صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة






الرجاء استخدام خاصية البحث أدناه للبحث في الموقع:






إضافة رد
 
أدوات الموضوع إبحث في الموضوع انواع عرض الموضوع
  #13  
قديم 24-05-2013, 05:20 PM
الصورة الرمزية اميرة
:: رومانس مون متفوق ::
______________
View اميرة's Photo Album  اميرة غير متواجد حالياً
 
صغيرات على الحياة / الكاتبة : أم وسن ، كاملة




اشكر متابعاتي الغاليات المحترماااااااااااااااات على المتابعة




واقول لغيرهم



يخاطبني السفيه بكل قبح فاأبى أن أكون له مجيبا




تفضلوا هذا البارت يامتابعاتي الغاليات


حنين:ألووو


وافي:هلااااا أخيرا طرينا عالبال!

حنين:حسيت بالعبرة تخنقني يوم سمعت صوته!وبكيت!


وافي تكفى تعاااال مالقيت أحد يوديني المستشفى


وافي:بسم الله عليك شفيك؟


حنين:الظاهر ولادة أنا بشقة أهلي بسرعة تكفى.


وافي:يلا البسي عباتك جاي الحين

حنين:تسحبت بشويش لاتدري أمي وخذت شنطة البيبي وصل وافي وساعدني أركب السياره وطول الطريق إذا حسيت بطلق شديت بقوة على يد وافي


وافي:تحملي شوي وصلنا وعلى الطواري على طول.

حنين:فكو مني ساعتي وسلسالي وخواتمي حتى جوالي خذوه عطيت النيرس خمسين ريال عشان أخلي جوالي معي وأقفله طبعا
وافي:مو قادر أجلس أروح وأجي وأنا قلقان وطار قلبي لمن سمعت صراخها يارب هون عليها،يارب يسر ولاتعسر،يارب فرج لها،شفت نيرس طالعه من الغرفه وسألتها ماعطتني وجه تقول لسا،
حنين:أول ماطلعوني من غرفة الولادة فتحت جوالي وأول واحد دقيت عليه وافي
وافي:دق جوالي رفعته بعطيه مشغول بس شفت عالشاشة(حنيني يتصل بك)رديت بلهفهة: بشري؟


حنين بصوت تعبان : ابشرلك بولدين،


وافي:لحظات مارديت بس استوعبت


قلت: صادقة وإلا تمزحين!


حنين بتعب:مو وقت مزح مرهم بالحضانة شفهم


وافي والضحكه شاقة الوجه :كفو والله،بس بتطمن عليك أول،


اتصلت ابشر أمي وأبوي وعمي وعمتي وأرسلت لخواني وخواتي رسايل أبشرهم أكيد ألحين قايمين،

حنين:شفت وافي داخل علي وباينة الفرحة بعيووونه ووجهه قرب مني وباسني (مبروك يأم الشباب يتربون بعز والديهم إن شاء الله)بعدين قرص بعيوونه لي وحط يده على رقبتي كنه بيخنقني أجل بنت ها!وأنا طول هالشهورأهوجس


باسمها وشكلها ومن بزوجها!وأنتي مرتاحة!

حنين:ماقدرت أمنع ابتسامتي اللي طلعت غصب وبعدت يده عني:كيف العيال؟


وافي:مابعد شفتهم قلت أطمن على أمهم بعدين أشوفهم،


وتوني بقوم بس دخلت بهم النيرس ووراها الثانية وكل وحدة معها ولد قمت أشوفهم ياربي يدنووون كل واحد أحلى من الثاني ياربي أممممواااااه وبستهم على خدودهم


النيرس:يلا مدام رضاعة بيبي

حنين:استحيت أرضع ولدي قدامه،


وافي أطلع برا برضعهم


وافي:وأنا معييك؟أعين وأعاون،


انتشر خبر التوأم وطلعت حنين للبيت ووافي مسنتر عند أهلها بحجة شوفة عياله وحنين تطلع له العيال وماتطلع بحجة الزوار وأحيانا يمسي عندهم على أمل يسهر وياها لو ليلة،

وافي:قاهرتني سافطتني على جنب ماكني أبوعيالها وأهم من كل الناس تطلع لي العيال لحالهم بس هين باقي عشرة أيام وتطلعين من الأربعين وأخذك وأصك عليك سنة ماتشوفين من يقول ربي الله عقابا لك،آه بس متى تقضى هالأربعين ياطولها،
جواد:[color="green"]خزنت صورة وسن بحافظة شخصية وما حذفتها مدري ليش!مع إني ناوي أزحلقها،


اتصل علي وافي وبشرني بعياله وكان باين عليه الفرح يستاهل والله من زمان مافرح الله يوفقه مع هالحنين وترجع له،
[/color]
بشار:من دريت أن حنين حامل وزعلانة عند أهلها انتابني شعورين بنفس اللحظة فرح لانها زعلانة وطالبة الطلاق،وقهر لأنها جابت شي يربطهم بعض طول العمر تنهدت ودخلت أسلم على خالتي اللي كثرت جياتي لهم بسبب حنين آه بس لويصير اللي ببالي،


عساف:على البركة أبوتركي وإلا أبو جسار؟


وافي:ههه كلهم خير وبركة أبوهم كلهم،


عساف:هب عليكم،متزوجين بعدنا بشهر وتسعة شهور وجبتو اثنين مو واحد لايكون داخل عليها ياولد قبل زواجكم؟


وافي قام وزنطه بحلقه:اذكر الله على مرتي وعيالي لايجيهم شي!والله لأذبحك!


عساف:كح كح كح وجع إن شاءالله من زينكم نحسدكم! تف عليكم ماشاء الله تبارك الله.


تركه وافي وهو يبتسم :إيه كذا تعدل.


عساف:ياالخايس بغيت تموتني تبيع أخوك عشان مرتك وعيالك تراي أقرب لك قبلهم.


وافي:هههههه أبيعك وأبيع طوايفك بعد عشانهم.


حمد:اسمع أنت وياه جواد بيجينا زيارة شهر وقال لأبوي بيجي الخميس الجاي ويبي يرجع بمرته معه.


وافي:داري أجلت تمايم عيالي عشانه بس والله البنت توها صغيرة أم خمس طعش وعوبا وجواد مهوب ساكت لها إن عاندته.


حمد:الله أكبر!هذا أنت خذت أختها أم سبع طعش وجابت اثنين ماشاء الله ما ضرها وأنت نفس طبايع جواد وبعد هو أوسع منك خاطر.


وافي:يا هالولدين اللي بتنقزونهم بعيونكم كن محدن جاه توأم إلا أنا ... سولف بس لاتطري عيالي على لسانك!


حمد:هههههه يارجال وسع صدرك!هذا اللي يهاوشنا لا قلنا بنقرا على عيالنا من العين ويقول شيحسدونهم عليه!وين حكيك!وألا عيالك غير!


وافي:هذا إنت قلتها عيالي غير!



[size="6"]حنين:[/size]بكرة بطلع من الأربعين وتركي وجسار هالكيني بالسهر وقدم لي وافي على مربية.
وافي:بكرة بتطلع حنين جبت عمال ينظفون البيت ويمسحون الجدران وأنا توليت تنظيف غرفتنا وغيرت مفرش السرير بمفرش أورنج حرير بما أنه يمشي مع ديكور الغرفة السكري نوعا ما!وأتفقت مع مطعم على طلبية الغدا بكرة ومريت حلويات سعد الدين وطلبت تورتة وكتبت عليها>كل الحب لك<أبوجسار ومريت الرميزان وخذت طقم ألماس حلو وفخم وغلفته.


وطلعت ثيابي الجديدة لأن القديمة صارت واسعة بعد مانحفت في الستة شهور اللي ما كانت حنين عندي.


وفتحت غرفة العيال قربت لسرايرهم آآآه اشتقت لهم تلفت حولي وابتسمت ولأمهم بعد!وأرسلت لحنين إني بجي آخذهم بكرة العصر.

وافي:بكرة الصباح قمت الساعة عشر وفزيت بسرعة أخذت ثوبي وغترتي البيضا للكواي ورحت للحلاق ضبطت الوكة ونظفت بشرتي وطلعت للبيت كانت الساعة وحدة انسدت نفسي من الفرحة شربت كابتشينو وخذت شور ولبست وتعطرت ولبست كبكاتي الفضيه وجزمتي الجديدة طالعت نفسي بأعجاب وااااو كني عريس طالعت الساعة ثنتين ونص حلو اوصلهم ثلاث ونص ركبت سيارتي ومشيت..
حنين:أووف هاالأربعين تطفش كنها سجن اليوم إفراج طبعا شفت مسج وافي وطنشته مو عشانه عارف إني أحبه يخليني ملطشة ويشوف نفسه علي ويهيني تشيكت عالآخر وأحترت وين أروح خذت عيالي وشغالتي ووسن وطلعت للملاهي كلمت زميلاتي بالكلية وأتفقنا نطلع سوا،
وافي:دقت أمي تبيني أجي للغدا ق
لتلها مشكورة ياالغلا رايح أجيب مرتي وعيالي تامرين شي،


أم حمد:الله يبشرك بخير وبكت عشان حال ولدها اللي مايسر،وبشرت أبوه اللي فرح،

في >المطار<
جواد:ماصدق صار لي قريب من السنة ماشفت أهلي مشتاق لهم شفت عساف وعيوونه تدور شكله ماعرفني جيته من ورا وخبطته عصب التفت بيهاوش بس بسرعة تبدلت نظرته لاستغراب دهشة


عساف: جواد؟


جواد:شكلك ماعرفتني؟


عساف:يلعن شكلك بجد ماعرفتك وووين الشحوم واللحوم ههههه..


جواد:خليتها بلندن هههه


عساف:الحين أمك بتفكها مناحة على هالشحوم اللي راحت..وإلا نزلتها عشان المدام،بس ياولد تغيرت كليا لعنبو الزين..ليتنا مزوجينك من زمان..


جواد:ههههه إذا مانزلتها عشان المدام من أنزلها عشانه..وين الخايس وافيوه ماجا يستقبلني.


عساف:هوووهوووه مب يمك رايح يجيب المدام بعد النفاس.


جواد:عسى زين رجعت المياه لمجاريها!


عساف:أظن..

وافي:ضحكت على نفسي كيف تطلع مني هالحركات وأنا قبل احتقررها هههه قلبتي راسي ياحنونتي!!


دقيت الجرس محد فتح لي دقيت على حنين ماردت!دقيت على عمي:صدمني أنهم


كلهم بالرياض ليش ماقالت حنين!


يمكن تحسبني بمرها بشقتهم!


رجعت بخيبتي ووصلت لشقتهم على المغرب طلع لي تركي ووجهه مايبشر بخير ونظراته لي غريبه وبعد السلامات


وافي:لاهنت تركي نادلي أم جسار.


تركي:والله مدري شقولك البنت رافضة ترجع لك نهائي وطالبة الطلاق وعجزنا نقنعها أنا وأمي وأبوي واقف بصفها يقول لاتغصبونها على شي ماتبيه قلنا وش بينكم!يمكن نقدر نقرب وجهات النظرونحل المشكلة وتصالحون.

وافي:سكرت عيوني وضاقت بي الدنيا ومرت علي اللحظات اللي عشتها اليوم بسعادة وحماس وضحكت بحسرة على نفسي هه..خفت أتكلم وأندم طلعت ومارديت عليه حتى عيالي ماشفتهم...


ماقدرت أرجع البيت وأشوف اللي سويته عشانها مابي أعذب نفسي أكثر بدون وعي مني رحت لمكتبي وقفلت جوالي وجلست أفكر بحالي مع أنها ماعاشت معي أكثر من أربعه شهور بس موقادر أنسى هالشهور وكيف كنت فيها!!


بس إذا ماتبيني كيفها تسوي اللي تبي والله أن تموت وهي على ذمتي وماتجيب عيال غير ماجابت إلامني إن ماجت ترجاني أرجعها هين وأنا أبوجسار .. وابتسمت على طاري جسار وأخوه ياالله أن تلم شملنا!


جواد:والله هالوافي بايعنا بقشرة بصلة كل ذا عند المدام حتى جواله مقفله..!


أم حمد:لاتدقون له تزعجونه الله يهنيه له ست شهور ماأمسى معها..


العنود وهي داخلة الصالة سمعت كلام أمها:ومن قال أنه مع مرته؟


تركي توه جايب خواته من الملاهي وهي معهم.


أم حمد:وراها مهوب أمس تمامها.


العنود:إلا بس سمعت من تركي إنها رافضة ترجع


أم تركي:ول حسبي على شيطانها وش صار لوليدي؟طالعن مني طايرن من الفرحة يقول بجيب عيالي وأمهم دقو شوفو وينه؟


يارب أعقل علي وليدي يارب.


جواد:هدي أعصابك بندوره الحين وان شاء الله بنلقاه.


أم تركي:يارب سترك يارب سترك.


العنود:قالت لي وحدة من زميلاتي أن هالدعاء يقال عند أي شي تشيلين همه لأن الله يكفيك ماأهمك(لاآله إلا أنت سبحانك إني كنت من الظالمين)سبع مرااات


 
 
رد مع اقتباس
 
 
   
  #14  
قديم 24-05-2013, 05:21 PM
الصورة الرمزية اميرة
:: رومانس مون متفوق ::
______________
View اميرة's Photo Album  اميرة غير متواجد حالياً
 
صغيرات على الحياة / الكاتبة : أم وسن ، كاملة




[CENTER]‏(البااااارت العااااشر)[/CENTER]


وافي:قمت من حرارة الشمس بوجهي لأن الستارة مفتوحة تمغطت وآآآه ظهري بينكسر من نومة الكنب الضيق..حسيت باللوعة وكني برجع لما تذكرت اللي صارأمس آآه ياحنو الله يهديك ويلين قلبك لي تذكرت جوالي فزيت بسرعة يمكن اتصلت وأنا نايم! يمكن رسالتي توها توصلها! يمكن نست موعدنا اليوم...بس تبخرت الأماني لما شفت المكا
لمات كلها من أبوي وأخواني!ودقيت أطمن أمي.


حنين:اتصلت وداد تسألني عن وافي إن كانه كلمني لأنه من أمس المغرب مايدرون عنه وأحنا اللحين الفجر.


انهرت وبكيت وفكيت سجادتي اللي لسا طاويتها وجلست أصلي وأدعي الله أنه يحفظه لي ولعياله وكل شوي أدق لوداد أطمن كانه كلمهم لأن مالي وجه أدق لأهله أكيد بيقولون أنا السبب ..دقت وداد علي الساعة تسعة الصباح تبشرني أنهم لقوه..وكلمهم وبخير..رميت الجوال وسجدت شكر لله وأنا أبكي بعدها اتصلت بوداد بعد ماهديت أطمن عنه ووين كان!


بعدها رجعت لعيالي اللي يبكون من الجوع ضميتهم بقوه ورضعتهم صدري بحنان.


جواد:[COLOR="Black"]قررأبوي يأجل عشاي للخميس الجاي بدل الجمعة هذي وبما أنه باقي خمس أيام على الموعد قالي أبوي أمر على عماني وعمتي الوحيدة أم أحمد اسلم عليهم.[/COLOR]

وسن:هالفتو قالبة راسي فيها خفة دم مو طبيعية وتروف أختها ألعن منها طلعت للسوق مع حنين ونورة مرة بشاراللي مرنا وخذنا معهم،


حنو فلتها لما لقو وافي وعطتني شيك مكافأتها كامل حق ثلاث شهور بمناسبة سلامته(اللهم كثر دجته)أنا المستفيدة الوحيدة من ضيعته ياسلام لو يسوي هالحركة كل ماطلعت مكافأة حنووو!


قابلت فتو اللي واعدتها في صحارى بدون لاتدري حنو أرسلت لي أنها تنتظرني عند بوابة ثلاثة استأذنت حنين إني بطلع أقيس اللي شريته وبصلي وباكل حاجه لين تخلص من محلات الأطفال


واتصلت لفتو اللي جتني في غرف القياس وبيدها كيس!


فتو:شرايك أنا بسوي اكشن تشاركيني وإلا تتفرجين علي!!


وسن:أف كورس بشاركك طبعا أنا عصاك اللي ماتعصاك


طلعت من الكيس عباية أكل عليها الدهر وشرب وبرقع قارضة الفارة أطرافه وشيلة فيها ريحة حنا تكتم النفس ورمتها علي..


فتو:خذي ألبسي.


وسن:رميتها بقرف واااع وش هالزبالة


فتو:ههههه هذي أزياء الشخصية اللي بتسوينها


وسن:لا عاد مو بها الشراشيح


فتو:هي هي لاتسبين تراث جدتي هذي كشختها أيام المراهقة


وسن:يانذلك!عاد ليش ماغسلتيها وبخرتيها تعرفيني ماأطيق ريحة الحنا..بس ماقلتي وش بنسوي؟


فتو وهي تطالع شكلها بالمرايه وببرود: أبد بنشحد!!


وسن:ناااااعم ببوكي ثلاث الآف وأشحد ماشحدت وهو فاضي أشحد وهومليان!


فتو خبطت وسن ع راسها :ياالشريفة حنا بناخذها من هالهوامير ونعطيها الفقراء


والمحتاجين..يعني تقدرين تقولين موظفين في جباية الزكاة بس بدون منة أحد علينا بالوظيفة وبطريقة بدائية وسعة صدر،وأجرعند الله،وتغيير جو.


وسن:اقنعتيني بس حنين أخاف تشوفنا؟


وإلا أتأخرعليها!


فتو:ماعليك أرسلي لها رسالة أن جوالك بيفضا وتنتظرينها عند المطاعم عقب ساعة


وسن:أوكيشن،وبديت ألبس شخصيتي الجديدة بعد ماشلت لثمتي وعبايتي الكتف وطالعت نفسي بعد ماأنتهيت وصرخت يمااااااه أخوف!


طالعتيي فتو:هههههههه طالعة كنك ساحرة موشحادة أنتي وهالعيون اللي كنها فناجيل!


وجلسنا عند البوابة نشحد وطردنا السكورتي بس أقنعته فتو وأنا تغطيت كويس عشان محد يفكر فينا شحاده بيضا والثانية سودا وبيحطون فيها إنا!


شفت صورتي بواجهة محل زجاجية وشهقت وخبطت فتو: ياحمارة ليش ماقلتي أن جدتك نتفة طالعي العباية علي طالعة شورت


فتو:هههههههه تكفين باخذ لك صورة وأرسلها لجوادوه والله أنك تحفة مخروشة وانتي على طبيعتك وش عاد وأنتي متنكرة!كنك هيجاء!هههههههههه.


وسن:ضحكتي بلاضروس بلا أوريك كيف بكسبك ذهب.

جواد:نسيت أجيب لعمتي هدية فما حبيت أدخل عليها ويدي فاضية مريت أقرب سوق لبيتنا أنا ووافي.
حنين:ياربي أحرجتني هالوسن مع بشار مالقيتها بمكانها اللي قالت لي وجوالها مقفل،جلست أنا ونورة في كوفي وطلبنا قهوة ننتظر وسن!

بشار:دقيت لنورة أبيها تطلع قالت أنهم مضيعين وسن وجالسة هي وحنين ينتظرونها دخلت السوق انتظرها معهم طلبت قهوة وجلست معهم على الطاولة كنت استرق النظر لحنين اللي مشغولة بواحد من عيالها والثاني ماجابته أنا تغافلت نورة اللي من حملت وهي مسنترة بالحمام قربت من ولدها وشلته العبه وعيني مو راضية تنزل عنها.

جواد: كنا بندخل منعنا السكيورتي <
br />

التفت لوافي والحل؟نرجع ناخذ أحد من البنات؟


وسن : شفت وافي وصديقه وشهقت والله لو يدري أن يصلخ جلدي عاد ماطحت إلا بها الأقشر وافي وصديت بسرعة لايعرفني..التفت بسحب فتو من يدها عشان ندخل مع بوابة ثانية ونلبس عادي بس ماشفت إلاغبرتها وين هي!


شهقت وضربت بيديني على خدودي ياويلي رحت فيها!لايكون فتو تسوي نذالة وتعلم وافي علي بس تطمنت أنها ماتعرف وافي..يمكن شافته هو وصديقه شيك راحت تشحد منهم يوم ماعطوها وجه،ياويلي يطالعوني،ياويلي جو جهتي...توني بحط رجلي وأنحاش مسكتني فتو.


فتو:هذي اللي بتدخلكم مو أنا تراها بيضا زيكم يعني محد بيشك.


جواد:ماطاح إلا أنبطح ماأردى منك إلا هي كنها من العصر الجاهلي.


وسن:فزيت للصوت مو غريب علي بس ماقدرت ارفع راسي أطالع أخاف يعرفني وافيوه.


فتو:ماعليك انتظرها ربع ساعة بس بلمعها لك وأجيك.


وافي:ليش ماتكلم لاتكون مو راضية وأنتي غاصبتها؟


فتو بثقه:لابس هي طرما ماتتكلم.


وسن:رفعت راسي وطيرت عيوني وتوني بقول بسم الله علي.


سبقتني فتو وخزتني صح عمشاء!


طالعتها بقهر وهزيت راسي!


جواد:اخلصي علينا بتحكين لنا قصة حياتك!

دخلنا أنا وفتو لغرفة القياس ورميت العباية الزفت اللي علي أنا طرما! أنامن العصر الجاهلي! أنزين خوذي شراشيحك وعطيني عبايتي!
فتو:هههههههه لزوم الشغل أنتي لسانك طويل وعندك بدل اللسان اثنين أخاف تحكين تفضحينا.يلا ألبسي تأخرنا عليهم.


وسن:نعم مجنونة أنتي هذا ولد عمي وصديقه بيعرفني غطاي مميز بالعائلة


فتو:موبكيفك عطوني ميتين عشان أدخلهم خوذي عبايتي راس،


وسن:بعد ضغط من فتو وافقت لبست نقابها وعبايتها اللي تسحب علي هي حيل طويلة دخلت يديني بكم العباية ونزلت غطاي ودخلتهم بسكات أوف من ها الليلة أولها سعة صدر وأخرها نكد.

وافي:انتظرت جواد يغلف الهدية ورحت باخذ موية من حدا هالمطاعم وأنا بطريقي لمحت بشار ومعه ولد وحرمة على الطاولة اللي مريت جنبها ماقدرت التفت لمحارمه بس شفت وسن جاية ومعها وحدة أعرفها وسن بالعباية وأطلعها من بين مية وحدة.


شفتها تجلس هي والثانية على طاولة بشار بسرعة التفت وفز قلبي هذي حنين ومعها تركي ولدي قربت منهم وأنا أحس كل خلية فيني تتحرك من مكانها من العصبية ويدي لاإرادي مو قادر أسيطر عليها بلعت ريقي وطلع السلام مني بصعوبة قربت من حنين وسحبتها بيدها وأنا اضغط عليها وبيدي الثانية ولدي


وافي:وسن أرجعي مع بشار ومرته.


وسن:صدق قليل خاتمة راح وخلاني!


بشار:ضحكت أنا وحنين لما قلت لها إن تركي يشبه لها وجسار لأبوه.


حنين:صدق ماعندك سالفه هههه الكل يقول جسار قريب لي وتوتو لأبوه


و...ماحسيت إلا بحد يمسكني بقوة بغيت أصرخ بس شفته وافي وبعيونه نظرة شر تخوف


،سحبني بدون لايشاورني وأنا أحاول أجاري خطواته السريعة


وافي:فكيت أزارير ثوبي ودق جوالي.


جواد:وينك يارجال ماترد وين أنت؟


وافي :طلعت من السوق روح لحالك ماعادني مخاويك.


جواد:عسى ماشر


وافي:ماشر بس بوصل أهلي!


جواد بغباء:من أهلي؟


وافي:أم جسار


جواد بخبث:آآآهاااا أجل أم جسار بدلتها بخوتي


وافي يحاول يمسك نفسه:والله أنك رايق باي.


وسن:طلعنا من البوابة وصراحة استحيت من بشار بيته بعيد عن بيتنا واحنا متفقين مع نورة أنه يودينا وأحد من أخواني يرجعنا طلبت بشار ينزلني ببيت عمتي بما أنه قريب من بيته بعدين بالقى الأخ عبدالعزيز مطيح عند آنسة إيمان أسهر مع البنات وأرجع مع عزيز...


أووه نسيت حنوو وين راح بها هالوافي لايكون خطفها!دقيت عليها عطتني مشغول،


وصلنا بيت عمتي وبما أن حمود ولدها مسافر بدورة في الشرقيه خذت راحتي..


دخلت في الصالة ومعي أكياس حنين اللي تسوقتها فكيت لثامي ونزلت طرحتي على كتوفي ونفظت شعري أوف حررر...


دخلت الصاله مالقيت عمتي جلست عالكنبة وصوت بصوت عالي كني شريطية :سووووناري هاتي قهوة وموية بسرعة و...


جواد:شفت سيارة عزيز فماحبيت أحرجه أكيد مع المدام بالمجلس دخلت للصالة بعد ماتنحنحت يااااولد!


طلعت لي الشغالة قلت لها تنادي عمتي:وما أمداني أجلس إلا اللجلجة والخرشة شفت بنت تقول للقمر قم وأنا أقعد بمكانك سبحان من صورها!من ياترى؟


أكيد مو إيمان ياأمل ياأريج واضح أنها من أهل البيت من أكياسها اللي معها وتأمرها على الشغالة بعدين طلعتها فوق يوم استوعبت إني قدامها؟


لازم أعرف منهي.


دخلت عمتي وسلمت عليها وعطيتها الهدية كنت ناوي أطلع على طول بعد ماعطيتها الهدية... بس بعد اللي شفته لازم أسحبها بالكلام عشان أعرف منهي عشان أخذها بعد ماأطلق هالوسن!


جواد:أجل أحمد عنده دورة!


أم أحمد:إي والله يابوي بس بيجي يشوفك قبل ماتسافر


جواد:أه أجل البنات معه؟


أم أحمد:بس أمل تعرف رجلها بالشرقية ومن زمان ماشافها لزم عليها تجي عشان يشوفها.


جواد بخاطره:>باااااس هذا اللي أنا أبيه<ياالله عميمة استأذن.


أم أحمد:في رعاية الله


جواد:ركبت سيارتي وصورتها ببالي غريبة خواتها تزوجن قبلها والله شكلها خفيفة دم وكيوووت .. آه أريج كبر وافي يعني أكبر مني بخمس سنوات بس عادي أنا بعد بكون مطلق وهي بنت يعني متساوين حتى شكلها أصغر من عمرها يعني أعطيها بالكثير سبع طعشر سنه.
وافي:طلعنا من السوق وماعاد فيني صبر لين أنزل من السيارة أبعدت عن المباني وشفت اللي حوالي بر وماحولنا أحد..وقفت سيارتي والتفت لها:آه هذا اللي تبين الطلاق عشانه ؟وش أحسن مني فيه هاه قولي قلتها بصراخ وأنا أهز يدها.


حنين:بعد عني يامجنون وش تقصد؟


وافي: لا ياشيخة تستهبلين علي ماتعرفين وش قصدي بشار..بشار ياحلوة!لعنبو ابليسك تلاحقين رجال متزوج وأنتي متزوجة وأم عيال؟


حنين بصراخ ودموعها تنزل:أنت مو طبيعي فيك حالة نفسية وإلا مجنون فكني.
وافي:تركتها لما شفت ولدي يبكي وخايف خذته منها وضميته لصدري بقوة أطمنه.شفتها تبكي بقوة قلتلها : خلاص اسكتي روعتي الولد وحركت السيارة وبشار هذا إن شفتك مقربة جهة هالبشار وإلا مكلمته والله ثم والله لأذبحك ولا أسمي عليك..ولاتحلمين مجرد حلم إنك تكونين له لو بعد خمسين سنة.

وسن:ياااااي من ذا الأطخم اللي عند عمتي لعنبو بليسه يقز قر جالس من الصبح يطالعني ولاتنحنح ينبهني لايكون ولد رجلها سعود؟


بس عليه طخمة ماشاء الله لو أقدر أبدله بجوادوه كان ياسلاااام!


حنين: رميت نفسي عالسرير بعد ماعطيت تركي للمربية حتى جسار مامريته أطمن عليه وبكيت ليه ياوافي كل ماحاولت أنسى تجي تجرحني جرح أكبر!!
وسن:فتحت أغراضي حقت تمايم عيال وافي وعزيمة جوادوه..وأغراض حنين لازم تكون نجمة الحفل!تذكرت اللي صار بالسوق وضحكت على فتو لما عطتني نص الغله مية وواحد وسبعين ريال ههههههه غبية تحسبني باخذها حتى لما رحت معها أطق عطتني ألف نصيبي من الطق هههههه.

عساف:أحس بدوخة هالأيام وأصرت علي وداد أروح للمستشفى أطمن بس أجلتها بعد عزيمة جواد وعيال وافي.

>أنتهى وإلى اللقاء في عزيمه جواد وعيال وافي<


هههههههه

 
 
رد مع اقتباس
 
 
   
  #15  
قديم 24-05-2013, 05:22 PM
الصورة الرمزية اميرة
:: رومانس مون متفوق ::
______________
View اميرة's Photo Album  اميرة غير متواجد حالياً
 
صغيرات على الحياة / الكاتبة : أم وسن ، كاملة




((الباااارت الحاااادي عشر‏)‏)
‏>العزيمة والاستراحة<
وسن:استأجر وافي استراحة بوادي لبن عشان جماعتنا لأن استراحة عمي مو كبيرة مررة وعمي عازم كل جماعتنا وجيرانا وأصدقائه وذابح ست ذبايح أربع لعيال وافي وثنتين لجوادوه،صفرنا باعجاب أنا والهبلا وداد والباقين اللي يصايح واللي يصفق وسوينا ضجة كبيرة الظاهر وصل صوتنا للعيال..حمر وجه حنين من الحيا


حنين:خلاص عاد بلا مصاخة فشلتوني،


سلطانه:أووهووه وينك ياالوافي!


وسن بلقافه:أناديه..بس قطعت كلمتي لماشفت عيون حنين بتطلع من مكانها.بس كانت كيوووت لابسه فستان وردي طويل وفتحة صدره واسعة


وتحت الصدر قصة فيها كلفة مخمل أسود لافه على أسفل الصدر وتنتهي بربطة من ورا والأكمام طويله ونهايتها مزموم وحواليه كلفة مخمل أسود وعقد ألماس ناعم لاف على رقبتها مع حلق فخم يوصل لنهاية الكتف وشدو سموكي مع وردي وبلاشر وقلوز وردي فعلا طالعة بنوتة نعومة وماحد يصدق أنها متزوجة وأم عيال!

وافي:كنت بالمطبخ باخذ العود من عنود قبل مايجون الرجال بس سمعت صراخ البنات وعصبت،خير إن شاء الله وش عندهم قاعدين بحراج فضحونا في الرجال روحي قولي لهم ينطمون قبل مايتعرضهم هالعقال.


عنود بعد مارجعت من البنات:هههههه تدري ياأبوجسار ليش يصارخون البنات؟


وافي:على إيش!


عنود:على أم جسار.


وافي وقلبه يخفق ويحاول يتصنع اللامبالاة: شفيها؟


عنود:منبهرين بشكلها ماحد يصدق أنها متزوجة وأم عيال بعد!

وافي : تبخر كل الغضب وحل مكانه ابتسامة متمردة على شفايفي ماقدرت أمنعها وبتوتر و برجاء وأنا أحك دقني عنوودة أبي أشوفها!


عنود بخبث:آآهااا وين الزعل اللي من شوي!بس حقك ياخوي،انتظر هنا وبجيبها لك.


وافي:بس لاتدري


عنود: أوكيك.


عنود وهي تصب القهوه: حنووو لاهنتي جيبي ترمس قهوة من المطبخ هذا فضا قلتها بصوت واطي أخاف سلوطة وإلا وسن يتلقفن ويجيبنه.

وافي:سمعت طقطقة كعب عرفت أنها جت ارتبكت تلخبطت ووقفت ورا الباب عشان اسكره لا دخلت.
حنين:ما التفت للباب اللي صفق ووقفت قبال الدولاب أدور ترامس القهوة، بس حسيت حد حضني من ورا ويدين على خصري، وبعصبية التفت أشوف من هالسخيفة اللي سوت بي هالحركة البايخة ماحب هالحركات حتى لو كانت مزح،


حنين : يااااسخيفة أنقل...

وافي : دفنت وجهي بشعرها من زمان ماشفته ولا لعبت به من كانت بالشهر الرابع اشتقت له طال مررره،


أفاا ياأم جسار أنا سخيف


قلتها وأنا ألف بها تواجهني وقطعت باقي كلامي لماشفتها آه ياقلبي ما استحمل ثواني تأملتها وحظنتها بقوووة وأنا مسكرعيوني واتنهد

حنين:ياااه سبحان الله لما كنت عند الكوافيرة وشفت نفسي بالمراية تمنيت أن وافي يشوف شياكتي هو أولى من أي أحد بشوفتي وربي حقق لي هالأمنية،استوعبت إني بحضنه ومستسلمة له كني راضية باللي يصير وناسية اللي جاني منه بعدت عنه بسرعة ومسكني بيدي قبل لا أروح.


وافي : لي متى يعني على هالوضع أنا صبري نفذ لاتحديني أسوي شي أندم عليه .. يرضيك حال عيالنا كنهم أيتام وأبوهم موجود،كملت وأنا أحط يدي بشعرها وماقدرت أقاوم :خلينا نربي عيالنا بيننا بغض النظر عن خلافاتنا وش ذنبهم؟

حنين:باااس هذا اللي همه عياله وبس يبيني مربية لهم حتى ما اعتذر لي ولاكنه سوا شي!


بعدت يده وطلعت قبل لايشوف دموعي ما أحب يشوف ضعفي أبيه يشوفني قوية وماراح اعديها بالساهل حتى مايتمادى مرة ثانية.

عنود:شفت حنين تركض بسرعة للمغاسل وبسرعة رحت لوافي شفته وهو يضرب الدولاب بيده وخذ فنجال من على الطاولة ورماه بقهر على الأرض عرفت أنهم ماأتفقو


عنود:هد أعصابك أبوجسار كل عقدة ولها حلال..بس انتبه لصحتك شف شلون صرت راس مال الأنسان صحته وكل شي بعده يهون.


وافي بقهر:مو راضية تعطيني فرصة نتفاهم حتى لوغلطت لازم تسمع وجهة نظري


عنود:ماعليك إن شاء الله تنحل لاتشيل هم.


وافي:متى بس متى؟


وطلع للرجال.

عنود:أحس قلبي مليان على حنين بعد ماشفت وافي وطول الوقت وأنا أفكر بحل!


وسن:
ناداني سعوودي ولد تركي لأمي تبيني عند جدتي>جدتي مرة كبيرة بالسن ومضيعة وجدي عميان<دخلت لقيتها جالسة على الأرض وماسكة راسها وتسترجع وتحوقل طار قلبي شفيها أمي لايكون صار لأبوي شي؟


بس لما شفت وليدوه عندها ويطالعني بابتسامة وهو يرقص حواجبه عرفت أنه مسوي مصيبة وملزقها فيني.


:يمه شفيك ليش تبكين ماسويت شي!

جواد: دخلت بسلم على جدتي مع أنها ماتدري من راح ومن جا بس تكسر خاطري وأحيانا غصب عني تضحكني!


تنحنحت يااااولد.


سمعت وليدوه يقول انتظر شوي بعدها بشوي قالي أدخل.

جواد:دخلت وسلمت على خالتي أم تركي وحبيت راسها وتحفيت بها وسلمت على جدتي وشفت وحدة متغطية بالجلال وشفت خالتي وشكلها تبكي ارتعت :عسى ماشر ياخالة؟


أم تركي زاد بكاها وماردت ورد وليد وهو يأشر على أم جلال!


وليد:هالفاشلة راسبة بست مواد ويمكن تعيد السنة مالها دور ثاني.

جواد:حاولت اكتم ضحكة الشماتة وأواسي خالتي ماعليه ياخالة هي بليدة وماينفع معها البكا لأن ماعندها إحساس وإلا كان ماجابت العيد أفصليها بس وأرتاحي لاهي بداخلة الجامعة حدها الثانوي ويكح بعد تجلس بالبيت تربي عيالها هذا أن افلحت.
وسن:يامال الوجع ياحبه للشر سكت دهرا ونطق كفرا رفعت جلالي شوي عشان أطلع عيوني أرد عليه..بس بهت وماقدرت أرد طارت عيوني فيه هذا الأطخم جوادوه!


انتبهت أنه يقز فيني بس ماعلي أنا متغطية


وسن:مالك دخل أنت.


جواد حبيت اقهرها : بعدي موبليدة وبس ولسانك طويل بعد هذا بدل السلام على رجلك؟
وسن:جيت برد بس حلفت أمي ماأتكلم

وخبطت برجلي بقهرعالأرض يمااااه


أم وسن:وصمة ولا كلمة


جواد ووليد:ههههههههههه

وسن:تركتهم وطلعت
عنود:جبنا الاستريو بعد ماراحو الضيوف وطبعا فتح الرقص حنين وكانت فنانة بالرقص هي ووسن أما وداد ونوره وجواهر حدهم الخليجي.


رقصت حنو على


دلوعتي كل الحلا فيها*احترت أنا مدري شسميها


وكانت حركاتها الدلوعة ماشية مع الأغنية وبصراحة تحمسنا وصفقنا لها


بعدها رقصت وسن سامررري روعه روعه.


ياهل السامري لاتوجعوني*


شيلكم ياالعرب ياأثر عليا

وسن:طلبوني البنات أرقص سامري وأنا أحب لما أرقصه أرقص بالشماغ شفت سعد ولد تركي


وقلت له يسرق لي شماغ أحد من العيال..وهو يخاف مني مايقدر يقولي لا.


بعدها بشوي جاني يلهث ومعه غترة بيضا


سعد:عمتي وسن خوذي أماااانة لاتعلمين علي.


وسن:مشكور سعوود من غترته؟


سعد:غترة خالي جواد قسم بالله أن درا أن يجلدني تكفين خل أرجعها وألا لاحد يدري إني جبتها.


وسن بابتسامة تحولت لضحكة هههههااااي عزالطلب سعوود.


رحت للمرايا وزدت روجي ودخلت عالبنات وسألووني البنات من غترته؟ياويلك؟


رجعيها؟كنها غترة فلان لا فلان سفهتهم ورقصت بذمة ووناسة وتحمسو العجايز معي لأنهم يحبون السامررري.

جواد:كنت سرحان طول الوقت أفكر بعيون وسن وأقارنها بالصورة اللي في بالي معقولة هذي وسن صح شلون غابت عن بالي دايم أحنا نعلق عليها أنا ووليد بكبر عيووونها بس تذكرت الصورة وكشرت الصورة عيونها صغار على ما أظن لاني فاتحت أمي برغبتي إني أطلق وسن وأخطب أريج بنت عمتي..واستغربت أنها وافقت بس الظاهر أنها متأثرة من سالفة وافي وحنين..لازم أتأكد.


دورت غترتي مالقيتها شفت سعد بن تركي وتركي بن حمد وسألتهم ارتبك سعد وقال :أنا أدورها شايفها مع البزارين ...دقايق وجابها


فتحتها عشان البسها شفت فيها شي برتقالي :وجع وش ذا؟


طالعته شفته روج مسكت سعد وحشرته بزاوية وطيرت عيوني عليه : من اللي لابس غترتي من البنات؟


سعد بخوف:محد محد


جواد رفعت عقالي وشهق سعد: بقول بقول بس لاتطق


جواد:طيب قول من ولا أطقك.


سعد:عمتي وسن


جواد:ليش لبستها؟


سعد:راقصة بها حطتها على راسها بعدين على تحت.


جواد بقهر:الله يلعن >استغفر الله<أوريها


جواد:شف سعد كان تبيني اسامحك رح قل لعمتك وسن أبوي تركي يبيك في صالة الطعام وفي أذنها لاأحد يسمعك!


سعد : طيب

جواد : وقفت بالصالة وعطيتها ظهري دخلت برجتها وخبطتني من ورا على بالها تركي وإني سرحان


وسن:بااااااااااو هههههه هبلتك.


جواد:التفت لها اشدعوه


وطارت عيوني فيها وطالعتها من فوق لتحت لعنبو بليسها كل ذا الزين لي.

وسن:انصدمت لما شفته جوادوه وااااي من قريب أحلى بكثير توني أدري أن عيونه ناعسة وعسلي فاتح.


انتبهت لنفسي ولفيت بنحاش مسكني ولفني له


جواد:شكلي أنا اللي هبلتك


وسن:هي استح على وجهك لايجي أحد يشوفنا كذا


جواد : عاااادي اعتبريها شوفة شرعية ولفيت يديني على خصرها وبسرعة بوستها


وسن : حيوان قليل أدب بعد عني والله لعلم تركي عليك.


جواد :هههههه بصراحة لما شفت طبعة شفايفك بغترتي اشتهيتها قلت يمكن هذي رسالة منك عشان أفهم شتبين عاد أنا لبيب ألقطها وهي طايرة مومثلك عقلي تنكة.

وسن:خبطته بجزمتي الشوكة في رجله فكني وهو يسبني وحطيت رجلي وانحشت.
جواد:ههههههه ياحلوها وياشين لسانها بس أن ماخليت هاللسان ينقط عسل ماأكون جواد.


>أنتهى<


 
 
رد مع اقتباس
 
 
   
  #16  
قديم 24-05-2013, 05:23 PM
الصورة الرمزية اميرة
:: رومانس مون متفوق ::
______________
View اميرة's Photo Album  اميرة غير متواجد حالياً
 
صغيرات على الحياة / الكاتبة : أم وسن ، كاملة




((الباااارت الثاني عشر))
‏>‏>الجزء الأول<<


[COLOR="lime"]وسن:[/COLOR]الله ياخذه التبن حيوان سخيف والله لأوريه شغل الله وياهالقذلة الحمد لله والشكر. أطول من شعري.


جواد:
ياااااهوووه ياالوسن،لعنبوه هالزين إثرها موب أريج اللي شفتها!


طلعت لسيارتي وجلست على تندة السيارة وولعت سيجارتي ومزمزتها بروقان وأنا اتفنن بنفث دخانها وابتسم آآه يا الوسن ضاع علي أسبوع من إجازتي ماسويت شي أوووه تذكرت كلامي لأمي،وفزيت أوف عسى أمي ماقالت لأم تركي لازم أكلمها،

عنود:بعد مارقصنا دخلو العيال يسلمون جواد،وافي،عساف،تركي وعبدالعزيز


كسرخاطري وافي وهو حاط عياله بحضنه ويلاعبهم ويبوسهم ماتحملت أشوفه طلعت وبكيت بكيت وجلست أفكر بحاله لاهو راضي ندخل ونصالحهم ولاهي معطيته مجال يكلمها ويراضيها،


بس ابتسمت من بين دموعي وبعدهاضحكت على الفكرة الخبيثة اللي طرت ببالي والله أن يجيب راسك الوافي ياأم جسار وبسرعة دقيت لوافي عشان يجيني.

وداد:مدري شفيه عساف مو طايقني ومعصب دايم..مرة أقول شايف له شوفة ومرة أقول عشانه تعبان.


عساف:
آآآآه ياوداد بروح وأتركك أنتي وولدي.


أكيد وداد بتاخذ أنور بعد مايخلا جوها مني،


يا الله يا أنور بتاخذ الجمل بما حمل...


آه ولدي وين بيعيش؟


من بيأكله ويشربه،


من بيسهرعليه لامرض؟


من بيلاعبه ويدلعه ويركبه على ظهره؟


من بيضمه بحضنه لا نام؟


وش بيكون شعوره لا شاف كل اللي حواليه بأب إلا هو؟


أمي مرة كبيرة وأحيانا قاسية أخاف تجرح شعوره؟


على قد مافرحت بحملها على ماقد تمنيت يموت معي ولا يتعذب >استغفر الله<وخنقتني العبرة،

وداد : كنت بالمطبخ أنا وسلطانة بنت عمي نسولف ونجهز قهوة للسهرة


تنحنح عساف وقلنا له يدخل وارتعت من شكله


وداد:عساف فيك شي؟تعبان؟


عساف:مالك دخل انقلعي جيبي لي موية،


والتفت لسلطانة يمزح معها،

وداد:أول مرة يسويها يرفع صوته علي عند أحد!


نزلت دموعي لا إرادي نزلت راسي ومديت له علبة موية ومريت بسرعة من قدامه!



عساف:
تقطع قلبي عليها دموعها تجرحني بس غصب علي الشيطان يصورلي صورتها بفستانها الأبيض وأنور ببشته جنبها مو قادر اسيطر على نفسي وأفكاري ... تعوذت من الشيطان وطلعت زود على همي زادتني هم!
جواد:صرخت لا شعورري بأمي


لااااااااااااااا


لاتقولين قد كلمتيها ليش العجلة،


أم حمد:يمه منك موب أنت اللي زنيت على راسي عشان أقولها،بعدين يوم شفت حنين شسوت بولدي وكيف فرقت بينه وبين عياله أصريت أكلمها بسرعة،بعدين أريج ماراح تكبرعليك وتذلك بزينها لأنها عادية والحين بكلم عمتك عشان أريج،


جواد:يمه مالي دخل بأحد


كلميهم قولي هونا وأريج ماأبيها أبي وسن!


أم حمد بعصبيه:خير!لعب بزارن أجل،


وش أنتم شايفين ببنات سعد!ساحرينكم!

جواد بخاطره:أهب ياأخواني أثرهم غاطسين بالعسل وأنا أتفرج عليهم محد منهم قالي أذوق؟


بعذرك ياوافي لا قعدت في رجا رضا حنين عليك كانها مثل وسن وأنا أقول رخمة ورا مايعرس ويضرب النسا بالنسا عشان تأدب،


أثرني أنا الرخمة اللي بغيت أضيع وسن من يدي!
صحيت من سرحاني على صرخة أمي:
دام أنكم بتمشون على هواكم ليه تشوروني؟


رفعت يديني منكم سوو اللي تبون مالي دخل بكم.


جواد:ماعليه بحلها بنفسي

رحت لأبوي لقيته توه منسدح على فراشه أشوى لحقته قبل لاينام.


أبوحمد:خير جواد بغيت شي؟


جواد:إيه ياأببيي جعلك سالم تعرف إجازتي مابقى عليها غير ثلاث أسابيع وماسويت شي!


أنا أبي أرجع بمرتي معي


مليت من العزوبية عيشتن قشرا لا أكلن سنع ولا لبسن نظيف ولا أنيس أسولف معه وألاعبه


لاضاق الصدر وزملاي كلهم متأهلين إلا أنا واستحيت من كثر ما أقط وجهي عليهم وحالي مايرضي عدو ولا صديق وأنا بدار الكفار،
وابتسمت على نفسي ماأحسن مني أحد في صف الحكي ولا بغيت شي حصلته أن حصل برضا وإلا بغصب خذته،أبوحمد وهو متأثر من حكي ولده:أبشر يا أبوي أكلم عمك على قهوة الصبح واللي تبيه إن شاء الله يصير،
جواد:حبيت يد أبوي وراسه:جعلك سالم ماتقصر يا أبوحمد،


طلعت أدور تركي ولد حمد أخوي أصغر من وسن خالته بسنتين وخذت جواله،


تركي بن حمد:وش تبي به ياعم؟


جواد:مالك دخل خله عندي وورنا عرض مقفاك،


تركي:ليش ياعم هذا اسمه دكتاتورية ماعندك ديمقراطية بقاموسك؟

جواد:قمت ومسكته من أذنه وجريتها وهو يصايح:أنت لسانك أطول منك طالع لخالتك وسن.


تركي:آآآآي والله لأعلم خالتي وسن أنك سبيتها وبتوريك شغلك.


جواد:هههههههه ياحبي لها بس وبوسته على خده هههه وصلها لخالتك وسن قل من عمي جواد على السريع والباقي بلندن


وسن: شفت تركي بن حمد جاي ويبتسم لي


أكيد يبي شي!


أعرفه مثل خاله وليدوه مايبتسم إلا لشر.


وسن:خير تروك شعندك ..قلتها وأنا أصب القهوه لامي وحريم عماني وعمتي والبنات.


تركي بن حمد:نزل راسه وباس وسن بخدها بقوة وبصوت عالي ماصدق يلقى شي يفشلها به وهو كنه برئ :أممممموااااه هذي من عمي جواد ويقول الباقي بلندن.


وسن:انقلب وجهي أحمر كنه طماط محميات ومغصني بطني ودفيته بقوه لين طاح على الكنب.


البنات:يصايحون ويصفرون واااااااااااو


ياعيني شكلها من قلب


أم تركي رحمت بنتها اللي أول مرة تشوفها بها الشكل حتى يوم ملكتها كانت تضحك وتعلق وترد بقواة وجه عاللي يباركون:انقلع لابارك الله بشيطانك وأنت خبل كل ماقالك أحد شي طرت تقوله وقدام الناس>مادرت أنه متعمد<


تركي بلكاعة:يماااه شسوي أنتم وأبوي تقولون اسمع كلام عمانك!


البنات والحريم:ههههههه


نوره:وأنت ماشاء الله تنقل اللي تبي وتخلي اللي تبي،

وافي:كنت متخوف من فكرة عنود مدري شبيكون ردة فعل حنين أخاف أخسرها للأبد


عنود:صدقني وافي ماراح يجيب راسها إلا كذا


صدقني إذا حملت بترجع لو موعشانك أنت وعيالك فعشان كلام الناس،


وافي:بفكر


عنود:لا تفكر مافي أنسب من الليلة وراح أهيأ لك الجو


وافي:وإذا ماصار حمل!


عنود:كررها كذا مرة لو بالقوة لين تحصل اللي تبيه.


وافي بخجل وهو منزل راسه:توكلنا على الله.

>ولناااا لقاء قررريب<

 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة








الساعة الآن 03:42 AM.


Powered by vBulletin Version 3.8.2
Copyright ©2000 - 2017, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net