره فوشيـه من اللي شريتهم ..


ولبست الاكسسورات اللي اخترتهم للفستان , وتعطرت


ألأقيت نظـرة أخـيره لنفسـي ..


تغيـرت للأحـلى .. ما عرفت نفسي ..


ابتسمت راضيه بشكلي أخذت البالطو وطلعت ..


قابلت ألما وتوها طالعه من الغرفه ..


ألما : وااااااااو .. رهييبه طالعه ..


قلت : وانتي طالعه كنجمـااات السينماا ..


ضحكنا وطلعنـا ..



في السياره تميت متورتره ..


ألما : متوتره ..


قلت : اول مره احظـر حفله ..


ألما ابتسمت : لا تحاتين .. كلشي تمام ..



وصلـنا فله فخمه ..


قلت : الحفله هنيه ..؟


ألما : اي في بيت بوب ..


فتح لي السايق الباب ..


نزلت كأني اميـره ..



وصـلنا لنص البيت ..


ألما : بوووووووب ..


وراحت له تركض وحضنته ..


طالعتهم وفرحت لهم ..


ألما: وحشتني ..


بوب : انتي أكثـر حياتي ..


ألما : أعرفك .." سحبتني " بنت خالتي لوتس ..


ابتسم لي وابتسمت له ..


مديت يدي وسلمت عليه ..


بوب : تفضلوا قعدوا ..


ألما : وين البااقي..


بوب : نصهم دااخل .. والباقي على وصول ..


شوي الا يجي واحد طويل وضعيف ويغطي عين ألما ..


ابتسمت على هالحركه ..


ألما : عرفتك عرفتك .. مافي غيرك تووم ..


ضحك وفك يده عنها : شدراااج ..


سلمت عليه : مافي غيرك يسوي لي هالحركه ههههههههه ..


توم طالعني وابتسم ..


ابتسمت له مجامله ..


ألما : بنت خالتي لووتس ..


توم مد يده : وانا توم .. اخو بوب ..


قلت : تشرفت بمعرفتك ..


وكل شوي جات مجموعه من الاصدقااء .. وتفاجأت بوجود جورج معانا ..


قلت : ما توقعت اشوفك هنيه ..


جورج يطالعني وكأنه اول مره يشوفني : انا بعد ..


ضحكت : شنو اللي انت بعد ؟


جورج كأنه وعى على روحه : هااا شنو ؟


ابتسمت : لا ولا شي ..


فترة صمت ..


جورج : طلعه حلوه ..


ابتسمت : من ذوقك ..


جورج : لا جد جد .. واايد حلوه طالعه اليوم ..


قلت : هههه اوكي صدقتك ..مشكور



صدينا كلنا على الصوت اللي طلع ..


توم يصارخ : اللي موجووووووووود في الصاااااااااااااااله هنيييييييييه .. الحفلللللللللله بـــــــدت .. والاحتفاااااااال برع .. يلا يلا يلا .. الفرقاات الموسيقيه تعزف .. كل وااحد يمسك حبيبتة ويطلع ..


جورج ابتسم وقام من على الكرسي وقمت انا بعد ..


جا توم ومسك يدي بابتسامه ..


توم : جورج ممكن استعيرها شوي ..


جورج : ههههه خذ راحتك ..


مشى شوي وهديت يدي عنه : شنو استعيرها يعني ؟


توم ابتسم : هههههههههههه آسف على هالاسلووب الوقح مني .. بس هاي اسلوبي حاولت أغيـره بس ما قدرت .. انا اقصد اني اقعد معاج ونتعرف على بعض .. لاني بصرااحه انعجبت فيج ..


ابتسمت له مع اني مو مرتاحة له ابد ..


وصـلنا برع صوب الفرقه الموسيقيـه ..


توم : ترقصيـن ؟


قلت : لا ..









توم : اترجااااج ..


قلت : بعدين ..


شفت كرسي فاضي وقعدت ..


جاتني وحده من الموضيفين : مشرووب ؟


قلت : لا لو سمحتي ابي ماي ..


ابتسمت : حاظر ..


تنهدت وتميت ادور ألما بعيوني .. مالقيتها .. مادري وين راحت وتركتني ..


أخذت قلاص الماي وشربت ..


تفااجأت بوجوووود هاارفي .. كان يتكلم مع تووم ويضحك ..


تميت اراقبه .. وشفتهم يايين صوبي ..


توم : اعرفج لوتس .. هذا صديقي هارفي .. هارفي هذي لوتس ..


وقفت وسلمت على هارفي : لي معرفة ساابقة فيه ..


توم التفت على هارفي : تعرفها ؟


هارفي ولون وجهه غير: اكييد ..


توم : شلون انا ما عرفتج عيل ؟


هارفي : لانك في اليوم اللي جيت هنيه .. تعرفنا عليها ..


توم : اهااا يعني كان يوم نحس علي ..


ابتسمت ..


توم شاف وحده من بعيد واح لها .. شكله يعرفها ..


هارفي : انصدمت لوجودج هنيه ..


قلت : نفس الشعور ..


هارفي : من تعرفين من هنيه ؟


قلت : أعرف ألما حبيبه بوب ..


هارفي : اللي شفتها في المركز معاج ؟


قلت : اي هي ..


هارفي : اهاا ..


قلت : وانت ؟


هارفي : توم هاي صديقـنا .. كان يلعب معانا سله .. بس يوم تدهورت قوة الفريق راح .. لان فريق ثاني يبونه ينظم معاهم ..


قلت : اهاا ..


تمينا ساكيت فتره ..


رن تلفون هارفي ..


هارفي : عن أذنج ..


جاني جورج مد يده صوب يدي ..


طالعته باستغراب


جورج : ممكن ..


قلت : شنو ؟


جورج : ممكن ترقصين معاي آنسه لوتس ..


ابتسمت : لا جورج انا ما اعرف ..


جورج : عادي يلا قومي ارجوج لوتس ..


قلت : جـ ...


قاطعني : اوكي يلا ..


ومسك يدي وقومني ..


رقصت معاه وانا حاطه عيني في الارض ..


جورج : لوتس ..


رفعت عيني لعينه ..


جورج : لا تنزلين عيونج ..


ابتسمت ..


وهو تم يطالعني ..


حسيت في يد على كتفي ..


التفت وانصدمــــــــــت ..




قمت عن جورج وجورج تم منصدم ..


ستيف بابتسامه : ممكن نرقص ..


لابس بدله رسميه .. وشعره مسمت .. وطالع كأنه رجل أعمال ..


قلت بتوتر: سـ .. ســـتيف ..!


مسك يدي وحطها على كتفه وحط يده على خصري وتمينا نرقص ..


ستيف : ما توقعتي وجودي هنيه صح ..


نزلت عيني ..


ستيف : انتظـر ردج ..


رحت عنه وسحب يدي ..


قلت وانا احاول اوطي صوتي : ستييييف احنا في حفله .. ارجوك ..


ستيف : ما راح اسوي فيج شي بس ابي اتكلم معاااج ..


رحنا لأخـر طاوله .. عشان نكون بعيد عن الناس شوي ..


ستيف : ممكن اعرف ليش ترقصين معاه ..


قلت : وممكن اعرف انت شتبي مني الحين ؟


ستيف : جااوبي على سؤااالي ..


قمت عنه : داام ان هاي اسلووبك ماراح اتكلم معاااك..


ستيف : لوتس لحظه ..


رديت قعدت ..


ستيف :أنا آسف .. لوتس انا ما اعرف شلون اعبر لج عن حبي ..


وانتي مو راضيه تصدقيني .. واللي صاار بينا ذاك اليوم انا ما ادري عنه ..لاني كنت سكراان ومو في وعيي .. لوتس مو عشان هالغلطه نخسر حبنا ..


قلت : ستيف لا تفكر ان هالشي اللي مخليني ابتعد عنك .. انت شوف نفسك ولاحظ تصرفاااتك .. انا نبهتك أكثر من مره عن تصرفااتك اللي تزعجني .. حاول تصيطر على عصبيتك ..


و نزلت راسي : انا بعد احبك يا ستيف بس انت اللي مو راضي تفهم ..


ستيف وقف وجا صوبي : انا آسف لوتس آسف .. راح اغير تصرفاتي وبسيطر على عصبيتي بس ارجعي لي ..


ابتسمت له وقمت وحضنته ..


ستيف همس : ياعمري ..


مسك يدي ورحنا احتفلـنا ..


شفت ليزي واماندا ..


ليزي وكأنه منصدمه من موجودي : لووتس ..


ابتسمت ..


جات اماندا وضمتني : وحششششششتيني ..


قلت : انتي أكثــر ..


تمينا نسولف ونضحك .. لاحظت نظرات ليزي لي مو طبيعيه .. بس سكت ..


ولاحظتها دوم لازقه في ستيف ..


قهرني تصرفها ..


ستيف جا عندي : حبيبتـي تعالي رقصي معاي .. طلبت اغنيه حلووه .. اهداء مني لج ..


ابتسمت له وشفت ليزي اللي كانت وراه .. وكأنها تنتظرني اقول لا ..


قمت ورحت ارقص معاه ..


ستيف : ما توقعتج تعرفين ترقصين ..


ابتسمت ..


تم ستيف يغني بهمس مع الاغنيه ..



هالحفله رااائعه .. وحسيت انها حلوه من وجود ستيف جنبي ..


ضحكنا وسولفنا عن كل اللي صار في هالفتره ..


عطيت رقمي لستيف واماندا ولكل اللي يبونه ..


حسيت اني قسيت شوي على ستيف ..


لانه تعذب من فراقي .. اما انا كنت احاول انساه ..


صج اني قااسيه ..



خلصت هالحفله ..


ورجعنا البيت وفي اليوم الثاني قمت بدري عشان اروح المدرسه ..


في المدرسه اول يوم كان ملل .. لان ما كونت لي اصدقااء ..


اما ثاني يوم لين ماصار اسبوع كسبت مجموعه اصدقااء ..


وصرت اروح المدرسه بانتظام ..


ووصل جدي ..سلمت عليه وحسيته ما تقبلني ..


ما حبيت احتك فيه وايد ..


بس أسلم عليه اذا شفته واقعد في غرفتي ادرس .. او اطلع مع جورج او ألما ..


وصرت أكلم ستيف كل يوم .. وعلاقتنا زادت .. صرت ما اقدر ما اكلمه يوم واحد ..لازم كل يوم ..



نزلت الصاله ما لقيت حد .. مافي الا جدي يقرى جريده ..


قلت : جدي ..


رفع عينه يطالعني ..


ابتسمت : وين ألما وخالتي وجورج ؟


جدي : طلعوا كلهم ..


رن جوالي ..


طلعت برع : ألو نعم ؟


.....: انتي لوتس صح ..


قلت : اي من معاي ؟


....: انا ليزي ..


قلت : اهليـــن ليزي ..


ليزي : انا متصله بس عشان اقول لج شي وبسـكـر ..


قلت : خيـر .. شصاايـر ؟


ليزي : انا اقول لج الحين .. وهذا علم يوصلج .. لا تحاولين تقربين من ستيف ..


تفاجأت من طلبها : شنووووووو ؟


ليزي : اللي سمعتيه .. ستيف انسيـه .. لا تقربيـن منه .. لانج بالحركات والنظـرات ما تفهميـن .. قلت يمكن بالكلام ينفع معااج ..


قلت : ليش ما اقرب منه .. هو حبيبـي ..


ليزي صرخت : لاااااااااتقوووليـن حبيبي .. هو ما يحبج ولا يفكـر فيج ..


انصدمت : شنووو ؟


ليزي : اي هو يحبــني .. يحبني انا بس ..


قلت : انتي كذااابه .. كذااااابه ..


سكرت ورحت غرفتي أركض ..





:




:






 
 
رد مع اقتباس
 
 
   
  #12  
قديم 12-09-2012, 04:52 PM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق غير متواجد حالياً

 
دموع بلا خطأ / للكاتبه : بسمة خوف ,كامله







الجزء الثاني عشـر (12)





طحت على السرير ..


معقوووووووووله كلام ليزي صح .. يعني انا منخدعه في ستيييف ..


لا مستحييييييل .. ستيف يحبني ومايفكر في غيري .. لازم اتصل له ااعرف منه الحقيقه ..


اتصلت بسرعه وما رد ..


اتصلت مره ومرتين ..


انفتح الخط ..


قلت بسرعه : ستييييف ..


صوت ناعم : قلت لج ستيف ما يفكـر فيج .. لدرجه ان عطاني الجوال قال لي صرفيها .. لا تعطلينا لوتس عندنا شغـل ..


انصدمت وهمست : ليزي ..!


ليزي : اوووف منج .. ما تفهمين انتي ..


وسكرت في ويهي ..


تميت منصدمه ونزلت دمعه حاره من عيوني ..


معقوووله ستيف يسوي جي .. معقووووووله ..


غطيت ويهي بيدي وتميت اصيــح ..


ما اصدقها هي كذااابه .. ستيف يبيـني .. ستيف يحبـــني انا .. ومايحب حد غيري ..


طحت منهاره وانا اصيـح .. مو معقوله اللي حبيته يخوني .. يلعب في مشااااعري ..


انفتح الباب وكانت مادلين ..


مادلين : السيد روبرت يبيـج ..


صرخت : طلللللللللعي برع .. طلعي برع انتي ما ابي اشووووف حد ..


اخذت المساند وتميت اخذفهم عليها ..


طلعت وسكرت الباب ..


قمت وشفت نفسي في المنظـره ..


مسحت دموعي بسـرعه وطلعت عند البلكونه ..


الجو ربيع وحلو ..


تميت افكر في ستيف ..


انا ما سمعت رده ولا سمعت صوته ..


بس ليزي ردت من جوااااله .. يعني هو معاها .. يعني ستيف يلعب علي ..


آآه ياستيف .. عذاابي في هالدنيـا كله بسببك .. معقوووله عطيتك قلبي وماعرفت اذا انت تحبني والا لا .. معقووله ما عرفت شعورك لي ..


معقووله كلمه ليزي تهز مكانتك عندي ياستيف ..


حسيت في يد وراي ..


التف بسرعه وكان جدي واقف ..


نزلت راسي عشان ما يشوف ويهي ..


رفع ويهي بصبعه : قالت لي مادلين انج تصيحين ..


دارت الدمعه في عيوني : لا مافيني شي ..


جدي : لوتـس .. انتي عندي مثل ألما .. ومثل جورج .. ماتفرقين عنهم بشي .. انا ضايقتج بشي .. اذا ضايقتج ساميحني .. انا ريال كبيـر وما اعرف شنو اقول ..


قلت : لا انا مو زعلانه منك .. انا متضايقه شوي .. وخلاص ..


جدي قعد وقعدني جنبه : انا اسمعج .. من اللي ما يستحي زعل بنتي ..


حسيت ان الهم اللي في سدري انزاااح يوم نطق كلمة بنتي ..


قلت بابتساامه: بنتك ..!


جدي : اي بنتي .. قولي لي شنو اللي مضايقج ؟


قلت : مافي شي مهم .. لا تهتم ..


جدي : بس مادلين قالت لي انج كنتي منهاره .. لوتس قولي اللي في قلبج .. لا تخبين علي .. من مضايقج ..!


بكيت في حظنه وقلت له كل اللي صار ..


جدي وهو ويهديني : يمكن ليزي تحب ستيف وقالت لج هالكلام عشـان تقهرج وتبعدج عنه ..


قلت وانا اشاهق : وشلون ردت على جواااله شلووون ..؟ اكيد هي معاه الحين ويقضون أحـلى الاوقـات ..


جدي : لاااا يا لوتـس .. لا تخلين غيرتج تخسرج اللي تحبينه ..


قلت : لا يا جدي هاي مو غيره .. هاي الحقيقه ..


جدي : اتصلي له وعرفي منه كل شي .. عشان ما تجيبج وتوديج هالافكـار ..


طالعت تلفوني ..


جدي : انا بروح الحين .. وابيج تفهمين كل السالفه منه هو .. ما عليج من كلام ليزي واللي بتقوله ..


ابتسمت له وبادلني الابتسامه وراح ..


ترددت .. بس اتصلت له ..


عطاني الجوال مسكـر ..


تنهدت ومسكت اعصاابي ..


اتصلت اكثـر من مره .. بس ما رد ..


نزلت تحت ..


جدي : ها كلمتيه ؟


قلت : جواله مسكر ..


جدي : اتصلي له في وقت ثااني .. يمكن مشغول ..


ما اقتنعت : يمكن ..


تميت اتمشى برع ..


دخلت ألما ..


ألما : الحلوه برع ..


ابتسمت ..


ألما : ليش برع ؟


قلت : اتمشـى شوي ..


ألما : اي الجو حـلو .. انا بروح المزرعه مع اصدقااائي .. حتى بوب بيجي معانا .. بتكوون جمعه حلوووه .. بقعد هناك كم يوم .. تين معااي ..


قلت : لا ألما في وقت ثاني ..


ألما : راح تستانسييين ..


قلت: لا مالي مزااج .. وعندي مدرسه بعد ..


ألما : اي صـح .. اوكي يلا اشووفج في الليل .. انا بجهز اغراضي الحين ..


قلت : متى بتروحيـن ..؟


ألما : في الليل ..


ابتسمت ..


راحت ألما وانا قعدت على الكرسي ..


انتظـر تلفون من ستيف .. ابي اعرف الحقيقه الحيــن ..



سمعت صوت ..


التفت ..


جورج : شفيج ؟


قلت : مافيني شي .. بعد شفيني ..


جورج ابتسم : لوتس انا اعرفج .. اعرف متى تكونين زعلانه ومتى تكونين مستانسه ومتى ومتى ..


ابتسمت : مو لهالدرجه ..


جورج قعد جنبي : واكثـر .. بس ممكن تقولين لي شنو اللي مضايقج ..


وقلت له السالفه بالمختصـر ..


جورج : انتي شنو قلبج يقول لج .. هل ممكن اللي تقوله ليزي صح ..


قلت : اي ..


جورج : مصدقتها ؟


قلت بانفعال : جووورج ردت من جوااااله .. من جواله ردت .. يعني هوو معاااها .. ليش معاها لييش .. انا لاحظت نظرااتها له ماكانت طبيعيه ..


جورج : اتصلي له واعرفي منه السالفه ..


قلت : قلت لك حاولت اتصل يعطيني مسكـر .. شاسووووي جورج ..!


جورج نزل راسه : ما اعرف شنو اقوول لج .. بس حاولي تتصلين وتعرفين منه الحقيقه .. لا تحطين احتمالات في راسج ..


تنهدت ومسكت جوالي ..


رن تلفوني وشفت رقم ستيف ..


طالعت جورج : هوووو ..


جورج ابتسم : ردي ..


رديت : ستيف ..!


ستيف : اهلين حبيبتـي .. سوري كان جوالي مافي جرج ..


التفت حولي ما لقيت جورج ..


قمت : ستيف انا ابي اعرف كل شي الحين ..


ستيف : خيـر شصايـر ؟


قلت : انا اللي ابي افهم شصاايـر ..؟


ستيف : لوتس شفيـج ؟



قلت : شعلاقتك بليييييييزيي .. ابي اعرف الحين ..


ستيف : لحظه .. عن شنو تتكلميـن ؟


قلت : ستييييف لا تمثل دوور البريئ علي .. قولي كل شي .. مابي انخدع فيك أكثـر ..


ستيف : لوتس ترى الكلام اللي تقولينه كبيـر وايد .. انتي ما تثمنينه ..


قلت : مو مهم انا شلونا تكلم .. والكلمه اللي اقووولها اعنييييها .. قولي الحين شبينك وبين ليزي ..


صرخ ستيف : أي ليزي وعن اي علاقه تتكلميـن انتي ..؟


قلت : ليزي ردت من تلفووونك .. وعرفت انك ما تبيني .. شنو تفسيــر هالكلاااام ..!


ستيف : لوتس ارجوج .. ترى انا مو فاهم ولا كلمه ..


قلت: اي لازم ما تفهم .. من الصدمه ما تعرف شتقووول ..


صرخ بأعلى صوته : لوووووووووووووووتــــــــــــس ..


سكت وانا الهث ..


ستيف : اهدي وفهميني شفيـج ..!


سمعت صوت عنده : حبيبـي من تكلم ..


هذا صوت ليزي ..


الصوت : تكلم لوتس ؟ .. من تكلم ..!


قلت : خلااص ستيف .. اللي ابي اتأكد منه سمعته الحين ..


كان بيتكلم بس سكرت في ويهه وحذفت الجوال على الارض ورحت اركض برع البيت ..


اركض ولا دمعه نزلت من عيني ..


تعثرت بحجر كان جدامي ..


طحت ومسكت يدي أتألم .. بس ما كان يعور نفس الالم اللي في قلبي ..


أول قصه حب لي تنتهــى بألم .. ليش ياستيف انا شسوييييت ..


انهرت وتميت ابكي بهستيريـا ..


حسيت بظل ياي صوبي .. ما قدرت ارفع عيني اشوف من ..


سحبني وركبني السياره .. ومن بعدها ما حسيت بنفسي ..



فتحت عيني بالغصب وشفت نفسي في سريري ..


قمت بسرعه وحسيت بثقل في راسي ..


ألتفت يمين ويسار مافي حد في الغرفه ..


شوي وينفتح الباب ..


خفت وضميت ريلي ..


شفت جورج يايني بسرعه ..


لوتس شفيـج ..


طالعته ولمعت عيني ..


مسك راسي : ليش طلعتي تركضين من البيت لييش ؟


بكيت وبصوت مبحوح قلت : ستيف .. ستيف ما يحبني .. ما يحبني ..


ظمني جورج : بس في اللي يحبج يا لوتس ويغليـج ..


دزيته : بس انا ابي ستييييف .. ابييييييييه ..


جورج : انتي نامي الحين واهدي .. وانا راح اتفاااهم مع ستيف ..


قلت : لا ياجورج .. اللي ما يبيني ما ابيه .. حتى لو قلبي متعلق فيه .. بجبر روحي على نسيانه .. ولا اني ارمي روحي عليه ..


جورج ابتسم : انتي لا تضايقين نفسج الحين .. ارتاحي والصباح رباح ..


تنهدت .. الفراق أجمل كلمات الحزن .. وأكثـرها إحسـاس ..


طلع وانا تميت افكر باللي سواه ستيف .. ليش جي ياستيف .. ليييييش .. اذا انت ما حبيتني ليش لعبت في مشااعري .. هذا كله عشاني يتيمه وماعندي من يوقف معاي ..


نزلت دموووع تحرق الخد ..


تنزل دموعي وبلا خطأ ..


دووم اسمع ان الحب مو عيب .. ولا غلط ..


بس اذا قلنا كلمه أحبك .. تليها كلمة فراااق ..


قلبي نزف منك يا ستيف .. وما اعرف من اللي بيطيب جرووحه ..



نمت وعبراتي تهل على مخدة نومي ..


نمت وكلي حسـره وقهـر ..


وتمنيت في لحظه اني ما اقوم من هالنومه ..



فتحت عيني على صوت ازعاج ونور الشمس على عيني ..


جورج وهو يفتح الستايـر : صباااااااااح الخيــــر .. يلا يلا قوومي بلا كسـل ..


غطيت ويهي ..


سحب الفراش : قووومي يلا ..


صرخت : جووووووووورج اطلع برع .. ماااالك شغل فيني ..


جورج : آوه آسف ..


وطلع ..


عفست السرير من الغضب ودخلت الحمام آخذ لي شاور ..


حسيت ان هدت اعصابي شوي ..


حبست روحي في الغرفه طول اليوم ..


جورج زعلان مني ما اعتقد يدخل الغرفه بعد اليوم ..


وألما راحت تلحق على حياتها ووناستها مع اصدقاائها .. مرتاحه في دنيتها ..


وخالتي مو صوبي ..


وجدي لاهي بحلاله ..



تميت طول يومي في السرير .. قربت امتحاناتي ولازم ادرس وما اهتم بشي ثاني .. انا راح اترك ستيف واترك كل عذابي في هالدنيـا ..


راح امشي في طريق طموحي .. انا حلمي اني اصيـر مصممة أزيـاء .. وراح اكافح على هالشي .. ومحد راح يوقفني ..


طلعت كتبي وقمت ادرس ..


دخلت علي سوزان ..


سوزان : آنسه لوتس .. هذا تلفونج كان طايح برع ..



طالعته وصديت : خذيه لج ..


سوزان : لا ما يصيـر ..


قلت : عيل ارميه في الزباله .. ما ابيه ..


سوزان نزلت راسها وطلعت ..


اخذت كتابي وقعدت ادرس ..


حاولت اركز قد ما اقدر بس مافي فايده ..


طق الباب ..


تنهدت : الباب مفتوح ..


سوزي : تقدرين تستقبليـن ضيوف ؟


قلت : من ؟


سوزي : صديقتج بيث نتنظـرج ..


قلت : اوكي نازله الحين ..


غسلت ويهي وبدلت ملابس ونزلت ..


شفتها قاعده وجورج يسولف معاها .. يوم شافني قام وطلع برع ..


نزلت راسي وقعد جنب بيث ..


بيث : شخبارج لوتـس ..! كأنج متضايقه ؟


قلت : لا عادي .. انتي شخباارج ؟


بيث : انا زينه .. شوفي انا جيت ابيج تشرحين لي درس مافهمته ..


مديت يدي على الكتاب اللي عندها : اشوف ..


قلت : اهااا .. هاي سهــل .. بس انتي لو كنتي منتبهه جان فهمتيه ..


بيث : هههه شاسوي كله من جوو .. ما تخليني انتبه .. يلا اشرحيلي ..


قلت : يلا تعالي الغرفه ..


رحنا الغرفه وتميت اشرح حق بيث الدرس ..


فهمته بسرعه لانها ذكيه ..


وعقب تمينا نسولف ..


بيث : خاااطري اتلعم على البيانوووا أكثـر .. ابي اصيـر مشهوره ..


ابتسمت : انا كان خاطري اتعلم .. بس مو طموحي .. انا خاطري اصيـر مصممة ازيااء ..


بيث : صـــج ؟


قلت : اي والله .. حطيت هالشغله في بالي وصار خاطري اجربها ..


بيث : حلووو ..


قلت : اي حلو انج تحطين في بالج شي وتسعين له .. مو من اول حاجز بتتراجعيـن ..


بيث مبتسمه : علميـني شوي من عزيمتج ..


ابتسمت : ما يبيلها شرح ..


بيث : اممم .. حديقتكم حلوه .. امشي خلنا نلعب ..


قلت : هههه شنو .. نلعب ..


بيث : اي اي يـلا ..


قومتني .. وطلعنا برع ..


قلت : شنو نلعب ؟


بيث : امم .. شرايج نلعب حرامي وشرطي ؟؟


قلت : شنو هاللعبه بعد ..


بيث : ان الشرطي يلحق الحرامي ليـن ما يصيـده ..


قلت : ومن الشرطي ومن الحرامي ..


بيث : اممم .. بنسوي قرعه وبنختار ..


اقطعت ورقه من ورده حمـرا .. وورقه من ورده بيضـا ..


بيث : شوفي انتي البيضـا وانا الحمـرا.. الحين غمضي عيونج .. واختاري وحده من اللي في يدي .. اذا اخترتي البيضـا يعني انتي الشرطي ..


ضحكت على هالحركه وغمضت عيوني واخترت ورقه ..


اخترت الورقه الحمـرا ..


قلت : يعني انتــــــــي الشرطـــــــي ..


بيث صرخت تبي تخرعني : واااااااااااااااااا .. اركضي قبل لا امسكج ..


رحت اركض بعيد عنها وهي ورااااي ..


التفت وراي ابي اشوفها وين وصـلت ..


بيث : بتدعميييييييييييييين ..


وقفت بسرعه ومسكتني ..


قلت وانا اضحك :ههههههههههههههههه يالنصااااااااااااااااااااااااااااابه ..


بيث : الشرطي لازم يكون ذكي ههههههههههههههه ..


قلت : خلاص تعبت .. امشي نقعد ..


بيث : لا لا .. امشي الحين انتي الشرطيه ..


واركضت ..


رحت وراهاااا بسسسرعه اركض ..


قلت : بييييث بتعدميـــن ..


وهي تركض : هاهاها .. لعبي غيرها ..


ضحكت : هههههههههههههه ..


ركضت وشفت جورج جدامي .. حاولت اوقف بسرعه بس دعمته ..


قلت وانا ألهث : آســفه ما انتبهت ..


ابتسم ونزل راسه وراح ..


اوووف ليكون للحين زعلان منـي ..


بيث : لوووووتس انا هنيييييه ..


رحت اركض وسويت عمري طايحه ..


يات بيث بسرعه وقمت ومسكتها ..


بيث: هههههههههههه يالرزيييييله ..


قلت : ههههه مو أرزل منج ..


بيث : يلا خلنا ندخل .. بجيب كتابي وبروح البيت ..


قلت : لاااا لا تروحيـن ..


بيث : ليش ..


قلت : استانست معاااج .. شرايج نتسبح في حمام السباحه ..


بيث : بس ما جبت لي ملابس ..


قلت : انا عندي شدعووه .. يلا يلا ..


بيث : ما اقدر .. قلت حق امي اني ما راح اتأخـر .. المره اليايه اوعدج ان بنسبح اوكي ..


سويت عمري زعلانه : اوكي ..


باستني تراضيني وابتسمت لها ..


ورحنا نركض فوق الغرفه .. خذت كتابها وراحت ..


تسبحت ونزلت ..


شفت جورج يقرى جريده ..


قعدت : مرحبـا ..


مارد علي ..


تنهدت وفتحت التلفزيون ..


ما شفت شي عجبني ..


قلت : جورج شخبارك ؟


جورج : زين ..


سحبت منه الجريده : يوووووه جورج .. لا تزعل ..


رفع جاحبه وتم يطالعني ..


قلت : أنا آســفه زين .. كانت نفسيتي تعباانه وماعرفت شنو اقوول .. انت المفرووض تعذرني ..


جورج : بس اللي قلتيه معقوول ..


قلت : شقلت ؟


جورج : اني مالي شغل فيج ..


قعدت جنبه : جورج لا تاخذ بهالكلام .. ما كان قصدي ..


جورج اخذ الجريده ..


سحبت الجريده وحذفتها بعيد ..


قلت : اسمعني ..


جورج تكتف ..


قلت : أنا آسفه زييين ..


جورج ابتسم : آخـر مره ..


قلت : آخـر مره وعد ..


جورج : انتي وعدتيني هااا ..


ابتسمت : وانا عند وعدي ..


ابتسم ..


قلت : ألما متى بترجع ؟


جورج : ما ادري .. توها رايحه .. هي كل سنه تروح هناك ..


قلت : وانت ما تروح معاها ؟


جورج : مره رحت معاها ..


قلت : وليش مارحت الحين ؟


جورج : لان عندي شغـل .. ألما الحين عاطله .. ماعندها شي ..


قلت : والجامعه ؟


جورج : عندها اوف الحين ..


قلت : يعني بترجع قريب ..!


جورج طالعني وابتسم : الحين انتي شتبين فيها .. انا مو مالي عينج ..


ضحكت : ههههه امبلا ..



جورج : هاي صديقتج بيث اللي كانت تلعب معاج ..؟


قلت : اي مو كنت انت وياها تسولفون قبل لا انزل ..


جورج : كلمتها بس ما اعرفها ..


قلت : اهاا .. انا حسبت انك تعرفها من قبل ..


جورج :لا ما اعرفها ..


قلت بغمزه : حلوه صح ..؟


جورج رفع حواجبه : مافيها شي ..


قلت : شنو مافيها شي .. الا تينن ..


جورج : اوكي حلوه ..


قلت : شرايك بكـره تعزمها على مطعم وتقعدووون ..


جورج رفع حاجبه : ليش ؟


قلت : يعني .. عشان تتعرفون على بعض أكثـر ..


جورج : مافي داعي ..


قلت : جووورج انت مو معقوووول .. عمرك 26 وللحين ماعندك صديقه ..!


جورج ابتسم : ومن قال لج ماعندي ..!


قلت : عنـــــــــدك ؟



..



جورج تنهد : مو بالضبط .. أحبها بس من طرفي انا بس ..


قلت : اوه .. ليش ؟


جورج : اممم .. ما احب اضايقها ..


قلت : ليش هي تتضايق اذا شافتك ؟


جورج : لا مو جي .. بس بتتضايق اذا قلت لها اني احبها ..


قلت : لا جرررب ..


جورج : ما اعتقد راح اقدر ..


قلت : لا جرب .. يعني لين متى بتم جي ..


جورج : لان ما اعرف شعورها اتجاهي ..


قلت : اممم .. شوف انت أسألها وحاول تاخذ الجواب منها بشكل غيـر مباشـر ..


جورج ابتسم : هي ذكيه وبتعرف ..


قلت : احسسسن بعد .. جورج انت تتعذب بحبها وهي مو مفتكـره ..


جورج : بحاول اقول لها ..


ابتسمت وغمزت : عرفني عليها اول ..


جورج : اكيييد انتي اول وحده بتتعرفين عليها ..


ابتسمت وأخذت ريموت التلفزيون وتميت احط في هالمحطات ..


شفت عرض ازيـاء لمصمم مشهوور ..


لاحظت ان أزياءه للعرض بس .. مو معقول حد بيلبس جي .. تصميم جنوني ..


متى ياربي اعرض تصاميمي اللي بسويهم قريييييب ..


قلت : تصدق جورج ..


جورج : اصدق ..


قلت : ابي استوي مصممه ..


جورج : حلوووو ..


قلت : ااي .. اممم .. في بالي واايد موديـلات ..


جورج : اوكي يلا ابتدي من الحين ..


قلت : من الحين ؟


جورج : اي يلااا ..


قلت : اوكي ..


رحت الغرفه بسرعه واخذت ورقه ورقم ..


نزلت وقعدت ..


جورج : يلا ابتدي ..


تنهدت ومسكت القلم ..


وحاولت ارسم اول تصميم لي ..


تميت ارسم واستخدمت ألوان بعد عشان تطلع ألوان الفستان ..


خلصته وتميت اطالعه ..


جورج : اشووف ..


ابتسمت وعطيته ..


جورج : واااااااااو .. رهييبه يالوتـس ..


قلت : اعجبك التصميم ..؟


جورج : واايد حلو ..


قلت : صج ؟


جورج : اي ..


ابتسمت ..


جورج : امم .. شوفي .. اذا استمريتي جي تصممين تصاميم ناجحه .. راح اسوي لج مفاجأه ..


قلت : صــج ..!


جورج : هههههه لوتس انا صغير عشان اكذب عليـج .. اي اكيد صج ..


ابتسمت ..


قلت : وين امك ؟


جورج : مشغوله هالايام بمشروعها الجديد ..


قلت : اهاا ..


جورج : امم .. شخبار ستيف ..


حسيت قلبي قام يدق بقوه .. وجسمي صار حار ..


قلت : ليش تسأل ..


جورج : ليش سؤالي فيه شي ؟


قلت : لا بـس أحس ان علاقتنا ما راح تتم خلاااص .. انتهى كل اللي بينا ..





:




:




 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة








الساعة الآن 12:41 AM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net