صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى روايات عبير وأحلام > الروايات العربية

الروايات العربية قسم مختص بعرض أشهر الروايات العربية






الرجاء استخدام خاصية البحث أدناه للبحث في الموقع:






إضافة رد
 
أدوات الموضوع إبحث في الموضوع انواع عرض الموضوع
  #9  
قديم 05-04-2016, 11:22 AM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق متواجد حالياً

 
غرور وكبرياء




في يوم اجتمعوا كل البنات بالمزرعه وقاموا يخططون لعرس مها والتنسيق له.

مع امتحاناتها وكل وحده مسويه جدول وش بيسون //يعني وحده تساعد مها بالعطور والميك اب والثانيه بملابس النوم والثالثه وبملابس السبور والبدل والجزم اعزكم الله وهكذا.

ومضى شهر على خطبة الكناري وهم كل يوم تليفونات وسهر وبالنهار جامعه والعصاري تشري ومقاضي العرس

هنا مها انهد حيلها وتركت كل شي على اختها وكانت عارفه ذوق اختها انها توب

عليا:ما يصير يا بنت تعالي شوفي وابدي رأيج ولازم كل قطعه وكل شي يخص عرسج يكون لج فيه رأي

مها:لا يا اختي انا مت وما عاد اقدر امشي وعيوني مفتوحه
عليا:قومج سهر الليل مع قيس يا ليلى

مها هههههههههه ما اسمح لج تتطنزين على بعلي

عليا:وخر بس بعلي

اقول بنات مالنا إ لأ توحيد جهودنا وناخذ لها كل شي وعلى ذوقنا وهي غصبا عنها راح ترضى فيه

الهنوف:اصلا هي يحصل لها ذوقي وذوقج وذوق هياوي

وكانن ما شاء الله عليهن كخلية نحل ما قد ارتاحن يوم والوقت يمشي

والعرس وقته قرب

والعروس من جامعتها ومذاكرتها وللسوالف مع محمد

بيوم وعليا والهنوف وهيا بالستي مر واحد على عليا وقعد يلحقها من مكان لمكان

ويحاول انه يلفت انتباهها ةهي مطنشته ولكنه ما مل ولا هدا لين عليا تضايقت حدها

الهنوف:خليه يولي ولا تتنرفزين ولا توضحين له انج متضايقه

عليا: شوفيه اففففف ابي اخذ راحتي وهو من مكان لمكان بالله لو احد من هلي ولا معرفنا شاف هالموقف وش بيقول

هيا:اقول هدوني عليه والله لأشرشحه عدل واخليه بيزه ما يسوى

عليا:لا امشوا نطلع فوق ناخذ اللي بقى من لوازم عروسنا ونرجع للبيت

الهنوف:لا حرام عليج انتي واعدتني بغدا وانا مافيني حيل للرده للبيت

عليا:وين نتغذا هالعله ورانا وين ما نروح

هيا:ما عيج منه يله تعالوا نتغذا وعلى حسابي ويله ان شاء عمري ما حوشت

عليا:ههههههههه لا والله الغذا علي يله امشن والله يبعد هامغثه عن طريقنا

ودخلن قسم العائلات وتغدن وحاسبن وتوهن بيطلعن إ لأ الرجال واقف ينتظرهم

هنيه طاش دم عليا :وبعدين معاك انت وش تبي يعني؟

الرجال :ابيج انتي اذا سمحتي
عليا:اقول روح طس بعيد احسن لك وترى مهب زينه بحقك وانت رجال تلاحق حريم بمجمع

الرجال:انا من لمحت زولج وانا ماني ببخير

هيا:عمى يعميك انت ما تفهم روح




 
 
رد مع اقتباس
 
 
   
  #10  
قديم 05-04-2016, 11:23 AM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق متواجد حالياً

 
غرور وكبرياء




وكلمه منا وكلمه مناك إ لأ جايهم واحد رزه وشكل ومن شافته عليا وقف قلبها

كان الرجال اللي حاول يساعدها يوم الجامعه

نعم اخوي وش فيك واقف بوسط المكان ومسبب ازمه ومشاكل

الرجال:وانت وشخصك وشدخلك

فما كان منه إ لأ انه جره من جيبه وكفخه وخلاه طايح على الأرض//هي دقيقه بس وقام الرجال يقوم ويطيح يركض طلع من المجمع بعد ما صار مسخره للرايح والجاي.

والتفت المنقذ على عليا واللي معها وقال:وانتن ضبن عماركن وروحن وشها اللعبه قاعدات

تاخذن وتعطن مع الرجال كنكن تعرفنه

عليا:اسمع اخوي مهب من حقك تقط علينا كلام مثل كلامك هذا

حنا ابتلشنا فيه وجزاك الله كل خير انك خلصتنا منه بس مهب من حقك تقول اللي قلته

اقول:لا تطولينها وهي قصيره يله امشن روحن بحال سبيلكن

توه هيا بترد عليه امسكتها الهنوف من يدها وسكتتها

عليا وخرت عن الرجال وخذت اغراضها ومشت هي والبنات وراحن لسيارتهن

وعند المواقف شافوا الخبل يرغي ويزبد وجاي صوبهن ويقول والله لأنتقم منكم

انا يشرحني اخوكم كذا واخليه والله ان قد انتقم منكم ومنه

من اللي بتنتقم منه؟؟

التفتوا وشافوا المنقذ وهو جاي بسرعة الصاروخ يبي يمسكه ولكنه طار وكنه سحابة غبار

التفت على البنات وقال يله الله يسهل لكم امشوا سبحان الله كني حسيت انه بيلحقكم فجيت وراكم

التفت للسياره وعرفها والتفت لعليا وقده بيقول شي وسكت

راح صوب الهندي وناداه وكلمه ومن ثم بعد شوي وراح عنهم

ركبن البنات وعليا بتموت من الموقف اللي صار لها ما كانت تحب انها تنحط بهالموقف

عليا وهي تكلم الدريول:وش يقول لك هذا رجال؟

يقول شنو اسم كفيل مال انت؟
هيا:ويه ويه وشيبي من ابوج عليوووه لا يكون بيروح يعلمه على اللي صار؟

الهنوف :ما ظنتي من شكله اجودي وشهم وسوا معروفه ولا يبي من وراه شكر

عليا:تعرفون هذا منو؟

البنات مع بعض:لا انتي تعرفينه؟

عليا:لا بس هذا اللي قلت لكم عنه اللي عرض علي سيارته يوم تعطلت ذاك اليوم

اهاااااا

وتهقين عرفج

عليا:بذمتج هيووه وانا وشدراني


 
 
رد مع اقتباس
 
 
   
  #11  
قديم 05-04-2016, 11:23 AM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق متواجد حالياً

 
غرور وكبرياء



هيا:لا عرفج والدليل انه سئل سايقكم عن اسم ابوج

الدريول كان يتكلم مع نفسه فسألته الهنوف شنو فيه كومار؟

كومار:ما شي بس فيه سياره ورا انا يمشي

التفتت هيا وشافت المنقذ وراهم ودقتها ضحكه رنانه

عليا:وجع ليش التفتي مهب حلو المنظر وانتي تلتفتين

هيا:هههههههه وش اسوي خفت لا يكون المصرقع اللي لعوزنا اليوم فشفت
بطلنا المغوار

اقول وش بقى من اغراض العروس

وتمن يتناقشن ونسن اللي يمشي وراهن لين وصلوا بيت ابو خالد ونزلوا

فمر عليهم شاخط وراح

التفتن على بعض واضحكن واتفقن ما يقولن لأي احد من اهل البيت اي شي

ودخلوا لقوا مها متكيه في الصاله والفون في اذنها وتهمس وتضحك

الهنوف:عشتوا احنا نراكض من مكان لمكان وهي هنيه طايحه مع اخوي مغازل

مها :عيب تقولين مغازل هذا ريلي؟

وش فيها اذا تعبتي علي ان شاء الله اردها لج بفرحج واساعدج

الهنوف :امين الله يسمع منج بس متى متى؟

هيا:اقول الهنوف وش فيج مستلهطه على العرس اصبري توج صغيره

الهنوف ماني مستعجله بس بس والتفتت على عليا وسكتت

عليا :الهنوف ما فيه داعي تتكلمين اذا ما تبين تتكلمين

الهنوف:لا ابي اتكلم وافضفض احس اني مكتومه واللي فيني ما اقدر عليه بروحي

مها سكرت الفون وجات احضنت الهنوف وقالت لها وش فيج قلبي قولي

خذتهم عليا لغرفتها وبعدوا عن جو البيت الملغوم

ووووووووووووووووووووو

وتابعوني بالبارت الخامس وبقولكم وش حكاية الهنوف اللي ما حد يعرف بها إ لأ ........؟؟
...............

البارت الخامس

راحن البنات لفوق وبسطن وراون مها كا اللي خذوه وعجبها وشكرتهن من قلبها

وقالت ان شاء الله اردها بفرحكن كلهن احمرن إ لأ عليا كانت تضحك على وجيهن

المهم نرجع لغاليتنا الهنوف ونشوف وش فيها

مها:هنوفتي وش فيج يا قلبي قولي لنا وحنا ان شاء الله راح نوقف معج بكل شي

الهنوف وهي تطالع عليا: خلوا عليا تقول لكم



 
 
رد مع اقتباس
 
 
   
  #12  
قديم 05-04-2016, 11:23 AM
الصورة الرمزية أميرة الشوق
:: عضو مميز ::
______________
View أميرة الشوق's Photo Album  أميرة الشوق متواجد حالياً

 
غرور وكبرياء



عليا:لا وبدا انتي صاحبة القضيه فقوليها واشرحيها وبسطيها وحن لج مستمعين

هيا:اقول اخلصن علينا يا مال اللي ماني بقايلته// هههههههههه هيا دايما لسانه متبري منها هذا للعلم عشان محد يزعل من بعض الفاظها//

الهنوف بعد تردد ونظرات لعليا: انا احب وقاتلني الهوى والحب

مها وهيا وعيونهن مبققه :وشلون ومتى ومن هو؟؟؟

الهنوف: متى من مبطي وشلون من ربي اللي حط غلاه هنا واشرت على قلبها

ومن هو؟ بعد تردد ونظرات زايغه .......... حمد ولد عمكم

مها:من هو ؟؟؟؟؟؟؟ وطالعت عليا//لانها عارفه ان حمد موته وروحه وحياته عليا//

هيا:اه المزيون اللي يدق عود وصوته يهوس والله وعرفتي تنقين بس فيه عيب شرعي

الهنوف:وش هو؟؟

هيا:كنه يحب عليا

عليا:لا انتي غلطانه هيا ،،،، حمد ولد عمي يعزني ويقدرني وكله يسولف لي

انه اذا بغى يعرس يبيني اختار له وحده على ذوقي لأن ما عنده خوات فانا ومهوي خواته

مها كانت تطالع اختها باستغراب

الهنوف:ليش تنكرين يا عليا واضح انه يحبج من نظراته لج في كل مره اصيده وهو يناظرج

عليا:غلطانه اسمعي اذا بغيتيه حلال لج اتلحلي والفتي انتباهه مهب قاعده محلج سر

الهنوف :وش اسوي يعني اقوله تعال انا احبك واموت فيك وروحي بتفارقني لو ما حبيتني

هيا:وخر عنها كل ذا فيج وحنا ما درينا عنج

عليا:بس انا داريه وماخذه بالي منها ومن غيرها وناظرت هيا

هيا:وجع وجع من تقصدين//هههههههههههه اللي على راسه بطحه يحسس عليها// (( نسيت اقول لكم قرائي الكرام اللي بين الخطين هذولا// يعني انا اللي اعلق عليهم لأدخال البسمه على قلوبكم مهب كلام ابطال قصتي وهذا للعلم فقط))

عليا:اقصد حبيبتي وخطيبة اخوي خالد هياوي

هنا البنات تسدحوا من الضحك لأن وجه هيا اختلطت الوانه

وكلهم عارفين ان خالد مكلم امه واخته يبي هيا وهم وعدوه يكلمونها بس بعد زواج مهوي.



هيا:اوووووه والله لو تحدوني ارفض اخوكم

عليا:وشو وشو وهو انتي تطولين تاخذين خالد طول بعرض وجمال ومنصب وكل

عذرا تتمناه اقول ارفضي من الحين عشان انقي له وحده ومن رفيقات مهوي

اللي كله مطيحات عندنا بس عشان يلمحنه وهو مار ولا زار

هياوهي ماسكه وسطها:هي انتي وياها اللي في امها خير تقرب بس من خويلد

هههههههههههه مها
هههههههههههه الهنوف
هههههههههههههههههههههههههه عليا//ايه اطلعي على حقيقتج عادي وعبري


 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة








الساعة الآن 01:34 AM.


Powered by vBulletin Version 3.8.2
Copyright ©2000 - 2017, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net