صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة






الرجاء استخدام خاصية البحث أدناه للبحث في الموقع:









إضافة رد
 
أدوات الموضوع إبحث في الموضوع انواع عرض الموضوع
  #1  
قديم 22-12-2012, 04:59 PM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
يا لبيه يا الدنيا العجيبة / للكاتبة معانده جرووحي , كاملة




السلام عليكم


صباح/مساء


الخيـــــــر



:
حبيت تشاركوني قراءة روايتي الرومانسيه الجررريئه والاهم من هذا الكااااااااااااااااااامله..:


يعني لاتخافون ماراح اسحب مثل بعض الكاتبات اللي كنت اقرالهم ويرفعون ضغطي لان الروايه مكتمله عندي..


كل اللي ابيه منكم تتفاعلون معي اول بأول.. اذا شفت تفاعل نزلت الباقي واذا ماشفت بدور على مكان ثاني يحتوي هالروايه..:


احب انوه ان روايتي جريئه اللي مو حاب يقرا بكيفه يعني ماله داعي التجريح والنقد اللاذع .. اما النقد البناء فأنا ارفع لصاحبه القبعه احتراما..


اكيد بتلقون اخطاء كثيره فاعذروني عليها... واترككم مع الروايه


 
 
رد مع اقتباس
 
 
   
  #2  
قديم 22-12-2012, 05:00 PM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
يا لبيه يا الدنيا العجيبة / للكاتبة معانده جرووحي , كاملة




يالبيه يالدنيا العجيبه



ام تركي وهي تبخر نادر:ماشاءالله كنك المعرس


نادر:واحلى بكثيييييير من المعرس


ام تركي:مااااادح نفسه


نادر:ههههههه كمليها كذاب


ام تركي: لا محشوم وليدي ابسحبها


نادر بمزح:اششوا بغيت اهون عن الروحه


ام تركي تحط المبخره ع الطاوله وتضحك


ام تركي:بعد قليبي مايتم شي الا بوجودك..


الا تعال خواتك تأخروا في المشغل نبي نروح الصاله ماصارت


نادر:دحوم راح ياخذهم وبيوديهم القاعه من هناك


ام تركي:اجل استعد ابيك توديني


نادر:ابشري يلا حتى ابوي ينتظرني برا


قال اوصله لان زي مانتي عارفه مايشوف بالليل


ام تركي:لحظه خل تركي ينزل ابخره واقرا عليه فديته معرس


اكيد العيون كلها عليه


نادر:شين الحلايا من زينه


ام تركي تضحك:شين الحلايا هاه قول غيران


نادر:هههههههه لاوالله مو غيران هو من السابقون


وانا باذن الله من اللاحقون


ام تركي ترفع ايدها:الله يوفقكم ياعيالي واكحل عيوني بشوفة عيالكم


نادر يحب راسها:الله لايخلينا منك يمه ويطول عمرك


وتشوفين عيال عيالنا


ام محمد:الله يرضالي عليكم



نزل تركي لابس ثوب وغتره كان طويل وعريض


وابيضاني و وسيم بما تعني الكلمه


وكان البشت في يده مالبسه



ام تركي:بسم الله تبارك الرحمن تعال ياقلب امك ابخرك


تركي واضح عليه الضيق:يمه لا مابي ماله داعي


ام تركي:هو وش اللي ماله داعي..اقرب بس ابخرك وتمسك المبخره وتبخر غترته


تركي كح:يمه خلاص اختنقت


نادر:ياشين الدلع ع الشياب


ام تركي: الغيره وماتسوي


نادر:هههههههههه يمه شفيك ماسكه ع الغيره


تركي ماسك الصمت


ام تركي:عشانه بيعرس وانت بتقعد عندي ابكرفك مشاوير بدال هالسايق..


نادر:والله على راسي لو تبيني اشتغل خدام عندك ما اقول لا..


والجنه تحت اقدامك يالغاليه



ام تركي:بعدي والله انك قدها.. وان شاءالله ازوجك ست البنات


نادر: ايه يمه وابيها مثل جوري الكل يمدحها


تركي طالعه:من يمدحها؟


نادر:عماني يمدحونها.... والكل اصلا طايح مدح في اخلاقها..


والله مافي واحد منهم الا ويثني عليها.. الله يوفقك تروك معها


تركي مشمئز: خذها تبيها


نادر انصدم من رده



ام تركي:تركي استح شوي وش هالحكي جوري اليوم عرسك عليها


تركي:قمة القرف والله لو علي ما اخذها لو بريال بس ما اقدر اخالف رغبة الوالد


ام تركي عصبت:انت متى تعقل وتغير نظرتك


نادر:تروك كلامك كبير وشفيك ع البنت ترا خلاص صارت زوجتك


لك شهر مملك عليها واليوم زواجك يعني لازم ترضى بالامر الواقع وتأقلم نفسك


تركي متنرفز: اكرهها



انصدموا من كلمته.. هم عارفين موقفه منها وانه مايبيها..


بس توقعوا خلال الشهر اللي ملك عليها انه تغير وتقبل الموضوع اثاريه على نفس وضعه



ابو تركي اللي توه داخل:كرهتك هدومك قل امين


ام تركي:ابو تركي؟؟ من متى انت هنا


تركي تغير وجهه 180 درجه


ابو تركي:من حزة ماقال هالفاهي اكرهها


تركي:يبه لو سمحت ماني ف...


ابو تركي:اسسسكت ولاحرف والله ياجوري ماراح تلقى مثلها..


وانا ماتخيرتها لك الا اني واثق انها بتعقلك ياخبل



تركي:لاحول ولاقوة الا بالله يبه انت وش قاعد تقول وش خبل


نادر يأشر له بعيونه يعني اسكت خلاص لاتكبر الموضوع


ابو تركي عصب اكثر:وستين خبل والا احد يعاف جوري؟!


ام تركي:هدي نفسك ابو تركي مو زين عليك الانفعال


ابو تركي:شوفي كلام ولدك احد يسمعه وماينفعل


تركي ماسك اعصابه: والله عاد انا ما ابيها


وماخذيتها الا عشان البي رغبتك وما اطيح وجهك قدام عمي ابو طارق



ابو تركي:تخسسسى وتعقب تطيح وجهي


نادر يمسك ابوه:يبه واللي يعافيك لاتنرفز عمرك قلبك ضعيف لاتخلي اي شي يوترك


وماراح يصير الا كل خير..


ويطالع تركي:الله يساحمك ياتركي خربت علينا فرحتنا


ام تركي تمسح دموعها:لاحول ولاقوة الا بالله والله كنت داريه بتسوء الاوضاع


تركي حس بالندم حب راس امه:حقك علي يمه


ام تركي:الله يصلحك بس



وجا يحب راس ابوه


ابو تركي:وخر عني ماني راضي عليك


تركي ماسمع الكلام وحب راسه وشال يدين ابوه الثنتين وباسها


تركي:والله يبه اني ماوافقت الا طلب لرضاك ..


والله العظيم لو ماهمني رضاك يالغالي كان ماسمحت لك تجبرني على الشي


اللي مفروض ماانجبر عليه والا انا اقدر اعارض وما اطيعك



وكان من زمان هجيت اي مكان بس ضحيت في سبيل رضاك اللي من رضا ربي..


وطلع بدون مايسمع اي كلمه



ابو تركي كان داري انه صادق لان تركي الشي الوحيد اللي يهمه في الحياه رضا امه وابوه..


ومايقدر يخالفهم لو على حساب نفسه..


ابو تركي هديت اعصابه قدر تركي يمتص غضبه:الله يهديك ياتركي


نادر:يبه لاتضيق صدرك مصيره يرضى بالامر الواقع..


لاتكدرون خواطركم افرحوا وطالع ساعته:وشكلنا تأخرنا حيل يلا نمشي


ام تركي:اسبقنا ع السياره هالحين نجي


نادر:طيب وطلع لسيارته


ام تركي تطالع زوجها:والله يا ابو تركي خايفه عليه


ابو تركي:وش تخافين منه انتي بعد


ام تركي:انت غاصبه ع الزواج.. وشينه الرجال ينغصب


ابو تركي رجع عصب:وش تقولين انتي.. هذا مايعرف مصلحته


الظاهر قدر يأثر عليك هالتريك


ام تركي :انا ام واحس ..تركي مايبي جوري ..


حتى نفسيته تغيرت وين مزحه معنا.. وين تنكيته مع اخوانه وخواته ..


الابتسامه من زمان ماشفتها بوجهه.. الولد مايبيها..


عمر الزواج ماكان غصب..حرام عليك يا ابو تركي اللي سويته فيه


ابو تركي:لطيفه لاتختبرين صبري والا بيصير شي عمرك ماشفتيه


ام تركي سكتت مو خوف بس ماتبي تضيق صدرها


في يوم زواج ولدها اول فرحه له



...................................



تركي كان جالس في الخيمه


مايقدر يسوق بهالحاله ضايقه فيه الدنيا


حاس انه مخنوق دق جواله وبنبرة حزن


تركي:هلا


رشا تبكي:مبروك حبيبي


تركي:حياتي واللي يرحم والديك


لاتعذبين قلبي كفايه اللي انا فيه



رشا تمسح دموعها وتعدل صوتها:بعذري ياتركي انا اليوم بفقدك للابد


تركي عصب:وش تقولين انتي..صاحيه والا انهبلتي


رشا: هذا الواقع..انت اليوم بتكون لجوري



تركي:اسسسمعي انا لك بلحالك ..


عمري ماكنت لغيرك عشان اكون لوحده مثل جوري


رشا ساكته تصارع العبرات اللي خانقتها


تركي:حياتي ارحميني تكفين انتي داريه لوما ابوي ماخذيتها


رشا:ادري


تركي: وانتي بعد لك يد في هالزواج


رشا: انا؟؟


تركي: ايه انتي..


والا كم مره قلت لك بجي اخطبك وانتي رافضه


رشا:تركي كنك ناسي المشاكل اللي بين ابوي وابوك


تركي: وش علينا منهم كان تزوجنا وحطيناهم قدام الامر الواقع..



رشا: ماترضاها لي انا بنت ناس وحموله اطيح وجه ابوي بهالطريقه..


انا بنت مو مثلك رجال ماحد بيلومك


تركي: يعني يرضيك اللي انا فيه؟


رشا: والله مايرضيني واني اتعذب اذا فكرت انك لغيري


وبتكون معها تحت سقف واحد


تركي:اووووووووووهووو كم مره اقول لك اني مستحيل اكون لغيرك


رشا:حبيبي هدي نفسك


تركي يتنهد: كيف اهدا كيييييف


رشا تقاطعه:تروك احبببببببك


تركي غمض عيونه هذي هي الكلمه اللي تريحه


وبالذات من حبيبة قلبه رشا: وانا اموووت فيك


رشا: عاد الحين اخليك بروح انام حاسه بارهاق


تركي:نوم العوافي.. لاتقفلين جوالك اذا رجعت بدق عليك


رشا: مو بتكون معها شلون تدق و...


تركي: ماعلي من احد بدق عليك


رشا:بس...


تركي:لاتبسبسين انتهى النقاش


رشا:زين


تركي:يلا مع السلامه وقفل


دخل نادر:وش مقعدك هنا؟


تركي كان مرجع راسه ورا:ارتاح شوي


نادر:يلا قوم قدامي الحين ماشين


تركي:بلحقكم بسيارتي


نادر ماحب يضغط عليه:اوك



انتظر تعليقاتكم.. اذا شفت تفاعل كملتها


سي يو

 
 
رد مع اقتباس
 
 
   
  #3  
قديم 22-12-2012, 05:01 PM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
يا لبيه يا الدنيا العجيبة / للكاتبة معانده جرووحي , كاملة




في القاعه



طارق:وجع كل ذا حلا.. اهب ماخلت لنا شي


شافطه الحلا شفط



ام طارق:حسبي الله على ابليسك اذكر الله


وجع يوجع عدوك



طارق:هههههههههه والله يمه بنتك قنبله كل


الجمال راح لها



ام طارق:ياويلي بينظل بنتي خمسه


وخميسه طارق وبعدين معاك..قول ماشاءالله



طارق:ماااااااشااااااءالله تباااااارك الرحمن



جوري كانت سرحانه تحس نفسها عايشه بحلم.. ماهي مصدقه انها بتصير مع تركي في بيت واحد.. تركي اللي كل البنات عليه واللي مطنشهم اختارها هي زوجه من بدهم.. وودتها افكارها للمدى البعيد ..وبنت لها مملكه تضمها هي وتركي وعيالهم.. وودتها افكارها لأبعد مايكون انها بتسمي البنات وهو الاولاد..



طارق:هيييه انتي ياللي تفكرين



جوري صحت من احلامها:هلا وش فيك



طارق:اللي ماخذ عقلك يافووولاه



ام طارق:شففف اقول طارق يلا برا..



طارق:ههههههه يمه وش فيك بقعد شوي



ام طارق:لا شوي ولاغيره ..يلا برا بسرعه


الحين بيجون بنات عمك



طارق يستهبل ويعدل جلسته:اجل زين خل


اقعد اسولف معهم



جوري:ههههههههه



ام طارق طفح كيلها بس ضحكت:وين


جوالي بدق على العيال اجل تبي تقعد


تسولف مع خواتهم هاه



طارق:هههههههههههههههه ياحبي لك يالغلا تهددين خلاص طالع... وطلع



جوري:والله بفقده هالادمي..



ام طارق:والله حنا اللي بنفقدك امس بعد مانمتي سوينا مناحه وبكينا انا وابوك وريم وطارق وخالد على فراقك



جوري دمعت عيونها..


ام طارق:لالالا ما اتفقنا على كذا لاتخربين مكياجك..


انا بس اقول لك عن كبر محبتنا لك وبنفقد وجودك وحسك بيننا



جوري:والله يمه حتى انا بفقدكم ماني


متصوره بفارقكم



ام طارق تضم بنتها:هذي سنة الحياه البنت


تتبع زوجها لو المريخ



جوري:يمه ما ابي اسافر بقعد عندكم



ام طارق تبتسم:اجل وش استفاد تركي...


لايمه ماينفع انتي عارفه الاتفاق في العايله.. كل واحد من الشباب يسافر لمدة 3شهور برا.


والحين دور تركي وابوك وافق يعجل بالزواج عشان تروحين معه ..


خليك معه في ديار الغربه عون له وانسيه وعوضيه غيابه عن اهله ..واتوقع منه نفس الشي بس ها ما اوصيك ابيك ت....



جوري:هههه يمه والله حفظت اسطوانتك خلاص


ام طارق تضحك:الله يوفقك يابنتي



ودخلت اختها ريم وبنات عمها دانه ونوف وساره


جوري شافتهم ارتاحت


ام طارق:بنات لاتصيفون هنا وتخلون المعازيم


البنات:انشاءالله


دانه تبوس جوري:مبروك حياتي


جوري:الله يبارك فيك عقبالك


نوف:وعقبااااالي


جوري تستهبل:لا انتي مو لازم


البنات ضحكوا


نوف:يانذله جد جد نذله



جوري:هههه لا امزح عقبالك وعقبال دانه


وريم وساره وندى بعد



ساره تأشر على خاتم في اصبعها:اميييييين



نوف:ع الاقل انتي متملكه ضامنه عمرك


لكن انا ودانه وريم وبنت عمي محمد ندى مالت على حظوظنا بس يالله هانت ..


منى وخذت فيصل اخوي وانتي وساره خذيتوا اخوان الدور والباقي علينا..وترفع ايدها :يااااااااارب اوعدنا



ريم:تكلمي عن نفسك انا مابي زواج بكمل


دراستي



نوف:جوري اسمعي اختك وش رايك باللي تقوله


جوري:والله اتوقع هالشي ريوما دافوره وتحب الدراسه زي خالد تماما



ساره:ماعليك منها لو يطق الباب شطبت على ابو الدراسه هههههههه


اسأليني انا ولو ما دحوم قال ابيك تكملين


دراستك كان ماكملت



ريم:بكل بساطه لانك فاشله



ساره:شف الخايسه انا بنت عمك واكبر منك


احترميني وجع


ضحكت ريم عليها



جوري:كل وحده مصيرها تتزوج ان شاءالله


نوف:الله يسمع منننننننك


دانه:وجع وش مشفوحه عليه انتي


نوف:ابي استقر واسوي كل شي خاطري


فيه.. وابي الدلع والدلال


دانه: والله يا ان ابوي وفيصل وحمد مدللينا


ومدلعينا



جوري:ولايهمك نوف مالها الا طارق اخوي


يطلق سراحها



ساره:وشو تهج معه يعني والا تهج معه


جوري تطالع نوف:تهج بالحلاااال



نوف تغير لونها


والبنات ضحكوا على شكلها



دانه:مو توك تتمنين.. هذا وهو ريحة كلام


اختبصتي اجل لو جد وش بتسوين؟


نوف زاد حمار وجهها:اقول انكتموا ويلا نزلنا


خالتي قالت لاتتأخرون



ريم:هههههههه ليتك تشوفين وجهك بالمرايا


نوف قامت:انا نازله ..وطلعت من الغرفه



دانه:فديتها اختي استحت وهي مزحه


جوري:لاياماما مو مزحه


دانه:اجل؟!


جوري:لكل حادث حديث وصرفت الموضوع


الا وين منى وندى



ساره:قبل شوي دق علي دحومي وقال راح يجيبهم من المشغل



دانه تطالع جوري:دبلت كبودنا دحومي ودحومي اجل كلها كم يوم وتنادين تركي


تروكي زي هالخبله



ساره:زووووجي حلااااالي يانااااااس


ادلعه بكيفي



جوري:وهي صادقه اذا مادلعناهم ندلع مين


دانه:الله يعين الاخوان عليكم يلا يلا ننزل


بقوه صيفنا


ساره:ايه يلا


وتلتفت على جوري:اقول جوري قلبو


جوري:هلا


ساره:فديتك اقري الاذكار وتحصني زين


الناس ماتعطي خير


لان جوري فعلا كان شكلها رووووعه



دانه:اي والله جد طالعه خيال ماشاءالله..


اقري لين تجي وقت زفتك والا اخلي خالتي


تجي تحصنك



جوري: هههه لا انشاءالله انا بحصن نفسي



.......................


تركي لابس البشت وقاعد بالوسط


كان رزه ويدوخ من وسامته


بس خرب عليه انه باين عليه التوتر والضيق


اللي فسرها البعض بالارتباك من الزواج


ومنهم ولد عمه فيصل



فيصل:مرتبك الاخ؟!


تركي بدون نفس:جايز


فيصل:خلك طبيعي وكل شي بيكون تمام


تركي:انشاءالله


فيصل مبتسم:ماتبي نصايح؟؟


تركي رد له ابتسامه باهته:اتحفنا ..


فيصل:احذر غضب الليديز الله لايوريك ناااار


تركي وعلى ثغره شبح ابتسامه يالله طلعت


شكل اختي موريتك العين الحمراء


فيصل:ههههههه شف ...


تركي:انا ادري عنك



فيصل:والله ياتركي مو عشانها اختك ..منى ماشاءالله عليها


متفاهمه لابعد درجه ماقد شفت منها شي..


عشان الزوجين يكسبون بعض


لازم يكونون متفاهمين وهذا اللي طبقناه انا ومنى



تركي:اجل ليش تقول احذر غضب السيدات


فيصل:امي الله يطول في عمرها ويهديها


انت عارفها مايحتاج اشرح



تركي:تعلمني في خالتي حصه الله يخليها


لكم بس



خالد اللي توه جا:فيصل عمي ابو طارق يبيك انقزله بسرعه...وقام فيصل



خالد يكلم تركي:ياخي نكد الاعراس


والله من الصباح واقف وفيني نوووووم



تركي:هانت مابقى شي وكلن بيروح على


بيته سيدا... ونام لين بكرا



تركي جت عينه في عين ابوه اكثر من مره


وكان يتحاشاها



خالد:ورا عمي يطالعك كذا وبمزحه:لايكون


غاصبك على اختي هههههه



تركي حس بتأنيب الضمير وكسر خاطره


خالد اللي قال الكلمه مزح وهي صحيحه


مليون بالميه.. بس هو فعلا مغصوب


وصعب يجبر قلبه ونفسه على انسانه مايبيها


وابتسم يصرف: لا شدعووه



تركي شاف عمه ابو فيصل جاي يسلم عليه


وقف حب راسه



ابو فيصل:مبروك تركي والله يرزقك الذريه


الصالحه


تركي متشائم من هالدعوه بس مابين:الله


يبارك فيك ياعمي



ابو فيصل:خويلد وش مقعدك هنا؟


خالد:بس برتاح شوي


ابو فيصل:لا ابو اشكالكم يبون يرتاحون يلا


قوم


خالد:هههههههه زين زين ..وقام


ابو فيصل:وين دحيم للحين ماجاء



تركي يطالع ورا عمه:هذا هو وراك جا


التفت ابو فيصل لعبدالرحمن وأشر على ساعته:شايف الساعه؟!



عبدالرحمن يسلم عليه:والله ياعمي حايس مع خواتي توهم يخلصون من المشغل



ابو فيصل:اها طيب يلا قوم بالواجب مع


الشباب..



عبدالرحمن ابشر وشاف عبوس تركي وسوا له حركه بمعنى ابتسم وافردها...وراح


جا نادر


ابو فيصل:شف هالعيال نقول لواحد قوم يجي الثاني يجلس.. يلا نويدر قوم مافي


قعده لين يروح المعازيم



نادر:ههههههه والله ياعمي رجولي تخدرت



ابو فيصل:مثلك مثلهم يلا قوم انا رايح الحقني



ابو فيصل هو الكبير عياله


''فيصل وحمد وساره ودانه ونوف''


وابوه ترتيبه الثاني عياله''تركي عبدالرحمن ومنى ونادر وندى''


وبعده ابو طارق عياله''طارق وخالد وجوري وريم ''



نادر جا يروح وتذكر:اووووه نسيت تروك


جهز نفسك يبونك تدخل



تركي ضاقت فيه الدنيا:نادر دق على امي


ابيها..


نادر:طيب.. ودق


ام تركي:هلا نادر


نادر:يمه تركي يبيك.. وعطا تركي الجوال


تركي:يمه


ام تركي:هلا بالمعرس


تركي:متضايق يمه والله بنفجر


ام تركي:عطني نادر شوي


تضايق تركي من الحركه:طيب


نادر:سمي يمه


ام تركي:جيب تركي الحين زفته


نادر:يمه بندخل معه ترا


ام تركي:داريه بس قبلها ابي احاكيه بروحه


جيبه من المدخل الصغير


نادر:وهو كذلك



وراحوا مدخل القاعة من ورا وشافوا امهم


واقفه



نادر:هذا هو ولدك دقي علينا اذا جا ينزف


لاتنسين


ام تركي تأشر على عيونها



مسكت ايد تركي ورقت الدرج ومشت معه


غرفه فاضيه جنب الغرفه اللي فيها جوري


بلحالها


دخلوا الغرفه وقعدوا جنب بعض


ابتسمت له ومسكت ايده وايدها الثانيه على


صدره وقعدت تقرا عليه


خلصت:ع البركه وليدي


تركي ساكت يطالعها


ام تركي فهمت النظره:حبيبي انت تعرف لو


كلنا نعارض هالزواج ماراح احد يقدر يلغيه


تركي بقق عيونه



ام تركي ابتسمت كثير:تدري ليش؟؟لانها


مشيئة الله.. الله مقدر لك هالشي


تركي:يمه ا..



ام تركي تقاطعه:عارفه وش بتقول والله


ياقلب امك اني ماني راضيه باللي سواه


ابوك.. بس صدقني ابوك ماهو الا سبب في


اتمام هالزواج والا ربي خلاص كاتبه عنده


انك بتاخذ هالانسانه.. فما اشوف له داعي


تضيق صدرك.. توكل على الواحد الاحد


ولاتسخط فديتك.. والله لو ادري ان السخط


والضيقه بتلغي كل شي كان ماشفتني الحين


مبتسمه قدامك..



تركي كأنه مصدع مسك راسه


وقفت ام تركي ومسكت راسه وبابتسامتها


المعهوده:صدعت من كلامي؟



شال تركي ايدها وباسها ورد لها ابتسامه


طالعه من قلبه:يابعد قلبي يمه كلامك


ريحني كثير بس!!


وأشر على مكان قلبه بمعنى وش يسوي بقلبه مايبيها



ام تركي:تروك ترا جوري والله ماشفت مثلها


والله تنحب على طول ..وكلنا نحبها وبالذات


انا والله ياحبها في قلبي يوازي حبي لكم


ومع العشره بيروح الكره اللي ضامره لها وانا متأكده هالكره اللي تحسه تجاهها سببه


ابوك اللي اجبرك عليها وهالشي خلاك


تحس بنفور منها..بس صدقني مع العشره


بيختلف الوضع وتقول امي قالتها



تركي كل حرف من كلام امه انساب على صدره وخلاه يرتاح شوي''الللللله امي ذي تنحط ع الجرح يطيب'':الله يخليك لي يارب


ام تركي:ويخليكم لي



.......................


البنات يرقصون ومستانسين ماخلوا اغنيه ماطلبوها..


منى:ياحظكم ترقصون.. وتطالع بطنها



دانه:اكيد حنا رشيقات مو مثلك برميل..هههههه برميل خانم



ندى:بسم الله عل اختي لايطيح اللي في


بطنها



دانه:يمه فديته ولد اخوي انشاءالله مايجيه


شي



منى:كشششش عشان ولد اخوك والا انا


في قريح



دانه:هههههههه لاااااه كلكم عينين في راس



ام طارق:منى امك وينها مابقى شي ع الزفه


منى:تو كلمتني قاعده مع تركي


ام طارق:طيب حبيبتي كلميها الحين بنزف جوري


ندى:انا انا اللي بدق


ندى:الو يمه


ام تركي:ها نداوي


ندى:خالتي ام طارق تقول تعالي بنزف جوري


ام تركي:هذاني جايه


..........................



جوري اللي كانت وحيده وخايفه بالغرفه


كانت تبي امها والا اختها معها .. بس شلون


تناديهم.. سمعت صوت ام تركي شافت انها


فرصه تقول لها تبلغ امها او ريم انها تبيهم.


طلعت بس ماشافتها.. مشت في السيب وين


راحت خالتي.. سمعت صوتها جاي من


الغرفه اللي جنبها


راحت تشيل فستانها جت بتطق الباب


سمعت صوت ام تركي


لان الباب كان مردود:


(((تروك ترا جوري والله ماشفت مثلها والله


تنحب على طول وكلنا نحبها وبالذات انا..


والله ياحبها في قلبي يوازي حبي لكم.. ومع


العشره بيروح الكره اللي ضامره لها وانا


متأكده هالكره اللي تحسه تجاهها سببه


ابوك اللي اجبرك عليها وهالشي خلاك


تحس بنفور منها..بس صدقني مع العشره


بيختلف الوضع وتقول امي قالتها)))


رجعت الغرفه مثل الريح حست زي


المطرقه هوت على راسها وصحتها من


احلامها اللي بنتها من يوم ملك عليها ..حست


كأنه مقص قص كل رسمه رسمتها لمملكتها


''يالله معقوله اللي سمعته تركي مايبيني لا


وغصبه عمي علي..ليش ياعمي ليش.


علشان كذا طول فترة الملكه ماقد كلمني


ولاحتى زارني.. وش اسوي وش اسوي اقول


لمين اشكي لمين''


قطع تفكيرها دخول امها



ام طارق والفرحه مو سايعتها:يلا جوري زفتك


جوري تطالع امها والدموع اربع اربع



ام طارق:ياويلي وش تسوين انتي


وجوري زادت دموعها


ام طارق:ياخبله حستي مكياجك



جوري كانت بتصرخ باعلى صوتها وتقول اللي ماااااايبيني ما ابييييييييه بس فرحة امها


خلتها تتراجع ..حرام تقتل فرحتها وفرحة


الجميع اللي كانوا مستانسين ومسكت نفسها


عن البكى



ام طارق:لاتخافين كل يوم بنكلمك ماراح


تحسين انك فارقتينا


جوري تهز راسها



ام طارق:وبسك صياح.. زين ان الكوفيره لسه هنا تعدل هالحوسه




نهاية البارت



يلا عاد انتظر ردودكم.. :


 
 
رد مع اقتباس
 
 
   
  #4  
قديم 22-12-2012, 05:02 PM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
يا لبيه يا الدنيا العجيبة / للكاتبة معانده جرووحي , كاملة




مع اني ماشفت تفاعل بس بكمل :


يالبيه يالدنيا العجيبه


.......................


زفوا العرسان جوري كانت في قمة الاناقه


والجمال وكانت ملكة الحفله باطلالتها وكان


تركي عابس وحاس بنفور منها صح جوري


كانت جميله جمال طاغي بس ماقدر يتقبلها


وهذي ثاني مره يشوفها المره الاولى كانت


النظره الشرعيه اللي اصر عمه ابو طارق


عليها والمره الثانيه الحين قدامه اما الملكه


فتحجج تركي انه كان منوم بالمستشفى


بشهادة بعض من اصدقائك ونادر اللي


غطى عليه



جوري كانت في عالم ثاني مافي الا هي


والحزن بس حز في خاطرها وصعبت عليها


نفسها ان الكل يتمناها ورفضت الجميع


ومارضت الا بالشخص اللي كارهها


ومايبيها''الله يسامحك ياعمي''


تركي طول ماهو قاعد مطنشها ولاحتى قال لها مبروك



ندى شافتها فكسرت خاطرها هي عارفه


موقف اخوها من زواجه منها قالت لها في


اذنها:حبوبه لاتزعلين ترا هذا طبعه دايم ساكت وكتوم عاد انتي وشطارتك تغيرينه..



ندى عارفه في قرارة نفسها ان تركي


ماصار كذا الا من بعد المشكله الاولى اللي


عرض فيها ابوها عليه انه يخطب له جوري


وبعد جزر ومد وافق عشان يرضيه ..ومن


بعدها انقلب حاله وصار حزين وقليل الكلام


وعلى اتفه شي يعصب وعازل نفسه.


جوري كانت تحس نفسها زي اللي


يستغفلونها على بالهم انها مادرت انه


مغصوب



وكانت طول الوقت تفكر حتى اخوانها وعيال


عمانها وعمانها دخلوا من غير ماتحس كل


اللي حست به يوم تغطيها امها بالطرحه


ويوم تشيلها ثاني مره..



تركي:يمه



ام تركي:هلا



تركي:خلاص بمشي



ام تركي مبتسمه:زين امسك ايدها ويلا توكلوا



تركي تأفف :مو لازم امسكها



منى:اصصص صاحي انت لاتسمعك لاتفشلنا يلا خذ مرتك



ياكثر ما انصدمت اليوم كانت تسمعهم وهي


ساكته.. كان ودها ترتمي في حضن امها


وتبكي.



مسك ايدها وطلعوا وتوجهوا للفندق


والكل راح بيته


.......................


فيصل يطالع منى اللي واقفه عند التسريحه


كان شكلها يجنن بالحمل



منى تطالعه في المرايا:شكلي بايخ صح..



فيصل:من قال؟؟



منى:دانه عقدتني اليوم تصدق تقول لي برميل



فيصل:ههههههههههه والله انك تهبلين ماعليك


منها.. ها واستانستي؟؟



منى:حيل بس كان ودي افلها وارقص مع


البنات كل اغنيه رقصوا عليها



فيصل:قد شفتي عروس تفلها وكل اغنيه


ترقص عليها؟؟



منى:حبيبي ما اقصد جوري ..انا اقصد نفسي


قام فيصل لعندها وحضنها من ورا وهمس


لها في اذنها: داري تقصدين نفسك بس انا


اسألك قد شفتي عروس تفلها وكل اغنيه


ترقص عليها؟؟؟



منى تمسك ايدينه اللي لافها عليها وحاطها على بطنها: امممم لا



فيصل بكل حنان:اجل شلون تبين تفلينها


رقص.. اليوم انتي العروس في عيني.. وكل


يوم اعتبرك عروس



منى بدلع وتغمز له في المرايا:اكيد


لفها فيصل له:اكيدين ياروحي انتي ...ولفها


عليه وجا يضمها


منى:اااي بطني



فيصل نزل لمستوى بطنها وسوا نفسه


معصب:الحين انت متى بتطلع حتى ضم


ماصرت اضمها زي الناس



منى ماتت ضحك عليه:حرام عليك



فيصل مسك ايدها:وش اسوي مشتاقلك


حييييل.. اذا ولدتي بخليه عند امي والا امك


ونسافر



منى:يمه واخليه


فيصل:هذا بلا ابوك ياعقاب عزالله


بتجطلوني انت ولدك ورمى نفسه ع السرير



منى قعدت جنبه:ههههههه لاعاد محشوم


بس هذا ضناي



فيصل اتكى على ايده: انا غلطان خليتك ام



منى تغير وجهها وحمر حست باحراج



فيصل فاطس عليها قام باس خدها: الله


لايحرمني منها الخجلانه



(فيصل ومنى لهم متزوجين 8 شهور وهي حملت في الشهر الثاني يعني لها 7 شهور حامل.. زواجهم كان تقليدي عن طريق الاهل بس حبوا بعض بعد الزواج ومنى بفطرتها الانثويه قدرت تتملكه وتكون المتربعه على عرش قلبه .. فيصل 28 ومنى 24 )


.......................



بعد مادخلوا الجناح اللي حجزه لهم ابو تركي


في افخم فندق


كانت الصاله كبيره فيها مطبخ تحضيري


مكشوف كان ع الطاوله انواع الاكل..راح


تركي يشوف الاكل ماجاز له فتح الثلاجه


اخذ عصير وجلس ع الطاوله يشربه


وماكلمها بكلمه..



وبعدها دخل غرفة النوم اللي كان فيها


سرير كبير روعه وفيها حمام اخذ شور


دخلت جوري الغرفه غصبا عنها ملابسها وكل مستلزماتها اللي رتبتها الليله السابقه جوتها..



قعدت جوري على طرف السرير كانت


ملاحظه تطنيشه من دخلوا السياره اللي


بتجيبهم الفندق بس ماتوقعت بيطنشها لها


الدرجه وبالذات اذا وصلوا.. فصخت جزمتها


وقعدت تشيل البنس والفراتك اللي مثبته


التسريحه..



طلع تركي شافها قاعده في صراع مع


شعرها:اخلصي بسرعه بطفي النور نعسان



جوري ضايقها اسلوبه بس ماردت



انسدح وعطاها ظهره وغطى نفسه وماعلق


خلصت وحمدت ربها انه معطيها ظهره


عشان تقدر تتخلص من فستانها الكبير.طفت النور ..



وراحت اخذت لها شور سريع طلعت كانت


لابسه بجامه شورت بنك وشافت عيونه


تطالع السقف اول ماشافها طلعت رجع


لوضعه الاول عطاها ظهره.. جوري تحس


بألم من حركاته ..جففت شعرها بالمنشفه


وراحت تنام جنبه مع انها ماتبي وكان بينهم


مساحه كبيره غطت نفسها وعطته ظهرها



تركي:الغطا مايكفينا خذي غطى ثاني



واصلا الغطا كان كبير حيل بس مايبي يكون


معها تحت غطا واحد



انقهرت بس كتمت قهرها''هين انت و


وجهك'': طيب



وقامت دورت غطا مالقت شالت عبايتها


وراحت الصاله كان في كنبه كبيره انسدحت


وغطت نفسها بالعبايه وفتحت جوالها وتجي


الرسايل دفعه وحده من صديقاتها تهاني


وتبريكات وتريقه



تركي:افففف ترا بنام لا اقوم اكسر جوالك


الحين



جوري ماتحملت.. نرفزها اسلوبه: الله يعينك


ع الخساير بتجيب واحد ثاني



تركي بقق عيونه وراح لها كانت منسدحه


ولاهمها شي:وش قلتي



عطته ظهرها:مو وقتك الحين فيني نوم


جرها من ايدها ووقفها



جوري:هييييه انت عورتني



تركي فك ايدها: وش قلتي



رجعت تقعد ع الكنبه وتتحسس ايدها


وبنظرة تحدي: اقول الله يعينك ع الخساير


لانك لو تكسره بتجيب لي واحد ثاني



تركي متفاجأ هذي اللي يقولون عنها طيبه:


وبعد تتحدين ولسانك وش طوله ..طلعتي


حيه من تحت تبن



جوري استجمعت قوتها هي لازم تكذب عليه انها هي بعد مغصوبه ماتبيه وانها


تكرهه وابوها جبرها عشان ماتحس نفسها


ذليله فقالت بهدوء: مادمنا لحالنا قول اللي تقوله ماتفرق عندي..



بس اتمنى هالاكشن مايحصل قدام اهلي..


انا تهمني سعادة اهلي وبضحي عشان


يشوفوني مستانسه حتى لو مثلت هالدور..



تركي:وش قصدك؟؟



جوري دق قلبها هي دايم كذا اذا جت تكذب


بس استقوت: يعني ماتدري اني اكره ماعلي


في هالكون انت.. وان ابوي جبرني عليك



تركي استصعب الموضوع ماتوقع هالشي


ابد..



جوري:ليش انصدمت عادي حتى انت


مغصوب علي على بالك ما ادري.. ليش


نلعب على بعض مادمنا بروحنا ..انا عن


نفسي قدام اهلي بمثل دور السعيده بصير


زي الشمعه اللي تحترق عشان تنور لغيرها


وتخليهم مستانسين.. وانت بعد من الافضل


تسوي كذا مو عشان احد عشان اهلك


وبالذات عمي اللي قلبه تعبان والا لو علي


تراني شاريه فرقاك اليوم قبل بكرا



تركي كان وده يعطيها كف بس هو ضد


ضرب المرأه احسن شي يهددها:جوري ولعنه وقسم بالله لا احوسك واقص لسانك



تركي كان حاس بالنقص ..هو اللي البنات


يبون اشاره منه وتجي هذي عكسهم تكرهه


والادهى مغصوبه عليه..



ماحبت تزيد الوضع سوء:طيب ممكن انام


عاند وفتح التلفزيون وخلاه اعلى صوت يبي


يزعجها ولقاها فرصه عشان يكلم رشا


بدون ماتسمعه لان مايبيها تكشفه وتعلم


اهله وراح للسرير



لفت ع الكنبه وتدفت بعبايتها وفي


سرها''الله يشفيك'' عدلت منبه جوالها ع


صلاة الفجر ونامت



دق تركي على رشا رابع رنه ردت بصوت


مبحوح:هلا حبيبي


تركي:نايمه؟؟



رشا:لا صاحيه بس ماتوقعتك تدق



تركي:يعني تحسبينها كذبه يوم اقولك بدق



رشا:لا حبيبي بس انا عارفه الوضع و....



تركي:ريوشه حبيبي لو يحطون العالم بكفه


وانتي بكفه رجحت كفتك..



رشا:طيب وينها؟



تركي:منهي..؟



رشا:المدام



زفر تركي زفره طويله: كرشتها الصاله



رشا:جد



تركي: قلت لك انا اذا ماكنت لك مستحيل


اكون لغيرك



رشا:الله لايحرمني منك ياتركي



تركي:ولامنك يا اغلى البشر.. حبيبي تعشيتي



رشا:مو مشتهيه



تركي:لا مايصير ابيك تاكلين وتتغذين زين



رشا: انت عارف اني ما اكل الا اذا دريت انك


اكلت.. فما ادري انت اكلت؟؟



تركي:صراحه لا بس شربت عصير برتقال..



رشا: حظ الكاس اللي شربت منه ..تدري لو


اشرب من نفس الكاس بنام مرتاحه..



تركي قعد: الحين بجيبه لك .. خلي السايق


يقابلني



ضحكت ضحكه عذبه:لا لا يامجنون من


جدك.. امزح



رجع انسدح: والله اسويها كم عندي ريوشه



رشا:ياااروحها



وتموا سواليف لين سمعوا صوت الاذان



رشا:اوووه خذانا الوقت معليش سهرتك


وانت تعبان و وراك قومه..



تركي بعذوبه:كلي حلالك..



رشا:طيب حبيبي خل نروح نصلي وننام..



تركي:طيب ابيك تنامين زين ولاتفكرين بشي


فكري بشي واحد تركي لك لوحدك..



رشا:لاتوصي حريص ..وقفلت


قام توضى وشافها تصلي وهو طلع المسجد

 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة








الساعة الآن 11:09 AM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net