صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة






الرجاء استخدام خاصية البحث أدناه للبحث في الموقع:









إضافة رد
 
أدوات الموضوع إبحث في الموضوع انواع عرض الموضوع
  #9  
قديم 09-04-2013, 01:13 AM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق غير متواجد حالياً

 
رواية صدمتي بحالي هزت كياني / كاملة




نوره \ يمه وش فيك ضايق صدرك ؟؟


ام سامي \ مافيني شي


نوره \ يمه تقدرين تخبين عالعالم كلهم الا انا انا بنتك نوره


ام سامي \ ماادري بس ابوك هالايام متغير ماادري وش فيه


نوره \ يمكن ضغط الشغل ومشاكله غيرت نفسيته


ام سامي \ ابوك عمرالشغل ماغيره علينا هو من سفرة سوريا وهو متغير


نوره \ هههههه اشوف ام سامي اشتغلت عندها الغيره ماعليك يمه هذي شكوك لاأكثر ولاأقل


ام سامي \ نوره انتي بنتي وتعرفيني زين ابوك طول عمره يسافر ويدور من دوله لدوله عشان الشغل ولاعمري شكيت فيه بس هالمره من جد ملاحظه تغيره


نوره \ يمه روحي ارتاحي ونامي وخلي عنك الشكوك


ام سامي جت بتقوم وبعدين تذكرت \ الا صح كم باقي على جيت أخوك سامي


نوره \ يمكن شهرين ونص ليش؟؟


ام سامي \ لا بس كنت أظن أنه شهر ونص


راحت أم سامي لغرفتها ونوره بدت تخاف من كلام امها وخاصه أنها هي بعد ملاحظه التغيراللي صاير لابوها


او فهد \ السلام عليكم


الكل \ وعليكم السلام


ابو فهد جا بيروح لغرفته بس وقفه صوت فهد


فهد \ وين يه ماودك تتقهوى معنا


ابو فهد يبتسم بس باين الحزن عليه \ لا ماعليه ياوليدي مره ثانيه انا الحين تعان وودي ارتاح


فهد يرد له الابتسامه \ براحتك


ام فهد \ غريه وش فيه ضايق صدره


أريج \ يمكن تعبان من الشغل


فهد ما انتظر توقعاتهم تكشف ليش أبوهم متضايق وبسرعه راح له قبل ماينام


فهد يطق باب مكتب ابوه اللي بالبيت \


ابو فهد \ تفضل


فهد \ السلام عليكم


ابو فهد يعدل جلسته لانه كان مسند راسه عالكرسي ومسكر عيونه \ هلا هلا وليدي تفضل أجلس


ابو فهد \ ها ياوليدي تبي شي محتاج شي


فهد \ ابيك سالم ومرتاح الله يطول بعمرك بس عسى ماشر وشفيك متضايق وشكلك تعبان


ابو فهد مايخبي على ولده فهد شي ويقوله عن كل كبيره وصغيره يعني هو ذراعه اليمين


ابو فهد \ والله ياوليدي ما ادري وش اقولك بس


فهد \ وشو يبه تكلم


ابو فهد \ الموضوع يخص عمك احمد


فهد خايف \ وش فيه عمي صاير معه شي تعبان شركته فيها شي


او فهد \ لا ارتاح ياولدي شوف انا بقولك الموضوع بس لايطلع


فهد \ الله يهديك يبه ليه قد مره طلعت لك سر لاسمح الله


ابو فهد \ الله الشاهد لا بس الموضوع مره حساس


فهد \ تكلم يبه أسمعك


ابو فهد \ انت عارف ان عمك مسافر سوريا صح


فهد \ الكل عارف


ابو فهد \ بس اللي ماتعرفونه واللي انا توني اعرفه ان عمك شاف وحده سوريه هناك وسفرها للسعوديه على حسابه ومأكلها ومشربها ومصرفها عليه


فهد يقاطعه \ وش يبي فيها عمي


ابوفهد \ خلني اكمل


فهد \ اسف كمل


ابو فهد \ عمك يبي ياخذها


فهد \ وام سامي وين تروح


ابو فهد \ انا يوم عارضت وقلت ان ام سامي ماتستاهل قالي انها عالعين والراس


فهد \ طيب يبه انت ماحاولت فيه


ابو فهد \ حاولت بس معارض ويقول انا ماجيتك الا اني ابيك انت تقولها عن الموضوع لانه لو تسمعه مني بيكون اصعب عليها


فهد \ يالله وش هالمصيبه بعدين رفع راسه وانت يبه وش قلت بتكلمها


ابو فهد \ طبعا رفضت


فهد \ بعد اذ نك يبه اذا تبي نصيحتي كلمها


ابوفهد \ انت صاحي وش بتقول عني المره


فهد \ يبه انت تعرف ام سامي مو من هالنوع وصدقني لو تفاتحها انت بالموضوع يكون احسن لان عمي اذا فاتحها بالموضوع بتعصب وتصيح وعمي مو من النوع اللي يتحمل بيعصب ويمكن


كمل ابو فهد \ تصدق معك حق ماجا ببالي هاالشي


فهد \ انصحك تدق على عمي وتقوله لايفاتحها بالموضوع


ابوفهد \ انشاالله يصير خير بدق بكره


فهديبتسم \ يالله اجل انا رايح تامر بشي


ابو فهد \ لاياولدي عساك سالم واعذرني ماقعدت معكم لان هالموضوع شاغل بالي


فهد \ لايبه ماتقصر ومعذور وهالموضوع انشاالله بينحل فمان الله


ابو فهد \ فمان الكريم


>>>>>>>>>>>>>>>>>>>>>>>>>>>>>>>>>>>>>>


أريج \ هاه ياريما وش قدمتي عللى أي قسم


ريما \ انشا الله ادارة اعمال


اريج \ والبنات


ريما \ جنى انجليزي وشهد معي وساره تاريخ وجغرافيا وعلى الله يقبلونها


أريج \ ههههههه ياحليلها ساره بايعه الدنيا


ريما \ مرررررررررره


فهد \ يالله اروج نمشي


ندى تستهبل \ اروج بالبيت هنا ام رائد


أريج \ حراااااا عليك لاتكبريني


فهد \ وش دخلك زوجتي وادلعها


أريج تطلع لسانها \ حررررررررره


ندى \ هههههههههههه فشلتوني


فهد \ أجل وين أمي


ريما \ راحت تنام


فهد \ يالله اجل احنا بنمشي تبون شي


ريما \ ايه نبي باسكن روبنز


فهد \ أقول ضفي وجهك ياليتنا ما سألنا


أريج \ حرام عليك من الصبح نفسها فيه


ريما \ ايه والله وبعدين قريب مو بعيد


فهد \ خلاص بشوف اذا ماعنده زحمه ابشري


ندى \ وانا


فهد \ خلاص بروح وبدق اخذ طلباتكم


ريما \ ثااااااااانكس


لارا تركض \ وانا وانا \


فهد يشيل بنته \ انتي اول وحده


>>>>>>>>>>>>>>>>>>>>>>>>>>>>>>>>>>>>>>>>


ساره \ يمااااااااااااااه


ام راكان \ نعم خير ليش تصارخين


راكان \ بس زيادة أزعاج


ساره \ أنت محد حاكاك


أم راكان \ بتقولين وش عندك ولا أروح أكمل شغلي


ساره \ يمه بطلب طلب


أم راكان \ اذا قدرت


ساره \ قص شعري


أم راكان \ لا جدتك رافضه ماتبيك تقصينه


ساره بقهر وودها تصيح من جدتها \ مو كافي سميتوني على أسمها بعد بتختار شكلي وستايلي


راكان يقلد صوتها \ تختار شكلي وستايلي < الله والستايل عاد


ساره \ يمه ترا مالي شغل بالعيد بقصه واللي فيها فيها


أم راكان \ والله أنا مالي شغل خذي مواقفة جدتك واذا سمحت لك تقصينه قصيه ولاعاد تناديني اذا بغيتيني تعالي لي بالمطبخ بدون صراخ


ساره \ والله قهر الشعر شعري واخذ أذن الناس فيهواللله مالي شغل بقصه


راكان يمسك ذقنه ويهددها \ اذا ماقلت لامي ساره عنك ما أكون راكان


الجده ساره \ ايه ياأم سعد أشواق موافقه على سلطان


أم سعد \ زين الله يبشرتس بالخير وين بنلقى عروس لولدي أحسن من أشواق زين وعقل وأخلاق الله يحفظها أجل انشا الله بعد تسمن يوم نجي عندكم ويشوفها الولد واذا ربي وفقهم نتفق على كل شي


الجده ساره \ لا انا من رايي سلطان يشوف أشواق وبعد العيد يتفقون على كل شي


أم سعد \ خلاص أجل اللي تشوفونه ما ابي أطول عليتس وببشر سطان أكيد بيستانس مع السلامه


الجده ساره \ فمان الله


تركي \ من هذي يمه


الجده ساره \ هذي أم سلطان اللي خاطبين اشواق


تركي \ ايه سلطان وش عندها


الجده ساره \ أبد تسأل اذا أخت وافقة والا الا


تركي \ ايه الله يوفقهم وقام بيروح لغرفته


الجده ساره \ وين ياوليدي


تركي \ بروح أنام لي كم ساعه قبل ما اروح الشركه قوميني قبل العصر لاتنسين


الجده ساره \ لانم وانت مرتاح منيب ناسيه


<<<<<<<<<<<<<<<<<<<<<<<<<<<<<<<<<<<<<<<<


أم سعد \ مبروك ياوليدي العروس وافقت


سلطان بدون نفس \ الله يبارك فيك


ام سعد \ ورا ماتستانس ياوليدي


سلطان \ عادي المفروض تحب يدها وجه وقفا اللي انا تقدمت لها


وقام بيطلع برا


ام سعد \ ياوليدي لو تترك عنك هالناس اللي تماشيهم كان سلمنا


طلع سلطان بدون مايسمع لامه


وش بيصير مع العم أحمد وهل فعلا ياخذ هالسوريه أو بيقدر الجد يمنعه لما يعرف بالموضوع؟؟


هل ساره بتنفذ خطتها وتقص شعرها ؟


ومين أي نوعيه يكونون أصحاب سلطان لدرجة أن أم سعد تدعي ربها أنه يتركهم ؟؟


تبون تعرفون جواب هالاسئله شاركوني بردودكم وتوقعاتكم عشان أكمل معاكم ونعرف وش راح يصير


الجده نوره والجده ساره كانت بينهم دوريه بشهر رمضان كل أسبوع وتحديدا كل خميس وهالمره كانت الدوريه بيت الجده ساره


ماباقي غير 5 دقايق ويأذن المغرب والحريم والبنات قاعدين يجهزون السفره


ام فهد \ ريمااااااااا ريما


شهد \ البنات موهنا بقسم الرجال يجهزون السفره


ام فهد \ اجل خذي جيبتي ودي لهم العصير


شهد \ انشاالله


>>>>>>>>>>>>>


الجده نوره \ ايه طار الشهر بسرعه ياحسافته والله


الجده ساره \ ايه والله مر أسبوعين وكأنها يومين


الجده نوره \ بتروحين تصلين التراويح


الجده ساره \ ايه انشاالله عاد أمامنا صوته يرد الروح


الجده نوره \ اجل بجي معتس وناخذ البنات بدال مايقابلون هالتلفزيون وهالخرابيط


الجده ساره \ ايه أنا ودي اخذهم وعساهم يوافقون


الجده نوره \ الله يهديهم


>>>>>>>>>>>>


شهد داخله قسم الرجال وحاطه الجلال على كتفها


ومشعل وطلال قاعدين يشوفون وش ناقص السفره


مشعل \ نواف الحريم ماجابوا العصير


طلال \ طيب بأقولهم


طلال طلع من باب المجلس الرئيسي وشهد داخله من الباب اللي بين الحريم والرجال فعشان كذا ماشافها عشان ياخذ العصير


شهد \ ريما


دخلت المجلس بدون ماتنتظر رد ريما وانصدمت بشخص قاعد يطالع فيها منصدم وكأنه ينتظرها تدخل


شهد مع الصدمه حطت العصير عند الباب ولما جات تطلع ركضت وكبت العصير


مشعل \ لحظه لحظه يايا أخت جيبي عصير ثاني لان حضرتك كبيتي هالعصير <<<<<< هو يستخدم هالاسلوب معها بالذات لانه يحب يشوفها معصبه يعجبه شكلها


شهد تنقهر من طريقته معها


شهد تقلد صوته \ يايا أخت جيبي عصير ثاني لان حضرتك كبيتي هالعصير <<<<أنت ليش كل مارحت مكان أشوفك فيه


مشعل وهو منزل عيونه ويطالع السفره ويعدل فيها \ والله هالسؤال أنتي اللي تقدرين تجاوبين عليه مو أنا


شهد \ وش قصدك


مشعل \ قصدي واضح أنتي اللي تجين المكان اللي أنا فيه مو العكس


شهد عصبت \ عللى فكره أنا الغلطانه اللي أحاكي أشكالك وطلعت وهي معصبه


مشعل \ لحظه لحظه ههههههههههههههههههههههه عصبيه بعدين رفع حاجب بس حلوه


طلال يطالع فيه مستغرب ومتكتف \ من هي الحلوه والعصبيه


مشعل مرتاع ومتفاجئ \ انت من متى هنا


طلال \ من شوي


مشعل يمسك قلبه \ اشوا


طلال \ الحمدلله أقول امسك أمسك بس


مشعل \ اشوا جت عصير لأن الاول انكب


طلال \ أي اول


مشعل يأشر عالباب\ هذاك العصير جابته جنى وانكب فياليت تجيب فوطه ولا اسفنجه


طلال \ اففففف منك وراح يجيب الفوطه


مشعل \ اخخخخخخ ياشهد ياأنك مجننتني انتي وهالغميزه


>>>>>>>>>>>>>>>>>>>>>>>>>>>>>>>>>


شهد دخلت على الحريم وبين أنها معصبه


الجده ساره \ يالله ياشهد أفطري اذن


شهد \ يالله يالله


جلست وكانت جمبها ريما


ريما بصوت واطي \ وشفيك وجهك طماطه


شهد \ لا مافيني شي


ريما \ علينا >>>> باين من وجهك انك معصبه وحالتك حاله


شهد \ خلاص بعدين أقولك


ريما \ اوكي بس لاتظنين أنك راح ترتاحين مني


نطت ساره عليهم بلقافتها المعهوده \ وش عندكم


ريما \ ماعندنا شي افطري


ساره تغمز لهم \ اممممم علينا


شهد تنغزها \ اسكتي لاتفضحينا يالتبن


ساره تسوي زي البزران \ اممم لاتنغزيني يعور


ريما \ هههه مايلوق لك الزعل


الجده ساره \ يابنات خلوا عنكم المساسر وكلوا


>>>>>>>>>>>>>>>>>>


الجد محمد \ تركي صب القهوه لابوك متعب


تركي \ انشاالله وراح صب للجد متعب


نواف يستهبل \ حركتات تروك صرت رجال وتعرف تصب القهوه بعد


تركي \ لا ياشيخ وش شايفني


عبد العزيز يبي يقهر \\ لا انا ملاحظ ماشاالله مسكتك بالدله متحسنه


مشعل \ من هو ذا


نواف \ لا الله يسلمك بس نتكلم عن تركي انه بذا يعرف يصب القهوه


مشعل عرف انهم يبون يرفعون ضغطه \ صدق <<<<< زين الحمد لله عشان ماعاد يفشل ابوي محمد كالعاده عند الرجال


تركي \ هههه مساكين انا أعلمكم وأعلم عشره من أمثالكم السنع


راكان \ عاش ابو محمد


تركي يستهبل عليه \ أنت أكرمنا بسكوتك


الشباب \ ههههههههه


راكان يسوي نفسه مننصدم \ هئئئئئئئ كذا تفشلني لكن هين ياتريك


تركي يحط يده على كتف راكان ويواسيه \ لا ولو يالحبيب أنا ما أهزئ الا اللي احبهم


راكان يبعد يده \ قول امين اذا على هالحال الله يقلل اللي تحبهم واللي يحبونك


الشباب \ هههههههه


الجد متعب \ وش عندكم على هالمساسر والضحك


الجد محمد \ ضحكونا معكم


تركي \ لا ابد الله يسلمك بس هالشيف يهزئون فيني


فيصل \ ولو ابو تريك ماعاش من يهزئك


تركي يمسك ياقته \ تسلم يالحبيب


ابو فهد \ ورا وش يقولون عنك هالشيون


طلال \ افاااااااا يبه هذا واحنا عيالك تقول عنّا كذا


تركي \ ابد يقولون اني بديت اعرف اصب القهوه


ابو راكان يلتفت عالشباب يبي يقهر تركي \ صدق متى لاحظتوا انه بدا يعرف


الكل \ هههههههههههههههههههههههههههههههههههههههه


الجد متعب \ ولو الله يهديك ياابو راكان ترركي من يوم يومه رجال


ابو راكان \ ههههه عارف والله عارف بس أستهبل عليه


>>>>>>>>>>>>>>>>>>>>>>>>>>>>>>>>>>>>


ريما \ ههههههههههه أثاريك داهيه صاير معك كل هذا ولاتكلمتي


ساره \ قهر ياليتني كنت معها


جنى \ ايه عشان تغسلين شراعي


ساره \ حرااااام عليك


ريما \ أقول شهد هذا وجهي وتمسك ذقنها اذا ماكان الولد ميت فيك


شهد مستحيه \ هذا اللي عندك حب وماحب


ساره تكلم ريما \ وين يموت فيها وهي غاسله شراعه من قبل الزواج


شهد التفتت على ساره بسرعه \ لا وزوجتيني بعد


ريما قربت من شهد \ شهوده شهوده امانه الحين وش تحسين اذا شفتي مشعل


شهد مرتبكه \ عادي كأي ولد وراحت عنهم بسرعه


ساره وريما قعدوا يطالعون بعض


ريما \ شكل البنت طاحت


ساره \ ولاحد سمى عليها


ريما وساره \ ههههههههههههههههه


>>>>>>>>>>>>>>>>>>>>>>>>>


الجده ساره تدخل على البنات \ هاه يابنات من ودها تروح تصلي معنا


ساره \وين


الجده ساره \ وين يعني أنا العاده أروح المسجد وش أصلي


ساره تتكلم بدلع تستهبل \ خلااااااص اسفه نسيت


الجده \ ياشينتس لا قمتي تميصخين


ريما \ وعععععععع مايلوق الدلع


جنى تلتفت على البنات \ هاه شرايكمم نروح


ندى \ انا بصراحه ما أحب أصلي بالمسجد بالبيت أحسن


أشواق \ حتى أنا بطني بعد الأكل منتفخ ماودي أروح


راحوا البنات ( نوره - جنى - ريما - ساره- شهد ) ماعدا أشواق وندى قعدوا مع باقي الحريم


بالشارع الجدات والبنات يمشون


ريما \ ياجده أي مسجد بتروحين تعبنا من كثر المشي


الجده ساره \ اقول ماودتس تمشين وانتي ساكته


جنى \ أي والله يهبل


ساره \ بنات تراه محجوز لي


ريما \ وشو وشو


نوره \ شوفي ذاك الولد


ريما \ يااااااااي يجنن أطخم


شهد \ ههههههه أستغفر الله رايحين نصلي التراويح ولانقزز بخلق الله


جنى \ هه ايه والله استغفر الله امشوا امشوا


طبعا فيه مسجد قريب من بيت الجده ساره و بيت الجده نوره بس الجده ساره والجده نوره مايحبون يروحون له يروحون لجامع كبير بينه وبين بيتهم شارع بس


مرت سيارة وفيها أربع شباب وقربت منهم وصار يهدئ السرعه


الولد الاول \ مراحب ياوردات


وكان أقرب للجدات من البنات بس هو طبعا كان يقصد البنات


الجده ساره تكلم الجده نوره والبنات يسمعون \ وشهو يقول


الجده نوره \ الزاهر انه يقول ياوردات


جنى \ ههههه بنات الظاهر الجدات العزيزات يحسبون الولد يتغزل فيهم


ريما \ ايه والله خخخخ ينرحمون


الولد الثاني \ أقول ماودكم نوصلكم


الجده ساره معصبه \ ايا قليل الحيا ماتستحي تغازل حريم كبر جدتك


الولد اللي قاعد ورا \ ههههههههههه ومن حاكاك ياعجيز


الجده نوره \ عز الله أنككم ماتربيتوا ولا وشلون تحاتسون حريم كبر جدتكم تسذا


نوره \ لااااااااااا الظاهر الوردات ناوين على هوشه


ساره \ بنات تخيلوا نلاقاها بالجاريد حصل عراك حاد بين عجوزتين وأربع شباب أنتهى بمقتل اثنين وأصابة ثلاثة أخرين بجروح داميه وبقيت الجدات بسلام وأكملوا صلاة التراويح


شهد \ ه ويحطون صوة امي ساره وامي نوره


جنى \ ونلقى المعجين عند باب الجامع اليوم الثاني


نوره \ هههههههههه


الشاب اللي يسوق \ تؤبرني هالضحكه ياقمر


ساره اذا عصبت بعدوا عن طريقها تقلد صوته \ تؤبرني هالضحكه ياقمر<<< رجعت لصوتها الطبيعي <<<أقول انشا اله يقبرونك مكسريابن الكلب


الولد نزل من السياره معصب لأنه من عيال الكباريه ومايرضى على نفسه \ نعم نعم


جنى \ ساره بعدي عنه بعدي


ساره \ ماراح أبعد واعلا مابخيله يركبه


الجده ساره \ يابنيتي ابعدي لايسوي لك شي


الولد \ مين اللي تدعي علي هاه


ساره \ انا وش بتسوي بتذبحني


الولد \ انتي تعرفين انا ولد مين


ساره \ مااعرف ولاأبي أعرف وبعدين بتطلع ولد مين وانت تتسكع بالشوارع أكيد ولد حرام


الولد جا بيسحب ساره تركب معه بالسياره بس لحسن الحظ ان الشباب كانوا ناوين يلحقون الرجال بالمسجد وشافوهم ا


طلال \ شباب مب هذول اهلنا


راكان \ الا والله وهذي ساره


تركي \ شوف وش يسوي لها يسحبها


راحوا الشباب ركض له


نواف \ خير خير بعد عنها لايجيك كف يعدلك


االولد \ لا وصرتي تعرفين نص شباب الحاره


راكان عطاه كف حار \ اقضب لسانك واحترم نفسك ياللي ماتربيت مو اختي اللي تلاحق الشباب


الشاب الباقين خايفين وعلى اعصابهم


الولد ماسك مكان الكف \ تذكّر هالكف زين والله راح تندم وتتمرمط بالسجون


راكان \ اعلا مافخيلك اركبه تعال تحرش ببنات الناس واذا وقفوا بطريقك هددهم بمراكز الشرطه


الولد \ ركب السياره وشخط وماشافوا الا غباره


مشعل راح للبنات \ هذول وش جابهم


الجده ساره \ بسم الله عليتس تهدي بساره لانها كانت تبكي


راكان راح لساره والشرر يتطاير من عيونه \ هذا وش يبي فيك هاه ويمسكها مع كتفها ويهزها تكلمي


قالولهم البنات السالفه وتفهموا الوضع وكل واحد راح بطريقه الحريم بمصلى الحريم والرجال بمصلى الرجال


الجده ساره \ ووه وشذي ماتستحي وشذا اللي لابسته ضيق شلون مرتاحتن فيه


نوره تقلد العجايز \ ايه الله يكافينا الشر


الجده نوره \ ياجعلها اللي مانيب قايله


ريما \ ايه عاد شوفوا اذا اعرس ابوي متعب ولا محمد لاتلومونهم


جنى وعجبتها الفكره \ ايه اذا البنات عرضوا نفسهم للشباب الله لايلومهم اذا اعرسوا


الجده ساره وبدت تخاف \ هو يعني ابوتس محمد يقدر يشوفهم


ساره \ الا يقدر ونص هذا تلفزيون وكلن يقدر يشوفه


الجده نوره \ اييييه متعب وين بيلقى مثلي


جنى تغمز لجدتها \ ياعيني عالواثقين


الجده ساره تنغز الجده نوره \ اقول ياوخيتي حنا وش بقى فينا والله لو يشوفون هالبنيات ياجعلهم الكسر ماعاد بغونا


الجده نوره \ تهقين يسوونها الشياب


الجده ساره \ اهقى الا متاكده


ام فهد \ ماعليكم منهم اصلا خالي متعب وخالي محمد وين يلقون مثلكم


العنود \ ايه وهي ام فهد صادقه والله لويلفون الدنيا ماحصلوا مثلكم


نوره \ هههههههههههه ياعمري صدقتوا هالكذابات


ريما تبي تخوفهم \ عاد والله ماصدقتوا بكيفكم


أريج \ بنات حرام عليكم حتى العجايز ماسلموا من تخويفكم


البنات يأشرون لها يعني اسكتي عاجبهم الوضع


الجده ساره عصبت وجت تضرب البنات بس تناحشوا \


ام راكان \ هههههه الله يهديهم هالبنات مهبل


ام فهد \ ندى حبيبتي جيبي القهوه


ندى \ نوره تجين معي


نوره \ يالله


 
 
رد مع اقتباس
 
 
   
  #10  
قديم 09-04-2013, 01:14 AM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق غير متواجد حالياً

 
رواية صدمتي بحالي هزت كياني / كاملة




على طاولة المطبخ كانت نوره وندى جالسين وندى كانت تفكر وحالتها حاله


نوره \ اللي ماخذ عقلك يتهنى


ندى \ نوره الى متى وانا بظل كذا مخبيه اللي بقلبي ولا أتكلم


نوره فهمت وش تقصد ندى \ هذا قدرك وش تقدرين تسوين


ندى \ طيب قولي لي وش أسوي


نوره \ أنا قلت لك من قبل قولي له أنك تحبينه بس أنتي اللي مو راضيه


ندى \ نوره انتي من جدك أروح له واقوله أحبك وش تبينه يقول عني


نوره \عادي لا عيب ولاحرام انتي قلتي له اللي بقلبك


ندى \ قلت له اللي بقلبي بصفتي ايش ؟


نوره \ بصفة أنك تحبينه


ندى قامت تروح تجهز القهوه \ على فكره أنتي متأثره بالأفلام


نوره \ أحسن خليك اذا تزوج وصار لغيرك عرفتي أنه معي حق


ندى التفتت خايفه \ لا انشاالله تتوقعين يصير كذا


نوره \ موأتوقع الا اكيد


ندى \ طيب يمكن أعجب أمه وتخطبني


نوره بدون ماتقتنع \ يمكن


>>>>>>>>>>>>>>>>>>>>>>>


ثاني يوم من أيام العشر الاواخر


أبو فهد \ هلا هلا يابنيتي شلونك


نوره \ الحمد لله ياعمي بخير شلون أنت


أبو فهد \ بخير دامني شفتك يابنتي


نوره \ الله يسلمك والله ودي أشربك شي بس مانقدر صايمين


ابو فهد \ ههه فيك الخير أقول يابنيتي أبوك موجود


نوره \ لا والله مو موجود


ابو فهد \ زييييين الله يعافيك نادي أمك أبيها


نوره مستغربه \ انشاالله


>>>>>>>>>>>>


ريما تستهبل \ هاي مامي وين البابا لساته هون


أم فهد \ راح لبيت عمك ابو سامي


ريما \ غريبه وش عنده


أم فهد \ وانتي وش دخلك خلي عنك اللقافه وروحي للمطبخ ساعدي ندى


ريما تسوي نفسها متحطمه \ طيب وقامت مع ندى


<<<<<<<<<<<<<<<<<<<<<<<<<


أم سامي مصدومه ومتمالكه نفسها \ والله أني داريه ان وراه شي بس كنت العب على نفسي


أبو فهد \ والله ياوخيتي أنا كان ودي مااقولك هالخبر خفت تظنين أني مبسوط عاللي يسويه أخوي بس فهد قال أنه أحسن لك تسمعين الخبر مني ولامن غيري


ام سامي \ لا والله الله يجزاك خير وانا أعرف معدنك زين وعارفه أنك مستحيل تهدم بيت أخوك


أبو فهد \ أسمعي ياوخيتي لاتتركين عيالك لحالهم وترا مال نوره وريناد الا الله ثم أنتي


ام سامي والعبره خانقتها \ مو أنا الللي أترك عيالي بذنب مالهم فيه وعيالي مايحتاج أحد يوصيني عليهم وابو سامي ما أقدر أقول الا الله يسامحه


ابو فهد \ من يوم يومك أصيله يا أم سامي وعز الله انك غاليه علينا كلنا وصدقيني هالخبر ماراح يرضي لا أمي وللا أبوي ولا العايله كلهم وابو سامي مصيره يرجع لك


ام سامي \ الله يجزاك خير ويخليك لعيالك ذخر قول امين


ابو فهد \ امين يالله اجل انا استأذن


ام سامي \ ورا ماتقعد تفطر معنا


ابو فهد \ انشالله يوم ثاني ما عطيت العيال خبر


ام سامي \\ والله ماودي اجبرك


ابو فهد \ مع السلامه


ام سامي \ مع السلامه وكرر الزياره


ابو فهد \ انشالله


<<<<<<<<<<<<<<<<<<<<<<<<<<<<<<<<<<<<<<


الجد محمد \ انت صاحي ولا مجنون وأم عيالك


ابو سامي \ يبه ام عيالي وعيالي عالعين والراس والشرع محلل اربع ومافيها شي اذا تزوجت


الجد محمد\ نافيها شي الحين ام سامي عاشت معك عالحلوه والمره وضيعت شبابها عليك وعلى عصبيتك وماعمرها سمعت منك كلمه حلوه تجي وتبدي هالغريبه عليها


ابو سامي \ رجاء يبه لاتقول هالحكي اللي يشوفك يقول أنومها على كف وأقومها على كف


الجد محمد \ انت لوك ماخذ وحده مننا وتعرف اطباعنا كان أهون علي معن مافيه أحد بيوصل مكانة أم سامي بقلبي كان أهون أما انك تاخذ هالغريبه اللي ماندري عنها شي فاسمحلي


ابو سامي \ يبه انا من حقي يجيني عيال وانت عارف ان ام سامي ماعاد تقدر تجيب


الجد محمد \ هذا موب عذر انت من زمان داري ام ام سامي ماعاد تقدر تجيب عيال وتوك تتكلم انت من شفت هالسوريه وهي لاحسه عقلك وانا ماراح أرضى يجيني احفاد لك من غير نوره


ابو سامي \ يبه انا رجال وكبرت واعرف وش اسوي ورجاء ماابي احد يوقف بطريقي ترك ابوه وطلع طبعا الجد مايقدر يوقف بطريق ولده ويجبره على شي لانه كبير ويعرف وش يسوي ولا يقدر يزعل عليه لان فعلا الشرع محلل اربع


انتشر خبر السوريه اللي راح يتزوجها ابو سامي بالعايله وماحد كان راضي على هالزواج بس مايقدرون يسون شي والجده ساره متوعدتها بأيام سودا بس تنتظرها تجي


انتهى شهر رمضان وجاء أول يوم من أيام العيد


الجده ساره \ ياحيا الله بنات


سلموا البنات على جدتهم وكانت اخر وحده تسلم عليها ساره لانها كانت خايفه من جدتها


ساره وهي مرتبكه وحالتها حاله \ سـ سلام


الجده توها رافعه راسها بتسلم على ساره لانها كانت توزع العيديات \ هلا هئئئئئئئئئئ سوير وين شعرتس


ساره نفذت اللي ببالها وقصت شعرها طبعا يظل طويل بس طول معقول يعني لاخر الظهر ومدرجته بقوه بس طالع خياااااااااال


ساره \ راح


الجده \ هو وين راح


ساره \ يوووه ياجده قصيته وانتهى الموضوع


الجده التفتت على ام راكان معصبه \ نوف وين شعر بنتس


ام راكان \ والله ياخالتي اني مثلتس مادريت قالت بتروح هي وريما المشغل وقصته


الجده ساره \ هين ياريموه انتي داهيه وكل شي تدخلين فيه يالسوسه


ريما \ ياجده حرام البنت نفسها تقصه من زمان ليش رافضه


الجده ساره \ وفي أحد عنده شعر طويل وش زينه ويقصه أعوذ بالله كأنها بدون راس


ساره \ ياجده حرام عليك الحين وانا قاصه شعري واصل لاخر ظهري


الجده عصبت وقعدت تصارخ وفتحت الموضوع مره ثانيه يوم دخلوا العيال تبي تقول للجد عنها بس الجد محمد ماعصب عادي عنده بس هاوش ساره كم هوشه تسكيته للجده وقعد يغمز لساره يبي يفهمها أنه يمزح ويبي يسكت الجده وراكان قعد يعبي راسه الجده زياده يبي يقهر ساره ويقولها انها عاندتك وقصته ومالك قيمه عندها طبعا يستهبل وفي النهايه رضت الجده وماقدرت تقول شي لان الشعر انقص وراح


بعد المغرب وصلت عايلة الجد متعب لانهم بالصباح حضروا عيد أخوان الجد متعب


البنات كل وحده معها أكياس صواريخ ( العاب ناريه )


والشباب يلعبون كوره وهبال وسباحه


بعد العشا دخل ابو سامي ومعاه زوجته الثانيه سوزان لانها اصرت الا تحضر العيد مع اهله


ابو سامي \ ياولد ياولد


الجده ساره \ ادخل متغطين


دخل العم سامي ومعه سوزان تمشي وهي تترنح وتدلع وماسكه يد أبوسامي بدلع تبي تقهر أم سامي


مواصفات سوزان << عمرها 26 بيضا ومتفخه فمها مو نحيفه ولا سمينه وشعرها طويل وصابغته ثلجي موناعم ولاخشن


وملامحها عاديه طولها وسط


الحريم منصدمات من جرائة ابو سامي ومستغربين كيف يجيبها وهو عارف انه راح يضايق ام سامي


الجده ساره \ شكلها شينة الحلايا


سوزان بدلع مبالغ فيه \ هاااااااي جميعا


الجده ساره \ أقول يابو سامي خلها معنا وروح سلم على أبوك


ابو سامي مستغرب من طلب الجده من ان سوزان تقعد معهم مع انها كانت من اشد المعارضين لها بس بالنهايه نفذ اللي تبي أمه وراح لأبوه وهو مو مرتاح


ام سامي مازعلت يوم الجده ساره طلبت من ابو سامي يخلي سوزان تقعد عندهها لانها عارفه وش ناويه عليه


الجده ساره بنظرات حقد واحتقار \ وانتي وش اسمتس يالسلقه ( نوع من انواع الكلب )


سوزان ماتعرف وش معنا سلقه \ ههههههههه تسلمي من زوئك


البنات والحريم ميتين ضحك \ ههههههههههه


ريما \ والله شكلها ماتدري عن هوى دارها


جنى \ شكلها تحسب سلقه مدحه


سوزان \ وين أم سامي


الجده ساره \ ام سامي هذي وتأشر عليها


سوزان تبي تقهر ام سامي \ ييييييي شو هيدا


الجده ساره \ وش فيها تسواتس وتسوى عشرتن مثلتس


سوزان \ ايه ايه انا ماقصدي شي بس هي كتير كبيره <<<<< ( طبعا أم سامي مو كبيره بالعكس أصغر من عمرها بس سوزان تبي تقهرها وطبعا ام سامي كانت عارفه ان سوزان كانت تبي تقهرها فعشان كذا ماترد عليها ومعطيتها اشكل )


الجده ساره \ عاد تصدقين شكلها أصغر منتس بيكثير


سوزان \ شبكي انتي انا شو عملتلك


ساره تساسر البنات \ تعالوا والله لاطلع ريحتها


ريما \ يالله يالله والله لاخليها تعرف من ام سامي


جنى \ اجل ام سامي كبيره ام سامي تسواها وتسوى مليون من شكلها


نوره ابتسمت على بنات عمها وفرحانه لانها عرفت قد ايش يعزون امها


ريما \ هاي


سوزان تطالع بالبنات وباين انهم عاجبينها وخاصة جنى لأنها من جت وهي تطالع فيها ومانزلت عينها


ساره \ ياعمه نقولك هاي


سوزان \ شو عمه


جنى بدلع تبي تقهرها لان سوزان من دخلت وهي تتدلع فحبت تقهرها \ ليش انتي موعمرك حول الاربعين لازم أحتراما لك نقول عمه


سوزان وبدت تعصب \ شو اربعين ما اربعين انا عمري 26


شهد \ ياحرام تصدقين توقعتك 41


سوزان \ ههههه لأ شو هالحكي أنا عمري 26


الحريم تاركين البنات يستلمون سوزان لأنهم عارفين انهم راح يهبلون بسابع جدها


سوزان تأشر على جنى \ مين هي


جنى بدلع \ انا


سوزان وباين انها غايره \ ايه


جنى تتمايع بالحكي \ انا جنى ويدلعوني جوجو


سوزان \ شو بتصيري لابو سامي


جنى \ بنت جيرانهم


سوزان \ اهااااا والبئيه شو اسمائن ( والاقين وش اسمائهم )


عرفوها عالباقي وهبلوا فيها البنات لين ماطلبت من السواق اللي مخصصه العم احمد لها يوصلها الشقه


سوزان ترد بدلع وتبكي بكاء مصطنع \ الو


ابو سامي \ هلا هلا بالزين كله


سوزان \ اهلين فيك


ابو سامي \ خير انشا الله وش فيه صوتك متغير


سوزان \ منو محرز


ابو سامي \ الا محرز ونص قولي لي وش فيك


سوزان \ خلاص حبيبي أنا مابدي ولع المشاكل


ابو سامي \ أي مشاكل واي خرابيط تقولين وشفيك والا شلون


سوزان \ خلاص خلاص راح احكي بس انت هدي بالك


ابو سامي \ اللهم طولك ياروح


سوزان \ بدي ياك توعدني ماتعملون شي وماتأزيون


ابوسامي بنفاذ صبر \ اوعدك


سوزان \ أم سامي


ابو سامي وبدا يعصب \ وش مسويه


سوزان \ مجمعه البنات حواليي وكلياتن عمّا يتضحكوا وكمان آلت ( قالت) حكي مابحرز ئولوا ( أقوله )


ابو سامي \ قولي لي وش قالت هالعجوز على اخر عمرها بتقعد مع البنات


سوزان \ بدك الحئيئه هي ماتجكت فيني بس تحكت عنك أنت وانت بتعرف انو مايرضيني حدا يغلط عليك بكلمه


ابو سامي \ تتكلم علي قدامهم وامي ساكته


سوزان \ خلاص خلاص الله يخليك مابدي ولع النار بيناتكن


ابو سامي \ سوزان حياتي عمري تكلمي عشاني


سوزان \ خلاص راح احكي مشانك بس خايفه تفهمني غلط


ابو سامي \ والله ماراح افهمك غلط بس تكلمي خلصيني


سوزان \ عمّا تقول انو انت خرفت ولا كيف بتاخز وحده أقد بنتك وكمان تقول انو انت مابتهما تجوزت ولا ماتجوزت عادي عندا و كمان هي مستغربه من حاله كيف وافئت تتجوزك وانت مريض نفسي وعصبي


ابو سامي \ انتي متأكده أنها قالت هالحكي


سوزان \ لكن راح أكزب عليك (اكذب عليك )


ابو سامي \ والله لأخليها تعرف من ابوي سامي وسكر التلفون وهو معصب والشرر يتطاير من عيونه وناوي شر


<<<<<<<<<<<<<<<<<<<<<<<<<<<<<<


ابو فهد \هههههههههههههههه


ام فهد \ لا وجنى ماغير تقلد حركاتها وتتدلع


عبد العزيز \ عاد جنى من يومها بزر وهي دلوعه


نواف عصب من كلام أخوه ومايدري وش هالشعور اللي يحس فيه من فتره يحس أنه مافيه أحد له الحق أنه يتكلم عن جنى غيره


نواف \ هيه هيه أنت عيب تتكلم عن البنت


عد العزيز \ وانا وش قلت


نواف \ كل هذا ولا قلت شي


عبد العزيزيكلم أمه \ يمه أنا قلت شي غلط


ام فهد \ نواف يمه الله يهديك أخوك ماقال شي


نواف قام معصب \ كل اللي قاله وماقال شي


عبد العزيز بخبث \ أقول يمه لايكون ولدك هاشق البنت واحنا ماندري


أم فهد بخوف \ لا لا ماأتوقع


أبو فهد \ أنا بروح أنوم لي شوي اذا جهز الغدا نادوني


أم فهد \ انشالله


>>>>>>>>>>>>>>>>>>>


جنى قاعده تسمع أغنية بأواخر الشتا لاليسا ومندمجه مع الاغنيه وتفكر بشخص واحد ماتدري وش السبب اللي خلاها تفكر فيه وتعطيه كل اهتمامها


غيدا دخلت غرفة جنى بدون ماتحس جنى وجا على بالها تخوفها


غيدا \ بوووووووووووووووه


جنى زعقت \ بسم الله الرحمن الرحيم


غيدا \ ههههههههه


جنى \ بسم الله من متى وانتي هنا


غيدا \ منذ مبطي بس حضرتك مو حاسه


جنى \ نعم وش عندك


غيدا \ بسم الله طيب ليش ماده البوز ومكشره


جنى \ من فعايلك اللي بتطير عقلي


غيدا \ ههههه طيب ماودك تعرفين ليش انا جايه عندك


جنى \ الا من ساعه أقول وش عندك


غيدا \ لاتكذبين أنا ماصار لي خمس دقايق هنا


جنى عصبت \ يووووووووووووووووووه بتقولين ولا بالمخده على راسك


غيدا \ هههههههه طيب طيب <<< شرايك اليوم نروح مطعم


جنى \ ومين بيودينا السواق مشغول اليوم مع جدي


غيدا \ عارفه


جنى \ طيب مع مين نروح


غيدا \ مع خالو مشعل


جنى تقلد حركتها \ مع خالو مشعل <<< رجعت لصوتها الطبيعي <<< وخالو مشعل فاضي لك


غيدا \ طيب شرايك لو قلت لك أنه هو اللي قالي أقولك أنه يبي يطلعنا مطعم


جنى \ جاده ولا مقلب من مقالبك


غيدا \ جاده


جنى \ احلفي


غيدا \ والله والله والله والله والله انه مقلب من مقالبي


جنى نقزت من مكانها \ وربي كنت عارفه ومسكت غيدا تبي تطلعها


غيدا \ وين وين ؟


جنى \ تحت مع جدتي


غيدا \ لا انا ابي نقعد هنا نسولف


جنى \ طيب تعالي معي بقولك شي


غيدا مستغربه \ وشو


جنى تسحبها ولما وصلت للباب طلعتها بسرعه وسكرته


غيدا \ هين ياحيوانه تشو فين والله لأردها


جنى \ ههههههههه لو كنتي صادقه وماتكذبين ماصار اللي صار


<<<<<<<<<<<<<<<<<<<<<<<<<<<<<<<<<<<<<<<<<<


العمه لطيفه \ شهد يمه أفتحي الباب


مهند وهو نازل من الدرج ولابس بدله رياضيه لانه كان بيروح النادي \ لالا خليك أنا بفتح الباب


الشخص علق عالجرس وبعد مافيه رد \ افففف حشا رايحين على بيت مين عشان يعلقوني كل هالوقت


مهند \ طيب طيب


مهند فتح الباب وكانت المفاجأه اللي ماتوقعها وماحد راح يتوقعها


مهند في خاطره \ معقوله يتذكرنا بعد كل هالسنين وين رحنا عن باله توه يتذكرنا بس أكيد مارجع الا وهو ناوي عالشر وعالمشاكل ياره ساعدني وقدرني على أني أحمي بيتي منه يارب


هشام \ مراحب أنت أكيد مهند


مهند مرتبك \ هاه ايه ايه حياك تفضل


<<<<<<<<<<<<<<<<<<<<<<<<<<<<<<<<<<<<<<<<<<<<<


ام سامي \ نوره الله يعافيك جيبي سكر مع الشاهي


نوره بالمطبخ \ انشاالله


او سامي دخل البيت معص وشاف أم سامي قاعده عند التلفزيون


ابو سامي مسك شعر أم سامي فجأه وبدون ماتدري أنه وصل البيت \ انا انا الشايب المخرف وانا اللي كيف تزوجتيني وانا مريض نفسي وزاد صراخه انا تقولين عني هالحكي قدام امي وخواتي وحريم اخواني شلون رضيتي على زوجك تقولين هالحكي عنه قدام بنات بزارين قد عمر بنتك قاعده معهم وتستهبلين ولاكأني زوجك يالعجوز


ام سامي وهي متحمله ماتبي تكي قدام نوره اللي طلعت من المطبخ متفاجأه من حركة أبوها اللي ماعمره سواها


أم سامي \ ابو سامي عن أي تتكلم


ابو سامي \ عن ايش أتكلم مهما حاولتي تكونين بريئه ماراح تقدرين لان كل شي وصلني


ام سامي والعبره خانقتها وتطلع شهقه وعبره بين كل كلمه والثانيه \ يشهد ربي علي اني ماجبت سيرتك بالشينه قدام امك وحريم اخوانك وحتى عند البنات مو انا يابو سامي اللي اسب فزوجي على آخر عمري مو أنا اللي أنكر معروفك علي كل هالسنين مو أنا اللي أرضى على نفسي أو على أي أحد أنه يسبك ينقطع لساني اذا سبيت فيك مع نفسي او عند غيري


انا يابو سامي اللي حتى وانا مع نفسي ماعمري سبيتك تبيني اسب فيك قدام الناس والله يسامحك ويسامح اللي موصل هالحكي عني لأنه بيجي يوم وتعرف أني بريئه ومالي ذنب


طلع بدون مايقول أي كلمه لانه حس أنه غلطان وام سامي مو من هالنوع


ام سامي تصيح وضايق صدرها بس ماتبي تبين لبنتها


نوره قربت من أمها ودمعتها على خدها \ يمه انتي ماتستاهلين كل اللي يصير لك ابوي باعك عشان وحده ماتستاهل ظفرك لاتضيقين صدرك وانشاالله يجي سامي ويعوظك وتشوفين عياله يراكضون قدامك


ام سامي تصارع نفسها وتتسم عشان مايضيق صدر بنتها


ام سامي \ وليش وبنيتي نوره ماتبيني اشوف عيالها


نوره منزله راسها ومستحيه \ انشالله تشوفين عيالنا كلنا


ام سامي \ انا أكبر فرحه لي بالدنيا اني شفتك انتي واخوك كبرتوا قدام عيني وهذاكم تبروني وماعمركم رديتوا لي طلب


نوره \ ولو انتي ام سامي مو حيا الله أي وحده


>>>>>>>>>>>>>>


ايش تفسرون موقف نواف لما عصب على أخوه عبد العزيز ؟؟


ايش سبب توتر أم سامي لما قال عبد العزيز انه نواف بدا يحب جنى ؟


مين الشخص اللي تفكر فيه ندى وتعبت من كثر ماتخبي حبه بقلبها ؟


سوزان وش ناويه عليه وايش تتوقعون الهدف اللي خلاها تفتن بين ابو سامي وام سامي؟؟


مين الشخص اللي انصدم فيه مهند لدرجة أنه حط بباله أن كل المشاكل راح ترجع <<< وأي مشاكل اللي يقصدها مهند ؟؟

 
 
رد مع اقتباس
 
 
   
  #11  
قديم 09-04-2013, 01:15 AM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق غير متواجد حالياً

 
رواية صدمتي بحالي هزت كياني / كاملة




مر شهر على شهر رمضان وبدت الدراسه والكل أنشغل بحاله والبنات دخلوا الجامعه وعجبتهم كثير


أريج \ رائد خلي عنك اللعب وحل واجباتك كثير شوف لارا تدرس وخلصت كل واجباتها


رائد \ ماما تعبت كل يوم دراسه دراسه


لارا \ لا المدرسه حلوه


أريج \ شفت أختك شلون شطوره ذاكرت بدون دلع بعدين صار عندها وقت كثير للعب


رائد مبرطم \ يعني أنا مو شاطر


فهد كان يقرا جريده ونزلها لان حب يشجع ولده \ الا شاطر ونص انت رئودي البطل يالله أدرس عشان تنجح وتشتغل معي بالشركه وتصير زي بابا وجدو عبد الرحمن بعدين انت رجال البيت


رائد \يسس وراح بسرعه لامه عشان تدرسه


أريج \ والله شي يقهر انا لي ساعه اقنع فيه عشان يدرس وانت جيت بغمضة عين وأقنعته


فهد يستهبل \ خمسه وخميسه


اريج \ ههههههههههه


<<<<<<<<<<<<<<<<<<<<<<<<<<<<<<<<<<<<<<<<<<<


ام سعد معصبه \ يعني متى تبي تشوفها


سلطان \ بكره رضوا والا أدور غيرها


أم سعد \أنت ليش كذا صدقني لو تستخدم هالاسلوب مع بنت الناس ماراح تقعد معك يوم


سلطان \ يوووووووووه مليت من هالاسطوانه كلما صار شي قلتوا بنت الناس ماراح تصبر بنت الناس ماراح تقعد معك يوم والا مدري ايش ترا طفشت عالعموم قوليلها اني بكره بعد المغرب بروح أشوفها رضت ولا بكيفها


طلع وماانتظر يسمع راي امه


أم سعد \ الله يهديك ياوليدي البنيه ناعمه وحساسه وماراح تتحمل تصرفاتك ياربي جعلي ما أكون ظلمت بنت الناس


<<<<<<<<<<<<<<<<<<<<<<< جنى \ لا بكره عندي محاضره وحده


ريما \ ايه وانا بعد محاضره وحده


جنى \ خلاص حلو نطلع من الجامعه على المملكه وقولي لندى تجي معنا عشان مايصير عند أهلنا حجه


ريما \ والله قهر أكبر مني بسنتين ولازم أروح معها مستحيل يخلوني اروح لحالي أو على الاقل يقولون ياريما روحي مع ندى لاتروح لحالها


جنى \ احلقي ياشيخه أكيد لانها كبيره يوصونها عليك


ريما \ المهم ماعلينا شخبارك بعد غيدا


جنى \ اهـ لاتذكريني والله البيت ملل وماله طعم


ريما \ هههه طيب تونسي مع جوري


جنى \ حرام عليك مالقيتي أتونس الا مع جوري


جوري كانت تلعب بلعبه بيدها ومندمجه ولما سمعت كلام جنى عصبت


جوري تصارخ ومعصبه \ والله انا احلا منك وبعدين انا مو بيبي أنا كبيله ( أنا كبيره )


جنى حطت يدها على اذانها لان صوت جوري عالي مره \ خلاص خلاص انتي كبيره بس أنا كنت أخاف أخرب العابك


جوري \ كذاااااااابه وطلعت وهي معصبه


ريما \ ههههههههههه شكلها معصبه وموصله حدها


جنى \ بسم الله كلتني ماصارت كلمه وقلتها


ريما \ ههههههه اوكي ما أطول عليك باي


جنى \ باي ولاتنسين تقولين لندى وامك


ريما \ انشاالله وانتي بعد شاوري أمك


جنى \ انشاالله


<<<<<<<<<<<<<<<<<<<<<<<<<<<<<<<<<<<<<<<


مهند \ ياحيا الله ولد العم ثواني بقولهم يجهزون القهوه


هشام \ خذ راحتك


مهند دخل الصاله مستعجل \ يمه يمااااااااااه


العمه لطيفه \ خير خير ياوليدي وش فيك مستعجل وحالتك حاله مين اللي جاي


مهند \ هشام يمه هشام


العمه لطيفه وكأنه مكبوب عليها مويه بارده \ هشام وش يبي أكيد ناوي عالمشاكل


مهند \ الحين جهزوا القهوه وأنا بفهم وش يبي


العمه لطيفه والخوف مبين عليها \ انشاالله


مهند مسك امه مع كتفها قبل ماتروح \ يمه لاتشيلين هم مايقدر يسوي شي مهند الحين كبير وراح يحميك منهم وتحرم علي عيشه اذا خليته يأذيك انتي وخواتي بشي أنا عارف أنك مانسيتي حياة الهم لاأنتي ولا خوالي ياما عذبوك وحرموك مننا لحد ماخذوا اللي يبون بس صدقيني لااخذ حق تعبك كل هالسنين بس انتي أصبري


العمه لطيفه تصيح \ انا ماخفت على نفسي انا خايفه على أختك شهد أريج تزوجت وربي رزقها بالرجال اللي يخاف عليها ويحبها وأنا ماباقي بعمري شي اخاف عليه وأنت أنشاالله بتتزوج وتنشغل بحياتك وبيتك بس شهد من لها


مهند \ شهد بعيوني ولو يمه أنتي أكثر وحده تعرف مكانة شهد بقلبي شهد بنتي قبل ماتصير أختي وربي بيرزقها الرجال الصالح ويوفقها انشا الله وأحنا ماندري هشام جاي لايش للحين وتكفين يمه امسحي دموعك مابي أشوفها ترا دمعه منك تهز كياني


العمه لطيفه تبتسم \ الله يخليك لي ياوليدي ولا يحرمني منك قول امين والله ربي عوضني فيك أنت وخواتك


مهند \ ايه كذا خليك دايم نبي نشوف هالابتسامه الحلوه


<<<<<<<<<<<<<<<<


سوزان \ ايه حبيبي ئلتلك ماصار شي لهلاّ


سامر \ شلون يعني ماصار شي


سوزان \ الله يخليك ماتعصب لساتني بأول الطريق انت من جهه وبابا من جهه ابو سامي منّو غبي لازم انطر


او سامي \ سوزان سوزان


سوزان \باي باي سامر الختيار بدو ياني


سامر \ ههههههههههههه حلوه الختيار وخبريني اول بأول


سوزان \ اوكي باي باي


او سامي \ سوزان انتي هنا وانا ادور عليك من زمان


سوزان متوتره ووجهها أحمر \ ايه ياقلبي كنت عما حاكي البابا بدو يتطمن علي


ابو سامي \ شفيك متوتره أمك فيها شي


سوزان \ لا بس كنت عما أبكي عالباببا لا نه بتعرف ماله غيري ومني موجوده عنده


ايو سامي بحنيه \ ماعليه حبيبتي أنا ادري أني غربتك وبعدتك عن ابوك بس شسوي شغلي وحلالي كله هنا


سوزان \ ولو ياقلبي وجودك عندي بالدنيا


ابو سامي \ تسلمين طيب يالله ماتبين السوق


سوزان \ امبلا


ابو سامي \ جاهزه


سوزان \ سواني( ثواني ) وبكون عندك


ابو سامي \ يالله


<<<<<<<<<<<<<<<<<<<<<<<<<<<<<<<<


مهند \ أخبارك وأخبار الوالد والوالده


هشام \ أطلب لهم الرحمه


مهند منصدم \ ماتوا


هشام بحزن \ ايه ماتوا


مهند \ الله يرحمهم بس من متى لاقلتوا لنا ولاخبرتونا ما كأننا من العايله


هشام \ والله أمي من بعد ماتركناكم جاها سرطان بالدم وماتت وابوي مات بحادث سياره من سنتين


مهند متأثر \ الله يرحمهم


هشام \ طبعا أنت مستغرب ليش جاي عندك


مهند يبيي يحرجه \ جاي تطمن على ولد العم


هشام \ ههههه احرجتني بس أنا جاي أستقر عندكم كم يوم على ما أدور لي بيت بالرياض


مهند \ ليش أنت ناوي تستقر


هشام \ ايه والله مليت من الغربه


مهند \ اذا ماشالك المكان نشيلك بعيونا


هشام \ تسلم


العمه لطيفه \ مهند مهند


مهند \ عن اذنك بشوف الوالده


هشام \ خذ راحتك


نبذه عن هشام <<< يصير ولد عم مهند وأريج وشهد طبعا يكون ولد العم الوحيد لهم لان أبو مهند ماعنده الا اخو واحد اللي هو سالم ماعنده حتى أخوات هشام تصير أمه بريطانيه تعرف عليها سالم عم مهند واريج وشهد أثناء دراسته وتزوجها بدون مايقول لأهله ولما رجع السعوديه تفاجأو الاهل وزعلوا عليه كم سنه بعيدن رضوا وكان عمر هشام ذاك الوقت 10 سنوات توفوا الجد والجده واستقر العم سالم ببريطانيا ولما توفى ابو مهند رجع العم سلم يطالب بالبيت وبحلال العم ابو مهند ولما رفضت العمه لطيفه تعطيه من حلال زوجها أخذ أريج وشهد لانهم كانوا تحت وصايته أما مهند فما قدر لأان كان عمره بذاك الوقت 18ورفض يرجع للعمه لطيفه بناتها لحد ماتتنازل عن كل شي طبعا أخوا العمه لطيفه وابوها انصحوها أنها تتنازل عشان بناتها وتنازلت بشرط انه يرجع لها بناتها والجد محمد شرالها البيت اللي هم ساكنين فيه الحين وسجله باسمها ومن بعد هالشي اللي حصل وهم مايعرفون عن العن سالم أي شي


هشام شاب ملامحه أجنبيه ماخذ من أمه يعني شعره ذهبي ابيض طويل بس طبعا العيون ماخذها من ابوه كبيره وعسليه وعنده لغتين أنجليزي وفرنسي بسب عيشته بالخارج وطبعا يعرف يتكلم نجدي عادي كأنه من أهل الرياض لان من بعد ماصار الموقف اللي بين العم سالم ومشكلة الورث ماتت أم هشام بسرطان ومضى كل حياته مع ابوه وصار يعرف يتكلم مثل اهل الرياض


العمه لطيفه \ هاه ماقال وش يبي أكيد عمك ولامرته مرسلينه


مهند \ لا عمي ومرته الله يرحمهم


العمه لطيفه \ وش تقول متى وليش ماقالوا لنا


المهم مهند فهمها السالفه وعرفت كل شي وقالها أن هشام راح يستقر عنهم ورحبت بس ماارتاحت لجيته وخافت أنه يكذب عليهم وناوي على شي


الجده ساره \ والله يا ام سعد سلطان معه حق ومن حقه يجي يشوفها بأي وقت بس بسأل البنت اذا مستعده ولالا


ام سعد \ تكفون حاولوا لان الولد مستعجل


الجده ساره \ وليش يستعجل الللهم ياكافي البنت ماهيب طايره


ام سعد \ وش نقول عن شباب هالايام اعوذ بالله مستعجلين ومطيورين


بهالوقت دخلت اشواق الصاله وعرفت أن أمها تكلم ام سعد وانحرجت لان تركي كان موجود


الجده ساره \ خلاص انشاالله يصير خير ومالك الاطيبة الخاطر


ام سعد \ الله يعافيك مع السلامه


الجده ساره \ فمان الكريم


تركي يبي يحرج أشواق \ يمه مين هذي


الجده ساره \ هذي ام سعد


تركي \ وش عندها ياليتها ماخطبت اشواق كل مادخلت الصاله الاقيك تحاكينها حشا ماصارت نشه هالمره هي وولدها


أشواق \ وش دخلك


تركي يغمز \ ايه لاجل سلطان تكرم امه


أشواق انحرجت ورمت المخده


الجده \ على طاري سلطان تراه بكره جاي يشوفك


أشواق \ انصدمت \\ يمه وش يجي يشوفني أنا مو مستعده


الجده \ وش مستعده مامستعده الفساتين وياكثرها ونصها مالبستيها


أِشواق \ يمه مو عالفساتين انا نفسيا مو مستعده


الجده \ شوفي بلا كلام ماله سنع هي خمس دقايق بيشوفك فيها وخلصنا وانا عطيت المره كلمه وبكره بعد المغرب عندك


أشواق انقهرت وجت تناقش امها بس الجده راحت غرفتها وماعطتها مجال للنقاش


أشواق \ ياربي وش هذا مافيهم صبر الايام جايه


تركي \ الرجال مو قادر يصبر عليك افهميها يابنت << يبي يحرجها لانه يعرف اشواق تستحي من هالحكي


أشواق جات تكب عليه كاس المويه بس هو طلع من الصاله ومالحقت


<<<<<<<<<<<<<<<<<<


هشام \ عن اذنك مهند بطلع جاني تلفون بس اخاف يكون فيه احد برا


مهند \ لاخذ راحتك مافيه احد


شهد \ يمه بطلع أنا وساندرا بنغسل الحوش


العمه لطيف \ وش عندك ماعمرك غسلتي الحوش


شهد \ ما أدري جا ببالي أنظفه


العمه لطيفه \ غسليه بس أنتبهي لايشوفك ولد عمك


شهد مستغربه \ ولد عمي أي ولد عم


العمه لطيفه \ أي ولد عم يعني هشام


شهد وزاد تعجبها \ هشام وش جابه بعد هالسنين


العمه لطيفه \ جابه الوحده


شهد \ أي وحده وأي خرابيط عمي وزوجته وينها


العمه لطيفه \ توفوا الله يرحمهم


شهد \ ياحرام من متى ؟؟


العمه لطيفه \ أمه من سالفتنا القديمه معهم وعمك من سنتين


شهد \ الله يرحمهم <<<< ساندرا


سندرا \ نعم


شهد \ جيبي المكنسه والسلاته والصابون بره بنغسل الحوش


ساندرا \ طيب


شهد \ يمه ماتبين تغسلين الحوش معنا


العمه لطيفه \ لا والله مالي خلق بروح انام تعبانه


<<<<<<<<<<<<<<<<<<<<<


ندى \ هههههههه أثاري هالسلطان مو هين ومن الحين بيفرض شخصيته


أشواق \ ندى مو فاضيه لك الحين تقعدين تستهبلين علي لاتخليني ادعي ان زوجك يدخل عليك فجأه


ندى \ ههههه لالا تكفين مو ناقصين


أشواق \ المهم شرايك وش البس أي فستان وش اسوي بشعري


ندى \ اممممم خلاص بكره جيك من الظهر وبساعدك


أشواق \ اوكي حلو باي


ندى \ ههههه بايات


<<<<<<<<<<<<<<<<<<


شهد ماسكه السلاته وتتزحلق بالحوش وفجأه صقعت بشي ماتدري جدار ولا شخص ولاباب بس مالقت نفسها غير طايحه بالأرض وقدامها واحد عملاق وملامحه ملامح فارس الاحلام اللي كانت تتمناه من زمان وكانوا البنات يطنزون عليها اذا قالت انها تبي واحد أشقر وأبيض وطويل ويقولون متأثره بالروايات وين بتلقين واحد كذا بس هي الحين تشوفه قدامها


هشام عجبته ملامح البنت اللي يشوفها قدامه ملامح طفوليه وناعمه وحلوه ونظرات كلها برائه وجمال \ يالله معقوله هذي وحده من بنات عمي بس أي وحده فيهم أريج ولا شهد


هشام متعود انه يتكلم مع أي بنت يشوفها قدامه ومو متعود على اطباع أهل السعوديه ومتوقع أنه بنت العم عادي تحاكي ولد عمها


هشام \ انتي مين اريج ولا شهد ؟


شهد \ اانا<<< وراحت تركض بدون ماتعطيه أي رد


هشام انقهر منها وكان متحمس يعرف منهي فيهم أريج ولا شهد


ساندرا \ بابا ممكن سوي


كانت تي تاخذ السلاته الي واطي عليها برجوله ولما جات تروح وقفها هشام


هشام \ لحظه لحظه مين هذي


ساندرا \هزي مس سهد ( هذي مس شهد )


هشام \ اها ياحليلها شهد كبرت


ساندرا \ يبقى سي تاني بابا


هشام \لا شكرا


<<<<<<<<<<<<<<<<<<<


جا اليوم الموعود واليوم هو اليوم اللي راح يشوف فيه سلطان اشواق وكان متحمس يشوف البنت اللي اختارتها له امه


حسام \ هاه أبو سليط متى بتشوف زوجة المستقبل


الشباب \ هههههههههههه


يزيد \ تصدق سلطان والله متحمس اشوفك وأنت داخل عليها


سلطان \ تضحك انت وياه حبيبي انا ماوافقة اتزوج الا وراي شي ناوي عليه


ماجد \ عالعموم أنت واعدنا بنصيبنا من اللي خبري خبرك


سلطان \ وانا عند وعدي بس خلوني أشوفها وأشوف تنفع والا لا


حسام \ كفو والله ابو سليط


<<<<<<<<<<<<<<<<<<<<<<


ندى \ البسي هالفستان


أشواق \ لا ماحبه


ندى \ بالعكس الفوشي بيناسب لك وبعدين موديله تبع الموضه


أشواق \ انتي تشوفين كذا


ندى \ أجل ليش اخترته


أشواق \ طيب لقيت الفستان وشعري


ندى \ اممممممم عادي فكيه وسوي ستريت بيطلع حلو ولا تكثرين ميك أب يعني حطي قلوس فوشي وكحل ازرق لان يطلع عليك احلا من الاسود


أشواق \ طيب بتحمم عشان تصلحين شعري


ندى \ اوكي انا تحت عند امي ساره


اشواق \ اوكي


<<<<<<<<<<<<<<<<<<<<<<<<<<


شهد \ ياااااااااااي معقوله معقوله لقيت الشاب اللي أحلم فيه من زمان بس أخاف مايكون يفكر فيني بعدين هو باين عليه مغرور بعدين مسكت ذقنها <<<<<بس والله معه حق يغتر


وبهالوقت دق جوالها


شهد \ يامرحبا يامرحبا بالمتصل مين ماكان


جنى \ الله الله كل هذا لي


شهد \ ليش وانتي أي شي


جنى \ الله يسلمك المهم قولي اخبارك وأخبار الجامعه


شهد \ الجامعه أنتي تعرفين لأني معك بنفس الجامعه اما اخباري أنا فل وجوري وياسمين وعسل ياعسل


جنى \ الله الله كل هذا وش اللي مخليك رايقه هالكثر


شهد \ اخ انا مو رايقه انامبسوطه لقيت اللي أتمناه من سنين


جنى \ ومين اللي تتمنينه من سنين


قالت لها السالفه كلها وجنى قعدت تتريق عليها شوي


جنى \ المهم ودي أطلب طلب وقولي تم


شهد \ تم من الحين ومن حسن حظك اني رايقه


جنى \ الحمد لله المهم شرايك اليوم تجين عندي


شهد \ والبنات


جنى \ البنات ولا وحده فاضيه ومالقيت الا انتي


شهد \ ابشري من العصر بكون عندك ماطلبتي شي


جنى \ هههههه اوكي باي


سكرت وهي ميته على خبال شهد


مشعل \ الله الله مين اللي كنتي تكلمينها وخلاك تضحكين كل هالضحك


جنى \ وفي غيرها شهد المرجوجه


مشعل حس أن درجة الحراره أرتفعت ميه وسعين درجه وحس بتوتر من ذكرت اسمها


مشعل \ وانتي وشعندك داقه عليها


جنى \ بس كنت ابيها تجي عندي اليوم


مشعل \ وش قالت بتجي ولا لا


جنى \ وانت وشعليك بتقعد معنا


مشعل \ لا بس كنت ناوي أسوي فيك خير واشوف اذا كانت بتقعد طلعت من البيت بس على كلامك ماراح اطلع


جنى \ عادي بتنطق بالملحق رواحت سرعه لانه عارفه انه بيذبحها


<<<<<<<<<<<<<<<<<<


المغرب ببيت الجد محمد


الجده ساره \ يالله يمه الرجال صار له ساعه ينتظر وتركي مستعجل


أشواق \ يمه والله خايفه مابي أدخل


ندى \ أقول بلا دلع بنات لايروح الرجال من يدينك


أشواق \ طيب مين بيدخل معي


الجده ساره \ تركي معه الحين أدخلي


أشواق \ ياربي مالقيتو الا تركي بيقعد يتريق علي ويعلق


الجده ساره \ اقول بتدخلين والا نقول دور غيرنا


أشواق \ بدخل بدخل بس لاتعصبين


دخلت أشواق المجلس الكبير وهي ترتجف وحالتها حاله حتى مارفعت عيونها من الحيا وجلست بجنب تركي


تركي يبي يلطف الجو \ أشواق ما اخبرك حيويه لهالدرجه وين اللسان


أشواق بنفسها \ هين ياتريك التبن والله لاردها لك بعرسك


سلطان من دخلت أشواق وهو مانزل عينه منها عاجبته وخاصه اللون اللي لابسته


سلطان بصوته الللي يهز وبنظراته اللي تحرج \ مراحب اشواق ما ودك تورينا الزين


تركي \ ههههه لاتحرجها بدري على هالكلام


سلطان \ أي بدري هي خلتنا نصبر على الكلام الحلو


تركي \ والله زين ياسلطان باخذ منك كورسات اذا جيت أعرس


سلطان \ لا الكلام الحلو ماينقال الا للحليون


أشواق بنفسها \ اففف هذا من الحين كذا أجل بعد العرس وش بيسوي


أشواق \ عـ عن اذنكم أنا أستأذن


سلطان \ وين اشواق تو الناس


أشواق \ م ماعليه عن اذنك


سلطان \ اذنك معك الحين بخليك بس بعد الملكه سنترال عند بيتكم


تركي يستهبل \ اذا خليناك تشوفها


سلطان \ عادي اخطفها


أشواق طلعت بسرعه من الحيا وقعدوا يضحكون عليها


 
 
رد مع اقتباس
 
 
   
  #12  
قديم 09-04-2013, 01:16 AM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق غير متواجد حالياً

 
رواية صدمتي بحالي هزت كياني / كاملة




ام فهد \ اقول يابو فهد ودي افاتحك بموضوع


ابو فهد \ تفضلي قولي


ام فهد \ انت مو ملاحظ أن نواف هالايام دايما سرحان ومايقعد معنا دايما


ابو فهد \ عادي تلقين عنده مشاكل وخاصه ان هذا أخر ترم له ومثل ما انتي عارفه هو يبي يكون تجارته الخاصه


أم فهد \ ياليته على كذا


ابو فهد \ أجل وش ملاحظه


ام فهد \ انا ملاحظه انه من نجيب سالفة جنى يتوتر وما أدري وش يصير فيه


أبو فهد وبدا يتوتر \ شلون يعني


أم فهد \ ما ادري بس انا خايفه انه يتعلق بالبنت


ابو فهد \ والله ما ادري بس اكيد اذا كان ناوي على شي بيقول لنا


ام فهد \ الله يستر


شهد تكلم جنى عالجوال \ جنى ماودك تفتحين الباب لاني خست


جنى \ هههههه طيب الحين جايه


شهد \ بالله كل هذا عشان تفتحين الباب والله لوأني رايحه لبيت اميره


جنى \ احسن برد لك حركتك


شهد \ أي حركه


جنى تقلد صوت شهد \ من العصر وانا عندك واذن العشا ماجيتي


شهد \ شسوي مهند هو اللي اخرني


جنى \ هههههه يالله يالله جايه


<<<<<<<<<<<<<<<<<<


ندى \ هاه بشري


أشواق وجهها احمر \ ما اقول الا الله يصبرني


ندى بخوف \ ليش


أشواق \ جريييييييييييييئ


ندى \ ههههه شكله مخربها


قالتلها أشواق الساللفه كلها وماتت ندى عليها ضحك وراحت لبيتها لان عندها اختبار بالجامعه وماذكرت عشان اشواق


مشعل \ ياولد ياولد


جنى \ تغطي شكله مشعل


مشعل داخل وهو مرجع شعره على ورا ولابس بدله بنطلون جينز برمودا وقميص فخم وعليه كتابات من ورا


شهد انجنت على شكله واحتارت من نفسها اذا شافت هشام انجنت واذا شافت مشعل انهبلت


مشعل يوم شافها عرف انها شهد


الجده نوره \ تبي قهوه


مشعل \ لا ماعليه خذوا راحتكم انا مستعجل تبين شي يمه


الجده نور ه \ ابيك سالم وانتبه للطريق يمه


مشعل باس راس امه وطلع


جوري \ عمو عمو


مشعل وكان توه يطلع \ نعم ياعمتو


جوري \ أي الوح البعاله ( ابي اروح البقاله \)


مشعل كان يعيي بس يوم تذكر شهد قال ليش مااشتريلها يحاول يتقرب منها


مشعل \ يالله كم جوري عندي انا


<<<<<<<<<<<<<<<<<<<<<


تركي وبندر كانوا بيروحون لحاره قديمه يبون يوزعون صدقات على الناس الفقارى اللي فيها لان الجده ساهر تعرف لها كم وحده فقبره بهالحاره زدوكل شهر ترسل تركي وبندر او أي واحد من الشباب يوزع الصدقات


بندر \ تركي وقف عند هالبقاله


تركي \ وشعندك


بندر \ نفسي بهولستن رمان


تركي \ أنزل وجيب لي معك


بندر \ الفلوس


تركي \ اف روح جيبه وبرجع لك الحساب يالقعيطي


بنندر \ اوتسي ( اوكي بس بالنجدي )


<<<<<<<<<<<<<


بعالم ثاني ابو سامي مع سوزان


سوزان \ ازا بدك حبيبي أنا ما بجبرك


او سامي \ طيب الوالد كم الدين اللي عليه


سوزان \ خمسمية الف ريال


ابو سامي \ اوكي من بكره بكتب لكك شيك على خمسمية بي انتي لاتغلي بالك على الوالد وانشا الله ماراح يدخل السجن


سوزان \ تسلم لس والله يديمك فوق راسي يارب


<<<<<<<<<<<<<<<<<<<<<<<<<


تركي \ كان قاعد بالسياره ينتظر بندر يجيب الهولستن وفجأه سمع صوت بنت تستنجد فيه وتصارخ


البنت تطق شباك بندر وهي تصيح \ تكفى تكفى ساعدني والله بيذبحني والله


تركي يطالع بالبنت ومستغرب من اللي يشوفه وفجأه مالقى غير رجال ماسك بشعرها وساحبها معه هو ظنه واحد يبي ها أو بيخطفها لحقهم بالسياره وشافه يدخلها ببيت نفس وصف البيت اللي كل شهر يروحون له ويعطون اصحاب هالبيت صدقات <<< تركي أستغرب وقرر انه يسأل الجده ساره عن هالبنت وش قصتها لانه كل مره يجي فيها هالبيت يفتح له شاب عمره 19 أو 20


<<<<<<<<<<<<<<<<<<<<<<<<<<<<<<<<


بندر \ يابن اللذين وين رحت


تركي \ أدور بالسياره


بندر \ ياسلام وتتركني انتظرك ساعه


تركي \ احسن عشان تحس فيني اللله يقطع بليسك قاعد جوا وش تسوي انا لي ساعه انتظرك مو قلت بتجي هولستن وبيجي


ندر \ انت تعرفني ما طلع من بقاله الا لازم اعرف وش فيها بالتفصيل


تركي \ اركب اركب الله بعين زوجتك عليك بتجيب لها السكر والضغط من مصالتك


بندر \ لا هين زوجتي غير الحين أي بيت باقي لنا


تركي \ ولا بيت وزعت الصدقات وجيتك


<<<<<<<<<<<<<<<<<<<<<<<<<<<<<<<<<


سوزان \ ايه سامر راح تكول المصاري عندك بكره الصبح بس انت لاتاكل هم


سامر \ تتتحكي عن جد


سوزان \ أي عن جد وبدياك تصبر كم شهر علي وتلاقي عندك ملايين


سامر \ تسلمي وعن جد ماراح يطلع من ابو سامي المصاري غيرك


سوزان \ اوكي هلا انا مضطره سكر باي


سامر \ باي


<<<<<<<<<<<<<<<<<<<<<<<<<


حسام \ هاه ابو سليط بشر عساها قد المقام


سلطان \ والله ياشباب تطيح الطير من السما لو تشوفونها تدوخون عليها بشره وبياض ماعمري شفت زيها


يزيد يغمز \ معقوله ماعمرك شفت زيها يعني ولا احد من اللي خبرك زيها


سلطان \ أكذب اذا قلت فيه زيها منهم لا ولابسه فوشي وتحت الركبه ياشيخ زين اللي مالقطتها من بيت اهلها


ماجد \ وربي حمستني اشوفها


سلطان بخبث \ قريب قريب بتشوفها


<<<<<<<<<<<<<<<<<<<<<<<<<<<<<<<<<


ام فهد \ يمه ندى ودي أطلب منك طلب


ندى \ امري يمه


أم فهد \ ودي تتكلمين مع نوا


ندى بخوف \ ليش يمه خير انشاالله نواف فيه شي


ام فهد \ لا مافيه الا العافيه بس هالايام ملاحظته متغير وماعاد يقعد معنا زي اول وأنتي عارفه نواف مايخبي عنك شي ودي تسولفين معه وتسحبين منه الحكي


ندى \ ابشري ياام فهد ماطلبتي اليوم من يرجع بستلمه وبشوف وش فيه


أم فهد \ بارك الله فيك يابنيتي خلاص اجل الحين بنوم وانا مرتاحه


ندى بحنان \ نامي ولاتفكرين بشي


<<<<<<<<<<<<<<<<<<<<<<<<<


راكان ونواف بمقهى بالتحليه ويسولفون طبعا نواف مايخبي شي عن راكان وراكان نفس الشي لانهم بعمر بعض وكل اسرارهم لبعض


راكان \ نواف شفيك هالايام ملاحظ أنك مو طبيعي ودايما سرحان


نواف \ لا مافيني شي


راكان \ أي مافيك شي انا صديق عمرك ولد عمك واسرارنا كلها لبعض وأعرفك اكثر من نفسي


نواف \ والله ما أدري وش اقولك


راكان \ تكلم وصدقني سرك ببير وماراح يطلع


نواف \ تعلمني فيك ياراكان انا مو خايف انك تطلع السر لان عمرك ماطلعت لي سر بس أنا خايف من ردة فعلك بالموضوع


راكان \ تكلم يانواف ولاتخاف مني انا مو أبوك ولاأمك


نواف \ بصراحه أنا شايف بنت ومن شفتها وأنا ماغمضت لي عين وأغار لما أي أحد يتكلم عنها أحس أنها ملكي أنا وبصراحه ودي أفاتح أمي بالموضوع ودي تحجزها لي لين ما أخلص هالترم وااسس نفسي بس خايف أن البنت ماتفكر فيني


راكان \ طيب هالبنت نعرفها


نواف \ ايه نعرفها ونعرفها زين بعد


راكان \ من هي


نواف \ جنى بنت فيصل


راكان \ جنى ماغيرها ومتى شفتها


قاله نواف السالفه كلها وقاله أن شافها المزرعه ون عقبها وهو ميت عليها


راكان \ طيب اذذا أنت خايف أن البنت ماتفكر فيك فاتح خواتك بالموضوع وخلهم يجسون النبض عندها انت عارف ان البنات علاقتهم معها قويه


نواف \ بس انا خايف تكون ماتفكر فيني وأتحطم


راكان \ شوف يانواف أنت كذا ولاكذا راح تعرف ردة فعلها فلذلك فاتحها بالموضوع من الحين قبل لاتطير منك


نواف \ يصيرخير وش تبي تشرب


راكان \ هههههههه


نواف \ وش فيك


راكان \ لانك تطلع من موضوع وتدخل بالثاني بدون سابق انذار


نواف \ ههههههههه


<<<<<<<<<<<<<<<<<<<<<<<


العنود \ ايه لا لا قولوا لهم أن البنت صغيره


الجده نوره \ ايه البنت توها ومو بعمر زواج


فيصل \ وليش حرام عليكم تقطعون رزق البنت والبنت مو صغيره سنها مناسب للزواج


العنود \ فيصل انت عارف كل شي وماله داعي اقولك


فيصل \ براحتك


جنى جايها واحد يبي يتزوجها تاجر معروف ولد كبار التجار والعنود والجده نوره معارضين لاسباب بعدين تعرفونها مع أحداث القصه



<<<<<<<<<<<<<<<<<<<<<<<<<<<<<<<<<<<<<<<


تتوقعون ايش الهدف من خطبة سلطان لأشواق وأيش الوعد اللي واعد فيه أصحابه لما يتزوجها؟؟


مين سامر وايش يصير لسوزان وايش هدف سوزان من أنها تكذب على ابو سامي وتقول أن أبوها مديون ؟


ايش سبب توتر أم فهد لما عرفت أنه نواف بدا يميل لجنى بشكل كبير وملحوظ مع أن جنى الف مين يتمناها ؟؟


هشام ومشعل تتوقعون شهد لمين تميل أكثر لهشام اللي يملك ملامح فارس الاحلام اللي تحلم فيها ولا مشعل اللي من تشوفه ماتحس الا بدوخه وشي يجذبها له ؟


ايش سبب رفض العنود والجده نوره للشاب المتقدم لجنى بدون مايشاورونها وايش الشي اللي يعرفه فيصل وماتبي تفتحه مره ثانيه وهل بيقدر العم فيصل يقنعهم رغم العذر اللي يتكلمون عنه ؟؟


ايش قصة البنت اللي شافها تركي ومين اللي كان يضربها وش كان يبي فيها ؟


ببيت الجده ساره


تركي \ يمه ودي اسألك سؤال


الجده ساره \ اسأل أحد ماسكك


تركي \ تذكرين البيت اللي مرسلتني له أنا وبندر من كم يوم


الجده ساره \ ايه بيت ام يوسف عسى ماشر فيهم شي


تركي \ لا لا مافيهم شي بس هم عندهم مشاكل


الجده ساره \ ليش انت ملاحظ شي ؟؟


تركي بتوتر \ هاه لا بس الولد اللي فتح لي دايما كئيب وحزين حتى مايفرح بالصدقات اللي نجيبها هم عندهم مرة أبو ولا أحد يعذبهم


الجده ساره \ ايه ياوليدي الله يخلف على هالعايله


تركي \ ليش يمه ؟؟


الجده ساره \ هالعايله ماضيعهم الا ابوهم


تركي متعجب \ ابوهم ليش وش سالفته ؟


الجده ساره \ ابوهم كان يشتغل بوظيفه زينه وعايشين حياة مافيه أحلا منها بس أبوهم تعرف على واحد وانخدع فيه وصار من أعز أصدقائه ومع الايام صار هالرجال يودي أبوهم شقق خراب وفساد كلها بنات وشرب وسكير وتعود الابو على هالمكان وصار يشرب ويسكر ويلعب قمار لحد ماتوهق بالديون وصار مايروح لشغله ويطنشه وبالنهايه طردوه وصار يهدد زوجته اذا ماعطته فلوس أو أي شي يبيه ببنتها اللي هي بنته


تركي متحمس \ بنته وش يهددها بأيش


الجده ساره \ يهددها أنه راح ياخذ بنته على هالمكان ويربح من وراها فلوس أعتقد فهمت وش يسون هناك


تركي \ معقوله يمه في ابو يرضى على بنته بالحرام


الجده ساره \ تحمد ياوليدي فيه ناس كثير مايخافون ربهم ومايهمهم غير نفسهم


تركي \ يعني البنت كانت تروح هناك احيانا


الجدده ساره \ لا ياوليدي كانت أمها توزيها عند الجيران ويقعد الابو يحوس عليها ويقلب الدنيا على راس الام المسيكينه وفي النهايه يفقد ويروح الشقه بدونها ويرجع سكران وناسي كل شي


تركي \ الله يعينهم ويهدي ابوهم يالله يمه انا أستأذن بروح أنام وقوميني العصر


الجده ساره \ انشاالله


<<<<<<<<<<<<<<<<<<<<<<<<<<<<<<<


الجده ساره \ ايه ماشاالله البنيه تهبل والف من يتمناها طيب هي وافقت


أم فهد \ ايه وليش ماتوافق ماشاالله اللي ماخذها من عايله معروفه ووظيفته زينه


الجده ساره \ والله جنى تستاهل ماشااللله باره بأمها وأهلها وسنعه الا هو يعرفها من أقاربها


أم فهد \ ايه يقربلها لا ويحبون بعض من زمان خاطبها يوم عمرها 15


الجده ساره \ ماشا الله أجل حاجزها من زمان


أم فهد \ الله لايلومه البنت تلفت


معقوله معقوله جنى تكون لغيري كله مني انا اللي ماتكلمت ولاقلت ابيها ليش يانواف ليش حظك كذا هذي اللي تحبها ضاعت منك وماعاد في أمل ترجع بس الظاهر هي مافكرت فيني انا اللي لعبت على نفسي وتوهمت أنها تحبني بالنهايه تصير عايشه قصة حب مع واحد غيري ليش ياجنى ليش تعلقيني فيك حبيتك ومستعد أهديك عمري وروحي وفي النهايه تروحين لغيري بس واللي خلقني ماراح تكونين لغيري <<< وفجأه انتبه لصوت أمه اللي تناديه


أم فهد \ تعال يمه نواف تعال تقهوى معي وراك واقف


نواف وباين الهم وضيقة الصدر \ لا ماعليه يمه أنا طالع بروح النادي


أم فهد \ طيب فنجال واحد من زمان ماتقهويت معي


نواف \ خلاص يمه مابي وراح بسرعه بدون مايسمع ردها


أم فهد \ والله هالولد ما أدري وش فيه متغير وحالته حاله الله يهديه ويصلحه


<<<<<<<<<<<<<<<<<<<<<<<<<<<<<<<<<<<<<<<<<


سامي \ مع السلامه والله يوفقك


يعقوب صديق سامي كويتي \ مع السلامه وعاد مو تنسى زورني هني مو تنساني


سامي \ ولو يالغالي مو أنا اللي أنسى الغالين


يعقوب \ هذا العشم فيك يابو أحمد


سامي \ الله يسلمك


حضنوا بعض ويعقوب وصل سامي المطار وكل واحد قعد يوصي الثاني على نفسه ويعقوب ماترك سامي قبل مايوعده أنه يزوره وماينساه


<<<<<<<<<<<<<<<<<<<<<<<<<<<<<


نواف \ راكان أنت وينك فيه


راكان \ سلم طيب أسأل عن الاحوال


نواف \ تكفى سامي ماني فاضي لك وقولي وينك الحين


راكان \ أنا بالبيت


نواف \ أوكي خليك جاهز بمرك


راكان \ لحظه طيب قولي فيك شي بس مالقى جواب لان نواف سكر الخط


<<<<<<<<<<<<<


جنى \ ههههههههههه وانتي أخبارك وأخبار أمي


غيدا \ كلنا بخير الحمد لله وانتي أخبارك وأخبار الاخوال وامك وامي نوره وابوي متعب


جنى \ ههههه شوي شوي صبر


جوري تسحب السماعه من جنى لما عرفت أنها تكلم غيدا \ بتلم عيدا ( بكلم غيدا )


جنى معصبه \ جوري وخري


غيدا \ مين هذي جوري


جنى \ ايه جوري العله تبي تكلمك


غيدا \ طيب عطيني اياها والله انها توسع الصدر أكثر منك


جنى \ هئئئئئ هين يالجحده خذيها بس لاتنتظريني أكلمك


غيدا \ لحظه أستهبل تكفين لاتوهقيني معها


جنى بخبث \ مو أنتي طلبتيها خذيها وأعلقي معها عاد تعرفين اختي وبربرتها


جنى عطت السماعه جوري وتركتها هي وغيدا وبالاخير طفشت غيدا من جوري وسكرت الخط


<<<<<<<<<<<<<<<<<<<<<<<<<<<<<<<<<<<<<<<


راكان \ نواف هذا أحنا وصلنا المقهى قولي وش عندك


نواف بحزن \ انخطبت ياراكان أنخطبت


راكان مصدوم \ مين لايكون ---


نواف \ ايه ياراكان جنى راحت راحت بعد ماعلقتني فيها


راكان \ ومين قالك أنها أنخطبت


نواف \ اليوم سمعت أمي تكلم أمي ساره وتبشرها تقولها ان جنى انخطبت وهي وافقت


راكان \ طيب يمكن ماتكون جنى بنت عمي فيصل


نواف \ ليش في جنى غيرها


راكان \ في مليون جنى مو شرط تكون جنى بنت عمي فيصل وبعدين لو جنى فعلا مخطوبه كان اول من ينشر الخبر البنات وانت عارف أن جنى ماتخبي عنهم شي


نواف \ راكان لاتقعد تواسيني بهالحكي من مكالمة أمي اليوم تأكدت انها جنى بنت عمي فيصل


راكان \ طيب واذا كانت جنى في الف وحده غيرها أنت ليش معقد المسأله


نواف \ ليش وأنت تشوف أنه شي عادي أن جنى تنخطب وتروح مني تعرف ليش أنت تقول هالحكي لانك ماجربت تحب من قبل


راكان يتطنز \ ياشيخ أي حب وأي خرابيط أنت ماشفتها غير مره وصرت خبير حب


نواف \ ركون أنا جايبك هنا تواسيني مو تتشمت فيني


راكان بنفاذ صبر \ لاحول اذا واسيناك ماعجبك واذا قلنا لك الحقيقه ماعجبك وش تبي أسوي لك


نواف \ شوف أبيك تسحب الحكي من أمك وتشوف اذا كانت مخطوبه ولا لا


راكان \ وليش ماتاخذ من ريما أتوقع بيكون عندها خبر


نواف \ أنت عارف ريما اذا سألتها بتقعد تمسكني الا أقولها ليش سألت وانا مانيب فاضي لها وللقافتها يمكن أعطيها كف يطيرها


راكان \ هههههه طيب طيب أنت روق وهدي بالك وانشاالله الخبر بكره يكون عندك


نواف \ اكيد


راكان \ اكيدين << يالله عاد ماودك تطلب لنا شي من الصبح وانا ودي اقولك بس شفتك مفتح المناخير ومعصب خفت يجي يومي ويكتوبوني من وفيات اليوم


نواف \ هههههه شدعوه ابو خالد يالله قول شتبي


<<<<<<<<<<<<<<<<<<<<<<<<<<<


وصل الرياض وكان مشتاق لحرها وغبارها مشتاق لأمه اللي تحمل أكبر قلب بالدنيا وأكثر ام حنونه بالدنيا ومشتاق لأبوه رغم عصبيته ولنوره أخته الغاليه المرجوجه اللي البيت بدون خبالها مايسوى شي ومشتاق لريناد مع أنه مالها صوت بس سكوتها له طعم بالبيت


ومشتاق لامه ساره وجمعت الشباب وهبالهم عليها وأخذ ثانيه يتذكر كم مره طردتهم من البيت لانهم هبلوا فيها وجا على باله عيال عمه<< فهد اللي يعتبرونه أخوهم الكبير وعبد العزيز اللي مهما كان وصار مستحيل ينسونه أو يتخلون عنه ولنواف اللي له طعم ثاني وقعد يتذكر مواقف نواف والبنات اللي يلاحقونه لما يشوفونه بأي مكان لان جماله ملفت وتذكر لما مره قعدوا يتريقون عليه وماعاد كلمهم مده طويله وراضوه بحفله محترمه بالمزرعه وتذكر طلال وكسالته المشهوره بالعايله وتذكر أبو فهد وتهزيئه لطلال قدامهم لما كان بأولى ثانوي وصاروا يلقبونه عبقرينو يستهبلون عليه وتذكر راكان اللي بايع الدنيا واخر شي يجي عليه أنه يفكر بشي يعكر مزاجه وتذكر انهم كانوا يلقبونه المفهي وتذكر عمه تركي اللي كانوا يعتبرونه أخو قبل مايكون عم وكيف كان وجوده بجلساتهم له طعم ثاني لدرجة انه مره سافر مع الجد محمد اسبوعين قلة أجتماعاتهم مع بعض تذكر مشعل وغلاته بقلوبهم على أنه ولد جار الا أنه كأنه واحد من عيال عمه ولو حد يقول مشعل ولد الجيران ماراح يعرفونه لأنه زي ولد عمهم وتذكر بنات عمه وهبالهم لما كانوا صغار وعمانه وابوه محمد وابو متعب والجده نوره وفيصل والكل وفجأه مالق
ى نفسه الا قدام بيتهم


سامي \ غريبه مين اللي مع ابوي


التاكسي \ يكلم انا بابا


سامي \ لا لا كم الحساب


التاكسي \ عشره


سامي \ عطاه الحساب وشكره


أبو سامي كان بيطلع شنطة سوزان من الشنطه لانهم قرروا يعيشون مع ام سامي بالبيت بتخطيط من سزوان ولما رفع عينه شاف واحد غالي وعزيز عليه واحد وين ماراح وين ماكان بتظل مكانته بقلب أبوه واحد كان مشتاق من زمان وماشافه من سنه


ابو سامي \ سامي


سامي راح ركض لابوه وحضنه وسلم عليه


سامي \ اخبارك يالغالي وأخبار الوالده وخواتي والاهل انشاالله بخير


أبو سامي \ هههه كلنا بخير وبصحه وعافيه وماناقصنا غيرك أنت شلونك شلون دراستك انشالله انتهت


سامي \ ابشرك يبه رجعت ومعي الشهاده والحمد لله مافيه غربه ولاهم


ابو سامي \ الحمد لله أمك بتستانس فيك


سامي \ والله مشتاق لها ولطبخها


ابو سامي \ ههههه هذا اللي هامك طيب ليش ماقلت لها عشان تجي وتشوف أشكال وأصناف من الاكل اللي تحبه


سامي \ لاحقين عالاكل أنا نفسي افاجئها


ابو سامي مسك ولده مع كتفه \ طيب يله روح سلم عليها


سامي طاحت عينه على سوزان \ الا يبه مين هذي


ابو سامي بتوتر \ هـ هذي اذا دخلت البيت أقولك


سوزان بكل جرأه ووقاحه \ شو سامي مابدك تسلم على امك التانيه


سامي منصدم \ اامي الثانيه بعدين التفت على ابوه بسرعه


سامي \ يبه وين امي


ابو سامي وموقادر يحط بعين ولده \ اامك


سامي بنفاد صبر \ وشو يبه أمي فيها شي صار لها شي وبدون ماينتظر رد ابوه راح يركض البيت يتطمن على أمه


ابو سامي \ سوزان مالقيتي طريقه تعرفينه بنفسك غير بهالطريقه


سوزان \ يالله وانا شو قلت << قول للخدم يجيبوا الشناتي عالبيت


<<<<<<<<<<<<<<<<<<<<<<<<<<<<


سامي دخل البيت وهو خايف مايلاقي أمه أو يسمع خبر مايسر عنها بس شاف نوره وريناد يتضاربون عالريموت كالعاده ماتغيروا والبيت مثل ماهو ومافي شي تغير أجل وين أمي وفجأه لقى وحده بحظنه وتبكي والثانيه تطالع فيه ومو مصدقه


ريناد تبكي \ سامي أشتقنالك وينك من زمان


سامي وباين أنه مشتاق \ الظاهر أنك الى الان دلوعه يارنو


ريناد \ والله اشتقتلك مافي أحد يحكي معي ويلعب معي مثلك


نوره راحت لأخوها وحضنته وقعدت تبكي \ والله أشتقنالك يالغالي وينك لاتتصل ولاتطمن بالشهور الاخيره


سامي يسوي نفسه يبكي \ اهئ اهئ ترا والله أبكي


نوره \ الى الان على هبالك ماغيرتك الغربه


سامي \ ههههههه لا ماغيرتني (بعدين تغيرت ملامح وجهه) انتم قولوا لي أخباركم بدوني


نوره \ ماشي الحال بس البيت بدونك مايسوى


سامي \ الله يسلمك الا وين أمي


نوره \ أمي بغرفتها بقوم ابشرها أنك جيت


سامي \ لالا خليني أنا بفاجئها


نوره حطت يدها على خصرها \ ياسلام وتروح علي البشاره


سامي \ والله يانوره هذا أنتي ماتغيرتي بس ولايهمك خليني أفاجئها ولك البشاره


<<<<<<<<<<<<<<<<<<<<<<<<<<<<<


شهد ماسكه يد أخوها لايطلع \ تكفى مهند جيبلي من باسكن روبنز بعدين روح


مهند \ شهد لاتصيرين زي البزران خلاص قلتلك وانا جاي من الشباب بمر وباخذ لك


شهد مبرطمه \ خلاص لاتجيب لي مابي سديت نفسي لي ساعه أترجاك والله لو كنت قايله ودني مطعم ( وراحت غرفتها زعلانه لانها ماتعودت مهند يرفض لها طلب)


مهند \ براحتك وطلع


هشام وتوه راجع للبيت وقابل مهند عند الباب \ وين وين شفيك معصب وحالتك حاله


مهند \ ياخي تصدق توني اعرف ان البنات نشبه وزعولات


هشام \ هههه لاياشيخ ووش اللي خلاك تكتشف الحين


مهند \ تو شهد عيت تخليني أطلع الا أجيبلها من باسكن روبنز


هشام \ طيب ليش ماتجيب لها


مهند \ مستعجل بروح للشباب قلتلها بجيب لك وانا راجع زعلت وماعاد تبي بس الشرهه علي معودها من تطلب طلب تلاقيه عندها


هشام بنفسه \ يحقلها تدلع مو هي الزين كله


مهند \ اقول هشام ليش ماتروح معي منها تتعرف عالشله وتشوف عيال خوالي ومنها توسع صدرك


هشام \ لاتكفى توني راجع أحوس من شارع لشارع ادور بيت وتعبان باخذ لي دش وأنام


مهند \ براحتك يالله باي

 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة








الساعة الآن 02:48 AM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net