منتديات بال مون  

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة

إضافة رد
 
أدوات الموضوع إبحث في الموضوع انواع عرض الموضوع
قديم 15-10-2012, 08:45 AM   رقم المشاركة : 1
:: عضو مميز ::
 
الصورة الرمزية جنيــن






جنيــن غير متواجد حالياً

جنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond repute


رواية النفس طابت والكرامة كرامة ومن عافته نفسي حشا ما التفت له / للكاتبة بنت آل صباح , كاملة





بسم الله الرحمن الرحمين والصلاة والسلام على اشرف الانبياء والمرسلين نبينا محمد وآله واصحابه الغر الميامين اما بعد :


اليوم باذن الله تعالى قررت اكتب رواية وان شاء الله تعجبكم واسم روايي :"النفس طابت والكرامة كرامة و من عافته نفسي حشا ما التفت له "


ايام التنزيل ان شاء الله : " من الاحد الى الاربعاء "


اتمنى انكم تكتبون التوقعات لانها حححيل تساعدني تكفون طلبتكم


ابي ردوود لمن تقرين البارت ردي ولا بسكر الرواية


اسم العوايل من تاليفي والقصة خيالية ماتعني اي شخص


طبعا لا احلل نقل الرواية دون ذكر اسمي واسم المنتدى:"بنت آل صباح _منتدى غرام "


وشكرا دقايق بس والبارت الاول جاهز







رد مع اقتباس
قديم 15-10-2012, 08:46 AM   رقم المشاركة : 2
:: عضو مميز ::
 
الصورة الرمزية جنيــن






جنيــن غير متواجد حالياً

جنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond repute


رواية النفس طابت والكرامة كرامة ومن عافته نفسي حشا ما التفت له / للكاتبة بنت آل صباح , كاملة



لبـــــــــــــــــــــــــــــــــــــــــــــــآ آارت الاول

http://up.graaam.com/img/99628c51812...8e69dec330.jpg
يآللي تنشدني ..


عن أحوآلي


وانآ جدآ حزين ..!!


منهآآشتكى ..


أسبآب حزنـي ..


وأليه المشتكـى !!



تمشي وتمشي وتمشي تريد ان تعدي الحزن لعلها تعديه كخطواتها الصغيرة الافكار تاتي بها من كل مكان آآآآه و آآآه هل من دواء للحزن كم الدنيا قاسية تتركنا لوحدنا ونعاني ونعاني اسألك يارب ان تعينني



...........: آآآآآآه وينج يايما خليتيني آنا وخواني نعاني ونعاني آآآه


ماحست والا بايد تهزها صوت ناعم رقيقق


............: شهودة شهودة ردي علي


شهد حست : هلا حبيبتي اختي الحلوة شووق هلا شنو تبين .؟؟


شوق : انا بروح العب بالالعاب مع سلمان وسليمان اوك


شهد : اوك ديري بالج عليهم انا قاعدة بالكراسي اوكك


راحت شوق وقعدت شهد تندب حظها المنسدح وتتمنى لو انها ماتت بدال امها وتقول انا اتخذت قرار ماراح اتراجع عنه راح اوريك يا يبه اذا ماخليتك تندم على الي سويته اااه بس اااه


والحين عرفنا اميرتنا الجميلة الي عانت وعانت والحزن بعيونها : شهد عمرها 18 سنة تدرس بجامعة بلندن والحين عندهم عطلة تدرس هندسة امها توفت قبل ثلاث شهور طبعا امها بريطانية واهما عايشين بلندن ولمن الحين بلندن حتى لمن توفت امها شهد بنت جميلة لابعد درجة رائعة بمعنى الكلمة شعرها بني طويل وخشمها الحاد الاحمر وبيضة وطولها حلوو وجسمها عارضة ازياء عيونها تسحر الواحد لون عيونها غريب بس حلوو الي يشوفها يقول هاذي اجنبية وطبعا اهيا سفور (مو متحجبة ) وشخصيتها قوية وعنيدة والي براسها تسويه وعاهدت نفسها انها تربي اخوانها وماتخلي احد يجيسهم


عندها ثلاث اخوان شوق : حلوة وتشبه شهد كوبي وحلوة حييلل نفس شهد طبعا شكلها اصغر من عمرها 14


سلمان & سليمان : توأم 8 سنوات حلو شعره بني وعيونه نفس عيون شهد


ملاحظة : ام شهد غنية حييل فورثت شهد واخوانها وشهد المسؤولة عن الشركه لان اهيا تعرف بالتجارة طبعا بتسئلوني عن ابو شهد بس بعدين بتعرفون كل شي عنه



بينما اهيا قاعدة بالكراسي : آآآه يا يبا ليش تسوي فينا جذي ....... بعد نص ساعة شهد تنادي : شوق سلمان سليمان يلاا تعالوا



المهم راحوا البيت



نروح بعيدا عن ديار الغرب نروح حقق الكويت دار العز


في قصر كششخة روعة ندخل داخل القصر الكل متيع بالصالة


...........: سمعيني ياهدى انا كلمت شركة عشان نسويلج اغنية يديدة اوكك


هدى : اوكك بس فهد أيً شركة انا المطربة هدى انا دانة الخليج ابي شركة تنتج لي اغنية واااو ابي جمهوري يستانسون


فهد : اوك اوك هدى انا كلمت عزيز وبيسوي كل شي مو جذي عزيز


عزيز : أي أي اقول يمه شلون الخدامة اليديدة


ام فهد : زينة


نخليهم يكملون سوالفهم ونتعرف عليهم طبعا اول شي هدى : هدى مطربة صارلها تقريبا 18 سنة تغني عمرها 40 صوتها حلوو اهيا حلوة ويسمونها دانة الخليج تحب تكون متفوقة بكل شي مو متزوجة وعندها شركة


فهد : اخو هدى ومدير اعمالها يحبها حيل عمره 27 شكله مقبول متزوج من منال بنت خاله وعمرها 25 صارلهم سنتين متزوجين وماعندهم عيال بعدين نعرف السبب


عزيز : اخوهم الصغير حلو بس فهد احلى منه وعمره 22 مو متزوج


ام فهد : عمرها 60 وريلها ميت واهما صغار


فاطمة : اخت هدى تزوجت واحد ويابت منه ولد بعدين طلقها والحين تزوجت ثاني ويابت منه ولدين واسم ريلها سالم عصبي بس طيب من داخله


فيصل ولد طليقها : يهههبل قمر ابيض وعنده وكة يهبل وطويل شوي معضل ويه بشوش عمره 22مو متزوج وعايش عند يدته ابوه متبري منه وريل امه مايبيه فعاش عند يدته


عيال فاطمة من سالم : علي : 18 اول سنه جامعه كلية التربية الاساسية ناصر : عمره 12



نرد ل بلاد الغرب ل بيت جميل وكبير ورائع


شهد تنادي اخوانها ونزولوا الصالة تبيهم بموضوع ضروري اهما يتحجون عربي بينهم بس يقطون كلمات انجليزية


شهد بحزن : I bought tickets for travel to Kuwait


شوق بحزن اكبر : why ?!


سلمان: we should live in the London


شهد : ادري بس احا بنقعد اهناك يومين عشان انا بكلم الي مايتسمى الحين بنروح المطار انا جهزت جناطكم


كلهم :ok let's go


راحوا المطار وركبوا طيارة وكل واحد متحمس يشوف ديرته بس همن زعلانين شوي عشان بيشوفون ابوهم وطبعا رايح معاهم مدير اعمالهم ويحبهم حييل


وصلوا الكويت وراحوا فندق هيلتون المطل على البحر وناموا


في اليوم التالي قامت شهد اول وحدة الساعة 6 المغرب راحت الحمام (تكرمون ) خذت شور طلعت لبست وصلت
http://up.graaam.com/img/be48eeb0966...cdcc99f8bb.jpg


قومت اخوانها ولبسوا وكل واحد ملابسه احلى من الثاني والي يشوفهم يقول اجانب


ترررررن تررررررن ردت شهد اوك ..... احنا الحين نازلين ...... اقول دزيت حق يدي رسالة تقوله كلهم لازم يكوون موجودين ............. قتله اسمك............ الحمدلله الحين نازلين


نزلوا وانطلقوا لبيت يدهم طبعا شهد الي تسوق سيارتها بورش كايين <<<<< من شركة امها بالكويت


وصلوا البيت


شهد : شوفوا شكثرهم ولا واحد فكر يسال عنه مالت بس مالت طع قصرهم بس


شوق : صاجة ماعندهم دم اقول هذا مصفط فاضي وصفطت ونزلوا


وصلوا عند الباب بتطق الجرس ايدها قاعد ترجف ماتدري شتسوي ولا سليمان يطق الجرس بدالها طلعت الخدامة


الخدامة :نئم منو تبين .؟؟


شهد : بدخل


الخدامة : هدا بابا مافي ارضى لازم ارف منو في يبي


شهد : يلا عاد بابا يعرفني


الخدامة : اوك


دخلوا القصر ومشوا ورا الخدامة طبعا القصر حلو بس مالفت انتباهم لان قصرهم احلى وهذا ولا شي بالنسبة له وقفوا عند الباب عشان تقولهم الخدامة في احد بيدخل


الخدامة : يلا ماما في ادخل


شهد : اوك ثانكس ودخلت اهيا واخوانها


شهد بنظرات حادة : السلام عليكم


الكل : وعليكم السلام


اليد : منو انتي يابنيتي .؟؟؟


شوق باستهزاء : من حقك ماتعرف


شهد باحتقار : ماعرفتونه ياعيال الحاسم اكيد ماعرفتونه شلون بتعرفون


اليد يتمالك اعصابه : شتبووون نعععم قولوا منو انتوا و فكونا ..؟؟


شهد : تبي تعرف .؟؟


واحد من الي قاعدين : عيل .؟؟


شوق تطالعه من فوق لي تحت باحتقار: ووويي حتى الصغير عندهم ويه يشع من الحقارة


يا الولد بيطق شوق طراق ولا شهد تمسك ايده وتصر على اسنانه : قسما عظما اذا مديت ايدك عليها شفت الي قاعدين حواليك تقوم الصبح وماتلقاهم راح امحيهم فاهمم


اليد : سالم رد مكانك


سالم معصب : ان شاء الله


اليد :يابنيتي قولي انتي منو .؟؟


شهد : اقول حجي وين عيالك ..؟؟


اليد يأشر على ثلاثة ويقول : هذيل شتبين فيهم .؟؟


شهد باحتقار : لمن الحين ويه خبيث وبيبقى خبيث


واحد من العمام : ترى طالت ومصخت بتقولين منو ولا تذلفين برا انتي واليهال الي عندج


شهد عصبت وبصارخ : ضحكتني ماغيرك الياهل


نفس العم : ياهل وتتكلم وا


شهد باحتقار : ماغيركم اليهال عيل في احد يقط عرضه وشرفه ياللي ماتخافون من ربكم الله لا يوفقكم


اليد : اي عرض وشرف يابنيتي قولي منو انتي خلاص كافي مشاكل


سليمان باشمئزاز : اقول ريحة بيتهم تخنقني احس من كثر ماظلموا الناس بيتهم ظلمة وخايس


شهد معصبة : تبون تعرفون منو ..؟؟ اوك انا اقولكم انا منو .؟ انا والي وياي عرضكم وشرفكم ياللي ماتخافون من ربكم هاذي سوات تسوونها


اليد : يعني انتي بنت واحد منا .؟


شوق معصبة : اي


اليد : منو اي واحد .؟؟


شوق تصارخ : و انا شيذكرني خلانا من زمان وراح اااه كل منكم عانينا وتعبنا الله لا يوفقكم


اليد بصراخ : قعدي الوقت الي تبينه وتاملي يمكن تتذكرين


قعدوا يطالعون عمامهم بتمعن


عند سالم وعيال عمامه الي بغى يمد ايده على شوق : انا اراويها


فهد : تستاهل موعيب تمد ايدك على بنت


حمد : بس شوفوها تهبل البنت الكبيرة ام لسان


فهد : انا ما الومها اذا طلعت وحدة م


جاسم : اي والله


عند البنات


دانة : شوفوها تهبل ماشاء الله


سارة : اي والله


رغد : شوفوها تمشي عالموضة



شوي نخليهم يخلصون سوالف وشوق تتذكر ابوها ونروح عند قصر هدى المطربة وبالتحديد الصالة


ام فهد : باركوا حق سارة بنت اخوي حامل


منال :مبروك وباست راسها وراحت فوق ودموعها على خدها فهد لحقها دخل وصكر الباب حيل


فهد معصب : شفيج تبجين لا تنضلين البنت


منال بصوت بجي : انا قلبي مو اسود عشان احسدها اوك الله يهنيها


فهد بصراخ : انزين شفيج .؟


منال توقف وتصارخ : ابي عياااال هاذي مو حالة مايصير لازم نروح الطبيب نفحص


فهد توتر : طبيب لالا طبيب لالاا ماكوو فاهمة


نرد حق بيت الحاسم


واهما يسولفون وقفت شهد : عرفته


الكل يطالعها ينطرها تتكلم راحت شهد وقفت جدام عمامها واشرت على ابوها : هذا هذا اهو سبب تعبنا وبعدين سكتت وقالت : عرفتني ولالا عرفتني مثل مااحنا مانسيناك اااه بس لا تظن ان احنا نفكر فيك يعني نحبك لا طبعا بس نفكر شلون ننتقم منك ومن هالعايلة


وقف حسام ابو شهد : يالجذابة ياية تتبلين علينا طلعي برا ويحاجي ابوه : يبا تبي فلوس اكيد طمعانة


شهد طلعت الاوراق والجواز الكويتي وشهادة ميلادها وميلاد اخوانها وعقد زواج امها وابوها وورقة الطلاق وعطتهم اليد : ها شرايك .؟


بعد خمس دقايق قال اليد : انتي بنت الامريكية .؟؟


شوق وقفت وقالت : امريكية بعينك احنا بنات البريطانية


اليد عصب : لزمي حدودج


حسام توتر :لالالالا منو قال هاذي تبي فلوسنا


شهد بصراخ : شنبي بفلوسكم عندنا اضعاف فلوسكم ولو نبي فلوسكم خذيناها وخليناكم عالحديدة يالبواقين


اليد بهدوء : حساام هاذيل عيالك <<<<<حسام ابو شهد


حسام بتوتر: ها يبا لالا مو عيالي


شهد بصراخ : شوف ياحسام اذا تبين سوي فحص DNA الحين عادي نسوي


اليد : بااجر الساعة 5 العصر بنروح المستشفى نتاكد فاهمين


حسام : ان شاء الله يبهه


شهد باستهزاء : يلا يا عيال الحسام ......سلمان سلمان يلا نروح


سلمان قاعد بالكرسي متنح ويقول بصراخ : شههد هذا ابوي .؟؟


شهد بعصبية : هذا مو ابوك انت ماعندك ابو ابوك مات بس انت عندك ام هذا عدوك مو ابوك (بصوت اعلى ) فاههم


سلمان مسوي نفسه بطل واهو اصلا يبي يبجي: اي صح هذا مو ابوي ابوي مااات


طلع سالم وراهم اهوا وعيال عمه


سالم : انا اراويج يا شهد


شهد : الي ماتوصله بيدك اوصله بريولك



يآليت عيني مآتهآب الدمـع ...!!


وأذرف دمعتين .. = (


ويآحـظ منهو لـآبغى يبكـي


على خلـه ..


بكى !!




التوقعــــــــــــآآأت :


1- ماذا سيكون موقف عايلة الحاسم من شهد واخوانها الي طلعوا بعد عشر سنين .؟؟؟


2- ليش دايما تقول شهد اقدر اخذ فلوسكم وكل ماتملكون .؟؟ وهل تقدر ولالا .؟؟ واذا تقدر شنو الطريقة .؟


3- شنو بيسوي سالم بششهد .؟؟


4- ليش بجت منال يوم درت ان سارة حامل ..؟؟


5- ماذا يدل توتر فهد لمن قالتله عن الطبيب .؟؟؟



انتهــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــى البـــــــــــــــــــــــــــــــــــــــــــــــ ـــــــاارت






رد مع اقتباس
قديم 15-10-2012, 08:47 AM   رقم المشاركة : 3
:: عضو مميز ::
 
الصورة الرمزية جنيــن






جنيــن غير متواجد حالياً

جنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond repute


رواية النفس طابت والكرامة كرامة ومن عافته نفسي حشا ما التفت له / للكاتبة بنت آل صباح , كاملة



البـــــــــــــــــــــــــــــــــــــــــــــــ ـ2ـــــــــــــــــــــــــــــــــــــــــــــآآر ت

http://up.graaam.com/img/65201c98642...bf9b6f7659.png
ع ــلـآمك ليش مهملنـي ..؟؟


وفي رفكـ أنآ تذكآر !! : ( .. ؟؟


إذآ كآن الهدف بعـدي .. ؟؟


أنآ حآظـر وممنون !!
طلع سالم وراهم اهوا وعيال عمه


سالم : انا اراويج يا شهد


شهد : الي ماتوصله بيدك اوصله بريولك


دخل سالم وعيال عمامه داخل وشهد حركت تروح الفندق


ببيت الحاسم
اول شي نعرفكم عليهم


اليد : ابو حسام عمره 62


اليده : ميته صارلها 3 سنين


حسام <ابو شهد> :عمره 44 عصبي متزوج من لولوة :عمرها 40 مغرورة ومو مهتمة بعيالها وكله تروح عروس وعزايم ومحد يحبها


عيالهم : حمد : حلوو اسمر معضل حواجبه حادة يهبل وقلبه طيب عمره 22 مو متزوج ويدرس طب


فهد : حلو وابيض وشعره شوي طويل وعمره 17 ثالث ثانوي ادبي


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ


عصام : عمره 40 طيب حححححيييل بس شوي عصبي ويحب عياله ومرته متزوج من سارة : عمرها 35 وطيبة ححييل وتهبل وقبها ابيض وعلى نياتها


عيالهم : سالم : عمره 25 مو متزوج ويهبل احلى واحد بالعايلة معضل وطويل ومزاجي وكشخة ومايرضى احد يغلط عليه يسوي الي براسه حتى لو على حساب غيره عنده شركة ومايحب البنات < بعدين نعرف السبب > البنات كلهم يتمنون منه نظرة وحده بس اهو مايعطيهم ويه يحب امه وابوه واخوانه حيل


جاسم : عمره 23 : طيب ويدرس هندسة قلبه ابيض باله وسييع عادي كل شي ماادري هادئ حيل مايحب المشاكل


رغد : حلوة تهههبل اهيا احلى وحدة بالعياله <قبل لا تطلع شهد واخوانها > طية عصبية مزاجية تشبه سالم وعمرها 16 ب حادي عشر علمي


__________________________________________________ ____________________________


هشام : عمره 38 متزوج من : امينة : نفس طبايع سارة


عيالهم :


دانة : حلوة وطويله سمره وغيورة عمرها 18


سارة : احلى من دانة وطيبة ححيل وعمرها 16 ب حادي عشر علمي


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ


اماني : مو متزوجة وعمرها 26 وتحب عيال اخوانها


ايمان : متزوجة من واحد اسمه جاسم وطيب حيل معاها حامل بالشهر الثاني



اليد بعصبية : ليشش تسوي جذي قولي ليشش ها ...فهمني القصة كاملة .............بسرعة قول


حسام بعصبية اكبر وبصراخ : اهما مو عيالي


اليد بصراخ : لا تجذب كل شي عرفناه قول القصة <وبصراخ اعلى > بسسسسسسرعة


حسام بكل هدوء طلع من البيت وراح بيته
ملاحظه : اهما بيتوهم الاربعة يم بعض 2 عاليمين و2 عاليسار وبيت اليد بالنص وجدامهم حديقة كبيرة فيها نافورة وومسبح ووحيوانات وورود ومن ورا المصافط


هشام يصارخ : حسام تعال ابوي يحاجيك


اليد : خلااص يلا كل واحد يرد مكانه وانا اتفاهم معاه <ياشر على عياله >ومعاكم ........وقام وراح غرفته ونام وكل واحد بالصالة يسولف


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ




نرووح عند بيت المطربة هدى


منال تبجي : ليشششش ليشش يافهد صبرت سنتين بدون عيال ابي اشوف ظناي اهئ اهئ وطاحت بالارض تبجي وتقول : آآه ليش تعذبني انا مثل أي ام تتمنى تشوف عيالها تكفى خنروح نفحص اهئ آهئ



فهد بهدوء: منال اهدي اهدي تكفين خلاص



منال بصراخ : شلون اهدى ها قولي


فهد بصراخ اكبر : بس عادد مصختيها كل ماشفتي وحدة حامل سويتي مناحة هاذي مو سالفة بس وطلع وصك الباب وراه اقوى شي ونزل الصالة وطلع بسرعة


ام فهد : فهد وين رايح ....هدى قومي شوفي اخوج لا يصير فيه شي


هدى تركض : ان شاء الله يمه طلعت هدى وبسسرعة والا فهد رايح ودخلت مرة ثانية : راح


ام فهد وقفت بعصبية : اكيد كله من بنت ابليس هاذي لو يطلقها احسن


هدى : خلاص يمه روحي غرفتج وارتاحي


ام فهد واهيا تمشي لغرفتها : شلون ارتاح ودخلت الغرفة


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ


نخليهم ونروح حق بيت اخت هدى فاطمة بيت بسيط حييل


فاطمة قاعدة بالصالة اهيا وعيالها وريلها : اقول سالم


سالم بعصبية : خخخخخيرر سالم سالم نععم


فاطمة : الله يهداك شفيك معصب


سالم وقف وبصراخ : نعم اشتبين


فاطمة : ابي فلوس


سالم : بصراخ : قوس ماعندي اوكك


فيصل : السلام عليكم وباس راس امه شلونج يمه شلونكم


سالم بعصبية : ماتقولي انت ليش كل يوم ياي خلاص يبا قلنا مانبيك ماتفهم


فيصل بعصبية اكبر :راح أيي وقت ماابي مو من حقكك تمنعني شوفت امي انتي فاهم


فاطمة : خلاص صلوا عالنبي ياجماعة


طلع سالم وقعدوا اهما يسولفون



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


بعد ماقطت شهد اخوانها الفندق قالت انا طالعة الحين اوكك قفلوا الباب اوكك



وطلعت وراحت مكانها المفضل المكان الوحيد الي تقط فيه اهمومها والي تنزل فيه دموعها وصلت هالمكان وراحت قعدت عند التراب هدووء بس اكو عوايل شوية اكيد عرفتوه <البحر> قعدت تفكر وتفكر


شهد بصوت مسموع : آآآه تعبت شسوي الي سويته صح ولا غلط آآه والله تعبت لا ابو يدري عني وا اخو يسال عني ولا عمام نفس الناس آآآه بس آآآه انا كلش ماعندي حظ ودموعها قاعدة تنزل على خدها الجميل وتجرحه


شهد بنبرة حزينة : ليش آنا جذي شسويت عشان الله يعاقبني وقعدت تبجي وصوت الانين يهز قلب الي قلبه من صخر واهيا قاعدة تبجي حست باحد قعد يمها


شهد اول ماحست فيه قامت من مكانها وقعدت شوي بعيد عنها بس مو حيل يعني يسمعون بعض


..............: شفتي الدنيا شلون تقلب حال الانسان من فوق لي تحت


شهد: والمطلوب


.............: انا اسمي عبدالله وهذا رقمي لو تبين تفضفضين دقي


شهد ::: آسفة مااخذ ارقام ناس مااعرفهم والحمدلله انا باحسن حال مو محتاجة افضفض حق احد


عبد الله : كيفج وراح


بعد نص ساعة راحت الفندق ونامت


في اليوم التالي قامت الساعة 2 ونص الظهر خذت تشور ولبست وصلت وقومت اخوانها ولبسوا


شهد : http://up.graaam.com/img/b8c0ef5b3e7...95a951522b.jpg


شوق : http://up.graaam.com/img/4edd2319e99...7cae5dee6f.jpg


سلمان & سليمان : http://up.graaam.com/img/53e25b0ee7b...ac6b51f028.jpg


ملاحظة : انا حبيت احط صور الملابس عشان يعطي نكهة للرواية اذا ماتبون قولوا اوكك


لبسوا وخلصوا وجهزوا جناطهم عشان طيارتهم الساعة 7 بالليل وراحوا المستشفى الي بيسوون فيه التحليل


اول مادخلوا شافوا ابوهم و سالم و يدهم


طبعا اشكالهم اجانب دخلوا وراحوا عند الريسيبشن وقالوا المهم على طول سووا تحليل DNA قالوا نص ساعة ويخلص


قعدوا بكراسي الانتظار كل واحد بصوب ويعم الهدوء عليهم كسر هالهدوء رنة تلفون سالم


سالم قام شوي بعيد بس الصوت مسموع ل شهد


سالم : هلا والله ..........الحمدلله تمام وانت ........... ليش ان شاء الله تبي تتقرب من بنت ايها عاجبتك ...............وليش ماخذت ارقم ............امم يمكن عندها مشاكل عائلية وتبجي ........والله شكلها همها كبير ماعندها اخوان وتقول عمامي مو نفس الناس ....<سالم شك بشهد وقعد يطالعها > اي اوك معع السلامة وراح مكانه وعيونه على شهد


شهد بقلبها : اكيد هذا رفيجه استغفر الله


سالم بسؤال مفاجئ : شهد امس رحتي البحر .؟؟


شهد باحتقار : انت شكو رحت ولا مارحت


سالم بعصبية : جاوبي


شهد بعصبية اكبر : منو انت عشان تسالني


سالم : انا ولد عمج ياذكية


شهد : انا ماعندي لا عم ولا ولد عم< وتطالع ابوها >ولا ابو اصلا


سالم بعصبية : لزمي حدودج وقولي وين كنتي امس


شهد ببرود يقهر :مو لازم تعرف


سالم : يا بنت قولي اي ولالا


شوق : جاوبي عليه وفكينا منه


شهد : اي كنت بالبحر عندك مانع ياللي ماادري شسمك


سالم بيتكلم ولا تقاطعه السستر ومعاها ورقة التحليل شافوا ورقة التحليل


شوق : الحين ارتحتوا ها .؟


شهد : يلا احنا طالعين وتمشي واخوانها جدامها بسررعة لحقهم سالم ينادي : شهد شهد


وشهد حاقرته سالم عصب ومسك ايدها شهد : هد ايدي احسلك هدها فاهم


سالم هد ايدها : قوليلي خذيتي الرقم امسس


شهد عصبت : انت شكو وراحت بسرعة السيارة وعلى طول المطار


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ


نروح حق قصر هدى


منال نازلة تحت : يلا خالتي انا طالعة تامريني على شي


ام فهد بلوعة جبد : سلامتج


طلعت منال


هدى : يمه شفيج عليها هذا بنت اختج وجنتج


ام فهد بعصبية : انا ماعندي اخت فاهمة


هدى : يمه خلاص بسس مايصير جذي هاذي اختج من لحمج ودمج مايصير تقاطعينها


ام فهد : خلاص صكري الموضوع وتنادي عزيز ياعزيز


عزيز : هلا يمه وباس راسها



ام فهد : تعال ابيك بكلمة


عزيز :آمري


ام فهد : شرايك اخطبلك بنت رفيجتي تهبل واخلاق كاملة والكامل الله


عزيز : لا يمه ماابي اذا ابي راح اقولج ورن تلفونه وطلع


عند عزيز


هلا والله هلا بالحب ...........شلونج ............فديتج ..........اي ان شاء الله ................شرايج اعزمج على مطعم بالافنيوز ..............يلا انطرج هناك مع السلامة


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ


نروح عند سالم ويده وحسام ابو شهد وصلوا البيت


اول مادخلوا : السلام عليكم الكل وقف


اماني : ها بشر حسام عيالك ولالا


اليد : اي عياله ولازم يعيشون عندي


حسام بعصبية : لالالالالا اصلا اهما مايبون شهد قالت ماتبي تعيش عندنا


اليد بعصبية: مو بكيفها


هشام : يبه خلها صدقني اهيا مو هينة شوف عفستنا وراحت


اليد : انا قلت بتسكن يعني بتسكن اهيا واخوانها


ام حمد : لا والله ماتسكن عندي ياسلام نبتلش فيها بعد


حسام : جب انتي جب محد كلمج لا الحين اطير ويهج يلا طلعي بره بس الي يقعدون الرياييل يلا برا كلكم وطلعوا كلهم وقعدوا بالصالة


وبالصالة


سارة : ماشاء الله امس شهد واخوانها يهبلون واحلى وحدة شهد وكشخخخة البنت


لولوة بغيرة : لا يبا مافيها ذرة جمال


اماني بتقهر لولوة : لا والله فديت بنت اخوي تهبل اهيا واخوانها ماشاء الله اللهم لا حسد


ايمان : اي والله ماشاء الله وفوق هذا اجنبية


سارة : الحين اهيا عندها جم جواز


ايمان : اكيد جوازيين الكويتي والبريطاني


لولوة اهني ماتت قهر وقامت :يا رغد تعالي بنروح بيتنا


رغد بزعل : يمااا بقعد اهني تكفين


لولوة : يلا وراحوا


اماني : بنات تبونها تسكن اهيا واخوانها اهني ولالا


ايمان : ان شاء الله وان شاء الله واحد من اخوانهها يخطب بنتي اذا بنت


دانة : ما اعتقد اهما مايحبونا حتى الصغير يقول البيت ظلمة ومو حلو


اماني : احسها ماراح توافق تسكن اهني واذا بتتزوج يمكن تتزوج من عيال خوالها


ايمان : اماني تعالي بساسرج


اماني : شنو


ايمان بصوت خفيف : انا سمعت ان امها وحيدة امها وابوها وماتوا امها وابوها وحتى اام شهد ماتت


اماني : يككسرون الخاطر
رجآي توضح أسبآبـك .. !!


سكوتك زآد بي أفكآر ..


إذآ نآوي هوى غيري ..


عسى رب الـسمآ يصونـك ..!! = <


التوقـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــعات :


1: هل سيعلمون بسفر شهد واخوانها الى لندن .؟


2: هل سيذهبون الى لندن للبحث عليهم .؟


3:لماذا ام فهد لا تحب اختها ولا تحب منال بنت اختها وزوجة ابنها .؟


4:هل سيرى احد عزيز و.................. في الافنيوز .؟ واذا نعم من وماذا ستكون ردة فعله .؟




اتمنــــــــــــــــــــــــــــــــــــــــــــــ ـــــــــــــــــــــــــــــــــــــــــى الرد على التوقعات لتتكون افكار عندي ووضع افكار من عندكم فضلا وليس امرا



اتمنى لكم الاستمتاع بالقراءة














رد مع اقتباس
قديم 15-10-2012, 08:48 AM   رقم المشاركة : 4
:: عضو مميز ::
 
الصورة الرمزية جنيــن






جنيــن غير متواجد حالياً

جنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond repute


رواية النفس طابت والكرامة كرامة ومن عافته نفسي حشا ما التفت له / للكاتبة بنت آل صباح , كاملة



http://up.graaam.com/img/073a8c5fe7b...196712e62f.jpg
[ تبي الصرآحـه ..؟؟


مآعرفنآ نوآيآك


تشـد الحبـل ثم ترجع وترخيه !! ..





ايمان : اماني تعالي بساسرج


اماني : شنو


ايمان بصوت خفيف : انا سمعت ان امها وحيدة امها وابوها وماتوا امها وابوها وحتى اام شهد ماتت


اماني : يككسرون الخاطر


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ


نروح عند مطار لندن


اول مانزلوا من الطيارة <مدير الاعمال بالفندق بالكويت مو معاهم بامر من شهد>


شوق تاخذ نفس عميق : فديت لندن والله


شهد : والله الكويت تهبل بس لو ابوي وعايلته مو موجودين فيها احسسن


بعد خمس دقايق شهد سليمان يهز ايد شهد يقولها : شهودة سلمان ماادري وينه يوم نزلنه من الطيارة كان معانا والحين ماادري وينه


شهد شهقت : شنوو .؟؟ لالا سلمان اخووي وينه ..؟؟ لآ وقعدت تركض بهستريا وتصارخ سلمان سلمان لا وينه اهئ اهئ وطاحت بالارض تبجي وتصارخ سلمان لا تخلينه وينك اهئ اهئ وتبجي ححيل اخوي وينك آآه ياقلبي آآه اخوي تكفى تعال سلمان انت اخوي صح انا قلتلك بوديك الالعاب والله بوديك وقعدت تبجي بعدين وقفت واهي تبجي وتركض بشكل ملفت للانتباه وفجأة واهيا تمشي جنها لمحت سلمان يبجي ومعاه ريال مبين من شكله كويتي وراحت تركض بسرعة وحضنت سلمان وقعدت تبجي جنهم مو شايفين بعض دهر وبعدين طقته براسه وقاعدة تبتسم بخفة مو حرام عليك خرعتني ها مرة ثانية لا تسوي جذي اوك سكتت من البجي بعدين وقفت وشافت الريال الي ياب سلمان لها وقالت مشكور اخوي ماتقصر والله ماراح انسى لك هالجميل وتسلم والله ماتقصر وراحت مع سلمان وتزفه وردت ولقت سليمان وشوق ميتين بجي وركضوا حق سلمان وضموا وراحوا بيتهم وخذوا شور وناموا خوش نومه


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ


نرد للكويت دار العز دار آل صباح


في اليوم التالي يوم اليمعه بالتحديد كلهم صلوا صلاة اليمعه وردوا بيت يدهم الحريم بالصالة والريايي بالدوانية


فهد يصارخ : الغدا متنا يوع ان شاء الله مو جذي


حسام ابو فهد <ابو شهد >: فهدو ويهد لا تصارخ فاهم


فهد خاف : ان شاء اله يبه ودق تحية حق ابوه وقعد


سالم دخل عليهم ريحته تسبقه وبهيبه : السلام عليكم


الكل : وعليكم السلام


حمد : ليش امس ماييت الدوانية الربع ذبحوني وين سالم ووين سالم


سالم : والله كنت مشغول شوي


جاسم : والله وكبرنا ياسويلم


سالم : الزم حدودك


جاسم بغشمرة : ان شاء الله عمي


فجأة صار هدوء ولا يرن تلفون اليد :


اليد بهيبه : سالم ماعليك امر عطني تلفوني


سالم : ان شاء الله


وعطاه تلفونه رد اليد : الو


مدير اعمال شهد : السلام عليكم


اليد : وعليكم السلام آمر


مدير اعمال شهد : انا م . ا. ش "اختصار اوك "


اليد باهتمام والانظار كلها متوجه له : هلا والله آمر


م.ا .ش : مايامر عليك عدو بس انت امس داق علي شبغيت


اليد تذكر : أي صح كنت بقولك شهد واخوانها باي فندق


م . ا.ش : سافروا


اليد : وين .؟


م .ا . ش: مااقدر اقول اهي امنتني ما اقول لحد اوك مع السلامة


اليد : مع السلامة اول ماصكر حسام <ابو شهد > : شفيه م .ا.ش


اليد : يقول شهد واخوانهها سافروا


سالم بسرعة قال : وين .؟


اليد : ماارد علي


سالم بذكاء : اكيد ببريطانيا


ابو سالم : يبه صدقني البنت ماتحبنا عشان تعيش عندنا


اليد : مالي شغل بيعيشون اهني يعني بعيشون


ابو دانة :واذا تبي تدرس اهناك اهي واخوانها


اليد : اوك يدرسون انا خايف عليهم يكونون بروحهم


ابو شهد : بس يبا انا سمعت ان خال امهم يدير باله عليهم


اليد باقتناع : انزين شرايكم نروح اهناك ونقنعهم واذا مايبون كيفهم


سالم : خلاص عيل جهزوا جناطكم اليوم بالليل على طيارتنا الخاصة شرايكم


الكل : تم


اليد : جسوم قوم قول حق الحريم راح جاسم يقولهم واستانسوا وتغدوا وجهزوا جناطهم


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ


نروح عن بيت المطربة هدى


ام فهد تنادي مناال تعالي


منال: هلا آمري


ام فهد : يلا جهزي نفسج اوديج الطبيب نفحص لج


منال بخوف : بس فهد ما يرضى


ام فهد : ماعليج منه يلا لبسي


ولبست وراحوا


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ


عند بيت فاطمة اخت هدى



سالم قاعد يطق فاطمة : طلعي الفلوس


فاطمة تبجي : والله العظيم ما بقتها


سالم يهزها :عيل منو باقها وبتهديد بروح وبرجع بعد ساعة اذا مالقيت الفلوس بطلقج


فاطمة : لا سالم يرحم والديك لا اهئ اهئ وراحت غرفتها تبجي : من وين لي فلوس ها اهئ اهئ


بعد نص ساعة علي دخل عليها : يمه تفضلي


فاطمة : شنو .؟


علي : فلوس


فاطمة : من وين لك


علي بوهقة : ها لا هاذي فلوس تسلفتها من رفيجي


دخل فجأة ناصر :


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ


باليوم التالي وصلوا عايلة الحاسم لندن الساعة 5 العصر وراحوا الفندق محد نام لان كلهم ناموا بالطيارة


حسام : انا دقيت على خالة امهم وعرفت وين بيت شهد


اليد : يا نروح وكلهم راحوا البيت واول ماوقفوا قبال القصر تفاجئوا كششخة وبيت حديث وفي حديقة حلوة ححيل وبيت راقي


اماني : واااي يهبل بيتهم احلى من بيتنا مليون مرة


لولوة بغيرة : لا ويع مو حلو


دانة : لا والله حلو


اليد : يلا عاد سالم انزل طق الجرس


واهوا قاعد يمشي وقف عند باب البيت يسمع صوت الصراخ والهواش بالانجليزي


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ


داخل الصالة كانوا لابسين ترنج سوت عشان بيروحون الالعاب وينطرون الخدامة تييب الاغراض من الجمعية


وقاعدين يصارخون بالانجليزي


قطع صراخهم طق الجرس تن ....تن


راحت شهد اهيا واخوانها عشان يشوفون منو عالباب طبعا عندهم كاميرا تصور واهيا قاعدة تطالع بطلت البيت وقالت


شهد : yes what do you need from me >??


سالم : الاهل يبونج برا


شوق بصراخ من ورا الباب : ماعندنا وقت وبهالوقت ردت الخدامة عطتهم الاغراض ودخلت البيت اهما طلعوا صكروا الباب بالريموت


شهد : آسفين احنا طالعين طلعة عائلية ماعندنا وقت


وراحت تمشي اهيا واخوانها ومخلين سالم وراهم


اليد : شهد تعالي


شهد راحتله واخوانها ركبوا سيارتهم : نعم


اليد : ماراح تستقبلينه ببيتج


شهد : احنا مانستقبل الناس بدون مواعيد وثانيا انا مواعدة اخواني اطلعهم عاد والله كيفكم انا رايحة رياحة


اليد : احنا بنروح معاكم


شهد : رجاءً لا تقربون منه انا عندي وناسة اخواني اهم منكم كلكم يلا تشاوو وراحت ونركبت السيارة وعمامهم لحقوهم بيروحون معاهم



وصلت شهد واخوانها الالعاب واهما نازلين يو عمامها وعياهم ويدها بيروحون معاهم


اليد بحنية : ماراح تخلينه نروح معاج يابنيتي


شهد كسر خاطره : اوك بس على شرط


اليد :مانبي ازعاج ولا نبي وصاخة بالمكان الي نقعد فيه انتوا كيفكم بس لا توصخون


البنات : هيي اوك يلا ندخل


شهد : شواقتي وسلمون وسلوم تعالوا <اخوانها >


اخوانها : يلا


واهما توهم داخلين الحديقة فقالوا لازم تذاكر وجذي


شهد لفت عليهم : ابو حسام تبي تقعد


اليد : اي والله ياريت


شهد : اوك وحطتلهم الزولية وقعدوا الحريم واليد والابهات بسس


والبنات والصبيان كلهم مع شوق


شوق : شهودة


شهد بحنية اول مرة يسمعونها بنات وعيال عمامها : عيون شهودتج آمري


شوق : ابي العب القطار


شهد : من عيوني وتلف عليهم : تبون تلعبون معانا القطار


كل الصبيان والبنات قالوا اي ماعدا ايمان وريلها وسلمان وسليمان صغار مايصير


شهد قبل تدخل اللعبة قالت حق ايمان : والله ماا\ري شتصيريلي ولا اعرف اسمج بس ممكن تخلين عندج سلمان وسليمان عندج


ايمان بطيبة : من عيوني


شهد : ثانكس وتقول حق اخوانها : حبايبي لا تروحون وباستهم ودخلت القطار


ترتيبهم بالقطار اول شي شهد & شوق


وراهم سالم & جاسم


وراهم فهد & حمد


وراهم دانة &سارة


ووراهم رغد & اماني


اول ماحرك القطار شهد تقول حق رغد بصوت عالي : والله خايفة وقاعدة تتشهد وتقول خايفة اطير برا القطار


سالم وجاسم ميتين ضحك عليها والقطار حيل سريع ويدور ويقلب يعني خطر و اول ماحرك شهد تصاررخ وااااااااااااااااااااااااااااااااااااااااااااااااا اااااااااااااااااااااااااا


وشوق ميتة خوف


الصبيان يضحكون


والبنات يصارخون


خلصت اللعبة كلهم انزلوا الا شهد تعبانة وراسها يعورها قعدت ترتاح شوي انزلوا قالت شوق وين شهد راح سالم شافها راسها يعورها قالها : شهد سكتت وقامت من القطار وراحت معاهم


دانة تحاول تتقرب من شهد : ماتوقعت راسج يعورج جذي وبتتعبين


شهد : متعودة


وراحوا العاب وايد وبعدها قالت شوق : شهد خنروح السينما الموجودة بالحديقة


شهد : اوك يلا


شهد تحاجي الموظف وقالت حق عيال وبنات عمامها واخوانها في ثلاث افلام بتعرض بعد 5 دقايق واحد عن الاب والام والثاني كوميدي والثالث سيارات


كلهم قالوا : الاب والام


شهد : عيل انتوا دخلوا انا بقعد ااهني


اخوانها : لا ترى ماراح ندخل اذا انتي مو معانا


شهد : اوك خلاص يله وشروا بوب كورن وبيبسي ودخلوا وترتيبهم على النحو التالي :


دانة & سارة & رغد & ايمان &اماني & شوق &سلمان & سليمان & شهد & سالم & جاسم & ريل ايمان & فهد & حمد


بدا العرض كلهم لبسوا النظارة الا شهد قالها سليمان :شفيج لبسي النظارة


شهد بحزن : مااقدر


شوق سمعت : يلا لبسي عاادي


شهد لبست النظارة وقعدت تطالع والفلم حيل يأثر فجأة فصخت النظارة وقالت بروح الحمام ( تكرمون ) وطلعت تركض برا تقول مااقدر واقعدت عالكراسي لحقها سالم وقعد يمها وقال : شفيج ليش طلعتي .؟!


شهد لاول مرة تنزل دموعها جدام سالم وتقول : مااقدر اطالعه والله مااقدر اتحمل اكثر من جذي بروحي شايلة هم اخواني وتربيتهم ومن ماتت امي الله يرحمها محد حظني ولا احد واساني ولا ابو يسئل عني وفجأة سكتت ومسحت دموعها ولفت على سالم وقالت : بذمتك هل انا حقيرة وما اتهم احد وقلبي قاسي وبس احب نفسي يعني انا استاهل كل هذا


سالم لاول مرة بصوت حنون : لا انتي مو حقيرة وحنونة حيل ماتوقعتج جذي حتى تذكرين يوم تحاجين اخوانج بحنية كنا استغربنا والله والكل يقول شهد ما توقعناها جذي


شهد سكتت فترة وقالت : ثانكس


سالم :يلا ندخل الفيلم


شهد : روح انت انا ما ابي


سالم : لا ماراح ادخل وانتي برا بروحج


شهد باستهزاء : شالغريب انا كله بروحي انا واخواني


سالم عصب : يلا اخوانج يبونج


شهد قامت بسرعة ودخلت القاعة وقعدت بس اهيا اساسا ماطالعت شي من الفيلم منزلة راسها و اول ماخص الفيلم وقفت اول وحدة وقالت : يلا خلص عاد


شوق تقص عيها : وييي قعدي في تكملة


شهد : يلا يلا طلعي وحتى لو في تكملة راح اروح البيت واخليكم يلا


وكلهم طلعوا


واهما يمشون فهد قال: ليش رحت ورا شهد


سالم : بقولك شي بس مو تقول حق احد وقاله كل شي


فهد : فديت اختي قلبها حنون ومع هذا تكابر


اول ماوصلوا عند اليد قالت شهد: يلا احنا بنروح



اليد : ماتعشيتوا


شهد : لا احنا مانقدر نتعشى


شوق : اي صح


اليد : انزين نبي مطعم زين وحلو


شوق تمد له ورقة : تقول هذا المطعم قول حق الريسيبشن طاولة خاصة اوك مع السلامة وراحت شهد واخوانها وعمامهم راحوا المطعم


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ


نرد للكويت وتحديدا بيت المطربة هدى


ام فهد ومنال سوت منال التحليل وقالوا تطلع النتيجة بعد اسبوع وردوا البيت


فهد درا بالموضوع وقعد يصارخ : ليششش تروحون هاا قولوا خلاص انا ماابي عيال مو لازم


ام فهد : انا ابي اشوفك ظناك


راح فهد يركض بسرعة فوق خذا حط ملابسة ونزل


منال : فهد وين رايح


فهد بصراخ : مو شغلج وطلع بسرعة وصكر اباب باقوى ماعنده وبطريجه شاف هدى قالت هدى : وين رايح


فهد : مو شغلج وراح بسرعة


دخلت هدى : شفيه


قالولها السالفة كاملة


هدى : بعد انتوا الله يهداكم مايصير تروحون بدون مايدري


ام فهد : يعني شسوي بشوف ظناه الا انتي من وين ياية


هدى : توني ياية من التصوير


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ


ببيت فاطمة


فاطمة عطته افلوس واهو ارتاح واستانس


ناصر وفاطمة قاعدين بالصالة


ناصر : يمه


فاطمة : هلا امي


ناصر : انا ادري ليش ابوي ما يعطينه فلوس


فاطمة : ليش


ناصر : لانه فلوسه حرام


فاطمة :مايصير تقول جذي وبعدين انتم نو قالك هالكلام لاتعيد هالكلام يلا ادرس بس ادرس


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ



نروح حق بريطانيا وتحديدا بالمطعم دخلوا وقالوا حق الريسيبشن كل شي ووداهم الطاولة طلبوا ويا الاكل


ابو شهد يكلم اي يوزع الاكل : What is the name the owner of this restaurant.؟ (مااسم صاحب المطعم )


اي يوزع الاكل : Ms.Shahad


راح الموظف


اماني : ماشاء الله عليها


لولوة : اكيد قالت لنا روحوا هالمطعم عشان تاخذ فلوس


سارة : مايصير تقولين جذي اهيا طيبة بس مشكلتها الوحيدة ماتحبنا


لولوة بغيرة : ضحكتيني مابقى غير هالياهل تقولين عنها طيبة


سالم : بس خلاص عيب عليج شكبرج وتسوئين الظن


كلوا وخلصوا الاكل نادوا الموظف عشان الحساب قال الموظف:Ms.Shahad Been paid the account (تم دفع احساب )


وراح اليد : لازم نروح نشكرها وطلعوا


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ


ببيت شهد سليمان وسلمان نايميين بس شوق وشهد بالحديقة قاعديين يسولفون ولابسين http://up.graaam.com/img/935c3a7241b...26ae5bc73c.jpg


والقميص: http://up.graaam.com/img/d309796db33...57c5da9828.jpg



شهد : اهما يايين بس عشان يبونا انرد معاهم الكويت


شوق : ماراح نرد


شهد: حتى انا ماابي كيفهم والله


قطع سوالفهم عمامهم واليد وعيال وبنات عمامهم داخلين الحديقة


وقعدوا بالكراسي طبعا في كراسي وايد


اليد : مشكورة


شهد: العفو


اليد : يابنيتي بكلمج بموضوع


شهد : تفضل


اليد : مو ناوية تردين الكويت انتي واخوانج وتعيشين بين اهلج وناسج


شهد : لا ماراح ارد احنا مرتاحين اهني بخير وعافية والحمدلله وانا ماراح ارد الكويت


شوق : صح كلامها محنا رادين معاكم


اليد : انزين ياشوق اشلون تقعدون بروحكم وشلون تامنين مستقبلج وانتي على ويه زواج


شهد : والله عاد انا قلت بقعد اهني واخواني يبون يقعدون اهني انا ابي اخواني يدرسون بمدارس بريطانيا واذا على الزواج عادي اصير عانس لعيون اخواني واربيهم


اليد : واذا احد تقدم لج ومو موافق تعيششين


شهد : كل واحد في حال سبيله وانا لو تزوجت راح اعيش بلندن


اليد : ماكو احد تقدم لج .؟؟


شهد : امبلا


اليد : منو اخر واحد تقدم لج ولمن الحين ماعطيتيه الاجابة


شهد : واحد من طرف امي


سالم اهني الغيرة شبت عنده وقال: بس الاحسن تتزوجين واحد من عيال ديرتج


شهد :والنعم بعيال ديرتي بس الزواج قسمة ونصبيب


اليد : لو تقدم لج احد من عيال عمامج .؟


شهد : من الحين اقول لا والف لا


سالم عصب : ليش شيعيبنا .؟


شهد ببرود قاتل : امممممممم تدرون شيعيبكم انا ما اامن عيالي عند واحد عمه <وتاشر على ابوها بأرف > نفس هذا يعني عادي يسويها ويقط عيالي


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ

[ إن كنت نآوي بالـهجـر ؟؟


مآمنعنآك


قبلك فقدنآ من نعزه ونغليـه !!
انتهــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــى البـــــــــــــــــــــــــــــــــــــارت



ااممممم ماكو توقعات كل وحدة تقول توقعها



ابي ردوود تعبت وانا اكتب






رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة









الساعة الآن 01:16 PM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون