منتديات بال مون  

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة

إضافة رد
 
أدوات الموضوع إبحث في الموضوع انواع عرض الموضوع
قديم 22-12-2012, 05:03 PM   رقم المشاركة : 5
:: عضو مميز ::
 
الصورة الرمزية جنيــن






جنيــن غير متواجد حالياً

جنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond repute


يا لبيه يا الدنيا العجيبة / للكاتبة معانده جرووحي , كاملة



يالبيه يالدنيا العجيبه



الصباح الساعه9 يحترون جوري



خالد:والله البيت كئيب من غير جوري



ام طارق:فديتها الله يوفقها لازم نتعود



طارق يستهبل: اما نتعود يمه خلي تركي


يطلقها وترجع تعيش معنا..



ام طارق تضرب كتفه:اعووووذ بالله



خالد وطارق:هههههههههه



ريم نزلت:وش عند الثنائي ضحك مع الصباح



خالد:ابد طارق اقترح اقتراح ماعجب امي



ريم تصب لها قهوه وتقعد:وشووو



طارق:بما اننا فاقدين جوري اقترحت على امي تقول لتركي يطلقها



شرقت ريم في قهوتها:كحح كح كح


خالد مات ضحك



ام طارق:حسبي الله على ابليسكم..



ريم:وجعه لاعداكم انهبلتوا انتم..



طارق:صدق انكم مخفات يالحريم تصدقون اي شي.. طبعا ماعدا امي العزيزه



تبسمت ام طارق



ريم:يمه متى طيارة جوري وتركي



ام طارق: 12الظهر



ريم:يالله وللحين ماشرفت متى يمدينا


نسولف



خالد:يمديكم يمديكم لكن انتم يالحريم


قرقكم واجد



....................


تقلبت ع الكنبه جسمها يعورها


''هو مرتاح ع السرير وانا تكسرت عظامي من الكنبه''



تثاوبت وخذت جوالها تشوف الساعه:اووف


الساعه 9 ياالله تأخرت بشوف اهلي قبل اسافر..


راحت الحمام خذت شور نست ملابسها برا:يحووول شلون اطلع كذا والبجامه تغرقت مويه..



لفت جسمها بالفوطه وطلعت على روس


اصابعها ماتبيه يصحى ويشوفها بهالوضع


وصارت بنص الغرفه طالعت في الفراش


مافيه احد ''شكله نزل'' وجلست تدور ع الاستشوار تذكرت ان ريم حطته بدرج التسريحه..



وهي تفتحه حست بأحد واقف وراها


ورفعت راسها طالعت المرايا شافته واقف وراها..



تجمع الدم في وجهها وتسمرت اقدامها.


تحس بخجل مو طبيعي اول مره احد


يشوفها بها الوضع.. حتى ريم اختها ماقد


شافتها كذا تستحي..



تركي واقف يطالعها اخر شي مشى .


وجوري خافت ولفت له ومسكت بإحكام الفوطه ورجعت على ورا..



تركي ببرود واستحقار: لاتخافين ماراح


اوصخ نفسي وألمسك ومد ايده واخذ جواله


اللي كان ع التسريحه وراح..



قهرها برده قالت له: وانت تطول تلمسني



وقف مكانه والتفت بحركه آليه ضوق عيونه


واشر على اذنه: ياليت تعيدين لاني ماسمعت



جوري ماتت رعب وحبت تنهي الموضوع قبل


يصير مالايحمد عقباه ومشت تبي تروح


الحمام..



مسكها من زندها بكل قوته


جوري:آآاااااااااي



تركي: مو ترمين كلمه وتمشين ..اذا قلت


تعيدين يعني تعيدين..



حست جوري بحجم الغضب اللي كان فيه


لازم تهدي الوضع: كلمه وطلعت وانا


اسسفه ممكن تفك ايدي



حس انه انه انتصر ع الاقل اعتذرت: زين


انقلعي..



حست بالاهانه بس سكتت ..وعلى طول


راحت الحمام وبكت من الموقف.. حسسها


انها قذره حسسها باشياء كثيره.. اهمها انه


جرحها مهما كان هي انسانه وتحس.. اخذت


دش ثاني يطفي النار اللي تحس بها في


انحاء جسمها:والله ياتركي لا اخليك تندم والله بتندم..



استشورت شعرها ولفته كله في لفافات


عشان يبان مضبوط وخلتها في شعرها


لبست بجامه ساتره وطلعت من الحمام..


كان تركي ع السرير وبيده اللاب.. تجاهلت


وجوده وراحت التسريحه خذت عدة المكياج


وفتحت الدولاب وطلعت كيسه وراحت..



تركي كان ضغطه مرفوع وحس كراهيته لها


زادت بالذات بعد ماصارحته انها هي بعد


مغصوبه عليه واللي قهره اكثر كلمتها يوم


قالت اكره ماعلي الا انت واني شاريه فراقك


اليوم قبل بكرا..



طلعت جوري كانت فعلا جوريه انبهر


بجمالها بس رجع اشتغل ع اللاب وطنش اللي شافه ..



كانت قمة الانوثه كانت مذهله ماكانت تحب


الميك اب الثقيل لانها تعودت تكون اقرب


للطبيعه حاطه كحل خفيف وكثفت الماسكرا


وقلوس مايل للأورنج برز حلاوة شفايفها


وكانت لابسه فستان لونه بألوان الطيف


وقصير لتحت الركبه اكمامه جبنيز ومن عند


الصدر مزموم وفتحة الصدر نازله وتحتها


ورده كبيره لونها برتقالي ومن تحت واسع


ومزينه جيدها بعقد فخم..



راحت للدرج خذت صندل لونه برتقالي وقعدت ع السرير بحيث انها معطيته ظهرها لبست الصندل اللي اظهر جمال سيقانها..


فكت اللفافات وتماوج شعرها واصل نص


ظهرها وكان مدرجات ولونه اسود جنااااان


كان في قمة الروعه..



طالع شعرها عجبه منظره.. وقامت تدور


في شنطتها وطلعت كلونيا وبخت بختين..


لكن هالبختين داعبت خشم تركي وانهبل ع


الريحه قام يطالع يبي يشوف نوع هالكلونيا


لفت والتقت نظراتهم.. ارتبكت جوري



وماحست بنفسها الا وهي تقول:خير؟!!


ماتدري شلون طلعت منها هالكلمه



تركي عصب وكره نفسه''يعني حبكت


اشوف نوع الكلونيا ...الحين وش بتفكر وش


بتقول..اوووهوو تفكر اللي تفكر العين بحر''


قال بسخريه: ماناقصك الا السيرك طالعه


مهرجه..



جوري:اهاا حلو..طيب ياليت تبطل بحلقه


في المهرجه وتقوم تبدل لاننا تأخرنا اهلنا


يستنون..



تركي صار ضغطه اتش وده يقوم يخنقها.


جا بيتكلم بس انقذها منه جوالها اللي دق



جوري:هلا يمه



ام طارق:صباح الخير..



جوري:صباح الورد لأغلى ام



ام طارق:كيفها عروستنا؟



جوري:تمام وانتم



ام طارق:بخير منتظرينك تأخرتي..



جوري:ايه توه تركي يقوم يبدل



ام طارق:عطيني بسلم عليه..



جوري تعطيه الجوال



تركي:الو



ام طارق:هلا والله بتركي شخبارك يمه



تركي:بخير خالتي شلونك انتي



ام طارق:دامكم بخير فأنا بخير.. مو كأنكم


تأخرتوا واجد نبي نلحق نقعد معكم قبل


تسافرون



تركي:على امرك الحين جايين ..وقفل



رجع طالعها كانت تطالع اثار ايده اللي على


زندها واضحه



تركي:ترا مو كل مره بعدي اي شي تقولينه


احذريني ياجوري ..



جوري بكل هدوء: اوك من اليوم ابعرض


عنك وانت نفس الشي



تركي: ثالث اعيادي ..



حست بقهررررر فظيع دايم ردوده قاتله


بس ليش هي ماتكون زيه لانها كل ماسكتت


تمادى وماراح تسمح له يتمادى معها


.................


راحوا لاهلها اول شي ..



استقبلوهم احلا استقبال وسط دموع ام


طارق وتوصياتها على جوري وطول الوقت


تركي يهز راسه.. على كثر ماكان يحب يجي


بيت عمه ابو طارق الا ان هالمره حاس


بكره لهالبيت واللي فيه.. وودوعهم لان مافي


وقت يادوب يلحقون يسلمون على اهله..


راحوا لاهله استقبلتهم ندى وسلمت عليهم


هلا وغلا بالعرسان


تركي ساكت



جوري:هلابك زود.. وين خالتي ومنى


وماقدرت تقول وين عمي لانه هو سبب الي


هي فيه



ندى:امي الحين نازله ومنى تو كلمتني قالت


اسلم عليك رجولها تعورها من عقب امس



جوري:ايه ماتنلام تعبت فديتها



تركي كان بينفجر ضيقه وملل منها وهي تتكلم شاف امه نازله



ام تركي:يالله حيهم



قام تركي وراحت له امه وضمته ضمه طويله


ندى:الله لنا



تركي حب راس امه:يمه كل ذا شوق



ام تركي تمسح دموعها: شوق وفرحه.. انت


بكري واول فرحه لي



تركي:ياجعل ايامك كلها افراح


راحت تسلم على جوري



ام تركي:هلا بحبيبتي وتضمها



جوري:هلا فيك خالتي



ام تركي بعد ماقعدوا : ها يمه متى رحلتكم



جوري تبتسم وجت تتكلم



قاطعها تركي:12 دعواتك يمه



ندى شافت وجه جوري صار الوان''يالله


شكل الحرب بدت'' وهي ماتدري انها بدت


من امس



ندى:جوري تعالي معي دانه عطتني شي


اعطيك اياه وقاموا



ام تركي: اتمنى ماتتصرف معها بهالطريقه


قدامي مره ثانيه



تركي يطالع جواله:ابشري



وفوق كانت ندى وجوري


جوري:وش الشي؟



ندى:اكذب بس ابي اشوف لبسك مير لافه


نفسك بالعباه طلعي الزين انتي و وجهك..



جوري:مالت عليك ماعندك سالفه



ندى تشلحها العباه وجوري تضحك اخر شي


شهقت ندى



جوري تطالعها:بسم الله وشو



ندى تبتسم ابتسامه خبيثه:ماتوقعت اخوي كذا لهالدرجه.. واشرت لها على الاثار اللي


على ايدينها



جوري تدور وجهها



ندى:حشا بينقض على فريسه هههههههه


وجع وش ذا يدينه باينه



جوري ودها الارض تنشق وتبلعها ..صح ان


ندى فهمت غلط بس هالشي حسسها


بالخجل ومع ذلك حمدت ربها انها ما أولتها


بالشي اللي بتسعى طول بقائها مع تركي اذا


استمر على اسلوبه انها تغطيه عن الكل ..



جوري:ياحماره هاتي العباه



ندى:ههههههههههههه



اخذت جوري عبايتها ونزلت بسرعه مالها


شده لندى لانها عارفه انها بتنهال عليها


بالاسئله.. شافت عمها قاعد مع تركي وامه


سلمت عليه مع ان ماكان ودها بس الواجب


حتم عليها.. واستأذنهم تركي وسلموا ع


الكل وطلعوا



ندى''الحمدلله هذي بداية خير'' >> فاهمه غلط


........................


وصلوا الفندق كل واحد يجهز اغراضه ويرتب


شنطته.. راحت جوري وبدلت لبست بنطلون


اسود وبلوزه حمراء ولبست عبايتها وقعدت


بالصاله تنتظر..


وتركي بعد راح يبدل لبس برمودا بيج وبدي


اسود ماسك اظهر جمال عضلاته وشعره


لرقبته مرجعه على ورا باهتمام وترتيب


دق جواله:هلا قلبي



لفت رقبتها زي الصاروخ لجهته مو مستوعبه


اللي سمعته بس كان معطيها ظهره



تركي زلق لسانه وحس الدم تجمد بعروقه شلون يرقع بس للاسف ماتترقع:اكلمك


بعدين ..



جوري اخيرا فهمت سبب كرهه له اثره طلع


حقير وراعي بنات.. ماتدري تسكت والا


تكمل مشوارها وتضغط على نفسها والا


تفرق بين العايله.. حست بركان يغلي داخلها


بس لازم تصبر''يامصبر ايوب صبرني''



وراحوا المطار توجهوا للبوابه ..وطيران على


لندن عاصمة الضباب ووصلوا مطار هيثرو


طبعا تركي دايم يجيها لان هو اللي يخلص


اشغال العائله في لندن بالتناوب مع شباب


العائله فيصل وعبدالرحمن وطارق.. وكان


الدور على فيصل واللي المفروض هو يجي


بس مايمدي مدة الشغل 3شهور ويبي يكون


مع منى اذا ولدت..لقاها تركي حجه عشان


مايكون تحت المجهر عند ابوه وامه ويتصرف


بحريه زي مايبي معها بعيد عن النصايح..


وجوري اخر صيفيه جتها قبل سنه



توجهوا لمبنى كبير كان غالبية سكانه عرب


والباقي اجانب دخلوا المصعد شافوا حرمه


متحجبه مع ولدها الرضيع واضح انها عربيه


وبابتسامه ابتدأتهم بالسلام:السلام عليكم



جوري وتركي :عليكم السلام



وجهت الكلام لجوري اللي كانت بعد متحجبه


فقط: جداد هنا ماهيك؟؟



جوري:ايه نعم.. وانتي؟؟ حست جوري


بغباء سؤالها:اقصد ساكنه هنا والا زائره احد



الحرمه:لا انا ساكنه هون صار لي سنه


وشهرين.. انا اسمي سميره وهيدا ابني مهند


جوري:ماشاءالله عاشت الاسامي..



سميره:يسلمو ماتعرفنا



جوري تطالع تركي اللي كان لاهي بأوراق


معه:اسمي جوري.. و وهذا ز ز زوجي تركي



سميره:اهلين تشرفنا



تركي اومأ لها براسه بدون ماينطق ..فتح المصعد وطلعوا وطلعت وراهم


سميره:طلعنا جيران


تبسمت جوري



سميره:اي شي بدك اياه ماتستحي قولي


اللي تبينه..والا بزعل ها



جوري تضحك على لهجتها الا تتسعود:طيب


انشاءالله



كانت شقتهم جنب بعض


دخلوا شقتهم كانت كبيره حيل وتنطق


بالفخامه كان بالصاله قطع انتريه فرادي


وكرسي هزاز مقابل التلفزيون الكبير .. دخل


تركي بشنطته احدى الغرف وطلع



رمى لها جوال: خذي هذا جوال شريته امس


ودولته اذا بتكلمين اهلك وحطه وطلع



عطاها الجوال اتقاء المشاكل عشان


ماتطلب جواله لانه ملغم رسايل وزود عن


هذا رشا في اي حزه بتدق ..



كانت عارفه قصده من الحركه واضح مايبي


يعطيني جواله واكشفه مع انه مكشوف


خالص.. وقامت تفر الشقه.. كانت روعه فيها


نوافذ من الزجاج كبيره بحيث انها تشوف


المباني والشوارع وكل شي والحلو في الامر


انه عاكس اي احد من برا مايشوف اللي


جوا ..راحت للابوب المغلقه..



فتحت اول باب لقتها غرفه كانت صالون


للضيوف ..فتحت ثاني باب كانت غرفة


مخصصه للغسيل واضح من الات النشر


المتوزعه فيها وغساله اتوماتيكيه كبيره


وسلات وعده كامله من المنظفات رتبت


بعنايه.. فتحت ثالث باب هي الغرفه اللي


دخلها تركي كانت كبييييييييييره فيها سرير


خشب مزدوج له نقوش يعني هي الغرفه


الوحيده اللي كانت تحسسك بالفعل انك في


لندن من اثاثها وتصميمها ..وكان فيها


تلفزيون بلازما ومكتب وغرفة ملابس


وحمام مجهز ..



فتحت الباب الاخير لقتها غرفه فاضيه تماما


اصغر من الغرفه الاولى وفيها حمام وغرفة


ملابس صغيره..



رن الجرس:غريبه يدق الجرس هو عنده


مفتاح!!


راحت تفتح:مين؟


سميره: انا انا سميره



ابتسمت جوري ماتدري ليش دخلت قلبها


هالانسانه فتحت الباب شافتها جايبه صينيتين



جوري:ياااالله وش ذا ليش تتعبين على


نفسك



سميره:انا طبخت كثير لزوجي واصحابو بس


هلأ تلفن وقال ماراح يجي فحرام كبو واحنا


ماراح ناكلو كلو..تفضلي



جوري خجلانه من كرمها: تسلمين



دخلت سميره وحطت الصواني بالمطبخ


سميره:عملت محاشي و ورق عنب وكبسه


متل كبستكم واطيب هيك حكالي عبدالعزيز



جوري تضحك الحين اثبتت انها تبي تتسعود


لازم احد ينقذها ويجنسها:ههههههه بعد


تعرفين الكبسه



سميره:معلوم بدي اعرفها زوجي يحبها كتير



جوري: ماشاءالله شكله يبي يجرب اكلات


غير اكلات بلده



سميره:هههههههه تؤبريني هو سعودي


جوري انحرجت عشان كذا لهجتها كانت مره


كذا ومره كذا.. مسكينه ظلمتها وتضحك في


سرها: اهااا كلنا واحد مافي فرق بينا



سميره: متل ماقلتي.. هلأ بدي اروح مهند


لحالو وهيدا تلفوني ..وحطته على الطاوله


في ورقه.. وطلعت


وجوري راحت ترتب ملابسها



......................


مر ساعه وهو ماسك الجوال ويتجول في


شوارع لندن



تركي:والله تمنيتك انتي اللي معي



رشا: اااااه ياتركي لاتقلب المواجع



تركي:انا وعدتك اني ماراح احسسك


باختلاف عن قبل وانتي مع الوقت بتحسين


بهالشي



رشا: مشكلتي هالراس كل ما اتخيل انك مع


غيري ابكي



تركي: ياجعلي فدوه دموعك.. يلا عطيني


بوسه



رشا ضحكت غصب عنها:الحين بدل


ماتواسيني انت وتعطيني



تركي:ههههههه عادي مو حنا واحد


رشا: تروكي


تركي:احبببك


رشا:ياشيييينك خربت علي يادب



تركي:افا انا ينقال لي دب بعد كل النوادي


اللي سجلت فيها.. والدورات والتعب لين


طلعت بهالجسم الرياضي.. كله عشان اطلع


بالمستوى المطلوب واخققك



رشا:هههههه يوووه كل ذا عشان قلت دب..


والله اني داريه انك خقق من غير.. حتى


صديقاتي يوم شافوا صورك تهبلوا عليك .


وعلى فكره كثير يحلم بالجسم الرياضي


اللي زي جسمك



تركي:احم احم ترا بشوف نفسي



رشا: ماتقدر ياااادب



تركي: فدا راسك هالدب..


رشا:فديت روحك..



تركي:والله ريوشه محد يرفه ويخفف عني


اللي انا فيه الا انتي..



رشا: يارب لاتحرمني تروك حبيبي وكل دنيتي



تركي: ولايحرمني من ريوشتي



رشا:اميييين.. يلا عاد بقفل طولت عليك



تركي: ياشيخه لو انك جنبي كان عضيتك



رشا:هههه دب وحاقد بعد.. ليشش؟



تركي:انا ادري عنك.. كم مره اقولك كلي


حلالك وكل شي يرخص لك



رشا:تيب تيب لاتعصب ياعمري.. المهم


تركي:هاتيه


رشا: طفشانه بطلع اغير جو


تركي:متى و وين


رشا:متى بكرا ..وين مدري اي مكان


تركي:لا مافيه



رشا:بلييييز ترا مو مع احد غريب مع دانه


واختك ندى



تركي:اممم اوك بس ما اوصيك ..مثل كل


مره انتبهي لجوالك لاتعطينه احد لا خواتي


ولابنات عمي.. انا عادي بالنسبه لي لكن


خايف عليك من كلامهم و...



رشا:داااااريه حبيبي مايحتاج توصي لنا


3سنوات على هالوضع.. اسمع امي تناديني



تركي:طيب حبيبتي روحي لها وانا برجع البيت


حاس بارهاق باخذ شور وانتي اذا كنتي


فاضيه دقي



رشا:لا ارتاح ماصارت كل اللي نمته من


امس 3ساعات



تركي: ماعليك مني دقي



رشا:تروك اسمع كلامي ..شوف انا ابيك


ترتاح وتنام واذا من بكرا بدق



تركي:بس لو تقلبت وصحيت بدق



رشا:زين ياقلبي



وقفل منها فرحان ومستانس


,,,,,,,,, ,,,,,,,,, ,,,,,,,,,, ,,,,,,,,,,



:






رد مع اقتباس
قديم 22-12-2012, 05:04 PM   رقم المشاركة : 6
:: عضو مميز ::
 
الصورة الرمزية جنيــن






جنيــن غير متواجد حالياً

جنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond repute


يا لبيه يا الدنيا العجيبة / للكاتبة معانده جرووحي , كاملة






يالبيه يالدنيا العجيبه





.......................


في بيت ابو فيصل



كانت دانه قاعده ع اللاب تتصفح النت دق


باب غرفتها


دانه:تفضل


ودق الباب


رفعت صوتها:تفضضضل


ورجع دق الباب


دانه:يوووووه وش ذا ادخلوووووووا


ورجع دق دقات كثيره ورا بعض


عصبت دانه وراحت للباب فتحت مافي احد


طلعت من الغرفه تطل يمين وطلت يسار وفجأه طلع صوت


بووووووووووووووووووووووو



دانه :يممممممممممم


طلعت نوف:هههههههههههههههههه


خواااااااااااااااااافه


مسكت دانه على صدرها وكانت مغمضه وشكلها تتألم..


نوف خافت:دانه وش فيك


ماردت وغمضت عيونها بقوه



خافت نوف وبكت:دانه وش فيك والله


ماكنت اقصد ورب الكعبه امزح



دانه لارد وراحت تمشي على اقل من مهلها


وتدور طريقها بيدها


مسكتها نوف ودموعها تجري على خدها


وتقعدها ع السرير: دانه والله ما اعيدها


وش صار لك...ياااربي وش سويت.. قسم بالله اسفه وشفيك ردي علي



اول ماجلست دانه ع السرير طلعت لسانها قالت: عسى ماتعبتك معي خخخخخخ



انصدمت نوف وظلت تطالعها ودها تذبحها


ودانه ماتت ضحك على نظراتها


دانه:عشان تتوبين تخوفيني بهالطريقه ههههههههههه..



نوف:كلي تبن.. ياليته توقف قلبك صدق والا


انعميتي عشان تبطلين تمثلين


دانه:ههههههههههه بعيد الشر.. والله شكلك


يحزن ليتك شفتيه



طلعت نوف من الغرفه وصفقت الباب وراها


ودانه فاقعه ضحك..


دخلت ساره


ساره:وش في نوف ماده البوز


دانه:ضربني وبكى سبقني واشتكى


ساره:لا والله ماشكت قلت لها وش فيك


قالت كلي تبن



دانه:ههههههه لعينه هالبنت.. شوفي وش


صار وحكت لها.........


ساره:هههههه والله انكم خبلات من جد


دانه:والله سويره ليتك شايفه وجهها تحزززززن كنها شارلي شابلن



ساره: ههههههههه.. المهم ها باقي بنطلع


دانه:يس


ساره:وانا على بالي كنسلتوا.. لان دحومي


نايم مارد علي وبيزعل لو اطلع بدون اذنه


دانه:يالفاهيه الطلعه بكرا ..تستأذنين اليوم


ساره:انتي ماتعرفينه لازم انسق معه من


اليوم



دانه:الحمدلله والشكر.. اذا رفض اطلعي


محد بيقول له..


ساره:جد


دانه: واتوقع لو تطلعين من غير شوره


بيعلقك مع قرونك


ساره:هههههه ماعرفنالك ضد ومع.. اجل


اتق شر الحليم اذا غضب ...الحين مافي امل


يصحى بس بزعجه ياكثر ما ازعجني..


وطلعت



دق جوال دانه


دانه:اهلييييييييييين


رشا:وسهليييييييين


دانه:زعلانه عليك آآآآآد الدنيا


رشا:وليييش


دانه: قطوعه ماتسألين.. لو ما ارسلت لك


مسج اعلمك فيه بطلعتنا مادقيتي



رشا تشهق : اناااااااا!!


دانه:ههههههههه


رشا:الله اعلم من القطوع..


دانه:والله الايام اللي راحت انشغلنا في زواج


تركي ولد عمي



رشا:لاتبررين ياقلبي عادي كل انسان


وظروفه


دانه:وربي تمنيناك معنا بس انتي عارفه


الوضع بين الكبار.. متى عمي محمد وابوك


يرجعون زي قبل


رشا:اااه يالييييييت كانت اجمل 3سنوات مرت


في حياتي كأني اعرفكم من زمان ولولا


الخلاف بين ابوي وعمك كان الحين لازلنا مع


بعض



دانه:والله بتظلين بنفس المكانه بقلوبنا


مافي شي تغير..


رشا:اكيد مايحتاج تعلميني


دانه:مع وجهك الحين ليش تذكريني في


الماضي داقه تختبرين ذاكرتي؟


رشا:هههههههه لاوالله بس سيره وانفتحت ع قولهم.. داقه بشوف اكيد بكرا بتطلعون؟؟


دانه:ايه لايكون هونتي


رشا:وخري مناك قال اهون ..والله فيني


اغلقه ودي اطلع


دانه:اجل بكرا نتقابل في الفيصليه


رشا:بخلي سواقي يوصلني وبجي معكم واذا جيت برجع دقيت عليه يجي


دانه:اووكيشن


واستمروا سواليف



.................


الغرفه مظلمه وباااااارده رن جواله ورن


ورن ورن ورن



عبدالرحمن:يااااااااااااالله مايخلون الواحد ينام.. الوووو


ساره:ياليت توزع ع الفقراء خيش نوم من


اللي عندك



ابتسم عبدالرحمن وتثاوب:يادبه يامزعجه


اذكري ربك


ساره:لا اله الا الله.. من زمان ادق شايف


كم مكالمه



عبدالرحمن:اكلمك وانا مغمض ماشفت


المكالمات والله تعبان كأن لي سنه مانمت


ساره:سلامة روحك بس داقه ابي الاذن


وبعدها ارجع كمل نومك



عبدالرحمن:امري


ساره:بطلع مع البنات


عبدالرحمن:متى


ساره:بكرا


عبدالرحمن:ااخ منك من الحين داقه


ساره:لازم انسق معك من الحين ادريبك


عبدالرحمن:ههههههه لا بجيك


ساره بمزح:اقصد اليوم بطلع


عبدالرحمن: اها طيب بجيك


ساره:حدد متى بتجي؟


عبدالرحمن:انتي متى بتروحين؟


ساره :اليوم وبكرا


عبدالرحمن:طيب كلها بجيك



ساره:دحومي والله حرام كل ما اقولك


بطلع قلت بجيك


عبدالرحمن:افا يعني ماتبيني اجي



ساره:المشكله تقول بتجي وماتجي


عبدالرحمن:نصابه بس مرتين قعدتك


وماجيتك



ساره:يعني قاصد


عبدالرحمن:هههههههههههه



ساره:شفت.. زي اللي يقول لاتطلعين بس


بطريقه ثانيه


عبدالرحمن:وربي مايردني عنك الا شغل


وبعدين اغار عليك



ساره:طيب زهقانه ابي اطلع


عبدالرحمن: طيب


ساره فرحت:يعني اروح


عبدالرحمن:لا بجي



ساره:والله يادحوم ان ماجيت اني ما اكلمك


ثلاثه ايام


عبدالرحمن:ههههه زين اطلعي بس رجاء''


لاتتأخرين



ساره:من عيوني اي اوامر ثانيه


عبدالرحمن:بوسه قووووويه


ساره:اسفه يلا باي


عبدالرحمن:اجل انسي تطلعين


ساره:لالالالا خلاص بعطيك


عبدالرحمن:لحظه لحظه


ساره:وشوووو


عبدالرحمن:ابي استعد واتخيلك قدامي.. وغمض عيونه:يلا هاتي


ساره:هههههه طيب


اممممممممووووووووووووواح



عبدالرحمن ساكت


ساره:الووووو


عبدالرحمن:معك


ساره:وش فيك


عبدالرحمن:دخت وتخيلتها ع الطبيعه اااخ


بس لو انها لايف كان جبت العيد


ساره استحت:يلا باي


عبدالرحمن: اسمعي


ساره:وشو



عبدالرحمن:والله مقدر اخليك تطلعين


بتاكلني الغيره


ساره:لالالا واللي يخليك ابي اطلع


عبدالرحمن:لا بجيك الحين وبكرا بعد بجيك


ساره:والله مالك داعي ادري من الاعيبك


عبدالرحمن:جايك اليوم وبكرا الله لايعوق بشر


ساره بقلة حيله:طيب


..................


في لندن


رجع البيت مستانس دخل الشقه شافها


بالصاله مبين انها توها متحممه لابسه بجامه


طويله خضراء ورابطه شعرها ذيل طالعه


كيوت.. وقاعده ع الانتريه وقدامها طاوله


حطت عليها الاكل اللي جابته سميره ..كانت


بتاكل على طاولة الطعام بس بعيده عن


التلفزيون.. ماطالعته وظلت تاكل وهي


تتفرج شاف الاكل ماقاوم قرب له كرسي قبالها وجلس ياكل.. تفاجأت من الحركه وكانت مستحيه منه ويالله تبلع اللقمه.. اما


هو قعد ياكل عاادي بدون مايطالعها



تركي:انتي طابخه؟


جوري:سميره جارتنا جابته


مارد وكمل اكل



بعد ماشبع دخل ياخذ شور


وتأخر في الحمام كان محتاج هالشور يبي


يريح اعصابه.. طلع ولبس شورت بدون


فانيله وكان يدور الفراش يبي ينام.. حس


حلقه ناشف طلع المطبخ بيشرب.. شافها


واقفه تغسل المواعين..


راح للثلاجه ..



جوري شافته وشافت صدره العاري ارتبكت


وطيحت الصحن


قزها تركي باحتقار وصب له مويه وقعد


يشرب


خلصت جوري وراحت الغرفه وهو كان


مبقق عيونه ليش تدخل الغرفه!!!! ..


حط الكاس بسرعه ودخل وراها كانت توها


بتنسدح



تركي:هييييه هيييييييييه انتي وش تسوين



جوري طالعته وانسدحت وغطت نفسها:بنام


حرام



تركي:نامي في اي مكان اما هنا لا


جوري:وين بالظبط


تركي:الصاله والا الغرفه الثانيه



جوري:الصاله انتريهات والغرفه الثانيه مافيها


ولا اثاث.. انام بالارض والا بغرفة الغسيل


يعني؟!



تركي:موشغلي يلا قومي


ماردت عليه وطفت الاباجوره اللي جنبها



قرب منها:جوري بسرعه قومي ترا ماهو في


صالحك


جوري:ماراح اقوم مو كافي نمت في الفندق


ع الكنبه الحين دورك وبعدين انت رجال


تتحمل انا لأ



شال الغطا عنها:يلا اخلصي علي


وقومي


جوري:لو تذبحني ذبح ماراح اقوم


تركي بخبث:ماراح اذبحك بس بسوي شي


تندمين عليه لاتنسين انك زوجتي



جوري فهمت قصده وتوترت: ماراح اخاف


من تهديدك حنا زوجين على ورق فقط


تركي عصب:لاااااااه ومن قال



جوري:طبيعي انا اكرهك وانت تكرهني


فياليت تشيل هالشي من بالك نهائي


تركي قرب منها وهي ع بالها بيضربها


غمضت عيونها وانكمشت على نفسها


وماحست الا ببوسه قويه على شفاتها لقط


شفايفها بعنف



جوري وخرته:يانذذذذل


تركي:شفتي اخذتها ببساطه.. انا لو ابي


اخذت اللي ابي بابسط من كذا



جوري ارتفع ضغطها وماردت عليه


وهو انسدح:اجل تحملي نتيجة عنادك..


وقرب منها ولصق فيها وضمها وكان يتعمد


مضايقتها



جوري ماتحملت وقعدت:انت وبعدين معك..


ماظنيت اننا اطفال


تركي:يا انا يا انتي ع السرير يا


جوري:يا وش؟


تركي:انتي عارفه


جوري قامت:اوك اشبع به


تركي تنفس الصعداء مرتاح


ع الاخيرررررر :فكككككه..



طلعت جوري من الغرفه بعد ماخذت معها


بطانيه صغيره وانسدحت ع السرير الهزاز


اللي بالصاله طريقته كانت زي كرسي


الاسنان بس خشب مخرم ويتحرك ورا وقدام


نامت عليه واستسلمت للنوم



وتركي نفس الشي كان مجهد فنام على طول



في الصباح قامت جوري منهد حيلها مانامت زي الناس تحس بارهاق فظيع طول الليل تتقلب ماتعودت تنام على كرسي


دخلت الغرفه ع اساس تاخذ ملابس لها وبتروح حمام الغرفه الثانيه عشان ماتضايق تركي.. بس ماشافته حمدت ربها واخذت شور لبست بنطلون ابيض سكني وبلوزه حمراء طويله خيوط من فوق وجعدت شعرها ولبست صندل احمر وحطت قلوس


هي دايم كذا تحب تتكشخ لنفسها وراحت


للمطبخ فتحت الثلاجه واخذت لها عصير


برتقال مالها نفس تاكل تحس ودها تنام


وقعدت بالصاله وفتحت التلفزيون..



فتح باب الشقه ودخل كان لابس بنطلون


اسود وبلوزه سوداء ونظاراته فوق راسه


شافها قاعده ماعبرها دخل الغرفه اخذ


اوراق ورجع الصاله وقعد ويحوس فيها


دق جوالها



جوري:هلا مليووووووون


منى:هلابك مليارات مساء النور


جوري:قولي صباح النور عندنا الصباح



منى:يؤ يؤ نسيت دايم انسى فارق الوقت


بين الرياض ولندن


جوري:طيب دبدوبه لاتنسين مره ثانيه وش


اخبارك و وش اخبار الكل بدون استثناء



منى:كللللللللنا بخير والله فقدناك عن بكرة


ابينا


جوري:ههههههههههههه اتشقق انا.. والبيبي


شلونه


منى:والله متعبني..


جوري : مابقى شي وترتاحين وتهيصين بعد



منى:اي وربي حتى اليوم البنات طالعين


يتمشون السوق وبيتعشون برا وانا مو قادره


امشي يادوب حركتين الا وتنفخت رجولي..


احلم باليوم اللي ارتاح فيه


جوري :لاحقه ع الطلعات ياروحي اهم شي


صحتك وصحة النونو



منى تقلد العجايز: على قولتس الا وينهو


بعلتس فيذا


جوري:ههههههههههههههه ياطعسه ايه


موجود


منى:لعيونك طعسه.. وكيفه معك زين


جوري: لا ماعليه ماشاءالله خوش انسان


تركي كانت اذنه معهم


منى:ها وكيف الامور


جوري:تمام


منى:اقصد الامووووور


جوري انحرجت:اقول تقلعي


منى:هههههههههههههااااي يانبي مثتحيه


جوري:والله انك فاضيه


منى:المهم عطيني تروك بسلم عليه


جوري ماتبي تحاكيه:دقي على جواله بعيد عني


تركي مستغرب


منى:زين حبوبه باي



وقفلت ورجعت تشوف التلفزيون


دق جوال تركي


تركي:هلا مناوي


منى:هلابك تروك شلونك


تركي:بخير شلونك وشلون فيصل والاهل



منى:نسأل عنكم ودنا ترجعون اليوم قبل


بكرا


طبعا جوري ماكانت تسمع منى



تركي: انتم تخليتوا عني


منى:افااا زين انها بعيده ماتسمع


تركي: وخير ياطير اخر همي



منى: تركي فديتك تقبل الموضوع مثل


ماهو صدقني مع الايام بتحس انك تقبلتها


هي بعد



تركي:يكفي نصايح انا اعرف كيف اتجاوز


المحنه



جوري عرفت انهم يتكلمون عنها وحست ان


ودها تبكي مو لشي بس لانها كانوا معتبرينها


زي الاطرش في الزفه



تضايقت منى من كلام اخوها.. وتركي حب


يغير الموضوع لانه كسر بخاطرها


تركي:الا وش اخبار تركي الصغير


منى:مااااااشاءالله سميته خلاص


تركي ضحك:ههههههههه عادي امون



جوري اول مره تسمع ضحكته وتشوفه فارد


وجهه كان جنااااااان ومع هذا كانت تحسه


شيطان قدامها



منى:تمون على راسي تركي تركي


تركي:لالالالا امزح اكيد فيصل بيسميه على


عمي سلطان مانبي نحرجه



منى:لكل حادث حديث.. ممكن طلب


تركي:تم


منى:اوووف بدون ماتعرف يمكن تغير رايك


تركي:ماراح اغير راي رجال من ظهر رجال


منى:والنعم والله



تركي:ها وش طلبك والله لو تطلبين عيوني


ماتغلى عليك


منى ''الله يستر'':كن ن نت ا اب ي


تركي:وشوو



منى:ها لابس طلبتك عشان ابوي الضعيف عامل البنت باحترام ..مو مثل يوم العرس والله احرجتها ..ع الاقل قدامنا اما بينكم انتم


احرار بكيفكم.. اتمنى اذا رجعت تعاملها


وكأنك متقبلها وتبين لهم انك غيرت نظرتك


فيها ..والله تروك انت مايرضيك فيصل


يعاملني كذا.. والعشم كبير انك تتغير جد مو


تمثيل



تركي زالت ابتسامته وبانت محلها التكشيره بس مسك نفسه:ابشري ماطلبتي شي


منى:يلا عاد اخليك باي... وقفلت



كره نفسه انه صار بهالموقف يعني هو مظطر ينافق ويجامل على حساب نفسه


بس على الاقل عنده فرصه اذا صاروا


لوحدهم يسمعها اللي يبي



تركي يبي الشر: ثاني مره اذا كنت جنبك


وأحد يبيني تعطيني الجوال.. فاهمه


جوري مفوره اعصابها وتطالع التلفزيون


ماتبي ادنى احتكاك معه وهي بهالحاله لانها


تعرف نفسها بتغلط عليه: انشاءالله



تركي ماعجبه البرود كان متوقع بترد: والا


بشيل الجوال منك


جوري: مو اتفقنا تعرض عني واعرض عنك..!


ليش تحاول تستثيرني بكلمه عشان ارد وتقوم تحطها براسي


واذا عشان الجوال خذه ما ابيه



وحطته ع الطاوله اللي جنبه



تركي مايدري وش يقول مالقى شي يعصب


عليه: احسن هاتيه.. وحطي في بالك اني


مزاجي وبأي لحظه بقلب عليك واخلق مشكله


انقهرت جوري من اسلوبه''الظاهر ماينفع معه شي ذا'': اجل توقع المثل



تركي:وش قلتي


جوري:مثل ماسمعت ورب البيت ياتركي ما


اسكت لك عن كلمه


تركي:وش قصدك


جوري: ماعندي وقت اشرح


تركي:يعني كذا


سكتت جوري


تركي:زين نشوف.. وشال الاوراق وطلع



....................


اليوم الثاني في السوق



دانه: خلاص تعبت دايخه وجوعانه خل نتعشى


رشا:بدري ع العشاء خل نشوف هالسوق عندهم فساتين تهوس



دانه:لالالا مو قادره ابي هم هم


ندى: شكل معدتك مفقوعه مو قبل مانطلع


وحنا ماكلين



دانه تكش عليها: خمسه وخميسه مالك دخل


رشا:ههههه بس ازين مافي دانه جسمها


مايتأثر بالاكل من يوم عرفتها وهي نفس


الوزن



دانه:ياروووووحي انتي.. لسانك يقوطر عسل مو هذي


ندى:وجع امززح.. خلاص ولايهمك بعشيك على حسابي


دانه صارخت:ياااااااااااااااااااااااربيه


البناات:وش فيك


دانه:لا بس تذكرت اللي كانت تعشينا على


حسابها



ندى:اااااااه قصدك جوري.. والله فديتها دايم


نقول لها معنا فلوسنا تكفينا وزياده بس


كانت تقول لا.. عشان اذا تذكرتوا اني


اعشيكم تدعون لي بظهر الغيب يارب


اسعدها



رشا اسودت الدنيا في عينها من بعد ماجابوا


سيرتها مو هي اللي خذت حبيبها


دانه:الله يوفقها دنيا واخره والله غيابها مأثر


علينا وتلقينها نايمه في العسل


ورشا حست بقهر قاعده تغلي منه


ندى:والله شكله بصل


دانه:افا ليش


ندى:والله خايفه عليها اخوي مو شي معها



رشا لانت تقاسيم وجهها اصلا هذا اللي تبي


تسمعه وتصنعت الحزن:مسكينه ليش


اخوك مايبيها



ندى: مايبيها!!!


دانه: شف بتكذب البنت مو توك تقولين بصل


يعني واضحه


ندى:يامتنحه اقصد الله يعينها انا شفت ايد


تركي مطبعه بجسمها ويوم سألتها انخطف


لونها صار قوس قزح عاد افهموها



دانه:هههههههههههههههه اوووخس ياتركي


منتب هين اجل شرس والله راحت فيها جوري


ندى:والله ماكنت اتوقع انه كذا صدق ان


الساكت سم ناكت


دانه:خليهم على راحتهم اهم شي مرتاحين.. وبعدين وش دخلنا بخصوصياتهم


عيب


ندى:ههههههههههه وانتي الصادقه يلا مشينا نتعشى



رشا كانت في عااالم ثاني كانت تغلي من


القهر هذا اللي قال انه لي لوحدي.. طيب


ليش يكذب ليييش يقول انه مايبيها وكارهها..


اجل واللي سمعته الحين وش اسميه ..ع


الاقل كان قال لي هو مايغطي علي هو


وعدني اي شي يصير بيعلمني ..بس


ماتوقعته يغطي ..انا كل شي بتحمله بس


يصارحني ..ما اختلفنا هي زوجته ويحق له


بس لااااااااااااااااا هو قال يكرهها دام


يكرهها ليش يقرب منها .. هو وعدني انه


لي.. لي انا بس وانا وعدته اكون له ما اكون


لغيره.... ااااااه ياتركي ياكذاااااااااااااااااااب



قعدوا ع الطاوله


ندى:والله حسافه ليت نوف معنا


دانه:هههههه والله عقب اللي سويته فيها


كرهتني يوم جيت اقولها يلا معنا قالت


اذلفي وتغطت ونامت


ندى:هههههههه مصيرها ترضى قلبها ابيض


طيب وريم


دانه:دقيت عليها قالت اخوالها معزومين


عندهم


ندى: يلا البركه في رشا معنا ع الاقل نغير


وجيه.. وتكلم رشا:صح ريوشه


رشا:هااه


ندى:وش فيك من قعدنا وانتي ماش


دانه:قبل شوي وش حليلك لايكون طفشتي


رشا:لا بالعكس بس نعست بدق على


سواقي يجي


دانه:اوك حبيبتي اللي يريحك



......................




قراءه ممتعه:






رد مع اقتباس
قديم 22-12-2012, 05:05 PM   رقم المشاركة : 7
:: عضو مميز ::
 
الصورة الرمزية جنيــن






جنيــن غير متواجد حالياً

جنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond repute


يا لبيه يا الدنيا العجيبة / للكاتبة معانده جرووحي , كاملة



يالبيه يالدنيا العجيبه


البارت السادس



بيت ابو تركي



ابو تركي بفراشه يقرا جريدته كالمعتاد قبل ينام.. وام تركي جالسه على جسادتها كانت تصلي الوتر


ابو تركي:ماكلمكم تريك


ام تركي: الا كلمني فديته


ابو تركي:ولدك هذا عنيد شكله مصر على موقفه ومو ناوي يجيبها على بر


ام تركي: عسى ماشر صاير شي


ابوتركي:ماكلمني من راح ولايسأل يقول هذا ابوي


ام تركي: يمكن مشغول


ابو تركي:توك قايله كلمك يعني معقوله


ماينشغل الا اذا جا بيكلمني


ام تركي: هدي نفسك يالغالي.. تبيني اكلمه


ابو تركي:لا لاتكلمينه اذا ماعرف يسأل عني


من نفسه والا بلاها


ام تركي تقعد ع الكنبه: محمد اصبر عليه ترا


اللي جاه ماهوب قليل


ابو تركي نزل الجريده: ذابحله احد ..والا


فاصله من العمل ..والا نهبت فلوسه.. وش


هالكلام يالطيفه وش اللي ماهوب قليل..


وش سويت له هذا جزاي اني زوجته


وماخليته يصرف ريال


ام تركي: ماتقصر بس المسأله ماهيب مسألة فلوس الم....


ابو تركي: لطيفه انتهى.. الكلام معك ضايع .


انا بنام


ام تركي بقلة حيله:جعله عوافي



((هذا طبع ابو تركي مايحب احد يراجعه او


يناقشه ولازم يكسب النقاش وانه هو اللي معه الحق .. وإذا عرف انه على غلط ينهي الحديث بدون مايعطي مجال وبالذات مع ام تركي الطيبه))



....................


في لندن


كان تركي طالع وجوري حاسه بتعب فظيع


مو معقوله تنام كل يوم على هالكرسي


وقفت وايدها ع ظهرها واطلقت رجولها في الشقه تمشي وتهرول..


خلصت راحت تشرب مويه وشافت من بعيد


الورقه اللي كتبت فيها سميره رقمها..


طفشانه قالت تكلمها وتغير جو ومنها بترسل لها اغراضها دقت عليها



سميره:الو


جوري:السلام عليكم


سميره:وعليكم السلام مين


جوري:انا جوري جارتك


سميره:ولك اهلين وسهلين


جوري:اهلين فيك وسكتت ماتدري شلون


تجيب لها سالفه


سميره: بدك شي يا ألبي ماتستحي ابدا


جوري:هاا لا بس الصواني عندي وابي اجيبها


سميره:ولو مابيناتنا هالحكي


جوري: كلك ذوق اذا كنتي فاضيه تعالي منها


تاخذينها ومنها تشرفين عندي نسولف..


سميره: طيب شو رايك تجي لعندي مهند نايم مابدي فوقو=اصحيه


جوري متردده:طيب شوي وارد لك خبر


سميره:ماشي



وقفلت جوري وهي شايله هم انها بتدق


على تركي عشان لو رجع مايفكر وين


راحت تدريبه معقد وبيسوي من الحبه قبه..


اخر شي قررت انها تدق دقت اول مره مارد


ثاني مره رد



تركي بدون مقدمات:وش عندك


جوري''الله من الاخلاق الزفت'': بروح


اعطي سميره اغراضها مايصير تطول عندي


يمكن محتاجتها


تركي: اللي تسوينه سويه ولاعاد تستأدنين


ولاحتى تستشيريني لانه ماهمني


استحقرت نفسها ليش تدق عليه هذا مو كفو


انه تعبره اصلا: بالناقص


تركي:وشوو


جوري: ولاشي بس حسافه اني داقه


تركي:اقول طسي بس


جوري: انت اللي..


وماسمعت الا طوط طوط



ارتفع ضغطها قفل الحقير.. شالت الاغراض


وراحت لسميره


سميره: هلأ نورالبيت


جوري:بوجود اهله


سميره:شو تشربي


جوري:لا شكرا ما ابي شي


سميره:ولو شوبيك انا بعرف اعمل القهوه


النجديه



وراحت تسويها طبعا كان المطبخ مكشوف


يعني يقدرون يكملون كلامهم



جوري:ماشاءالله كل شي تعرفينه


سميره:انا اي شي بيخص ابو مهند بعمله


لعيونه


جوري ابتسمت: تحبينه


سميره:بموت فيه رغم فارق السن


جوري:ليش كم عمره


سميره:46 وانا 26


جوري:ومن الحب ماقتل


سميره:هههههه


جوري:سوري ع السؤال بس اهلك


ماعارضوا


سميره:امبلا ستي اكبر معارضه بس ابي


كان موافق..


جوري:اهم شي ابوك موافق وراضي عن الزواج


سميره:معلوم بدو يرضى لان زوجي وقف


مع عيلتنا في قضيه وكان له الفضل بعد الله


في حلها.. ورفض تماما ياخذ اتعابه منشان


هيك كان قريب لألب أبي


جوري:لاااااه يعني لو بحل مشكله بين


ناس لازم اخذ فلوس


سميره: هو كان محامي


جوري:اهااا


سميره: وطبعا انا كنت سكرتيرته


جوري:ياااااسلااااااام


سميره ضحكت: بس موش زي الافلام نحنا


قصتنا غير قصه



جوري ارتاحت فيه احد يكلمها عن حياته


وابتسمت تبي تسمع القصه



سميره فهمت وتكلمت بكل اريحيه:انا


تخرجت هون ورجعت ع لبنان يجي شي


سنه.. وبعدها حكالي ابي انو في واحد


بيعرفه بدو ياني اشتغل سكرتيره عندو وهو


في لندن.. انا ع طول وافقت بدي اطلع من


الظلم اللي كنت فيه من ستي وعمي ومرته



جوري:وامك وينها


تغير وجه سميره:إمي الله يرحمها ومافضل لي غير ابي


جوري سكتت


بعدها جت سميره وحطت القهوه وكملت:


طبعا عبدالعزيز كان مهتم فيني كثير وانا


فسرت اهتمامه انو شفقه ومارضيت


بهالشي.. وستي كانت تقول ما اعطيه وش


لان الرجال كزابين وهو اصلا كان متزوج


جوري:اوووووف


سميره :هههههه لكمل لك القصه


جوري ابتسمت:تفضلي


سميره:عبدالعزيز اختفى يجي 6 شهور


وانا تحملت مسؤلية غيابه.. وكان الشغل كلو فوق راسي ..وبعد مارجع اكتشفت انو مرته وابنه وبنته توفوا في حادث ..ونفسيته كانت في الحضيض..


جوري:يااااااالله


سميره:والله انا زعلت عليه كتير والامر من


هيدا على رجعته كنت واقعه بمشكله مع


عمي بعد مامرض ابي واخذ مصرياتتا كلها..


وهو وقف معي بالرغم من الحاله السيئه


اللي كان فيها والحمدلله قدر يكسب القضيه


ويرد الحق إلنا وطلب ايدي لانو شاف فيني


الامانه على شغلوا وهيدا شجعوا اني حكون


امينه معو في بيته وطبعا وافقت على طول


لأني حسيت بخوفو علينا ومن يومها وانا بدي


اسعد هالانسان



جوري:والله اصيل وانتي اصيله تستاهلون


بعض


سميره: مستعده اضحي بأي شي لإلو ولو


عشت عمري كلو مابوفيه حقو وعشان هيك


سميت مهند على ابنو وهو كل يوم بيزيد حبو


لإلي وانا كمان



جوري:ايه وش بعد


سميره:اممممم وتوته توته خلصت الحدوته اشربي قهوتك


جوري:ههههههه ومدت ايدها وشافت


الساعه اللي بيدها :يالله تأخرت


سميره:الباب بالباب شو تأخرتي والا منشان حبيب الالب


جوري تشرب القهوه وتصرف:الللللله قهوتك جنان تسلم الايادي



ورجعت البيت تفكر معقوله الحب يسوي كذا؟؟ لو اني رجال كان حسدت عبدالعزيز


على سميره.. كل شي اتقنته له ومستعده


من كلامها انها تضحي بالاكثر ..وحتى زوجها


ماشاءالله عليه من كلامها انه جنتل اااااااه ياتركي ماهقيت توصل ظفره..


وجلست بالصاله ودها تريح جسمها وتنام بس ويييين تنام وتركي مسوي حجر ع الغرفه..



.................



بهاللحظه كان تركي مع صديق عمره مشاري اسرارهم مع بعض ومايغطون عن بعض حتى ادق التفاصيل



في مكتب مشاري


تركي:معليش خذيتك من شغلك تدري انا


هالاسبوع فاضي ماراح اداوم الا الاسبوع


الجاي


مشاري يرتب اوراقه:تمووون ويالله على


اقرب كوفي نسولف ونشرب اي شي


تركي:لالالا كمل شغلك اذا خلصت مشينا


مشاري:البركه في ثامر اخوي يكمل ..انا


ماعاد قدر عقلي يجمع ..ابي ارتاح يلا مشينا.. وطلعوا



وصلوا المطعم وقعدوا


مشاري:تريك لمتى بتضل على هالحال؟


تركي يمسك راسه:مدري


مشاري:بتطلقها


تركي:والله ان ابوي يروح فيها


مشاري:طيب نصيحتي ترضى وتتأقلم ترا كذا


بتعذب نفسك وتعذب بنت الناس ترا مالها يد


والله حرام



تركي:وش اسوي بقلبي والله احب رشا


احبببببببببها وما اقدر اتقبل فكرة دخول وحده


ثانيه بحياتي


مشاري:انا عارف عمق حبك لها بس سؤال هل بتدومون لبعض؟؟؟؟


تركي مستغرب:وش قصدك



مشاري: ابوك مستحيل يخليك تتزوجها..


تركي:ادري


مشاري: والزواج هو الوحيد اللي يخلي بنت و ولد يدومون لبعض.. اما غير كذا اسمحلي اقول لك العلاقه بتنتهي طال الزمن او قصر


تركي مبقق عيونه: لا بندوم من غير زواج



مشاري:ما اتوقع لان ابوها لو يتقدم لها


واحد مريش والله بيجبرها.. وانت ماراح


ترضى تكون مع وحده متزوجه.. ولاتنسى هو ماهمه الا الفلوس ..من يوم يومه طماع


تركي زاد استغرابه: شلون دريت


مشاري:على بالك ما ادري ترا معروف في


السوق تلاعبه وشجعه وهو اللي خدع ابوك


السنه اللي راحت وشفط فلوسه ولوما


وقفتك انت وفيصل وذكائكم ماكان وقفت


شركتكم اللي بالرياض ابد


تركي:مشاري لاتجنني من قال لك


مشاري:ثامر سمع ابوك يحكي لابوي


تركي:غريبه تصدق قال لا اعلم احد يقول


مو من شيمنا نفضح احد وامرني انا وفيصل


نسكت ونستر عليه



مشاري:من ستر مسلما ستره الله في الدنيا


والاخره بس تلاقيه يبي يفضفض والله


ينرحم


تركي:بس وش ذنب رشا بغلطة ابوها


مشاري:اللي شافه ابوك موقليل ومن حقه


يقطع اي صله تربطه معه حتى لو بزواجك


منها.. وبيكون لهم احفاد مشتركين وهم اكبر


صله وابوك مايبيها بخيرها وشرها



تركي ما انتبه لجواله اللي يدق في جيبه لانه كان حاطه سايلنت لان مايصير يطلع مشاري من شغله ويستقبل مكالمات فحطه سايلنت



تركي: لالا ماراح تتزوج اكيد بترفض


مشاري:تروك صحصح معي ..شوف انت


رجال وانجبرت تتزوج عاد مابالك هي بنت


تركي: مشاري واللي يرحم والديك لاتطينها


معي



مشاري:والله ياتركي اني ما اعتبرك الا


قطعه مني وما اقولك اي شي الا واقيسه


على نفسي وبعدها انصحك


تركي: مااااااااابيها.. ومسك راسه وحطه ع الطاوله


مشاري يمسك ايده: ياولد روق و وسع صدرك واتعظ من غيرك


رفع تركي راسه وهو مبتسم عرف قصد مشاري



ضحك مشاري:اظن عرفت قصدي


وتركي بعد ضحك غصب عنه:والله صادق


مفروض اتعظ منك


مشاري:ياخي كل ما اتذكر السخافه اللي


سويتها استحقر نفسي


تركي:والا يوم عاندت امك وسافرت كله


عشان ماتاخذ بنت اختها



مشاري:ندمت اشد الندم بس بعدها حكمت


عقلي ورجعت وخطبتها.. والا ايام الملكه


والله ياتركي حسيت اني عايش فوق السحاب ويوم تزوجتها ماصرت اشوف الا هي وبس


تركي:ونجود نسيتها



مشاري:صح انا حبيتها بس في عقبات كثيره


بينا.. لو اضمن بنتخطاها والله كان تزوجتها هي.. بس مستحيل افكاري وافكارها مسويه كذا وسوى بيده علامة اكس



تركي:يعني افكاركم متضاده ماراح تلتقي


مشاري:علييييييك نوووور


تركي:بس انا ورشا افكارنا زي بعض


وفاهمين بعض والله اكثر وحده تفهمني في


الحياه هي


مشاري: بس ابوك العقبه بينكم ..تقدر


تتخطى هالعقبه؟؟ اكيد لا والدليل زوجك


بنت عمك


تركي عايش في صراع مع نفسه



مشاري حس بضيقة تركي: تريك الخيره في ايش؟؟


تركي:فيما اختاره الله


مشاري:بعدي والله .. وخل نتعشى جوعاااان


مو ارجع الرياض وتشوفني المدام نحيف


تسويلي محاظره


ابتسم تركي: وليش ماجت معك


مشاري:تكمل دراستها


تركي: اماااا عاد وين اللي كان يهدد انه


ماراح يخليها تكمل دراستها



مشاري:الواحد يتغير وانا اخوك وقلت لك هي فطينه قدرت تغيرني من ايام الملكه


تركي:الله يخليكم لبعض



...................



رجع تركي البيت شافها بنفس الوضع قاعده


قدام التلفزيون.. دخل الغرفه بدل ملابسه وشغل اللاب بس حس بطفش قام للتلفزيون وشغله ما اشتغل شاف الاسلاك ومنا ومنا برضه ما اشتغل..


طلع الصاله وبدون مقدمات خذا الريموت من ايدها وغير القناه اللي حاطتها جوري



جوري طالعت فيه باستحقار طنشها وقعد


يتفرج.. شوي ودق جوالها اللي كان في جيبه


واثره غلط واخذ جوالها وهو جواله في جيب


بنطلونه الاول


تركي: هلا عمي


ابو طارق:هلا بالغالي وش اخبارك


تركي:بخير عساك بخير وشلونك انت


ابو طارق:كلنا بخير ها شلون جوري عساها


سنعه


طالع فيها بنظره كلها كره: لا سنعه مايحتاج


تربيتك


ابو طارق: زين زين.. الا وينها هي


تركي:مدري اظن جوا


ابو طارق:توقعت لانك رديت على جوالها..


قم وانا عمك عطني اياها ياني فقدتها



تركي انتبه انه راد على جوالها وانحرج ماكان


وده يحاكيها:ابشر عمي وحط الجوال ع الطاوله :ابوك يبيك وقعد يكلم نفسه''وش


لاقين فيها ووش يحبون فيها الجمال موجود


والا لسانها يلوط اذانها''



قامت جوري تاخذ الجوال وهي تطالع تركي زي اللي يقول تافه :هلا بتاج راسي


ابو طارق:هلا بحبيبة ابوها شلونك


جوري:عاااااااال العال وش اخبار امي


وطارق وخالد وريم


ابو طارق:كلهم بخير.. ها يبه مستانسه


جوري:الحمدلله يبه كل شي تمام


ابو طارق بمزحه:ان ضايقك تركي قولي


وانا بسحبه مع اذانه


جوري''ضايقني وبس'':لا يبه صدقني كل


شي تمام


ابو طارق:دوووم كل شي تمام.. فقدتك


قلت ادق اسلم عليك.. توصين شي



جوري وجتها الفرصه لين عندها


تبي تقهره: اي يبه


ابو طارق:امري لو تبين عيوني


جوري:تسلم لي عيونك يالغالي بس بغيت


تحط بحسابي فلوس


كان تركي مدنق ويوم سمعها التفت لها وطير عيونه كان بقمة القهرررر منها ومعصب لابعد درجه


ابو طارق:تركي مقصر معك؟


جوري شافت نظرته''يارب عدي هالليله على خير'':لاااا ابد مو مقصر بس في غرفه


ودي أأثها على مزاجي وابيها مفاجأه له



ابو طارق:اها دام كذا مايخالف كم تبين


جوري:اي مبلغ عادي


ابو طارق:من عيوني برسلك مبلغ دسم كم


جوري عندي


جوري:الله لايحرمني منك


ابو طارق:ولامنك يلا اخليك مع زوجك مع


السلامه


وقفلت من ابوها وهي خايفه اول مره


تشوفه معصب بهالطريقه حطت الجوال


ورجعت تطالع التلفزيون



تركي صارخ:انتي وش سويتي


جوري حست انه بيقتلها الليله بس هي


معروفه بهدوئها:وشو


تركي:انتي تبين تجننيني وش قصدك


بهالحركه


جوري: والله انا تعودت ع الرفاهيه اما تجي


انت وتخليني انام ع الارض هزززلت


تركي وقف وقرب لها: وليش ماقلتي يعني الا


تطلعيني قدام عمي عديم المسؤوليه واني طبل



جوري:اتوقع اني رقعت لك وابوي مشت


عليه اني بسويها مفاجأه.. وبعدين مو انت


اللي قلت لي اي شي اسويه وانه ماهمك


تركي:وانتي ماصدقتي.. والله ياجوري ان


تشكين خيط بابره بدون علمي اني لأوريك


نجوم الليل في عز القايله


باست ظهر كفها وباطنها:الحمدلله والشكر يبيلك شهار


مسكها تركي وضغط على ايدها:لااااااااااتقلين ادبببببببببببك


صارخت:تركي ترا مايصير جسمي كله كدمات من ايدك وخرررر


شد قبضته على ايدهها:لاترفعيييييييين صوووووتك والله لأحوسك


جوري حست بالالم الجسدي والنفسي ونزلت دموعها


تركي: هذا جزاك واقل من جزاك


كانت عيونها مليانه دموع: ع الاقل عاملني بنت عم مو زوجه .. حط لي قدر وحشيمه.. والله حتى اللي بينهم عداوه مايعاملون بعض زي ماتعاملني


تركي بسخريه: عداوه؟!!! تدرين اللي احسه تجاهك اكبر من عداوه


ودفها تركي ودخل غرفته



سكر الباب بقوته وانسدح ع السرير


ماله الا يكلم رشا حبيبته تخفف عنه قام


يفتش بجيب بنطلونه وشاف منها 9 مكالمات


ورسالتين فتح الرسالتين



اول رساله:


((ياكذاب هذا اللي يقول انه لي لوحدي يامخادع ))



وثاني رساله:


((يحقلك نايم في العسل مثلك مثل اي رجال ماهمك الا غريزتك خساره فيك حبي))



تركي مو مستوعب هذي وش تقول شكله


مقلب لالالا مستحيل ريوشه تقول لي كذا


هي عمرها ماغلطت علي ..


دق عليها مره مرتين خمس عشر ومايأس دق على تلفون غرفتها وجوالها الثاني ومافي رد وهو ما استسلم قعد يدق عليها لين ردت


رشا:وش تبي خير


تركي متفاجئ:ريوشه قلبي وش فيك


رشا:وقص لسانك لاتقول ريوشه ولاقلبك


تركي: هييييييييه احترمي الفاظك شفيك


رشا: ياكذاب انتهت علاقتي فيك وامسح ارقامي كلها


تركي:رشا انهبلتي انتي وش تخربطين


رشا بثبات:مثل ماسمعت ولاعاد اشوفك


داق علي والا قسم بالله عند ابوي واخواني


تركي:اعلى مافخيلك اركبيه وماراح اقفل لين


اعرف وش فيك وش سويت لك


رشا:مافيني شي ابيك تفارق وبس


تركي:وبعديييييين معاك انتي .. انتي ناسيه


اني تركي حبيبك


رشا: قصدك اللي كان


تركي حاول يهدي نفسه:ريوشه لا تتعبين


قلبي قولي وش فيك


قامت تبكي



(( ماتدري هي سوت الصح او الغلط بكت من غيرتها وخداعه عليه بس فيه شي داخلها يقول انه ماسوى شي حرام ولاعيب.. وشي بداخلها بعد يلومه ويتهمه بالخيانه لانه وعدها مهما كان وصار بيضل لها.. ومع ذلك خان المواثيق))



تركي:ياقلب تركي لاتعذبيني يكفي اللي انا


فيه


رشا:مافيك الا العافيه انا نذرت نفسي لك


واني لو ماكنت لك ماراح اكون لغيرك ..وانت


اشوفك مع اول يومين نمت في العسل



تركي:اي عسل واي خرابيط ومن قال لك


هالتفاهات


رشا: مو مهم اللي قال لي المهم انا الحين


عرفت ان الرجال زي بعض ..غريزتهم فوق


اي شي وقدرت جوري تجرك بحبايلها للشي


اللي كنت خايفه منه ..انت شايف كم مكالمه


ولا رديت علي اثرك نايم في حضنها



تركي:لاحول ولاقوة الا بالله والله كنت مع


مشاري وجوالي سايلنت


رشا:ايه بعد اكذب شايفني طفله تاكل


بعقلي حلاو


تركي:يااااامثبت العقل والدين ثبتني لأني بنفجر.. طيب دقي اسألي مشاري وتأكدي


رشا:وش يضمن لي انه صادق أكيد بيكذب مو صديق عمره


تركي: والله ماجاك الا الصدق واني ماكنت


معها ولاشي انا قلت لك اني لك انتي وبس و


رشا:خلااااااااااص اسسسكت رووح لها ارجع لحضنها


تركي:يامجنووونه ترا بتخليني افقد اعصابي


رشا: وانا صادقه مع اول يومين نسيتني اجل لو تحمل والله بتتنكر لحبي


تركي:رشا انتي في بالك اني لمستها؟؟


رشا انهارت تبكي


تركي:والله والله والله ماقربت منها ولا


لمستها واني انام بعيد عنها



رشا:كذاااااااب روح لها ولاعاد تدق علي انسى وحده اسمها رشا لأني نسيتك من هاللحظه ...وقفلت


رجع تركي دق لقى جوالاتها مغلقه والتلفون ماترد اكيد فاصلته


تركي:ياااااارب القاها منين والا منين انا بفقد العالم كله الا ريوشه مستحيل افقدها.. وش اسوي الحين.. ماراح اتركها لين ترد علي.. واستمر طول اليوم يدق زي المهبول خايف يفقدها



نهاية البارت



قراءه ممتعه
:


ابي ارائكم وش اللي عجبكم و وش اللي ماعجبكم لحد الآن..


تهمني انتقاداتكم وبتقبلها بصدر رحب..



وهم ابي توقعاتكم للبارت الجاي







رد مع اقتباس
قديم 22-12-2012, 05:06 PM   رقم المشاركة : 8
:: عضو مميز ::
 
الصورة الرمزية جنيــن






جنيــن غير متواجد حالياً

جنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond reputeجنيــن has a reputation beyond repute


يا لبيه يا الدنيا العجيبة / للكاتبة معانده جرووحي , كاملة



البتول هلابك وانتظرك بعد الاختبارات


وما ابيك خلف الكواليس ما ابي احس اني


اكتب لنفسي.. لابد من دعمكم لي





موها الحبوبه


اثير العيون


ام درر الحلوه


عطرتوا متصفحي ويزيدني شرف اني اشوف تفاعلكم معي ومتابعتكم





سونه يسلمووو ع المرورو ..انا انزل كل


يومين بارت شلون اتأخر ياحبوبه..





ليمونه فوشيه يالبا قليبك بردتي قلبي بهالتعليق الطويل


حياك ومرحبا فيك


اذا ع المواعيد بنزل بإذن الله كل يومين بارت


وماراح اتأخر الا أذا صار لي ظرف قااااااااهر


وان شاءالله مايصير.. وراح استمر معاكم


وانتي هالله هالله بالتعليقات اللي زي كذا


يشرفني تكون من متابعيني وحده مثلك





هلاليه وراسي فوق


فديتك انا.. انتي الاروع


وجمال القصه مايكتمل الا بتعليقاتكم ودعمكم ومتابعتكم


خليك قريبه ياعسل







تحياتي للجميع لاخلا ولاعدم






رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة









الساعة الآن 05:37 PM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون