صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة






الرجاء استخدام خاصية البحث أدناه للبحث في الموقع:









إضافة رد
 
أدوات الموضوع إبحث في الموضوع انواع عرض الموضوع
  #5  
قديم 04-04-2016, 09:05 PM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
جوهرة تركي الثمينة



أم طلال: صح النوووم ..
جوهرة ببتسامة بهاته: صح بدنك ..
أم طلال: حبيبتي قومي صلي العصر ..
جوهرة: يــــوه تأخرت على صلاة ، يارب أنك تسامحني ..
دخلت الحمام " الله يعزكم " توضت وخرجت من الحمام " الله يعزكم " ولبست جلال صلاة ، وصلت العصر ..

ماهي إلا ثواني ، ويرن الجرس ..

الخادمة فتحت الباب ..
تركي: هذا بيت جوهرة ..
الخادمة: ايه بابا ..
أم طلال: مين يا حليمة ..
الخادمة حليمة: هذا رجال واحد ..
أم طلال: أبو طلال حليمة ، تقول في رجال ..
أبو طلال: زين خلاص روحي ، وسوي القهوة ..
أم طلال: إن شاء الله ..

أبو طلال: تفضل حياك ..
تركي ببتسامة: الله يبقيك وجلس ، عظم الله أجرك على أبو جوهرة ..
أبو طلال: جزاك الله خير ، وصب له القهوة ، سم ..
تركي: سم الله عدوك ، أنتَ أكيد تقرب للجوهرة ..
أبو طلال وهو مستغرب منه: ايه أنا أبوها (( بس من الرضاعة )) ..
تركي: أهااا ، بصراحة أنا جيت هنا عشان أخطب بنتكم جوهرة ..
أبو طلال ببتسامة: ممكن اسأل سؤال ؟؟؟
تركي: أكيد راح تقول ؟؟ وش عرفني بها ؟؟؟
أبو طلال: عليك نور ..
تركي: بصراحة شفتها بالصدفة ، وأتمنى أسمع رأيها ..
أبو طلال: زين ، أبوك ليش ما جاء معك ..
تركي نزل راسه: أبوي توفى ، وأمي للأسف مسافرة ..
أبو طلال قرب من عنده: اعتبرني بمقام الوالد ..
تركي رفع راسه وهو مبتسم: والله أنك مثله ، أشوفك على خير ..
أبو طلال: أفااااااا ، ماعندنا ضيوف بدون عشا ..
تركي: لا تكفى يبه >> ظهرت عفوية .. ، والله شوي مشغول ..
أبو طلال: لا تتحجج ببتعشاء يعني بتتعشا ..
تركي ببتسامة: أمرنا لله ، واتصل على ياسر ..
ياسر المسؤؤل عن الأجتماعات: هلا طال عمرك ..
تركي: اليوم ألغي كل شي ..
ياسر: تأمر طال عمرك ..

بعد العشا ..
" عند جوهرة "
جوهرة: يمه ، تبين مني شي ..
أم طلال: لاحبيبتي ، سلامتك ..
جوهرة ببتسامة: الله يسلمك ..
خرجت جوهرة للحوش إلا ، وتنصدم بشخص ..
أنفها يألمها: آييييييي ..
تركي(( آآآآآآآآه وش حلوك ياجوهرة )): اوووووووووه ، آسف ما انتبهت عليك ..
جوهرة رفعت راسها وانصدمت: أنت أنت ، وش وش تبي تبي فيني >> من صدمة تتكلم كلمة كلمة ، الله يخليك ابعد عني ودموعها نزلت ابعد عني ، أنا أنا .... وراحت بنوبة بكاء أكبر ، وأكبر ..
تركي ماتوقع بس الحين فهمها (( على بالها أخوه مشعل )) ماقدر يشوف دموعها الغالية عليه حيل ، ضمها لصدره وقال بصوت حنون: لا تبكين يالغلا ، أنا تركي مو مشعل ، لا تخافين ..
جوهرة مازالت على حالة صدمة وقلبها يتراخي وينبض بسرعة لدرجة سمعها تركي انهارت ماهي قدراة تستحمل فقد أبوها: أنت كنت تبي تضيع شرفي .. بس والله أنا شريفة ، مو ذنبي اني رحت ويا عمتي فوزية ، هي من كنت أنا صغيرة تحقد علي وتدعي على أمي بالموت ، أمي أمي اللي تركنتي وراااحت ، ما أشوفها إلا بالصور ، ليش كل البنات دوووم يكونوا مبسوطات ، وأنا دووووم حزينة .. ليـــــــــش ؟؟؟؟
تركي يهدأ فيها وعرف شعورها لأنه جربه بس مو أكثر منها: لاتبكين حبيبتي ، وبعدين في مفجأة وأتمنى أنها راح تعجبك وطبع بوسة وأختفى ..

أما جوهرة تذكرت عيون تركي اللي لونها عسلي فاتح ، وتوها تستوعب اللي كان بإحضانها تركي ، وفشيلتك يا جوهرة ، أكيد يقول لي البنت مفسخه الحيا ، دخلت البيت ..

أبو طلال: جوهرة جوهرة ، وينك حبيبتي ؟؟؟
جوهرة: هلا يبه ..
أبو طلال: قربي وأنا أبوك ..
جوهرة باست راسه ، وجلست بجنبه: هلا يبه ..
أبو طلال: أنتِ ما شاء الله عليك كبرتي ، وصرتي عروسة ، والبنت مصيرها ببيت زوجها ، واحد تقدم لك ، مابي اسمع رأيك الحين ، إلا بعد ماتفكرين عدل بالموضوع ...



 
 
رد مع اقتباس
 
 
   
  #6  
قديم 04-04-2016, 09:05 PM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
جوهرة تركي الثمينة



أبو طلال: ليش مستحيل ، يابنتي رجال مايعيبه شي ، وهو ما شاء الله ولد أجاويد ، وبصراحة يابنتي أنا بسأله عنه ، وبشوفه ..
جوهرة: يبه الله خليك ، قلت لك مابي اتزوج ..
أبو طلال: يابنتي ، صديقني لو أبوك عايش ، كان راح يفرح لك أكثر مني ...
جوهرة بخجل: ومين هو هذا ؟؟؟
أبو طلال: هذا تركي بن مساعد .....
جوهرة منصدمة: تركي ، وتوها تتذكر كلامه ، ورقت فوق بغرفتها ..
أبو طلال: يا أم طلال روحي وياها ..
أم طلال: يا أبو طلال ، لاتغضط على البنيه ، خلها الحين بروحها ، وبعدين نروح لها ..
أبو طلال: الله يوفقها ..
أم طلال: آمـــــين ...


مر على هالكلام اسبوع ..

جوهرة جوالها يرن: ياهلا والله ..
طلال: هلا والله باللي ماتدق علي ابد ..
جوهرة: اوووووه سماحني ، بس وربي كنتِ مشغولة بحوسة الإختبارات ، ولا قدرت أدق عليك ..
طلال: مسموحه يالغالية ، وشلونك وشلون أمي وأبوي ؟؟؟
جوهرة: كلنا بخير يالغالي ، يالله متى بترجع لنا ..
طلال: إن شاء الله سنة الجاية ..
جوهرة: الله يوفقك حبيبي ..
طلال: ويــــــه ، إلا أقول جوهرة ، وشلون شروق ؟؟؟
جوهرة: أهااا ، قلت لي شروق ، ايه بخير ..
طلال: جوهرة حبيبتي وش فيك ؟؟؟
جوهرة: سلامتك ، يالله حبيبي أنت لازم تبذل كل مافي جهدك عشان تصير دكتور ..
طلال: أدري يالغلا ، مبروك عالنسبة اللي تبيض الوجه ..
جوهرة: نســـبة ، ايت نسبة ...
طلال: ما شاء الله ماتدرين كم جبيتي نسبتك ، لا صدق أنك دافورة ، تراك جبتي 1% ..
جوهرة بفرح: صدق ..
طلال: ايه ..
جوهرة ببتسامة: الله يبشرك بالخير ..
طلال: يالله حبيبتي ما اطول عليك ، فمان الله ..
جوهرة: فمان الكريم ...
من الفرحة نزلت تحت عند أبوها ، وأمها ..
جوهرة ببتسامة: يبه يمه نجحت ، ما صدق ، يعني أنا بروح الجامعة ..
أم طلال: هههههههههههه ، إن شاء الله ..
أبو طلال بجدية: جوهرة مافكرتي بالموضوع ..
جوهرة بخجل: ايه يبه ، إلا تشوفه وهربت فوق لغرفتها ..

أبو طلال اتصل على تركي ..

تركي توه خارج من الإجتماع المتعب: هلا والله بأبوي ..
أبو طلال: هلا والله باللي يأخذ بنتي ..
تركي من الفرحة بانت غمزاته: صدق ، وافقت علي ظاهر أني أحلم ..
أبو طلال: لالا أقول انتبه على روحك ، لاتسوي شي وتبلشنا هههههههه ..
تركي: دوووم يايبه ، مافي مفر حتى لو كنت عمي بناديك يبه ..
أبو طلال: والله أنك مثل ولدي طلال وزود بعد ..
تركي: يبه ، مايصير اتغدا وياكم ..
أبو طلال: الله يحيك يا ولدي ..
تركي: لا وشدعوة اجيك هالحزه ، بوقت ثاني إن شاء الله ..
أبو طلال: على راحتك ، فمان الله ..
تركي: فمان الكريم ..

اليوم ثاني ..

سمعت الجرس يررررن بشكل مزعج ، فتحت الباب وحضنته: طـــــــــــــــــــــــــــلال ..
طلال بضحكة: مفجأة حلوة ..
جوهرة: أحلى مفجأة ..
طلال بزعل: جوهرة مو كأنك نحافنه ..


 
 
رد مع اقتباس
 
 
   
  #7  
قديم 04-04-2016, 09:05 PM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
جوهرة تركي الثمينة



طلال: أمي ، وأبوي ماهم في البيت ، وينهم ؟؟؟
أم طلال: يا جوهرة من على الباب ، وقفت تبي تستوعب أنها تشوف ولدها ..
طلال على طول حضنها ..
أم طلال بكت ..

جوهرة يوم شافت هالمنظر انسحبت ودموعها على وشك الهطوول ، المنظر ذكرها بأبوها اللي دوووم تحضنه ، لكن لا ابوها ولا حضنه موجود ، مسحت دمعة يتيمة ..
طلال: يمه ابو جوهرة وينه أبي اسلم عليه ..
أم طلال: حمد أبو جوهرة ، عطاك عمره ..
طلال انصدم: شنو وش اللي تقولينه يمه ؟؟؟
أم طلال: له اسبوعين ، وهو متوفي ..
طلال: وجوهرة ، وتذكر البارحة مكالمتها صوتها كان واضح انه تعبان ، ترك شنطة سفر ، وجر رجوله لغرفة أخته ، وشافها بمنظر يقطع قلبه تقطيـــــــــع ، كانت حاضنه رجولها ومنزله راسها وشعرها متناثر حضنها: جوهرة حبيبتي هدي عمرك ..
جوهرة تبكي وتتشاهق: مو قدراه ، ابوي له اسبوعين متوفي وأنا اشتقت له ابيه طلال ابيه ..
طلال قرأ عليها شوي من الآيات شوي إلا وهي نايمه ، سدحها بسريرها وغاطها بلحاف ، وباس جبهتها وخرج من غرفته ، وهو حزين على حالة أخته .. راح لأمه وباس راسها ويدها: يمه احكي لي عن كل شي صار بغيابي ..
أم طلال حكت له عن كل شي ، وحتى قالت له واحد خطب أختك ..
طلال انصدم: لا يكون وافقت ..
أم طلال: ياولدي ، رجال ماينرد حسب ونسب وجاه ويكفي أخلاقه ابوك سأل عنه ، وكل واحد يذكره بالخير ..
طلال: ومين هذا ؟؟
أم طلال: تركي بن مساعد الفصيل ..
طلال بفرح: صدق يمه ..
أم طلال: ايه ، وأنا أمك ..

انتهى البارت الأول (( الفصل 2 ))

-------------------------------
البــــــــــــــ الأول (( الفصل 3 )) والأخير ـــــــــــــــارت


مدخل:تعبت أشكي تعبت أبكي تعبت أحكي مآسي الروح . .
قتلني الوقت بصروفه ذبحني وجفف نهاري . .
أخبي علتي وأسكت وأنا في داخلي مذبوح . .
أجامل وأرسم الضحكه وأنا قلبي على ناري . .
أحاول والله يعلم بي أداري دمعتي لا أبوح . .
أداري الجرح وأتجاهل عن اللي ينشد أخباري . .
أقول بخير لكني جريح وفي حشاي جروح . .
صداها لو دفنته يوم يبين سنين بأنظاري . .
صرخت بحسرتي يكفي صرخت بصوتي المبحوح . .
ألا ياوقت وش ذنبي عشان الفيك باعذاري . .
تبعثر حلمي قدامي وغديت بدنيتي منزوح . .
وقفت ولا قدرت أجمع مغير مشتته أفكاري . .
أمني النفس وأخدعها وأقول إن كربتي بتروح . .
وهي والله مولوده قدر فأرحام أقداري . .
قتيل والبقا براسي في دنيا مابها مصلوح . .]
قتيل والقهر قاتل من اللي ياخذ بثاري . .
أبا ببقى ضحية وقت أعاني والعنا مجروح . .
دعيت اللي خلق يرحم رجيته ربي الباري . .
أبي أسعد أنا بلحظه قبل نزعه توافي الروح . .
قبل مارحل عن الدنيا وأروح لاخر دياري . .
أنا بحمل صديد الجرح في باقي وقتي المسموح . .
وإذا وافتني القدره ترى هالبيت تذكاري . .
رثاني دمعي الطاهر في صمته مارضي بالنوح . .
رثتني قسوة الدنيا ورثتني حتى أشعاري . .
وجزت اللي ذبح قلبي وعشته بالخفا مشروح . .
لجل ماضعف بعين اللي نشدني كيفها أخباري . .


" بفيلة أبو تركي "

أم تركي: وشلون يعني بعد بكرة ملكتك ؟؟؟
تركي يتنهد: يمه ، أنتِ توك راده من سفر ، حبيت أخبرك قبل ما تنامين ..



 
 
رد مع اقتباس
 
 
   
  #8  
قديم 04-04-2016, 09:06 PM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
جوهرة تركي الثمينة



تركي بعصبية: يمه ، وشلون تخطبينها وهي مثل أختي ، شروق * ..

ترى ماهي صديقة جوهرة ، صديقة جوهرة ، شروق ..
أما شروق*: هذااي أخت تركي ، ومشعل >> فهمتوا علي ..

شروق*: ونجود اللي تحبك ..
تركي بعصبية: تحبني ، ما تحبيني ، المهم بعد بكره ملكتي ، راح وتركهم ..
أم تركي: لاااااا هذا اللي بجنني ، وش حلوها بنت أختي ، يبدها ببنت الفقر ..
مشعل: يمه ، تركي يعتبرها أخت مو زوجة ..
أم تركي: ما راح يأخذها ..

تركي من عرف وصول أمه ، وأخته شروق* ، أكيد ما راح يهدونه بروحه ، راح للبحر ..
طلال شاف بصدفة تركي ، وغمض عينه ..

تركي: ميـــــــــن ..
طلال يقلد صوته: ميـــــــــــــــــــــن ، مالت عليك من نسيب ..
تركي وكأنه عرف صوته لف صوبه وحضنه: طــــــــــــــــــــــــــــــــــــــلال ..
طلال: هههههههههههههههههههههه ، ايه طلال هدني خنقتني ..
تركي يبعد عنه: وشلونك ، ومتى وصلت ديار ..
طلال: قبل البارح ، أثرك بتأخذ أختي ..
تركي: لي شرف والله أني أناسبكم ..
طلال مسك يده: أقول أترك هالرسميات ، وأحكي لي ، وش فيك كأنك مخنوق ..
تركي: أمي يا طلال ، ماتبيني أتزوج أختك ، تبني أتزوج بنت أختها ، بس هالقلب ويأشر عليه: ماحب إلى أختك ..
طلال: اوووووووووه ، ما أقدر عالرومانسية ، أجل تحب أختي ..
تركي تنهد تنهيدة من أعماق قلبه: آآآآآآآآآآآآآآآه ، قولي وش اسوي يا طلال ..
طلال يشوف رفيق طفولة بس تفارقوا من تخرجوا بالثانوية: لا تشيل هم خليها على ربك ..
تركي ببتسامة بهاته: ونعم بالله ..
طلال ببتسامة: وش رأيك ، نتعشا بمطعم ..
تركي: مشينا ..

" ببيت أبو جوهرة "
بغرفة جوهرة ,,

شروق بحنيه: بس يا جوهرة أنتِ تعذبين عمرك ..
جوهرة وهي تشاهق بكي: آآآآآآآآآه ياشروق ، تعبت من دنيا ، ابي أشوف أبوي لو دقيقة بس ..
شروق: جوهرة حبيبتي ، الأحسن تشوفين أبوك بالجنة ، ولا بالنار ..
جوهرة وهي تمسح دموعها وتتكلم ببرائة طفلة: أكيد أبي أشوفه بالجنة ..
شروق ببتسامة: بدل هالدموع ، ادعي له ، تخلي لو أنه عايش الحين ، صديقني راح يتعذب لأنه هالمرض يتعبه كثير ، بس ربك رحيم ياجوهرة ..
جوهرة حضنت شروق: الله لا يحرمني منك ..
شروق: ولا يحرمني منك يالغلا ، وبعدين ابي أشوف فستان الملكة ..
جوهرة: طيب .. وفتحت دولابها ، وظهرت فستانها اللي كان في غاية الجال ونعومة ..
شروق بإنبهار: ما شاء الله رووووووووووعة ، حيل نعوم ..
جوهرة: بجد حلوة ..
شروق: ايه والله روووعة ، ظاهر تركي بجعل على موعد زواج ..
جوهر وجهها احمر ، وترمي بوجه شروق المخده ..
شروق: ههههههههههههههههههه ..
جوهرة: شــــــــــــرووووووووووق ..
شروق: خلاص بسكت ، لأني تأخرت ياشطورة ..
جوهرة: لااااا شروق جلسي وياي ..
شروق تبوس خد جوهرة: أشوفك ياحرم تركي بعد بكره بإحضانه ، وهربت لأنها تعرف أنها خجولة ..
ومن الجري انصدمت بجدار ، وطاحت عليه ..
شروق: آيييييييييي ..
ومن الجري انصدمت بجدار ، وطاحت عليه ..
شروق: آيييييييييي ..
طلال تنح من جمالها ...
شروق: أنا أنا آسفة ، وهربت ..
طلال: آآآآآه ياقلبي ..
جوهرة شافت الموقف: سلامتك ..
طلال بهيام: هذاي شرووق صح ..


 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة








الساعة الآن 07:20 PM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net