صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة






الرجاء استخدام خاصية البحث أدناه للبحث في الموقع:









إضافة رد
 
أدوات الموضوع إبحث في الموضوع انواع عرض الموضوع
  #1  
قديم 20-11-2012, 04:57 AM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
روايتي الأولي : آهات جروح حزينة / كامله




بسم الله الرحمن الرحيم





السلام عليكم ورحمه الله وبركاته





أمابعد.......





هذه قصه ألفتها بنفسي وحبيت أشارككم فيها وهي للمره الأولى تنعرض في النت وحبيت أعرضها حصريآ على هذا المنتدى وهي أول مشاركه لي في هذا المنتدى أتمنى أنها تنال إعجابكم





وأتمنى عدم نشرها أونسخها بدون إستئذان





تقبلوا تحياتي الوديه والقلبيه مني لكم





لوحـــه خــــواطرفنان







للمعلوميه:





(قبل أن تقرأ هذه القصه تذكر بأنك لاتستطيع أن تتحكم في قدرك وقد يرزقك الله زوج أوزوجه ليس فيها شي تتمناه





فلاتتسخط لكي لايصبح الندم أسيرك ومهما جائتك من مصيبه أحمدالله على نعمه فقديكون لدى الإنسان اللذي أرتبطت به شيء أنت لاتملكه فإن الله يرى القلوب ولايرى الوجوه وفي ذلك حكمه قدرها لنا سبحانه ونحن لانعلم ماهي فسبحان الله على كل شي).










(أهــــــــــــــــاه جـــــــــــــــــروح حـــــــــــــــــزينه)





تقول الناس نفسك وش بلاها





ولايدرون باللي متعبني وعيني وش اللذي كدرسماها





ليتني صارحتها ليتني ماطلقتها





كانت يمي وأصبحت سراب بعدماأهنتها





وجرحتها وأبعدت عني وكانت يمي وأنااللي أبعدتها





ليتني ماطلقتها....أه....ليتني ماطلقتها





خنتها مع بنت عمي وبعدماخنتها حبيتها وعشقتها





شفت نفسي عليها بالنسب والمال والجمال





وجاملتهاودلعتهالاكني ماقصدت الدلع لها





كنت أبي أتزوج بنت عمي وليتني مافكرت بالزواج بها





وطلقت شهدبلاسبب حسبت أني أقدر أعيش من دونها





ومن بعدهاصرت حزين أمشي بلاهدف ووحيد





تعبان ماأعرف الإبتسامه حيران وزادت نفسي ملامه





ليتني ماطلقتها.......أه.........ليتني ماطلقتها





خذوا عمري كله لأجلها بس ردوا لي شهد





اللي أسحرتني بطيبها ونيتهاالطيبه وحنانها





هي الوحيده اللي فهمتني





من بين كل اللي هم حولي





وينها عني مادرت أني من بعدها تعيس





ليتني ماطلقتها.......أه.........ليتني ماطلقتها






هذي خاطره كتبهابندربدم قلبه وبإحساسه المرهف بعدماطلق زوجته شهد عشان يتزوج حبيبه قلبه بنت عمه عهود





وكانت هذي هي النتيجه مرض نفسي وحزن كبير لايطاق ووحده بالحيل قويه





أدري مافهمتوا شي وإذا تبون تفهمون أكثرأنزلوا تحت وبتعرفون كل شي











هذي قصه حب غريبه وعجيبه أبتدت بعلاقه بسيطه وأستمرت ثمان سنين وأنتهت في لمحه بصر






أبتدت في عام:1416هجري إلى عام:1430هجري.





كانت هذي قصه بندروعهود قصه ماتنوصف إلى في الخيال البعيد





ماأبي أحمسكم أكثرمن كذى راح أقولكم القصه بس قبل لاأذكرها لكم راح أعرفكم بأهل عهود وبندر.






(بيت أبوبندر)





أبوه والملقب بأبوفهد:50سنه طيب وحنون وعلى نياته همه سعاده عياله وصله الرحم





كريم ولايبخل على أحد يشتغل بالتجاره ويملك شركات ومؤسسات وبينه وبين أخوه أبونايف شراكه ومعروف بالرياض.





أمه والملقبه بأم فهد:48سنه القلب الحنون همها ولدها فهد طبعآ لأن أسمه على أبوها لاكنها تحب بندركثيرلأنه حنون عليها أكثرمن أخوانه.





عندهم خمس أولاد وثلاث بنات وهم:





1:فهد:25سنه مهندس ويدرس في الخارج وسفراته ماتنتهي , ملتزم وينصح الشباب دايم.





2:محمد:22سنه جامعي قسم تجاره وإداره أعمال يحب ينكت ويستعبط ويحب يخاوي عيال عمه وأخوه بدر وهمه الوناسه والفرفشه وبس.





3و4:بندر وبدر:20سنه توأم متشابه جدآ صعب التمييز بينهم مايفترقون لووش يصير طول وقتهم مع بعض يفهمون بعض بالنظرات





وتفكيرهم واحد وقلبهم واحد وطموحهم واحد وكلهم رومنسيه ولويجلس معهم أحد ضيع بينهم, يدرسون في الجامعه مع بعض وفي قسم فنون تشكيليه.





5:تركي: 5سنوات وهوأخرالعنقود دلوع بشكل لايطاق طلباته أوامر.





والبنات هم:





1:نوره:18سنه حياتها كلها فداء لأخوها محمد تحبه وتموت فيه وتحب تلعب مع الأطفال وتعشق الإستهتارتتمصلح كثير لاكن همها صديقاتها وسعه صدرها وبس ومطنشه العالم وعايشه بعالمها الخاص لاكنها أقرب الناس لعهود بنت عمها.





2:ريماس:أكبرمن بندروبدربسنه تدرس بالجامعه قسم علم نفس تحب تحلل شخصيات الناس وأقرب الناس لها بندر.





3:نجود:29سنه أكبرأخوانهاتحب بندر كثير لدرجه أنها مسميه ولدها عليه وقتها كله على النت , متزوجه وزوجها يموت فيها





عندها ولدين وبنت وهم:





1:خالد:9سنوات.





2:بندر:4سنوات.





3:بدور:6سنوات.






(بيت أبوعهود)





أبوهاوالملقب بأبونايف:70سنه معروف بالكرم والحلم والطيبه هووأبوفهد أخوان ويشتغلون مع بعض في التجاره وشغلهم واحد.





أمهاوالملقبه بأم نايف:54سنه طيبه جدآ وصارمه مابين عليها الكبر واللي يشوفها يعطيها سن الأربعين.





عندهم أربع أولاد وأربع بنات وهم:





1:راكان:6سنوات أخرالعنقود دلوع بالمره وطول وقته مع تركي ولد عمه.





2:متعب:24سنه يدرس مع فهد بالخارج ملتزم ودايم ينصح الشباب.





3:خالد:22سنه يعشق السرعه والتفحيط وهمه الإستعراض يخاوي محمد ولد عمه أبوفهد.





4:سعود:أبوالدجه ....لاتعليق!!!!.





نايف والملقب بأبووافي:40سنه يشتغل مع أبوه وعمه في التجاره ومتزوج وعنده ثلاث أولاد وبنتين وهم:





وافي:25سنه مسافرللخارج ويحضرالدكتوراه مع عمه متعب وفهد لأنهم أقرب الناس له وهوملتزم ودايم ينصح الشباب.





فيصل:20سنه مكرس حياته لخدمه عمته عهود ويوصل لها أخبار بندر بالتفصيل جامعي ويدرس مع بندروبدر في نفس القسم فنون تشكيليه.





عبدالعزيز:22سنه يحب يجنن عهود لاكنها ناشبه في حلقه.





وبنات نايف هم:





1:ندى:18سنه تدرس في الثانوي قسم علمي.





2:غرام:16سنه متعلقه بعمها خالدلأنها تحب الدجه مثله.





وأخوات عهود هم:





1:أختها الكبيره سلمى والملقبه بأم مشعل 38سنه دائمآ تنصح عهودوعهد وعندهاثلاث أولاد وبنتين وهم:





1:مشعل:23سنه أبوالرومنسيه وطول وقته مع بندر.





2:نايف:18سنهدايم يطلع جنيه خالته عهود.





3:نواف:5سنوات دلوع جدآ بشكل لايطاق.





وبناتها هم:





1:مشاعل:22سنه مثقفه وجامعيه وعاقله ودايم تنصح.





2:نوف:20سنه جامعيه قسم فنيه عشقها المباريات والرياضه وتقدر تحلل المباريات تحليل دقيق , تشجع فريق الهلال.





أخت عهود الثانيه هي:





منيره والملقبه بأم مشاري:27سنه مدرسه علم إجتماع وعندها ولدين وبنتين وهم:





1:مشاري:22سنه دايم يخاوي مشعل وبندر.





2:طلال:20سنه دايم يخاوي خاله خالد وجماعته المهستره.





وبناتها هم:





1:ريم 18سنه صديقه خالتها عهود دلوعه بالمره وحياتها كلها أفلام هنديه.





2:شوق:7سنوات.





أخت عهود الثالثه هي عهد:21سنه أقرب الناس لعهود وكل أسرارها عندها.





وأخيرآ وليس أخرآ عهوداللي تتكلم عنها القصه:19سنه جامعيه قسم أدب مرحه وحبوبه والكل يحبها لاكنها شابفه نفسها ومغروره في جمال سبحان من خلقها وعذوبه صوت غير طبيعيه ماخذه عقول الكل بسبب جمالها لاكن كل هذا ماراح يفيدها.






عرفتكم بالعائلتين والحين بسرد لكم القصه :









(الجزءالأول من القصه)













يوم الإربعاء الساعه ثلاث الفجروفي فصل الشتاء





(في بيت أبوفهد)





(وفي غرفه البنات)





كانت نجود صاحيه مابعد نامت وجالسه وفي أذنها السماعه تكلم زوجها تركي وكالعاده يتغزل فيها وهي تتغلى عليه





تركي:يالله حبيبتي متى أجي أخذك.





نجود:ليه مستعجل على رزقك.





تركي:لابس البيت من دونك كئيب أشتقت للأولاد وإزعاجهم.





نجود:لإزعاجهم ولالأمهم.





تركي:هههههههه,حبيبتي حرام عليك والله أن عندي دوام بعد ساعتين بس ماقدرت انام ياقمر حن علينا وتعال تبي ننام في حضنك.





نجود ولع وجهها وصارأحمر من الخجل (ماتنلام زوجها نشبه ويحرجها دايم بكلامه الحلو).





تركي:ألوه حبيبتي نجودي وينك.





نجودأرتبكت وقالت:اناموجوده بس بروح أصلي الفجرماصليت .





تركي:عليناهالحركات أصلآ أطلعوا من الصلاه لهم نصف ساعه ومن شوي تقولين صليت.





نجود:......هاه أااااا(توهقت الحرمه) بصراحه بروح أصحي العيال عشان يفطرون مع خوالهم وبروح أصحي نوره اختي خلاص تركي سكر السماعه.





تركي بحنيه:حبيبتي قلبي عمري أنتي .





نجود:خلاص أستحي.





تركي:أحبك.





نجود:بس خلاص والله أستحي.





تركي:تبيني أسكروأخليك تقومين العيال.





نجود:إيه.





تركي:عطيني بوسه.





نجود:لا.





تركي:أفا هالخيانه موأنازوجك حبيبك حبيب قلبك.





نجود:إيه.





تركي:طيب ليه ياحلوا باخل علينا ببوسه.





نجود:لاصارصاحبك عسل لاتلحسه كله.





تركي:انابموت وبيطق فيني عرق بس عشان أوصل له .





نجود:بس خلاص,..... تركي.





تركي:يالبى عيون تركي.





نجود:بأنام عند أهلي أسبوع.





تركي:نعم وشوا أسبوع تبين تذبحيني حرام عليك الحين يوم واحد وانفقع قلبي(ياحرام يامسكين) تبين تموتيني قبل يومي.





نجود:بسم الله عليك إنشالله اللي يكرهونك.





تركي:هاه بسم الله علي أه ياقلبي , أقول أجهزي جاي أخذك الحين.





نجود:لاتتهورياتركي عندك دوام بعد ساعه أنت تبي تفضحني عند أهلي وش تبي أخواني يقولون عنك مايقدر يصبر على فراق زوجته.





تركي:والله حرام عليك فقعتي قلبي بغيابك .





نجود:خلاص تعال خذني بكره.





تركي:ليه مواليوم (الرجال ناوي نيه).





نجود:اليوم إربعاء وإحتمال يجوننا ضيوف ماأقدر وبعدين انت كل شوي متصل علي لها الدرجه مامليت مني.





تركي:وأناأقدرأمل من روحي.





نجود:أوكيه تركي بروح أصحي العيال وارجع أكلمك.





تركي:أكيد.





نجود:أكيدين.





تركي:أوكيه حبيبتي بروح أفطروألبس وأناأنتظرإتصالك أوكيه عمري يالله باي حبي.





نجود:فمان الله.





أول ماسكرت نجودالسماعه قالت:يالبى قليبك ياتركي يلوموني فيه ومايدرون أنه شغلي الشاغل الله لايغير علينا.





ريماس:اخيرآ سكرزوجك البثرالسماعه.





نجود:ليه غايره منه.





ريماس:لابس مصخها سبع ساعات تكلمينه ولامليتي منه.





نجود:فيه أحد يمل من الكلام الحلو ياأختي ألسانه يقطرعسل ومامليت منه بالعكس أحب أتغلى عليه لأني كلما تغليت عليه كلما زاد كلامه حلاوه (إن كيدهن عظيم).





ريماس:الله يهنيكم,....أقول قومي صحي عيالك يفطرون وأنابصحي نوره.





نجود:خلودي بدوريالله قوموا , حبيبتي بدور يالله قومي أفطري عشان تروحين للمدرسه, يالله خلودي قوم.





خالد:ابي أغيب اليوم.





بدور:ماحليت واجبي بغيب.





نجود:ماينفع معكم إلاخالكم محمد.





طلعت نجود من الغرفه وشافت محمد يتثاوب قدامها ومعه كاس كابتشينوا قالت له: محمدصباح الخير وش في عيونك مورمه.





محمد:والله ياأختي الحبيبه من أمس وأناسهران أذاكر للإختبار ومانمت وعندي محاظره بعد ساعتين والإختباربيبدأ الساعه سبع وفيني النوم.





نجود:طيب ليه مانمت بدري.





محمد:مجنونه أنتي , أقولك إختبار وأنتي تعرفين أن القسم اللي اناداخله تجاره وإداره أعمال قسم موسهل تعرفين وش معنى تجاره وإداره أعمال شي ماهو لعب.





نجود:وش اللي حادك تختارهذا القسم؟.





محمد:والله ياأختي تدرين ان أبوي يمتلك شركات وأنابعد ماأخلص دراسه بأشتغل معه وأناابي أشوف حلالي تبيني أصير دلخ ماأفهم شي في التجاره.





نجود:إيه أجل ماأخترت هالقسم عبث صدق أنك لعين.





محمد:أجل تبين فلان وعلان يلعبون على أبوي ويلهثون حلاله مجنون أنا وبعدين أبوي مبسوط مني لأني دخلت هذا القسم, أقول أنتي وحده فاضيه وأناقاعد أضيع وقتي الثمين على كلام فاضي وش تبين أخلصي علينا ورانا مذاكره.





نجود:إيه أبيك تصحي عيالي خالدوبدور.





محمد:بس ماطلبتي شي.





دخل محمد غرفه البنات وراح لخالد ولد نجود وسحب منه الكمل ودغدغه وحاسه وهوبسريره وقام خالد وهو معصب يبي ينام مايقدر اللمبات كلها مولعه ومحمد يدغدغه وهويضحك ورماس ميته ضحك على أشكالهم فجأه صحت نوره من النوم وقالت:ياربيه أف أنتم ليه مزعجين؟ ماتخلون الواحد يرقد.





نجود:جاي دورك يانوره أصبري.





وبدون شعور شال محمد خالد وركض به للمغسله وحط راسه وولع المويه شهق خالد وقال:خلاص قمت بروح أفطر بس فكني يمه شوفي محمد.





نجود:ههههههه أحسن شف أختك قامت قبلك مهوب زيك.





محمد:يابنات نوره قامت ولاأجي أصحيها.





ريماس:نوره قومي قبل لايجي محمد.





نوره: مشكلته ووالله لويجي حسته وأنابقوم على كيفي وطفوا اللمبات بنام.





نجود:قومي عندك مدرسه.





نوره:مشكلتك مومشكلتي وبعدين محد قالك تبربرين في التلفون طول الليل ماتخلين الواحد يرقد من صوتك لاوالمصيبه تكلمين رجلك توك شايفته أمس ماأمداكم والمصيبه كل كلامكم ينعاد ومكرر وطول الوقت غزل والله فضاوه.





نجود:الظاهرالطيب ماينفع معك.





نوره:أعلى مافي خيلك أركبيه أناإنسانه أبي أنام ورجائآ أطلعوا وطفوا اللمبات برقد.





نجود:محمد تعال حوس نوره عيت تصحى.





محمد دخل الحمام وعبى البانيو مويه دافيه وراح مسرع لغرفه البنات وهويردد أنالها وشال نوره من سريرها وهي قامت تصارخ وتررد:نزلني يالشين يالحيوان والله ماأخليك.





ورفست وجهه ولافيه فايده محمد عنيد وراسه يابس مثلها وبدون سابق إنذار دخلها الحمام ورماها في البانيوا وطلع من الحمام مسرع وبدون شعور قامت نوره تصارخ بالحمام عاد المصيبه أن الجوا بارد بالمره.





محمد راح لنجود وقال لها:أناحطيت لها مويه دافيه عشان ماتمرض روحي ودي لها فوط وعطيها ملابس وقولي لها تتروش الوقت توه بدري يمديها تستشورشعرها يالله سلام بروح أصحي الشباب لأنهم بعدماصلوا رجعوا ناموا , عيال اللذين نايمين من الساعه 10بالليل وصحوا الفجرصلوا ونامو أجل وش أقول عن نفسي اللي مانمت من أمس.





نجود:الله يعينك ياخوي.





ريماس:بدور حبيبتي وين مريولك؟.





بدور:أف صجيتونا بالمدرسه أبي أغيب.





ريماس:وليه تبين تغيبين؟.





بدور:في المدرسه برد ودايم يطلعوننا بدري والسواق دايم يتأخرعلي.





ريماس:ألبسي مريولك وخذي جكيتك وروحي حبي راس جدك وجدتك وأفطري معهم.





بدور:أف ياربيه........يوه....طيب.





ريماس:لاتتذمرين ولاناديت خالك محمد يسوي لك مثل ماسوى لأخوك خالد وخالتك نوره.





بدور:خلاص لبست مريولي ولبست شرابي بس بقى أخذ شنطتي والجاكيت خلاص وأناالحين بنزل أفطريالله مع السلامه.





ريماس: مع السلامه ههههههههه, صراحه يانجود بنتك ذي فضيعه.





نجود:لايغرك هدوئها تراها ملسونه بس توها صاحيه من النوم.





ريماس:أقول وين ولدك خلودي؟.





نجود:لبس ونزل تحت من زمان راح يفطرمع أمي وأبوي.





فجأه نوره دخلت ومزاجها واصل على الأخر دخلت وهي تنتفض وتردد مردوده يامحمد والله ماأخليك.





نجود:هههههههه وش فيك يانوير؟.





نوره:وش اللي مافيني بصراحه المويه تهبل دافيه مره بغيت أنوم في البانيوا من حلاوتها وخلت مزاجي جنان بس محمد عكر مزاجي لأنه شالني بس بردها له وقولوا نوره قالت.





ريماس:لاتحطين راسك براسه هوولد وبعدين روحي ألبسي مريولك وأستتشوري شعرك قبل لايجي فهد.





نوره:أقول لاتطرين أسمه من أسمع أسمه يقشعر بدني بروح ألبس وأستشور شعري وأجهز قبل لايجي فهد ناقصه تهزيىء أنا.





ريماس:نجودوين رايحه ؟.





نجود:بروح أفطر تعالي معي خلينا نفطر مع أبوي وأمي وخلي نوير تجهز.





ريماس:إيه والله أناجوعانه بس وين ولدك بندر.





نجود:أمس نام مع أمي في غرفتها.





ريماس: بعذره ماله حس كالعاده ,نوير أخلصي عندك ساعه بس عشان تجهزين فيها.





نوره:خلاص فهمنا.








(في غرفه الأولاد)





فهد كالعاده يقرأ قرأن ومحمد يذاكر وبندروبدر نايمين فجأه دخل أبوهم عليهم وقال:السلام عليكم وصباح الخير ياعيال.





محمد وفهد ردو: وعليكم السلام وصباح النور.





أبوفهد:ألحين ورا مانزلتوا تفطرون؟.





فهد:والله يايبه حبيت أقرا شوي من القرأن قبل لاأنزل.





أبوفهد:ماشالله الله يزيدك عقل,





فهد:اللهم أمين.





أبوفهد:وأنت يامحمد وش تسوي؟.





محمد:والله طال عمرك جالس أذاكر عندي إختبار بعد ساعه.





أبوفهد:إيه كفوا ياولدي أنجح عشان تشتغل معي بالشركه.





محمد:أنا بأحاول والله يعين.





أبوفهد:طيب وبندروبدرماعندهم دراسه؟.





محمد:عندهم بعد ساعتين.





أبوفهد:أجل قومهم يفطرون بروح أفطرمع أمكم وتعال يافهد معي.





محمد:إنشالله يبه.





محمد قام يستلعن على أخوانه النايمين ويقول:يالله ياتوائم قومو يالله.





بدر:أوووف ياخي طس عني لاأقوم أحوسك وخرعني جبت لي البرد.





محمد:قوموا يالله أصلآ انتوا ماينفع معكم غيرالمويه البارده.





بندر:خلاص يارجال قمنا الله يرجك ياشيخ وين ذى راح.





محمد:منهو؟.





بندر:التلفون.





محمد:ليه وش عندك؟.





بندر:ياأخي دق على مشعل شف وينه؟.





محمد:ليه؟.





بندر:ياأخي معه ملزمتي وكتبي عندي محاظره بعد ساعتين, بدر قم يالله.





بدر:وش تبي؟.





بندر:يالله قم خلنانفطر عشان نمر على مشعل الملزمه والكتب معه.





بدر:بروح أتروش أول.





بندر:لاتطول حتى أناأبي أتروش.





محمد:بدق على مشعل الحين بس تصدق نسيت رقم ثابتهم كم بدايته ولاأقولك خلاص تذكرته.





بندر:صدق أنك ثور.





أتصل محمد وردت عليه بنت صوتها يطيح الطير من السماء وطبعآ هي نوف أخت مشعل, قالت:الوه......نعم من معي؟.





محمد:هاه أحم أحم .....السلام عليكم.





نوف:نعم وعليكم السلام.





محمد:كيف الحال أنشالله بخير أنا محمد ولد أبوفهد.





نوف:إيه ياهلا من بغيت؟.





محمد:بغيت مشاري ياريت تنادينه.





نوف:لحظه شوي.





بندر:ياهوه يابوحميد وين سهيت.





محمد:ياخي ردت وحده صوتها جرح خرق قلبي ,صدق صوت المرأه فتنه,هلا مشعل كيفك تمام.





مشعل:تمام وش بغيت يالبثر؟.





محمد:لابس بندريقول معك الملازم والكتب يارجال ترى بعد ساعتين محاظرته وعلى فكره من اللي ردت علي من شوي؟.





مشعل:هذي نوف أختي ليه السؤال؟.





محمد:لابس أسأل, على العموم متى نشوفك يارجال؟.





مشعل:على حسب وقتي والله مومتأكد متى بس يمكن يجتمعون العائله كالعاده بس ترى الملازم والكتب نسيتها في بيت جدي أبونايف أمس.





محمد:خلاص أجل بروح أكمل مذاكرتي وبخبر بندر يالله سلام.





مشعل:سلام.





بندر:هههههههه أقول منهي اللي ردت عليك؟.





محمد:نوف أخته.





بندر:حبيتها.





محمد:لابس صوتها ياويل ويلي فتني فتنه قويه بس على فكره ملازمك عندعمك أبونايف.





بندر:الزقتين والله النشبه زين خبرتني خلاص أجل بروح بيت أبونايف والله يعين.





دخل بدر وهويجفف شعره بالفوطه وهويقول:بندرألحق المويه قبل لاتفوتك دافيه ومن أحسن مايكون.





بندر:لاحقين عليها بس فاتك من شوي محمد أتصل على بيت أهل مشعل وردت عليه وحده ضيعت محمدبصوتها.





محمد:ياأخي لاتلومني صوتها خققان.





بدر:في ذمتك , بس اللي اعرفه أن أخت مشعل ملتزمه هي اللي أسمها مشاعل؟.





بندر:لا.....نوف ههههههه.





بدر:إيه ذيك اللي تتابع مباريات وتحلل مباريات كره القدم وعاشقه فريق الهلال.





محمد:وش دراك عنها لايكون تعرفها.





بدر:ماسمعت البنات وهم يتكلمون عنها الأسبوع اللي راح .





محمد:لاماسمعتهم ليه هم تكلموا عنها.





بدر:ياحليلك أختك نوره كلماجلست معنا فلت الشريط تتكلم عن بنات أبونايف وش يسون وش يفعلون عاد أنت خابرأختك نوره لامن تكلمت كنها أخبارالجزيره.





محمد:تصدق ماأنتبهت.





بدر:لأنك درج.





بندر:بروح أتروش أصرف لي وأنتوا ناس فاضين بالمره أخليكم تسولفون مع بعض أحسن لكم ولي يالله سلام.


 
 
رد مع اقتباس
 
 
   
  #2  
قديم 20-11-2012, 04:58 AM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
روايتي الأولي : آهات جروح حزينة / كامله








(في غرفه الطعام):





الكل مجتمعين يفطرون والهدوء عام بالمكان تكلم أبوفهد وقال: وين باقي العيال.





أم فهد:بينزلون ألحين.





فجأه نزل محمد وبدر ومن بعدهم نزل بندر ونزلت نوره وهي كالعاده تتذمر.





محمد:صباح الخير.





الجميع:صباح النور.





بدروبندر:صباح الخير.





الجميع صباح النور.





نوره:عزيمه هي صباح الخير صباح النور خلاص أزعجتونا.





فهد:كالعاده تتذمرين.





نوره:البركه في محمد.





فهد:ليه وش مسوي لك.





نجود:شالهامحمد وهي نايمه ورماها في البانيوا بس البانيوا كانت مويته دافيه, هي تروشت وأستانست بدفى المويه بس تعرف أختك راسها يابس وعنيده.





بندر:خساره فاتني المشهد,بس لوني بمكانك يامحمد كان خليت المويه بارده وأزيد عليها ثلج بس عشان أبرد قلبي.





بدر:ليه خليتها دافيه يادلخ.





محمد:ماهان علي أشوفها تمرض.





بندر:أحسن عشان نفتك من ألسانها.





نوره: ياشين التوائم لاتكلموا.





فهد:بس ياعيال وأنتي يانوره أسكتي كأنكم بزران تتهاوشون خلاص كبرتوا على هالحركات.





أبوفهد:ياعيالي أنااليوم عزمت أخوي أبونايف عندنابالبيت على الغداء وبيجون الجماعه يتغدون بعد هي عزيمه أرجال وأنتي عاد ياأم فهد أتصلي على أم نايف وأعزميها هي والبنات كلهم مب زينه نعزم زوجها ولا نعزمها.





نوره: يس اليوم البيت بيصير وناسه عاد عهود لي أسبوع ماشفتها.





محمدبهمس:أيوه.....أكملت بتقوم حرب عالميه بالبيت ولاهي منهيه إلا الفجر ياحبيبي.





بندربهمس:ياحبيبي ....أنشب الحين بيقول لناالوالد عليكم الذبايح.





بدربهمس:عزالله بننام بالثمامه مع الشباب الليله.





أبوفهد:فهد متى سفرتك وأناأبوك؟.





فهد:الأسبوع الجاي عندي إختبار وإحتمال أسافرالجمعه بس بحظرالأوراق ووبمرالسفاره والجوازات وبعدل الفيزه وبأقابل متعب ووافي بعد ثلاث ساعات لأنهم بيسافرون معي والله يسهل الأمور.





أم فهد:الله يسمح دربكم.





فهد:اللهم أمين.





أبوفهد:محمدوش عندك الساعه12الظهر؟.





نجود:يبه ترى محمد مانام من أمس بالليل ماتشوف عيونه مورمه.





محمدبهمس:يالبى قليبك يانجود كفوا ياأختي.





أم فهد:إيه والله عيونه مورمه ورى مانمت وأناأمك.





محمد:والله علي إختبارفي الجامعه والماده صعبه قلت أسهريوم واحد بس وبعدالإختبارأنام هذي تجاره مولعبه.





أبوفهد:هذا ولدي السنع, وأنتوا يابدر ويابندروش عندكم الظهر؟.





بندر:والله ماندري بس على حسب الجامعه مدري متى بتنتهي محاظراتنا بس الساعه 11الصبح بأردلك.





أبوفهد:طيب وأناابوك يابندر ورى ماتروح تشتري ثلاث ذبايح وودهاللطباخ الظهروأنت يابدررح أشترالفواكه والعصير.





بندرضاق صدره وتحطم أمابدرأستانس لأن الفواكه أمرها بسيط .





أم فهد:ياأبوفهد وش مناسبه العزيمه؟.





أبوفهد:بنجتمع حنا وجماعتنا مع التجار عشان الصفقه وأمورالشراكه عاد أنا وأخوي بنسافرعشان نتمم الصفقه مع الغرب عاد بندرس وش بيصير وماحنا مستعجلين, عاد انابقوم الحين وبروح للشركه يالله فمان الله.





أم فهد:فمان الكريم.





نجود:نوره بتروحين للمدرسه مع السواق.





نوره: إيه.





فهد:لاتروحين مع السواق عندك هالثلاثه اللي جالسين خلي واحد منهم يوديك.





محمد:سواق عندها أنا.





بدر:أقول لاتطالعيني شوفي غيري أناإنسان ماأطيق زحمه طريق مدرستك.





أم فهد:بس ياعيال,نجود أنابروح أتمدد لي شوي بغرفتي لين أذن الظهرقوميني.





نجود:إنشالله يمه.





فهد:أناطالع فوق لاأحد يزعجني أوكيه يالله فمان الله.





نجود:فمان الكريم.





نوره:أقول واحد منكم ضروري يوديني للمدرسه.





محمد:يوم راح فهد طلع ألسانها.





نوره:موشغلك أنالبست عباتي وبجلس في الحوش وأبي أي واحد منكم يوديني ولاترى رحت مع السواق.





بدرومحمد راحوا فوق لغرفتهم وريماس أخذت بندر ولد نجود معهاو راحت لغرفتها ومابقى على السفره أحد غير خالدوبدورعيال نجود ونوره ونجود وبندر قالت نجود:بندرتكفى سوخيروود عيالي لمدارسهم ونوره معهم.





عاد بندرمايقدريرفض طلب لنجود قال لها:إنشالله .





نوره طلعت بالحوش وخذت معها مفتاح سياره بندر وشغلتها وجلست هي وبدور وخالد يحترونه يلبس ونجود نادت الشغاله عشان تشيل الأكل من على السفره وراحت فوق عشان تكلم تركي زوجها,أمابندر وهو نازل ويعدل شماغه سمع صوت رنين الهاتف في البدايه طنش لأنه توقع أن أحد بيشيله ولاأحد رفع السماعه جره الفضول عندالتلفون ورفع السماعه وكان المتصل عهود بنت عمه وهو ماتوقع أن المتصل بنت فاللي صار هو:





بندر:ألوه.





عهود:ألوه.....أااااا نوره موجوده.





بندر:من اقول لها ياترى؟.





عهود:عهود بنت ابونايف.





بندر:هلاوالله ببنت العم حبيت أسألك مشعل ولد أختك جاكم أمس.





عهود:إيه.





بندر:طيب هومانسى عندكم ملازم وكتب.





عهود:في المجلس كتب وملازم هي حقته.





بندر:ياليت تخلينها عندك وبجيكم بعد شوي وإرسليها مع أخوك الصغيرالله لايهينك.





عهود:طيب وين نوره؟.





بندر:لحظه.





بندرراح مسرع لنوره ويوم درت نوره أن المتصل عهودراحت للصاله وهي مسرعه:ألوه هلاعهوده وينك ياأختي من زمان ماسمعت صوتك.





عهود:من اللي رد علي؟.





نوره:بندرليه؟.





عهود:لابس صوته يهبل.





نوره:أقول لاتحومين كبدي تكفين.





عهود:أخوك بيمرنابعد شوي وبياخذ ملازم حقته ورى ماتجين معه ماشفتك من زمان.





نوره:الساعه الحين ست ونص بس عشانك راح أتأخرعلى المدرسه.





عهود:أكيد بتجين.





نوره:إيه صح أبوي عازم أبوك الظهروش رايك تجين قبل أهلك , متى تطلعين من الجامعه؟.





عهود:11الصبح ماعندي إلى محاظرتين بروح سبع وبطلع 11أو12الظهروبشوف عاد من بياخذني.





نوره:أول ماتطلعين تعالي بيتنا ولاتخافين الأولاد موموجودين .





دخل بندر عند نوره وتنحنح وقال:ماخلصتي يالله عشان أروح أخذ الملازم والكتب عندي محاظره بعد ساعه.





نوره:خلاص عهودبندر غثني بروح أركب السياره وشوي ومارينكم يالله باي.





عهود:باي.





فجأه رن الثابت ردت نوره وصارالمتصل تركي زوج نجود:ألوه.





تركي:هلا وين نجود؟.





نوره:من يبيها؟.





تركي:ناديها وبلالف ودوران.





نوره أنطلت السماعه وقالت:ياربيه وش ذى الغثيث.





بندرشال السماعه وقال:ألوه.





تركي:هلا.





بندر:هلابالنسيب ياأخي أثقل شوي لاتصيرمرجوج.





تركي:توك يابندرعلى هالأمورلاتزوجت بتعرف وش معنى الحب .





بندر:خلني كذى أحسن الله يعين نجود عليك.





تركي:هي وينها؟.





بندر:دق مره ثانيه وبترد عليك أوكيه, خلاص أجل تامرني شي يالنسيب بروح أودي عيالك لمدارسهم.





تركي:لاسلامتك.





بندر:خلاص أجل فمان الله.





تركي:فمان الله.





ركب بندرسيارته ونوره ركبت ونجود راحت تكلم تركي كالعاده.










(في بيت أبونايف):





(في صاله الطعام):





الكل صاحين بدري ومجتمعين على السفره يفطرون والهدوء عام بين الجميع ,





خالد:عهود اليوم بتروحين جامعتك.





عهود:إيه ليه تسأل؟.





خالد:مجرد سؤال بس لاأكثرولاأقل.





عهود:الظاهرأن عندك شي.





خالد:لابس أسأل فيها شي هذي.





عهود:لا.





خالد:مشعل أمس راح ونسى ملازم وكتب حقه الجامعه أن كان بيدرس اليوم الله يعينه.





عهد:هي مب لمشعل لبندروبدر عيال عمي.





عهود:وش جابها عندنا؟.





خالد:أمس حنا الشباب كنا مجتمعين في الجامعه وحصل أمر طارىء لبندر وترك كتبه وملازمه مع مشعل.





أم نايف:ليه وش فيه؟.





خالد:الدلخ ملبق سيارته في مواقف ممنوع الوقوف فيها وجت الشرطه وأسحبوا سيارته ودفع غرامه 100ريال وطلع سيارته العصر ومشعل هواللي أخذ كتبه ونسى يعطي بندركتبه وجاناأمس والدلخ نساها عندنا,هههههه الله يعين بندر بيتوهق .





أم نايف:ليه بيتوهق وش أمسوي هو؟.





خالد: بعد ساعه محاظرته.





أم نايف:الله يعينه مسكين مايستاهل.





راكان:يمه يبه ماأبي أروح للمدرسه.





متعب:وليه ماتبي تروح؟.





راكان:الأولاد يطقوني وياخذون فسحتي.





خالد:أفا ياهالعلم من اللي يطقك؟.





متعب بسخريه:وش عنده عنتربن شداد.





راكان:ولد المدير في صف سادس وهووياالأولاد الكبار دايم ياخذون فسحتي ويطقوني حتى شف رجلي فيها جرح أمس ألحقوني وطحت على وجهي.





عهد: إيه صح الخدامه أمس جابت ثوب راكان وكان فيه دم ومشقق ورميته بالزباله.





متعب:الولد مستقوي على البزران.





خالد:هذا وأنت في أولى إبتدائي يعاملونك كذى أجل في ثاني وش بيسوون؟.





أبونايف:خالد وأناأبوك رح لمدرسه راكان وشف وش قصه هالولد وليه يعامل أخوك كذى.





خالد:اناقايل لكم خلوه يدرس في مدرسه خاصه قلتو لا الحكومي أفضل وشوفو النتيجه .





عهد:لاتكبرالمسأله رح أنت للمدير وتفاهم معه.





راكان بكى وقال:ماأبي أروح للمدرسه أخاف يطقوني.





خالد:لاتخاف حبيبي بروح أنامعك وبشوف وش السالفه.





سعود:خالد أمانه تبي فزعه جاهز.





متعب:لاتعقدالأمور وبعدين خلك في حالك أحسن.





سعود:يمه اليوم أنتوا بتطلعون من البيت؟.





أم نايف:يمكن خواتك بيجوننا.





سعود بهمس:أنشب الحين وشلون بنام من الإزعاج أف الله يعين.





أبونايف:لا وش يقعدكم في البيت أخوي أبوفهد عازمنا على الغداء أنتي والبنات كلكم لازم تجون .





خالد:حتى أخوي نايف وعياله ومنيره وسلمى وعيالهم كلهم.





أبونايف:إيه كلهم.





خالد:أجل أنتوا روحوا وحنا الشباب بنروح الثمامه وبنخيم فيها.





أبونايف:لامافيه , بيجون رجاجيل وش كثرهم من الجماعه ونبيكم تضيفونهم وتجلسون معهم زي الرجال.





سعود بهمس لخالد:ليه يادلخ تكلمت.





خالد بهمس: ياأخي طلعت عفويه.





سعود:معليش أعذروني أناإنسان مانمت من أمس وخلوني نايم أحسن لاتصحوني الظهر.





متعب:ماهو بكيفك بتقوم غصب عليك.





أبونايف:خلك رجال واناأبوك أبيك ذيب بين الرجاجيل .





متعب:إيه أنشالله طال عمرك.





أم نايف:هذا ولدي السنع اللي يسمع الكلام, بس ياأبونايف وش مناسبه العزيمه؟.





أبونايف:والله هي عزيمه بين الجماعه عشان الصفقه التجاريه اللي كلمتكم عنها.





خالد:أجل يايبه خلاص بتسافرون للخارج؟.





أبونايف:إيه إنشالله .





متعب: يبه انااليوم بروح أجهزأمورالسفربسافر الجمعه أناووافي وفهد إختباراتنا على الأبواب, بعد ساعتين بيمرني وافي وبنروح لبيت أبوفهد.





أبونايف:منتوا رايحين الأسبوع الجاي.





متعب:أتصلوا علينا الشباب وقالوا أن الإختبارات بتبدأ الأسبوع الجاي فقلنا نسافرالجمعه عشان نذاكر ونعرف وش جدول الأختبار.





أبونايف:الله يوفقكم عاد أنا بروح للشركه مواعد أخوي أبوفهد يالله فمان الله ولاتنسون تجون لبيت أخوي.





أم نايف : فمان الكريم, يالله ياعهود قومي عندك جامعه وياخالد ود أختك عهود لجامعتها وياليت تودي راكان لمدرسته وشف وش قصه ذى الولد اللي كل يوم يأذيه.





متعب:يمه وين رايحه تونا بدري مافطرتي.





أم نايف:والله وأناأمك من بعد صلاه الفجر وأناجالسه هنا مع أبوك وأكلت ليما شبعت ولله الحمد والحين بروح أنام عشان بنروح بدري لبيت أبوفهد يالله مع السلامه.





متعب:مع السلامه يالغاليه.





فجأه دخل عليهم وافي وقال:السلام عليكم أعمامي عماتي.





الكل ردو:وعليكم السلام.





متعب:وينك ماكلمت فهد.





وافي:لابنروح نمره في بيتهم.





عهود: وافي ورى ماتجلس تفطر.





وافي:والله أني مفطرمن زمان بس وين جدي وجدتي؟.





عهد:أبوي راح للشركه وأمي راحت تنام.





وافي:خساره كنت ناوي أصبح عليهم.





خالد: أقول ورى ماجبت معك خواتك.





وافي: كنت بوديهم لمدارسهم بس ماجهزوا بدري وخليتهم ينطقون في البيت.





خالد:أجل بمرهم ماعندي شي الصبح.





وافي:لا.....خلهم يوديهم فيصل ولاعبدالعزيز.





متعب:وافي قم بس ماأبي نضيع وقت أكثر من كذى ولا ترى بننلطع عندالجوزات.





وافي:إيه صدقت دق على فهد.





متعب:خالد رح أتصل على بيت عمي أبوفهد.





خالد قام وراح يتصل على بيت أبوفهد ورد عليه محمد وقال له:هلا خلودي حبيبي.





خالد:هلابوحميد وين أخوك فهد.





محمد:جالس يحمي سيارته ويقول أنه بيقابل متعب ووافي عندباب البيت بعد شوي.





خالد:أجل بقول لمتعب ووافي, وكيف حال التوأم.





محمد:بندرجالس على النت ويشرب كفي, وبندر راح يودي نوره لمدرستها.





خالد:أجل اليوم فيه عزيمه.





محمد: إيه فيه عزيمه والحمدالله الشايب ماطلب مني شي.





خالد:كالعاده الطقه براس بندر.





محمد:ههههههههاي المسكين بيدور في سوق الغنم الساعه 11أو12الظهر وبيدور ثلاث ذبايح ولازم تكون طيبه وبيروح للطباخ وغير كذى بيجيبها للبيت ثم بيتروش وبيقابلنا.





خالد:هههههههاي صدق مسكين طيب وبدر ماكلفه شايبكم بمهمه؟.





محمد:لابس شي بسيط بس بيروح يشتري فواكه وعصير لاكن بندر الله يعينه, أقول أنت واحد فاضي بروح ألبس وبروح للجامعه بقى ساعه ونص على الإختبار يالله سلام.





خالد:هههههههاي سلام يالمرجوج.





متعب:هاه وش قال محمد.





خالد:يقول أن فهد جالس يحمي سيارته وينتظركم عند الباب.





متعب:اجل قم ياوافي يالله مشينا تامروننا شي يابنات؟.





عهد:سلامتكم.





متعب:سلمتي من الشر يالله فمان الله.





عهد:فمان الكريم.





خالد:مسكين يابندرهههههههاي دايم تطيح براسك.





عهد:ليه وش فيه؟.





خالد:ههههههاي إذا طلع من الجامعه بيروح لسوق الغنم في عزالبرد وبيشتري ثلاث ذبايح وبيوديها للطباخ عشان العزيمه.





عهد:وليه تضحك؟.





خالد:لأنه بيجي للبيت والرجاجيل فيه وبتكون ريحته خرفان بيصير شكله خلفه, لاكن بدر بيجيب الفواكه والعصير بس, تدرون ياأخواتي ليه أكره عزايم أبوي.





عهود:ليه؟.





خالد:لأن أبوي يكلفنى بأمور تقروش الواحد,أقول بروح أودي راكان لمدرسته وبرجع أخذك ياعهود وخلك جاهزه عشان أوديك للجامعه يالله باي.





عهود:باي.





عهود لزمت الصمت وراح فكرها بعيد قالت لها عهد:وش فيك ياعهود؟.





عهود:من شوي أتصلت على بيت عمي أبوفهد وردعلي واحد من عياله صوته حنون بالمره ضيعت يوم سمعته.





عهد:منهو أي واحد فيهم؟.





عهود:مدري الظاهرأنه بندرقال لي هلابك يابنت العم, بصراحه عجبني صوته شكله رومنسي.





عهد:أص وأسكتي لايسمعك أحد وعيب هالكلام .





عهود:يقول يبيجي هوونوره وبياخذون الملازم والكتب حقتهم.





عهد: تلاقينها على التلفزيون.





عهود قامت واخذت الملازم والكتب وفتحتها وقال:وااااو.





عهد:وش فيك.





عهود:مكتوب قسم فنون تشكيليه الظاهرأنه فعلآ رومنسي , بأتصفح الكتاب والملازم.





عهد:طاحت أورقه وش مكتوب فيها.





عهود:الظاهرأنها خاطره:





أبيع دنيتي ولاأحديقول لي وش تبي





أرحم من أني أبيع كرامتي لناسآ مادروا عني





بهالدنياكل شي غريب





لاصديق ولارفيقآ ينفعك





عهد:بس هذا المكتوب.





عهود:فيه رسومات غريبه قلب ورمح وسهام وكاتب أسمه بزخاريف شكلها يجنن, تصدقين شكله رومنسي.





عهد:جايز.





فجأه رن الجرس والخدامه فتحت الباب وقالت:فيه وهده برى أندباب يبي أهود.





عهود:نوره جت.





الخادمه:إيه نوره .





طلعت عهود مسرعه وسلمت على نوره وقالت لها:وينك يالشينه من زمان ماشفتك.





نوره:أشغال هههههههه.





كان باب الشارع مفتوح وجاء خالد وسلم على بندروقالت عهود لنوره:من اللي رد علي الصبح.





نوره: بندرتبين تشوفينه شوفيه نزل يسلم على أخوك خالد.





عهودبصدمه:ماشالله مسرع كبرتوني أنتبه له.





نوره:بصراحه أخوك خالد يهبل هوراعي وناسه.





عهود:صايع مثلك.





نوره:أجل أحجزوه لي.





عهود: ومشاري ولد أختي اللي قلبك متقطع عليه طاح كرته يوم شفتي خالد.





نوره:بصراحه عائلتنا عيالهم زيون والوحده تحتارفيهم, المهم تأخرت على مدرستي وين الملزمه والكتب.





بالشارع بندر وخالد يسولفون مع بعض وقال خالد لبندر:أجل ماقلت لي وش شعورك وأنت الظهر بتلفلف سوق الغنم.





بندر بحسره:إيه الله يعين,أقول رح جب الملزمه نوره دخلت ولاطلعت.





خالد:شكل عهود قفلت عليها الباب بروح أنادي عهود بعد بوديها للجامعه الحين لحظه بس.





خالد راح مسرع للباب وفتح الباب بسرعه وكانت عهود واقفه قباله وشافها بندر من بعيدوخالد شاف وجه نوره وأنحرج وقال:أسف م...ممممما توقعت أن أحد واقف عند الباب.





وطلع مسرع ووجهه مولع من الخجل لأنه شاف وجه نوره أمابندر تصنم في مكانه يوم شاف عهود شاف جمالها وأرتبك وركب سيارته ووجهه أحمر لونه أمانوره صرخت وقالت:ياربيه وش ذى الفشله خالد شاف وجهي.





عهود:هههههههه أقول روحي لمدرستك وأنابجيكم إذا طلعت من الجامعه يالله باااي.





عهود ماكانت تدري بأن بندر شافها ألبست عباتها وطلعت لأخوها خالد وأركبت معه.





ونوره طلعت وهي تنتفض ومعها الملازم ووجها مولع أحمر من الحياء .





وعهود طلعت وهي ميته ضحك على شكل نوره بنت عمها.






(في بيت أبووافي):





(في غرفه البنات):





ندى وغرام كالعاده هواش وصراخ كل وحده مضيعه غرضها





لاكن وافي صفقهم وهزئهم وراح لبيت جده ابونايف.





ندى:غرام وافي وينه.





غرام:راح لبيت جدي أبونايف بيروح هووعمي متعب عشان سفرتهم البايخه.





ندى:ماراحوا عبث راحوا دراسه.





غرام:خلينا نفطرقبل لايجي أحد من الأولاد ويحوسنا.





ندى:الفطورلاحقه عليه لونفطربالسياره عادي بس أهم شي نجهزبدري أنابلبس عبايتي وأنتي بكيفك يالله سلام بنزل تحت.





غرام:يالخاينه.






(في غرفه الشباب):





فيصل منسدح ويطالع السقف وهويهوجس وعبدالعزيزيطالعه فقال له:فيصل ماعندك محاظره اليوم؟.





فيصل شارد ذهنه.





عبدالعزيز:الووو ياهوووه معي أنت ولاوين رحت.





ومازال فيصل شاردالذهن , قام عبدالعزيزوأخذ مخده صغيره ورماها في وجه فيصل وفيصل مسكين أرتاع وقال:نعم ياأخي وش تبي حتى في تخيلاتي ملاحقني.





عبدالعزيزبخباثه:من اللي ماخذ عقلك؟.





فيصل:أه بس خلني في حالي.





عبدالعزيز:ريم بنت عمتي أم مشاري هههههاي هاه أعترف.





فيصل:ومن غيرها ماخذ عقلي.





عبدالعزيز:إذا خلصت دراستها أخطبها.





فيصل:متى بس أه ياقلبي متى.





عبدالعزيز: لاتحلم كثير توها بالثانوي وبتكمل جامعه يعني أصبرخمس سنين.





فيصل:حرام عليك ياأخي لاتحطمني أكثرمن كذى.





عبدالعزيز:أقول يالعاشق عندك محاضره اليوم؟.





فيصل:إيه صح ذكرتني بعدساعه محاضرتي بروح أحمي سيارتي يالله باي.





عبدالعزيز:الله يرجك ياشيخ, وأناوش قعدني أروح انام أصرف لي.







(في غرفه الطعام):





ندى وغرام جالسين يفطرون وأبوهم طلع لدوامه بدري وأمهم نايمه كالعاده والهدوء عام في المكان دخل فيصل وهومتعجب قال:غريبه ماتطاقيتوا كالعاده.





ندى:كبرنا على هالحركات.





غرام:أناعندي إختبار إنجليزي وموفاضيه لكم.





فيصل:مادام انكم جاهزين قومووخلوني أوصلكم على دربي لمدرستكم.





ندى:أنت أسبقنا للسياره وحناجايين وراك.





فيصل:أوكيه بحتريكم برى لاتتأخرون علي.





ندى:خلاص رح حمي سيارتك وحنابنطلع بعد شوي.






(في سياره بندر)





نوره تنتفض من البرد وبندر سارح بفكره يسأل نفسه من البنت اللي شافهاعندالباب ومازال فكره سارح قالت بدور بنت نجود:خالي بندر تأخرنا عن مدرستنا.





خالد:خالي بندروش فيك ماترد علينا.





بندرلزم الصمت ومارد على عيال أخته ولمانزل عيال أخته في مدارسهم قال لنوره: نوره من البنت اللي وقفتي معها عندباب بيت عمي؟.





نوره بتعجب:وليه السؤال؟.





بندر:لابس شفتك طولتي الوقفه معها.





نوره:بنت عمي .





بندر:أدري إنها بنت عمي بس من هي؟.





نوره:مايخصك وماراح أقولك.





بندر:تكلمي لاانطلك في نص الطريق وأخليك تكملينها كعابي للمدرسه.





نوره:أنت في عقلك شي ماكل شي منتهيه مدته أنت بكامل عقليتك ياأخوي.





بندر:إيه بكامل عقليتي بس ماقلتي لي من هي البنت اللي كنتي واقفه معها.





نوره:غريبه أنت ماعمرك سألت عن بنات عمي وش معنى هاليوم تسأل عنهم؟.





بندرلزم الصمت وقال بينه وبين نفسه: أقول أسكت الظاهرأن نوير مب قايله منهي ولوقالت لي بتفضحني قدام أخواني خلك ساكت أحسن لك ولاتنسى أنها وكاله أخبارمتنقله ومصيرك بتعرف منهي البنت.





نوره بتعجب:بندروين سهيت بفكرك؟.





بندر:هاه لابس كنت أفكربالجامعه خلاص وصلنا أنزلي تأخرتي.





نوره:أوكيه ياأخوي العزيزباي.





بندر:باي,أااا....بس متى تبيني أجي أخذك ولاأرسل لك محمدالمرجوج؟.





نوره:لاتعال خذني بعدصلاه الظهر.





بندر:إيه صح العزيمه اليوم, شوفي برسل لك بدر أوتعالي مع بنات أبووافي هم معك بالمدرسه صح.





نوره:خلاص مومشكله والله يعينك على ريحه الخرفان الظهرهههههههه.





بندربسخريه:وأنتي الله يعينك على تهزيئه المديره الحين روحي لأنك فليتيها واجد يالله سلام.





نوره:لحظه عطني إستمارتك عشان يدخلوني الفصل لأنهم بيسألوني من اللي جايبك؟.





بندر:خذيها ولاتضيعينها تأخرت على الشباب بسببك يالله باي.








(في سياره خالد أخوعهود)





عهودميته ضحك على شكل خالد لأنه لازم الصمت ولون وجهه أحمرومرتبك





عهود:خالد وش فيك ساكت غريبه العاده تضحك وتستهبل من اللي ماخذ عقلك ياأخوي تكلم.





خالدوهومنحرج:لابس أفكرشوي بيني وبين نفسي.





عهود:تكلم مابينناأسرار عادي أناأختك حبيبتك قول ولاتستحي السالفه تتعلق بنوره بنت عمي صح.





خالدبإرتباك:لا قاعد أفكرفي راكان, راكان حبيبي أنزل وصلنا لمدرستك وبعد شوي بجي عشان أكلم المدير.





راكان ودمعته على خده قال: مب امدخليني لأني تأخرت .





خالد:بنزل معك وأدخلك الفصل وبودي عهود وأجي أكلم المدير أوكيه حبيبي يالله أنزل يابطل.





نزل خالدمع راكان ورجع مسرع للسياره وأول ماركب قال لعهود:الحين ليه تتكلمين قدام راكان ,تدرين أنه بزر وينقل الكلام .





عهود:طيب أنت ليه متضايق وش فيها لاقلت لك السالفه تتعلق بنوره .





ارتبك خالد ولاحظت عهود إرتباكه وقالت له: سبحان الله أنت ونوره متشابهين في كل شي.





خالد:وش قصدك؟.





عهود:من كل النواحي في الإستهبال والضحك والهستره ومصلحجيين وحياتكم كلها ضحك بس الفرق بينكم هوأن نوره دلوعه بس تاخذ حقها بيدها يعني فيها شويه عربجه.





خالد:تعجبني البنت اللي كذى.





عهود:هاه وش قلت.





خالدبإرتباك: هاه لاولا شي بس ترانا وصلنا لجامعتك يالله أنزلي بروح للبيت أنام يالله باي.


عهود:باي.


ماحقيقه الشعوراللي حس به بندرتجاه عهود وهل بيغيرشي في حياته


عهودوجمالها اللي يدوخ وجسمها اللي يصرخ بالأنوثه هل راح يزيدها غروروانانيه أم بتصيرعلى حالها طيبه وحبيبه


نجودوتركي هل بتستمرالمحبه بينهم أم هناك معوقات لحبهم


وش بيصيربالعزيمه من أحداث وهل راح يكون لبندردورفيه




أنتظرتوقعاتكم للبارت الجاي وانشاء الله يكون أسلوبي نال إعجابكم


تقبلو مودتي وخالص تقديري :


لوحه خواطرفنان

 
 
رد مع اقتباس
 
 
   
  #3  
قديم 20-11-2012, 04:59 AM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
روايتي الأولي : آهات جروح حزينة / كامله




[CENTER][SIZE="5"][COLOR="DarkOrchid"]




في بيت أبوفهد:





في الصاله:





محمدوبدرجالسين يلعبون بلوت وهم طفشانين ومرت ساعه وهم على هذا الحال فجأه دخل بندر وهو سرحان ويفكر بعمق قال له محمد:ياهوه يابوالشباب نحن هنا.





بدر:بندرجبت الملازم والكتب.





بندر:هاه وش بغيتوا.





محمد:من اللي ماخذ عقلك.





بندر:لاولاشي يالله قوموا عندنا جامعه ولانسيتوا.





محمد: يالله مرالوقت بسرعه وين كتابي بروح أحمي سيارتي.





بدر:بندربروح معك للجامعه.





بندر:وسيارتك وينها.





بدر:موجوده بس مادام أن أناوانت في نفس القاعه ندرس فقلت أروح معك أفضل من أني أروح بسيارتي.





بندر:طيب رح جب شماغك وجب معك دفتري حق المحاظرات بسرعه أنتظرك بالسياره.





محمد:هاه بندوره تسابقني بالشارع .





بندر:أمس غالبك ماتبت.





محمد:لابس أتحداك توصل للجامعه قبلي.





بندر:ياخي والله ماني فاضي لك.





محمد:ليه خايف من الخساره.





بندر:لاخايف على مشاعرسيارتك.





بدر:يالله بندر تأخرنا تلقى الدكتور الحين واقف عندالباب.





بندر:محمد روح راجع لإختبارك لأن إختبارك بيبدأ بعد نص ساعه.





محمد:إيه صح الإختبار يالله شباب باي بسبقكم للجامعه باي.





بدر:الله يرجه صدق مرجوج هالولد مدري من طالع عليه.





بندر:خلنا نروح للجامعه أحسن لنا.





بدر:لحظه بطفي التلفزيون وأجيك.





بندر:انتظرك بالسياره.






في المدرسه الثانويه للبنات:





كانت نوره جالسه تهوجس في خالدولد عمهااللي شافها الصبح فجأه جتها غرام وروعتها





وقالت لها:نوره ليه اليوم تأخرتي الصبح.





نوره:بسم الله الرحمن الرحيم اللهم سكنهم مساكنهم.





غرام:وليه وش قالولك بليس طالع لك.





ندى:ياأختي وش فيك البنت سرحانه فخليها بحالها.





ريم:يابنات أسكتوا ليه أنتوا مزعجين.





غرام:وش عندها الدلوعه.





نوره:بنات خلاص يكفي إزعاج.





ريم:نوره ليه اليوم تأخرتي الصباح.





نوره: والله بندر نسى ملزمته مع مشعل ومشعل راح بيت عمي أبونايف ونسى الملازم عندهم وكلمت عهود ورحت وأخذت الملازم منها وصارلي موقف يفشل عندهم.





غرام:ههههههه وش صار.





نوره: خالد راح يسلم على بندر ودخلت سلمت على عهود وجلست أسولف معها شوي فجأه جاء خالد وهومسرع فتح الباب وشاف وجهي وأعتذر وطلع مسرع.





غرام:هههههههههه





ريم:ياحرام لوأنا مكانك يانوره كان جلست في غرفتي.





ساره:وش عندها المتعقده.





ريم: بجد اتكلم يعني حطي نفسك مكانها وولد عمك شاف وجهك والله فشله.





ساره:منهوا خالد .





ندى:خالد عمي وخال ريم وبعدين نسيتي أن أناوخوات وريم بنت عمتي ونوره بنت عم أبوي.





ساره: معليش خانتني الذاكره.





هند:بنات اتفسحوا بسرعه بعد خمس دقايق بيرن الجرس.





نوره:يابنات لاتنسون تجون بدري لبيتنا اليوم.





ندى:لاتخافين بتشوفينا قبال خشتك قبل صلاه العصر.





نوره: بنات تصدقون بندراليوم غير طبيعي.





ريم: ليه وش فيه.





هند:الحين بندرهواللي عنده اخوا توأم.





غرام:بيتقطع قلبي لوماأشوف وجهه.





ساره: ليه بيتقطع قلبك.





غرام:أسمع أخواني دايم يتكلمون عنه هووبدر ودايم يقولون صعب التمييز بينهم.





هند:لهالدرجه متشابهين.





نوره:ياحليلك لوتجلسين بينهم تضيعين وماراح تميزين سبحان الله كل شي فيهم واحد نظرتهم حركتهم إبتسامتهم وحتى طريقه مشيتهم وحتى نبره أصواتهم متشابهه.





ريم:أنا قد لمحت واحد منهم أذكر أنه جميل في الشكل.





غرام : حمستوني عشان أشوف وجهه .





نوره: معي بطاقه أحوال بندر.





أصرخوا كل البنات كل وحده تبي تشوفه قبل الثانيه والكل شافوا وجهه





قالت ساره:الحين هذا بندراللي تتكلمون عنه ماشاء الله سبحان الخالق.





هند:سبحان اللي خلقه.





غرام: خلاص هذا رجلي محجوز.





ندى:خذي ذى وأنا بأخذ توأمه.





ريم: ماشالله ماتوقعت أن شكله كذى.





ندى:لاتستعبطين نسيتي أن عيال عائلتنا كلهم جميلين.





ريم: تصدقين ماأنتبهت.





غرام: ريم انتي وش أمسويه بأخوي فيصل.





ريم تلون وجهها من الحياء وقالت: ماسويت له شي.





ندى: ليه وش السالفه.





غرام: اليوم الصبح مريت عند غرفه الأولاد وسمعت عبدالعزيز ميت ضحك ويستهبل على فيصل وسمعته يقول منهي اللي ماخذه عقلك وفيصل رد عليه بتنهد وقال ومن غيرها ريم بنت عمتي أم مشاري , بس بصراحه شكل فيصل يحبها موت.





ساره: أحمدي ربك فيه أحد يحبك ويفكر فيك ياريم.





ندى: وأنا أقول ليه يرتاع إذا جبنا طاريها.





هند:إيه من قدك ياريم ولدعمتك يحبك الله يخلف علينا.





ريم أحمروجهها وتلعثمت ماتدري وش تقول وفجأه رن الجرس وراحت مسرعه وصديقاتهاميتين ضحك على شكلها.






(في جامعه الشباب):





(في الكافتيريا):





كان فيصل ومشعل وطلال ومشاري ومحمد وبندر وبدرجالسين بالكافتيريا ومعهم شباب مهسترين.





فيصل حب يستهبل فقال بإستهبال:أقول شباب اليوم واحد من الشباب بينلطع في سوق الغنم هههههههههاي.





محمد: بينلطع وبس إلابيتوهق بريحه الخرفان وسيارته بتتوصخ بعد ههههههههههاي.





بندر:إذا خاطبكم الجاهلون قولوالله يخارجنا.





محمد: ناصروين راحوا عبدالرحمن ويوسف وريان من شوي كانوا معي بالإختبار فجأه أختفوا .





ناصر:عبدالرحمن راح يخبطها نومه في بيتهم لأن اليوم زواج أخته وتعرف عاد مغثه الحريم, ويوسف راح ينوم في بيتهم لأنه مانام من أمس ماشفت وجهه كنه عجينه من الإرهاق , وريان نفس الشي مانام من أمس وراح يرقد في بيتهم عاد أنت يامحمدغريب أمرك.





محمد:وليه غريب امري وش قالولك كائن فضائي.





فيصل:أيوه بدت الهستره عند محمد.





محمد:أقول لايكثر.





بدر:ناصر حبيبي محمد من امس مانام وهوالحين مرهق فإذا سبك أوناداك بأسم غريب فلاتتعجب لأنه من الإرهاق يقول شي مايدري عنه.





محمد:كم الساعه فيني النوم.





بندر:وش حادك تجلس معنا رح للبيت وأرقد أحسن لك.





مشعل:الظاهرأن بطاريه محمد طفت وش رايك يامحمد أوديك البيت على طريقي لأن محاظراتي خلصت.





محمد:هاه وش تقول أنت.





مشعل:قوم..... قوم..... الله يهديك خلني أوديك للبيت لاتفضح نفسك بين الشباب.





محمد:هاه وش تبي أنت.





بدر:ههههههههههاي قوم يادلخ ورح للبيت , مشعل وده للبيت قبل لايفضحنا بالجامعه.





محمد:خلاص بقوم وبروح للبيت يالله شباب باي.





ناصر:أجل ياشباب عن أذنكم بروح للبيت لأني من البارح مانمت.





بندر:أوكيه أجل نشوفك على خير.





ناصر:انشاالله يالله سلام.





بندر:مشاري طلال غريبه مالكم حس العاده أنتوا مهسترين.





طلال:يارجال عندي محاظره بعد شوي وقرفان من نفسي مانمت من أمس ودايخ خلني اشرب الكابتشينوا وأنا ساكت لأني إذا تكلمت بتطفا بطاريتي.





بندر:أجل خلك ساكت أحسن لك.





خالد:شباب أنابروح لمدرسه راكان وثمآ بروح للبيت خلصت محاظراتي تامرون شي.





بندر:سلامتك.





خالد:سلام.





بدر:مشاري ليه ساكت؟.





مشاري:ياأخي فيني النوم وعندي محاظره ومالي خلق أحد.





بدر:أقول بندروش رايك نروح نتمشى برى الجامعه إلين يجي وقت محاظرتنا.





بندر:يالله قوم وش تحتري , على فكره يامشاري وطلال لاتنسون الغدى عندنا اليوم أوكيه مع السلامه.





مشاري:فاضي ذى الولد الواحد فيه النوم وهويقول عزيمه غداء.





طلال: ماعليك منه أشرب الكابتشينوا الجو برد علينا.





مشاري: من كثر ماأشربه جاني النوم لأنه دافي يذكرني بسريري ومخدتي أه بس ياليتني نمت البارح.





طلال:أقول أسكت لاتخلص بطاريتك وتتوهق.





مشاري:صدقت والله يعينا على هالبلوه.





طلال:اللهم امين.







(في جامعه البنات):





(في ساحه الجامعه):





كانت عهود جالسه تشرب قهوه وتاكل حلى مع بنات أختها مشاعل ونوف ومع بعض من صديقاتها





القريبين منها.





عهود: بنات الدكتوره غاده ناشبه لي في حلقي.





نوف: أشربي مويه عشان تبلعينهاهههههههاي.





عهود: أقول بلاسخافات ماني ناقصه مزحك.





فهده: والله ياعهود حنانصحناك تدخلين قسم غيرهذا القسم لاكن أنتي ألحيتي تدخلين قسم الأدب وتحملي نتيجه إختيارك.





نوف: والله الأدب أهون من علم النفس اللي كله تعقيد.





فهده:والله ياحبيبتي علم النفس هوعلم من خلاله تقدرين تحللين شخصيات الناس.





نوف: يالله وش ذى القروشه أخلص من ريماس تجين أنتي.





فهده: إيه على فكره بنات ليه ماجت ريماس.





عهود:امس كلمتني تقول أنها تعبانه وماعندها محاظرات.





مشاعل: فهده أنتي مع ريماس في نفس القسم صح.





فهده: إيه في نفس القسم وصحيح أن ماعندي محاظرات اليوم بس جيت عشان أخذ الملخصات من الدكتوره حنان.





نوف:ياشينها ماأطيقها.





عهود: وليه.





نوف: شايفه نفسها.





مشاعل:الحرمه خذت حسناتك لاتحشين فيها عيب.





نوف:والله الكل يحش فيها ياربي مدري ليه شايفه نفسها.





مشاعل:عهود وين اختك عهد ليه ماجت اليوم للجامعه.





عهود:مالها خلق دراسه عشان كذى ماجت اليوم.





فهده:اليوم الإربعاء الله يعيني.





عهود:إيه صح اليوم زواره بنت خالتك.





فهده:ماودي اروح بس أمي مصره أروح معها.





عهود: روحي وفليها بس.





نوف: روحي ووسعي صدرك على الأقل عزيمتكم في قصر وفيه طقاقه ورقص وفله أماأحنا بنروح بيت أهل ريماس بنت عم أمي لأن أبوها عازم جماعته وبنروح الظهر يااختي احمدي ربك على الأقل بتشوفين ناس وعالم اماأحنا نفس الوجيه تتكرر كل إربعاء وخميس مانتمشى ولانروح لأماكن توسع الصدر.





نجلاء:يابنات خلونا ندخل جوا الجوصار بارد والقهوه بردت.





مشاعل:أنا بروح لقاعتي بعدخمس دقايق بتبدأ محاظرتي باي.





نوف:يوه نسيت أن عندي محاظره الله يعيني على الدكتوره فوزيه يالله باي بنات.





نجلاء:عهودبنات اختك حالتهم حاله.





عهود: ياحليلك لوتشوفينهم في البيت وش يسون.





فهده:بصراحه مشاعل عاقله نوف هي المرجوجه.





عهود:لاتلومينها أمس فايز فريق الهلال.





نجلاء:بعذرها صايره مهستره وتنطل كلام غير طبيعي.





عهود:الله يعين اللي بيتزوجها.





فهده:الله يهديها بيجي اليوم اللي تعقل فيه.





عهود:إن شاء الله يسمع منك.







(في مدرسه الأولاد الإبتدائيه)





(في ساحه المدرسه):





دخل خالد مدرسه أخوه راكان وهوضايق ويوم شاف أن الأولاد كلهم طالعين يتفسحون راح عشان يراقب أخوه راكان من بعيد وشاف راكان يمشي ومعه ثلاث أولاد فجأه طلع بوجههم ولد سمين ومعه خمس اولاد وباين عليه انه كبير وراكان أبتعد عن الأولاد لاكنهم ألحقوه ورموه على الأرض وهم يضحكون عليه , والولد السمين فتش مخابي راكان وأخذ فلوسه وفلوس الأولاد اللي معه وراكان قعد يبكي.





خالد راح للولد السمين وقال له: وش عندك تستقوي على اللي أصغرمنك.





الولد السمين:مالك دخل.





خالد:أنت من أولده؟.





الولدالسمين: أنا ولد المدير.





خالدبإستحقار:ماشالله وباز بوجهك بعد.





الولد السمين:وش تبي انت.





خالد:ليه أخذت فلوس الصغار؟.





الولدالسمين: ماخذت شي.





راكان: كذاب أخذ فلوسي كلها.





الولدالسمين:وش دخلك أنت.





خالد:والفلوس اللي في جيبك من وين جت.





الولدالسمين: أبوي معطينياها.





خالدبإستحقار: وتكذب بعد ماشالله على التربيه.





الولد السمين صد عن خالد وعطاه ظهره وطنشه وخالد عصب وقال له:أناماخلصت كلامي.





الولد السمين قال:أف....أف ياربيه وش تبي.





خالد:أنت في أي صف؟.





الولد السمين: سادس.





خالد:طيب بماأنك بسادس خلك رجال ورجع فلوس الصغار.





الولد السمين: أقول ضف وجهك تراك أزعجتني.





خالد بعصبيه:الظاهرأن أبوك ماعرف يربيك زين.





الولدالسمين:لايكثر.





خالدعصب وماقدريمسك أعصابه وبلاشعور صفق الولد السمين كف جامد من قوته طيح الولد على الأرض وخده طبعت فيه أثار أصابع يد خالد والولد صاح وجاء وكيل المدرسه مسرع يحاول يهدي الموضوع لاكن خالد مازال مصر على رايه ويبي الولد السمين يعترف قدام الكل بأنه سرق فلوس الأولاد أخليكم مع الأحداث أحسن.





الوكيل جاي مسرع وقال:وش السالفه وش صاير, وش فيك يامحمد تبكي وش صاير, وبعدين من انت ياأستاذ.





محمد:طقني قدام الأولاد بروح أعلم أبوي.





خالد:علم جدتك إذا بغيت.





الوكيل: من أنت؟ وليه ضربت محمد ياأخي هذا ولد المدير مجنون أنت.





خالد:ولد المدير ولد الفراش ولد الوزير مايهمني كل اللي يهمني أخوي راكان وبس واللي يمسه أمحيه من قدامي.





الوكيل:ياأخ خالد هدي الموضوع وأنت عارف أن المدير عصبي فلاتكبرالمسأله عشان ماتنقلبب ضدك.





خالد:والله مايهمني لاهو ولاولده وأعلى مافي خيله يركبه.





الوكيل:ياأخ خالد أهدأ أدري أنك معصب بس لاتكبرالأمور وهي تافهه.





خالد: تافهه بعينك يارجال أخوي كل يوم يشتكي مايبي يروح للمدرسه والسبب أن ولد المدير يستقوي عليه ويسرق فلوسه وتبيني اسكت وأمس جاي للبيت ثوبه مشقق ومليان دم ورجله مجروحه وتبيني أسكت, حنا حطينا ولدنا عندكم سليم مافيه شي وهو أمانه عندكم هذي رد الأمانه يرجع مجروح وثوبه مشقق.





الوكيل:على كل حال تفضل معي لمكتبي وهناك نتفاهم.





خالد:خلاص ماعاد فيه أي تفاهم أنابأخذ ملف أخوي وبنقله لمدرسه خاصه,أصلآ حنا أخطينا يوم درسناه بمدرسه عاديه.





الوكيل:أنت الحين معصب تعال المكتب نتفاهم .





خالد:راكان رح فصلك وجب شنطتك بسرعه.





الوكيل: مايحتاج وبعدين الأمرمايستاهل تكبره.





فجأه رن جوال خالد والمتصل عليه أبوه رد خالد وهوضايق وقال:سم طال عمرك.





أبوه: وأناأبوك وش صار على موضوع راكان رحت لمدرسته ولاأرسل أحد بدالك دقيت بس عشان أذكرك.





خالد:والله يايبه للأسف حنا أخطينا يوم سجلنا راكان في هذي المدرسه .





أبوه:ليه وش صاير؟.





خالد: والله مدري وش أقولك لاكن الأفضل ننقله لمدرسه خاصه.





أبوه: وليه وأناأبوك؟.





خالد: لابس تنظيمهم غلط والمديرأولده يستقوي على الأولاد وشفته ياخذ فسحه راكان من جيبه, وأخلاقه غلط, وإذا المديرماربى أولده صح فكيف نئتمنه على راكان.





أبوه: شف وأناأبوك أنا ماأبيك تستعجل في الأمور.





خالد: خلاص يبه بطلعه من المدرسه والسبت بسجله في مدرسه خاصه.





أبوه:أنت شايف شي في المدرسه؟.





خالد:شايف أشياء واجد بس ماأبي أتكلم عنها, على العموم أنابأسحب ملف راكان لأنه مايبي هذي المدرسه وبروح أشوف وش قصه هالمدير تامرني شي طال عمرك.





أبوه: سلامتك وأناأبوك بس لاتنسى عزيمه عمك الظهر.





خالد:إن شاالله يبه تامرني بشي ثاني.





أبوه: بس سلامتك يالله فمان الله واناأبوك.





خالد:في أمان الكريم.





الوكيل:تفضل معي ياأخ خالد.





جاء راكان من فصله وهو مسرع ومبسوط قال له خالد: حبيبي أخذت كل أغراضك.





راكان: إيه كلها يالله نروح البيت.





خالد:أصبر بروح للمدير وأخذ ملفك من عنده اجلس هنا مع أصدقاك وألعب معهم لين أجيك وإذا أحد لمسك علمني أوكيه حبيبي.





راكان:إيه.





خالد:وين مكتب المدير.





الوكيل:تفضل معي من هنا يااستاذ خالد.






(في غرفه المدير):





المديرجالس على اعصابه ومعصب بالحيل وأولده يبكي عنده فجأه دخل الوكيل ألحاله وقال للمدير السالفه والمدير ساكت وقال بضيقه:وينه ذى اللي صفق أولدي كف من حظرته يمد يده عليه.





فجأه دخل خالد بكل ثقه وهويطالع المدير بإستحقارقال:السلام عليكم.





المدير: وعليكم السلام.





الوكيل:ترى المسأله بسيطه مايحتاج تكبرونها.





المدير:ياأستاذ فهد خلنا لحالنا لوسمحت.





الوكيل:إنشالله طال عمرك تامرني بشي.





المدير: لا.





ولد المدير:يبه هذا اللي صفقني كف وخلا خدي احمر.





المدير:ممكن أعرف ليه مديت يدك على أولدي وبأي صفه ومن حظرتك تمديدك عليه؟.





خالدبثقه تامه: والله أنامامديت يدي عليه إلالأنه غلط غلطه شينه,وأسأل أولدك وش هوسوا عشان خلاني أمديدي عليه وانا.





المدير:وش سوا أولدي لك.





خالدقال للمديرعن كل أفعال أولده والمدير طاح وجهه قدام خالد ومع ذلك مصر على أن أولده بريئ.





المدير:أناأولدي عاقل ومايسوي هالحركات.





خالدبسخريه:إيه واضح من الأخلاق العاليه ماشالله صايركريم ومايغلط أبد أصلآ القرد في عين امه غزال.





المدير:ياأخ خالد رجاء لاتغلط.





خالد: بصراحه أولدك ماتربى زين ولاتزعل من هالكلمه وأكبر دليل ألفاضه اللي كلها قله أدب.





ولدالمدير:هيه لاتغلط علي.





خالد:وتلومني في كلامي عن ولدك.





المدير:أنت غلطت بمافيه الكفايه ومن حظرتك عشان تتكلم معي كذى.





دخل الوكيل مسرع للمديروهمس بأذنه وقال له:والله ياأبومحمد شكله ولد نعمه وأناشفت سيارته برى وهي أخرمديل نازل بالسوق أنتبه لكلامك معه أخاف يكون من عائله معروفه.





المديربهمس:متأكدأنت.





الوكيل:إيه وأنت تعرف أن عيال النعمه يتكلمون ومايهمهم أحد.





المدير:خيرإنشالله أنت جب له عصير سكته به وانابتصرف وبعدين ماتدري يمكن يكون واحد منتف ومتسلف السياره من صديقه تعرف حركات الشباب هالأيام.





خالدعصب وقال:المسأله مطوله ولا لا بتعطيني ملف راكان ولالا تراني تارك أشغالي ومقابلكم على الفاضي وأنامضيع وقتي على شي تافه خلصوني لاأتفاهم معكم بطريقه ثانيه.





المدير:أنت شايف نفسك على إيش ماأدري حضرتك من تكون عشان تتكلم بهذا الأسلوب ياولد نقي ألفاظك زين قبل لاتتكلم لأنك ماتعرف مع مين تتكلم.





خالدبإستحقار:مع مين اتكلم حمدالله رب العالمين اللهم لاشماته.





المدير:وش تقصد بكلامك هذا.





خالد:هذا لأنك مدير مدرسه تتكلم كذى أجل لوأنك وزيروش بتقول حمدالله رب العالمين, أنت ماتدري أني بمكالمه بسيطه أطيرك من كرسيك اللي أنت جالس عليه بس أناماأحب أقطع رزق أحد.





المدير بعصبيه:أحترم ألفاظك ياأستاذ خالدحنا بمكان محترم.





خالد:إيه واضح ماشاء الله.





المدير: أنت وش تبي عطني من الأخر.





خالد:والله أناماأبي شي منك غير أنك تسلمني ملف راكان وأنا بأنقله مدرسه خصوصيه.





المدير بضيقه:طيب وش يضمنني أنك أخوه.





خالد: تبي بطاقتي خذها عشان تتأكد.





المديرأخذالبطاقه والوكيل جاب ملف راكان ولما شاف المديرأسم راكان أرتبك وبلع ريقه ويوم شاف أسم خالد بالبطاقه توهق تدرون ليش لأن خالد ولد نعمه وزوج أخته مسؤل كبيرفي وزاره التربيه والتعليم وبتوقيع منه يطيرالمدير من على كرسيه والمديرالحين تورط أولده فشله قدام خالد وهودافع عن ولده وهويدري أن أولده غلطان وغيركذى أن أولده سرق فلوس راكان وضربه وهوالحين متفشل قدام خالد.





خالد:المسأله مطوله هنا ولا وشلون.





المدير: طال عمرك لاتكبرالموضوع ماحصل إلاالخير وأنت تعرف صغار ومايدرون.





خالد:يوم عرفت من أكون قلت لي طال عمرك ياسبحان الله لهالدرجه الأسم أربكك.





المدير: مايحتاج تنقل أخوك من المدرسه.





خالد:هذي غلطه الوالد يوم جابه هنا, أساسآ أنت ماربيت ولدك زين وأكبردليل شف مخبى جيبه اليمين بتلاقي فيه فلوس.





المديرأنصدم يوم شاف الفلوس ويوم طالع أولده بنظره حاده أعترف قدام أبوه بأنه سرق فلوس راكان والمديرطاح وجهه طيحه شينه وقال:الكل يخطي ومحمد توه صغير.





خالد:تلعب على نفسك أنت شايف شكله كيف كبير,وبعدين إذا أنت عجزت عن تربيه أولدك وهذا شي راجع لك لاكن ماأقدر أاتمنك على أخوي راكان وبعدين بأنقله مدرسه خاصه عشان ماتخرب أخلاقه.





المدير:أنت شايف شي غلط بالمدرسه؟.





خالد:المدرسه مليانه أغلاط وأكبرغلط وجودك على ذى الكرسي.





فجأه رن جوال خالد ودق عليه مشعل ولد أخته رد عليه وهو ضايق.





خالد:هلا مشعل كيفك تمام.





مشعل:هلا خالي.





خالد: وش بغيت؟.





مشعل:يارجال بقى نص ساعه وبيأذن الظهروينك.





خالد:ياأخي أبتلشت بشغله قروشتني المهم وش بغيت.





مشعل:أحلا يالمعصب ياأخي هدي شوي.





خالد:مشعل ماني ناقص إستعباط وش بغيت.





مشعل:ياأخي جدي دق علي وقال أنه يبيك تمره للشركه.





خالد:أف وش شركته أي شركه طيب وين السواق حق الشركه؟.





مشعل:كلهم مشغولين .





خالد:تسع سووايق وكلهم مشغولين.





مشعل:ياأخي الشكوه على الله.





خالد:ومالقيتوا إلا أنا, طيب أبوي بيجي معي ألحاله ولابيجي أحد معه لأني بمرجامعه البنات.





مشعل:لاتخاف أنابروح أخذ خالتي عهود من الجامعه أنت بس رح لشركه جدي وشف وش يبي.





خالد:طيب أبوك لين ألحين بالوزاره.





مشعل: ليه تسأل.





خالد:موضوع خاص بعدين أكلمك عنه.





مشعل:رح لجدي قبل لايعصب.





خالد:أوكيه أنابأخذملف راكان وبمر شركه ابوي والله يسترعسى مايبلشني بشي لأني دايخ ومزاجي متعكر.





مشعل:الله يعينك خلاص أجل بروح أمرعهود تامرني بشي.





خالد:سلامتك.





مشعل:سلام.





خالد:سلام.





المدير:الموضوع مايستاهل ياأستاذ خالد وفلوس راكان خذها وماصارإلاالخير.





خالد: لاشكرآ أعتبرها صدقه من راكان لولدك لوجه الله .





المديرخاف من خالد لأن نسيب خالد مسؤل كبيرفي وزاره التربيه والتعليم وهوخايف يطيرمنه الكرسي بسبب اللي صار اليوم.





الوكيل:ياأستاذ خالد مايحتاج تنقل أخوك من المدرسه.





خالد: أنامشغول موفاضي لكم بتعطوني ملفه بالطيب ولالاتحدوني أتصرف تصرف ثاني.





المدير: لا....لا بس حنا قلنا.





خالد: لاتقعد تسوي نفسك الفقيرالبريء حركاتكم هذي ماتحرك فيني شعره وبعدين راكان مايبي مدرستكم وحنا غلطنا وحطيناه فيها خل عندك كرامه وعطني ملفه.





الوكيل همس بأذن المديروقال:حناغلطنا يوم ماشيكنا على أسامي الطلاب وأنالوكنت أدري أن في مدرستنا ولد من عيال العز كان ماعاملناه هالمعامله للأسف كانت ورقه رابحه وخسرناها ولا كان الحين صارت علوم.





المديربهمس:أنت شيك على كل الطلاب وشف منهم عيال الشيوخ وأكتب أساميهم في ورقه وحاول تقنع خالد يخلي أخوه عندنا.





خالدرن جواله وردعليه وكان المتصل أبوه .





خالد:سم يبه.





ابوه:الحين ورى ماجيت أحتريك لي ساعه.





خالد:نشب فيني مديرمدرسه راكان.





أبوه:ماعطاك ملف أخوك.





خالد:يوم شاف أسمي في البطاقه غيررايه يحاول يقنعني اخلي راكان عندهم .





ابوه: شف وأناأبوك أنت شفت المدرسه والمديروأنت وكيفك مادام أن راكان مايبي هذي المدرسه خذ ملفه الحين وتعال بسرعه للشركه عشان توديني بيت عمك.





خالد:إنشالله يبه يالله في أمان الله.





الوكيل:ياأستاذ خالد فكرزين في الموضوع.





خالد عصب بالحيل وقال:ياأخي ماتفهم قلنالك مدرستكم ماعجبتا وولدنا مايبيها حركات المصالح هذي ماتمشي علي بتعطيني الملف بالطيب ولاأتصرف تصرف ثاني معكم .





المديربإرتباك:لا لا مايحتاج خذ هذا ملف أخوك وأسفين على سوء التفاهم اللي صار.





خالدأخذ الملف ومسك يد راكان أخوه وهوطالع ألتفت للمديروقال له: لاتفرح بالكرسي اللي أنت جالس فيه لأن فيه ناس يستحقونه أكثرمنك تدري ليش لأنك ماتستاهل الجلوس عليه وعلى فكره ماراح انسى إهانتك لي وعلى العموم توقع في أي لحظه يجيك قرار من الوزاره بفصلك من المنصب اللي انت فيه , اناماأحب أقطع أرزاق الناس لاكن أنت بتصرفاتك وصلت نفسك لهذا الشي وإذا ربيت ولدك زين ساعتها بنرجعك لمنصبك وأنت عارف أن نسيبي مسؤل بالوزاره وراح أكتب له تقرير عن مدرستك والإهمال اللي فيها.





المديرطارت عيونه من الخوف وقال:لاتتعجل في إتخاذ الأمور ياأستاذ خالد كل الناس يخطون.





خالد:خلاص أنتهى كلامي وماعاد به رجعه وأنت اللي وصلت نفسك لهذا الشي .





ركب خالد سيارته والمديريتوسل له ويترجاه وخالد مطنشه ونزل شباك سيارته وقال: انا مشغول وموفاضي لكم ضيعتوا من وقتي اربع ساعات لوماتوخرعن طريقي والله لأتصرف تصرف ثاني يالله سلام.





راح خالد والمديرقام يصفق وجهه ويقول:ياربي أناليه ورطت نفسي مع هذا الولد.





الوكيل:والله ماألومه أنت أهملت المدرسه وأخذت فلوس منها بالحرام وهذي النتيجه.





المدير:يارجال خلني في حالي خلاص أنهدم بيتي.





الوكيل:أقول أمش معي لمكتبك أشرب عصير يهدي أعصابك.





المدير:أقول شف أسامي الطلاب وشف من منهم عيال الشيوخ عل وعسى أتمصلح معهم ويتوسطون لي أبائهم عندالمسؤل اللي في الوزاره.





الوكيل:الله يعينك.





المدير:أمين الله يسمع منك.










الساعه 11ونص الصبح


(عند مواقف السيارات في جامعه الأولاد):


طلع بندرمن الجامعه وهموم الدنيا كلها فوق راسه لأنه بيروح لسوق الغنم وقف عند سيارته وهوضايق فجأه رن جواله والمتصل عليه خالد رد عليه وقال:هلا.


خالد:اهلين.


بندر:وش تبي أنت ماني فاضي.


خالد:ياأخي ابوي بلشني يبيني أروح له للشركه عشان أوديه هووأبوك لبيتكم.


بندر:والسواويق وين راحوا.


خالد:كلهم مشغولين تكفى سوخير ورح بدالي.


بندر: أناموافق بس بشرط تروح بدالي لسوق الغنم وتجيب ثلاث ذبايح وتوديها للطباخ هاه وش قلت.


خالد شهق وقال:لا الله يرحم أمك لا أروح للشركه أصرف لي الله يعينك على مابلاك هههههههاي.


بندر:خلاص أجل ضف وجهك ولاتزيد همي هموم يالله باي.


خالد:باي يامهموم هههههههههاي.


بعدماسكر بندرالسماعه طلع بوجهه بدروقال له:وش رايك تسابقني.


بندر: بدرحبيبي وش رايك تروح بدالي لسوق الغنم وانا بشتري الفواكه والعصير.


بدر: صحيح انك أخوي التوأم وروحك نفس روحي وطلعنا سوا من بطن واحد وتفهمني وأفهمك وأن احنا متشابهين.


بندر: الزبده.


بدر: لحظه خلني أكمل, وصحيح انك أعزالناس في عيوني لاكن أعتذر لك بشده لأني بروح أخذ نوره من مدرستها وبروح أشتري فواكه وعصير.


بندر:خلاص اجل ضف وجهك قبل لاأتوطى في بطنك.


بدر:هههههههههاي مسكين الله يعينك يابندوره.


بندرركب سيارته وهومتضايق وراح لسوق الغنم وبدر راح لمدرسه نوره ولقاها مابعد أفتحت وراح يشتري فواكه وعصير.







(في جامعه البنات):


رن جوال مشاعل والمتصل كان أخوها مشعل ردت عليه وقالت:هلا مشعل.


مشعل:هلا خلصتوا ولاتوكم لأني قريب من الجامعه.


عهود صرخت وقالت هذا مشعل عطينياه يامشاعل بكلمه.


مشعل: من ذي اللي تصارخ جمبك.


مشاعل:عهود.


مشعل: عطينياها بأكلمها.


مشاعل:خذها.


عهود:أهلين شعولتي حبيبي وشلونك.


نوف:أعصابك من شافك قال تكلمين خويك.


فهده: مشاعل منهوا مشعل؟.


مشاعل:أخوي وبعدين نسيتي أن عهود خالتي أخت أمي.


فهده:إيه صح.


نوف:مدري ليه الأولاد يحبون عهود.


فهده:لاتنسين انها ماشالله جميله وشكلها يفتن الواحد لوعندي أخوا كان خطبتها له.


عهود: مشعل ليه ماعاد تزورنا مثل أول.


مشعل:هههههههاي والله حبيت أثـقل شوي طيب أنتوا خلصتوا من محاظراتكم لأني قريب من الجامعه.


عهود:من الساعه تسع وحنا مخلصين بس السوالف ضيعت وقتناههههههاي.


مشعل: بس هذي شغلتكم يالحريم.


عهود:وش قصدك يامشيعل.


مشعل: لا ولاشي على العموم خالد ماراح يجي ياخذك وعشان كذى أبيك تطلعين مع خواتي لأني بوصلك لبيتكم.


عهود:أوكيه ياشعوله بروح ألبس عباتي عشان مانتأخر عليك.


مشعل:لاعادي خذي راحتك ماني مستعجل.


عهود:أوكيه أجل إذا وصلت عندالباب عطنا خبرأوكيه باي.


مشعل:باي.


نجلاء: ماشالله عليك ياعهود كيف عندك هالجرائه تكلمين ولد أختك كذى ولاوالمصيبه ان عمره بالعشرين.


عهود:عادي تعودت على كذى.


نوف:لاتخافين أصلآ هذا أسلوبها مع كل عيال أخوانها وخواتها.


فهده: قوموا يابنات خلونا نلبس عباياتنا وبعدين أنا ودي أشوف ذى اللي بياخذكم هو حلوا إذا كان حلوا فهوا محجوز.


عهود:هههههههاي لوتشوفينه بتنسدحين من جماله.


نوف:وع لاتبالغين .


نجلاء:ليه هو زين.


عهود:الحين أنا وأناخالته منفتنه بجماله وبعدين لاتهتمين لكلام نوف عنه .


فهده:بنشوف ونحكم.


مشاعل:خلاص وصلنا لباب الشارع قصروا أصواتكم فيه رجاجيل تراهم يسمعوننا.


طلعوا كل البنات برى ووقفوا على جمب فهده تنتظرالباص ونجلاء تنتظرسواقهم وعهودونوف ومشاعل ينتظرون مشعل فجأه وقفت سياره سوداء قبال باب الجامعه كانت تلمع وهي أخرمديل نزل منها شاب قمه في الجمال طويل وأبيض وثوبه يلق من النظافه وكان شعره أسود وناعم كان لابس نظارات شمسيه وجلس على كبوت السياره وطلع جواله وحطه بأذنه نجلاء وفهده أشهقوا من جمال هذا الشاب وقالوا:سبحان الخالق.


نجلاء:من ذى يابنات أه ياقلبي بصراحه هذا الشاب فتنه أه بس لو أعرف منهوا بس.


فجأه رن جوال عهود والمتصل مشعل قالها تطلع وعهود حبت تستهبل على نجلاء وفهده وقالت لهم: أتحداني أروح لذاك المزيون وأسلم عليه واركب معه.


نجلاء:أقول انثبري هنا أنتي وين وهووين.


عهود راحت للشاب فقالت نوف:ياشينه دايم يحب يستعرض.


مشاعل:خلاص بنات نشوفكم بكره.


فهده: من الشاب المزيون اللي راحت له عهود وسلمت عليه .


نوف:هذا أخوي مشعل.


شهقت نجلاء وقالت:اللي وقف السياره السوداء قبالنا وجلس على كبوتهاالزين ذاك أخوك مشعل.


نوف:ماشفتي شي أجل لوتشوفين شباب العائله عندنا بتموتين بمكانك, يالله بنات نشوفكم إنشالله السبت.


فهده:أوكيه مع السلامه.


بعد ماراحت نوف قالت فهده لنجلاء: ماشالله إذا ولد أخت عهود هذا شكله أجل وش بنقول عن البقيه.


نجلاء:أسكتي بس مالت علينا وعلى أهالينا شفت سيارته كيف شكلها.


فهده:نسيتي أنهم بنات عز أقول أسكتي بس هذا الباص جاء بروح أركب وشوفي سواقكم واقف هنالك خلاص اجل أشوفك السبت.


نجلاء : أوكيه مع السلامه.


 
 
رد مع اقتباس
 
 
   
  #4  
قديم 20-11-2012, 05:00 AM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
روايتي الأولي : آهات جروح حزينة / كامله








(في سياره مشعل):


بعدماسلمت عهود على مشعل فتح لها باب السياره اللي قدام عشان تركب جمبه ونوف كالعاده بدأت الغيره عندها


أخليكم مع الأحداث أحسن.


مشعل:هلا والله تومانور المكان تفضلي الساعه المباركه اللي شفتك فيها.


عهود:مشكور ياقلبي ماقصرت.


نوف:أف...... مشيعل وحنا يعني مالنا رب.


مشاعل:اكسري الشروأركبي لايقوم ويمحطك بعقاله.


نوف:اجل يفتح لها الباب ويسكره لها ويركب معها ويهلي ويرحب بها من شاف حركاته قال هذي حبيبته وحنا خواته ماتكرم على الأقل يفتح الباب ولويرده عادي راضين بس على الأقل يهلي بنا.


عهود: أعوذ بالله ياشين الحساد لاقاموا يتفلسفون.


فجأه رن جوال عهود والمتصل نجود بنت عمها ردت عليها وقالت لها: هلا نجودي كيفك.


نجود:تمام كيفك أنتي.


عهود:الحمدالله.


نجود:حبيبتي أنتي بتجوننا اليوم طبعآ فقلت لنفسي بماأنك طالعه من الجامعه تعالي قبل أهلك.


عهود:الله يذكرك بالشهاده تصدقين عاد أنا مواعده نوره أجيها بدري خلاص أناالحين بالسياره مع مشعل تبون شي أجيبه معي قبل لاأجي.


نجود:لاحبيبتي نبي سلامتك.


عهود:أوكيه عشردقايق وأكون موجوده بس عسى مايكون فيه أحد من الأولاد.


نجود:لاتخافين مافيه أحد كلهم برى ماعدا محمد نايم بغرفته ماأعتقد أنه بيصحى ذا الوقت.


عهود:خلاص أجل باي.


نجود:باي.


نوف:وش عندها نجود متصله؟.


مشاعل:ياشين اللقافه.


مشعل:وأنتي لازم تتلقفين بأمور ماتخصك.


نوف:ياأخي ومن اللي طلب رايك أناأسأل عهود ماأسألك ياأخي إذا تكلموا البنات السوواويق يسكتون سمعت سق وأنت ساكت.


عهود:مشعل أبيك توديني بيت عمي ابوفهد.


مشعل: ليه منتي رايحه بيتكم؟.


عهود:انا مواعده نوره أجيهم بدري.


مشعل:ماعليك منها روحي بيتكم وريحي وخذي لك غفوه بسيطه وبعدين ألبسي وروحي لهم وراك سهره طويله بالليل في بيتهم.


عهود:لا ودني الحين.


نوف: أنتي صاحيه في أحد يزورناس وهوتوه طالع من الجامعه.


عهود:إيه أنا.


مشاعل:طيب ياعهود وملابسك لازم تغيرينها هذي عزيمه وبعدين زوجه خالي أبووافي بتجي وشلون بتقابلينها بملابس الجامعه.


عهود:لاتخافون عهد بتجيب لي ملابس وبعدين أنابجلس في غرفه البنات وأهلي ماراح يطولون وأنتوا عارفين زوجه نايف بتجي متأخره كالعاده ومافيه أحد غريب.


مشعل:خلاص بنات لاتحاولون معها خلاص وصلنا لبيت أبوفهد.


نوف:شوفي بوابه البيت الكبيره مفتوحه والحديقه مليانه كراسي شكلها عزيمه كبيره.


عهود:من ذاك اللي واقف برى.


مشعل:ههههههههاي هذا واحد من التوأم.


نوف:وش تقصد؟.


مشعل:بندروبدر بروح أشوف وش جالس يسوي دقايق بس وراجع.


نزل مشعل بالسياره وكالعاده البنات بدأو يقزون بدر قالت نوف: سبحان الله ماشاء الله جميييييل جمييييل لعنبوا بليسه كنه بنت سوريه أقول شكلي بكلم نوره أخته بخليها تمدحني عنده عل وعسى يتزوجني أه ياقلبي.


مشاعل:أسكتي ياالخبلا لاتفضحينا.


عهود أسرحت بفكرها بعيد وهي تطالع بدرمن بعيد وقلبها يخفق كثير وكانت تردد:سبحان الله الله لايضره .


نوف:يارب يصيرنصيبه من نصيبي.


عهود:أقول أحلمي على قدك ماأعتقد أنه بياخذ وحده عاديه.


مشاعل:عهود عطيني علبه الكلينكس اللي بجمبك.


نوف:عهود وش فيك سرحانه؟.


عهود:لاولاشي بس أبي أنزل. وأستحي أمرقدام ولد عمي.


نوف:لوأنا بمكانك كان مريت قدامه وسلمت عليه بعد.


عهود:مجنونه أنتي؟.


نوف:اللي يشوف هذا الجمال ينسى نفسه يارب تخلي ذاك اللي واقف عند الباب من نصيبي يارب.


عهود: صدق مجنونه الله يهديك قولي أمين.


مشاعل:الله يسمع منك.








مشعل راح لبدر وهوميت ضحك وقال له: هاه بندر وش صار.


بدر:ههههههههههاي أنابدرمب بندر.


مشعل:أجل وين بندر؟.


بدر: والله توني مكلمه من شوي يقول أنه بيتأخرشوي لأن اللحم يبيله ثلاث ساعات يطبخ عندالطباخ.


مشعل:هههههههاي وكيف نفسيته أكيد زفت.


بدر:زفت وبس إلا قل واصله معه لخشمه معصب بالمره يبي يتروش ريحته تفوح غنم لاوالمصيبه أن أبوي توه متصل عليه وقال له أبيك تذبح حاشي لأن الوزيربيجي مع التجارهههههههاي.


مشعل:وانت وش بتسوي الحين.


بدر:توني جايب العصير والفواكه حطيتها بالمطبخ وجيت أشيك على العمال والصبابين والحين بروح أجيب أختي نوره من مدرستها.


مشعل:الله يعينك خلاص أجل أشوفك على خير .


بدر:وين رايح تونا؟.


مشعل:معي خواتي بوديهم للبيت وعلى فكره خواتك صاحين.


بدر: ليه؟.


مشعل:لأن خالتي عهود بتنزل من السياره وأخاف يكونون أهلك نايمين.


بدر: الله يحيها فيه نجود وريماس وأمي بعد صاحيه وبروح أجيب نوره الحين, إذا هي معك عادي خلها تنزل خواتي بالصاله جالسين.


مشعل:خلاص أجل بقول لها تنزل تامرني بشي.


بدر:سلامتك حبيب قلبي.


مشعل:خلاص رح أركب سيارتك الحرمه بتنزل من السياره موحلوه تمرقدامك منت محرم لها.


بدر:الله وأكبرمن يشوفك يقول ملكه جمال تراها بنت عمي لاراحت ولاجت مثلها مثل أختي خلاص يالله سلام تأخرت على نوره.


مشعل:هههههههههاي سلام يالمرجوج.


بدرراح يجيب نوره وعهود نزلت لبيت عمها ومشعل راح لبيتهم








(في بيت أبوفهد):


دخلت عهود للصاله وسلمت على نجود وأم فهد وجلست معهم تسولف فجأه دخلت عليهم الشغاله وقالت: ماما باباعود في يجي مع هزا نفررجال غريب.


أم فهد: وش تقولين أنتي.


نجود:ههههههههاي يمه هي تقصد ان ابوي جاء مع واحد غريب.


أم فهد:أقول ريماس قومي وأناأمك وروحي طلي بالشباك شوفي من ذا اللي جاي صوت رجال غريب برى.


ريماس قامت وطلت مع الشباك وأضحكت.


أم فهد:وش بلاك تضحكين من اللي جاي.


ريماس:اللي جاي أبوي وعمي أبونايف ومعهم واحد مدري منهوا تعالي عهود يمكن تعرفينه.


عهودطلت مع الشباك وقالت:إيه هذا أخوي خالد بس وش فيه ضايق.


نجود:مسيكين شكل أبوك كارفه من الصبح.


عهود:هومانام من امس.


ريماس:الله يعينه.


عهود:بروح أسلم على عمي واجي.


أم فهد:عهود ألبسي عباتك ترى فيه عمال برى.


عهود:إنشالله.








طلعت عهود تسلم على عمها,أماخالد وأبوها راحو للبيت يريحون ويوم سلمت على عمها دخلت جوا لاكن حست بالعطش وراحت للمطبخ فجاه صار لها موقف ماتنحسد عليه بس قبل لااقوله خلونا نروح مع بعض نشوف إيش صار مع بندرفي السياره.


(في سياره بندر):


بندرقرفان من نفسه ومتضايق بالحيل دق عليه أبوه رد وهوماسك أعصابه وقال: سم .


أبوه: هاه وش صار على الذبايح.


بندر:والله أحتمال أتأخرشوي بالغداء أناجاي بعد شوي معي صحنين مفاطيح بحطها بالمطبخ وبروح أجيب البقيه.


ابوه: زين وأناأبوك لاتفشلني مع الجماعه تراهم أوصلوا يالله فمان الله بروح أستقبلهم عجل لاتتأخرعلينا.


بندر:إنشالله.


(في سياره خالد):


خالد:يبه ليه ماجلست في بيت عمي الجماعه بيوصلون بعد شوي.


أبوه:والله كان ودي بس مب زينه أستقبلهم وأناتوني جاي من الشركه لازم أتروش وألبس البشت الأسود حق العزايم وأتبخر بالعود وأتطيب ثم أستقبلهم.


خالد:ومن اللي بيوديك لبيت عمي إذا تشخصت .


أبوه: أخوك نايف,كلمني من شوي وقال انه جاهز ولابس ويحتريني في بيتنالأنه بيستقبل الرجال معنا.


خالد:أجل بنام لأني دايخ.


أبوه:أنت عاد جب خواتك وأمك لبيت عمك وأبيكم تجون بدري يمديك تنام نص ساعه وبعدها ابيك تجلس مع الرجال.


خالد:يصيرخير.


(في سياره بدر):


نوره: بدرعهود جت عندنا.


بدر: مدري بس مشعل جابهامن شوي.


نوره: يس اخيرآ بشوفها.


بدور:خالي بدر وقف البقاله نبي حلاو.


خالد:إيه خالي تكفى وقف البقاله.


بدر:اوكيه بوقف بس لكم خمس دقايق بس تشترون فيها.


خالد:يعيش خالي.


نوره: خلودي جب لي معك فشفاش ولاتنسى أخوك بندر جب له حلاوا.


خالد:طيب خلاص اسكتي فشلتينا.


بدر:الله يعيني على مابلاني.


نوره: تقصد؟.


بدر:لاولاشي يالله ياخالد عجل علينا.


(في بيت أبوفهد):


(في قسم الرجال):


كان أبوفهد في قمه الشياكه والشخصيه وهويستقبل المعازيم هووولده فهد وأخوه أبونايف وولده نايف فجأه دخل بندر ويوم لمح السيارات عند الباب قرر يدخل الذبايح في قسم الحريم عشان يروح للمطبخ فاللي صارهناك شي ماهومتوقع أخليكم مع الأحداث:


عهودكانت بالمطبخ تشرب مويه وتغني وهي لابسه عباتهالأن فيه رجال , فجأه طلع لها صرصور وطلعت من المطبخ مسرعه تركض ماتشوف اللي قدامها.


أمابندرالمسكين نزل من سيارته صحن فيه مفطح وكان ثقيل بالمره وتوه متجه للمطبخ فجأه طلعت بوجهه عهود وهي تركض وصدمت فيه وطاح الصحن على الأرض وأنكب الرز كله وتناثر في الأرض, بندرظن أنها أخته نوره فقال لها:عميانه أنتي ماتشوفين.


عهود أرتبكت وخافت وقامت مسرعه ودخلت للصاله وهي تبكي, امابندرقام يجمع الرز من على الأرض وهويردد إنالله وإناإليه راجعون, قام ونادى الشغاله وقال لها:شيلي الرز واكنسي الأرض وغسليها وحطي الرز بكيس .


فجأه دخلت نوره وعيال نجود ويوم شافوا بندر أضحكوا على شكله.


نوره: يالله وش صاير هنا وش فيك بندر كنك متروش برز.


بندربضيقه:البركه فيك.


نوره:ليه اناوش سويت؟.


بندر:صدمتي فيني ودخلتي مسرعه للصاله وطالعه بكل برود تسأليني وش فيك.


نوره بتعجب:أناصادمه فيك متى أصلآ توني جايه من المدرسه.


بدر: الله يعينك لويدري الشايب أن الرز أنكب ترى بيجي وزيرمع التجار.


بندر: ياحبيبي أكملت شكلي بروح لسوق الغنم مره ثانيه الظاهرأني مومرتاح اليوم.


نوره:الله يعينك بس أنت وش بتسوي بالرزواللحم اللي طاحوا بالأرض.


بندر:بعطيه جمعيه خيريه ولاأي أحد من العمال اللي يشتغلون بالشوارع.


نوره:طيب من البنت اللي صدمت فيك.


بندر:لا ولاشي زلق مني الصحن واناأمشي أنتي ادخلي جوا أحسن لك بس لاتقولين لأحد أن الرز أنكب بروح أجيب ذبيحه غيرها.


نوره:أوكيه باي والله يعينك ههههههههاي.


يوم دخلت نوره قال بدر لبندر:أقول من البنت اللي صقعت فيك.


بندروهويشيل الصحن وينفض ثوبه قال: مدري ولاأبي أدري الله ياخذ عدوها ماطلعت بوجهي إلا ذا الوقت.


بدر:شكلها عهود بنت عمي.


بندر:بقلعتها, المهم بروح أنزل الصحن الثاني وبحطه بالمطبخ ثم بروح لسوق الغنم وأنت رح أستقبل المعازيم مع أبوي ترى الجماعه والشباب أوصلوا.


بدر:بتروش بالأول وبصحي محمدوبننزل يالله روح لحق لايسكرالسوق.


بدردخل جوا البيت وبندرشاف دفترتحضيرمنطول بالحوش ومن اللقافه أخذه معه وحطه بالسياره وأنطلق لسوق الغنم وهوضايق ويردد لاحول ولاقوه إلابالله.








(في صاله الحريم)


(عندالمغاسل):


نوره شافت عهود تبكي عندالمغسله وهي تنتفض قالت لها:بسم الله عليك وش فيك تنتفضين.


عهود:لابس بردانه شوي.


نوره:طيب ليه تبكين وش فيك.


عهود:ولاشي.


نوره : طيب ليه عباتك مليانه بقع زيت وفيها رز متناثر, لايكون أنتي اللي صدمتي في بندرأخوي بالحوش.


عهود:والله ماقصدت , أنارحت للمطبخ أشرب مويه لأني سلمت على عمي وكان معي دفتر التحضير حقي وفجأه طلع لي صرصور وخفت منه وطلعت مسرعه من المطبخ فجأه صدمت في أخوك والله ماكنت أدري أنه بيجي في طريقي.


نور:هههههههههاي حلوه هذي أقول أفصخي عباتك بعطيهاالخدامه تغسلها وبعدين بندرمايدري من اللي صدم فيه ولاتخافين راح يجيب ذبيحه غيرها وطنشي ترى الموضوع مايستاهل والرزشالته الخدامه وحطته بكيس ووداه بندر للجمعيه الخيريه .


عهود: طيب الحوش صار وصخ.


نوره: ياحليلك ميري غسلت الحوش بالصابون وصارالحوش يلق من النظافه, ياأختي أمشي خلينا نرقى فوق لغرفتي من زمان ماسولفت معك أنتي أسبقيني لغرفتي وانا بعطي ميري عباتك عشان تغسلها ولاتخافين مافيه أحد فوق.


(في سياره بندر)


بندر جالس يحاكي نفسه ويقول:إنالله وإنا إليه راجعون , الحين وش بتسوي بهذي المصيبه لاحول الله بس أموت وأعرف منهي اللي صدمت فيك . طيب هذا الدفتر كان معها أكيد أنه دفترها خلني أفتحه وأشوف وش أسمها , ماشالله تدرس قسم أدب ومزينه الدفتر ومعطرته وكاتبه فيه المحاضرات بس ماعليه أسم.


بندر وهويتصفح الدفتر لقى صوره بنت وأنصدم بصدمه غير طبيعيه لأن الصوره كانت صوره بنت في قمه الجمال لاكنه مايدري من صاحبه الصوره ويوم شافها تلعثم في مكانه حب يشوف وش الأسم اللي مكتوب على الدفتر وللأسف عهود ماكتبت أسمها على دفترها.


بندر قال بينه وبين نفسه: منهي هذي البنت, والله أنها جرح ماشالله جميله كنها سوريه بس من تكون ؟. إيه صح هذي اللي لمحت وجهها الصبح عندباب بيت عمي أبونايف بس من تكون ياويل قلبي ماشالله وش هذا الجمال, أقول تعوذ من بليس وسكر الدفتر مايجوز تشوف صوره بنت الناس منت محرم لها أستح على وجهك مايجوز.


فجأه قطع تفكير بندر صوت رنين الجوال وكان المتصل أبوه.


بندر:سم يبه بغيت شي.


أبوه: وينك تأخرت علينا.


بندر:عندالطباخ ويقول أن الحاشي يبيله ساعه جبت صحن للبيت وبقى أربعه صحون شوي وأجيبها لكم.


أبوه: أنهج علينا لاتفشلنا قدام الجماعه يالله فمان الله.


بندرتنهد وقال: فمان الكريم.








(في بيت أبوفهد)


عهود تمشي بهدوء في الدرج وراحت لغرفه نوره وماكان فيها أحد فتحت باب الغرفه وجلست على السريرثمآ انسدحت لأنها مرهقه وبدون شعةر نامت


بدرغرفته قريبه من غرفه نوره وطلع من غرفته يبي ياخذ الإستشوار من عند نوره لأن الجو بارد ويبي ينشف شعره بالإستشوار وشاف باب الغرفه مفتوح ظن أن مافيها أحد و دخل بدون مايطالع طريقه وتوجه للتسريحه وفتح الدرج الأول وطلع الإستشوار ولمح وحده نايمه على السريرومعطيته ظهرها ظن أنها نوره وطلع من الغرفه بدون مايشوفها,


دخلت نوره غرفتها وشافت عهود نايمه لاكنها صحتها قالت لها: عهود ألحين ليه نمتي وخليتيني.


عهود:ياأختي شفتك تأخرتي علي قلت أخذغفوه ليماتجين.


فجأه دخل بدروعهود غطت وجهها بالكمبل وبدرقال:نوره أستشوارك ذا رفع ضغطي.


نوره صرخت وقالت:أطلع برى فيه بنت عمي.


بدرطاح وجهه وراح لغرفته وقال:نوره تعالي.


عهود:ياربيه وش ذى الحظ الشين من شوي بالحوش والحين بالغرفه أجل الله يستر من الجاي.


نوره:ههههههههاي ياأختي فليها وربك بيحلها.


(في غرفه بدر):


نوره:هاه وش تبي يالمزعج.


بدر:من اللي عندك بالغرفه.


نوره:ياشين اللقافه ياأخي خلصني وش تبي.


بدر:استشوارك رفع ضغطي أبيك تنشفين شعري الجماعه تحت لازم أنزل.


نوره:هههههههاي وبندرمابعد جاء الله يعينه.


بدر:ياأختي أخلصي علي خليني اروح .


نوره: طيب محمدوينه.


بدر:صحى من زمان وتروش وهوالحين جالس مع الرجال بالمجلس.


نوره:ماشالله عليه, خلاص شعرك نشف ومافيه ولانقطه مويه وبحط لك فيه كريم عشان يهجد.


بدر:مايحتاج بس أنتي جيبي شماغي وعقالي .


نوره:شماغك وعقالك تحت بالصاله وبتلقى بخور تبخر وتطيب عشان ماتفشل أبوي.


بدر:أقول وخري عن طريقي خليني أنزل لايجي فهد ويعطيني محاضره في أداب الضيافه يالله باي.


نوره:هههههههاي باي يالمرجوج لاتنسى تلبس جزمتك ههههههههاي.


(في مجلس الرجال):


(جهه الشيبان):


أبوفهد:ياهلا والله الله يحييكم أسفرت وأنورت.


أبوخالد:ماعليك زود.


أبوفهد:ياعيال صبوا قهوه لضيوفنا, هذي الساعه المباركه.


أبوتركي:أجل ماقلت لي ياأبوفهد وين عيالك مالهم حس.


أبوفهد:شفهم قبالك هذاك محمدوذاك فهد وذاك بدرأوبندر واحد منهم.


أبوتركي:ماشالله مسرع أكبروا خبري بهم كانوا صغار يلعبون ههههههه.


أبونايف:أذكرالله يارجال.


أبوتركي: ماشاء لله تبارك الرحمان.


(جهه الشباب):


مشعل: أقول شباب موكن العزيمه ممله.


محمد:إيه والله صدقت كلهم شيبان.


بدر:متى يجي بندر عشان نحط الغداء ويتغدون ويروحون ونفتك ياأخي نبي نروح للبر الجو يهبل يصلح للتخييم.


محمد: أوف شباب شوفو من اللي دخل للمجلس.


مشاري:لاحول ولاقوه إلى بالله وش ذى النشبه وش جابه.


مشعل:من تقصدون؟.


بدر:ماجد ولد عمه أبوي ياشين ذى الأدمي ماأطيقه ياشباب صرفوه.


فهد:أقول أستح على وجهك هذا ولد عمه أبوي ياعيال سلموا عليه.


ماجد:سلام شباب كيفكم تمام.


فهد:الحمدالله أنت كيفك تمام.


ماجد:يارجال من جيت من فرنسا وأناضايق صدري.


فهد:عسى ماشر؟.


ماجد:لابس مليت من الرياض وودي أرجع لفرنسا.


محمدبهمس يقول للشباب:شفتوا قايل لكم أنه غثيث الحين بيقعد يبجخ بسفراته وفلوسه.


ماجد:بصراحه الجو عندكم ممل جدآ.


وافي:إيه ماشالله عليك.


فجأه رن جوال ماجد وقال:عن اذنكم شباب جتني مكالمه ضروريه أعتذر منكم أناجيت بس عشان أسلم عليكم لأن سفرتي بعد نص ساعه يالله أشوفكم على خيروإنشالله نتقابل في عزيمه ثانيه يالله باي شباب.


فيصل:راح الغثيث الحمدالله رب العالمين.


خالد: ياشباب وهويتكلم حسيت أن ودي أخنقه تدرون ليش لأنه ماينبلع.


متعب:خالد خلاص يكفي عيب اللي تقوله.


محمد:انشب الحين بنسمع محاظرات عن الأخلاق .


فهد:أصلآ حنى نضيع وقتنا مع شباب طايش يالله يامتعب وياوافي قوموا ورحبوا بالرجال.


خالد:مدرسه هي كل شوي نهلي ونرحب.


محمد:خلك مع الخيل ياشقراء أن قاموا يرحبون قم معهم وان جلسوا اجلس معهم وخلي أبتسامتك عريضه ترى الشيبان يراقبوننا من بعيد.


مشعل: أقول ورى مانقوم ونجلس في جهه الشيبان ترى سوالفهم تموت من الضحك.


محمد:قوموا عل وعسى يطيرالوقت ويروحون.








(في قسم الحريم):


(في الصاله):


كل الحريم مجتمعين يتقهوون ويسولفون والأصوات والضحكات عاليه , البنات جالسين بجهه والحريم جالسين بجهه


قالت ام نايف:والله أنك ياعهود روعتيني, أجل تطلعين من الجامعه وتروحين بيت عمك بدون ماتعطيني خبر.


عهود:وش أسوي نوره ألحت علي أجيهم بدري.


أم فهد:ماعليك منها البنت جايه في بيت عمها موواحد غريب.


أم نايف:هاه ياأم وافي عساك جبتي المحلى اللي وصيتك عليه.


أم وافي: إيه جبته ياخالتي وسنعته مثل ماتحبين.


أم نايف: زين سويتي.


أم فهد:نوره وانا أمك أتصلي على بندر وش فيه تاخر علينا بالغداء ترانا جعنا.


نوره: والله اتصلت عليه من شوي يقول بالطريق جاي ومعه كل الذبايح .


أم نايف:المسكين الين الحين يفتربالسياره عشان الغداء.


أم فهد:وش أسوي بابوه هواللي ألح عليه يجيبها.


أم نايف:الله يعينه .


فجأه رن جوال عهود وكان المتصل أخوها خالد قال لها:أطلعي برى معي شي لك.


عهود قامت وقالت لأمها:يمه بروح أشوف خالد وش يبي.


أم نايف:اجل وأناأمك روحي المطبخ وأغرفي شوي من المحلى في صحن وجيبيه خلينا نذوقه.


أم فهد:إيه تكفين متنا جوع وحنانحتري الغداء الله يهديك يابندر.


عهود:إنشالله.



جاء بندر بالذبايح وحطها بالمطبخ وجلس على الطاوله عشان يريح شوي لأنه منهد حيله بالمره يوم جاء بيطلع سمع صوت عهود وحسبها أخته نجود حب يسوي فيها مقلب توزى تحت طاوله المطبخ أخليكم مع الأحداث:




طلعت عهود برى وقابلت خالد عند المطبخ


خالد:هلا عهوده وينك مختفيه.


عهود: لامختفيه ولاشي وش بغيت ياأخوي.


خالد:لابس معي غرض لك.


عهود: وش معك.


خالد: معي كيس مليان حلويات ومن النوع اللي تحبينه أنا مكثرمنه عشان توزعين على الكل.


عهود:وش ذى الكرم اللي طرى عليك فجأه.


خالد:لابس مريت البقاله وتذكرتك وجبت لك هذي الورده بعد.


عهود:قامت تطامرمن الفرحه ومن الفرحه ضمت أخوها خالد وعطته بوسه على خده وقالت له: مشكور ياأروع خلودي بهالعالم.


وراحت للمطبخ وهي مبسوطه.


خالد قال بينه وبين نفسه:يالبى قليبها بصراحه أختي ذي فتنه أعوذ بالله أفتنتني وهي ماتدري بصراحه لوأنها مب أختي كان تزوجتها ياحظ من بيتزوجها أه ياقلبي ليجيت أتزوج بتزوج وحده نسخه منها ولا بتم طول عمري عزابي, أقول أستح على وجهك هذي أختك لاتخلي بليس يلعب براسك .


عهود مشت للمطبخ وهي تغني أغنيه:( ياورد من علمك تجرح الجرح ماهومن أطباعك)


أمابندر يوم جاء يطلع من المطبخ سمع صوتها وهي تغني وظن أنها نجود فحب يسوي فيها مقلب ويروعها فقام توزا تحت الطاوله منتظر قدومها عشان يروعها وفعلآ دخلت لاكن اللي دخلت وحده غريبه لاهي نجود ولاهي وحده من خواته كان صوتها بالنسبه لبندر جنان كانت تغني وماسكه ورده حمراء بيدها, شالت الحافظه اللي فيها محلا وحطتها على الطاوله وغرفت منه بدلع في هذي اللحظه وللمره الأولى خفق قلب بندربسرعه مايدري هوبحلم ولابعلم فجأه طاحت الورده من يد عهود جت بتأخذها فجأه دخلت ميري للمطبخ.


عهود:هاي ميري هواريو.


ميري:أيام فاين ثانكيوا.


ميري شافت بندرتحت الطاوله وتوها بتتكلم أشرلها بندرتطلع وتسكرباب المطبخ , وطلعت وسكرت الباب.


بعد ماغرفت عهود المحلا كان بندر يطالعها من فوق لتحت نسى نفسه يوم شافها مايدري هذي ملاك ولاقمر هذا جمال ولاحلا , المسكين ضاع منه عقله وتفكيره سوا , المسكين تلعثم وعاش في حلم حلو في وقت قصيرفجأه فضحه جواله ورن والمتصل كان أخوه محمد وبندرالمسكين أرتاع ونسى نفسه ورد عليه وقال:أنا جيت والغداء جاهز بالمطبخ بتروش واجيكم سلام.


عهود خافت وطاح منها صحن المحلا لأنها ماتوقعت أن بيكون فيه أحد غيرها بالمطبخ والمسكينه من الخوف تبنجت في مكانها وقامت تنتفض بسرعه وأسرعت لباب المطبخ تبي تفتحه ومن خوفها ماعرفت تفتحه , طلع بندر من تحت الطاوله وهويطالع الأرض قال: أناأسف حسبتك نجود أختي مادريت أنك وحده ثانيه أناأسف.


بندروهويقول هالكلام كان قلبه يخفق ماعمره شاف وحده مثلها كامله والكامل الله جمال أخلاق دلع كل شي فيها حلو.


بندركان واقف في طريق عهود وعهود تبي تمشي ماقدرت الحيا منعها خفق قلبها بقوه تجرأت وقالت له: ممكن توخر عن طريقي.


بندرطالعها بنظره عشق وقالها:اسف.


وطلعت عهود وهي مسرعه ودخلت جوا, أمابندرجلس على كرسي واخذ الورده من على الأرض وهو متعجب من نفسه لأن قلبه مازال يخفق بسرعه.










أول لقاء جمعناكان يوم الأربعاء


فيهاأبتدى اللقاء في مطبخ بيتناالكبير


شفتهاوأستحت وأحمروجهها من الخجل


وقلبي كان يخفق كثيروتفجرفيه الوله


حبيتهاإيه حبيتها من دلعها من خجلها حبيتها


وقلبي ذاب في حبها في لمحه بصر


من شفتهاقلبي خفق وحبيتها وعشقتها


عيونهاأمكحله وشعرآ طويل ماأجمله


وبلوزتآ فوق الخصر طويلتآ ومخصره


وبياضآ يتل القلوب مع الخدودالمورده


وشفايفآ كنها جمرومن لهايبها مولعه


نست وردتها هنا وأركضت بسرعه من الخجل


قلت يالبى قليبها حتى ركضها ماأجمله


والله أني حبيتها من أول يوم شفتها


كانت بمطبخناالكبير وخطفت قلبي وأختفت


(كاتم الحـ(بندر)ــــــزن)








بندرقال بينه وبين نفسه: بندروش فيك؟, معقوله بنت تاخذ عقلك؟, بس هي مزيونه شكلي حبيتها من أول نظره أه ياقلبي وش أسوي طيب هي مخطوبه ولالا, بس أخاف تكون متزوجه, لاشكلها صغيرماأعتقد أنها متزوجه أقول قم بس روح تروش أحسن لك قبل لايطيش عليك الشايب والبنت بعدين تفكرفيها.






(في صاله الحريم):


دخلت عهود وهي خايفه وأنفاسها مقطوعه من الركض وقلبها يخفق كثيروراحت لدوره المياه ووقفت عند المغسله وقالت بينها وبين نفسها: ليه سويتي كذى ياربيه ليه يصيرلي كذى في البدايه صقعت فيه بالحوش, والحين مخبي نفسه تحت الطاوله وشافني وحفظ شكلي أف وش أسوي لو دروا عني أهلي والله يشنقوني وانا حيه أقول عهود هدي أعصابك وأجلسي معهم بهدوء عشان ماتفضحين نفسك.


غسلت عهود وجهها وعدلت مكياجها وخذت نفس عميق وراحت للصاله وجلست مع أختها عهد.


أم نايف:عهود وين المحلا.


عهود: يمه أناغرفت منه شوي وشفت تحت الطاوله جرذي كبير خفت منه وطلعت من المطبخ بسرعه.


أم فهد:ماخبرت أن في مطبخنا جرذي شكلها قطوه صغيره أويمكن تتوهمين.


عهودتوهقت وقالت: أناشفت شي يتحرك تحت الطاوله صرخت وطلعت مسرعه لأني كنت خايفه.


فجأه رن جوال نوره: هلابندر وش عندك, انت بالمطبخ , تبيني!, ليه وش عندك؟, طيب طيب لاتهزء جيت يالله باي.


أم فهد:نوره وانا أمك روحي شوفي أخوك يمكن جاب الغداء ترا متناجوع قولي لميري تصف السغره للرجال وقوموا يابنات ساعدوها.


نوره: يمه البيت نصه خدم خليهم يصفون السفره ألحالهم.


أم فهد:أقول قومي وتعلمي السنع والذرابه بكره لاأعرستي محد نافعك غيرذرابتك وسنعك وترا الرجال يحب البنت الذربه.


نوره:إنشالله يمه.


عهود: نوره أبيك بشغله تعالي عندي.


نوره:وش صاير؟.


عهودبهمس: أخوي خالد عطاني ورده حمراء وكيسه مليانه حلويات وأنانسيتهم بالمطبخ فياليت تتكرمين وتجيبينهم لي.


نوره: بس ماطلبتي شي الحين بأجيبهم لك حنا كم عهود عندنا.


عهود:مشكوره حبيبتي.


نوره: خلاص بروح أشوف بندر وش يبي, بس على فكره وش فيك متوتره ؟.


عهود:هاه....لاولاشي أنتي روحي للمطبخ ترا ماصار غداء متناجوع.


نوره: هههههههههاي كل تأخيره فيها خيره بروح أشوف وش يبي أخوي تشاو.


عهود: تشاو والله يستر.


(في المطبخ):


دخلت نوره للمطبخ وقالت: هلابالخاين ترا متنا جوع ماصار غداء.


بندركان بيسأل نوره عن البنت اللي شافها بالمطبخ لاكن نوره فلت الشريط كالعاده,


بندر:خلاص هذا الغداء وجبته وأنتبهي تراه حار.


نوره شهقت شهقه قويه وقالت: وش ذا ليه المحلا منطول الله يقطع سوالفك ياعهيد.


بندرلقاها فرصه عشان يسحب من نوره الكلام فقال لها بتعجب: منهي عهيد؟.


نوره:ههههههههه خالتي أم نايف قالت لبنتها عهود تجيب المحلا من أخوها خالدوتغرف منه شوي في صحن عشان نذوقه وفجأه جت تركض وهي خايفه موت وجهها أحمروقلنا لها وش فيك ياعهود؟, قالت: شفت جرذي تحت الطاوله وخفت منه وجيت مسرعه من الخوف.,ههههههههه الله يقطع سوالفك ياعهود.


بندر: أجل شافت جرذي تحت الطاوله.


نوره: هي قالت كذى بس على فكره أنت من متى وأنت هنا ميري تقول أنك جالس بالمطبخ لك نص ساعه.


بندر أرتبك وقال:لا توني داخل الحين.


نوره: إيه صح فيه ورده وكيس فيه حلويات وينه.


بندر: شوفيه على الطاوله , بس تصدقين بغيت أخذه وأزع الحلويات على الشباب.


نوره: تخسون والله ماتشدونه لو بأحلامكم , بروح أعطي عهودكيستها بس وين الورده؟.


بندرأخذ الورده وخباها في جيبه وقال لنوره:أقول الحين الحريم وين جالسين؟.


نوره:بالصاله.


بندر:وش ذا النشبه يعني لازم أمر قدامهم وأنا بذا الحال.


نوره:ههههه تكفى تروش ريحتك شينه.


بندر:خلاص أنتي روحي سوي لي درب لأني برقا فوق بتروش وأنزل للجماعه.


نوره:أوكيه.


(في مجلس الرجال):


أبووافي بمزح قال: الحين يافهد ورى ماتعرس وش رايك أزوجك وحده من بناتي عاد أنت نق منهم اللي تعجبك.


فيصل ضحك لاشعوريآ وقال: إيه تكفى يارجال خذ وحده منهم وفكنا.


فهد تورط وقال: تونا على العرس ياعم.


عبدالعزيز:الله يعينك ياوخيتي عليه.


محمد بإستهبال:فيصل خواتك عاقلات وملتزمات.


فيصل: إلا داجات ومراهقات يعشقون الأغاني وكل يوم طقاق بس وافي دايم يصفقهم ويهاوشهم وينصحهم ولاحياه لمن تنادي.


وافي: فيصل خلاص أسكت عيب تتكلم عن خواتك عندالرجال.


فيصل:إيه صح أسف نسيت نفسي.


أبومشعل:وش رايك ياوافي أزوجك بنتي مشاعل؟.


فيصل:مشعل أختك ملتزمه ولا لا.


مشعل: هي عاقله ومثقفه.


خالد:تبي الصراحه هي نسخه من وافي .


مشعل:ماأتخيلها زوجه لوافي.


فيصل:ليه ماتتخيلها زوجه له؟.


مشعل:مدري بس أحس أنها ماتصلح له.


أبوفهد: ياعيال ماجاء بندر؟.


محمد: توني متصل عليه يقول أنه في المطبخ والحين راح يتروش.


أبوفهد: فشلني عندالرجاجيل الله يهديه.


فهد: يايبه لاتلومه الجو بارد وهواليوم مداوم بالجامعه وماطلع منها بدري والحمدالله أنه جاب الذبايح .


أبوفهد:الله يهديه بس.


(في صاله الحريم):


دخلت نوره وقالت: تغطوا ياحريم.


نجود:وش قالولك عرس وحنا ماندري.


نوره: لابس بندر بيرقا فوق يتروش عليه ريحه كلها غنم ههههههه.


بعدماتغطوا الحريم دخل بندر وهمس في أذن نوره وقال لها: سمعتك يالفضيحه.


ونوره شهقت وبلعت ريقها.


أم فهد: هاه وأناأمك وش فيك تأخرت علينا من اللي أخرك, ميري قالت لي أن الرز أنكب بالحوش وش صاير؟.


بندر توهق مايدري وش يقول مايبي يكذب على أمه ولايبي يوهق عهودلأنه يدري أنها هي اللي صدمت فيه بالحوش


حب يصرف الموضوع قال:الرزأنكب لأن العامل ماشاله زين زلق من يده وهوبالحوش عاد أنا رحت وجبت غيره.


أم فهد: بس وأناأمك ميري قالت لي كلام مختلف.


بندر:وش قالت بالضبط؟.


أم فهد:قالت أن عهود صدمت فيك وأنت أخذت دفترها حق الجامعه معك.


عهود قلبها خفق بسرعه من الخوف وبندر بلع ريقه وقلبه بدأ يخفق يبي يدور حجه يقولها لأمه فقال لها: يمه تصدقين الخدامه وتكذبين أولدك أفا ياأم فهد ماهقيتها منك.


أم فهد: ماعلينا المهم زاهب الغداء؟.


بندر:إيه كل شي زاهب بس بروح أغير ملابسي وأنزل للجماعه.


أم نايف: وشلونك يابندر والله وصرت رجال وبناتنا قدامك أختر ونق على كيفك.


بندر: ماعليك زود ياأم نايف.


بندرأنحرج ونزل راسه بالأرض وقال بينه وبين نفسه: والله لوالود ودي كان أخذت بنتك عهود اليوم قبل باكر.


أم فهد: وش فيك وأناأمك وين سرحت.


بندر:لاأبد ماسرحت ولاشي.


عهودكانت تطالع بندر بنظرات هاديه وهي متغطيه وجاها شعور غريب أول مره تحس به قلبها يخفق بسرعه,


نوره:بندر ليه ماتروح ياخي خلاص روح تروش ولاعاجبتك ريحتك.


بندر: خلاص أجل تامروني بشي.


أم فهد: سلامتك وأناأمك.


بندر: اجل جهزوا السفره لأن الوالد أرتفع ضغطه يالله فمان الله.


أم فهد:ههههههه الله يهديه مكبرالمسأله وهي صغيره.


أم نايف: منهواللي مكبرالسالفه؟.


أم فهد: أبوفهد الله يهديه.


أم نايف:ياوخيتي كل الرجال كذى.


أم فهد: إيه والله صدقتي.


أم نايف: ماشالله بندر كبر بسرعه.


أم فهد: أناأنتظره يخلص دراسه وبأخطب له وحده من البنات.


أم نايف:اختاري ونقي على كيفك.


البنات كلهم أنحرجوا من كلام أم نايف,


نوره:يمه تكفين قولي لبندر يمشينا العصر اليوم إربعاء نبي نتمشى نشم هواء.


نوف: ليه مانروح نخيم في البر.


نوره: فله نطعس ونركب دبابات تكفين يمه كلمي بندر.


أم فهد: الجو بارد.


أم نايف: خليهم يستانسون الجو زين يصلح للبر.


نوره:تكفين يمه قولي لبندريودينا للبر.


أم فهد:إذا نزل من فوق فيها ألف حلال.







(في حمام الأولاد):


كان بندر جالس في البانيوا وهوسرحان صوره عهود مافارقت عيونه يتذكر حركاتها وصوتها وهي تغني وترقص في المطبخ


قال بينه وبين نفسه: البنت هذي خذت عقلك وراحت , طيب ليه ماتخطبها بس أخاف تكون مخطوبه طيب وش بتسوي يابندر والله حالتك حاله .


فجأه قطع تفكيره صوت أخته نوره وهي تقول:بندر لك ساعه باالحمام يالله أطلع أبوي أرتفع ضغطه.


بندر: أف خلاص بطلع أنتي بس روحي ولاتزعجيني.





توقعاتكم للبارت الجاي


ماراح أكتب أسئله ولاراح اضيف بارت إلى إذا شفت ردودكم لأن ردودكم تحمسني للكتابه


تقبلو تحياتي:


لوحه خواطرفنان
[/color][/size][/center]

 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة








الساعة الآن 11:11 AM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net