صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى روايات عبير وأحلام > الروايات العربية

الروايات العربية قسم مختص بعرض أشهر الروايات العربية






الرجاء استخدام خاصية البحث أدناه للبحث في الموقع:






إضافة رد
 
أدوات الموضوع إبحث في الموضوع انواع عرض الموضوع
  #1  
قديم 05-04-2016, 01:14 PM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
قالت لي لا تتركني فتركتني








قالت لي لا تتركني فتركتني
للكاتبة ملكة على عرش قلبك
~~~~~~~~~~~~~~~~~~~~~~
تجميع فيتامين سي
شبكة روايتي الثقافية
~~~~~~~~~~~~~~~~~
.............

السـل?م عليـكـم ورحـمة الله وبركـاتـه

......

أقدم لكم روايتي ? قالت لي لا تتركني فتركتني ?أتمنى تعجبكم
محبتكم ?ملكة على عرش قلبك?

.......




،
بسم الله الرحمن الرحيم


،


،


نبدأ.....

.......

الـــــبـــدايــــہ

""""

نزلت من التاكسي مع أمها ووقفت تناظر المستشفى اللي قدامها ولفت على أمها : يمه ليه المستشفى ؟ دوخة شوي و بتروح لحالها
أم إحسان مسكت يد بنتها : إحساس يمه يا ليت هالدوخة مرة أو مرتين انتي لك فترة وانتي تدوخين وبعدين لا تنسين الغثيان اللي فيك
إحساس مشت مع أمها وهي مو مهتمة لهالفحوصات دخلوا المستشفى وقعدوا على كراسي الإنتظار إحساس ملت من الإنتظار : يمه لمتى راح نقعد هنا
أم إحسان : إحساس أعقلي شوي ولا تسوين حركات الأطفال ترى عمرك 19 سنة
إحساس بملل : خلاص يمه حقك علي باسكر فمي و أخذت جوالها و قعدت تطقطق لين ما سمعت اسمها قامت مع أمها و دخلوا عند الدكتورة : السلام عليكم
أبتسمت لهم : وعليكم السلام أشرت لهم ع الكراسي : أقعدوا
قعدوا و بدأت تتكلم أم إحسان عن الأعراض اللي تجي لإحساس
الدكتورة لفت على إحساس : ممكن تفضلي معاي إحساس : على وين ؟
الدكتورة : تمددي على السرير راح أكشف عليك
إحساس مشت معاها وهي مو مهتمة بشي وتمددت ع السرير ودخلت الدكتورة وكشفت عليها وطلعوا
أم إحساس وهي خايفة على بنتها : خير يا دكتورة طمنيني
الدكتورة : لا أن شاء الله مافيها إلا العافية بس أبغاكم تسوون هالفحوصات و تروحون قسم الأشعة وتسوون هالأشعة
أم إحسان : خير دكتورة ليش بنتي فيها شي
الدكتورة تحاول ما تبين لهم : ما فيها إلا العافية بس أبغى أتأكد من سلامتها
أم إحسان : الله يسلمك
الدكتورة لفت لإحساس اللي قاعدة تراقبهم بإهتمام أبتسمت وبهمس مسموع و تعمدت أنها توطي صوتها : كم عمرك يا إحساس
إحساس كانت تشوف شفايف الدكتورة تتحرك و فاهمة انها تكلمها بس ما تسمع الكلام زين أرتبكت : آ آ ما سمعت وش تقولين



 
 
رد مع اقتباس
 
 
   
  #2  
قديم 05-04-2016, 01:14 PM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
قالت لي لا تتركني فتركتني



إحساس أبتسمت و بينت غمازتها : عمري 19 سنة
الدكتورة : العمر كله
أم إحسان : بس كنها 1 سنوات
الدكتورة أبتسمت ابتسامة حزينة وهي تدعي ربها انه ما يكون فيها اللي في بالها وسط ضحكاتهم
الدكتورة بجدية : أم إحساس انتوا لازم اليوم تسوون الأشعة و الفحوصات
أم إحسان قامت مع بنتها : أن شاء الله دكتورة
الدكتورة : في أمان الله.
إحساس و أمها : مع السلامة
وطلعوا من غرفة الدكتورة و عملوا الفحوصات و الأشعة اللي قالت عليها الدكتورة و رجعوا البيت بعد ما قالوا لهم أن النتائج بتطلع بكرة
أول ما طلعت غرفتها طلعت جوالها اللي حطته صامت : أووووف 3 مكالمات من فهد و عفست وجهها لما شافت مكالمتين من تركي غير الرسائل "إحساس طمنيني أمي قالت لي انك رحتي لمستشفى وش فيك"
"إحساس حبيبتي أول ما توصلين البيت دقي علي عشان أتطمن عليك"
: يا ربي هذا وش يبي مني لاااااااا وبعد حبيبتي حبتك الجرادة أن شاء الله
ودقت على فهد : ألو هلا فهد
فهد : هلا فيك يا عمري طمنيني وش قالوا لك
إحساس : ما فيني إلا العافية بس قالوا لي أعمل أشعة للرأس و فحوصات كل هذا عشان الفلوس ما عليك منهم
فهد بخوف: طيب طلعت نتائج الفحوصات
إحساس بلا مبالاة : لسى بكرة راح تطلع انت لا تهم أي شي
فهد يعاتبها : حبيبتي وشلون ما أهمها أنا أي شي يتعلق فيك يهمني حتى لو كان شي تافه أصلا انت اللي تشوفينه تافه بس هو عندي شي مهم كفاية انه يتعلق بحبيبتي
إحساس فرحت من كلامه اللي طيرها فووووووووق وبهمس : أحبك
فهد : وأنا أموت فيك
إحساس بسرعة : بسم الله عليك لا تقول هالكلام
فهد : تأكدي أن مافي شي راح يفرقنا إلا الموت
إحساس : جعل يومي قبل يومك يافهد ترى والله أموت من دونك يا فهد
فهد : لا تقولين هالكلام مرة ثانية والله ترى أزعل
إحساس : كلا ولا زعلك
فهد بحب : حبيبتي
إحساس أبتسمت و بسرعة تلاشت ابتسامتها لما تذكرت مكالمات تركي و رسائله
فهد لاحظ سرحانها ?نه يتكلم وهي ماترد عليه رفع صوته شوي : إحساس وين رحتي
إحساس : حبيبي اليوم تركي أتصل علي و بعث لي رسائل
فهد بعصبية : هذا ما يستحي على وجهه بس إن ما علمته هالحقير ما كون أنا فهد
إحساس : حبيبي أنا ما كلمتك عشان تحرق أعصابك أنا كلمتك عشان يكون عندك علم
فهد : هين يا تركي مبين انه ما فهم انك حقي
إحساس : فهد ترى لا تلومه نحنا مافي بيننا شي رسمي ومحد عارف عن حبنا غير أختك لمياء
فهد : إحساس أنا كلمت أمي
إحساس بصدمة : وش كلمتها ؟
فهد : اني أبي أتزوجك على سنة الله ورسوله وهي اليوم راح تكلم أمك أصلا هم جايين عشان هذا الموضوع
إحساس رقص قلبها من الفرح وما قدرت تتكلم
فهد : أخليك الحين أصلا عارف ان القط أكل لسانك وماراح تتكلمين بس قبل لا أسكر وبهمس : أحبك وعدل صوته : أحلى باي ?حلى عروس
إحساس ما تدري كيف طلعت الكلمة : باي و سكرت الجوال وقعدت تتنطط في سريرها بس فجأة وقفت من الدوخة اللي جتها سقطت على سريرها وما وقفت على كذا حست بغثيان تسندت ع الجدار ودخلت الحمام <الله يكرمكم> ورجعت وطلعت من الحمام وهي متسندة ع الجدار و رفعت عيونها للباب اللي أنفتح ودخلت أمها اللي أول ما شافت بنتها أنخطف لونها وتغيرت ملامحها وركضت لها ومسكتها : ايش فيك يمه إحساس
إحساس ما تبغى تخوف أمها : يمه مافيني إلا العافية شوية و راح أصير بخير
أم إحسان تمشيها لسريرها : ان شاء الله يا بنيتي
إحساس تمددت : يمه أبوي جا ولا لسى
أم إحسان : أتصل علي وقال إنه في الطريق
إحساس : الحمدلله
أم إحسان : إحساس يمه اليوم جاية أم فهد عندنا
إحساس بتطير من الفرح بس ما تقدر تقوم من التعب اللي فيها : حياهم الله يمه
أم إحسان : أحس أن الموضوع فيه إنه
إحساس : ما فهمت
أم إحسان : قالت إن في موضوع ضروري تبي تقول لي إياه
إحساس : .......
: السلام عليكم
إحساس وأمها : وعليكم السلام ورحمة الله وبركاته
إحساس حاولت تجلس عشان كانت متمددة إحتراما ?بوها
أم إحسان : يمه إرتاحي تراكي تعبانة
أبو إحسان : بسم الله على بنيتي وش فيك يبه ؟
إحساس : مافيني إلا العافية يبه
أبو إحسان لف لزوجته : وش قالوا لها اليوم في المستشفى
أم إحسان بكرة راح تطلع نتائج الفحوصات و الأشعة
أبو إحسان : وليه الفحوصات و الأشعة في شي ؟


 
 
رد مع اقتباس
 
 
   
  #3  
قديم 05-04-2016, 01:14 PM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
قالت لي لا تتركني فتركتني



أم إحساس : لزوم أخاف عليك يمه أنا كم عندي إحساس
إحساس قامت وحضنت أمها و باست رأسها : الله يخليك لي يمه وما يحرمني منك وراحت لعند أبوها : وانت يالغالي الله يديمك لنا وما يحرمنا منك أبد
***
صحت من النوم لفت للساعة و شهقت : ياربييييييي الساعة 3:3 العصر ومحد صحاني
قامت بسرعة و دخلت الحمام <الله يكرمكم> و أخذت شاور و توضت وطلعت من الحمام لبست بيجامة و لبست جلالها و صلت العصر و فسخت جلالها وراحت لدولابها و طلعت تقريباً 1 بدلات و 3 فساتين و مصيرهم للأرض : أوووووووف كل ذي الملابس شافوهم عليا وش أعمل يا ربي ؟
أبتسمت برضاء من الفستان اللي تذكرته : مافي غير هذا الفستان إيه أصلا أنا المفروض أكون أحلى وحدة اليوم مو أنا عروس و فتحت الدولاب الثاني وطلعت فستان أحمر لفوق الركبة عليه أكمام ممسوك من الصدر عليه شريط تحت الصدر رفيع ذهبي ومنفوش من تحت لبسته و لبست جزمة فلات ذهبية و حلق ذهبية رفيييييعة و أسوارة ذهبية حطت روج أحمر و آيلاينر طالعت نفسها بالمراية عجبها شكلها أخذت جوالها وقعدت تتصور سمعت دق ع الباب : مين ؟
: أنا لمياء
راحت بسرعة و فتحت الباب:هيييييييييه أخيراً جيتوا يا دوبة و الله وحشتيني حيييييل
لمياء : و انتي أكثر يا قلبي بس الظاهر ما راح تقولي لأخت زوجك تفضلي
إحساس خدودها صارت حمراء : بس عاد
لمياء بصدمة : الله الله خدودك صايرين حمر صرتي تستحين الحين مو من صدقك
إحساس بإحراج : لمياء خلاص
لمياء : المهم يا مرة أخوي اليوم جايين نخطبك ولا تسويين نفسك مو عارفة أصلا العلة فهود يقول لك أي شي تافه يصير فما بالك بهالموضوع راح يقول لك إياه عشرين مرة و بعدين كشختك مو طبيعية
إحساس جت بتتكلم بس أمها دخلت الغرفة : إحساس يمه روحي سلمي على مرة عمك
وقفت إحساس و راحت تمشي لعند أمها و أمها تناظرها و تذكر الله و تصلي ع النبي : وش هالحلا يمه إحساس
إحساس : يمه حرام عليكم والله اللي يسمعكم يقول اني ما أغير ملابسي إلا بالشهر مرة
لمياء قاعدة تضحك
نزلوا تحت ودخلت إحساس المجلس أم فهد قامت وهي مبتسمة : هلا والله بمرة ولدي
أم إحسان ابتسمت
إحساس وجهها صار ألوان : هلا خالتي
لمياء ماتت من الضحك على شكل إحساس
و جلسوا يتكلموا و أكلوا الكعك شربوا الشاي وشوي إلا صوت أبو إحساس ينادي زوجته طلعت من الصالة عشان تشوفه وش يبغى ورجعت و الابتسامة على وجهها : إحساس يمه أبوك يقول إذا انتي موافقة اليوم راح تكون الشوفة الشرعية إحساس مغصها بطنها مو متوقعة أن كل شي يصير بسرعة
لمياء غمزت لها وبهمس : إذا رحتي له بذا اللبس أخوي راح ينجن و يقول يبغى الزواج بكرة
إحساس حمرت خدودها من كلامها لما أمها سألتها مرة ثانية و نزلت رأسها و بهمس مسموع : موافقة يمه
لمياء تعاندها : يمه لبسي عباتك ما سمعتيها تقول مو موافقة
إحساس رفعت رأسها لها بكل براءة بإنكار
ولمياء كاتمة ضحكتها : وش قلتي ؟
أم فهد : لمياء أعقلي شوي ترى البنت موافقة و بعد شوي راح تدخل عشان الشوفة
لمياء أنفجرت ضحك : أكيد رحمتيها يمه لما شفتي وجهها شلون أنخطف لونها
أم إحسان أبتسمت : إحساس يمه شكلك تبين تدخلين عند الولد و انتي بهاللبس
إحساس وقفت بسرعة و حركت رأسها بلا و طلعت غرفتها و هي مو مصدقة اللي يصير الكل ضحك ع شكلها و إرتباكها
*****
جالس عند أبوه و عمه بس فكره مو معاهم مع حبيبة قلبه ومو مصدق أنها راح تكون له قطع تفكيره صوت جوال عمه وطلع من المجلس لف ع أبوه ووجهه مبتسم : يبه ولدك راح يعرس
أبتسم أبوه إبتسامة ما عرف معناها : يا يبه راح أكلمك بس لا تظن إني أعكر عليك
فهد باهتمام : قول يبه وش فيك
أبو فهد : أنا ما فيني شي بس يا يبه الزواج قسمة و نصيب و إذا ما وافقت البنت لا تزعل و تعمل حركات ترى ما راح نجبر البنت على شي ما تبيه و أنا ما أبي أي مشاكل مع أخوي
فهد أبتسم بداخله لأنه متأكد من أنه هو الأول و الأخير في حياة إحساس : تطمن يا يبه ولدك أعقل من أنه يأخذ شي بالغصب
أبو فهد ربت على كتف ابنه : كفو و أنا بوك
لفوا ع الباب اللي أنفتح ودخل منه أبو إحسان ووجهه يطمن بالخير : بالمبارك يا ولدي يا فهد البنت موافقة و بعد شوي راح تكون الشوفة
فهد الابتسامة في عيونه قبل شفايفه
أبو فهد بفرحة : ألف مبروك يا يبه وان شاء الله زواج العمر
فهد وقف و حب على رأس أبوه : الله يبارك فيك يا رب انت الخير و البركة و راح لعمه وحب على رأسه : الله يبارك فيك يا عمي
*****
نزلت لابسة فستان طويل أبيض عليه دانتيل باللون الفوشي نص كم و صندل باللون الفوشي و إكسسوارات فوشية و فتحت شعرها الأسود اللي يوصل لين خصرها و ما حطت شي ع وجهها ?ن بشرتها بيضاء وحطت روج فوشي ع شفايفها المليانة و رسمت عيونها وحطت آيلاينر أسود أبرز لون عيونها السوداء الواسعة و حطت ماسكارا سوداء
قربت لعندها لمياء : لاااااااااا انتي شكلك ناوية ع أخوي
إحساس بهمس : انتي ايشبك اليوم حاطة دوبك من دوبي
أم إحساس أبتسمت : يلا إحساس الحين راح تدخلين
مغصها بطنها و أرتبكت : ح حاضر يمه
مشوا معاها لين ما وصلوا لعند باب المجلس رجعت أم فهد للصالة وطلع أبو إحسان بعد ما دقوا الباب و سلم على بنته وراحت أمها و لمياء ?ن عمها جا و سلم عليها و طلع مع أبوها عشان يأخذوا راحتهم أما هي ظلت واقفة وخايفة مررررة هي صحيح تحبه بس ما أنفردت معه لحالهم لا و بعد هي وهاللبس والزينة اللي ع وجهها جمعت قوتها ومسكت مقبض الباب
*****
قاعد ع الكرسي و أستغرب لما مضت خمس دقائق من على ما راحوا أبوه و عمه من جمب الباب و ما دخلت للحين خاف عليها ظنها داخت أو صار لها شي و وقف و مشى بسرعة و مسك مقبض الباب و شده بسرعة أنصدم لما شافها أنسحبت مع الباب و أرتطمت بصدره العريض و كانت مغمضة عيونها بقوة و متمسكة فيه بقوة فتحت عيونها ببطئ وشافته قدامها و شافت نفسها بين أحضانه و على وجهه إبتسامة بعدت بسرعة عنه
فهد ضمها ?نه كان خايف تسقط بس لما بعدت عنه حس ع نفسه : شكلك مو ناوية تدخلين
إحساس دموعها على رمش عينها من الإحراج مو مصدقة أن هذا فهد اللي تكلمه بجوالها عادي وما تستحي منه و الحين ما تقدر تحط عينها بعينه تكلمت وما عرفت من وين طلعت الكلمات : آ آ ممكن أطلع
فهد بعناد : لا أنا لسى ما شفتك عشان تطلعين
ومسك إيدها : ليه بردانة ؟ مع أنه الجو حر
إحساس أطرافها صارت ثلج لما بدأ يمشيها لداخل المجلس قعدت وهو قعد مقابل لها : كيف حالك حبيبتي ؟ لاحظ تغير وجهها لما قال حبيبتي وهو كاتم ضحكته كان متأكد أنها راح تستحي : ايشبك يا قلبي ما تردين ؟
كانت قاعدة ومتوترة من الجلسة معاه لحالهم و فهد زاد الطين بلة بكلامه وهي تعرف أنه يعاند و راح يزيد من هالكلام مالم ترد عليه تكلمت بهمس : زينة
فهد و هو كاتم ضحكته بالغصب : الحمدلله ومافي كيف حالك حبيبي ؟
إحساس وجهها صار أحمر وتمنت الأرض تنشق و تبلعها



 
 
رد مع اقتباس
 
 
   
  #4  
قديم 05-04-2016, 01:14 PM
الصورة الرمزية جنيــن
:: عضو مميز ::
______________
View جنيــن's Photo Album  جنيــن غير متواجد حالياً
 
قالت لي لا تتركني فتركتني



إحساس رفعت وجهها اللي صاير أحمر و دمعتها نزلت من عينها
فهد شافها و عرف انه حياء و ما قدر يتحمل و أنفجر ضحك : سامحيني إحساس والله ما كنت أقصد
أبتسمت وسط دموعها ولفوا ع الباب اللي أنفتح : لاااااااااااااااااا حشى ما صارت شوفة
فهد : لمياء أنقلعي برا لا أقوم و أوريك شي عمرك ما شفتيه
لمياء لفت لوراء : مو قلت لكم انه ما يستحي
دخلت أم فهد و أم إحسان
و هم وقفوا فهد راح سلم ع أمه و مرة عمه وهم يباركوا له و إحساس طلعت مع لمياء اللي سحبتها عشان تحكي لها عن اللي صار
*****
بتوعد : أنا أراويك يافهود كل ذا يطلع منك
إحساس تتوعد أكثر منها : لا انتي ما عليك أنا اللي راح أخليه يشوف النجوم بعز الظهر
لمياء ميلت زاوية فمها : إيييييييه واضح قلتي لي وش سويتي
إحساس : أصلا بالجوال يطلع لي لسان ما أدري من وين
لمياء أنسدحت ع السرير ومسكت على بطنها : آه بطني تعورني
إحساس : من اللي أكلتيه حرام عليك وش خليتي ما أكلتيه انتي أتعشيتي ولا أكلتي وجبات اليوم الثلاث
لمياء قامت بصدمة : قولي لا إله إلا الله لا تصكيني عين أصلا انتي اليوم معذورة تأكل برقة عشانها عروسة هه مالت عليك و عاللي ماخذتيه
شهقت : أقول بنشوفك وش راح تجيبين انتي
لمياء عملت حالها ذايبة : وه وه فديت طاريه
إحساس باستغراب : منو ؟
لمياء وهي بنفس حالتها : عريس المستقبل
إحساس ناظرتها بنص عين : مالت عليك و عليه
قعدوا يسولفون لين الساعة 11 الليل ورجعوا عائلة فهد لبيتهم و كل واحد طلع على غرفته
*****
تمددت على سريرها لما حست بدوخة بس قعدت تتذكر اللي صار لها مع حبيبها و أبتسمت فزت لما سمعت رنة جوالها المخصصة لفهد <الله ياخذك منهم ولا ياخذني من يدك ولا يأخذ غلاك وعمرك الغالي و تبقى لي> أبتسمت و ردت عليه : هلا
فهد : هلا والله بالغلا هلا والله بزوجة المستقبل
إحساس : .......
فهد : ايش هالجمال يا بنت والله ما ظنيتك حلوة كذا
إحساس : .......
فهد بلعانة : للأسف طلعتي أحلى مني كنت أظن أنه أنا أحلى
إحساس بسرعة : لا والله مين قال انك حلو أصلا أكيد أنا الأحلى
فهد أنفجر ضحك : والله عارف انك الأحلى أصلا يا شين البنات عندك انتي بنظري ملكة جمال
إحساس : انت ليش تحب تحرجني ؟
فهد : والله ان الفوشي عليك جنان
إحساس بخجل : فهههههد
فهد : ترى الشوفة حقتنا غير صار فيها الحضن الشرعي كمان
إحساس ببراءة : أصلا انت عارف كيف سحبت الباب حرام عليك والله اني أحس يدي أنخلعت من مكانها
فهد: بسم الله عليك حبيبتي جعل إيدي الكسر ان شاء الله
إحساس : لا حبيبي ما صار شي بس أمزح معاك
فهد : الله لا يحرمني منك يا قلبي
إحساس : ولا يحرمني منك حياتي يلا فهودي الحين لازم أسكر ?نه بكرة باصحي بدري عشان موعدي بالمستشفى
فهد : لا تخافي حبيبتي من أي شي يمكن هبوط المهم حبيبتي أول ما ترجعي البيت طمنيني
إحساس : إيه ان شاء الله خير يلا حبيبي باي
فهد : باي يا عمري
*****
صحت من النوم على صوت أمها : إحساس يمه يلا أصحي عشان ما نتأخر على موعد المستشفى
قامت من سريرها و دخلت الحمام أخذت شاور و طلعت من الحمام لبست بنطلون جينز أسود و بدي كت أبيض عليه رسمة قلم باللون الأسود و حطت كحل و ماسكرا و طلعت من غرفتها راحت لعند أمها : يلا يمه أنا خلصت
أم إحسان : يلا يمه أبوكي ينتظرنا بالسيارة بس خذي هالساندويش عشان ما تدوخي
إحساس : حاضر يمه
أم إحسان : حضر لك الخير يا يمه
طلعوا من البيت و حرك أبو إحسان السيارة و وصلوا المستشفى و أخذوا نتائج الفحوصات و الأشعة و دخلوا عند الدكتورة كانت إحساس تطالع الدكتورة بملل منتظرة متى ترجع البيت أصلا تحس بدوخة وما تبي تبين ?حد
أبو إحسان : بشري عسى خير
الدكتورة رفعت عينها من الأوراق و بحزن : والله ما أدري وش أقول لكم للأسف ظنوني جت في محلها بنتكم عندها سرطان في الدماغ
إحساس للحين ما أستوعبت اللي قالته الدكتورة و ما نطقت بحرف الصدمة جات قوية ?نها ما حطت ولو نسبة 1% أن فيها شي خطير
أم إحسان : وش تقولين يا دكتورة يمكن في غلط أو شي
الدكتورة : ل?سف هذا الواقع يا أم إحساس هذا المرض أنتشر بشكل كبير بهالفترة وصار يلاحق الصغار قبل الكبار
أبو إحساس شد على قبضة يد بنته اللي كانت جمبه ولا نطقت بحرف من صدمتها : راح أسفرها و أعالجها حتى لو أبيع كل اللي معاي
الدكتورة : أستهدي بالله يا أبو إحساس في دكتور متخصص في هذي الحالات بعد أسبوع راح يبدأ يداوم هنا كان يدرس في ألمانيا ماشاء الله دكتور والنعم فيه ماخذ الدكتوراة في قسم الأورام و أجرى كثير عمليات وكلها كانت ناجحة فلا تخافوا و أذكروا الله ولفت على إحساس : إحساس هالأمراض المفروض نكون أقوى منها ?نه إذا صرتي ضعيفة حالتك راح تتدهور
إحساس وقفت : نقدر نرجع البيت
الدكتورة لفت على أبوها و أمها المصدومين : فكروا بالكلام اللي قلته لكم و أهم شي نفسية إحساس
طلعوا من المستشفى و ركبوا السيارة وكان الهدوء سيد الموقف أول ما وصلوا البيت طلعت غرفتها وسكرت النور و الستاير و طفت جوالها و تمددت في سريرها و قعدت تبكي مو مصدقة اللي صار لها في المستشفى ومو عارفة كيف تقول لفهد الذي تتوقع انه راح ينجن لما يسمع أن حبيبته فيها سرطان بالدماغ "ياربي صبرني على إبتلاءك" ونامت من كثر التفكير


 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة








الساعة الآن 09:49 AM.


Powered by vBulletin Version 3.8.2
Copyright ©2000 - 2017, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net