صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة






الرجاء استخدام خاصية البحث أدناه للبحث في الموقع:









إضافة رد
 
أدوات الموضوع إبحث في الموضوع انواع عرض الموضوع
  #1  
قديم 19-11-2012, 12:57 AM
الصورة الرمزية اميرة
:: رومانس مون متفوق ::
______________
View اميرة's Photo Album  اميرة غير متواجد حالياً
 
رواية روح الله يخليك ماتبيني بعد ما أبيك / الكاتبة : عيون مامي , كاملة




السلام عليكم ورحمة الله وبركاته جبت لكم رواية حلوه اليوم بقلم الكاتبه ""عيون مامي" اتمنى تعجبكم ^^




روح الله يخليك ما تبيني بعد ما ابيك
&&&&&&&&&&&&&&&&&&&&&&&&&عيون مامي
&&&&&&&&&&&&&&&&&&&&&&&&&&


البارت الاول (فرح &هدى)



كانت جالسه اتهز الكرسي ايلي بدخله رضيعه مثل القمر ونايمه بسلام ..... طلعت بنتها من غرفتها وبتعب:يمه دخلي داخل احسن لك


ما التفت لبنتها وعيونها ع الرضيعه:دخلي انتي يمه انا مابي


اتنهدت البنت وجلست جنب امها:يمه انتي ما بتفيدين فرح بشي وانتي اتشوفينها كذا


الجده امتلت عيونها دموع:وشتبيني اسوي لو بايدي ما بخليها يتيمه


مسحت دموع امها وبرجاء:يايمه هذا نصيبها بهالحياة واخوي الله يرحمه ترك هالامانه لناا وهي فرح


الجده التفت لفرح ~الرضيعه~ وبحسره:انا اعرف اخوالها ما راح يتركونا بحالنا


ابتسمت بنتها:عشان كذا انا عندي خطه بتخلينا انعيش مرتاحين


الجده التفت لها:وش هي؟


بنتها:يايمه اخوال فرح يبون فرح اتروح عندهم عشان بنت بنتهم صح ؟


الجده مو فاهمه:ايوه


البنت ابتسمت بخبث:اجل خلااص نسافر برع الديره


الجده بصدمه:وش نساافر ووين انروح؟!


البنت:عادي يمه انا عندي شهاده جامعيه انجليزي وحااسب كمان بقدر اشتغل في اي دوله وبنعيش مرتاحين واذا ع الدوله ايلي بنسافر لها فهي دولة الامارات وش قلتي يمه؟


الجده بتفكير:وليش الامارات بالتحديد؟؟


البنت:لانها قريبه من السعوديه وكمان لاننا بنلاقي فرص عمل كثيره عندهم ووش فيها الامارات حلوه وسكانها احلى


الجده اتنهدت:ايلي اتشووفينه يمه بس سرعي بهالسفره قبل ما يطيح الفاس بالراس


البنت هزت راسها بايه وقامت اتكلم بالجوالها كم مكالمة مهمه والجده عيونها ع فرح "الله يرحمك يا راشد الله يرحمك يا وليدي"
&&&&&&&&&&&&&&&&&&&&&&&&&&&التفت لزوجها وباستغراب:وش تبي ببنت اختك؟؟


زوجها:يا غبيه مو نجوى>ام فرح>ابوي ترك لهاا ورث ايش كبره من اراضي وفلوس


الزوجه بخبث:آآها وانا اقول مو من عوايدك الطيبه


الزوج:اكيد لا وراح اجيب فرح لهنا لان نجوى كتبت الحلال كله باسم زوجها الخسيس رااشد وراشد بدوره كتبه لفرح


الزوجه بتفكير:والله ماهو غبي ماشاءالله عليه (رفعت عيونها لزوجها)وانت يا ذكي ليه ما قتلت فرح يوم قتلت ابوها واختك


الزوج بحسره:للاسف فرح كانت عند بيت جدتها وراشد ونجوى كانوا في بيتهم لحالهم وصار ايلي صار


الزوجه بداخلها:والله محد غبي غيرك انت وايلي خلفوك


الزوج يشوف زوجته سرحانه وبداخله:انتي لاحقتهم بعد انا ما ابي حد يشاركني بحلال


دخل ولد صغير وهو شايل رضيعه صغيره تبكي:منال طفشتني هدى شيليها


منال~الزوجه~ ارفعت عيونها لهدى وبابتسامه:يا هلا بالطش والرش والموي على القرش هلا ببنتي حبيبتي


الولد عطاها هدى ولف لاخوه:اقول عزام


عزام~الزوج~:قول وش عندك


الولد:امي تقولك مو ناوي اتجيب فرح لعندها ولا ايش


عزام بداخله:انا نااقص هالعجوز المخرفه..بصوت عادي:بجيبها بكره مو فاضي لهم الحين


منال التفت له:يا فالح خطط بخطه زينه هالمره تضرب الثلاث عصاافير بحجر واحد لو سمحت


الولد ما فهم شي وطلع وهدى سكتت وهي بحضن امهاا ونامت وعزام وقف قدام الدريشه وهو يفكر بخطه يقتل فيها الجده وبنتها وفرح
&&&&&&&&&&&&&&&&&&&&&&&&&&&&صباح اليوم الثاني الٍ8:00ـــساعه


الجده دخلت غرفة بنتها وشافتها لابسه عبايتها ومجهزه شنطتها وشنطة فرح :هاه يا بنتي نطلع الحين


البنت :ايه يمه الطياره الساعه 10:30


الجده:الله يعينا يلا توكلنا على الله


البنت شلت فرح وعطتها امها وشلت الشنط ومشوا على التاكسي ايلي موقفينه برع وحركوا ع مطار الامير خالد
&&&&&&&&&&&&&&&&&&&&&&&&&&&طلع من بيته بدري وراح يتفقد الثلاث عصافير وانصدم وهو يشوفهم يطلعون التاكسي ومعاهم كنزه >فرح> وبشنطهم وبداخله:هذيلا وين رايحين بهالوقت ؟؟!


مشى وراهم لين ما وصلوا للمطار وهو انصدم :مساافرين !! لا والله ماهو رايحين وكنزي معااهم


طلعت من سيارته ودخل المطار يدور عليهم ...... الجده جلست ف الكراسي الانتظار والبنت قدامها وهي شايله فرح:يمه مسكي فروحه بروح اخلص الجوازات واللخبطه هذي


الجده شلت فرح وهي تسمي والبنت راحت اتجهز الجوازات ودخل عزام المطار وهو يدور عليهم ...الجده رفعت عيونها وشافت واشهقت:عــــــــزاااااام !!!!!!!


ع طول لفت جسمها كله وفرح معاها وقلبها ينبض بسرعه وتدعي انه ما يشوفهم وعزام ظل يتلفت بس الكل لابس عبايه ومتبرقعين وماعرف وينهم وظل يدور ع بنت صغيره وما لقااهم زفر بضيق:وين بيسافرون هذيلاا والله ما اخليهم


مشى لعند الجوازات وسمع اسمها:جوان عبدالرزاق ال(..)


ما يشوف الا شياطين الدنيا قدامه لفهاا له من كتفها وبعصبيه:وينها بنت اختيي!!!!


جوان ~البنت~ انصدمت ان عزام هنا وبهمس:وش جابك انت!


عزام:يا سلاام ودك اتسافرين ومعاك بنت اختي بسرعه طلعيها لي بسرعه


جوان بعصبيه:والله ماني مطلعتها لك وانا عاارفه نيتك يا عزام ابعد عنا ولا بفضحك وخلنا بحالنا


عزام ضحك بسخريه:وانتي وش عارفه عني هاه


جوان ابلعت ريقها واشوي وبتبكي والجده بدت تبكي وفرح بعد :واااااااااااااااااع وااااااااااااااااع


عزام التفت لها وابتسم بخبث:فروحتي


جوان تبكي ومسكت ايدين عزام:خلها بحالها يا عزاام خلهاا


عزام دز جوان ومشى لعند الجده بياخذ فرح بس جوان صارخت :الامن الحقوووناا بيسرق بنتيي يا الامنن


جاو الامن ومسكو عزام وطلعوه برع والجده تبكي وتحمد ربهاا وفرح تبكيي ومو راضيه تسكت وجوان تحمد ربها ان الامن لحقوا عليهم وبسرعه سحبت امها وفرح وراحوا لطيارتهم وهي تدعي ان كل شي يمر ع خير
&&&&&&&&&&&&&&&&&&&&&&&&&&&جالسين في الصاله مجتمعين


الولد جالس وبجنبه هدى ع سريرها ونايمه ومنال اتفرفر بالقنوات وحماتها جنبها وتسولف معاها بس منال مو معطيتها وجه وبداخلها:الحين هذا عزاموه وين طز وجهه من صباح الله خير اووف والمشكله انه غبي وبيكشف نفسه


دق الباب والجده التفت للولد وبحنان:يمه نادر قوم شوف مين عند الباب


نادر~الولد~:حاضر يمه


وقف وراح لعند الباب وخاف من الشرطه ايلي واقفين عند الباب ومعاهم اخوه عزام ودخلوا داخل ومنال بصدمه:عزاام !


الجده تبكيي :عزاام يمه وش فيه !!!!!


الشرطي بجديه:بسرعه البسو عباياتكم وامشوا ع مركز الشرطه


منال بخوف :ليه وش فيه!!


الشرطي بعصبيه:امشوووو


نادر سند امه ومشو ومنال لبست عبايتها وشلت هدى ومشت وهي تسب وتلعن في عزام بداخلها وراحوا لمركز الشرطه وانصدمو من ايلي سمعوه ...الشرطي:احنا عرفنا مين ايلي قتل راشد ال(..) ونجوى ال(..)


عزام العرق يتصبب من جبينه ومنال عيونها طارت من مكانها ونادر والجده بلهفه:قوولووا مين قوولووا


الشرطي شاف عزام :ولدكم المصون عزام ال(..) هو القاتل


الجده انصدمت والتفت له :عزااااااااام تقتل اختك وزووجهاا !!!


نادر بصدمه :لالالا مستحيل مو عزام


منال بسرعه:حضرة الضابط انا ما يخصني فيه والله ما كنت اعرف في ايلي سواه


الشرطي بعصبيه:انيت انطميي انتي وزوك هم ايلي خخطو لكل شي ولعلمك عيلة راشد ال(..) يعرفون بخططكم السخيفه والغبيه نفسكم وشلون تقتلون اهلكم هاه قولولي وشلون


الجده تبكي وبحسره:الله يسااامحك يا عزاام الله يساامحك يا يمه


الشرطي:لعلمك عيلة راشد ال(..) ماهي ساكته عن دم ولدها وراح تعاقب العقاب ايلي يستحقه كل قاتل


عزام امتلت الدموع بعيونه ومنال بسرعه التفت له وهي تبكي وضامه بنتها هدى:يعني شلوون راح تقتلوونه !!


الشرطي هز راسه بايه:راح نحمي فرح ال(..) من شره اليوم كان راح ياخذها من اهلها في المطار وهم مسافرين


الجده التفت لولدها وقلبها ينبض ببطىء:ليه يا يمه ليه !!


عزام التفت لامه ولزوجته وبنته واخوه:يمه آآسف يمه بس الورث


نادر بقهرر:الوررث كله عشان الورث يا اخووي يا سندي يا قدوتي


الجده تبكي بحسره ومنال ابلعت ريقها:وانا !!


الشرطي:انتي معاه لانك مشتركه معااه وراح تنقتلون اثنينكم


منال اشهقت:لاا وبنتي!!


الشرطي بقسوه:بنتك راح اتعيش مالها ذنب في ان ابوها وامها حثاله وسفاحين


الجده التفت لهدى ايلي نايمه ومو داريه بشي وبهمس:الله يسااامحكم الله يساامحكم
&&&&&&&&&&&&&&&&&&&&&&&&&&اتنهدت جوان وهي بالطياره وطاايرين بالسماء والتفت لامها ايلي شايله فرح وتقرى عليها ابتسمت وبحب:يمه حبيبتي خلاص بعدنا عن المملكه يمه


الجده بحزن:هذا ايلي كاسر خاطري البلد ايلي كبرنا فيه وعشنا احلى سنين حياتنا وكبرناكم فيها هاجرنا منها بسبب ناس حثاله والمشكله انهم اهلنا


جوان هزت راسها بايه والتفت اتشوف الدريشه وفجأأه سمعوا صوت صرااخ واهتزاز بالطياره وان المظيفات يحاولون يهدون الناس والجده بخوف:وش فيه يا بنتي!!!!!!


جوان تبكيي وبخوف وهي تتعلق بامها:مدري يمه مدري


جوان غمضت عيونها وهي اتحس بالطياره تهوى للارض والجده تتشهد وفرح اتصيح وبصرااخ:يا اللــــــــــــــــــــــــــه!!!
&&&&&&&&&&&&&&&&&&&&&&&&&&&رواية روح الله يخليك ماتبيني بعد ما ابيك
&&&&&&&&&&&&&&&&&&&&&&&&&


عيون مامي


 
 
رد مع اقتباس
 
 
   
  #2  
قديم 19-11-2012, 12:58 AM
الصورة الرمزية اميرة
:: رومانس مون متفوق ::
______________
View اميرة's Photo Album  اميرة غير متواجد حالياً
 
رواية روح الله يخليك ماتبيني بعد ما أبيك / الكاتبة : عيون مامي , كاملة




رواية روح الله يخليك ماتبيني بعد ما ابيك
&&&&&&&&&&&&&&&&&&&&&&&&&&&


للكاتبه عيون مامي
&&&&&&&&&&&&&&&&&&&&&&&&&&&&


البارت الثاني (حياة جديده &غريبه&صعبه)



نادر جالس على الكراسي في المستشفى ويحس بانه ضايع ..اخوه وقتلوه...زوجة اخوه وقتلوها..امه وماتت بجلطة قلبيه....بنت اخوه ورضيعه ما تقدر تواسيه...ما يعرف وش يسوي ولمين يروح وهو ما عنده احد يعرفه غير عيلته ايلي تركوه لوحده بهالدنيا التفت لهدى ايلي سادحه ع سريرها المتنقل واتشوف السقف وتضحك مع نفسها ابتسمت وبهدوء:هدوي ما بقى الا انا وانتي وبنت اختي الله يرحمها فرح سافرت وتركتنا كمان


اتنهد وهو يشوف الدكاتره يشوفونه بضيق ويتهامسون التفت لهدى وهو يحس انه بيبكي مو قادر يتحمل هالوضع وهالضغوطات حس بايد على كتفه ورفع راسه له وباستغراب:نعم


ابتسم بوجهه:ينعم الله بحالك انا اسمي سعيد ال(..)


نادر وقف وسلم عليه:هلا والله انا نادر ال(..)


سعيد:هلابك زود انت ولد ابراهيم ال(..) صح؟


نادر:ايوه انا ولده ابوي الله يرحمه


سعيد:الله يرحمه ويغمد روحه الجنه انا شفتك من قبل مع عزام في عرس اختكم وفي عرس عزام بعد قبل سنه تتذكرني؟


نادر بفشله وحزن:لا والله ما اتذكرك


سعيد ابتسم:كنت متوقع انا عرفت بالي صار لك ولعيلتك ولاهل راشد زوج نجوى الله يرحمهم


نادر باستغراب:طيب وش تبي مني؟


سعيد:ابيك بكل بساطه تيجي اتعيش معي انت وهدى


نادر شهق:نعم وليه اجي اعيش معك!!!


سعيد:بصراحه ابوك كان صديق عزيز لابوي وابوي مصر انك اتعيش معانا


نادر ظل يشوف سعيد ومو عارف وش يقول له يحزن او يفرح يبكي او يضحك مو عارف وسعيد ابتسم ونزل لمستواه وحط ايدينه ع كتف نادر:اسمعني يا نادر انت عمرك 7 سنوات للحين صغير لازم تدرس وتكبر وتتعلم وهدى كمان


نادر ابلع ريقه ويحاول ان دموعه ما تنزل:ما راح تضربونا


سعيد ابتسم له بحنان:لا يا حبيبي ما بنضربك والغالي يحبك وش قلت ؟


نادر هز راسه بايه وبهمس:بس عشان هدى


ابتسم سعيد وشل هدى ومسك ايدين نادر ومشى لبيته
&&&&&&&&&&&&&&&&&&&&&&&&&&&


مسدحينها بالسرير وتبكي والممرضات يشيلونها ويحاولون يهدونها بس هي تبكي وكأنها تبي حضن جدتها وخالتها ايلي انحرمت منهم وجت لهم ممرضه وبانزعاج:سكتوهاا


الممرضه 2 بفشله:والله انحاول بس هي ما تبي لا تشرب حليب ولا حد يشيلها ولا حد يتركها بحالها


قربت الممرضه منها وشافتها وبصدمه:ما شاءالله عليها حلووه


الممرضه 2 بقهر:هذا ايلي يهمك يا حنان


حنان~الممرضه~:هاه لا والله بس مستغربه يعني كم عمرها هاي يمكن 3 شهور وبهالحلاوه الله يحفظها


الممرض 2 تعطيها لحنان:بروح اكلم السفاره السعوديه ايلي بالرياض عرفوا اسمها ولا لسى


طلعت وراحت للريسبشن وحنان جلست ع السرير واتحاول اتهدي فرح:خلااص يا حلووه خلااص


فرح:واااااااااااااااااع واااااااااااااااااع وااااااااااااااااااااااع


حنان اتضايقت من صوتها الحااد وهي تبكي:لا اله الا الله


دخل دكتور وابتسم لحنان:وش فيك حنان؟؟


حنان التفت له :يا هلا حامد هلا بتوأمي هلا


حامد~الدكتور توام حنان~:حنان حرام عليك سكتي البنت صوتها مؤذي المستشفى كلهم


حنان بضيق:والله احاول بس هي عنيده


حامد قرب منها وابتسم لها:ما شاءالله حتى وهي تبكي عندها غمازات


حنان:والله انك فاضي قوم بس قووم


حامد شل فرح من حنان وظل يرفعها وينزلها وهو يسوي حركات اتضحك بوجهه وحنان تضحك عليه:الاب الحنون ع غفله


حامد بجديه وهو يشوف حنان:هي من ايلي نجو من حادث سقوط الطائره صح ؟


حنان بجديه:ايووه


حامد جلس جنب حنان وظل يشوف فرح ايلي تبكي:كأنها حاسه انها فقدت عيلتها


حنان بحزن:ايووه ما تبي تسكت


حامد يتآمل فرح:عرفتوا بنت مين هي؟


حنان:لا توها نواره~الممرضه 2~راحت اتشوف عرفوا معلومات عنها ولا لا


دخلت نواره وبفرحه:الحمدلله عرفت بنت مين هي


حامد وحنان:الحمدلله قولي وش اسمها؟!


نواره تقرى المعلومات:اسمها فرح راشد ال(..)


حامد بصدمه:هالعيله الغنيه في الرياض


حنان:ما شاءالله وانا اقول شكلها بنت عز


نواره بحزن:بس اهلها متوفيين


حامد وحنان ما استغربوا من هالشي لان هالعيله معروفه في المملكه بكبرها ..حنان:واهل ابوها وينهم فيه عنها؟


نواره تقرى المعلومات:كاتبيه هنا انها سافرت مع جوان ال(..) ومنيره ال(..) ~الجده


حامد التفت لحنان:اتصلي ع عيلة ال(..) وبشريهم ان حفيدتهم حيه


حنان هزت راسها بايه وراحت بسرعه تتصل وفرح للحين تبكي
&&&&&&&&&&&&&&&&&&&&&&&&&&&&


نزلوا من السياره ودخلوا القصر الكبير والجد قام لهم وبفرحه:هلا وغلا والله بناادر وهدى هلا


نادر استحى وهدى بس متفرجه وسعيد شايلها:هلابك يا الغالي


باس راس ابوه ونادر باس راس الجد ايلي مبسوط فيهم:كيفك يبه ؟


نادر:الحمدلله وانت يا عمي؟


الجد:لالالا وش عمي هاي ازعل منك ناديني يبه


نادر استحى:تآمري يبه


الجد التفت لهدى وباس خدها:الله يحفظك ويخليك لعين ترجيك


هدى بس تضحك وسعيد ابتسم لضحكتها الحلوه ودخلت الجده وبفرحه :هلاا بالناادر هلا بالهدى


نادر راح لعند الجده وباس راسها والجده باست خده:حبتك العافيه يمه


نادر ابتسم لها لانها اتذكره بامه :الله يعافيك خاله


الجده:هااو يا ولدي وش له داعي خاله انا امك من الحين ورايح وانت في مقام بندر وسعيد ورامي وياسه


الجد بابتسامه:سعيد هات البنت ونادي باقي العيال


سعيد عطى ابوه هدى وراح ينادي اخوانه وعيال اخوانه ونادر جلس جنب الجد ايلي يضحك هدى وهدى ما اتقصر في الضحك شغاله والجده جنبه وتمسح ع شعره:هاه يمه تبي عصير تبي ماي تبي آكل تبي اتنام وش تبي يمه؟


نادر ابتسم لحنان:ما ابي الا سلامتك يمه


الجده:الله يسلمك ويحفظك يمه


دخلوا العيال وعيالهم وهم يشوفون نادر وهدى بنظرات عجيبه ما عدى ياسه وسعيد وعياله ايلي هم ,,بسمه ونغم ايلي بعمر نادر واصغر اشوي,,, وقربوا منه وسلموا عليه بس نادر ما فاتته نظرة الكره بعيون بندر ورامي له والجد وقف وبابتسامه:هذا ولدي البكر بندر وعياله خالد 9 سنوات وحسن 7 سنوات وحمد 5 سنوات وفجر سنتين يمه


خالد قرب من نادر وسلم عليه وبابتسامه مغصوبه :كيفك؟


نادر سلم عليه عادي:الحمدلله وانت؟


خالد بكره ما فات نادر:تمام


جا حسن وحمد معاه:حياك


نادر:الله يحيكم


حمد ابتسم له بس حسن كشر بوجهه ووقفوا جنب خالد والجد كمل:هذا ولدي رامي وعياله جوري 6 سنوات وجسار 3 سنوات يمه


نادر ابتسم لجوري وجسار ايلي ابتسم له بس جوري طنشته ع كلام ابوها ونادر طنشها بعد وجا سعيد له:ناادر هذي بنتي الحلوه بسمه 7 سنوات ونغم 5 سنوات


نادر ابتسم لهم:هلا


بسمه استحت:اهلين


نغم تضحك وما قالت شي وسعيد مشى وياسه قربت منه وهي شايله ولدها منصور سنة ونص:هلااا ندوري


نادر ابتسم لها وهي باست خده:هلابك زود


ياسه:الله يحفظك يا رب


الجد:من الحين ورايح نادر وهدى بيعيشون معانا لانهم عيال الغاالي الله يرحمه فهمتوا


رامي وبندر هزوا راسه بايه وهم كارهين هالنادر من سيرة اخوه وياسه وسعيد راحميينه عشان كذا يحبونه والجده:يلايلا كلكم ع الغدا يلا


شلت هدى ومشت ونادر مشى معاها والكل اتوجه ع الغدا ونادر بداخله:يا الله الظاهر هالعيله كارهتنا الله يعيناا يا هداوي كل هذا عشانك بس (اتذكر فرح)ليتك معانا فروحه
&&&&&&&&&&&&&&&&&&&&&&&&&&&&&


دخلت حنان غرفة حامد ايلي شايل فرح ايلي للحين تبكي:حاامد يقولون انهم ما يبون وحده اتجيب الحظ السيء


حامد بصدمه:مين ايلي قال؟؟


حنان بحزن:اهل راشد ال(..) قالوا على فرح لانه بنتهم وامهم ماتت وهم يحاولون يشردونها ويبعدونها عن خالها ايلي قتلوه


حامد بصدمه اكثر:قتلوا مين !!


حنان:يوو حامد خلاص عاد لا تسويلي فيها الغبي


حامد بقهر:والله ماني فاهم وش اتقولين


حنان :قالوا ان عزام ال(..) هو ايلي قتل نجوى وراشد الله يرحمهم وقتلوه هو وزوجته وامهم ماتت بجلطه قلبيه


حامد بهمس:لا اله الا الله


حنان:اقولك هدى ونادر ايلي يسيرون خال فرح وبنت خالها عايشين الحين مع عيلة ال(...)


حامد باستغراب:هالعيله صاحبة عيله ابراهيم ال(..)


حنان:ايووه هاه وش قلت انوصل هالبكايه لعندهم


حامد كسرت فرح خاطره:ايوه بنوصلها لعندهم اكيد ويلا بنحرك الحين


حنان هزت راسها بايه ومشت وحامد مشى وراها وفرح تبكي للحين ومو راضيه تسكت
&&&&&&&&&&&&&&&&&&&&&&&&&&&


رواية روح الله يخليك ما تباني بعد ما ابيك
&&&&&&&&&&&&&&&&&&&&&&&&&


عيون مامي




توووقعاااتكم للبارت الجااي ^^

 
 
رد مع اقتباس
 
 
   
  #3  
قديم 19-11-2012, 12:59 AM
الصورة الرمزية اميرة
:: رومانس مون متفوق ::
______________
View اميرة's Photo Album  اميرة غير متواجد حالياً
 
رواية روح الله يخليك ماتبيني بعد ما أبيك / الكاتبة : عيون مامي , كاملة




رواية روح الله يخليك ما تباني بعد ما ابيك
&&&&&&&&&&&&&&&&&&&&&&&&


عيون مامي
&&&&&&&&&&&&&&&&&&&&&&&&&&&



البارت الثالث (فرحه ومأساة ابطالنا)



وصلوا لبيت مساعد ال(..)~ابو سعيد~ ونزلت حنان وحامد معاها ومعاهم فرح ايلي نامت من كثرت البكاء في الطريق وحنان بهمس:حمود خلنا انروح ونيجي وقت ثاني الحين الساعه 2 بالليل


حامد هز راسه بلا ومشى لعند الباب وحنان وراه وهي متفشله ودقوا الباب....... الكل كانوا قاعدين في الصاله ويسولفون والعيال يلعبون ما عدى نادر ايلي جالس جنب سعيد ويشوف هدى ايلي بحضن ياسه وتلعبها واول ما دق الجرس التفت له ورامي قام يفتح وباستغراب:هلا


حامد:اهلين هذا بيت مساعد ال(..)


رامي:ايوه مين انت


حامد:انا حامد ال(...) وهاي بنت راشد ال(..) فرح


رامي يشوف فرح وبسخريه:والمطلوب


حامد:مو نادر وهدى ال(..) هنا؟


رامي:ايوووه وانت جاي ترمي علينا هالبلوه بعد


سعيد حس ان في شي وقام وشاف فرح وحامد:وش فيه!


حامد يشوف سعيد :هاي فرح بنت راشد المرحوم


سعيد يشوف فرح :آآهاا ومين وين جبتها؟


حامد:خالتها وجدتها اتعرضوا لحادث سقوط الطياره وهي ايلي نجت مع كم وحده بعد بس الزبده ان عيلت راشد ال(..) ما يبونها ومتبرين منها قلت بجيبها لعند اخوالها


سعيد بحنان:طيب هاتها وشكرا ما قصرت


شل فرح ايلي نايمه وتعبانه من كثرة البكاء ودخل وحامد وحنان رجعوا للدمام المكان ايلي سقطت فيه الطايره ورامي بقهر:انت ليه دخلتهاا !!!


الجد يشوف فرح بعد ما فهم السالفه من سعيد:الله يهديك يا وليدي خل البنت مع خالها وبنت خالها وش المشكله فيه


بندر بسخريه:وش المشكله يا الغالي احنا مو فاتحين حضانه


الجد بعصبيه:اووص ولا كلمة انا ايلي كلمتي تمشي هناا فاهمين


رامي:ما قلنا شي يا الغالي بس هذيلا عيال السفاح


الجده بقهر من عيالها وحرقة قلب ع الصغار المساكين:خلاص اسكتوا


نادر ظل يسمع كل كلمة قالوها والدموع اتجمعت بعيونه بس لاا ما راح يبكي مشى لعند فرح وهو يتآملها وابتسم وبداخله:تشبهك يا نجوى حيل


فرح فتحت عيونها وشافت وجه نادر وضحكت وهدى اول ما سمعت ضحكتها بدت تضحك كماان ونادر ابتسم وحس بقلبه ينبض بقوه لان بنات اخوانه معاه وهو سندهم الحين ...ياسه بحنان:شكلهم تعبانات ونادر كمان يلا نوم كلكم


كل العيال راحوا ينامون وهم يتحرطمون ونادر وفرح وهدى راحوا غرفة لحالهم وبالفعل نامو جنب بعض ونادر مبتسم ويتمنى انهم ما يبعدون عنه
&&&&&&&&&&&&&&&&&&&&&&&&&&&&&


مرت الاسابيع والشهور والسنين وكبروا ابطالنا


صار عمر نادر 14 سنة وهدى وفرح 7 سنوات ويوم بعد يوم يزيد كره العيله لهم ما عدا الجد والجده وسعيد ايلي راحمينهم ويحبونهم ...نادر كان جالس ع درج البيت وفرح وهدى جنبه وكل وحده من جهه وفرح لفت لنادر:اقول ندوش


نادر بملل:مو ندوش انا نادر


فرح بعناد:لااا بناديك ندوش


هدى بدلع:وانا بناديك ندور وش قلت؟


نادر ابتسم :ندور اوك بس ندوش لا


فرح بقهر:وليه لاا حلو الاسم


نادر:لا والله ماهو حلو


هدى:واككك اسمي احلى احبك ندور


فرح بطفش:لا تموتين علينا بس


هدى اشهقت وبرقه:لا تدعين علي بالموت يا المهبل


فرح التفت لها وبصدمه:انا مهبل يا الدلخه


هدى بدلع :ماحد دلخه غيرك انا البرنسيسه


فرح:ههههههـ وش ذا برنسوسه


هدى:برينسيسه يعني ملكه قالتلي بسمه


نادر ابتسم:بسمه ونغم حبوبات صح


فرح بغرور:انا اصلا ما احب ولا احد يحبنا


نادر التفت لها:فروحه عيب


فرح بطفش:لا عيب ولا شي انا بس احب بابا مساعد وماما خزون~الجده


هدى ع نياتها:لا والله منصور قال انه يحبنا كمان


فرح:عشان امه مو من قلبه


نادر:خلااص عاد احمدي ربك عايشه بعز


فرح سكتت وما ردت عليه وهدى وقفت ومسكت ايدين فرح:قومي انشوف لنا زهره حلوه نعطيها ماما خزون


فرح ابتسمت لهدى وقامت معاها ونادر يشوفهم وسرح(صح كلامك يا فرح محد يحبنا الا عمي سعيد وابوي مساعد وامي خزون ويمكن ياسه وعيالها وبسمه ونغم بس ) سمع صوت صراخ فرح ورفع عيونه وشاف حمد وحسن وجسار قطعوا الزهور ايلي قطفتها هدى ايلي تبكي بنعومه وفرح بعصبيه:انتوا اييه وش تبون !!


حسن بكره:هذي زهورنا


حمد:ايوه انتوا مو من عيلتنا اطلعوا برع


نادر عصب وهو يشوف الدموع تتجمع بعيون فرح بسرعه وقف وبصراخ:انتوااا


حمد وجسار يخافون من نادر وسكتوا وحسن التفت له وهو يكرهه ويعتبره عدوه اللدود:وشو انتوا بعد يا الوقح يا خو السفااح


نادر بقهر وعصبيه:شووف يا حسن انا صح سكتت عن عيلتي واهاناتك لهم عشان خااطر ابوي مساعد بس الا هدى وفرح لو مسكت شعره منهم والله ما اتلوم الا نفسك


حسن بطفش :وش بتسوي مثلا هذا بيتنا وانت ايلي بتطلع منه وابوي مساعد جدناا معقوله بيفضلك انت وهالثنتين الحثاله على احفاده !!!!


جسار شاف نادر يشوف حسن بقهر وعيونه تسود:حسن خلاص


حسن مستمتع:لالا خلوه يعرف مستواه ومستوانا


نادر شاف هدى وقرب منها:هدوي


هدى تبكي وفرح اتشوف حسن بقهر وكره ونادر مسك كتوف هدى:خلاص هدوي


هدى ضمت نادر وهي تبكي:ندوور قوولهم يبعدون عناا اهىء اهىء


فرح بغرور:خليهم ياشيخه يغارون مناا


حمد باستغراب:وليش انغار منكم


فرح:عشانا احفاد ال(...)~عيلة نجوى وعزام ونادر


جسار بسخريه:ايوه العيله السفااحه


هدى التفت لهم وهي تبكي ونادر التفت لهم وهو مل من هالموال :خلاص فروحه


فرح التفت له وهي مقهوره:وليه نسكت عنهم


نادر:خلااص تعالي انتي وهدوي


مسك ايدين هدي ومشى وفرح عطت نظرة استحقار ومشت ورا نادر وهدى وجسار شاف حسن وحمد:تبون الصراحه فرح حلوه


حمد:لا انا تعجبني هدى


حسن بسخريه:فااضي انت وياه هذيلا احفاد ال(..) كلهم حقاره وحثاله مو من مستوانا
&&&&&&&&&&&&&&&&&&&&&&&&&&&&


دخلوا غرفتهم فرح بقهر:اوووف لو تركتني عليهم


نادر بعصبيه:وش اتركك عليهم انتي نسيتي ان كل كلمة قالوها صحيحه


هدى جلست ع السرير ووجهها احمر وخشمها وعيونها كمان ,,, فرح بسخريه:والله هالحسن يباله كفين يبآدبه


نادر اتنهد والتفت لهدى:خلاص هدوي انا ما ابي دموعك تنزل ع كلام واسباب سخيفه مثل كذا


هدى هزت راسها بايه وفرح التفت لها وحطت ايدها ع كفتها:خليك قوويه مثلي


هدى برجاء:لا خلاص بكون قويه بس مثلك لا


نادر:هههههههههههههههههههه اما انتي فروحه كائن غريب ههههههه


فرح:مالت عليك انت وهيي


دخلت نغم وبابتسامه:هدوي فروحه تعالوا نلعب برع في الحديقه الكل هناك


نادر ما التفت لها وهدى سرحانه بكيف اتغير نفسها وفرح التفت لنغم :كل عيال الانس


نغم :فروحه ما ارضى ع عيال اعمامي


فرح:طيب راح نيجي صح هدوي وندوش


نادر وهدى التفتوا لها وابتسموا ونغم:يلا يلا انا تحت


نزلوا الثلاثه مع بعض وشافوا خالد وحسن وجسار وفجر ومنصور وبسمه وحمد وجوري جالسين ومسوين دويره في الحديقه وياسه ورامي جالسين ع الكراسي ويسولفون وبنت ياسه عذاري عمرها سنتين جالسه بحضنها ....فرح جلست جنب بسمه وجوري شافتهم بكره:مين ناداهم ؟


بسمه :اوف جوري عيب عليك هالكلام


جوري:ليه وش قلت انا محد يبيهم صح


حمد بتآيد:ايوه ايوه محد


نادر ما جلس لا هو ولا هدى وفرح بغرور:اقول اطربونا بسكوتكم اصلا انا جايه عشان نغومه فديت روحها


نغم ابتسمت لها وبسمه:آآفا واناا !!


فرح تضحك:حتى انتي


ياسه التفت لفرح:ما شاءالله يا رامي هالبنت يوم بعد يوم تبهرني اكثر هي وهدى


رامي ما التفت لهم وبلا مبالاه:وشتبين فيهم اهل السفاح


ياسه:حرام عليك رامي


رامي:لا حراام علي ولا اي شي هذيلا اصلا ما يستاهلون نص ايلي يسوويه ابوي عشانهم


ياسه:رامــ... >>سمعوا صراخ بندر وسعيد والجده:مساااعد !!


نادر وهدى وفرح اول ما سمعوا اسمه قاموا وطيراان ع القصر وشافوه طاايح ع الارض ويلقط انفاسه الاخيره والجده تبكي عنده :مسااعد اذكر الله اتشهد يا مسااعد


سعيد يتصل ع الاسعاف وهو مرتبك وبندر يحاول يشيل ابوه بس هو ثقيل ~هالظاهره الى الآن ما لقوا لها تفسير وهو ان عندما يوشك الانسان ع الموت يثقل جسمه ~والجده تبكي:اذكرر الله يا مسااعد اذكر الله


الجد يتنفس بصعوبه:نـــ....ـــادددر...رر


نادر جا لعنده ركض وهو يبكيي:يبااه يباااه


الجد شاف نادر بس بندر دز نادر بعيد عنه:قوووم عنه


هدى تبكي وفرح اتشوفهم بصدمه:العوود


ياسه دخلت هي ورامي وهم يصارخون:الغااالي


العيال دخلوا وانصدموا من منظر الجد وبدوا يبكون ونادر يبكي وينادي:يبه يبه
&&&&&&&&&&&&&&&&&&&&&&&&&&&


ثالث ايام العزاء


نادر كان جالس بالدرج ايلي عند المجلس وموطي راسه ويبكي وهدى وفرح واقفات جنبه وعيونهم عليه وهم خايفات من ايلي جااي ...طلع رامي من المجلس والتفت شافهم اتذكر ابوه وبقهر:انتوا للحين هناا !!!


نادر رفع عيونه له ورامي بعصبيه:برااا يلا كلكم برااا


فرح بطيلة لسان:ما راح نطلع هذا بيت ابووي


رامي بقسوة:ابووك ماات مااااااات وايلي قتله خااالك ابوو ايلي جنبك واخو خالك ايلي فرحانه فيه


فرح امتلت الدموع بعيوونها وهدى بكت :ليه تكرهونا ليه !!


رامي اشر ع الباب:اطلعواا برااا بسرعه قبل ما ارميكم رمية الكلااب


نادر وقف وبحقد:والله ثم والله راح تندم ع اللحظه ايلي هنت فيها عيلة ال(....)


مسك ايدين فرح وهدى وطلع من القصر ايلي كبرت فرح وهدى فيه ووقف في الشارع وماهو عارف وين يروح وفجأه ...
&&&&&&&&&&&&&&&&&&&&&&&&&&&


رواية روح الله يخليك ما تبيني بعد ما ابيك
&&&&&&&&&&&&&&&&&&&&&&&&&&


عيون مامي


 
 
رد مع اقتباس
 
 
   
  #4  
قديم 19-11-2012, 01:00 AM
الصورة الرمزية اميرة
:: رومانس مون متفوق ::
______________
View اميرة's Photo Album  اميرة غير متواجد حالياً
 
رواية روح الله يخليك ماتبيني بعد ما أبيك / الكاتبة : عيون مامي , كاملة




رواية روح الله يخليك ما تبيني بعد ما ابيك
&&&&&&&&&&&&&&&&&&&&&&&&


عيون مامي
&&&&&&&&&&&&&&&&&&&&&&&&


البارت الرابع (بداية الرواية )


مسك ايدين فرح وهدى وطلع من القصر ايلي كبرت فرح وهدى فيه ووقف في الشارع وماهو عارف وين يروح وفجأه وقفت سياره قدامه وفتح الدريشه وشاف نادر:وش موقفك هنا؟


نادر ابلع ريقه وبقوه:اتووكل


الشاب عقد حواجبه:عندك مشكله صح؟


نادر ما رد عليه وفرح بعصبيه:ما سمعته قاالك اتوكلك يلا انقلع


هدى ظلت ساكته وهي خايفه حيل والشاب ابتسم بخفه:اقول اركب يا رجال الظاهر ما عندكم اهل


نادر بقهر:ما راح اركب ويلا حرك من قدامي


الشاب:شوف انا واحد من عصابة الرياض تعرفها ولا؟


نادر باستغراب:لا وش هاي؟


الشاب طلع من السياره وقرب منهم:انا معاذ واحد من عصابة الرياض واحنا انعيش في ****** وكلنا ايتام هاه تدخلون معانا ولا لا


نادر يشوفه بقرف وهدى ترتجف وفرح اتشوف بغرور والشاب كمل:ودك تيجي تعال معنا ويوم اتلاقيلك شغله وبيت تقدرون تتركونا هاه وش قلت ؟


نادر بجديه:والله لو آذيتنا ما بتشوف خير


الشاب ابتسم له وركب وفرح وهدى ونادر ركبوا ورا والشاب حرك وهم يشوفون القصر ايلي بيودعونه وما راح يشوفونه بعد اليوم
&&&&&&&&&&&&&&&&&&&&&&&&&&&&&


الجده خزون تبكي:وينهم !!


ياسه تبكي:مدري يمه ما لقينااهم


بندر بعصبيه:والفلوس ايلي في الخزانه يمه نصها مسروقه


الجده تبكي بحسره:لا لا لا تقولوون سرقوهاا وانحاشوا


سعيد بحقد ولاول مره يحقد عليهم:هذا الظااهر


رامي:صدق ما يستحوون بعد ما دخلناهم في بيتنا وعيشناهم في عزنا يسرقونا الله يرحمك يبه


الجده بحسره وهي تبكي:الله يهدييهم الله يهديهم وشلوون يسرقوون وهم تربية ايدي وشلوون !!!!


بندر ورامي شافوا بعض وابتسموا لبعض بخفه ومحد لاحظهم وياسه وسعيد مقهورين حييل من هالسرقه .... خالد التفت للعيال:شووفتوا قليلين الحيا سرقونا


حسن بعصبيه:انا قلت هذيلا يبالهم تآديب


حمد:اووف وش هالمصيبه


جوري اتشوفهم بغرور وكبرياء:فكه منهم الموهم انهم انحاشوا وفكونا منهم


بسمه ونغم ظلوا ساكتات ومصدومات من هالسرقه من هدى وفرح ونادر !!!
&&&&&&&&&&&&&&&&&&&&&&&&&&


وصلوا لحاره فقراء ما اتعودوا يشوفونها في روتين حياتهم ابدا وطلعوا من السياره وكملوا مشي لعماره معويه واتقولون اشوي واتطيح من انعوائهاا وهدى وفرح اتمسكوا بنادر ايلي التفت للشاب:حمود


حمود~الشاب~:يا هلاا


نادر:وش هالعماره ما اتخافون اتموتون فيها؟


حمود بصدق:وش نبي من الدنيا عشان انخاف من الموت


نادر ل يشوفه وهو ساكت وحمود دخل:حيااكم


دخل نادر وهو ماسك ايدين فرح وهدى وشافوا مجموعة بنات وعيال من كل الاعماار واول ما دخلوا الكل التفت عليهم وسكتوا بعد ما كان ازعااج وحمود بصراخ عشان يسمعه الكل:اسمعوني هذيلا يتااامى ومن الحين وراايح دخلوا عصاابة الريااض فاهمين فرح وهدى وناادر (التفت لهم)اتعرفوا ع العيله البخيله


الكل اتقدم لهم وبدوا يتعرفون عليهم وفرح عجبها الوضع بس هدى خاافت اكثر ونادر عادي عنده الوضع وهمه الانتقام من عيلة مساعد ال(...)
&&&&&&&&&&&&&&&&&&&&&&&&&&&&



التعريف بالشخصيات ^^



نادر 27 سنة وسيم ويطيح بنات المملكه كلهم شعره اسود وعيونه سود وناعسه وبشرته سمرا وجسمه معضل ورياضي درجة اولى ويموت في هدى وفرح متخرج من الجامعه وعنده شهادة جامعيه في الهندسه والانجليزيه يشتغل في شركة (مهندس معماري)



فرح 20 سنة شعرها اسود سواد الليل وكيثف يوصل لخصرها وقاصته مدرج وعيونها زيتيه واسعه وفاتحه ورموشها كثيفه وطويله مرره وبشرتها بيضا بالقووه شفايفها محمره خلقه وعندها غمازتين في خدودها وما تختفي من عند خدودها هههـ عنيده ومغروره درجة اولى وشخصيتها قويه ولسانها طويل وجسمها عذااب ضعيفه وعندها صدر ومؤخره تدرس في الجامعه تخصص محاسبه (رياضيات) واخذت سمستر انجليزي



هدى 20 سنة شعرها لونه الطبيعي اسود بس هي صبغته برتقالي مع خصل شقرا ويوصل لخصرها بس قاصته فراوله وعيونها لونهم عسلي ناعسه ومشقره حواجبها بشرتها برونزيه وشفايفها مورده خلقه وجسمها حلوو مررره متناسق وضعيفه وكل شي فيها صغير مثل عارضات الازياء وهي انسانه ايتيكيت ونعوميه ودلوعه انثى بمعنى الكلمه واتموت في فرح وتعتبرها توأمها ايلي ما جابتها امها وفرح نفس الشي تدرس في نفس جامعه فرح بس هي تخصصها جيولوجيا ونفس الشي اخذت سمستر انجليزي




اشوي اشوي راح تدخل شخصيات بالرواية وراح نتعرف عليها
&&&&&&&&&&&&&&&&&&&&&&&&&&&&


طبعا نادر بعد ما اتخرج من الثانويه لقى له شغله واستأجر بيت وعاش هو وهدى وفرح بعيد عن عصابة الرياض وبعيد عن حارتهم بيت شعبي عاادي ^^



طلع من غرفته وهو يسمع هوااشهم كالعاده اتنهد ومشى لعند المطبخ وبملل:انتوا ما اتملون


فرح التفت له :هلا ندوووش


نادر:الناس يقولون صباح الخير


هدى ابتسمت له :صبااح النوور


فرح:صباح الورد والسرور والعنبر والياسمين والجوري للحلوين


نادر ابتسم لها:لهالدرجه انا حلو


فرح بغرور:ايوه بس انا احلى


هدى بنعومه:هههههههههههههـ


نادر جلس ع الكرسي:اقول اسكتي انتي وهي وسويلي الفطور يلا قبل ما اتاخر


فرح تقلي البيض:انا اصلا كنت اسوي لك الفطور بسلام قبل ما تدخل هالهداوي


هدى بنرفزه:قلت لك اسمي هدوووي ولا هدى اكره اسم هداوي


نادر:اجل وش اتقولين ع حالتي انا اتناديني ندوش اونه وش دخله


فرح بعناد:بكييفيي انا سبيشال اصلا


نادر:ايه ايه اخلصي بس


فرح بعصبيه:ندوووش لا اتخليني اهون وما اسويلك فطور


نادر:وانتي تقدرين ع زعلي


هدى:هههههههههههههههههه ما اظن


فرح التفت لها وعطتها نظرة وهدى خافت ونادر يضحك عليهم :والله انك حفله يا فرح بس بدون كيكه


فرح:ايه ايه صح صح الموهم هااك بالعافيه >مدت له صحن البيض


هدى قامت من الكرسي وجابت له عصير برتقال من الثلاجه وعطته له :سمي


نادر ابتسم لها وبدى ياكل وهدى اكلت لها تفاح وفرح ما اكلت شي وظلت اتشوف نادر وهي سرحانه ونادر لاحظها واول ما خلص:الحمدلله شكرا يا شيف فروحه


فرح ما انتبهت له :-------------------


هدى باستغراب:فروحه


فرح التفت لهم:هاه هلا هلا


نادر:وشفيك؟


فرح:افكر بطريقة ننتقم فيها من عيلة ال(...)


نادر اتنهد:خليها ع ربك


فرح:لمتى ؟؟؟


نادر بنص عين:وانتي ليه مستعجله في كل تاخيره خيره


فرح زفرت:حااضر يلا هدوي خلينا انروح الجامعه


هدى هزت راسها بايه ولبست عبايتها ومشت هي وفرح ونادر لسياره نادر الفتك وركبوها وفرح بدت اتسوولف عن بنات الجامعه لنادر ونادر يبتسم لها وهدى اتراجع لامتحانهاا
&&&&&&&&&&&&&&&&&&&&&&&&&&


رواية روح الله يخليك ما تبيني بعد ما ابيك
&&&&&&&&&&&&&&&&&&&&&&&&


عيون مامي

 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة








الساعة الآن 11:05 AM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net