صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة






الرجاء استخدام خاصية البحث أدناه للبحث في الموقع:









إضافة رد
 
أدوات الموضوع إبحث في الموضوع انواع عرض الموضوع
  #13  
قديم 12-09-2012, 04:53 PM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق متواجد حالياً

 
دموع بلا خطأ / للكاتبه : بسمة خوف ,كامله







الجزء الثالث عشـر (13)





جورج : لوتس اسمحيلي اقوول لج ان اللي تسوينه غلط ..


قلت : غلللللط ..! شنو الغلط في اللي اسويه ؟


جورج : اهدي واسمعيني .. انتو بنيتوا هالعلاقه مع بعض .. ومو من حقج ان تهدمينها بروحج ..


قلت : يعني شنو ؟


جورج : يعني لازم تقعدين مع ستيف وتفهمين منه كل الحقيقه ..وتتفاهمون على كل شي


قلت : لااا ياجورج .. راح يكذب علي وانا بصدق .. وساعتها ما اعرف شراح يصيـر فيني ..


جورج : لا يالوتس .. ما اعتقد ان ستيف يسويها .. انت تعرفينه .. وراح تعرفين انه بيكذب من عيونه .. ما اعتقد انه راح يقدر يلفق لج كذبه .. قعدي معاه وافهميه .. ساعتها سوي اللي تبينه ..


نزلت راسي : واللي سمعته بأذني ..


جورج : مو شرط تكون هي يا لوتس ..


قلت : عيييييييييل من اللي يقول له حبيبـــي من ؟


جورج : راح تعرفين هالجواب اذا كلمتيه ..


قلت : أخااف انجرح يا جورج .. اخاف اسمع اللي ما ابي اسمعه ..


جورج توه بيتكلم الا مادلين يايه ..


مادلين : آنسه لوتس في ضيف ينتظـرج في صاله الضيوف ..


قلت : من ؟


مادلين : ما اعرف .. ما قال اسمه ..


قلت : اوكي الحين بروح ..


تنهدت ورحت ..


فتحت الباب لقيت ستيف قاعد ومنزل راسه ..


شهقت والتفت صوبي وجاني بسـرعه ..


ستيف : لوتس ابي اكلمج ارجوج ..


تميت اطالعه منصدمه ..


ستيف : ارجوووج ..


قلت : شتبي تقوول بعد ..!


ستيف : لوتس انا ما اقدر اتكلم هنيه على راحتي .. تعالي معاي ..


قلت : ماراح اروح معاك مكان ..


ستيف مسك يدي : لوتس ارجوووج .. مايصيـر تضلميني وماتسمعين مني شي .. هذا مو عدل ..


قلت : أي عدل اللي انت تتكلم عنه .. عدل انك تلعب على بنت ..


ستيف : انا ما لعبت على أحد لوتس ارجوج تعالي معاااي ..


مسك يدي وسحبني برع ..


ركبت سيارته وانا احس اني غضباانه منه ..


قلت : ستيييييف نزلني هنيه ..


ستيف ساكت ..


حاولت افتح الباب لقيته مقفول ..


صرخت : ستيييييف انت جنيييييييت ..


ستيف : اي طبعا جنيت .. تحسبين كلامج هذا ما يخليني افقد عقلي ..


وقف في مكان مظلم ..


خفت انزل ..


نزل وفتح لي الباب ..


نزلت معصبه ..


ستيف : ممكن اعرف الحين انتي شنو فهمتي .. شنو اللي خلاج تقفلين تلفونج ما تردين علي ..؟


قلت : يااامسكييين .. لا تمثل دوور البرااءه .. لانك ما نجحت فيه ..


ستيف : لووتس انا ما امثل أي دووور .. لوتس اهدي عشان اقدر اتفااهم معاااج .. جي ما اقدر .. ماراح تفهميني ..


قلت : انا هاديه .. قول اللي عندك خلني امشششي ..


ستيف : شوفي .. الكلام اللي قالته ليزي كله كذب ..


تميت اطالعه وكأني اطالع فلم ممل ..


ستيف سكت ومسك يديني : لوتس انتي حبي .. انتي كل حياتي .. انا ما حبيت بنت كثـر ما حبيتج يا لوتس ..


قلت : ستيف انا ما ابي اصدقك ارجوووك لا تكمل ..


ستيف : اييي جورج لحس عقلج ..


قلت بغضب : لاااااااا تتكلم عنه بهالطريييييقه ..


ستيف : عيل شلووووووون تبيني اتلكم مع واحد يحاول يخطف حبيبتي منـي ..!


قلت : مو هو اللي خطفني يا ستيف .. روح كمل علاقتك مع باقي حبيباتك .. ما اعتقد بيأثـر اذا فقدت وحده منهم ..


عطيته ظهري ومشيت ..


ستيف صرخ : لووووووووتـــــــــــــس ..


وقفت لاني خفت من صوته ..


مسكني من ذراعي بقوه ولفني صوبه : شوووووووفي .. اذا انا ما احبج مو مظطر اجي لين عندج واترجاااااج .. لوتس انا عمري ما ترجييييت حد غيرج .. ارجوووج اسمعيني للآخـر ..


دزيته وقعدت على الرصيف ..


قعد جنبي وتنهد : شوفي .. الكلام اللي قالته ليزي عني كله غلط .. لان لو هو صحيح انا اللي بقوله مو هي ..


ظليت ساكته ومنزله عيني للأرض ..


ستيف : انا ما راح اكذب .. صح ان كانت بيني وبينها علاقه ..


التفت عليه بسـرعه ..


ستيف : كاااانت .. بس انتهت ..


قلت : ما اعتقد انها انتهت ..!


ستيف : صدقييييني انتهت .. انا حبيتها لانها هي اللي أفرضت حبها علي .. هي اللي كانت تكلمني كل يوم وهي اللي كانت تسعى عشان احبها .. وانا حبيتها كصديقه .. بس هي فهمت غلط .. تمت وراااي ليمن دخلت قلبي ..


حسيت بغصه ..


ستيف : حبيتها .. ما اقدر اكذب .. بس افترقـنا ..


قلت : ليش ؟


ستيف : لاني يوم حبيتها من كل قلبي خانتني ..


قلت : شنووو ؟


ستيف : خانتني مع واحد كنت اعرفه .. شفتها معاه بعيني محد قالي ..


ساعتها تحول الحب الي في قلبي إلى كره .. بس حاولت اني اكون صديقها عشان أماندا وايد متعلقه فيها ..


قلت : بس هي ليش رجعت لك ؟


ستيف : لانج تخليتي عني .. وانا لجأت لها ..


وقفت وصرخت عليه : لجأأأأأأأت لها .. وتقووووول مابيني وبينها شي وكرهتهاااا .. شلون تبيني اصدققك ..


ستيف بهدوء : لوتس اسمعيني .. لجأت لها لاني ما اعرف حق منو ألجأ .. هي اللي كانت كل يوم معاي وتواسيني ..


قلت : آسفه ستيف .. تقدر ترجع مكان ما جيت .. انا ما اقدر اكمل حياتي مع واحد فاقده الثقه فيه ..


ستيف : ليش انا شسويييت ..؟


قلت : ما تقووول لي هي ليـش راده على تلفووونك ..؟!


ستيف تغير لون ويهه : انا نسيته عندها ..


نزلت دمعه من عيني وهمست : وليش كنت عندها ..


ستيف نزل راسه : لوتس انتي ماراح تفهميني ..


صرخت : ولاااااا ابي افهمك .. ستيف انتهى اللي بيــنا انتهــــــى ..


ستيف مسكني : لووووووووتس ارجووووج ..


قلت : لا تكلمني خلااااص .. ارجع مكان ما جيت وخلك معاها ..


ستيف : انا نسيته عندها لان هي كانت مسويه حفله في بيتهم .. وانا شربت وايد وماقدرت ارجع البيت ونمت في بيتها ..


قلت ودموعي في وسط خدي : ويوم كلمتني بعد كانت عندك ..


ستيف : كانت تحسبني اني رجعت لها .. وتركتج .. بس هذا اللي ما راح يصيـر ..


دزيته ورحت اركض بعيد عنه ..


ماراح اصدقك يا ستيف .. ماراح اصدقك ..


خدعتني وسرقت قلبي .. ورديته لي مجرووووح ينزف ..



ستيف بسيارته جدامي : لوتس ركبــي ..


صديت عنه ورحت ..


نزل وجا صوبي ..


ستيف : لوتس اذا ماتبين تصدقيني على راحتج .. بس ركبي معاي بوصلج البيت ..


مسحت دموعي : اقدر اروح بروحي ..


ستيف : انا اللي اخذتج وانا برجعج ..


صرخت : قووووووم عني ما ابي اشوفك .. اركب سيارتك واطلع من حياااتي ..


طالعني بغضب وركب السياره وراح ..


همست : لا تروح ..



طحت على الرصيف اابكي على حظـي ..


أحبك ياستيف .. الله يقدر قلبي على نسيااانك ..



خفت من الظلمه وتمت امشي ..


شفت سياره يايه صوبي ..


مشيت بسرعه ..


...: لوووووووتس ..


التفت بخوف




شفت جورج ياي صوبي ..


وقفت مكاني ..


جورج : كنت حاس ان جي بتكون حالتج .. من بعد ما وصفتلي مادلين شكل الضيف اللي جاج .. عرفت انه ستيف ..


تميت منزله راسي وحابسه دموعي ..


رفع راسي بصبعه : شفيـج ..؟


صحت وضمني ..


قلت : ماااابيه خلااااص .. اللي بيناااا انتهــى ..


جورج : اهدي اهدي لوتـس ..


ركبني السياره وتميت اصيح مثل الطفل اللي انسحبت منه أغـلى لعبه يملكها ..


حاولت اسكت لكن محاولاتي فشلت ..


ظليت ابكي طول الطريج .. خلاص انا فقدت ستيف للأبد ..للأبد ..!


فقدت ستيف وكأني فقدت حياتي وعمـري ..



وصلت البيت ورحت غرفتي على طول ..


سكرت على روحي الباب وما تم لي الا المخده انثـر دموعي عليها ..



وعيت وشفت الدنيا منـوره ..


صـار نهار ,,


تميت في الفراش ما ابي اقووووم .. ما ابي اصحى على واقع مـر .. ما ابي اعرف الخافي من حياتي ..



تذكرت شنو صار امس ..


تمنيت اشوفج يا روز .. ابي اعرف اخبارج .. ابي اشتكي لج كل همومي .. ابي اعرف اذا انتي مرتاحه والا عايشه وتتمنين الموت ..


آآآه ياروز آه ..


نمت بعد .. وقمت لقيت الدنيا بدت تظلم .. حسيت ان جسمي متكسـر من كثـر النووم ..


رحت غسلت ويهي وبدلت ملابسي وفتحت الليت وطلعت من البلكون اشم هوا ..


سمعت صوت الباب .. التفت لقيت جوليت جايه صوبي ..


جوليت بوجه جامد : هالكثـــر نووم ..


نزلت راسي : كنت تعبانه ..


مسكت راسي : تروحين المستشفـى ..


قلت : لا خلاص انا ارتحت الحين ..


جوليت : لوتس انتي فيج شي ..


قلت : لا ..


جوليت : امبـلا ..


قلت : مثل شنو ؟


جوليت : انتي اللي ابيج تقولين لي ..


قلت : انا مافيني شي ..


جوليت : ليش العناد ..!


قعدت : انا ما اعاند .. خالتي ارجوج خليني بروحي ..


جوليت : انا عارفه ان فيج شي .. بس مو هالشي اللي راح يعطلج عن مدرستج .. انا دريت ان اليوم انتي مارحتي .. ما ابي هالشي يتكرر ..


وراحت ..


اوووف انا نااقصتج انتي بعد ..


اخذت روقه وقلم ..


رسمت الجسم .. ورسمت لها شعـر يطيـره الهوا ..


وخليت وراها موجه كبـيـره والشمس في وسط البحـر بدت تغيـب ..


وأخذت الألوان ولونت الرسمه بالخفيف ..


لاحظت ان الرسمه شملت ألوان النـار .. الاصفـر والاحمر والبرتقالي والازرق الفااتح ..


تنهدت وتركتها ..


اخذت ورقه ثانيه وابتديت اصمم ..


تقريبـا صممت 3 فساتيـن .. حطيتهم في ملف لاني حسيت بصدااع مو طبيعي ..


نزلت الصاله لقيت جدي موجود ..


سلمت عليه وقعدت ..


ناديت مادلين تجيب لي حبوب للراس وماي ..


جدي : شلون تاخذين الدواء بدون ما تاكلين شي ..


قلت : راسي يعورني ..


جدي : لازم تاكليـن قبل لا تاخذين الدواء ..


قلت : ما اشتهي آكل جدي ..


جدي : لازم تاكليـن ..


جات مادلين بصينيه الدواء ..


جدي يهاوشها : يعني هي اي شي بتقوووله لج بتسوينه بدون عقـل .. شلون تاخذ الدواء بدون ما تاكل .. روحي حطي لها الاكـل ..


مادلين : آسـفه ..


راحت ..


جابت لي الاكل ..


أكلت بس عشان راسي كان بينفجـر من الألم ..


وأخذت الدواء على طول ..







جدي : ليش ما نزلتي اليوم على الغدا ؟


قلت : كنت نايمه


جدي : ليش امس متى نمتي...؟


قلت : ماعرف ..


جدي : لازم تنظمين وقتج وطريقة نومج .. مو عدله .. الكل متجمع على الوجبه وفي حد من أهل البيت ناقص ..


قلت : آسفه ..


جدي : وهذا جوالج شنو يسوي عند الخادمات ؟


قلت : انا عطيتهم إياه ..


جدي : واحنا من وين نعرف وينج اذا طلعتي ؟


قلت : مو محتاجته ..


جدي : خذيه وخليه عندج .. هذا ضروري .. هذي البلاد مو متـر في متـر عشان نعرف وين رايحه ومتى بترجعيـن .. نبي نتطمن عليـج ..


تنهدت ومسكت راسي .. لان الألم يزيد : خلاص باخذه ..



جدي : كلامي ازعجج ؟


قلت : لا بس راسي يعورني ..


جدي لبس نظارته الطبيه وتم يقـرا ..


حسيييت بضيـق في صدري .. حسيت اني خسـرت كل شي .. آآه ياستيف .. انت أخذت مكان كبيـــر في قلبي .. شلون راح تنمسح منه انا ما اعرف ..


تميت سرحانه .. مافي الا انا وجدي في البيت ..


افنتح الباب ودخل جورج ..


جورج : اوه لوتس .. صباح الخيــر هههههههههه ..


ابتسمت مجامله وصديت ..


قعد جنبي وهمس لي : روحي لبسي ..


التفت له ..


جورج : بدووووون نقاش..


قلت : مابي ..


جورج : بس انا مصـر ..


قلت : وانا بعد مصـره ..


جورج مسكني من يدي وسحبـني وانا أحاول افك يدي ..


قلت : جووووورج ارجووك .. ما ابي اطلع .. ما ابي ..


جورج : مو على كيفج ..


ركبت السياره ومشى بسـرعه ..



قلت : اوووف جورج .. انا مصدعه ومالي مزاااج أبد ..


جروج : وانتي تحسبيني انا بخليج بهالحاله .. انتي ما شفتي نفسج شلوون .. تحسبين اذا نمتي طول النهار بتنسين اللي انتي فيه ..


حبست دموعي وماتكلمت .. لاني اذا فتحت حلجي بتتناثر دموعي ..


جورج : لوتس انا ابي اطلعج من حالتج هذي ..


تميت ساكته ..



وقفـنا عند مطعم مجابل البحـر ..


نزلنا وانا على طول رحت عند البحـر ..


جورج وراي ..


جورج : لوتس ممكن سؤال ؟


قلت : ممكن ..


جورج : الحين وفي هاللحظه .. تتمنين يكون ستيف مكاني ..!؟


التفت عليه بسـرعه : شتقصد من هالسؤال ؟


جورج : ما اقصد شي .. بس تتمنين انج تجتمعين مع ستيف مره ثانيه وفي هالمكان ؟


قلت : لا .. انا مو مستعده افتح جرحي اللي ما التأم لين الحين ..؟


جورج : ستيف شنو بالنسبه لج الحين ؟


التفت على جورج : ممكن اعرف ليش تسأل الحين ..


جورج : انتي جاوبيني ..


قلت : مايعني لي شي .. ستيف ماضي وانتهـى من حياتي .. وراح أحاول امحيه للأبد ..


جورج : انتي متأكده انج سمعتي كل اللي قاله ..


قلت : اي .. وياليتني ما سمعت .. كان على علاقه معاها ..جورج كان يحبها ..


جورج : انتي قلتي كان .. اعتقد لو كان يحبها ما تركها وراح وراج انتي ..


قلت : ستيف اناني .. اذا اعجبته بنت ممكن يسوي المستحيل عشان يكسبها .. كاهو انفصـل عن ليزي عشان يسحبني انا .. ويوم صرت له راح لها .. يبي يحطم قلبي .. جورج انت حط نفسك مكاني ..


جورج : لوتس انا معااج .. بس قرارج هذا وايد صعب .. وممكن تكونين ظالمته .. ساعتها هو اللي ما راح يسامحج ..لانج عدمتي الثقه فيه ..


قلت منفعله: اتمنى اني اكون ظالمته .. بس للأسف ياجورج مافي أمـل .. كل شي واضح .. كل شي انكشف ..


جورج يمسح على شعري : اهدي ..


قعدت على السيف .. والماي يجي ويروح على رجلي ..


راح الوقت وانا في وضعي هذا وجورج معاي .. ريحني وايد منظـر البحـر ..


قلت : نروح البيت ؟


جروج : ارتحتي ..


ابتسمت : شكرا جورج .. ارتحت وايد ..


جورج ابتسم : عيل يلا ..


رحت البيت ..


حاولت اني انسى ستيف قد ما اقدر .. جات ألما من المزرعه وماسكتت من كثـر ما تسولف وتقول مواقفها والاحداث اللي صارت ..


تمر الايام وانا أحاول ما اطلع وايد من البيت .. لان عندي امتحانات قريب..


وهذي نهاية السنه مو شي بسيط ..


حاولت ادرس واذا تعبت اصمم لي كم موديل وارجع ادرس ..


وخالتي ما قصـرت جابت لي احسن المدرسين في البلد ..


وانا وبيث وجو ولوري اصدقائي كل يوم مع بعض عشان ندرس ..


ورويتهم تصاميمي .. وواايد اعجبوهم .. لدرجه ان جو قالت تبي تاخذ تصميم تفصل عليه ..


فرحت وايد وزادوني حماس ..


خلصت امتحاناتي وحسيت ان الامتحانات كانت وايد سهله .. من كثـر ما درست ..


وتفرغت حق تصاميمي ..


وانا ارسم سمعت صوت عند باب الغرفه ..


كنت كسلانه اروح افتح .. لان ما طقوا الباب علي ..



تميت ارسم ..


شوي الا انطق الباب ..


قلت : الباب مفتوح ..


دخل جورج ووراه كارتون كبيـر وطويل ..


وقفت : اوه اوه شنو هاي ؟


جورج : هديه .. او مفاجأه .. اعتبريه اي شي ماعرف اعبـر ..هههههههه ..


ضحكت :هههههههه ..


كان جورج يدز الكارتون وسوزي معاه ..


دخل الكارتون ..


جورج حط يدينه على خصـره وتم يطالع الكارتون ..


جورج : شوفيه ..


ابتسمت وحاولت افتح الكارتون وجورج يساعدني ..


فتحته وفرحت ..


قلت : جووووورج انتي يايبه ؟


جورج ابتسم : لجل عيون لوتس كل شي اجيبـه ..


ضميته : شكـــرا .. ماراح انسـى لك هالمعروف ..


جورج : ولوو .. ماسويت شي ..


قلت : وين لقيت هالمليكان ..؟ من وين اخذتها ..!


جورج : لا تنسيـن ان احنا عندنا شركه نسيـج ..


قلت : اهااا .. يعني خذته من هناك ..


جورج : اي نعم .. يلا رويـنا ابداعاتج .. هالمـره مو رسم .. عملي ..


ابتسمت : ماعرف شلون ارد لك هالجميـل ..


جورج : لا جميل ولا غيـره .. ما دفعت شي من جيبي انا ..



شليت الملكـان وحطيته في زاويه ..


جورج : كارتون القماش تحت ..


قلت : وايد متعب رووحك جورج ..


جورج : اوووش .. يلا تعالي شلي معـاي الكارتون ..


نزلت معاه بسـرعه وشلينـا الكارتون للغرفه ..


فتحته وكانت قطع من القماش اشكال وانواع ..


من الحرير والقطن وغيـره ..


وجات افكار ثانيه على بالي حق التصاميم ..


طلع جورج ..


واخذت قطعه حريـر وتميت اركب التصميم ..


صار لي فتره واقفه واحاول ابدع لكن تعبت وما قدرت اكمل ..



نزلت تحت وشفت جدي يقـرى في هالجرايد ..


جدي : ياهالحراميـه والمجرميـن .. شلون يشردون من السجن انا ما اعرف ..


قلت : من شارد ..؟


جدي : صارت هالبلاد خطـره ..


قعدت ..


جات جوليت ..


حطو العشـا ..


تجمعـنا كالعاده على الأكل وأكـلـنا ..



قمت ورحت غرفتي ..


طلعت تصميم الفسـتان اللي ابيه وقمت احطه على المليكان .. وانفذه عملي ..



سهرت على هالفسـتان لي ما سويته..


صار جاهز على المليكان ..


طالعته براحه ونمت على طول ..


لان صار لي كذا ساعه وانا واقفه على ريلي اشتغـل ..



قمت شفت حد في الغرفه ..




قمت بسـرعه لقيت ألما تطالع الفسـتان ..


فاجأني وجودها : ألمــــااااا ..!


التفتت علي : صـبـااااح الخيـر يا كسـلانه ..


رحت لها وسلمت عليها ..


قلت : وينج انتي ما تقعدين في البيت ..!


ألما : كنت طالعه وتوني راجعه .. بدلت ملابسي وجيت عندج .. وحشتيني ..


قلت : انتي اكثـر ..


ألما : يلا نزلي خلـنا نتفطـر ..


قلت : بس اسبح وبرجع لج اوكي ..


ألما : انتظـرج ..


رحت اخذت لي دوش ونزلت ..


شفت الفطور جاهز .. والكل متجمع ..


قلت : صبـاح الخير ..


الكل : صبـاح النور ..


قعدت وتميت آكـل بشراهه .. مو يوعانه بس ابي آكـل ..


جوليـت : جورج احـنا لازمـنا مصمم حق شركة النسيـج .. مو معقوله شركه نسيج ومافيها من يصمم ..


جورج يشرب الحليب : اي ..


جوليـت : انا ما قلت لك عشـان تقولي اي .. ابيك تتصـرف .. الشركه سكرت ونبي نسوي لها حفلة افتتاح مره ثانيه ..


جورج : اي بكلمج في الموضوع في المكتب ..


جوليت قامت : يلا مانبي نتأخـر ..


جورج شرب الحليب كله وقام ..


وانا وألمـا تميـنا ناكل ..


قلت : انتي ما تشتغليـن في شركتهم ..


ألما : انا ما احب سوالف التجاره وهالشغـل ..


قلت : عيل شنو تحبيـن ..؟


ألما : مادري .. احب اعيش حياتي حـره .. مابي شي يقيدني ..


قلت : حلو .. بس مو حلو تعيشين بلا هدف ..


ألما : انا جي احس اني مرتاحه ..


ابتسمت وتميت اكل ..



قمت ورحت الغرفه ..


انفتح الباب ..


ألما : لوتـس ..


التفت لها ..


ألما : ماتبين تسافريـن ؟


قلت : امم .. انا هالبلاد ما شفتها .. تبين اشوف غيـرها ..


ألما : شرايج اوديـج مشـوار ..


قلت : وين ؟


ألما : تعالي انتي وخـلاص ..


قلت : اوكي بلبس ..


رحت لبست لي جينز وبدي خفيف .. واخذت لي جاكيت وردي .. لان يمكن نتأخـر والدنيا في الليل برد ..



رحنا أنا وألما في سيارتها ..


شفت ألما تبي تطلع شي من شنطتها ..


طلعت جوالي ..


ألما : كأنج ناسيته ..


اخذته ..


ألما : اذا تبين تفتكيـن من المشاكل لا تردين على ارقام ما تعرفينهم .. وارقامنا احنا مسجلتهم انتي بأسمنـا ..


وافقتها الراي وحطيته في شنطتي ..



ودتني مكان حـلو .. نمشي وكل مكان حولـنا شجـر وزرع .. كل اللي حولـنا أخضـر ..


ألما : همم شرايج ؟


قلت بهمس : المكان حلو .. هادي .. مريح .. يريح الاعصـاب ..


ألما : تعالي عندي لج مفاجأه ..


سحبتني وودتني صوب نهـر ..


قلت : وااااااااو ..


ألما : يلا تعالي خلـنا نركب ..


قلت : وين ..


ألما : تعالي بنركب القارب .. بندور في النهـر ..


ركبـنا انا وهي وكان معانا واحد يجدف ..


تميت اطالع النهـر واللي حوله .. المنظـر روعه .. تمنيت لو يكون ستيف معـاي ..


نفظت هالافكـار وتميت اتمتع في الجـو ..


نزلـنا من القارب وتمينـا نتمشى وتقول لي ألما عن الاحداث اللي صارت هناك ..


سوالفها تضحك ..


شوي الا احنا عند اسطبـل ..


قلت : شنو هاي ؟


ألما : تعالي تعالي ..


رحـنا داخل وشفنـا الخيـول ..


ألـما : بكلم راعيهم عشـان نركبهم..


راحت ألما وانا اشوف اللي حولي ..


رحت عند خيل ابيض ومسكت راسه ..


استانست عليه ..


شوي الا ياتني ألما : لوتس شرايج نطلع من هنيه ..


قلت : لاااا ارجوووج .. والله ابي اركب الخيـل ..


ألما : بكره زين ..


قلت: لا ابي الحيـن .. ليش انتي مشغوله والا شي ؟


ألما : لا ماعندي شغل ..


قلت : لا الحين ابي اركب ..


ألما ابتسمت وبانت علامات التوتـر على ويهها .. استغربت ..


قلت : ألما شصايـر ؟





:




:





 
 
رد مع اقتباس
 
 
   
  #14  
قديم 12-09-2012, 04:54 PM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق متواجد حالياً

 
دموع بلا خطأ / للكاتبه : بسمة خوف ,كامله







الجــــزء الرابع عشـر (14)





ألما : لا مافي شي .. يلا خلـنا نركب .. خلـنا نسوي سباق اوكي ..


قلت : انا ما اعرف ترى شلون الحصـان يركض ..


ألما: انا بعلمج .. ههههههه بوب علمني في المزرعه ..


رحنا داخل ولقيـنا خيلين جاهزين ..


في ريال ماسكهم من الحبـل ..


الريال : الملابس هناك جاهزه .. روحوا لبسو وتعالوا ..


التفت على ألما وسحبتني معاها ..


قلت : أي ملابس ؟


ألما : ملابس الخيـل .. لازم تكونين لابستهم .. والخوذه اهم شي ..


رحت داخل غرفة الملابس ولبسـت ..


طلعت لقيت ألما واقفه ولابسه ..


ابتسمت : لايق عليـج ..


ألما : حتى انتي .. هههههههه شكلـنا بنغرهم بهالملابس .. لو يدرون ان احنا ما نعرف شي جان طلعونـا ههههههه ..


ضحكت ورحت وراها ..


ركبت انا الخيـل البني وهي الاسود .. انا بصراحه خفت من الاسود .. حسيته مو هيين ..


تحرك الخيل شوي وصرخت ..


ألما : اوووش ..


قلت : وين بيروح الحين ؟


ألما : انتي اللي تقولين له وين يرووح ..


قلت : شلون ؟


ألما : سوي مثـلي ..


ضربته بريلها على بطنه وتم يركض ..


وهو بس يمشي فيني ..


ألما تصارخ عشان اسمع : سووووووووي مثـــــلييي ..


ضحكت وضربته بالخفيف ..


ما ركض ..


ضربته اقوى وركض وكنت بطيـح ..


صرخت : وقققققققققققف ..


ألما جات صوبي : لوتس خليه عادي .. مسكي الخيط عدل وخليه يركض ..


قلت : بيدعم ..


ألما : المكان مفتوح بيدعم شنو ؟



سبقتني والخيل للحين يركض فيني .. شفت واحد يركض بالخيل بعد .. شكله متعلم مو نفس ألما يايه تتفلسف علي ..


راقبت حركاته وسويت مثـله ..


وراح الخيل الي انا فيه صوبه ..


شافني وابتسم لي ..


ابتسمت له وتم يركض الخـيل فيـنا ..


شفت واحد واقف على ريوله جدامي .. حاولت اوقف الخيـل عشـان ما ادعمه لان الخيل يمشي صوبه .. وهو معطني ظهره ..


وقف الخيل بالغصب لكن دعمه .. بس الطيحه كانت خفيفه مو قويه ..


نزلت بسرعه ورحت صوب الريال اللي دعمته ..


قلت : انا آآآسـفه تعـــ ...


وذاب الكلام ..


رجف صوتي بلعت ريجي ورجعت لورى ..


قلت : ستيـــف !


ستيف وكأنه مو مستوعب .. وطاح ..


صرخت : ستييييييييييييييف ..


قربت صوبه اصحيه ..


قلت : ستيف قووم .. قوووووم .. يااااااربي ..


وصحت ..


صرخت : حــــــد يسااااااااعدنـــــــي ..


شفت واحد ياي يركض صوبـنا ..


قلت : ارجوك ساعدني .. دعمته بالغلط وطاح .. وووو ..


قاطعني : يلا يلا خلـنا نشيله ..


شله وانا ساعدته .. وجا واحد يركض بعد وشله .. و لحقتهم و أنا اصيـح ..


حطوه على الكرسي .. وراح واحد ورجع معاه واحد ثاني..


قال : انا الطبيب .. ممكن تروحون ..


راحوا بس انا تميت ..


طالعني الدكتور ..


قلت : ارجوووك خلني هنيه .. ابي اتطمن عليه ..


الدكتور : اوكي ..



تمت عيني متعلقه عليه .. وفي بالي مليون سؤال ..


فتح عينه وابتسمت ..



شافني وشاف الدكتور ..


الدكتور : ما تشوف شر ..


الدكتور : انتي اخته ؟


قلت بتردد: لا اناااا صديقته ..


الدكتور : تعالي معـاي ..



رحت له وانا خايفه : شنو حالته خطيـره ؟


الدكتور : لا هو مافيه شي .. بس بغيت أسأل عن حالته دام انج صديقته على حسب ما تقولين ..


قلت : قوول ..


الدكتور : الاخ ستيف انا اشوفه هنيه بين فتره وفتره .. يعني من كم يوم ماصار فتـره .. بس كنت اشوف في عيونه تعب .. وما استبعت انه يطيح الحين ..


مافهمت عن شنو الدكتور يتكلم ..


قلت : لا انااا اللي دعمته بالخيل وانا ما ادري ..


الدكتور : بس مافيه شي .. مافيه الا شق خفيف في شفاته ..


قلت : الحين المطلوب مني يا دكتور ؟


الدكتور : شوفي .. لازم تساعدينه انه يتغذى عدل .. لان غذائه سيئ .. وهذا واضح من لون وجهه والكشف اللي سويته له ..


قلت : اوكي شكـرا .. انا بشوف ..


رحت مكان ما ستيف قاعد .. شفته مغمض عيونه ..


طالعته وابتسمت ..


اخذت حبه كلينكس ومسحت الدم اللي على شفاته ..


فتح عيونه وابتسمت له : سلامتك ..


قعد عدل : انتي شتسوين هنيه ؟


قلت : انت الي شتسوي هنيه ؟


ستيف : لسووؤ حظج .. انا اشتغل هنيه ..


قلت : شلوووون ..؟


ستيف وقف : شلون .. متى .. مع من .. هذا ما يخصج ..


استغربت رده الجاف لي ..


قلت: شفيـك ؟


ستيف : هه .. وتسألين بعد ..


عطاني ظهره وراح ..


رحت له بسرعه : ستيف ..!


قاطعني : لوسمحتي .. مابي اسمع شي .. انتي قلتي اللي بيني وبينج انتهى .. وبكلمتج هذي نهيتي حبج من قلبي ..


دمعت عيني : وانت متأكد ان كان حب في قلبك لي ..


ستيف طالعني باشمئزاز وراح ..


رحت صوب الكراسي وتميت اصيـح ..


حد مسك يدي ..


رفعت راسي ..


ألما : انتي هنيه وانا ادوووورج من مكان لمكـان ..


قمت وطلعت وألما لحقتني ..


ألما : شفيـج ؟


قلت : خلـنا نورح ..


ألما : ليش توج ماتبين تروحين ..


صرخت وانا اصيح : بس الحيـــن ابي اروووووح ..


مشيت بسرعه ووقفت في ويهي : حبيبتـي شصار ..


حظنتها وانا ابكي : شفتـــــــه ..


ألما : كنت حاسه ..


رفعت راسي بسرعه : كنتــي تدريــن انه هنيه ؟ وماااقلتيلي .. !


ألما : انا شفته بالصدفه وعلى طول قلت لج خلنا نرووح .. بس انتي اصريتي نقعد ..


مسحت دموعي ورحت صوب تبديل الملابس .. بدلت ملابس ورحت على طول عند السياره وركبت ..


تميت انتظـر ألما واحاول ما افكر في ستيف ..


بس هو ليش اشتغل هنيه .. ما لقـى الا في هالمنطقه يعني .. شلون بقدر انسااك شلوون ..


ركبت ألما وبدون كلام وصلتني البيت ..


دخلت ورحت على طول غرفتي ..


تميت اطالع نفسي في المنظـره واتحدى دمعتي ..


رحت غسلت ويهي .. وخذت قطعه سوده وساده ..


أخذت الطبشور وتميت ارسم خيالي عليـها ..



بعد ما خلصت علقتها على المليكان ورحت صوب البلكونه ولاحظت الشمس وهي تغرب ..



سمعت صوب الباب ..


رحت وفتحته ..


جورج : وانتي كله في الغرفه ..


قلت : شاسوي ..


شفت جورج متجه صوب المليكان ..


جورج : وااو .. هاي انتي اللي راسمته صح ؟


قلت : من غيري ..


جورج : لوتس شوفي .. انا بفاتحج بموضوع وعلى طول ابي رايج يكون " اوكي" ..


ابتسمت : عيل ليش بتقول لي ..


جورج : لا جد الموضوع مهم ..


قلت : اوكي تعال على البلكونه ..


رحنا صوب البلكونه وقعدنـا على الكراسي ..


قلت : تفضـل أخ جورج ..


جورج : احم .. شوفي .. امي قالت ان ناقصـتنا مصممة حق شركه النسيـج .. وانا قلت لها انج انتي اللي راح تمسكين هالمنصـب ..


شهقت : لاااااا شنو .. انا توني مبتدأه ..


جورج : راح تتعلميـن كل شي .. هناك بتقدرين تستمرين وتتابعين شغلج .. وبصراحه احنا نثق فيج وبقدراتج ..


قلت : اممم بفكـر ..


جورج : امم .. عندج من الحين لين العشـا ..


ابتسمت ..


وراح ..




معقووووله .. بهالسرعه اصيــر مصممة في شركة .. ولا بعد شركه معرووفه ..


بس هاي مسؤليه .. واي خطــا راح اتحااسب عليه..


بس مو شرط اغلط .. لازم اكوون حذره في شغـلي ..


بس أحس ان هالشغل راح يكون صعب .. وما اقدر عليه ..


لكن اذا ما اشتغلت الحين .. ماراح اقدر عقب .. هذا هدفي وطموحي .. ولازم اسعـى على شانه ..


ياااربي ..



تميت افكـر لين ما اتخذت القرار اللي يريـحنـي ..



دخلت ألما : يلا العشـا جاهز ..


قلت : يايه ..


راحت ألما ورحت وراها ..


ألما : الحين صرتي احسن ..


قلت : اي احسن ..



تجمعـنا كلـنا على الوجبه ..


جورج : لوتس شقررتي ..


طالعت جوليت وطالعتني بابتسامه ..


قلت : ما اعرف شنو اقول لكم .. بس اخاف اخيب املكم ..


جوليت : احنا نعرف انج راح تغلطيـن .. وحتـى اذا جبنا غيرج راح يغلط .. انتي منـا وفيـنا ولازم تتعلميـن .. وانا فرحت يوم دريت انج تصممين بعد ..


ابتسمت ..


جورج : ما قلتي رايـج ..


قلت : امم .. انا موافقه ..


جورج : صــــــــــــــج ..


قلت : هالموضوع مافيه غشمره ..


جوليـت : راح تنجحين يا لوتس .. واحنا كلنا معـاج ..


فرحت ..


قلت : هو شغلي شلون راح يكون ..؟


جورج : بعد العشـا راح نتكلم عن هالموضوع .. وبكره الصبح راح اوديج الشركه وراح تتعرفين على كل شي ..


جوليت : بكره المسـا راح تكون حفله الافتتاح ..


ألما : بهالسرعه ؟


جوليت : لان اذا ما افتتحـنا بهالسرعه راح تدرى الصحافه وبيعتبرونه فشـل .. وهذا اللي انا ما ابيه ..


أكلـنـا .. وبعد العشـا دخلت المكتب وجوليت وجورج عرفوني على شغـلي .. وجورج قال لي بكره راح تفهمين عدل ..


رحت غرفتي ونمت ..



قمت من النوم وانا حاااسه بنشـااط .. لاني نايمه بدري ..


رحت لبست عشان اروح مع جورج ..


فتحت الباب لقيت جورج في ويهي ..


جورج : توني كنت بدخل عليـج بقومج ..


قلت : لا انا نشيطه .. قمت بسـرعه ..


جورج : هههههههه اي ابي جي دووم ..


قلت : يلا قبل لا نتأخـر ..


جورج : زين خلـنا نتفطـر ..


قلت : يـلا ..



رحنا تفطـرنا وطلعـنا ..


في الطريج ..


جورج : متحمسه ؟


قلت : واايد .. انا كان حلمي اني اعيش هاللحظه .. والحمدلله هاللحظه جات ..


جورج : انا واثق من نجاحج ..


ابتسمت ..


كمـلنا الطريج ..



وصلـنا ..


نزلت بسرعه لان فيني لهفه ابي اشوف اللي ما شفته ..


دخلنا داخل الشركه وتم يعلمني عن كيفية الشغل اللي يبيني اشتغله .. حسيته صعب شوي .. جورج قال لي لاني ما درست تجاره .. بس انا ابي اصمم .. ليش يعلمني تجاره ..


ووداني مكتب حلو وراقي .. يبين ان مافي حد ..


جورج : شرايج في هالمكتب ..!


قلت : حلو .. بس ليش فاضي ..


جورج : لانه صار لج


تفاجأت : لــي ؟


جورج : اي .. مو قلنا لج انج راح تشتغلين هنيه ..


قلت : اي بس انا ما ابي مكتب ..


جورج : ليش ؟


قلت : لان انا ابي اصمم .. ما اعرف غير جي ..


جورج : هههههههههه ادري بس لازم مكتب .. يعني وين بتقعدين عشان تصممين وترسمين وترتبين افكارج ..!


قلت : اهاا .. يعني جي السالفه ..


جورج : اي .. ولازم يجيج شغل شوي بعد .. يلا امشي..


تميت ادوور في الشركه مع جورج .. كبيـره مادري شلون جورج مركز في الطريج ..


خلصنا مشوارنا وجورج كان عنده شغل .. راح مكتبه وانا وراه ..


قلت : جورج ابي اروح البيت ..


جورج : لوتس الحين عندي شغل .. انتظـري شوي ..


قلت : لا انا بتصل حق السايق ابيه يجيني .. راسي عورني ..


جورج : على راحتج ..


اتصلت حق السايق وجاني ..



رحت البيت لقيت ألما في ويهي ..


ألما : زييين جيتي ..


قلت : ليش شتين ؟


ألما : بل شهالاسلوب ..


رحت قعدت : تعبت ألما .. راسي عورني ..


ألما : يلا بعد بتتعبين .. لازم تختارين لج فستان حق الافتتاح اليوم ..


غمضت عيوني : بعدين ..


ألما : متى بعدين .. ترى مافي وقت ..


قلت : بعد ربع ساعه زين ..


ألما : انا بروح اقول حق السايق وببدل وبسحبج معاي ..


قلت : زين ..


غمضت عيوني شوي .. لان حسيت ان جسمي تكسـر .. مع اني ما درت في الشركة وايد ..


جات ألما ورحـنا ..


اخترت لي فسـتان حلو وراقي ..


وساعدت ألما في الاختيـار بعد ..


أخذت فستان لونه زهـري فـااااتح حريـر .. وعليه ورود فوشيه وعنابيه جايه على اشكال مدموجه من مخمـل .. كان حـلو .. وفيه فتحه لحد فوق الركبـه ..


وألما خذت فستـان بنفسجـي قامج مخمـل .. طويـل وماله يد ..وعليه ربطه تحت السدر فضيـه




رجعـنا البيـت وعلى طول ابتديـنا في اللبس والتكشـخ ..


حطت لي ألما بودره خفيفه وكحـل وظل وردي فاتح وماسكـارا .. وانا حطيت لي قلوس ..


راحت ألما واناظبطت شعري و لبست الاكسسوارات وكماليـات الكشخـه ..


دخل علي جورج : يــلا لوتس بـ ..


وسكـت ..


قلت : يلا يلا جهزت ..


التفت لقيته يطالعني ..


ابتسمت : شرايك ؟


جورج : وااااو ..


ابتسمت وطالعت نفسي مره أخيـره ..


اخذت شنطتـي وطلعت مع جورج ..





ما لقيت ألما ..


قلت : ألما فوق ..


جورج : اووف .. تروح بروحها ..


قلت : لا ارجوك خلـنا ننتظـرها ..


شوي الا ألما نازله ..


ألما : الاخ جورج ناوي تروح وتخليني ؟


جورج : اي اكيـد .. ما يصيـر الناس يوصلون قبلـنا ..


ألما : يلا يلا وصّلـنـا بدون كلام ..


جورج : ماراح اوصـلج زين ..


راحت ألما تركض سبقتـنا السيـاره ..


جورج : هههههههه يعني ما اقدر اروح بسيـاره ثانيه ..


قلت : لا حراام عليـك .. خلنـا نروح مع بعـض أحسـن ..


جورج ابتسم : انتي جي شايفه ..!


قلت : اي ..


جورج : اوكي ..


رحـنا ولقيـنا ألما في السياره تهرن ..


ضحكـنا وركبـنا ..



وصـلنـا وقلبي قام يدق ..


تميـنا في السيـاره .. وجاو 2 واحد منهم فتح لي الباب والثاني فتح حق ألما .. حسيـت نفسـي اميـره ..


ابتسمت لهم ودخـلت ..


دخلت مكـان كبيـر .. وفرقه موسيقيـه على زاويه .. والبوفيـه .. وشفت شوي ناس موجوديـن ..


ألما : امي وين ؟


جورج : امي داخـل .. يلا دخـلوا ..


دخلـنـا داخـل المبنـى .. لان الحفـله راح تكون بـرع ..


مكـان راقـي وشفت جوليـت مع جماعه .. اشـرت علي عشـان اجي ..


رحت لها بابتسـامة توتـر ..


قلت : مرحـبـا ..


كلهم : مرحبتـين ..


جوليـت : اعرفكم على بنت اختي لوتـس .. هي اللي راح تصمم الملابس ..


حسيت بالمسؤوليـه .. اووف احس اني ما فكـرت عدل ..


ابتسمت ..


قالت وحده منهم : وااضـح ان ذوقها راقـي .. راح نشوف ابداعج آنسـه لوتـس .. "مدت يدها " انا كارليـن ..


سلمت عليها : تشرفت بمعرفتج ..



كانت رحـلتي دوم مع خالتي جوليـت .. عشـان تعرفنـي على صديقاتها وعلى الموظفيـن ..


تعبت وانا ادور واجامـل .. دورت ألما بعيوني ما شفتها .. دورت جورج شفته ياي صوبي .. ابتسمت براحه ..


همست : وينك انت من مساعه .. تعبت انا ..


جورج : هههههههههه .. سوري حبيبتـي .. انشغلت مع باقي الوفد ..


قلت : اوكي خلـنا نروح من هنيه شوي ..


جورج : وين بتروحيـن ؟


قلت : أي مكـان .. ترى لاعت جبدي ..


جورج : تعالي تعالي ..


رحـنا ورى المبنـى بحيـث محد يكون موجود ..


تنهدت : تعبت من المجاملات وسوالف الشغـل ..


جورج : اوووه .. انتي توج بأول المشـوار ..


قلت : اي بس انا بمشـي شغلـي مثل ما أنا ابـي مو حد غيـري ..


جورج : يلا خلـنا نشوف ابداااعـج .. انا وايد متأمل فيـج ..


ابتسمت : انت جي تعطيني الثقه ..


جورج : وانتي تستاهليـنها ..


ابتسمت ..


قرب منـي : بعطيج شي ..


قلت : شنو ؟


جورج : غمضـي عيونج ..


قلت : لااا جورج انا اخاف من هالسوالف ..


جورج : ههههههههههه مابسويلـج شي .. غمضـي عيونج ..


غمضت عيوني وانا حاطه يدي على ويهي ..


سحب يدي وحسيت في شي حطه في يدي ..


قلت : افتح عيوني ؟


جورج : اي ..


فتحت عيوني وشفت يدي ..


شفت في يدي خاتم حلو ..


قلت : يـاي .. حلووو ..


جورج : اعجبج ..!


قلت : وايد .. بس شالمناسبه ؟


جورج : اعتبريـها هديه افتتاح الشركه ..


ابتسمت وتميت اطالع الخاتم ..


سمعت صوت حد يصفق ..


التفت وانصدمــــــــت ..


ستيف : برااافو .. مشهد حلو بصـراحه ..يلا كلاكيت ثاني مره .. عيدوا


جورج : انت شيايبـك هنيه ؟ شتبــي ؟


ستيف : هه .. يهمك يا استاذ ..!


جورج : اكيييد يهمنـي .. انت ياي شركتـنـا ..


ستيف : اوووه .. شركتكم ..


قلت : جورج .. ارجوك انت خلك على صوب ..


ستيف : انا ما راح اقطع عليكم مسيـره حبـكم .. بروح ..


قلت : لااا ستيف انتظـر ..


رحت ومسكته من يده : ارجوك اسمعنـي ..


ستيف : اشوفج مرتااحه هنيه وايد يالوتـس .. ويهج صايـر وردي .. وصارت فيج روح .. الظـاهر جورج وايد مريـحج .. انا ما احب اهدم علاقات حب .. ما اعطلج عنه .. تلاقينه ينتظـرج ..


دمعت عيني وسطـرته كف ..


مسك الكف وتم يطالعني : هاي اللي علموج اياه اصاحب الشركـات والفلووس .. هه خلهم ينفعوونج ..


مسكته من ذراعه : ستيف ارجووك اسمعنـي .. ارجوك اصـحـى من اللي انت فيه ..


ستيف : انتي اللي اصحـي .. انتي قاعده تخسريني يا لوتس .. وحبج بقلـبي كل يوم ينقص .. حرام اللي تسوينه في نفسج وفيني ..


قلت : انت ما عاقبت نفسك يوم خنت حبـنا مع وحده ما تستااهل .. ياي اليوم وتلموني على علاقه صدااقه بيني وبين جورج ..


ستيف بانفعال: متأكده ان هالعلاقه صدااقه يا لوتـس ..؟ الصديق يعطي صديقته خاتم .. وطبعا ما راح يعطيج أي خاتم .. تلاقينه من الالماس .. لوتس لا تقصين على نفسج وتقصيـن علي .. جورج يحبـج وانتي راح تبادلينه هالشـي ..


قلت : ستيف انا ما احب غيـرك ..


ستيف : انا ما اسمي هذا حب .. هذي انانيه .. تبيني انا وجورج في صفج .. ماتبين تخسرين حد ..


قلت : شلووون تقول هالكلام .. انت شقاااعد تقول ..!


ستيف : تبيني اصدق انج تحبيني بطلب منج طلب واحد .. طلب واحد بس .. اذا بتجاوبيني بسرعه بعرف قيمتي عندج ..


قلت بحيـره : شنو ؟


ستيف : اذا تحبيني بتجين معاي الحين وبتتركين كل شي .. واذا تحبين جورج راح تتمين معاه .. والله يوفقكم في حياتكم ..


شهقت : ستيييييييف انت شتقووووووول ..


ستيف : هذا الي عندي .. والظاهر عرفت ردج ..


عطاني ظهره وسحبته خليته يطالعني : انت قلت اللي عندك بس ما سمعتني ..


ستيف : لانج انتي ما سمعتيني يوم جيت ابي ادافع عن نفسي ..


قلت : ستيف انا احبـــــك .. والله ما احب حد غيرك ..


ستيف مد يده : عيـل يلا تعالي ..


طالعت يده وطالعته ..


ستيف : التردد مو في صالحج ..


قلت : ستيف احنا مو في حرب ولا في تحدي .. انا احبك وانت تحبـني .. ليش ما اشوف حياتي هنيه ..


ستيف تنهد ونزل يده : كنت متوقع .. انا مابي ازيد كلام .. يلا مع السلامه ..


وراح ..


صرخت : ستيييييييييييييييف ..!


ما رد علي ..


تميت واقفه والدموع تتحداني ..


جاني جورج يركض : سووا فيـج شي ؟


طالعته وضميته وانا اصيـح ..


جورج : بس يالوتـس .. ما يستاهل دموعج ..


قلت : ستيف مفكـر ان بينـا شي يا جورج .. يحسب اني احبك وانت تحبني .. ما اعرف من وين جاب هالفكـره ..


جورج منزل راسه ..


قلت : انا خسـرته .. خســـرته للأبد .. هو متغيـر .. ماعرف شفيه .. ماعرف ليش متغيـر ..


جورج : انتي اهدي ومسحي دموج يلا خلنا نروح هناك .. امي تسأل عنج ..


مسحت دموعي : شقلت لها ؟


جورج : قلت الحين بتجـي .. يلا ..


قلت : انت روح انا بجي وراك ..


جورج : لا تتأخريـن ..


حطيت يدي على ويهي وانا اتنفس بصعوبه .. ما ابي افكـر بشي الحيـن .. خل تعدي هالحفله على خيـر ..


شميت هوا شوي ورحت لهم ..


لزقت فيني ألما : وين كنتي ..


قلت : بقول لج عقب .. انتو شسويتو .؟


ألما : الكل يسأل عنج ..


قلت :اوووف .. انـا مالي مزاج الما .. خلاص بروح البيت ..


ألما شهقت : لاااا شنو على كيفج .. الحفله للحيـن ما انتهت .. لازم انتي تودعين الضيوف ..


تنهدت ورحت .. طبعا ما كان لي مزاج .. كانت ألما تتكلم عني اذا سألوني .. وانا طول الوقت سرحانه ..


خلصت الحفله على خـير وودعت الضيوف ..



أحـس قلـبي يبكـي على حالـي ..


أحـس انه تعـب من الألم والجرااح ..


أحسـه ما يقدر يتحمـل الهموم اكثـر من جي ..


آآه ياويل حالي علي ..



ألما : لوتـس انتي بخـير ..


قلت وانا اطالع الفراغ : بخيـر ..


ياتني جوليت والفرحه مو واسعتها : لوتـس ما تتصوريـن شقد انا فرحـانه لج .. راح تحققين نجاح باهر في الشركه ان شالله .. وانا وجورج راح نوقف معــاج ..


تميت ساكته وانا اطالع الفرااغ ..


جوليت : لوتــس !


جورج :يــلا نورح البيـت .. لوتـس اكيد تعبت ..


سحبوني للسيـاره وطول الطريـج انا سـاكته ..


ألما ماسكه يدي وتراقبني .. تجاهلتها ..



وصلت البيت ورحت على طول الغرفه ..


وقفت عند الشبـاك وشفت المطر وهو ينزل في بدايته ..



ليـش جي يا ستيف .. معقوله حبـك لي انتهـى بهالسـرعه ..!


انا حاولت انسـى او بالاصـح اتناسـى سالفتك مع ليزي .. !


بس انت ليـش ما تفهمنــي ..!


ليــــــــــش !


انفتح الباب وما شفت من اللي دخـل ..


حسيـت بيد على كتفي ..


دمعت عيني لكن انا مصـره ان دمعتي ما تنزل ..


شفت جورج جدامي ..


صديت عنه ..


جورج : لوتـس ..!


قلت : جورج ارجوك .. مابي اتكلم في هالسالفه ..


جورج : بس لازم اكلمج في موضوع ..


قلت : أجـله ..


سكت ..


تميت اطالع المطـر وهو ينزل من الشبـاك .. حطيت يدي على الشباك ودي ألمس المطـر ..


جورج : لا تسوين في روحج جي لوتـس .. ستيف ما يستاهل ..


التفت عليه : شلون ما يستاهل يا جورج .. انا أحبـه .. انا ما حبيـت غيـره انسان .. ولا عرفت الحب الا يوم عرفته ..


جورج : لو يحبج جان ما راح عنج في هاليوم ..


قلت : ستيف يحبـني يا جورج .. وانا احبـه ..


جورج : ليـش حبيتيه ..؟!


طالعته مستغربه من سؤاله






:




:




 
 
رد مع اقتباس
 
 
   
  #15  
قديم 12-09-2012, 04:55 PM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق متواجد حالياً

 
دموع بلا خطأ / للكاتبه : بسمة خوف ,كامله







الجـــزء الاخيــر ..







جورج : شنو اللي قدمه لج عشـان تحبيـنه هالكثـر ..


تنهدت وطالعت الفراغ : قدملـي كل اللي انحرمت منه .. قدم حق وحده يتيمه الحـنان اللي عمرها ما حسـت فيه .. قدم لها الأمــان .. والرااحه .. اللي ما عاشتهم في يوم .. قدم لها الحـب على طبق من ذهب .. هذا ما يكفـي اني احـبه !.. ستيف عطـاني كل شي .. حماني من كل اللي يبون يضروني .. وقف معـاي في فرحي وحزنـي .. كان هو الام والاب والاخو والاخت والحبيب والصديق وكــل شي بحـيـــاتي ..


نزلت دمعه غصب عني ..


قلت : وتسألني ليـش حبيتيه .. !


جورج : بس انتي الحيـن قاعده عندنـا وموفريـن لج الامـان والحنان والراحه والحب .. كل شي هنيه متوفـر ..


قلت : هه .. انتو جيتو متأخريـن .. متأخريــن وااايد .. لولا ستيف يا جورج جان انتو ما شفتوني للحيـن ولا عرفتوني .. لولا ستيف جان انا الحيـن مييييييته .. ستيف كل شي بحيـاتي .. صحيح اني زعلت منه .. بس زعلي منه سبب حبـي له .. بس هو ما يفهم ..


دموعي حصـلت فرصه للهبوط وما مانعتها ابدا ..


قعدت على الارض : ابيه يكون جنبي جورج .. ابيه يكون معـاي ..


نزل مستواي : انا جنبج .. انا هنيه ..


طالعته : بس انت مو ستيف ..


جورج : اي .. انا جورج .. ستيف يبيـج تنسينه .. انسـيه ..


قلت : مستحيــــــــل .. انا بنسـى عمري .. بنسـى كل شي الا ستيف ..


جورج يمسح على شعـري : اوكي حبيبتـي .. قومي بدلي ملابسج الحيـن .. ونامـي .. والصبـاح ربـاح ..


سكت وطلع ..


فتحت البلكونه وتميت تحت المطر ..


ودي اصرخ بأسمك .. بس بتسمعنـي ياترى !



تميت واقفه ليـن ما وقف المطـر .. وانا بفستاني للحيـن ..


سحبت الكرسي وقعت ..


تميت اراقب الشمس وهي تطلع حق يوم جديد ..


يوم غامض .. ما اعرف راح اعيـشه للنهايه والا اموت في وسطه ..


يمكن اموت ويتم جسد بلا روح ..


ليـش ياربي نذرف دموع بـلا خطـأ ..!


مسحت ويهي بيدي ودخلت أخذت لي دوش .. ولبست ..


ورجعت مكـاني ..


شفت الساعه ..


الحيـن الكل متجمع تحت ..


اخذت شنطتي ونزلت ..


جوليـت : اهلـين صبـااح الخيـر ..


قلت بكسل : صبـاح النور ..


طلعت ..


شفت السايق مجهز السياره ..


فتح لي الباب ودخلت ..


شفت جورج وفتح الباب ..


جورج : شفيـج جي طالعه ؟


قلت : بروح الشركه ..


جورج : زين تعالي تفطري أول ..


قلت : مو مشتهيه أكـل .. خلاص روح انت ..


سكرت الباب وقلت حق السايق يمشـي ..



وصلت الشركة ورحت مكتبي على طول ..


دخل علي واحد ..


قال : اهليـن بمصممنـا الجديد ..


قلت بدون نفس: اهليـن ..


قال : أعرفج بنفسـي .. انا جاك .. وراح تشوفيني وايد ..


ابتسمت مجامله : انا لوتـس .. تشرفت بمعرفتك ..


جاك : وانا اكثـر ..


عطاني ظهره عشان يطلع وانا مسكت المجله الي جدامي ..


جاك : على فكـره .. احنا عندنـا شغل وايد ..


قلت : انا مستعده ابتدي من الحين ..


جاك ابتسم على جنب : عسـى دوم هالحماس والنشـاط ..


طالعته وانا مكشـره في ويهه ..


جاك : المهم .. لازم نخلـص كميه كبيـره في فتـره قصيره .. لان عندنا عرض بعد شهريـن ..


قلت : اوكي ..


جاك : مو هنيه راح يكون شغلج .. تعالي معاي ..


رحت معاه وانا احس ان دمه ثقيل هالريال .. اووف ..


تم يعلمنـي شاسوي ..


مسكت القلم وجدامي الورقه .. ما قدرت اسوي شي .. عقلي مشوش ..


جاك : اذا بتقعدين جي في كل تصميم بترسمينه ما راح نخلص ..


قلت : لو سمحت ممكن تطلع عشان اعرف اشتغـل ..


طالعني باستغراب وطلع ..


غمضت عيوني بقـوه عشـان اقدر اشتغـل وما افكـر بشـي أبد ..


طلبت لي قهوه وبديت اشتغـل ..


جاني جاك ورويته التصماميم .. اعجبوه وقال نبي كميه اكبـر.. لان العرض قريب وماعندنـا تصماميم تكفـي .. وقال ان بيبتدي التخيط من الحين .. تميت لين الساعه 12 الظهـر ..


انفتح الباب ودخل على جورج ..


جورج : مسـاء الخيـر يالمجتهده ..


ابتسمت : مسـاء النور ..


جورج : يقول جاك انج نشيـطه ..


قلت: ما قال جدامي .. يعطيني حماس على الاقــل ..


جورج : هههههه اي ترى جاك بيني وبينج فيه غرور شوي .. اذا تنيحستي معاه يصيـر نحيـس ورزيـل .. اما اذا جيتيه بالـطـيب يكون مافي احسـن منه ..


تنهدت : مثـل كل الريايــل ..


جورج : وانا منهم ..؟!


قلت : لا انت فرطت عنهم .. هههههههههه ..


جورج : ههههههههههه زين عيـل ..


قلت : مب ناوي تروح ..؟


جورج : وين اروح ؟


قلت : تطلع ..؟


جورج : وين ؟


قلت : تطلع من عندي ابي اكمل شغـلي ..


جورج : هههههههههههههههههههه اهاا .. اوكي اوكي ..


طلع وانا مبتسمه ..


اخذت القلم وكمـلت شغـلي ..



طالعت الساعه شفتها 4 .. اوه هالكثـر انا اشتغـلت بدون ما أحــس ..!


ترك شغلي ولميت اغراضي دخل علي جورج ..


جورج : لوتـس انا طلعت من الدوام وتغديت ونمت شوي وانتي للحيـن هنيه ..!


قلت : ما حسـيت بالوقـت ..


قمت من الكرسي وحسيت راسي يدووور ..


ما قدرت اوقف طحت ..


جاني جورج يركض : لوووووتـــس انتي بخيـــر ! اودريـج المستشفـى .!؟


قلت بكسل : انا بخيــر ..


جورج : قومي قومي ..


ساعدني وقمت ..


طلعنـا من الشركــه ..


جورج : بوديـج المستشفـى اتطمن عليج ..


قلت : لا جورج انا بخير .. بس ياتني دوخه .. بروح البيت مابي اروح اي مكان ..


تنهد وكمل طريجه ..



وصـلنـا البيـت وانا رحت غرفتي على طول ..


بدلت ملابسي وقعدت على السرير ..


انطق الباب ..


قلت : ادخــل ..


دخلت مادلين وفي يدها صينيـة أكـل ..


قلت : لا مابي .. اخذي الأكل ..


مادلين : بس السيد جورج قال لي ان الصينيه ما تطلع الا وهي فاضيه ..


ابتسمت : اوكي ..


حطت الاكل على الطاوله وراحت ..


اكلت شوي لين ما انفتحت نفسي وكملت اكـل ..


ناديتها وخذت الاكـل ..


نمت وقمت في الليل .. قعدت مع جدي وشوي شوي اكتملت العيله .. تجمعنـا على العشـا وجورج يطالعني بنظـرات اذا هديت الشوكه ..


اللي فهمته من نظـراته انه يبيني اكـل ..


ابتسمت وكملت اكل ليـن ما انترس بطنـي ..


قمنا من على الاكـل وتمينا نسولف ونضحك .. قلة ما نتجمع جي ..



مـرو شهريـن وانا اشتغـل بحمـاس .. ونغزاتي انا وجاك ما خلصـت .. بس اشتغلـنا بتعاون .. خلصـنا المجموعه بالوقت المناسب .. وحظـرت عرض الازيـاء وكان مثـل ما انا ابـي .. الكل مدح شغلي وتصميمي ..


فرحت من كل قلبـي وتمنيـت ان ستيف يكون جنبي في هاللحظـه ..


في هالايـام اللي مـرت ما شفت ستيف الا مـره وحده وبالصدفه .. شفته لابس بدله رسميه نفس اللي يلسهم جورج .. مو لبس سبورت عادي مثـل اللي يلبسهم قبل .. آآه شنو أخبـارك يا ستيف .. شتسوي ؟ نسيتني والا للحيـن عايش على ذكرياتـنا ..!


كمـلت حياتك بدوني .!


آآه من عذاب الفراق ..!



بيث : يلا لوتـس انا بروح ..


جو : لا قعدي .. انا بتم ..


بيث : انزين تمـي .. انا مواعده اختي اني اطلع معاها اليوم .. ما اقدر اتأخـر ..


جو : وين بتروحون ؟


بيث : السينما وبعدين نجهز اغراضها حق العرس ..


جو : اوكي عيـل انا ولوتـس بنجي واركم ..


بيث : اووكي ..


قلت : لا انتي روحي جو .. انا بتم هنيه ..


بيث : ليييييييش .؟


قلت :تعبانه .. ومالي مزاج اطلع .. خليها في وقت ثاني ..


بيث : على راحتج .. يلا جوو تعالي ..


راحت بيث وجو معاها وانا طلعت من الغرفه اوصلهم للباب ..



دخلت الصاله وشفت ألما بس في الصاله تشرب قهوه ..


قلت : وين الباقي ؟


ألما : امم .. امي في المكتب وجدي توه طالع وجورج قال الحين بيرجع ..


قلت : اهاا ..


قعدت ومسكت جوالي وتميت اتعبث فيه ..


ألما : امم انا بروح الحين بوب بيجيني ..


قلت : اوكي روحي ..


ألما : بتميـن بروحج ؟


قلت : عادي مو قلتي جورج بيي الحيـن ..


ألما : اوكي حبيبتـي .. بروح ألبـس قال لي أول ما تغيـب الشمس بيجي ..


قلت : يلا لحقـي غااابت الشمس ..


راحت تركض الا الجرس يرن ..


راحت سوزي تفتح الباب ودخلت ..


سوزي : السيد بوب عند الباب ..


قلت : روحي قولي حق ألما بسـرعه هههههههههه ..


راحت وشفت ألما جايه بسـرعه وهي تسكـر زرار قميصها وهي تنزل .. قعدت جنبي عشـان تلبـس الجوتي وانا اضحك ..


ألما : اوووف مو أول مـره اتأخـر .. عاد هالمـره هو جاني البيت مو متواعدين في مطعم ..


قلت : عشـان مـره ثانيه تحاسبين وتجهزين من قبـل ..


قامت ورتبت شعرها بشكل سريع وطرشت لي بوسه وطلعت ..


ابتسمت واخذ المجله افكـر بموديـلات جديده .. ابي ستايلات غيـر شكل حق الموسم الجاي ..











انفتح الباب بسرعه ..


تخرعت والتفت على الباب ولقيـت جورج كأنه مستعيـل ..


جورج : لوتـس تعالي ساعدييني ..


قلت : شنو ؟


جورج : تعالي برع تعالي ..


رحت وراه بسـرعه لقيـت واحد طايح عند باب البيت .. وشكله يخـرع .. الدم كله في ويهه وشكله فاقد الوعـي ..


جورج : افتحي لي باب غرفه الضيوف بسرعه ..


فتحت الباب وساعدت جورج عشـان يمشـي الريال ..


كان ضخم يعني جورج ما يقدر يحملـه ..


قعده على الكرسي ..


قلت : بروح اجيب له مـاي ..


جورج : وانا بروح اجيب له الاسعافات الاوليـه وبطلب له الاسعـاف ..


صبيت الماي في كوب ورحت له الميلـس ..


شفته مفتح عيونه وكأنه يتألم ..


عطيته كوب الماي ومسك يدي ..


قال : لا تهديني ..


استغربت ودققت في ويهه .. هالويه مو غريب علـي بس منوو ؟


قلت : اشرب الماي .. الحين سيارة الاسعاف بتجي ..


وقف : انا مابي اسعاف ..


قلت : اقعد انت تعبـاان ..


قال : انا صرت بخيـر .. لو سمحتـي ممكن توصليني لعند الباب ..؟


قلت : لا انتظـر خلني امسح الدم من على ويهك ..


قال : انا بروح المستشفـى بنفسـي .. بس ممكن توصليني لعند باب البيـت ..


شفته مصـر وقلت : اوكي ..


وصلته لباب البيت ..


قال : تعالي برويج وين طحت ..


قلت : من سوى فيـك جي ؟


قال : ما اعرف .. تعالي معـاي ..


رحت معاه وحسيـت بالغموض في حياته ..


ياربي صوته مو غريب .. وشكله مألوووف ..


رحت معاه برع البيت ..


قلت : انا ما اقدر ابتعد اكثـر عن البيـت .. انا برجع ..


قال : وتخليني بروحي ؟


بلعت ريجي : انت ما عندك أهـل ..


قال : للأسـف .. لو عندي أهـل جان ما شفتيني جـي ..


قلت : آسـفه ما اقدر ابعد اكثـر .. محد يدري اني طلعت ..


مسك يدي : بس انا مصـر انج تجين معاي ..


سحبت يدي : وانا مصـره اني ما اجي معـاك .. لو سمحت ارجع مكان ما جيت ..


قال : ياليت كل واحد يرجع مكان ما جـا .. كان صرت انا بألف خيـر ..


قلت : شتقصد ؟


مسح الدم اللي في ويهه بثيابه ..


استغربت وبعدت عنه خطوتين ..


قال : شكلي مألوف صـح ..


شهقت وحط يده على حلجي وشلني وركـض ..


حاولت افك روحي عنه لكنه ماسكني بكـل قوته ..


ركبني سياره ومشـى .. مو هو اللي كان يسوق .. كان واحد يسوق وهو ماسكني عنده ..


قال : قلت لج يا لوتـس انتي لــي .. محد يقـدر ياخذج منـي .. وراح تصيرين لي ..


صحت : بروكـلس انت شتبي منــي ...؟ شتبيــــــــــــــــــــي ؟؟


بروكلس : هه .. قلت لج ابيـج .. انا أحبـج لوتـس .. أحبج .. وهالكلمه ما نطقتها في حياتي حق أحد غيـرج ..


صرخت : لانــــــك ما تعرف تحب .. هذا مو حب يا بروكلس مو حـــــــب ..


بروكلس تكتف : عيـل شنو ؟


طالعت الباب اللي جنبي وقلبي يدق بقو ..


رحت صوب الباب بسرعه وفتحته ..


لكن محاولتي فشـلت لانه كان مقفوووول ..


بروكلس : هه لهالدرجه تحسبيني غبــي ..! معقوله انا بحبسج عندي وبخلي الباب مفتووح ..! اووف يا لوتـس اكـره غبــائج ..


طالعته باحتقــاار .. هذا هو بروكلـس مستحيـل يغيـر طبعه .. اناني وفيه شحنه من الشر والحقد ..


بروكلـس : لوتـس ..!


مارديت ..


بروكلس ضربني على ريلي : أكلمج ..


قلت : شتبــــي يا حقيـــــــر ..


بروكلس : ههههههههه ردي علي عشان اعرف اذا تسمعيني والا لا ..


سكت ..


بروكلس : تدرين شكثـر انا ضحيـت عشـانج ..


طالعته وانا ودي اذبحه ..


بروكلس : انسجنت بسببج .. وتعذبت في السجن بسببج .. وكلت لي اشهر واحسن محامي في البلد عشـان يطلعني .. واخذوا فلوس علي واايد .. وما طلعت من السجـن وهذا بسببج .. شردت من السجن عشـانج .. خاطرت بنفسـي وحياتي لها .. كان ممكن وانا اشرد من السجن يطلقون علي رصاص اموت ..


قلت : ياريــت سووهاا وفكوني من شرررررك ..


مسك يدي : يهون عليـج ..!


صرخت : اكيييييييد يهون .. انا ما عمري كرهت انسان مثلك انت .. ما عمري تمنيت الموت حق انسان غيـرك ..


بروكلس : زين ليش ؟


قلت : وتســأل .. بروكلس انت تعرف شعوري اتجاهك .. لو سمحت رجعني مكان ما جيت ..


بروكلس : اهم شي انا احبج .. شعورج لي مو مهم وايد ..


قلت : رجججججججججعني البييييييييت انا مااا ابيييييييك .. انا احب واحد غيـرك .. خلاص اتركنـي بحالي ..


بروكلس : لا حبيبتـي .. ما بيضيع تعبي على الفاضي .. انا سويت تمثيليه كامله عشـان اخذج .. وتقولين لي رجعني هههههههههه .. والله انج غبيه ..


تميت اصيح واصرخ واضربه ..


سد حلجي ومسك يدي ..


بروكلس : راح تتعودين علي .. وبتحبيني ..ههههههه .. بس انتي مافيج صبـر ..


وقفت السيـاره من الزحمه .. ورن جوال بروكلس ..


تم يطالعه ويطالعني ..


سويت روحي نايمه ..


رد : ألو .. اي خذتها .. لا انا باخذها عندي في البيت وعقب لكل حادث حديث ..


نزلت راسي وشفت حديده طايحه تحت رجلي ..


اخذتها بهدوء .. وكان بروكلس مندمج في سالفته مع التلفون ..


طقيت شباك السياره عشان اكسـره واطلع ..


بس ما انكسـرت .. تشمخت بس ..


التفت علي بروكلس وسكر التلفون ..


اخذ مني الحديده بقوه وتشمخت يدي لاني كنت ماسكتها بقوه ..


بروكلس : انتي تلعبين على من ؟ لوتس لا تخليني افقد اعصااابي وانتي تعرفين شنو باسوي اذا عصبت .. وخصوصـا من الي احبهم ..


ومسك خدي ..


نزلت يده : لا تفكــر تلمسـني مـره ثانيه .. والا راح تندم ..


بروكلس :ههههههههههه يا حليلج يا لوتس .. احب اشوفج وانتي تسوين روحج قويه .. ههههههههه ..


قلت : حقـيــــــر حقيـــــــر ..


بروكلس : سكتي والا اكسـر ضروسج بهالحديده ..


سكت وانا اتنفس بصعوبه ..


كانت تمشـي السياره ماعرف وين .. مكان مظلم وتمـر فيه شاحنـات وايد ..










قلت : انت وين بتوديني ..


بروكلس : انتي وين تبين تروحين بوديج ..


قلت : انا بروح البيـت ..


بروكلس : الحين بتروحين بيتج ..


قلت : ابي اروووح بيت خــالتـي ..


بروكلـس : مو عيب عليـج تقعدين عند النـاس .. هم ترى يتضاهرون حبـج .. والا هم يتمنون فراقج اليوم قبل بكـره .. شوفي .. حتى محد سأل عنج ولا حد مهتم ..


سكت وانا اصيح ..


بروكلس قرب منـي : يا حبيبتـي ما ابي اشوف دموعج ..


دزيته ولصقت في الباب ..


بروكلس : خايفه مني ..؟ هــممم ؟


بلعت ريجي والتفت عنه ..


وقفت السياره ونزل بروكلس .. نزلت بسرعه لكنه مسكني ..


بروكلس: ههههه مو بهالسـرعه ..


مسكني وانا ابي اشرد عنه ..


حط مثل الحديد جنب راسي .. التفت لقيته ماسك مسدس ..


شهقت ..


بروكلس : ان تحركتي ثورت فيـج ..


هدني وانا ركضت سمعت صوت رصاصه , صرخت وطحت على الارض ماسكه راسي ..


قومنـي : انا قلت لج ..


حسيت ان قلبي وقف في هاللحظه ..


آآه وينك يا ستيف .. جا وقتك الحيـن ..


سلمت نفسي لبروكلس .. لان اذا كنت معاه بموت واذا رحت عنه بعد بموت .. دام ان نهايتي اليوم الموت ما راح اجادف أكثـر من جي .. خله يسوي اللي يبيه ..


بس استسلم بهالسهوله .. استسلم وابيع نفسي وحبـي وحياتي وكل شي .. هذا المستحيـل ..


لكن شنو بيدي اسوي اكثـر ..


سمعت صوت رصاصه وصرخت ..


بروكلس : من ويـــــن هالرصــاصـه ..؟


الرجال اللي معاه : ما اعرف .. انا ما عطيت حد أوامـر انهم يطلقون النـار ..


سمعت صوت من بعيد : بروووووووكلس .. حساااااابك معاااي انا .. اتركهاااا ..


شهقت : ستييييييييييف ..!



ستيف من بعيد وموجه المسدس صوب بروكلس : اتركها والا بتكووون نهااايتك على يدييي انا ..


بروكلس : هه .. اذا تقدر تثور ثور .. انا ما راح امنعك ..


وجه بروكلس المسدس على راسي ..


بروكلس : يا ترمي سلاحك والا ما راح تشوفها عايشه ..


انا اكتفيت بالصياح ونظـراتي لستيف ..


ما اعرف شنو اسميها .. نظرات وداع والا نظـرات أمـل ..


ستيف : اتركها وانا بترك السـلاح ..


بروكلس : انت تحلم .. ما راح اتكرها .. صارت لي ..


ستيف : ياااحقيــــــــــر هي مو لعبه عشان تصيـر لك ..


طالعت يد بروكلس اللي ماسك فيها السـلاح ..


مسكت يده بكـل قوتـي ونزلتها للأرض ..


وجا ستيف يركض ..


رفع بروكلس يده وطلق رصاصه ..


صرخت : ستييييييييييييييييييف ..!


شفت ستيف طايح على الارض ..


دزيت بروكلس بكل قوتي ورحت حق ستيف ومسكت المسدس ..


وجهته على بروكلس ..


بروكلس ماسك المسدس وموجهه علي ..


صرت اتنفس بصعووبه ..


بروكلس : تركي السلاح يا لوتـس ..


طالعت ستيف اللي ماعرف اذا مات والا بعده عايش .. لانه ينزف ومسكر عيونه ..


قلت بصوت مبحوح : ستيييف قوم .. قوم خلاص .. انا بذبحه الحين .. قوم لا تخرعني .. قوووووووم ..


طالعت يدي ماشفت فيها السلاح ..


طالعت بروكلس كان ماسكه وهو مبتسم ..


وجه المسدس على راسي .. واحد يمين وواحد يسـار ..


بروكلس : تحبيتن ان الرصاصتين يسلمون على بعـض والا بتمشيـن معـاي ..


دزيته وصرخت : اذبحــنــــــي .. اذبحنـــــــــــــي ما ابي اعيـش بدون اللي احبه .. اذبحنـــــــــي .. اذا ما ذبحتني انا بذبح روحي .. ما ابي اعيــش .. خلاااص عرفت شنو مخبيه لي الدنيـا ..


رحت اركض وانا عيوني مليـانه دموع .. ما اشوف جدامي ..


شفت شاحنه جايه صوبي وهي تهرن ..


ابتعدت عنها وخبطتني سياره كانت مسرعه ..


وفقدت وعيي ..




فتحت عيوني بصعووبه .. ورديت سكرتها مره ثانيه .. حركت يدي بصعوبه ورديتها مره ثانيه .. حاولت اتكلم لكن حسيت اني فقدت صوتـي ..


فتحت عيوني شفت واحد لابس ابيض في ابيض .. والمكان كله ابيض .. وفي بنات حولي لابسين ابيض ..


قلت بصوت مبحوح : من ؟ وين انا ؟


قال : اهدي .. انتي في المستشفـى .. والحين صرتي بخيـر ..


قلت : انت من ؟


قال : انا الدكتور فيل .. راح تتمين عندنـا هنيه لفتـره لين ما تتحسنين ..


قلت : ليش انا شفيني ؟


د.فيـل :راح تعرفين بعد ما نسوي لج شوية فحوصـات ..


ابتسم وطلع ..


ظلت ممرضه عندي وقاست لي الضغط وطلعت ..


فريت عيوني يمين ويسـار ابي اتذكـر شصار لي بالضبط ..


سمعت صوت رصاصه وصرخت وسديت اذني ..


سمعت نفس الصوت مره ثانيه وصرخت وانا اصيـح ..


دخلت الممرضه بسرعه : شفيـج ؟؟


قلت وانا اصيح : صوت رصاص .. في صـوت هنيه ..


الممرضه : لا غلطانه .. مافي صوت حبيبتـي .. تبين الدكتوور ..


قلت : انا شااابي فيه .. بروووكلس بيي الحين بيذبحني .. ويبي يذبح ستيف بعد .."تذكرت " ستييييف ..!


طالعتني الممرضه باستغراب ..


صرخت : ستيـــف مــات .. ستيييييييييف ماااااااات .. روحو جيبوووه لي .. رووحوووا ..


انفتح الباب شفت ألما والدمعه في عيونها ..


قلت : ألمااا ..


ياتني تركض وحضتنهاااا ..


قلت : ألما ستيف مااات ؟


ألما : شنو ؟






قلت : لا تقولين لي انه مات .. لا تقولييين ..


ألما : ما اعرف عن ستيف شي .. محد جاب خبـر ..


غمضت عيوني لان حسيت بصداع ..


فتحت عيني وانتبهت على يدي الملفوفه ..


دخل جورج وكأنه واحد ثاني .. صار حجمه متقلص .. ضعف ..!


جورج : لوتـس قمتي وأخيـرا ..


قلت : جورج ارجووك شوف وين ستيف ..


جورج : ليش وينه ..؟


صحت ..


جورج مسك يدي : لوتس لا تتعبين نفسـج ..


قلت : ليش ما اتعب نفسي .. ستيف مات ؟


جورج : من قال انه مات .. انا ما اعرف وينه .. لوتس الشرطي الحين بيي ويبي يعرف منج كل شي .. لانه قال ان المجرم شرد .. ما قدروا يمسكونه ..


قلت : انا ابي ستيف .. ستيييف وينك ؟


انفتح الباب ودخلت جوليت ومعاها جدي ..


تموا يسولفون وانا افكر في ستيف ..


ألما : تدرين لوتس انتي شكثـر تميتي هنيه .. وانتي مو حاسه ..


طالعتها بتعب ..


ألما : تميتي شهـر وانتي بهالحاله .. محد يعرف اذا بتعيشين والا بتموتيـن ..


صديت عنها ..


جورج : ألما هذا وقته الحين ..


ألما : لازم تعرف ..


جورج : بس مو هالوقت ..


جدي : خلاص سكتوا .. خلوها ترتاح ..


دخل الدكتور : لو سمحتو تقدرون تروحون بيتكم عشان المريضه ترتاح ..


قلت : انا بروح معاهم .. مابي اتم هنيه ..


الدكتور : لا مو الحين يا آنسه .. انتي لازمج فحوصات .. توج قايمه من غيبوبه ..


سكت ..


طلعت جوليت بعد ما باستني على راسي وطلع جدي وراها .. طلعت ألما وناديت جورج ..


جورج : نعم لوتس ..


قلت : ارجوك دور ستيف .. شوفه وينه ..


جورج نزل راسه : بحاول ..


وطلع ..


تميت بروحي في الغرفه .. ماعرف الساعه كم .. ما اعرف اذا الحين نهار والا ليل ..


مابي شي من الدنيا غيـر اني اشوف ستيف بخيـر ..



غمضت عيوني ونمت ..


فتحت عيوني على صوت الممرضه ..


الممرضه : يلا يا اموره .. النور طلع ..


قلت : الساعه كم ؟


الممرضه : الساعه 7 الصبح ..


قلت : ومتـى بطلع ؟


الممرضه : الدكتور بيقول لج متى ..


وطلعت ..


انا بطلع مو على كيفهم ..


تحركت وحسيت بصعوووبه في حركتـي ..


ريلي ما تتحرك ..!


ليــش ؟


ما احس فيها


..شصاار ؟



..










انفتح الباب ودخل الدكتور ..


طالعته وابيه يقول لي شصار فيني ..!


الدكتور : صبـاح الخيـر آنسـه لوتـس ..


قلت : دكتور شصار في ريولـي ؟ ليش ما تتحرك ؟


الدكتور تم يقول كلام ما فهمته .. بس اللي عرفته اني ما راح امشـــي ..!


الدكتور : راح نسوي لج عمليـه بس ما نظمن نجاحها 100 % ..


قلت : يعني ما اقدر امشـي كلش يا دكتور ..


الدكتور : لا تفقدين الامـل .. اهم شي تكون عندج عزيمه..


قلت : انا ما ابي عمليه يا دكتور ..


الدكتور : راح اخليـج تفكريـن .. ولا تتخذين قرار الا بعد التفكيـر ..


طلع الدكتور وانا تميت بحاله كيئبه ..


يعني ما راح امشي مره ثااانيه .. ما راااح امشي ..


شليت الغطـا اللي على ريلي وتميت اطالعها ..


تحركي .. تحــــــركي .. لا تتصنمين ..


ضربت ريلي وصرخت : تحــــركــــــــــي ..


انفتح الباب ودخل جورج : لووتـس ..!


صحت ..


جورج : سوي العمليه يا لوتـس .. سويها عشـان تمشيـن ..


صرخت عليه : الدكتووووور قااال مو اكيد العمليه بتنجح .. مووو اكيــد .. يعني ما في دااعي اعيــش على أمـل كااذب .. انا ما راح امشـي مره ثانيه يا جورج .. ما راح امشي ..


جورج : انتي جربي هالعمليه وما راح تخسرين شي..


قلت : ما راح اخسـر شي ؟


جورج : اي


قلت : جورج انا ابي اطلع من هنيه .. ابي اطلع ..


جورج : سوي العمليه أول ..ما يطلعونج وانتي للحين ما تشافيتي .. فكـري ليـن بكـره ..


قلت : مابي انتظـر لين بكره .. ابي ادور ستيف ..


صحت : ابـي ستيف .. ابي اعرف هو عايش والا مااات .. جورج ابيك تساااعدنـي .. ارجوووك ..


جورج : شوفي لوتس .. انا بسـاعدج قد ما اقدر .. بس ما اوعدج اني احصـله .. لاني سألت عنه بالمستشفيـات ما عندهم خبـر ..


زاد صياحي ..


جورج : تفائلي .. يمكن يكون بخيـر .. من جي ما احتااج لمستشفـى ..


قلت : شلووون ما يحتـااج مستشفــى وهو مصــاااب برصـااصه ..!


جورج : رصـاصه ؟


قلت وانا اصيـح : اي رصاصه .. بروكلس ضربه يعله المووت ..


جورج : اعتقد انه بخيـر يا لوتـس .. وانتي لا تنسين انج في المستشفـى من شهـر .. يعني اذا فيه شـي دخل المستشفـى وطـلع ..


تنهدت : انا قلبـي مو مرتـااح .. مو متطمـن ..


جورج مسك يدي : لوتـس انسـي ستيف .. انسيه ..


قلت : شلون انسـاه وهو روحـي وقلبي وكل مافيني .. قلبي ينبض بأسمه يا جورج .. شلون تبيني انسـاه ! .. حتى لو مـات بيتم ذكـراه في قلبي ..


جورج : عشـان تعيشين حياتج يا لوتـس لازم تنسينه .. وانا بعوضج باللي أحسن منه ويقدرج ويحبج ..


قلت : ومن اللي يساوي ستيف ..؟


جورج : انا عندي لج اللي يسواه واحسـن منه بعد ..!


قلت : من ؟


قرب مني وقعد على السرير


جورج : انا ..


انصدمت وفتحت عيوني على الاخـر ..


جورج : اي انا يا لوتـس .. انا بحقق لج اللي تبينه .. بسوي لج كل اللي انحرمتـي منه .. بسفـرج وبونسـج .. بعوضـج عن كل اللي فاتج .. لوتـس انا حبيتج من أول ما شفتج .. اول ما شفتج في المستشفـى يوم دعمتج .. تميت افكـر فيـج .. لوتـس انتي لي .. شوفي انتي بنفسـج وفكـري .. انا قدرج وانتي قدري .. لاني شفتج بالصدفه وعقب طلعتي بنت خالتي .. وقريب راح تكونين زوجتـي .. انا الحين ما ابي منج رد .. ابي ردج علي اذا فكـرتي ..


قلت وانا منصدمه : وستيف !


جورج : ستيف مب لج يا لوتـس .. اذا هو عايـش ليـش ما سأل عنج هااا ..! ستيف اصـلا شافـج يتيمه قال بلعب عليـها واتسـلى .. والا ليـش يوم جيتي عندنـا ما قام يسأل عنج ويدبر لج هوشه عشـان تتفارقون ..!


قلت : جورج انت شتقـووول .. ستيف هو اللي وصلني عندكم .. هو اللي قنعني فيـكم بعد ما كنت رافضتكم .. هو كل شي بالنسبة لي .. انت تفهــــم .. كــل شــي ..


جورج : انا مابسمع منج كلام الحين .. ابيـج تفكريـن ..


قلت : اللي ما يحترم حبي واللي احبه ماله قيمة عندي يا جورج .. مشكـور على كل شي .. والحين خلني بروحي ..


تم يطالعني ونزل راسه وطلع ..


تميت منصدمه مكاني .. شهالكلام اللي يقوله جورج ..! ليــش انا ناااقصه هم عشـان يزيدني ..


دخلت الممرضه وقلت لها توقع لي على ورقه خروجيه .. وطلعت .. ودخل الدكتور وعطاني موعد حق العمليه .. قلت له اني راح اجي في موعد العمليـه ..


حطوني في الكرسي ودزوني ..


شافتني ألما ودزتني ..


كنت منزله راسي طول الوقت ..


منحرجه من اللي حولي .. قبل شهر كنت امشـي واركض واروح وين ما ابي .. والحيـن جي حالتي ..


شفت جوليت وجدي يطالعوني .. وكأنهم زعلانين علي ..


قلت : جدي ..


جدي : نعم ..


قلت : جدي انا ما ابي ارجع اعيش معاكم في البيت ..


ألما شهقت : ويـن بتروووحيـن عيـل ؟


تنهدت : ابي اكون في بيت بروحي .. انا عندي مبلغ في البنك .. بشتري فيه بيت وبقعد بروحي ..


جوليت : بس من اللي بيهتم فيـج وانتي بهالحـاله .. وشنو بتسوين بروحج ؟


قلت : انا بدبر حالي .. ابي اشتري لي بيت بأقرب وقت ..


جورج : انا بهتم في الموضوع ..


طالعته ونزلت راسي : مافي داعي تتعب روحك ..


جورج : هذا مو تعب .. ولو .. انتي منـا وفيـنا .. في عندنا بيت .. راح نسجله بأسمج ونخلي شركة التنظيف ينظفونه لج .. وبس ..


توني بتكلم ..


جوليت قاطعتني : وهذا كله من حلالج انتي يا لوتس ..


تنهدت وسكت ..








طلعت من المستشفـى وقربت من السياره وطالعتها وانا افكر شلون بنزل وبركبها ! قرب مني جورج وشالني وحطني في السياره ..


حسيت بالاحرااج ..


بس كملنـا طريجنـا ..


انا في السياره مع جورج وألمـا ..


ألما تهمس لي : لوتـس فكري بالموضوع عدل .. ما بتقدرين تعيشين بروحج ..


قلت : أقدر ..


ألما : فكـري ..


قلت : فكـرت ..


تنهدت ألما ورجعت مكانها ..


طول الطريج هدوء


كان الطريج بعيد شوي ..


وقفت السيـاره والتفت يمين ويسـار ..


شفت على يميني فيـلا كبيـره .. ما تقـل فخـامه عن فيلـة جوليت ..


جورج : هذا بيتج ..


قلت : بس انا ابي بيت صغيـر لي .. مو فيـلا ..


جورج : صـار بيتج هذا .. خلاص .. ومثـل ما قالت امي .. ما دفعنا شي من جيبـنـا ..


نزل جورج ونزلت ألما ..


فتحت البـاب ونزلت ريلي بيدي ..


وألما وجورج ساعدون وركبوني الكرسي ..


دخلـت البيت ودخـلوا وراي رجال التنظيـف وابتدوا في الشغـل ..


جورج راح صوب باب وأشـر عليه : هنيه راح تكون غرفتج .. وانا خليتهم ينظفونها هي أول وحده .. انتظريهم وعقب دخلي عشان ترتاحيـن ..


تميت ساكته ..


جورج : وبكـره راح نبعث لج حد يساعدج .. وانا وألما ما راح نتركج .. كل يوم عندج ..


تميت ساكتة انتظـرهم يخلصون من غرفتـي ..


ألما : وراح اجيب شنطة ملابسـج ..


وبعد تميت ساكته ..


نظفوا الغرفه وطلعوا منها وانا دخلت وسكرت على نفسي الباب .. ودزيت نفسي انا والكرسي ووصلت عند الشباك اللي يطل على الحديقه ..



ألما من ورى الباب : لوتـس حبيبتـي احنـا الحيـن بنروح وبنجيج بكره اوكـي ..!


ما جاوبتها ..


تميت قاعده افكـر بكـل شي ..


ستيف الحيـن ويـن ..!


حـي والا ميــت ..!


مرتـاح والا متضـايق ..!


وانا .!


راح امشـي مـره ثانيه والا خـلاص .. ريولـي صارت الكرسي ..!


محتــاجتج يا روز .. ابيـج جنبـي .. محد يحـس فيني غيـرج ..


تنهدت وتميت على هالحال لين المغرب ..


جسمي متكـسـر ابي انام ابي ارتـاح ..


سمعت صوت طق باب ..


خفت ..!


انا بروحي في البيت .. من اللي يطق باب غرفتـي ..!


قلت بخوف : مــن ؟


...: انا تيـلا .. ممكن ادخـل ..!


قلت : ادخـلي ..


فتحت الباب ..


تيلا : انا المساعده الجديده .. جابني هنيه السيد جورج ..


سكت ..


تيلا : ومعـاي 2 حراس برع الفيـلا وجنجـر تساعد معـاي ..


ما زلت على وضعـي ..


تيـلا :باحظـر لج وجبه العشـا ..


....


تيـلا : راح اساعدج عشـان تركبيـن على السرير .. لازمج راحه ..


ساعدتني وحطتني على السرير وارتحت ..


راحت وجات مره ثانيه بصينية العشـا ..


تيـلا : الحين بتركج بس برجع وبشوفج مخلصه الاكـل ..


طالعت الأكـل ..


تيـلا : هذي قوانين السيد جورج ..


تنهدت


وهي طلعت ..


طالعت الاكـل وماكان لي نفس آكـل ..


شليته وحطيته على الطاوله اللي جنبي ونمت ..



قمت من النوم وتيلا دخـلت ..


تيلا : صبـاح الخيـر ..


قلت : صبـاح النور ..


تيلا ابتسمت : ليش ما تعشيتي؟


قلت : ماكان لي نفس ..


تيلا : الحين بحط لج الفطور وابيج تاكلينه .. لازم تتغذين عدل ..


قلت : بسبح قـبل ..


تيلا : اوكي ..



ساعدتني وركبت الكرسي المتحرك ورحت الحمام ..


تيلا : انا بتم برع عند الباب .. اذا احتجتي أي مساعده صوتي علي وباجي ..


قلت : اوكي ..



تسبحت بصعوبه .. ما عرفت شلون اتحرك في هالكرسي .. بس خلصت بدون مساعدة تيـلا ..



تميت على هالحاله سبوع .. وكنت رافضه اشوف جورج وألما .. أو أي حد يطق باب البيت .. وموعد العمليه طاف ومارحت .. من جي ما ابي اسمع عتاب او أي شي منهم .. انا اخذت قراري وانا اتحمله ..






يتبع





 
 
رد مع اقتباس
 
 
   
  #16  
قديم 12-09-2012, 04:56 PM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق متواجد حالياً

 
دموع بلا خطأ / للكاتبه : بسمة خوف ,كامله








:




:





دخلت جنجر : مسـاء الخيـر ..


قلت : اهلين ..


جنجر : انا حطيت عشـاج في الحديقه .. الجو برع حـلو ..


قلت : مابي .. ابي اتم هنيه ..


جنجـر : مايصير عاد .. عشان خاطري .. انا تعبت وانا احط الاكل برع .. مايصيـر اجيبه داخل بعد .. يلا بس مره وحده .. ماراح تخسرين شي ..


تنهدت وطلعت من غرفتي لأول مـره من دخـلت البيـت ..


جنجر : شرايج تلبسين شي حلو .. عشان اطلع معـاج .. انا من جيت هنيه ما طلعت ..


قلت : اخذي تيلا واطعلوا .. انا مابي ..


جنجـر : على راحتج ..


دزتني جنجـر لربع الحديقه .. كان الجو شوي بارد ..


ودتني صوب طاوله عليها غطـاء أحمـر وشموع في الوسط وصحنين وقلاصات ماي ..


قلت : شنو هاي ..


جنجـر : هاي أوامـر واحنا لازم ننفذها ..


وراحت ..


استغرب .. شنو هاي وأي أوامـر .. ما اتذكر اني قلت لهم يسون شي جي ..


حسيت حد وراي التفت لقيت جورج لابس بدله سوده وفي يده باقـة ورد ..


انصدمت : جــــورج ؟


جورج ابتسم .. وقدم لي الورد وهو نازل ..


شفت الورد وشفت جورج ..


قلت : شنو هاي ؟


جورج : ورد ..


قلت : أدري ..


جورج : عيـل ليش تسأليني ..!


قلت : شالمناسبه ..!


جورج : اممم .. رجوعج بالسـلامه .. طلعتج من المستشفـى .. أي شي .. هديه بسيطه ..


اخذتها وحطيتها على الطاوله ..


قلت : انت اللي قايل لهم يحطون الاكـل برع ؟


جورج : اي نعم ..


تنهدت : جورج انا سبق وقلت لك اني ابي اتم بروحي .. مابي حد في حياتي ..


جورج : بس انا مو أي حد .. انا جورج يا لوتـس جووورج .. لا تستهينين فيني ..


سكت ..


جورج : وعلى فكـره .. انا زعلان منج تـرى .. ما تتصـوريـن زعلــي شلون ..!


قلت : ليـش ؟


جورج : لانج طوفتي موعدج .. موعد لعمليه مهمه يا لوتس ..


قلت : ماراح تفيدني .. نسبة نجاحها مو أكيده .. وانا مابي اعيش على أمل .. انا اقتنعت بهالكرسي .. وعرفت انه هو ملازمني لين ما اموت .. ولو سمحت جورج خلني بروحي ..


جورج : مستحيـل يا لوتـس .. ستيف تخـلى عنج بس انا لا .. مستحيـل اتخـلى عنج يا لوتـس مستحيـل .. انتي كل قلبي .. انا عايش عشـانج .. ما عمري حبيت ولا جربت الحب الا يوم شفتج .. لا تسوين جي فيني .. انتي خسرتي اللي تحبينه لكن ما خسرتي اللي يحبج من قلبه ..


قلت : جورج انت أخ وصديق بالنسبه لي .. ومستحيل حد يدخل قلبي غيـر ستيف ..


تنهد : انزين خلنا ناكل ..


قلت : مو مشتهيه شي ..







جورج : عشـان ستيف ما يزعل لازم تاكليـن ..


امتلت عيوني بالدموع وابتسمت ..


جورج : لو هو يدري انج جي تسوين بروحج راح يزعـل .. لازم تاكلين الحين عشـان تقوين وترد لج صحتج .. انتي ما تشوفين نفسج شلون صايـره ؟ ويهج اصفـر ومافيج قوة ..


هزيت راسي وحاولت آكـل ..



خلصتـنا أكـل ..


قلت : شكـرا جورج ..


جورج : راح اكـرر هالزيـاره ..


ابتسمت ..


مسك الكرسي يبي يدزني .. بس انا رفضت ..


رحت بروحي داخل وأخذت جنجـر باقه الورد وحطتها في الماي وحطتها في غرفتـي ..


جنجـر : اتمنـى انج استانستي معاه ..


قلت بجديه : لو سمحتـي اذا في أي شي لا تخشيـن علي ..


جنجـر : ما فهمت ..!


قلت : اذا مره ثانيه جورج جا هنيه والا اي حد ابي اعرف انا أول ..


جنجر : حاظـر .. تامريني بشي ثاني ..


قلت : لا ..


طلعت وانا رحت صوب السرير ..


تميت اصيــح .. حتـى ما اقدر اركب السرير .. اقل شي ما اعرف اسويه ..


بس مستحيـل اخـلي حد يساعدني على طول .. انا بتصـرف بروحـي ..


جدمت عند السرير وحاولت اركب بس ماعرفت .. شلون بركب وانا ريلي ميته .. انا الحين نصف انسان ..


حطيت راسي على السرير ونمت ..



صحيت على صوت تيلا ..


تيلا : شلون انتي نايمه جي .. قومي كملي نومج على السرير ..


ساعدتني وحطتني على السرير ..


طالعتها وابتسمت لي ..


قلت : الساعه كم الحين ؟


تيـلا : الساعه 6 ونص الصبح .. كملي نومج عشـان ترتاحين .. ماوراج شي ..


طلعت وسكرت الليت .. حاولت انام مره ثانيه ما قدرت .. بس حسيت ان جسمي متكسـر .. طول الليل نايمه وانا قاعده على هالكرسي ..



مر كم يوم وانا على هالحاله .. يجوني ألما وجورج وانا اتهرب منهم .. صعب اني اكون بينهم وانا جي .. احسهم يشوفوني بنظـره عطف .. وهذا اللي ما ابيه ..



تميت قاعده في غرفتي بكـل مـلل .. رن تلفون الغرفه .. وهو ما يرن الا نادر ..


رديت : ألوو ..!


....: مرحبـا ..


قلت : مرحبتيـن .. من ؟


.....: امم .. هذا بيت لوتـس ؟!


قلت : اي من معاي ..


صرخت : لووووووووووتـــس ..!


حسيت ان قلبي وقف .. اعرف هالصوت .. اعرفه عدل .. بس مستحيــل تكون هي ..


قلت : من ..


...: ماعرفتيني ..!


قلت بتردد : ر..روو .. روووز !!


....: اي انا روز .. روز يا لوتـس ..


وصاحت .. وجان اصيح وراهااا ..


روز : اشتقت لج اشتقت لج يا لوتـس .. ابي اشوووفج ..


تشوووفنــي ؟


روز : انا ومس كاي سوينا المستحيـل عشـان نحصـلج .. وعرفنا مكانج من البيت المكتوب بأسمج ..


قلت : مس كاي معاج ؟


روز : اي معـاي .. ما تقدر تطول هنيه أكثـر .. احنا بنجيج وبفهمج كل شي ..


قلت : انتظـرج حياتي ..


سكرت من عندها وانا مو مصدقه .. رووووز ..! رووز المتصـله .. واأخيــرا بشوووفج وبعرف أخبـاارج ؟


طلعت من الغرفه وقلت حق جنجـر تسوي احسن الاكـل وناديت تيلا تساعدني في اللبس واختياره ..


لبست فستان قصيـر اسود .. وفتحت شعري وحطيت لي ربطه حمـرا على شعري ..


تيلا : اوديج الصاله .. !


قلت : بورح بروحي ..


رحت الصاله وقلبي يدق بسـرعه مو معقوله .. حسيت في لحظه بيوقف ..


بعد دقايق رن الجرس .. حسيت بدوخه من سمعت الجرس ..


مسكت روحي .. وكان ودي اروح الغرفه اتخبـى .. لكن ما اقدر اتخبـى من الواقـع ..


دزتني جنجر لعند باب الفيـلا الداخـلي ..


بحيث استقبلهم على طول ..


انفتح الباب وانا انتظـر روز بكل شوق ..



دخلت وتمت عند الباب تطالعني كأنها ما تعرفني ..


شهقت وحطت يدها على فمها وصاحت : لوووووووووتس ليــش ..!



وجات بسرعه وضمتني ..


روز : حبيبتـــي ..


ابتسمت رغم الاحرااج اللي احس فيه .. منحرجه من وضعي ..


روز نزلت مستواي : لوتس انتي بخيــر ؟


ابتسمت : انا بخيـر ..


روز ضمتني بقوى : ماراح اتركج .. ماراح اخليـج ..


قامت وشفت مس كاي عند الباب وكأنها مو مستوعبه ..


قلت : ماتبين تضميني ؟


مس كاي جاتني بسـرعه وضميتها ..


قلت : اشتقت لكم ..


مس كاي : انا آسـفه ..


قلت : على شنو حبيبتـي ..؟


نزلت مستواي : اكيـد بروكلس السبب.. انا عارفه كل اللي صار له .. بس ما دريت انه بيضـرج .. هو يالوتـس صـح ..!


نزلت راسي ..


روز : شالسالفه ؟


خذتهم على صوب وتميت اسولف معاهم عن وضعـي ..


روز : انزين من وين لج هالبيت .. ! انا عرفت انج اشتغلتي وطلعتي من الشغل من شهر ونص تقريبـا ..


تنهدت : ماعرف شي .. جورج يقول انه البيت بيتي وهم مادفعوا شي ..ماعرف شلون استوى بيتي في يوم وليله !


مس كاي : زين يمكن هاي من فلوسج ..!


قلت : أي فلوس .. فلوسي ما تكفـي هالبيت .. انا كنت توني مشتغـله .. بس مايهمنـي ..


مس كاي : شلون وصلتي جي .. وانتي من متـى بهالكرسي ؟


نزلت راسي وقلت لهم كل اللي صار .. من وقت ما دخل بروكلس متنكـر لبيت جوليت لين اليوم ..


مس كاي : كنت حاسه انه هو الســبب .. قبل لا يشرد من السجن بيوم رحت له زيـاره .. وقال لي بكل وقاحه انه ناوي يشرد عشانج ..


قلت : عشاني ؟


مس كاي : اي .. يقول انه يحبج .. وراح يسوي المستحيل عشـان يوصـل لج .. وتفاجأت اليوم الثاني ناشرين بالجرايد والاخبار ان في هاربين من السجن .. وعرفت على طول انه بروكلس واللي معـاه .. وحاولت اعرف مكانج وين عشـان انبهج منه .. واحذرج انه مو ناوي على خيـر .. بس ماعرفت مكانج الا الحين .. وفات الأواان ..


نزلت راسها ..


قلت : اللي صار صار يا مس كاي .. لا تحمليـن نفسج ذنبه ..


قلت : وانتو شنو سالفتكم .. وشصار فيـكم ..


روز : انا من طلعت من الدار وانا ومس كاي مع بعـض .. مس كاي تزوجت ..


تفاجأت بهالخبـر : بالهســـــــرعه ..!


مس كاي : من زمان كنـا ناويــين على الزوااج .. بس الوقت ماكان يسمح ..


قلت : مبــرووك .. والله فرحتيني بهالخبـر ..


مس كاي بابتسامه : شكــرا ..


جات تيلا : آنسـه لوتـس العشـا جهـز ..


قلت : اوكي ..


قلت : يلا قوموا على العشـا ..


مس كاي : لا انا بروح تأخـرت ..


قلت : مايصيـر تروحيـن قبـل لا تتعشـين .. يلا يلا ..


مس كاي : هههه اوكي ..


رحـنا صـوب المطعم مع اني ما ادله بس رحت مع تيـلا ..


لأول مـره من صارت لي هالحاله تعشيـت بنفس ..


كفاية اشوووف روز ومس كاي جدامي ..







خلصـنا عشـى ومس كاي قالت انها لازم تروح لانها بتسافر مع زوجهـا .. لان هم اصـلا مو من هالمنطقـه .. بس قالت لي انها راح تعيد هالزياره ..



روز : انتي مع من ساكنه هنيه ؟


قلت : بروحي ..


روز : ليـش ..! وين اهلج ؟


قلت : انا قلت ابي اسكن بروحي ..


روز : تتدللين بعد .. ما خبرتج جي ..


قلت : سكتي يا روز .. مالي نفس اشوووف حد خلاص ..


روز : حتى انا ؟!


قلت : انتي غيـر.. انتي كل شي بحيـاتي .. كل شي ..


روز : ما تتصوريـن فرحتي يوم شفتج .. من كثـر ما الوسواس يوديني ويجيبني قلت ان بروكلس ذبحج .. لان مس كاي بعد كانت خايفه ..


قلت : ما راح يتهنى بحياته صدقيني .. زرع الخوف في الكل ..


روز : خلينا منه الحين .. وقولي لي شسويتي من أول ما طلعتي من الدار لين اليوم ..


تنهدت : مافي شي جديد ولا في شي حلو .. مكتوبه لي حياة كيئبه .. مليانه بالغموض والتعاسه ..


روز : لا تقولين جي .. خلاص انا جيت وماراح اخلـي دمعتج تنزل .. انا بتم عندج يالوتـس .. مستحيـل اخليـج بروحج ..


قلت لها كل اللي صاار لي .. وقلت لها اني حبيت وفقدت اللي احبه موت واغليه ..


روز : امم .. لوتس شرايج نطلع ..


قلت : لا مالي مزااج ..


روز : امبـلا لج ..


قلت : انا تعبانه وابي اناام ..


روز : مو علي كيفج .. على الاقـل نطلع في الحديقه بـس ..


قلت : اوكي ..


خذت لي شال وطلعت معـاها ..


قلت : روز انتي شسويتي في هالفتـره ..


روز : قلت لج .. تميت مع مس كاي ..صج ان مس كاي كانت معاي دوم .. بس حسيت بالوحده .. لان مس كاي كانت تطلع مع خطيبها .. اما انا اتم بروحي .. او اطلع بروحي ..


قلت : ما تعرفتي على حد ..


روز : لا تميت وحيده .. ماحبيت اتعرف على حد .. ما كنت واثقه من حد .. درست في مدرسه وصار عندي مجموعه اصدقاء .. بس ماحبيت اطلع معاهم .. كنت اخاف .. وتميت على هالحاله لين ما التقيت فيج الحين ..


ابتسمت ..


جات تيلا بكوبين قهوه ..


قلت : تيلا جهزي غرفه حق روز ..


تيلا : حاظـر ..


اخذنا الاكواب وكملنا سوالف لين ما نعست ..


قلت : يلا روز ننام ..


روز : يلا ..


رحت وساعدتني تيلا كالعاده وتميت على السرير احاول انام ..


مسكت ريلي وحاولت احركها ..


ماتت ماتت خــلااااااااص ..


اخذت المخده بكل عصبيه وتميت اضرب ريلي فيها .. واصارخ ..


تحركــــــــــي .. سوووووووووي شييييي ..


انفتح الباب ودخلت روز وتيلا


روز ضمتني : اهدي لوتس شفيــج ..


ضميتها وانا اصيح : ما تتحـــــــــــــــــرك روووووز ما تتحـــــرك .. ماتبي تمشي ..


روز صاحت : خــلاص لوتـس لا تسوين جي في نفسـج ..


قلت : انا خــلاص ما بمشــي مره ثـااانيه .. ماااااارااااااااح امشـــــــي ..


روز : نامي حبيبتــي نــامي .. بنااام معاج انا ما بخليـج ..


حطيت راسي على ريل روز ونمت ..



وعيت وشفت روز جنبي ..


ابتسمت .. يعني ما كنت أحـلم .. روز جنبي ..


بستها على راسها ..


فتحت عينها ..


روز : قمتـي ..!


قلت : صبـاح الفـل ..


ابتسمت : شكلج احسـن .. يلا قومي خلنا نتفطـر .. ورانا مشوار ..


قلت : وين ..!


روز : بتعرفين عقب .. يلا قوومي ..


راحت الحمام وانا ظليت في الفراش .. شليت الغطا عن ريلي وتميت اشوفها ..


وبعدين ..!


ناديت تيلا بالجرس اللي جنبي .. وجاتني فورا ..


ساعدتني وقعدت على الكرسي ..


طلعت روز ورحنا نتفطـر ..


ماكانت لي نفس بس تفطرت عشان روز ..



خلصـنا ..


قلت : وين المشـوار ..


روز : سمعي لوتـس .. لازم نروح المستشفـى ..


قلت : المستشفــى ..! ليـش ؟


روز : عشـان ريولج .. لازم تعااالجيــن ..


قلت : لا..


روز : لازم نروح ..


قلت : مابي خـلاص ..


روز : لووتـس احـنا لازم نحـاول .. ما اقدر اشوفج جي ما اسوي شي ..


قلت : شنو بتسوين يعني ؟


روز : مو انا اللي بسوي .. الطب هو اللي بيسوي .. ارجوج لوتس ..


تنهدت ..


روز : روحي لبسي .. انا دقيقه وبجهز ..


رحت لبست بس عشان روز ..



رحنا المستشفـى ..


الدكتور : ما راح ألف وأدور .. للأسف آنسـه لـوتـس .. اللي عندج هذا شـلل دائم ..!



انصدمت وانربط لسـاني ..


روز : شنو يعني دااائم ..! يعني ما له علاج .. !


الدكتور: اذا بتاخذ علاج ما راح ينفعهـا .. فات الاوان ..لو كانت جايه في الموعد جان سوينا لها العمليه ويمكن يكون في أمل مع العلاج .. لكن الحين مثل ما قلت فات الاوان


روز : انت ما عندك قلب .. ما تحس ..


قلت : رووووز .. الدكتور ماله ذنب .. هو قال اللي عنده .. خلاص خلـنا نرجع البيت ..


روز : لوتس انتي بخيـر ..!


ابتسمت لها اطمنها : انا بخيـر .. يلا ..




ركبنا السيـاره وتمت كلمه الدكتور ترن في بالي ..


طالعت الشباك عشـان انسـى وما اركز في اللي قاله .. خلاص انا ما رحت حق الدكتور وما قال لي شي .. خــلاص ..



وصـلنا البيت .. ورحت على طول الغرفه .. وقفلت الباب ..



شلل دائم .. شلل دائم ..!


شلل دائم .. شلل دائم ..!


شلل دائم ..!


شلل دائم ..!!


خـــــــلاااااااااااااااص ..


سديت اذني وتميت اصيـح ..


ما راح اوقف على ريلي بعد اليوم .. ما راح اشوووف طولي ابد .. خــلاص .. المشـي صـار عندي ذكـرى .. ذكـرى أو مـاضي .. شي قديم ..


آآه ياربي .. بقـى شي ما تحملته .. بقـى شي ما صـار لي ..


كل انسان له طاقه .. وانا ما عدت اتحمـل اكثـر ..


لو همومي انحطت على جبل هدته !



روز من ورى الباب : لوتـس فتحـي الباب ..


ما رديت عليها ..


روز : لوتـــــــس ارجوووج فتحي الباب .. ماراح نسمع كـلام هالدكتـور .. راح نروح عند ثاني وثـالث .. ما بنفقد الامـل ..


قلت : روووز رووحي وخليني بروحي ..


روز : فتحي الباب ابي اتكلم معــاج ما يصيــر جي ..


صرخت : ماراح افتح خــلااااص ..


رحت عند الشباك وانا ارتجف ..


فتحته وتميت اتنفس الهوا ..




عدت ايام وانا دووم مو على بعضـي ومو معـاي الا روز .. كانت واقفه معـاي حتى يوم اعصب عليـها ..


امس جوني جوليت وجورج وألما وجدي .. كانت زياره عائـليه ..


عرفتهم على روز .. روز اندمجت مع ألما .. أما جورج ظـل ساكـت .. وجوليت تعطي دروس وقوانين لـ تيلا وجنجر .. وانا كنت مع جدي..



صـارت حيـاتي ممـله ..




روز : لوووووووووووتــس .. يـلا ما جهزتــي ..!


وي نسيت ألبـس ..


فتحت الكبـت ولبست بدي أسود وجينز اسود .. واخذت لي جاكيـت وري فااتح.. يمكن نطول ويبرد الجوو ..!



طلعت ..


روز : هالكثـر لوتـس ..


قلت : وانتي مستعجـله على شنو ..! احنا بنروح نتمشـى .. عادي في أي وقت ..


روز : بس انا من مسـاعه قلت لج لبسي ..


قلت : اوكي اوكي خـلاص .. يعني ارووح ابدل ملابـسي الحين ..؟!


روز : لا يلا امشـي نطلع ..





طلعنـا .. ورحنـا صوب الكورنيـش ..


قلت : روز خلاص رجعيني البيت ..


روز : لوتـس انتي من متـى ما طلعتـي ..! من قعدت عندج وما طلعـنا مشـوار .. الحين من طلعنا ما صـار لـنا سـاعه ..


قلت : انتي ما تشوفين نظـرات النـاس لي .. انا وحده معوقـه .. نصف انسانه .. صعب اتعايش مع الناس ..


روز : لا مو صعب .. راح تحسيـن بهالشـي من البدايه .. بس بعدين راح تشوفين هالشي عادي .. واذا نطلع كل يوم بتشوفين نظـراتهم طبيعيه ..


سكت ..


روز : يالوتـس يا حبيبتـي انتي مو أول وحده يصيـر فيج هالشـي .. ياما ناس حالتهم اردى وعايشين حياتهم بسـعـاده ..


قلت : الكلام سهـل ..


روز : اوش اوش .. احنا طلعنـا عشـان نغيـر جو .. يلا سكتي ..


دزتني بالكرسي وانا منزله راسي ..


وقفت روز وسمعتها تقول : لو سمحت شوي ..


رفعت راسي لقيت واحد يطالعني ..


نزلت راسي وانا احس هالويه مو غريب ..


رديت رفعت راسي وشهقت وحطيت يدي على حلجي ..!


تم يطالعني وهو مفتح عيونه على الآخـر ..


روز : لو سمحت ابي امشـي ..


مشى لورى خطوتين ووقف ..


...: مو معقوولــه .. لوتــــس ..!


اي اي صوته ..


روز : لوتـس تعرفيـنه ؟


نزل لمسـتواي : لوتــس ..!


ضميــته وانا اصيـح ..


قلت : لييييش خليتنييي .. انا حسبتــك مت .. لـيش ما سألت عنـي ليـش رحت عني ..؟!!!


تم ساكت ..


قلت : ليش ما تتكلم ..!


ستيف : انـ .. انتــي ..!


نزلت راسي ..


رفع راسي بيده : ما راح تتميـن على هالوضـع وايد يا لوتـس ..!


قلت : انت وين كنت .. وين رحت وخليتني .. !


ستيف : اهم شي شفتيني الحيـن .. مو مهم وين كنت .. اهم شي التقيـنا ..


صحت ..


مسك يدي : انا ما اعرف لوتـس اللي تصيـح .. انا اعرف لوتـس القويـه .. اعرفها تصد المشاكـل والمصايب .. لوتس انتي راح توقفين على ريلج ..


قلت : خلااص خلاص .. ابي اروح البيت ..


ستيف شاف روز : انتي ....!


قاطعته روز : انا روز صديقتها ..


ستيف : اهاا .. روز ..


رحنـا البيت مع ستيف .. وقلت له اللي صار لي باختصار ..


قلت : وانت الحين ..! شصـار لك طول هالفتـره اللي حسبت انك مت ..


ستيف : انا من بعد ما صوبني بروكلس بالرصاصه وعيت وانا في المستشفـى والاجهزه علـي .. التفت يمين ويسـار ابي اشوفج معـاي .. ابي اشوفج واقفه جنبي نتنظـريني .. تعدت حالتي مرحله الخطـر وخيطولي الجرح .. ظليت في المستشفـى كم يوم ووصـل الخبـر لأمي واماندا .. واصـروا علي اني ارجع عندهم .. ورحت لين ما صرت اقدر اروح واجي .. وتطمنت علي امي .. ورجعت هنيه وسألت عنج .. كل مكان .. الشغـل وحتى بيت خالتج دوم محد فيه .. اسأل الخادمـات يقولون لي مادري ..حسيت انج رحتي خـلاص .. بس مافقدت الامـل .. دورت عليـج .. وقابلت جورج .. بس ماعاملني عدل .. قال لي اذا تبيها دورها .. حسيت انه يعتبرج لعبه .. احتقـرته حسيته ان حاطج في البيت مخبيـج عنـي .. بس قلت مستحيـل انج ما تقولين لي او تعطيني خبـر .. تميت انتظـر خبـر يوصلـني منج .. لين شفتج اليوم .. والحين بشوفتج انا اسعد انسان ..


قلت وانا اقصد كل كلمه : ستيف انت صديق وفي ..


ستيف طالعني باستغراب : شنوو ..!


قلت : اي ..


ستيف : لوتس انت من عقلج تتكلميـن .. علاقتنـا هاي كلها صداقه ..


قلت : قبل كانت حب .. بس الحين خـلاص ..


ستيف : شنو اللي تغيــر ...؟!


قلت : اللي تغيـر وايد يا ستيف ..اللي تغيـر ان صار وضعـي ما يسمح اني اكون حبيبـه واكون زوجه في المستقبـل ..


ستيف : انا أحبج يا لوتـس في أي وضع كنتـي .. مو مهم اذا كنتي تمشين والا قاعده ..


قلت : ارجوك ستيف افهمنـي .. انا ابيك تعيـش سعيـد .. ما ابيك تعابلني .. انا راضيه اعيـش بروحـي .. وراح اكون سعيده بزواجك من غيـري صدقنـي .. انا اذا شفتك فرحـان انا افرح .. ومابي شي غيـر هاي ..


ستيف : لوتس لا تخليييييينيييي اعصــب .. شهالكــلام اللي تقوووليـنه .. من قايـلج ايااه .. من أي فلم حفظتيــه ..! انا مستحيـل اتخلـى عن حبـي .. مستحيـل .. شلون تقدرين تتخلين عني ..! شلون تقدرين تشوفيـن وحده ثانيه معـاي .. لوتس هاي اللي مستحيـل يصيـر ..


قلت : بس انت لازم تشوف حيـاااتك وتعيـش مثـل ما انت تبـي ..


ستيف : ومن قال لج ما راح اعيـش مثل ما انا ابي .. انا باعيـش حيـاة حـلوه .. حياه مافيها الا انا وانتي وبـس ..


نزلت راسي : انت مو راضي تفهمني ..


ستيف : انا فاهمج عدل يا لوتـس .. انت تحسبين ان حياتنا ما بتستمـر اذا انتي بهالوضـع .. ما بتظلين على هالوضـع وايد .. احنا بنروح عند احسـن دكتور في هالبلاد .. ونشوف هو شراح يقووول ..


نزلت راسي : مافي داعي .. رحت حق دكتور وقال اني ما اقدر امشي .. اللي فيني شـلل دائم ..


ستيف لع ريجه : مو على كيفه .. امشي معـاي امشي ..


قلت : ما باروح مكـااان .. اللي فيني مكفيني خلاااص ..


ستيف : لوتس احنا ما بنوقف عند أول محاوله .. لازم نروح عند كذا دكتور .. ما نفقد الامـل ..


قلت : انتو ما تحسـووون فيني .. انا اتألم وانجرح .. ارجووكم لا تضغطوون علي .. مابي احس بالضعف اكثـر ..


ستيف : حبيبتـي انا حاس فيج صدقيني .. بس انتي طبعـا مو مبسوطه على هالوضع .. انتي راح تتعذبين شوي بس بعدين راح تعيشين حياتج براحه ..


سكت ..


ستيف : صدقيني وانا مابي الا اللي يسعدج ..


قلت : اوكي يا ستيف .. انا بروح لدكتور واحد بس .. وبشوف شنو يقوول ..


ستيف ابتسم : اي جي البنات الحلويـن ..



تم ستيف لين الليل وبعدين راح ورجع اليوم الثاني ورحـنا للدكتور وروز جات معانا ..


تميت انتظـر بتوتـر والكل نفسي ..


طلع الدكتور وتم يقول كلام ما فهمته ..


طالعت ستيف وكان منزل راسه ..


ابتسمت : انا قلت لك يا ستيف اني ما راح امشي ..


ستيف : بنحاول مره ثانيه ..


قلت : لاء .. مابي اروح حق دكتور مره ثانيه .. انت قلت راح اوديج لأحسـن دكتور .. وهذا احنا رحنا وماصار شي .. انا رضيت بوضعـي .. والدور عليـكم ..


رجعـنا البيت وكنت بدخل الغرفه كالعاده وبقفل الباب وبصيـح .. بس لا .. انا قلت لهم اني رضيت بوضعي .. فـ مافي داعي للبكي ..



دخلت الغرفه واخذت لي دووش .. طلعت لقيت روز تشوف التلفزيون ..


قلت : ستيف طلع ؟


روز : اي طلع .. وقال لي خلي لوتس تجهز في حفله في الليل .. وقال لي لا تسمعين لها اي عذر ..


قلت : لاا مابي اروح حفـلات ..


روز : قولي له ..


قلت : اووف .. مادري ليـش ستيف دايما يحب يحرجني .. وانتي بتتميـن مع منو بروحج ؟


روز : لا تحاتيني .. انا وألما عندنـا مشوار ..


قلت : يعني تصرفتوا ..


روز : اي نعم .. يلا لبسي عشان نروح ناخذ لج فستان ..


قلت : لا عندي فستان ما لبسته .. راح ألبسه ..


روز : حـلو .. يلا عيـل خليني اجهزج ..


قلت : الحيـن ؟


روز : اي اي يلا ..


خذتني وودتني الغرفه ولبست الفستان وسوت شعـري .. وحطت لي ميك آب خفيف ..


قلت : انزين هو ليش ما قال لي عن هالحفله من قبل ..


روز : ماعرف ..


قلت : انزين حلفـة شنو ؟


روز : ما اعرف ..


تنهدت وكملـنا شغـلناا ..



خلصت و صـارت السـاعه 7 ونص ..


قلت : هو بيمـر ياخذني ؟


روز : لا روحي مع السايق .. عند الباب ينتظـرج ..


قلت : اوكي .. يلا اشوفج بعد ما ارجع ..


روز : اوكي .. باي ..


طلعت وفتح لي السواق الباب وساعدتني تيلا عشان اركب السياره ..


اتصلت حق ستيف : مرحبـا ستيف ..


ستيف : اهلين ..


قلت : وين الحفله ؟


ستيف : امم .. انا قلت حق السواق .. هو يعرف ..


قلت : اوكي عيـل ..


سكرت وفي دقايق وصـلـت مكان الحفـل ..


هذا مو كأنه مطعم ..!


يمكن الحفـله في المطعـم ..!


اتصلت حق ستيف عشـان ينزلني ..


نزلني وانفتح باب المطعم ودخـلنا ..


استغربت المكان ..


قلت : احنا جايين اول الناس والا شنو ؟


ستيف : امم .. تقريبـا ..


قلت : ستيف وين الحفـله .. وشنو هالمطعم اللي مافيه الا طاوله وحده ..!


ستيف : انا حاجـز المطعم اليوم لـنا أحـنا بــس ..


قلت مندهشه : شنــو ؟


ستيف : حـلو ..؟


قلت ابتسمت : حـلو وايـد .. بس ليـش ؟


ستيف : انتي ارتاحي وانا بقول لج ..


طلب العشـا .. اكلت بتوتـر .. حسيـت ان في شي .. في مصيبه ..


قلت : ستيف شالسالفه ؟


ستيف ابتسم : مافيـج صـبر ..!


قلت : لا ..


ابتسم ودخل يده في جيوبه ..


ستيف : سكري عيونج ..


قلت : ليـش ؟


ستيف : سكريهم ..


قلت : لااا ستيف اخااف ..


ستيف :هههههههههههه سكريهم مابسوي شي ..


سكرت عيوني ..


مسك يدي ..


ستيف : فتحي عيونج ..


فتحت عيني شفت مقدم لي خاتم ومنحني صوبي ..


طالعته وانا مستغربه ..


ستيف : تقبلين تتزوجيني يا لوتـس ..!


انصدمت وحسيت بمغص ..


ماقدرت اتكلم ..


ستيف : تتزوجيني ..؟


تنهدت : ستيف ارجع مكانك ..


ستيف : شنو ؟


قلت : اقعد على كرسييك ..


طالعني باستغراب وقعد ..







قلت : سبق وقلت لك يا ستيف ان احنا اصدقـاء ..


ستيف علا صوته : شنــو يعني اصدقـااء لووتـس شنوووووووو يعني ..


التفت يمين ويسار : وط صوتك .. انت مو في البيت ..


ستيف دخل اصابعه بين شعره : وبعدين مع تفكيـرج ..! لوتـس انتي عمري كله.. مااقدر اتخيـل حياتي بعيد عنـج .. انتي تفهميني ..


قلت : انت افهمني يا ستيف .. انا احبك وانت تحبني بس لازم تنتهـي هالعـلاقه .. ما يصيـر ترتبط مع انسانه عاااجزه .. ما تقدر تسوي شي .. ما تقدر تروح تشرب ماي وهذا اقل شي .. ستيف فكـر ارجووك فكـر .. وراح تشوف ان معـاي الحـق ..



ستيف : لوتس انا عارف انج ما تقدرين تمشيـن .. وهالشي ما حرك مكانة حبج من قلبي .. بالعكـس .. لوتـس انا كل ما اشوف عيونج يزيد حبي لج .. لا تقوليـن هالكلام مـره ثانيـه والا بزعـل ..


قلت : ستيف انا ابيك تعيـش بسـعـاده ..


ستيف : قلت لج انا سعادتي معـاج ..


نزلت راسي ..


وقف وجا عندي وفتح لي علبة الخاتم ..


ستيف : موافقـه تتزوجيـني ..؟


طالعت عيونه اللي ساحرتني , ابتسم لي وغمضهم وفتحهم بشكل سريع



ابتسمت : موافـقه ..


ابتسم وكأن ردت فيه الروح .. و لبسـني الخاتم وباسني على راسي ..


كملـنا ليلتـنا ومافي أحـلى منـها ..



رجعت وعلى طول نمت براحـة بـال ..


قمت الصبح على صوت جنجـر ..


جنجر :آنسـه لووتـس ..


قلت : شنو ؟


جنجـر : السيد جورج ينتظـرج برع .. ومعه واحد ..


قلت : شيبون ؟


جنجـر : ما قـال لي .. بس قال انه يبيج ضروري ..


تنهدت وقمت اغتسلت وبدلت ملابسي وطلعت لهم ..


شفتهم يشربون القهوه ..


قلت : اهليـن ..


جورج : مرحبـا لوتـس ..


جورج : هذا المحامي تيد ..


قلت : وليش المحامي ؟


جورج : لوتس انا بقول لج شي عشـان يكون كل شي واضـح ..


قلت : قول ..


جورج : سبق وقالت لج امي ان ابوج كان رجل غنـي ..


قلت : اي اذكر انها قالت لي ..


جورج : وهذا الحلال اللي كنـا نشتغل فيه حلال ابوج ..


انصدمت ..


جورج : واحنا جايين ننقل كل شي بأسمج ..


قلت : ليـش ؟


جورج : لان هذا كله لج انتي الوريثه الوحيده لـ حلال ابوج وانتي اللي تتصرفيـن فيه ..


تنهدت : جورج شكـرا على كل شي .. بس انا مابي شي .. انا ماراح اقدر اديـر شي .. وما اعرف اصـلا في هالامور .. خلوا كل شي على ماهو عليه .. وتصرفوا في كل شي على كيفكم .. انا مو محتاجه .. وصدقني اذا محتاجه راح اطلب ..


جورج : بس هذا حلالج ولازم يتسجل باسمج ..


قلت : شفايدة هالفلوس والحلال دام السعاده موجوده في حياتي .. انا كل اللي كنت ابيه اني اكون سعيده بس .. وتعبت وايد لين ما حصـلت عليها .. ومااح افرط فيها .. وارجع انت والمحامي وبلا هالكلام ..


جورج : يعني شلون ؟


قلت : يعني انتي راح تظـل المديـر .. وراح تظل تشتغل في شكرتك .. وكل شي راح يمشي .. قلت لك انا ما ابي شي ..


ابتسم : كبرتي بعيوني ..


ابتسمت : وانت بعد .. لانك جيت وقلت لي عن هالسالفه .. لولاك جان ماعرفت ..


ابتسم وطلع هو والمحامي ..




مـرت ايـام وشهـور ..


وعـلاقـتي مع ستيف كل يوم تزداد حب وحـلاوة ..


وألما حددت زواجها من بوب ..


وجورج ظل في الشركة ..


وروز راحت الجامعه وكونت لها صداقات جديده ..


حددت انا وستيف موعد الزواج ..


واليوم حفـله الزواج ..



قلت بتوتـر : روووز ويـنج ..


روز : كاني جيت .. واااو شنو هالحـلاوه ..


تنهدت وانا خاايفه : طالع شكلي حـلو ..


روز : تجننين حياتي ..


وصاحت ..


قلت : ليش ليش تصيحين ؟


روز : دموع الفرح ..


ابتسمت وحضنتها ..


روز : كل شي جاهز برع .. الضيوف وصلوا وستيف ينتظـر عند الباب .. ههههه ماخليته يدخل ..


ابتسمت : احسـن ..


صوت طق باب ..


ستيف من ورى الباب : فتحووو الباب يـلا .. ابي اشوف عرووستي مايصيـر ..!


انا وروز : هههههههههههه ..


روز : بدخله ..


قلت : لا لاتدخلينه .. ههههههه


روز : تبينه يكسـر الباب .. ههههههههه ..


ضحكت : ههههههههه .. خلاص فتحي ..


فتحت الباب وطلعت ..


دخل ستيف كاشخ بالبدله السوده والقميص الابيض ومرتب شعره وحالق


ابتسم


ستيف : لو سمحتي .. ابي الانسـه لوتـس ..


ضحكت : هههههههههههه عن هالحركات ..


ستيف جا صوبي : مو مصدق عيونـي .. واخيـرا ..


قلت : يـلا خلنا نروح برع .. الكل ينتظـرنا ..


ستيف: مب لازم .. خلنا نروح بيتنا الحين ..


قلت : يووووه .. ستيييف ..


ستيف : ههههههه .. يـلا نروح ..


قلت : يلا ..


طلعنا والكل صفق يديه لنـا ..


ابتسمت ..


وخلصـنا معاملات الزواج واحتفلـنـا ..


شفت جورج يبتسم لي من بعيد ..


ابتسمت له .. والتفت على ألما وتمت تسوي لي حركـات وانا اضحك ..


التفت على روز لقيتها عند جورج يسولفون ..


اتمنـى تكمليـن حياتج معاه يا روز .. جورج شاب طيب ..



خلصت الحفله



ستيف : نروح ..!


قلت : وين ؟


ستيف : بيتنا ..


ابتسمت ..



شلني ستيف من على الكرسي ..


وانا في وسط يدينه : ستيف نزلـني ..


ستيف مبتسم : لا ..


انحرجت ..


ومشـى فيـني لعند السياره وركبني ..


والكل يصفق لنا على هالحركه ..



مـرت 5 سنوات على زواجـنا ..



انا قاعده على الكرسي المتحرك في الحديقه ..



وستيف وروبيرت ولدي يلعبون كـره قدم ..


ستيف يركض يبي يروح عند الكـره ..


ويروح روبـرت واخذ الكره بيدينه وعطاني اياها ..


ضحكت : ههههههههههههههه .. ابيك تفهمني هذي أي لعبه ..!


ستيف : مايصيـر غش غش ..


قلت : اي غش ستيف .. الولد من لعب وهو مدخل عليـك قولين وانت ولا شي ..


ستيف : روبرت تعال نلعب كـره سله .. بس تتشطر علي بالقدم ..!


روبرت : لا قدم أحـلى ..


وراحوا بعيد يتهاوشون ..


ضحكت ومسكت بطني وانا اقول : شفتـي يا صوفي حبيبتـي .. ابوج واخوج صاروا مجانين .. ههههههههه ..




لوتـس كانت تبحث عن السعاده والحـريـه ..!


ونقدر نقول الحين انها وجدتهم بعد تعـب ..


وصـار من المستحيـل تتخلـى عنهم ..


ستيف وروبـرت صـاروا كـل شي بحيـاتهـا ..


وبنتهـا صوفي اليايه في الطـرج راح تنور حياتها ..!


وماتبـي اكثـر من جي ..


راضيـه بحياتها وفرحـانـه



the end




:msn2::msn2:











.





 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة








الساعة الآن 04:16 PM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net