صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة






الرجاء استخدام خاصية البحث أدناه للبحث في الموقع:









إضافة رد
 
أدوات الموضوع إبحث في الموضوع انواع عرض الموضوع
  #13  
قديم 12-02-2013, 09:14 PM
الصورة الرمزية اميرة
:: رومانس مون متفوق ::
______________
View اميرة's Photo Album  اميرة غير متواجد حالياً
 
يا روح الروح حبك فرضته ... يا روح الروح أصبحت إنت النبض / للكاتبة @أحلاهم وأتحداهم@ ، كاملة




البارت الثالث عشر





عبدالله يكلم الريال:وين البنت


الريال:تنطرك بالغرفه على احر من الجمر بس وين الفلوس


عبدالله :تفضل بس مابي احد يأذيني انا سحبتلك اكثرمن الي طلبته عشان محد يزعجني


الريال:اذا جذي انا اخليلك المكان بالي فيه


عبدالله :يكون احسن


ودخل عبدالله على البنت





بيت عاليه


دلال:مريوم لجون تاخرت اهيه مو قالت انها طالعه


مريم:يمكن راحت مني مناك


دلال:مريوم انا مومرتاحه الحين بتصير اساعه 11 مومعقوله كل هذا مشوار اهيه من اساعه 4طلعه


وادق عليها ماترد والله اخاف مسويه حاث شي


مريم:واي دلول لاتخبصين قلبي وامي بعد وقته تتأخر


دلال :وااااااي الله يستر خل ادق مره ثانيه


مريوم ماترد شل حل الحين


مريم ودلال قامو يبجون وموعارفين اشلون يتصرفون


مريم:امشي انروح الشقه يمكن اتكون هناك


دلال:دقيت ومحد شاله






بشقة حمد


لجين كانت نايمه بفراشها القديم وقامت على صوت التليفونها


لجين:الوووووووو


دلال:لجين وينج قاعده احاتيج انتي نايمه


لجين كانت بين نايمه وبين قاعده :أي


دلال:انتي وينج ليش ليلحين مايتي


لجين كانت نايمه على جنبها اليمين ولمن اسمعت دلال قالت لها ليش ليلحين مايتي قامت من الفراش


لجين اشفت روحها مفصخه @@:دلول اشوي واكلمج


دلال:لجين اشفيج


لجين:دلول عفيه دقيقه وادق عليج


لجين صكرت التليفون من دلال وقاعده اطالع اروحها وهيه مصدومه ولمن لفت ويها شافت واحد نايم يمها لجين قامت اتصارخ وتبجي وطقه


لجين:قوم اقولك قوم انت اشسويت فيني لا كن لاحيات لمن تنادي


قامت ابسرعه من الفراش عشان تلبس اهدومها ونصدمت اكثر لمن شافت المكان الي نايمه فيه كان كله دم


لجين:ياحقر اشسويت فيني وطقه شافت ماكو فايده الشاب مو راضي يقوم ركضت لي الحمام ويابت ماي وصبته عليه


الشاب قام مخترع:اشفيج اشصاير


لجين:انت اشسويت فيني


الشاب:عيني اشسويت انا .....


لجين اتصارخ وطقه:حرام عليك ليش سويت فيني جذي ليش


الشاب:شنو حرام علي:عيل انتي ليش يايه اهني مو عشان.....


لجين:هذا بيتنا انت الي اشيايبك اهني حرام عليك انا منو من هنوع ليش سويت جذي انت صيعتني انت هدمت حياتي


الشاب ابرود:اقول بلا افلام كلكم صنف واحد


لجين حسبي الله ونعم الوكيل فيك حسبي الله ونعم الوكيل فيك


لجين اطلعت من الغرفه ادور حمد وحمد كان توه داش الشقه لجين راحتله ركض


لجين من المصيب هالي اهيا فيها ماكانت قادره تتكلم عدل:حمد انا ضعت انا شلون نمت انت شنو عطيتني


اشوي وشاب طلع من الغرفه


حمدبسخريه:والله الحين قلبي برد


لجين:حرام عليك انا شنو ضريتك فيه حرام عليك


الشاب :هذي شفيها مينونه ولا صاحيه


حمد:لاصاحيه بس من صدمه من الي صار


الشاب:وشنو الي صار انا ماسويت شي انا دفعت مقابل ......


لجين:حرام عليكم انا عمري ماضريت احد حمد ليش سويت جذي


حمد:هذا انتقامي من امج الي عمرها ماخلتني اجرب منها وهدمت حياتي كلها


لجين:امي حرام عليك امي عمرها ماقصرت معاك بشي وبعدين انا شنو ذنبي


الشاب:الحين خلصوني بلا افلام هنديه انا بمشي


لجين:اشلون اتروح بعد ماسويت الي سويته


حمد:اطلع ماعليك منها في غيرك ياي يكمل عليها الحين لجينو ذلفي داخل علما شباب ايون


لجين قامت اتصارخ ابشكل هستيري:حرام عليك ياضالم الله ينتقم منك وراحت عند الشاب طاحت عند ريله


لجين:ابوس ريلك طلعني من اهني مابي منك شي بس طلعني من اهني


الشاب رفسها:اقول ماتمشي علي هل حركات ناقص بلاوي انا


حمد:وازيدكم من الشعر بيت انا مصور كل الي صاروبشوف يالجين منو الي بيدفع اكثر حق الشريط عمامج ولا هذا


الشاب:ايا حقير يعني انتو طابخينها عشان الفلوس


لجين اركضت داخل الغرفه وخذت تليفونها وهيه تبجي وترجف دقت على دلال


دلال:لجون وينج طولتي


لجين:دلول لحقي علي انا ضعت الله يخليج تعالي اخذيني بسرعه


دلال:لجين حبيبتي اشفيج اشصاير انتي وينج


لجين:انا بشقة حمد عفيه دلال تعالي اخذيني بسرعه


دلال:لجين ليش رايحه هناك انتي مينونه قوليلي حمد سوى فيج شي


لجين:دلول مو وقته تعالي بسرعه






بيت عاليه


دلال ومريم اطلعو يركضون و اخوانا كانو بدوانيه مع ربعهم وعيال راشد


دلال ادخلت الدوانيه اتصرخ


دلال:ناصر تعالي معاي ابسرعه (ناصر اخوها العود)


ناصر اختبص لمن شافها جذي:دلال اشفيج


دلال:لجين الحق عليها الله يخليك بسرعه


ناصر وياسر وزيد قامو ابسرعه من اسمعو اسم لجين


ياسر(اخو دلال الي اصغر من ناصر)ليجن اشفيها


دلال:مادري دقت علي تبجي اهيه بيت حمد


ناصر قام يصارخ:ليش راحت اهناك هذي مينونه وبسرعه اطلعو من البيت اركبو كلهم بسياره وحده


زيد:خل ادق على ابوي واقوله


ناصر :لا انطر خل نوصل وانشوف شلي صاير






بشقة حمد


حمد تهاوش مع الشاب وطلع بره والشاب ماقدر يلحقه الانه ماكان ياي بسيارته ودق على واحد من ربعه مر عليه وراح اما لجين ضلت ابروحها بشقه بس ماكانت تدري


وصل ناصر ومعاه زيد وياسر ودلال ومريم اصعدوا لشقه بس شافو الباب امشرع وماكو احد ادخلو كلهم بس ضل ياسر عند الباب ينطر حمد او كان يخاف يصير شي


لجين كانت بالغرفه قافله عليها الباب وميته من البجي



دلال طقت الباب على لجين


دلال:لجون انتي داخل الغرفه اذا داخل بطلي الباب انا دلال ومعاي ياسر وناصر وزيد


لجين راحت بطلت الباب ومن شافتهم طاحت على الارض


شالوها بسرعه او ودوها اقرب مستشفى





بالمستشفى


الكل كان موجود


عاليه وريلها وعبير وريها وراشد وشيخه والشباب وبعدها بشوي وصل سالم


والكل كان يبجي وخايفين من الي صار ويبون يعرفون شنو صار معاها وشلون راحت اهناك طلع الدكتور من الغرفه



الدكتور:انا عطيتها مهدأ الحين وماراح تقعد لي الصبح


عبيروهيه تبجي:دكتور لجين اشفيها


الدكتور:انهيار عصبي


عبير :حسبي الله ونعم الوكيل بالي كان السبب


سالم يكلم ناصر:ماشفتو حمد


ناصر :لاعمي لمن وصلنه باب الشقه كان مشرع وكانت فاضيه


ناصر:ابيكم اطلعونه من تحت الارض مابي يطلع الصبح وهوه مو عندي والله راح يشوف شي بحياته ماشافه





عند طلال بدبي


طلال كان نايم ولحم بخوه يوسف الله يرحمه


يوسف كان ويها محتقن وكان يبجي وقول حق طلال انت ماحافضت على الامانه


طلال فز من النوم وحس انه لجين فيها شي الانه عمره ماحلم بيوسف


طلال دق على دلال بس ماردت وضل يدق على الكل لاكن محد رد عليه اهني احس انه لجين فعلن فيها شي الان طول عمره يدق على دلال وكانت اترد عليه حتى ويهيا نايمه


خذا اغراضه وراح المطار وحجر تذكره بي مالقى حجز اى الساعه وحده الظهر





ثاني يوم الصبح في بيت حنان


عاليه دقت على حنان وقالتلها الي صار وحنان دقت على عبد الرحمن مارد عليها وبنفس الوقت دخل عليها عبدالله


حنان:عبدالله زين انك يت ابيك ان=توديني المستشفى


عبدالله:خير يالغاليه فيج شي


حنان:لا يمه لجين بالمستشفى


عبدالله :ليش اشفيها


حنان:عاليه اتقول يالها انهيار عصبي


عبدالله:انهيار عصبي من شنو


حنان :مادري يمه الله يستر


عبدالله:أي مستشفى


حنان:نفس المستشفى الي تشتغل فيها






بالمستشفى


الكل كان ناطر لجين تقعد يبون يعرفون الي صار معاها


شوي وفتحت عينها


عبير :بطلت عينها وبجت


راشد قعد يمها على الفراش ومسك ايدها وهوه يبجي:لجون حبيبتي قوليلي اشفيج شلي صار وليش رحتي شقة حمد


لجين من سمعت اسم حمد قامت تبجي بدون صوت بس ادموعها تنزل


راشد:عمي تكلمي الله يخليج


لجين ابقلبها (عمي شقولك اقولك اني نزلت راسكم بالارض اقولك اني سودت ويهكم)


اشوي ودخلت حنان ومعاه الدكتور الي يشرف على حالتهابس عبدالله كان بره الغرف متردد انه يدخل مايدري ليش


حنان شافت حالت لجين وقامت تبجي


الدكتور :ياجماعه مايصير جذي البنت مافيها الا العافيه


الكل كان يبجي ولجين ساكته ولا كلمه


راشد يكلم الدكتور:دكتور بنت اخوي اشفيها ليش ماتتكلم


الدكتور ممكن تتفضلون بره شوي


الكل طلع بره ومحد ضل داخل الا الدكتور وسستر


عبدالله كان واقف بره يكلم راشد


عبدالله:اهيه واول مره يصير فيها جذي


راشد:لمن امها توفت صار معاها نفس الشي بس الحين بزود


حنان اتكلم عبير وكان عبدالله واقف يمها


حنان:عبير ليش طاحت شلي صار


عبير :مادري الشباب لقوها بشقت حمد


حنان قلبها اشوي ويوقف:شلي وداها عند حمد


عبير مادري الله يستر لايكون سوى بالبنت شي


عبدالله انصدم لمن سمع اسم حمد بس قال مومعقول اتكون اهيه لجين الي كنت معاها امس لجين بنت متربيه وماتسوي جذي


حنان:عبدالله يمه ادخل داخل يمه الله يخليك طمني عليها


عبدالله:انشالله يمه


دخل عبدالله الغرفه ونصعق لمن شاف لجين


لجين من شافت عبدالله قامت اتصرخ اباعلى صوتها :اطلع برا طلعوه مابي اشوفه جدامي


عبدالله كان واقف ومصدوم من الي يشوفه


الكل دخل داخل الغرفه لمن اسمعو اصراخ لجين


راشد مخترع :لجين اشفيج اشصاير


لجين :عمي طلعوه بره عفيه


حنان:لجين يمه هذا ولدي عبدالله


لجين انصدمت من الي سمعته الي قالته حنان وخافت انها تنفضح وقامت اتصرخ اكثر


لجين:طلعو بره مابي اشوفكم طلعو مابي احد بالغرفه


الدكتور طلعهم بره


اطلعو كلهم معادا دلال ومريم الان لجين كانت تبيهم



راشد:يبولي الحيوان هذا الحين ابي اعرف شنو الي سواه


وبهل وقت طلال كان داق على زيد وزيد قاله السالفه كلها


طلال وصل الكويت وطيران على المستشفى




نهاية البارت


 
 
رد مع اقتباس
 
 
   
  #14  
قديم 12-02-2013, 09:15 PM
الصورة الرمزية اميرة
:: رومانس مون متفوق ::
______________
View اميرة's Photo Album  اميرة غير متواجد حالياً
 
يا روح الروح حبك فرضته ... يا روح الروح أصبحت إنت النبض / للكاتبة @أحلاهم وأتحداهم@ ، كاملة




البارت الرابع عشر





راشد:يبولي الحيوان هذا الحين ابي اعرف شنو الي سواه


وبهل وقت طلال كان داق على زيد وزيد قاله السالفه كلها


طلال وصل الكويت وطيران على المستشفى





بيت سالم


عايشه:يابنات تعالو ابيكم


خلود وخوله:خير يمه


عايشه:ابوكم يقول لجين بالمستشفى وابيكم اتروحون اتزورونها


خوله:اشفيها يمه بتموت


عايشه:ابوج يقول انهيار عصبي


خلود :يعني ينت


عايشه:لا ماينت بس ابي عارف من شنو ياله هل انهيار العصبي روحو يبولي الاخبار


خلود:اتلاقينها اتحب وحبيبها خلاها اتولي الانها ماتنبلع ومن الصدمه حاشها الانهيار العصبي


عايشه:بلا هذره روحو يبولي الاخبار واذا اسألوكم عني قولوا مي تعبانه وايد


خوله:وي يمه ليش اتفولين على روحج





بالمستشفى



الدكتور عطاها مهدء ونامت وطلب من الكل مايدخلون عندها واذا حبو يدخلون مايدخل اكثر من واحد



عبدالله:دكتور فهد بعد اذنك انا استلم الحاله بدالك


دكتور فهد:أي مافي مانع تفضل وعطاه ملفها


عبدالله طلب تحاليل يبي يتأكد من شغله


وبهل وقت وصل طلال ودموعه على عينه


طلال:وينها


راشد:حمدالله على السلامه اهيه الحين بالغرفه نايمه


طلال:الله يسلم بدخل اشوفها


عبدالله :الحين مايصير تدخل عليها عطينها مهدء عشان ترتاح


طلال:ماأطول بس اتطمن عليها


عبدالله:مومشكله بس انا بدخل معاك ومابي أي انفعال


طلال يحرك راسه يعني انشالله


طلال وعبدالله دخلو عليها بس كانت نايمه طلال قرب من الفراش


دلال ومريم:الحمدالله على السلامه


طلال مارد عليهم مسك ايد لجين وكلمها:يانظر عيني من الي سوى فيج جذي شلي خلاج بهل حاله ودموعه ماكانت توقف


طلال:انا الغلطان الي خليتج ابروحج لجونتي كلميني


عبدالله:احنه قلنه بدون انفعال البنت تعبانه ممكن تتفضلون بره


طلال:لادكتور انا بقعد عندها


عبدالله:لا جذي البنت بتتعب اكثر لمن اتشوفكم بهل حاله


طلال:دكتور ماني طالع واوعدك ماأتكلم


عبدالله استغرب من تصرفه وماكان عارف طلال منواو شيصير حق لجين عبدالله طلع من الغرفه


عبدالله:وقفتكم اهني مالها داعي البنت نايمه وماراح تصحى الحين


راشد:دكتور عبدالله ماوصيك عيلها


عبدالله:لاتوصيني هذا واجبي


حنان:يمه اذا قامت عطني خبر


عبدالله:تامرين يالغاليه


الكل راح ماعادا طلال وعبدالله رد دخل الغرفه عندها بحجت مايبي طلال ينفعل الانه مو زين حق حالتها



طلال :دكتور اهيه اشفيها بضبط


عبدالله:اضاهر تعرضت لي صدمه قويه وصار معاها انهيار عصبي


طلال:حسبي الله ونعم الوكيل بلي كان السبب


عبدالله خاف من دعوت طلال وحب يغير الموضوع وكان عنده فضول يعرف منو هذا وليش كل هل الهتمام فيها


عبدالله :انت زوجها


طلال:لا انا عمها


عبدالله:شكلك وايد متعلق فيها


طلال:أي وايد لجين بنتي واخوي الله يرحمه موصيني عليها


وضلو يسولفون لين اقعدت لجين


طلال وهوه ينتسم:صح النوم ياعسل


لجين:.............


طلال:اشدعوه ماكو الحمدالله على السلامه ماكو ولهت عليك


لجين ولفت راسها الصوب الثاني ومن شافت عبدالله ادموعها انزلت


عبدالله:طلال ممكن اتخلينه بروحنه شوي


طلال:ليش دكتور


عبدالله:لاتخاف ماكو شي بس اشويت فحوصات


وبنفس الوقت ادخلت السستر معاها تحاليل الي طلبهم عبدالله


ومن شاف التحاليل اعتفس ويها


طلال اخترع الانه عبدالله تغير ملامح ويه :دكتور في شي


عبدالله: هلا لا ماكو شي كل التحاليل ممتازه


طلال:الله يبشرك بالخير


عبدالله :الحين ممكن اتخليني معها شوي


طلال:انشالله


لجين امسكت ايد طلال عشان لايطلع كانت خايفه من عبدالله


طلال:لجونتي بوقف بره ماني رايح مكان وخلاها وطلع


عبدالله مكان عارف اشلون يفتح الموضوع معاها بس لازم يتكلم وتأخير موبصالحه


عبدالله:لجين انتي شربتي شي لمن كنتي هناك


لجين ساكته


عبدالله:الواضح من التحاليل انج شاربه شي وكان في نسبه كبيره من المخدر او مثل مايسمونه منوم


لجين :............


عبدالله خذا نفس عميق:والله اوعدج كل شي بيتصلح


لجين:يتصلح شنو الي يتصلح حرام عليك انت شوهت سمعتي انا واهلي نزلت راسهم بالارض وتقولي يتصلح شقولهم شقول حق الي واقف بره ومو عارف شنو فيني ودمعه على خده


عبدالله:كل الي ابيه منج محد يعرف بلي صار


لجين:طبعن الانك خايف على نفسك وعلى سمعتك


عبدالله كان يبي يخوفها شوي: وحتى انتي اذا اهلج عرفو بالي صار يمكن يلومونج بدرجه الاولى ويمكن مايصدقونج


لجين:معقوله


عبدالله:كل شي جايز وحنه لازم انحط اصعب الاحتمالات


لجين:و اذا سألوني شقولهم


عبدالله فكر اشوي :أي قوليلهم انه حمد قالي بيب ربعي عشان ...


لجين تذكرت وقامت تبجي:انا الي ابيه شي واحد


عبدالله:شنو


لجين:ابي الشريط


عبدالله:لاتحاتين انا ماراح يهدالي بال الا اذا صار بيدي الانه الشريط يهمني مثل مايهمج


لجين وهيه تبجي:حسافه انك ولد عمي عبدالرحمن


عبدالله:لجين خلاص قتلج كل شي بيتصلح


لجين:وتعتقد اني بوافق على واحد مثل لو تضل آخر ريال بالعالم ماآخذك


عبدالله:الحين مو وقته بس مثل ماقتلج لحد يعرف بلي صار ولاحتى اقرب الناس لج حتى لاتفكرين بالموضوع انسي كل شي


لجين:يليت اقدر انسى الي صار شي صعب


طبعن السستر واقفه مواتدري الله وين قاطها الانها ماتعرف ولا كلمه عربي


عبدالله طلع من الغرفه وهوه مرتاح


لجين :اكيد ماتبي احد يعرف بالي صار خايف على سمعتك


دخل طلال:ها كتكوته اشلونج الحين


لجين:الحمدالله


طلال:زين واخيرن سمعنه الصوت الحلو


لجين قامت تبجي :عمي ابي ارد البيت


طلال:ليش اهني اريحلج انا اقول خلج جم يوم وبعدين طلعي



ثاني يوم الصبح


اقعدت لجين على صوت عمتها عبير


عبير:صباح الخير


لجين وهيه متضايقه:صباح النور


عبير:اشلون بنتي الحلوه


لجين :الحمدالله على كل حال عمتي وين طلال


عبير :راح البيت يبي يسبح وبدل ويرجع


لجين:اممممم


اشوي وعاليه والبنات وراشد ادخلو


السلام عليكم


لجين و عبير:وعليكم السلام


البنات اقعدو على الفراش يم لجين


دلال:لجون خوفتينه عليج ولمتها حيل


مريم:لجون لاتخوفينه عليج مره ثانيه


لجين ودموعها تنزل:انا آسفه ماكان قصدي اخوفكم


راشد:اذا مانخاف على حبيبتي لجين انخاف على منو


لجين قامت تبجي


راشدعينه غورقت كان ودا يسألها عن الي صار بس كان خايف :لجون ليش تبجين تبيني ازعل منج


لجين تمسح ادموعها :لا عمي مابيك تزعل مني خلاص ماراح ابجي


اشوي ودخل عبدالله


عبدالله:السلام عليكم


الكل :وعليكم السلام


عبدالله:اشلونج لجين انشالله احسن اليوم


لجين:.........


راشد:دكتور اشلونها الحين


عبدالله:لا الحين وايد احسن


لجين بقلبها(صرت احسن بنسبه لك بعد ماتطمنت اني ماراح اقول حق احد صج عديم احساس)


راشد:دام جذي متى تطلع من الطبيب


عبدالله:لا انا من رايي تقعد بعد يومين


لجين:لا ابي اطلع اليوم


عبدالله :مليتي منا


لجين اعفست ويها


عبدالله:كلها يومين نطمن اكثر عليج وبعدها طلعي ماكو مشكله


ليث :السلام عليكم


الكل:وعليكم السلام


ليث:لجين اشلونج الحين


لجين:الحمدالله


ليث:يبه انا يايبلك خبر بس مادري اذا حلو ولا لاء


لجين ويها انقلب وحتى عبدالله كل واحد خايف انه الشريط صار عند ليث


راشد:خيرانشالله


ليث:حمد سوى حادث ونفجرت فيه السياره ومات بنفس الوقت يبه يقولك مشوه بشكل مخيف


لجين:الف الحمدالله هذا جزات الظالم


راشد تأكد انه حمد مسوي شي بلجين بس حب يأجل الموضوع


راشد:اشلون صار الحادث


ليث:المحقق يقول الي كان معاه كان مسرع وايد وفقد الصيطره على السياره ودخل بشبه والي معاه واحد اسمه جاسم اتعرفه


راشد:وانا شعرفني بهل اشكال


عبدالله انصدم من سمع الاسم وعلى طول استأذن منهم:(معقوله جاسم مات اكيد هذي حوبتها الله يستر)


لجين ارتاحت اشوي بس كانت خايفه تبي توصل حق الشريط الي صوره حمد وتبي اتعرف اذا وصل بيد احد ولا كان معه وقت الحادث




بيت روان


روان:هذا وينه صارله فتره غاط مايبين اخاف هون عن الزواج


نوف :دقي عليه


روان:اخاف يصكه بويهي الانه آخر مره كلمته تهاوشنه بسبت امه


نوف:ليش امه شفيها بعد


روان:مافيها شي بس انا قتله لي متى مأجلين الزواج كل هذا عشان رفيجتها لو كان واحد من عيالها او ريلها جان شسوت


نوف@@:انتي من صجج قايلتله جذي


روان:نرفزني شسوي وثاني بعد مادري وينه ادق عليه مايرد


نوف:منو قصدج ضاري


روان:في غيره انا حاسه انه وراه بلاوي


نوف:خلج على عبدالله وايد ارحم


روان :أي والله خل ادق عليه وخذت تليفونها ودقت



بالمستشفى


عبدالله:هذي شتبي داقه مو كافي الي صار بسبتها


عبدالله:نعم


روان:نعم الله عليك حبيبي انت وينك كل هذا عقاب شدعوه ماولهت على رونه حبيبت قلبك


عبدالله:روان مليون مره قايلج لمن تتكلمين عن اهلي تكلمي بحترام اهلي مو تاج راسج انتي واهلج فاهمه


روان:فاهمه يقلبي بس خلاص انسى الي صار ماولهت علي


عبدالله:اكيد


روان:عبودي بشوفك مشتاقتلك


عبدالله:ياغالي وطلب ارخيص اشعندج الحين


روان :ماعندي شي وحتى لو عندي ااجل كل شي عشانك


عبدالله:اوكي تعالي عند مطعراشد:يبولي الحيوان هذا الحين ابي اعرف شنو الي سواه


وبهل وقت طلال كان داق على زيد وزيد قاله السالفه كلها


طلال وصل الكويت وطيران على المستشفى





بيت سالم


عايشه:يابنات تعالو ابيكم


خلود وخوله:خير يمه


عايشه:ابوكم يقول لجين بالمستشفى وابيكم اتروحون اتزورونها


خوله:اشفيها يمه بتموت


عايشه:ابوج يقول انهيار عصبي


خلود :يعني ينت


عايشه:لا ماينت بس ابي عارف من شنو ياله هل انهيار العصبي روحو يبولي الاخبار


خلود:اتلاقينها اتحب وحبيبها خلاها اتولي الانها ماتنبلع ومن الصدمه حاشها الانهيار العصبي


عايشه:بلا هذره روحو يبولي الاخبار واذا اسألوكم عني قولوا مي تعبانه وايد


خوله:وي يمه ليش اتفولين على روحج





بالمستشفى



الدكتور عطاها مهدء ونامت وطلب من الكل مايدخلون عندها واذا حبو يدخلون مايدخل اكثر من واحد



عبدالله:دكتور فهد بعد اذنك انا استلم الحاله بدالك


دكتور فهد:أي مافي مانع تفضل وعطاه ملفها


عبدالله طلب تحاليل يبي يتأكد من شغله


وبهل وقت وصل طلال ودموعه على عينه


طلال:وينها


راشد:حمدالله على السلامه اهيه الحين بالغرفه نايمه


طلال:الله يسلم بدخل اشوفها


عبدالله :الحين مايصير تدخل عليها عطينها مهدء عشان ترتاح


طلال:ماأطول بس اتطمن عليها


عبدالله:مومشكله بس انا بدخل معاك ومابي أي انفعال


طلال يحرك راسه يعني انشالله


طلال وعبدالله دخلو عليها بس كانت نايمه طلال قرب من الفراش


دلال ومريم:الحمدالله على السلامه


طلال مارد عليهم مسك ايد لجين وكلمها:يانظر عيني من الي سوى فيج جذي شلي خلاج بهل حاله ودموعه ماكانت توقف


طلال:انا الغلطان الي خليتج ابروحج لجونتي كلميني


عبدالله:احنه قلنه بدون انفعال البنت تعبانه ممكن تتفضلون بره


طلال:لادكتور انا بقعد عندها


عبدالله:لا جذي البنت بتتعب اكثر لمن اتشوفكم بهل حاله


طلال:دكتور ماني طالع واوعدك ماأتكلم


عبدالله استغرب من تصرفه وماكان عارف طلال منواو شيصير حق لجين عبدالله طلع من الغرفه


عبدالله:وقفتكم اهني مالها داعي البنت نايمه وماراح تصحى الحين


راشد:دكتور عبدالله ماوصيك عيلها


عبدالله:لاتوصيني هذا واجبي


حنان:يمه اذا قامت عطني خبر


عبدالله:تامرين يالغاليه


الكل راح ماعادا طلال وعبدالله رد دخل الغرفه عندها بحجت مايبي طلال ينفعل الانه مو زين حق حالتها



طلال :دكتور اهيه اشفيها بضبط


عبدالله:اضاهر تعرضت لي صدمه قويه وصار معاها انهيار عصبي


طلال:حسبي الله ونعم الوكيل بلي كان السبب


عبدالله خاف من دعوت طلال وحب يغير الموضوع وكان عنده فضول يعرف منو هذا وليش كل هل الهتمام فيها


عبدالله :انت زوجها


طلال:لا انا عمها


عبدالله:شكلك وايد متعلق فيها


طلال:أي وايد لجين بنتي واخوي الله يرحمه موصيني عليها


وضلو يسولفون لين اقعدت لجين


طلال وهوه ينتسم:صح النوم ياعسل


لجين:.............


طلال:اشدعوه ماكو الحمدالله على السلامه ماكو ولهت عليك


لجين ولفت راسها الصوب الثاني ومن شافت عبدالله ادموعها انزلت


عبدالله:طلال ممكن اتخلينه بروحنه شوي


طلال:ليش دكتور


عبدالله:لاتخاف ماكو شي بس اشويت فحوصات


وبنفس الوقت ادخلت السستر معاها تحاليل الي طلبهم عبدالله


ومن شاف التحاليل اعتفس ويها


طلال اخترع الانه عبدالله تغير ملامح ويه :دكتور في شي


عبدالله: هلا لا ماكو شي كل التحاليل ممتازه


طلال:الله يبشرك بالخير


عبدالله :الحين ممكن اتخليني معها شوي


طلال:انشالله


لجين امسكت ايد طلال عشان لايطلع كانت خايفه من عبدالله


طلال:لجونتي بوقف بره ماني رايح مكان وخلاها وطلع


عبدالله مكان عارف اشلون يفتح الموضوع معاها بس لازم يتكلم وتأخير موبصالحه


عبدالله:لجين انتي شربتي شي لمن كنتي هناك


لجين ساكته


عبدالله:الواضح من التحاليل انج شاربه شي وكان في نسبه كبيره من المخدر او مثل مايسمونه منوم


لجين :............


عبدالله خذا نفس عميق:والله اوعدج كل شي بيتصلح


لجين:يتصلح شنو الي يتصلح حرام عليك انت شوهت سمعتي انا واهلي نزلت راسهم بالارض وتقولي يتصلح شقولهم شقول حق الي واقف بره ومو عارف شنو فيني ودمعه على خده


عبدالله:كل الي ابيه منج محد يعرف بلي صار


لجين:طبعن الانك خايف على نفسك وعلى سمعتك


عبدالله كان يبي يخوفها شوي: وحتى انتي اذا اهلج عرفو بالي صار يمكن يلومونج بدرجه الاولى ويمكن مايصدقونج


لجين:معقوله


عبدالله:كل شي جايز وحنه لازم انحط اصعب الاحتمالات


لجين:و اذا سألوني شقولهم


عبدالله فكر اشوي :أي قوليلهم انه حمد قالي بيب ربعي عشان ...


لجين تذكرت وقامت تبجي:انا الي ابيه شي واحد


عبدالله:شنو


لجين:ابي الشريط


عبدالله:لاتحاتين انا ماراح يهدالي بال الا اذا صار بيدي الانه الشريط يهمني مثل مايهمج


لجين وهيه تبجي:حسافه انك ولد عمي عبدالرحمن


عبدالله:لجين خلاص قتلج كل شي بيتصلح


لجين:وتعتقد اني بوافق على واحد مثل لو تضل آخر ريال بالعالم ماآخذك


عبدالله:الحين مو وقته بس مثل ماقتلج لحد يعرف بلي صار ولاحتى اقرب الناس لج حتى لاتفكرين بالموضوع انسي كل شي


لجين:يليت اقدر انسى الي صار شي صعب


طبعن السستر واقفه مواتدري الله وين قاطها الانها ماتعرف ولا كلمه عربي


عبدالله طلع من الغرفه وهوه مرتاح


لجين :اكيد ماتبي احد يعرف بالي صار خايف على سمعتك


دخل طلال:ها كتكوته اشلونج الحين


لجين:الحمدالله


طلال:زين واخيرن سمعنه الصوت الحلو


لجين قامت تبجي :عمي ابي ارد البيت


طلال:ليش اهني اريحلج انا اقول خلج جم يوم وبعدين طلعي



ثاني يوم الصبح


اقعدت لجين على صوت عمتها عبير


عبير:صباح الخير


لجين وهيه متضايقه:صباح النور


عبير:اشلون بنتي الحلوه


لجين :الحمدالله على كل حال عمتي وين طلال


عبير :راح البيت يبي يسبح وبدل ويرجع


لجين:اممممم


اشوي وعاليه والبنات وراشد ادخلو


السلام عليكم


لجين و عبير:وعليكم السلام


البنات اقعدو على الفراش يم لجين


دلال:لجون خوفتينه عليج ولمتها حيل


مريم:لجون لاتخوفينه عليج مره ثانيه


لجين ودموعها تنزل:انا آسفه ماكان قصدي اخوفكم


راشد:اذا مانخاف على حبيبتي لجين انخاف على منو


لجين قامت تبجي


راشدعينه غورقت كان ودا يسألها عن الي صار بس كان خايف :لجون ليش تبجين تبيني ازعل منج


لجين تمسح ادموعها :لا عمي مابيك تزعل مني خلاص ماراح ابجي


اشوي ودخل عبدالله


عبدالله:السلام عليكم


الكل :وعليكم السلام


عبدالله:اشلونج لجين انشالله احسن اليوم


لجين:.........


راشد:دكتور اشلونها الحين


عبدالله:لا الحين وايد احسن


لجين بقلبها(صرت احسن بنسبه لك بعد ماتطمنت اني ماراح اقول حق احد صج عديم احساس)


راشد:دام جذي متى تطلع من الطبيب


عبدالله:لا انا من رايي تقعد بعد يومين


لجين:لا ابي اطلع اليوم


عبدالله :مليتي منا


لجين اعفست ويها


عبدالله:كلها يومين نطمن اكثر عليج وبعدها طلعي ماكو مشكله


ليث :السلام عليكم


الكل:وعليكم السلام


ليث:لجين اشلونج الحين


لجين:الحمدالله


ليث:يبه انا يايبلك خبر بس مادري اذا حلو ولا لاء


لجين ويها انقلب وحتى عبدالله كل واحد خايف انه الشريط صار عند ليث


راشد:خيرانشالله


ليث:حمد سوى حادث ونفجرت فيه السياره ومات بنفس الوقت يبه يقولك مشوه بشكل مخيف


لجين:الف الحمدالله هذا جزات الظالم


راشد تأكد انه حمد مسوي شي بلجين بس حب يأجل الموضوع


راشد:اشلون صار الحادث


ليث:المحقق يقول الي كان معاه كان مسرع وايد وفقد الصيطره على السياره ودخل بشبه والي معاه واحد اسمه جاسم اتعرفه


راشد:وانا شعرفني بهل اشكال


عبدالله انصدم من سمع الاسم وعلى طول استأذن منهم:(معقوله جاسم مات اكيد هذي حوبتها الله يستر)


لجين ارتاحت اشوي بس كانت خايفه تبي توصل حق الشريط الي صوره حمد وتبي اتعرف اذا وصل بيد احد ولا كان معه وقت الحادث




بيت روان


روان:هذا وينه صارله فتره غاط مايبين اخاف هون عن الزواج


نوف :دقي عليه


روان:اخاف يصكه بويهي الانه آخر مره كلمته تهاوشنه بسبت امه


نوف:ليش امه شفيها بعد


روان:مافيها شي بس انا قتله لي متى مأجلين الزواج كل هذا عشان رفيجتها لو كان واحد من عيالها او ريلها جان شسوت


نوف@@:انتي من صجج قايلتله جذي


روان:نرفزني شسوي وثاني بعد مادري وينه ادق عليه مايرد


نوف:منو قصدج ضاري


روان:في غيره انا حاسه انه وراه بلاوي


نوف:خلج على عبدالله وايد ارحم


روان :أي والله خل ادق عليه وخذت تليفونها ودقت



بالمستشفى


عبدالله:هذي شتبي داقه مو كافي الي صار بسبتها


عبدالله:نعم


روان:نعم الله عليك حبيبي انت وينك كل هذا عقاب شدعوه ماولهت على رونه حبيبت قلبك


عبدالله:روان مليون مره قايلج لمن تتكلمين عن اهلي تكلمي بحترام اهلي مو تاج راسج انتي واهلج فاهمه


روان:فاهمه يقلبي بس خلاص انسى الي صار ماولهت علي


عبدالله:اكيد


روان:عبودي بشوفك مشتاقتلك


عبدالله:ياغالي وطلب ارخيص اشعندج الحين


روان :ماعندي شي وحتى لو عندي ااجل كل شي عشانك


عبدالله:اوكي تعالي عند مطعم الصنوبر انطرج اهناك بس لاتزرعيني ابسرعه وراي شغل لي الراس


روان:اوكي يقلبي نص ساعه واكون عندك



نهاية البارت



نهاية البارت

 
 
رد مع اقتباس
 
 
   
  #15  
قديم 12-02-2013, 09:16 PM
الصورة الرمزية اميرة
:: رومانس مون متفوق ::
______________
View اميرة's Photo Album  اميرة غير متواجد حالياً
 
يا روح الروح حبك فرضته ... يا روح الروح أصبحت إنت النبض / للكاتبة @أحلاهم وأتحداهم@ ، كاملة




البارت الخامس عشر





عبدالله:اوكي تعالي عند مطعم الصنوبر انطرج اهناك بس لاتزرعيني ابسرعه وراي شغل لي الراس


روان:اوكي يقلبي نص ساعه واكون عندك





بالمستشفى



عبير :لجون اذا طلعتي اشرايج اتين عندي اتغيرين جو جم يوم


لجين:لاعمتي انا ماأرتاح الا بمكاني


مريم:خلاص وانا ودلال بعد بنرد الشاليه


عاليه بستغراب:أي شاليه


دلال:ههههههههه لا يمه قصدها شقت طلال احنه مسمينه شاليه العزابيه


عبير:والله عليكم سوالف هههههههههههههه


وبه لحظه ادخلو بنات سالم


جوله وخلود:السلام عليكم


الكل:وعيلكم السلام


خلود وخوله :الحمدالله على السلامه ماتشوفين شر


لجين:الله يسلمج الشر مايكم


عبيراتساسر عاليه:اقطع ايدي اذا مو عايشه مطرشتهم ايبولها اخبار


عاليه:اكيد ولا هذيل من متى يهتمون فيها وحبونها




عند مطعم الصنوبر عبدالله كان واقف بسارة ارفيجه اشوي ووصلت روان بس ماشافت سيارته دقت عليه


عبدالله:هلا روان


روان:عبدالله وينك


عبدالله:انا ياي بسيارت ارفيجي كامري سوده


روان:عبدالله يركب كامري غريبه


عبدالله:ليش غريبه


روان:مادري انت وين والكامري وين الكامري حق الفقاره


عبدالله:اوكي لحقيني الحين وبعدين انكمل سوالفنه


روان :وين بنروح


عبدالله:عندي لج مفاجأه


روان استانست:واي حبيبي احب مفاجأتك


عبدالله:لا هذي عاد شي مميز ابحياتج ماتتوقعين مفاجأه جذي


روان:شوقتني


روان مشت وران عبدالله لمن وصل مكان شبه مهجور براحه كبيره وفيها بيوت قليله بس مافيها احد


عبدالله:يالله نزلي


روان:عبدالله من صجج المكان يخرع


عبدالله:اتخافين وانا معاج نزلي بلا دلع


روان انزلت من السياره


عبدالله قرب حيل من روان لزق فيها يمكن الي بينهم مسافت شعره


عبدالله:روان انا قصرت معاج بشي


روان:اكيد لا


عبدالله:في مره طلبتي شي وانا ماسويته


روان:عبود حبيبي شفيك


عبدالله بعصبيه:لاتقولين حبيبي انتي جذابه انتي خاينه وقام يطقها بكل قوته


روان:عبدالله حرام عليك انا شسويت


عبدالله:عبالج ماشفتج بالمطعم عبالج ماشفته وهوه يبوسج عند بيتكم انتي الي حرام عليج انا حبيتج من كل قلبي انتي اول حب ابحياتي هذا يزاتي اني حبيتج ويطقها


روان:عبدالله الله يخليك هدني وتبجي بس كافي ذبحتني طق


عبدالله:انتي ضيعتيني وضيعتي البنت معاي حرام عيلج كل هذا بسبتج وقطها على الارض ورفسها حيل وتفل عليه


انتي وصخه وحقيره والله ياروان اذا شفت رقمج او شفتج جدامي حتى لو بصدفه راح اتشوفين الي عمرج ماشفتيه من عبدالله والله لوديج انتي واهلج ورا الشمس


وتفل عليها ومشى وخلاها على الارض طايحه وبس تبجي


روان وركبت سيارتها ودقت على ضاري وهيه تبجي وقالتله السالفه بس مع اشويت تغير بالموضوع


ضاري:روان قولي الصج انتي تعرفينه


روان تبجي:قتلك كان خاطبني من قبل وانا رفضته


ضاري:سالفتج مادش العقل شكو يطقج حتى لو شافج معاي اهوه شكو فيج ليش ولي امرج وانا مادري


روان:قصدك اني جذابه


ضاري:اكيد اتعرفيه عبالج انا غبي ترى ماتفوتني هسوالف



بيت حنان


عبدالرحمن :وشلونها الحين


حنان:والله حاله يقطع القلب


عبدالرحمن:اشلون راحت اهناك وليش


حنان:مادري ليلحين ماقالت والله يخوفي امسوي بالبنت شي


عبدالرحمن:توقعي كل شي منه


حنان:الله لايقول البنت ماتستاهل


عبدالرحمن:الا عبدالله وينه صارله فتره مايبين


حنان:اتلاقيه بالمستشفى الانه اهوه الي مباشر حالتها


عبدالرحمن:امممم



بالمستشفى



وصل عبدالله وكان حاس بضيقه مو طبيعيه صعد فوق عن لجين


ومن دخل وشافها منسدحه سرح في شكلها وبرائتها


عبدالله بقلبه(سامحيني الي صار كان غصبن عني انا مادري ليش سويت جذي وين اروح من عقاب ربي البنت مالها ذنب ابمشاكلي بس اهيه ليش راحت اهناك معقوله الكل منخدع فيها وتكون متفقه مع حمد لالا مو معقوله اهيه كانت نايمه وتحت تأثير المخدر واهيه كانت بنت وانا الي ... بعدين ليش اتسوي جذي موناقصها شي والله حترت)


طلال:دكتور لجين تبي تطلع ملت من القعده اهني


عبدالله:خلها باجر على الاقل حالتها تكون مستقره اكثر


طلال:ها لجون تطلعين باجر


لجين بس اتشوف عبدالله تعتفس وتبجي:بس اكيد باجر


عبدالله :اكيد باجر عن اذنكم


طلال :اذنك معاك




بيت سالم


خلود:مادري يمه قالو ارهاق مو انهيار عصبي بس شكلها مايبين انه ارهاق


خوله:بالله عليج يعني تبينها تصارخ وتبجي عشان يبين انه انهيار عصبي


عايشه:عماتكم يحبون الخش ودس بس لازم اعرف السالفه من ابوكم


خلود:يمه من صجج اتفكرين فيها بطقاق الي يطقها عساها بهل حال واردا واحنه شكو نشغل روحنه فيها


عايشه:يعني برايكم ماأسأل ابوكم


خلود:قتلج ختولي هذي خلقه مو صاحيه ومعقده وشايفه روحها على شنو مادري



بيت حنان


حنان:ساره رحتي عند لجين


ساره:لايمه انا وأميره باجر بنروحلها


حنان:أي يمه روحو والله ماتستاهل الي صار فيها


ساره:يمه اهيه شفيه


حنان:والله محد عارف بس الي اعرفه لقوها بشقت حمد


ساره شهقت من اسمعت اسم حمد:يمه ليكون سوى فيها شي


حنان:الله العالم يمه


دخل عليهم عبدالله وهمه يسولفون عن حمد وسوالفه الي كان يسويها قبل مع زهره


عبدالله :السلام عليكم


حنان وساره : وعليكم السلام


حنان:هلا حبيبي احطلك شي تاكله يمه


عبدالله:لا يمه مشكوره مومشتهي آكل


حنان:ليش يمه


عبدالله:لا يمه بس صارلي جم يوم مو نايم بروح ارتاح


ساره:عبود لجين متى تطلع


عبدالله:باجر بس متى بضبط مادري


ساره:وي بغينه انروح عندها


عبدالله:يمه انا بروح انام بس قعديني اساعه 8


حنان:يمه صلات المغرب اتفوتك


عبدالله:خلاص قعديني على الاذان


حنان:خلاص يمه روح ارتاح


صعد عبدالله فوق عشان يرتاح بس ماقدر ينام كل ماغمض عينه تذكر لي صار


عبدالله:انا ليش سويت جذي اشلون اشرب اشلون سويت الي سويته الله لايرحمك ياجاسم ولا يوفقج ياروان انا ضيعت البنت بسبتكم



بعد يومين اطلعت لجين من المستشفى بس كانت طول اليوم سرحانه ومهمومه حتى لمن اتكون قاعده مع دلال ومريم


عبير كانت زايرتهم تبي تطمن عليها وبنفس الوقت راشد كان موصيها اتعرف منها كل شي


عبير :بنات خلوني مع لجين اشوي بكلمها بموضوع


لجين:لاعمتي خليهم انا ماأخش عنهم شي


عبير :دام جذي ابي اعرف كل شي وبتفصيل بدون لف ودوران من طلعتي من البيت لي دقيتي على دلال


لجين ارتبكت الان الوقت كان طويل يعني من 4 لي 11 وين بتكون كل هل وقت ماتقدر اترقع


لجين:اول ماطلعت رحت الصالون بغيت اقص شعري بس كان زحمه وايد نطرت اشوي وشفت الدور مايمشي طلعت من الصالون ودق علي حمدوتاخذ نفس عميق


قالي انه مشتاقلي ويبي يشوفني وانه حياته من بعد امي صارت جحيم مادري ليش رحت وقامت تبجي


ولمن وصلت الوضع كان طبيعي قعد يسولف عن امي وعن كل شي ولمن بغيت اطلع ماخلاني واطلع وزاد بجيها والبنات قامو يهدونها


دلال:لجين لاتبجين عفيه هدي الحين وبعدين كملي


بس لجين ماهدت وقامت تبجي اكثر وتذكرت كلام عبدالله وقالت بقلبها واذا رعرفو الصج شنو الي بستفيد ولا شي الي صار صار ادري انهم بحلون المشكله هذي بس كافي سيرتي بتصير على كل اللسان ويمكن اتصير مشاكل كبيره بينهم وبين عمي عبد الرحمن


لجين:قالي ربعي الحين بيون عشان.....


عبير:@@ طول عمره حقير واطي بس وين يروح من عذاب الله كملي وبعدين


لجين تبجي وتشاهق:مادري اشلون انحشت ودخلت الغرفه وقفلت على روحي الباب وضليت فتره لمن سمعت باب الشقه تبطل ورد تصكر خفت اكثر بس لمن طليت من الدريشه شفت حمد رايح صوب السياره بطلت الباب اشوي اشوي ورحت الصاله خذيت جنطتي بسرع ورجعت الغرفه ودقيت على دلال هذا كل الي صار


عبير:لجين اكيد هذا الي صار يعني حمد ماسوالج شي


لجين اتحرك راسها يعني لا


عبير:الف الحمدالله الله اخذ حقج وحق امج منه


لجين بجت لين نامت


عبير :مريم دلال عفيه خلكم عندها لاتخلونها خل وحده فيكم اتنام عندها مادري ليش مومرتاحه


دلال:انا انام عندها خالتي لاتحاتين احنه مانعطيها مجال اتفكر بالي صار وعلى طول قاعدين معاها


عبير :اذا تبون شي دقو علي انشالله نص اليل


مريم:انشالله مايصير شي وبعدين طلال موجود



بعد اسبوع


دلال:لجون ودي اسألج عن شي بس متردده


لجين:ليش متردده سألي


دلال:اذا سألتج اتقوليلي الصج وماتبجين


لجين ويها انقلب :لا ماابجي واقولج الصج


دلال:لمن طحتي علينا انا رحت آخذ جنطتج وشف


لجين كانت خايفه ومرتبكه:شنو شفتي


دلال:شفت افراشج عليه بقعت دم


لجين انصدمت من الي سمعته:افراشي مادري ماثبت


دلال:لجين انتي فاهمه قصدي عدل


لجين:قصدج اني.....


دلال:ساكته


لجين:لاخافين مو انا الله العالم هذا دم منو وماستبعد شي عن حمد يمكن قلب المكان ......


دلال:واااي ريحتيني والله كنت خايفه وايد


لجين:دلال لو كان الي ابالج صح بتتخلين عني


دلال:لاطبعن انتي اختي الثالثه بس الحمدالله انه مو لج




بيت حنان



عبدالله:يمه ابي اتزوج


حنان:وهذا وقت زواج


عبدالله:أي يمه بس انا مابي روان انا ابي لجين بنت عمي يوسف


حنان طارت من الفرحه لمن اسمعت اسم لجين:وي هذي الساعه المباركه والله انا قتلك من الاول اذا شفتها بتغير رايك قولي اشرايك فيها


عبدالله:زينه


حنان: شنو زينه يعني ادخلت قلبك


عبدالله:أي أي


حنان:يمه شفيك جنك مغصوب


عبدالله:لايمه لا مغصوب ولا شي متى بدقين تخطبينها


حنان:الحين ادق على ابوك واخليه يخطبه من عمها


عبدالله:خلاص شوفي شنو يصير معاج وعطيني خبر


حنان:انشالله يمه


عبدالله:يمه وين ساره


حنان:فوق بدارها ليش


عبدالله لابس بغيت منها شغله عن اذنج


حنان:اذنك معاك يمه



بغرفت ساره


ساره كانت تلعب مع طلال ولد أميره(نسيت اقولكم أميره تطلقة من بعد 6 اشهر من زواجها وكانت حامل والحين طلال عمره سنتين ونص)


عبدالله:سارونه انتي هني وانا ادورج


ساره:هلا عبود حياك


عبدالله:ساره ابي منج طلب بس يكون بيني وبينج مابي احد يعرف عنه شي


ساره:انت تامر مو تطلب


عبدالله:بس بيني وبينج


ساره:انشالله تفضل قول الي عندك


عبدالله:ابي رقم لجين


ساره@@: نعم رقم منو


عبدالله:سارو لاتبطلين عيونج جذي ابي رقمها ابي اتطمن عليها


ساره:عبيد قول ليش تبي الرقم البنت اهيه ماعندها سوالف مني مناك يعني ممثل بعض الناس


عبدالله:ابتعطيني الحين ولا اطلعه انا


ساره:واذا سألتك من وين يبت الرقم


عبدالله:اقولها موجود بملفها بالمستشفى


ساره:انزين اشتبي فيها


عبدالله:اول عطيني بعدين اقولج


ساره:اكيد


عبدالله:اكيدين


ساره عطته الرقم :يالله قول ليش تبيه


عبدالله:قتلج بطمن عليها


ساره:ماتخاف من السحيله روان


عبدالله تضايق من سمع روان:لا روان خلاص انتهت من حياتي


ساره:احلف


عبدالله:في مره شفتيني اجذب


ساره:عبيد ليكون تبي تكلم البنت انا قتلك اهيه ماعندها هسوالف


عبدالله:انتي تعرفين اخلاقه عدل


ساره:اشرايك يعني


عبدالله:اشرايج فيها


ساره:اتهبل كل شي فيها يهبل اخلاق و سنع ومحترمه وهذا غير جمالها بس ليش كل هل اسأله


عبدالله:روحي سألي امي اهيه اتقولج بس ماوصيج امي لاتعرف عن سالفت الرقم


ساره:قتلك ماراح اقول خلاص بسك حنه


عبدالله راح غرفته كان ناوي يدق على لجين بس خاف انه في احد يمها


عبدالله:اطرش لها مسج احسن (السلام عليكم انا عبدالله اذا ماعنج احد دقي علي ابج ضروري)


وصل المسج حق لجين


لجين:صج ومايستحي هذا شيايفني


دلال:شفيج لجون


لجين:ها لاولشي بس الشركات دوخوني كل شوي مسج


دلال:أي والله اتقولين ماكو شغل





بيت راشد


راشد وشيخه كانو بصاله معاهم زيد وليث


ليث:يبه طلبتك


راشديضحك:عطيتك


ليث:ابي لجين


راشد يسوي روحه مو فاهم:أي اشتبي فيها


ليث:يبه شنو شبي فيها ابي اتزوجها


راشد:ياغالي وطلب ارخيص بس مولحين لمن اتخلص هل كورس اخطبها لك


ليث:ويبه واذا ماخلص هل كورس


زيد:انطر الكورس الي بعده


ليث:تطنز حظرتك


راشد:اخوك صاج الي معاك كلهم خلصو وانت تاخذ السنه بسنتين او ثلاث مادري متى بتخلص


ليث:ليش آخذ مواد وايد اشوراي ادرس على راحتي وحتى اذا خلصت شركت ابوي موجوده يعني ماني ناطر وفيفت الحكومه


راشد:خلص هل كورس وصير خير


ليث:انزين بس اخذ رايه ابي اتطمن قبل ماأسافر


راشد:البنت تعبانه ومابيها اتفكر بشي الحين لمن ترجع يصير خير



نهاية البارت


 
 
رد مع اقتباس
 
 
   
  #16  
قديم 12-02-2013, 09:17 PM
الصورة الرمزية اميرة
:: رومانس مون متفوق ::
______________
View اميرة's Photo Album  اميرة غير متواجد حالياً
 
يا روح الروح حبك فرضته ... يا روح الروح أصبحت إنت النبض / للكاتبة @أحلاهم وأتحداهم@ ، كاملة




البارت السادس عشر




راشد:خلص هل كورس وصير خير


ليث:انزين بس اخذ رايه ابي اتطمن قبل ماأسافر


راشد:البنت تعبانه ومابيها اتفكر بشي الحين لمن ترجع يصير خير




بيت حنان


ساره:يمه شفيه عبود


حنان:مافي شي ليش يمه


ساره:مادري اسألته غريبه قاعد يسألني عن لجين بنت عمي يوسف الله يرحمه


حنان:اممم عن شنو سألج


ساره:يقولي اتعرفينها عدل اتعرفين اخلاقها وبعدين قالي روان انتهت من حياتي يمه صج يعني هون مايبيها


حنان وهيه مبتسمه :أي يمه صج الحين يبي لجين


ساره@@:صج والله انزين اشلون غير رايه


حنان:علمي علمج بس يمكن لمن شافها بالمستشفى عجبته


ساره:والله ولدج مو هين واحسن افتكينه من الهيلقيه روانو


حنان:عيب يمه مايصير تتكلمين جذي عن بنات الناس


ساره:انزين يمه متى عرسهم


حنان:هههههههههههههههههه عرس مره وحده شكلج مستعيله اكثر منه


ساره:تبين صج خوفج تنخطب وتروح منى


حنان:لاانشالله بتكون من نصيب عبدالله


ساره:آمين بس متى بتخطبونها


حنان:اليوم بكلم ابوج خل يكلم عمها بو خالد


ساره:هيااااااااااااااااااااااا


حنان:هههههههههههههههههه الله يغرب بليسج





ثاني يوم الصبح بشقه طلال



لجين كانت بالمطبخ اتسوي ريوق حق طلال والبنات


طلال:صباح الخير


لجين:صباح النور


طلال:ريحه العجه اتبط الراس اذا خالصه يبيها قبل مايقومون دلي وملي ومايخلولي شي


لجين:حرام عليك عمي الي يسمعك يقول كل وحده امتن من الثانيه


طلال:ردت قالت عمي


دلال:صباح الخير


طلال ولجين: صباح النور


دلال:لجين ليش مولابسه ليلحين جذي بنتأخر على الجامعه


لجين:مالي خلق اداوم وشكلي بسحب اوراقي من الجامعه


طلال غص بلقمته


دلال:حلو حلو وطق على ظهره


طلال:شنو تسحبين اوراقج ليش


لجين:ماقدر اكمل


طلال خذا نفس عميق الانه كان معصب:لجون كل الناس اتمر ابضروف صعبه ومشاكل مالها اول وتالي بس ماسوو الي انتي سويتيه


لجين اول مره تسمع طلال يكلمها بهطريقه :انت ماتحس بالي فيني انا نتهيت


طلال:لجين لاتيننيني اذا صاير شي احنا مانعرف قولي لاتسكتين


لجين خافت من نبره طلال الحاده :لامو صاير شي بس الي صار شي يخوف وتبجي


طلال:حتى لو بتكملين يعني بتكملين هذا مستقبلج


لجين:طلال والله نفسيتي تعبانه مالي خلق شي وتبجي اكثر


طلال:خلاص اخذي طبيه حق يومين وبعدها ابي اشوفج بالجامعه


لجين:انشالله


طلال:عفيه على الشاطره يالله انا ماشي تبون شي


دلال ولجين :سلامتك




بشركة سالم


كان قاعد مع السكرتيره سوالف وضحك وهوا يوقع الاوراق


رن تليفونه


سالم:حيالله بو عبدالله


عبدالرحمن :الله يحيك شلونك بو خالد انشالله بخير


سالم:بخيرعساك بخيرانت اشلونك وشلون الاهل


عبدالرحمن:الحمدالله على حطة ايدك بو خالد اليوم بغيت امرك الدوانيه ابك بموضوع شخصي


سالم:حياك الله العين اوسع لك من المكان


عبدالرحمن:مشكور وماتقصر انشالله بعد صلات انا عندك


سالم:على خير




بيت حنان


عبدالرحمن:قولي حق عبدالله يكون جاهز بعد الصلات بنروح نخطب البنت


حنان وهيه طايره من الفرحه :انشالله الحين ادق عليه واقوله


حنان دقت على عبدالله


عبدالله :هلا بالغاليه


حنان: هلا فيك يمه عبدالله ابوك يقولك لازم اتكون جاهز بعد الصلات بتروح معاه بيت بوخالد تخطبون لجين


عبدالله:انشالله


حنان:عبدالله يمه شفيك ماحسك مستانس


عبدالله:لا يمه بس عندي شغل وايد اخلصه واكلمج


حنان:خلاص حبيبي اخليك اتشوف شغلك



عبدالله مسك التليفون وكتب مسج حق لجين


السلام عليكم مثل ماوعدتج اليوم بصلح غلطتي وانشالله بعد الصلات بنروح بيت عمج ونخطبج


وطرش المسج




بشقة طلال


لجين كانت منسدحه على فراشها وتبجي وتتذكر كل الي صار معاها ولمن وصل المسج وقرته زاد بجيها


لجين:انا اتزوج بهطريقه ليش شنو ناقصني حسبي الله ونعمه الوكيل يارب مابي غير الستر بس مابي هل انسان مابي


امسكت تليفونها وكتبت


وعليكم السلام سبق وقلتلك مابي منك شي غير الشريط ويستحسن انكم ماتروحون الاني مستحيل آخذ واحد ماعنده اخلاق لو اضل عانس ارحم مليون مره من اني آخذ واحد مثلك


وقطت تليفونها وقامت تبجي وتشاق وتدعي :يارب ارحمني برحمتك الواسعه يارب تاخذ روحي قبل ماينكشف امري


وضلت تبجي لين نامت



بالمستشفى


عبدالله قرى المسج الي طرشته لجين:هذي مينونه ولا صاحيه الحمدالله وشكر هم بستر عليها وهم مو عاجبها الي بسويه اووه بطقاق الي يطقها





بمجمع الصالحيه


خلود وخوله كانو يتسوقون بمحل اقنر


خوله:خوخه اشرايج بهل جنطه


خلود:حلوه بس جم سعرها


خوله:270 د.ك


خلود:لالالاوايد دوري ارخص


خوله:مابي عاجبتني


خلود:بس غاليه


خوله :وين غاليه بنت ال..... مايغلا عليها شي


خلود:كيفج انا اقولك وايد


خوله:خلاص هونت مابيها بدور ارخص منها


خلود:والله مايسوى اقصاها جنطه وبعد جم يوم بتروح مديلها




بديوانية سالم


وصل عبد الرحمن وعبدالله والدوانيه شبه فاضيه


بس الي كانو موجودين راشد وسالم وعيال سالم وثنين من الربعهم


سالم: حيالله من يانا


عبدالرحمن:الله يحيك بوخالد انا بددخل بالموضوع على طول بدون مقدمات


سالم:تفضل


عبدالرحمن:انا اليوم ياي ابي اطلب القرب منكم في بنت يوسف الله يرحمه ابيها حق عبدالله


سالم ابتسم :والله مادري شقولك ياخوي بس لو تأجل الموضوع شوي الانه البنت حالتها النفسيه تعبانه وايد مانبي انفاتحها الحين ابأيي موضوع


عبدالرحمن :مومشكله بس ابي وعد منك اذا تحسنت حالتها اتفاتحها بالموضوع


سالم:انشالله ومايصير خاطرك الا طيب



نهاية البارت

 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة








الساعة الآن 08:00 PM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net