صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى روايات عبير وأحلام > روايات المنتديات

روايات المنتديات روايات قلوب أحلام - روايات عبير الأحلام - روايات قلوب ملاذنا - روايات رومانسية مترجمة






الرجاء استخدام خاصية البحث أدناه للبحث في الموقع:









إضافة رد
 
أدوات الموضوع إبحث في الموضوع انواع عرض الموضوع
  #33  
قديم 24-05-2013, 01:41 PM
الصورة الرمزية عشتار
:: رومانس مون متفوق ::
______________
View عشتار's Photo Album  عشتار غير متواجد حالياً
 
رواية عذبتني ذليتني دست بكرامتي و أخرتها تقول لي أحبك / كاملة




غموض بنيه تسلمي يا الغلا


8


8


8


8


بيت هناء


(( غرام ))


حست بالقهر


أحمد مو مصدق أي شي اقوله عن نور


نور قلتل ها كلام ولا صدقت


لازم اسوي شي


جات على بالها فكرة


كلمت خالتها هناء


وقال انها بتكلم المستشفى وبتساعدها


غرام : واووو شكرا على الاوراق


هناء : اكيد هالخطة بتنجح خاصتاً انك قلتيلي اهم ولا مرة ناموا مع بعض


غرام : أي انا اعرف احمد وقلت لنور


غرام اخذت الورقة وطلعت من البيت طيب يا احمد آخر شي بتكون لي


كلمت احمد


مرة


ومرتين


ليه مايرد


بالنهاية رد


غرام :الووو


أحمد : انتي منوو


غرام : نسيت صوتي


أحمد : اخلصي شتبين


غرام : ابي اشوفك


أحمد : اقول يا بنت الماما بعدين عن طريقي احسن لك


غرام : طيب ما تبي تعرف آخر اخبار زوجتك


أحمد : لأ


غرام : لهدرجة واثق فيها


أحمد : انتي شنوو تبين


غرام : ابي اعطيك شي


أحمد :........


غرام : طيب انت بسيارتك وطلعت من البيت صح


أحمد : انتي تراقبيني


غرام : اكيد مو احبك اكيد اراقبك


أحمد : انتي وحدة غبية


غرام حست بالقهر


جرحها بس سكتت


طيب يا احمد راح اصبر


غرام : هذا انت صح شفتك بليز وقك بس راح اعطيك شي وماراح تشوفني مرة ثانية


أحمد وقف سيارته


غرام نزلت له


وهي مو مصدقة واااو أحمد قدامي


أحمد : بسرعة شنوو تبين


غرام مدت له الأوراق : حبيبت اقول لك ان زوجتك الحلووة نور


حامل


احمد مد يده واخذ الأوراق


طالعهم وبعدها وجه نظره لها : أي وبعدين


غرام : اقول لك حامل


أحمد ببرود وسخرية : لا عن جد ؟؟ لا لا احلفي حامل


غرام : أحمد شبلاك اقول لك انها حامل وانتوا عمركم مانمتوا مع بعض بغرفة فكيف تحمل يعني حامل من غيرك


أحمد : حامل مني من غيري وانتي شدخلك انتي شدخلك فينا اصلاً


غرام : شنووو شدخلني


أحمد : وبعدين انتي حاطة لنا مراقب بالبيت نمنا مع بعض أو لأ لعلمك انا ونور مع بعض بغرفة (( بكذب )) ومن تزوجنا مافراقتها


غرام انصدمت من ردت فعله : طالع الأوراق تثبت كلامي


أحمد : أي شنوو اسوي فيهم يعني هذيلا لي


شق الأوراق وناثرهم قدام عيون غرام إلا منصدمة


أحمد داس على الأوراق المشققة : اقول لا اشوف وجهك مره ثانية وبعدين عنا وعن نور خاصتاً يا غرااام


بعد عنها وصعد سيارته


هي ظلت واقفة ومصدومة


يحبها !!!


لهدرجة يوثقون ببعض


عصبت


خالتي قالت ماينفع لنور غير السم الله يموتها ان شاء الله


صعدت السيارة وعصبت على السواق انه يمشي بسرعة


تحس انها انلت كثير لهم طيب يا نور حتى إلا ارسلته ان يكلمك ماكلمتيه وقلتين لأحمد عنه


راح اشربك يوم عصير يعصر دماغك حتى تعرفين منووو غرام


...............................................


بيت رياض


رياض : حبيبتي يا الله تعالين اجلسي معي


ريناد : طيب بس اسوي العشا


رياض : بلا عشا بلا هم تعالين بس


ريناد طلعت من المطبخ : رياض انت شبلاك


رياض : مافيني شي بس ما ابي اتعشا بالبيت


ريناد : رياض انت عمرك ماتذوقت طبخي دوم برا بس هالمرة ابي اطبخ لك


رياض : ما احب اتعبك


ريناد : بلا مبالغة ويا الله انا داخلة المطبخ


رياض : وش ذا بس ابيكِ تجلسين عي من تزوجنا وحنا مانجلس مع بعض كثير


ريناد : قول لنفسك مع اشغالك إلا ماتخلص وعلى فكرة انا عزمة اخوي ومرته بكرا


رياض : طيب


.............................................


بيت شذى


(( شذى))


جلست بالصالة بحالها


او بالبيت كله بوحدها


مامعها


حد


بس الشغالات


فتحت القرآن وصارت ترتل


ودموعها تنزل


كان هذا البيت مجرد بيت لرقص والأغاني


بيت لتجمع البنات والشباب


بيت كانت راح تقضي على حياة ولد ختها احمد فيه


عمره هذا البيت ما انقرأ فيه القرآن أو حد صلى فيه


تحس انها وحيدة مامعها


حد غرام


ماصارت تفكر إلا انها تاخذ أحمدمع خالتها وبس


خالد


آآآآه يا خالد وينك ياولدي


انت بخير


شنوو صاير لك الحين


انت في وين


جلست تقرأ القرآن بخشوع


لين ما انفتح باب الصالة


وسمعت خطوات مقتربة منها


سكرت القرآن


والتفتت


لقت


شذى : خـــالـــد !!!!!!!!!!!!


خالد جلس جنب امه وهو منزل راسه


شذى : وينك يا ولدي وين طلعت من البيت ومارجعت وين رحت


مدت يدها له تبي تتحسسه


لكن بعد يدها عنه


شذى نزلت راسها : انا تبت يا ولدي ومستحيل ارجع مثل قبل


خالد بصراخ : بعد شنووو قوليلي بعد شنوو تبتين بعد ماضيعتي كل شي هاا قوليلي وينها بنتك الحين ومع منوو قوليلي تدري شنوو كانت تسوي أي هذا شي عادي عندك لأنك كنتي تسوين مثلها ولا اعظم بعد وانا وانا


نزل راسه بقهر


شذى بكت : آآه ياولدي صدقني ندمانة بس إلا ابي اسويه واريح ضميري فيه اني اروح لولد خالتك


خالد رفع راسه : أي ولد خاله


شذى : ولد خالتك أحمد إلا تركته امه عندي وخليته من صغره يشوف اشياء صغيرة عليه يشوف بنات وشباب بالبيت وانا معاهم يشوف (( قطعت كلامها وهي تبكي)) كنت اضربه إذا ماسمع كلامي كنت اعطيه زجاير يدخن معي كنت ادخله معي بالغرفة غصبا عنه


خالد كان يسمع كلامها مصدوم


منووو هاذي


هاذي ام


هاذي عندها قلب هي مع اختها


خالد : كيف قدرتي تسوين كذا كيف


شذى : الشيطان يا ولدي لعب بعقلي الشيطان


خالد : أي شطان وإذا ربك سألك بتقولي الشيطان


شذى سكتت


خالد وقف : على فكرة انا مو جاي ازورك بس جاي اقول لك اني ابي اتزوج بس مدري البنت توافق علي بعد إلا تعرفه عن امي أو لأ


مشى وتركها


يحس انه كارها وكاره هاذي الحياة


حمد ربه انه تاب


وطلع من إلا كان هو فيه


.................................................. ...........


بيت أبو أحمد


(( أحمد ))


دخل البيت يحس انه تعبان


صعد السلم لكن استوقفه ابوه


أبو أحمد : هلا بالغالي نورت البيت


أحمد : هلا يبه


أبو أحمد : وين رحت


أحمد : رحت احجز لي ولنور


أبو أحمد : خلاص راح تسافرون


أحمد : أي


أبو احمد ابتسم : الله يسعدكم ان شاء الله


أحمد : طيب يبه انا الحين راح اصعد غرفتي ارتاحتبي شي


أبو أحمد : روح اهم شي راحتك


أحمد ابتسم لأبوه وصعد فوق


.................


(( نور ))


صحت من النوم بخوف


تحس بالحر


حلمت بكابوس مزعج


كان قلبها يدق بقوة


قرأت المعوذات وقامت من السرير بخوف


بدلت ملابسها


وجلست على السرير


قلبها يدق


تحس بخوف


تحس بشي راح يصير لها أو لأنسان غالي عندها


تنهدت وتعوذت من ابليس


سمعت صوت الباب ينفتح التفتت لقت أحمد داخل الغرفة بهدوء


ابتسمت


لقت أحمد متوجه لدولاب اخذ له لبسه


وطلع برا الغرفة


شفيه ؟؟


حتى سلام ماسلم


هههه ومن متى احمد حاس فيني اصلا


تذكرت كلام ريمه لها ان مو بلازم هو إلا يتقدم هي إلا تتقدم وتحاول انه تخليه يحبها


كانت راح تفتح الباب


لكن لقت الباب انفتح


دخل احمد


وسكر الباب وبعدها قفله


نور خافت من نظراته لها


أحمد : ليه تطالعيني كذا


نور : هااا لا بس


أحمد بعد عنها وجلس بالسرير وغطا نفسه : جهزين شنطتك بعد بكرا راح نسافر


نور : ان شاء الله بس انت ليه مقفل الباب


أحمد : مالك دخل انتي بس جهزين الشنط ولا تزعجيني


نور نزلت راسها وبعدت عنه


.................................................. ..........


بيت نواف


نواف : حبيبتي باقي شهرين وتولدين ان شاء الله


ندى : نواف إذا جبت بنت شنوو راح تسميها


نواف : إذا جبتي بنت انتي إلا سميها بس إذا جبتين ولد انا باسميها


ندى : ههههههههههههههههه


نواف : فديت هالضحكة


ندى : تسلم لي نواف حبيبي


نواف : نعم


ندى : تصدق ابي اروح بيت اخوي اشتقت لهم


نواف : طيب قلبي لبسين وانا راح آخذك


ندى : تسلم لي


وقفت ودخلت الغرفة تلبس عباتها


.................................................. ...............


في ثاني



في مصر


جلست هبه


لقت الساعة 10 صباحا بتوقيت السعودية


لبست عباتها وتحجبت


طلعت من الغرفة


لقت خالد وعلاء جالسين ويشاهدوا


ابتسمت وجلست جنبهم


هبه : صباح الخير يا حلووين


خالد : هلا هبه


هبه : هلا خلودي فطرتون


علاء : لأ


هبه : طيب ايش تبوا تاكلون


علاء : هبه جوالك يدق


هبه التفتت


لجوالها


ورفعته


هبه : الووو


........: هلا وغلا يا بنت العم


هبه : اووو انت ما مليت انت منوو اصلا


.......: قلت لك انا ولد عمك


هبه وقفت : يعني كيف ولد عمي


........: هبه الناس إلا انتي عايشة معهم ما يقربون لك


هبه : يعني كيف


.........: انا اسمي فايز


هبه : هااا


فايز : الله يسامح امك بس الله يسامحها إلا باعتك لهم


هبه : انت تتكلم عن شنووو


فايز : آآآآآآه على برائتك امووت عليكِ


هبه سكرت الجوال بسرعة


نزلت دموعها


ياربي شنوو يقصد بكلامه


إذا انا مو بنتهم


انا بنت منووو


راح اكون منووو اصلا يمكن حتى اسم هبة مو اسمي


حست انها دايخة مو قادرة تركز


جلست


ولقت ام راشد طالعة


أم راشد : انتي قعدتين


هبه : أي


أم راشد : وليه ماسويتين الفطور


هبه : انا آسفة


أم راشد : انتي مو آسفة انتي تقومين الحين وتسوينه


هبه نزلت راسها : ان شاء الله


بعدت عنها وتوجهت للمطبخ


عرفت الحين ليه كانت تبيني اجي معهم السفر


حتى اخدمها


ليه تسوي لي كذا


ليه ما تحبني


دخلت المطبخ


طلعت الصحون والملاعق


وبدت بالفطور


سمعت صوت خطوات من وراها


التفتت لقت مازن


تغطت بسرعة


مازن : كيفك


هبه : بخير


مازن : تبي مساعدة


هبه : لا مشكور بس


مازن : بس شنووو


هبه : متى راح نرجع السعودية


مازن : مليتين


هبه : مدري


مازن ظل ساكت


هبه التفتت


وصارت تغسل الصحون


مازن ظل يطالعها


بدون شعور تقرب لها وصار وراها بالضبط


هي حست له


زادت دقات قلبها


لازم اقول له يبعد عني


التفتت له


لكنها سكتت وهو ظل بعد ساكت


هبه : مازن بعـ


ماكملت إلا دخلت أم راشد


هبه طاح منها الصحن إلا بيدها


أم راشد : يا قليلة الأدب


توجهت لها بكل قوتها


وعطتها كف


اخذتها من شعرها وطلعتها برا المطبخ


ام راشد : انتي ما تستحين على وجهك يا حقيرة


هبه بكت : خالتي لا تفهميني غلط


أم راشد : الله ياخذك ان شاء الله يابنت الشوارع إلا مدري من وين جيتين غلطت اختي اخذتك من الشارع


هبه انصدمت من كلامها


مازن وقف


هبه نزلت دموعها


أم راشد : لا تطالعيني كذا يافقيرة حنا إلا خليناكِ تكونين بنت ناس من بنت شوارع امها تدور لها على اهل إلا بنت عيلة معروفة


هبه وقفت


كانت مصدومه من كلامها


الحين فهمت شنوو كان يقصد فايز


ظلت تطالع بأم راشد : واخواني


ام راشد : هذول اولاد اختي اما انتي بنت شوارع اقول يا بنت الشوارع


هبه نزلت راسها


دخلت غرفتها بسرعة وهي تبكي


.................................................. ........


بيت أبو عبد العزيز


اريام : خايفة


ندى : خايفة من شنوو


اريام : مابقى إلا اسبوع واتزوج


ندى : طيب وليه الخوف


اريام : آآآآآه تصدقين خايفة على عبد العزيز إلا راح يعيش بحاله


ندى ابتسمت : ياليت يقتنع ويتزوج


اريام : ان شاء الله


بهاذي اللحظات دخل


عبد العزيز وهو مبتسم


عبد العزيز : اشوف صار لك يومين عندنا وين زوجك عنك


ندى : انا طلبت منه اشتقت لكم


عبد العزيز : حنا بعد


ندى : اريام راح تتزوج


عبد العزيز ابتسم لها


ندى : وان شاء الله انت بعد


عبد العزيز : لا انـ


ندى قطعته : لا تقول شي ابي اخطب لك


عبد العزيز : بعديني عن هذا الموضوع لأني ما ابي


دخل غرفته يرتاح


اريام : شفتين ما مع الكلام فايدة


ندى : آآآآآه منه بس.. صدق نور راح تسافر


اريام : كيف ؟؟ يعني ماراح تحظر الزواج


ندى : مدري


اريام : لا كنت اتمنى تكون موجودة


ندى : يمكن ما يطولون


اريام : ان شاء الله


.................................................. ................


بيت ابو أحمد


أحمد حمل الشنط وطلع برا ونور معاه


حتى وين راح نسافر مدري


آآآآآآه ياربي بشنووو يفكر


دخل السيارة ونور جلست بالكرسي إلا جنبه


حرك السيارة وهو ساكت ومتوجه للمطار


نور ظلت متوترة


لين ماقال لها أحمد


ينزلون


نزلت معه


وجلسوا حتى اعلنت عن رحلتهم


أحمد وقف ومشى ونور تحس انها ضايعة


دخلوا الطائرة


جلست نور واحمد لس بجنبها


ظلوا ساكتين والصمت ما انقطع بينهم


لين اقلعت الطائرة


نور بتردد : أحمد


أحمد التفت لها


نور : وين راح نروح


أحمد : ايطاليا


نور : هاااااا !!!!!!!وراح نتأخر


أحمد : ليه تسألين


نور : لان زواج اختي قرب و


أحمد سكت عنها : لا تخافين ماراح نطول


نور : وليه راح نروح كذا فجأة


أحمد : عندي شغل


نور نزلت راسها غمضت عيونها وحاولت تنام


.................................................. .......


بيت أبو ناصر


ناصر : مدري عنك يا يبه


أبو ناصر : الشاب ماشاء الله عليه مؤدب وباين عليه محترم


ناصر ابتسم


أبو ناصر : خلاص راح اكلمها بالموضوع


ناصر : الله يوفقها ان شاء الله


أبو ناصر : يا شهد .. شــــــــهــــــد


شهد نزلت من السلم : هلا يبه


ابو ناصر ابتسم : ابيكِ بموضوع


ناصر ابتسم لها وطلع من البيت وراح لزوجته


شهد : تفضل يبه


أبو ناصر : الحين كبرتين وماشاء الله عليكِ


شهد نزلت راسها : تسلم يبه


أبو ناصر : والحمد الله جا اليوم إلا انتظرته


شهد طالعت ابوها وهي مو فاهمة ولا شي


أبو ناصر : تقدم لك واحد يا بنتي وماشاء الله عليه انا واخوكِ سألنا عنه


شهد نزلت راسها


أبو ناصر : اسمه خالد الـ............


شهد رفعت راسها : انت متأكد يبه


أبو ناصر ابتسم : أي


شهد نزلت راسها وقامت بسرعة


أم ناصر : هههه البنت استحت


أبو ناصر : الله يستر عليها


أم ناصر : ان شاء الله


.................................................. ..........


اليوم الثاني


بيت عبد الله


دخل عبد الله البيت مبتسم وهو يشوف ياسمين


عبد الله : السلام عليكم


ياسمين : وعليكم السلام


عبد الله : هلا بالحلوة هي ولي ببطنها


ياسمين رفعت راسها : عبد الله انت


عبد الله ك أي انا بنفسي ابيكِ تجيبين لنا عيال


ياسمين ابتسمت : صدق


عبد الله : اكيد


ياسمين ابتسمت وبعدها نزلت دموعها


عبد الله تقرب منها : ليه تبكين


ياسمين : انا مو مصدقة شي


عبد الله ابتسم لها : خلاص يا ياسمين راح نبدأ حياة جديدة صح


ياسمين ابتسمت : أي


.................................................. ..................


المطار


وصلت الطائرة في اليوم الثاني


نزلت نور من الطائرة وصعدت السيارة إلا راح تاخذهم على الفلة


مرت نص ساعة لين وصلوا


نزلوا للفلة


ودخلوا داخل


نور انبهرت من الفلة وجمالها


أحمد : ليه واقفة


نور : هاااااا


أحمد ابتسم : راح اعرفك على انسان احس انه مثل ابوي


نور : منووو


احمد بدون مقدمات مسك يدها


ومشى معها


دق الباب


وفتحته له


اميرة : احمد !!!!!


أحمد ابتسم : وينه أبو سعد


اميرة ( ام سعد ) ابتسمت : تفضلوا


دخل احمد وهو بعده ماسك يد نور


سلم على أبو سعد


أم سعد : منووو هاذي الحلووة إلا معك


أحمد : هاذي نور زوجتي


أبو سعد وأم سعد طالعوا ببعض : تزوجت !!!!!!


أحمد : أي


نور ابتسمت لهم


أم سعد : ياربي لك الحمد ما ضنيت انك تفكر تتزوج


أبو سعد : الحمد الله


أحمد : طيب عن اذنكم حنا راح نروح نرتاح


أم سعد : اذنك معك يا ولدي


.................................................. ..........


بيت هناء


غرام :ههههههههههههههههههههههههه


هناء : بسم الله شبلاكِ تضحكين كذا


غرام : مليت يا خالتي مليت احس اني مو قادرة اخذ احمد


هناء : وانتي منقهرة عشان كذا


غرام : آآآآه كيف نور الغبية اخذته مني


هناء مدت لها صور : شوفي هاذي ومعاهم لفيديو


غرام طالعت الصور وهي مبتسمة : تصدقين اني ضنيت اهم صدق


هناء : هههه تركيب يا الغلا ونور راح يطلقها احمد هالمرة


غرام ابتسمت


اخذت الفيديو والصور دخلتهم بجوالها ورسلته له


غرام : آآآآآآه يا خالتي عليكِ افكار


هناء : هههه اعجبكِ


غرام جلست وشربت العصير وهي مبسوطة وتنتظر ردت فعله


.................................................. ..........


في مصر


توجهت عائلة ابو راشد للمطار حتى يرجعون لسعودية


هبه كانت ماسكة يد اخوانها


جلسوا مع بعض بالطائرة


الحين عرفت منوو انا


عرفت ان امي عمرها ما حبتني آآآه


اقلعت الطائرة


هبه حست بالتعب ونامت وبحظنها اسماء


.................................................. .............


في ايطاليا


نور : أحمد ماراح تنام


أحمد : لأ


نور : اهاا


دق جوال احمد بوصول رسالة له بعدها جات رسالة ثانية


وثالثه


ورابعة


نور طالعته


أحمد ترك جواله وما اهتم وطلع من الغرفة


نور تغطت ونامت


بعد ساعتين


دخل الغرفة بهدوء


لقاها نايمة ابتسم


اخذ جواله وطلع بهدوء حتى ما يزعجها


لقى 10 رسايل


منوو هذا إلا راسل له


فتح الرسالة


انصدم من إلا شافه


وبعدها فيديو


طاح الجوال بسرعة منه


ماحب يكمل


الخاينة


توقعت انها تسوي كذا


انا مصدق انها حامل


كيف يوم جاني شعور انها طيبة ومو مثل البنات


اخذ جواله ومسح الرسايل


ظل ساكت


داس على قلبه وطلع من البيت


لا يا احمد لا تسوي كذا


ابتسم بسخرية وليه ما اسوي


توجه للمكان إلا يفكر فيه وبعدها حجز له


.................................................. .........


اليوم الثاني


صحت نور من النوم


لبست بنطلون جنز وبلوزة بيضا


وبعدها لبست عباتها وخلت شيلتها على كتفها


وطلعت من الغرفة


لقت الخدامة مبتسمة


نور ابتسمت لها


الخدامة مدت لها ظرف : هذا احمد قال لي اعطيش وياه


نور اخذته : شكرا


بعدت الخدامة نور فتحت الظرف


لقت ورقتين


فتحت الورقة الأولى



وانصدمت


ورقة طلاق


طــــــــــــلقــــــــــني !!!!!!


نزلت الدموع من عيونها وطاحت على الأرض منصدمة


وبعده فتحت الورقة الثانية


كان مكتوب فيها


[ ايش رايك بالورقة ؟؟؟ عجبتك صح انتي اصلا


من مدة وانتي تبيني اطلقك انا طلقتك دبرين نفسك هنا على فكرة انا رجعت السعودية


عيشي حياتك الحلوة بايطاليا يا حلوة او كلمين الشباب إلا تعرفيهم يجوا وينقذوكِ ٍ]


طاحت الورقة من يدها


ليه تسوي كذا ليييه


انا


سكتت


ماقدرت وحست بالدموع تنزل ظلت تبكي


وتبكي


اخذتني هنا حتى تتركني وحيدة ببلاد عمري ماجيتها ولا اعرف ولا شي عنها


ظلت تصارخ


: اكررررررررررررررررررررررهك ليه سويت كذا لييييه


جت لها أم سعد : نور يا بنتي شفيكِ


نورتبكي : آآآآآآآآه قطني هنا طلقني


أبو سعد : خلاص لا تبكين يا نور لا تبكين حنا راح نحجز لك ونرجعك


نور مسحت دموعها : صدق


أبو سعد : خلاص يا بنتي لا تبكين


أم سعد ساعدت نور توقف


أبو سعد طالع ام سعد : خلاص انا رايح احجز لك


طلع أبو سعد


نور وصوتها مبحوح من البكي : ام سعد لييه احمد سوا كذا ليه


أم سعد نزلت راسها


نور : انا شسويت له شنوو


.................................................. ...........


بعدها بيومين نور رجعت السعودية توجهت لبيت عبد العزيز إلا كانت ندى واريام متجهين للكوافير لأنه كان عرس اريام


ندى : نور !!!!!!


نور ضمت ختها وظلت تبكي وتبكي


اريام : نور شنووو صار


نور مسحت دموعها


ما تبي تنكد على ختها ليلة عرسها


نور : لا بس راح اجي معكم للكوافير


اريام وندى ناظرون ببعض


مستغربين من حال ختهم


إلا بلحظات دخل عبد العزيز ولقى نور


عبد العزيز : هلا با الغالية إلا وينه زوجك


نور نزلت راسها : يا الله حتى نروح للكوافير


طلعت برا ودخلت السيارة


طلعت بعدها اريام وندى


وتوجهوا للمزينة


.................................................. ...............


بيت أبو راشد


أم راشد : والله مو مصدقة ان اليوم زواجه


مازن ابتسم : يا الله يمه حنا راح نطلع الحين


أم راشد : عقبالك يا ولدي ابي اشوفك معرس


مازن : يمه انا قلت لك ماراح اتزوج غيرها


أم راشد تضايقت : ردينا عل هاذي السالفة


مازن بعد عنها وطلع من محمد


أم راشد : كيف حبها وتعلق فيها


وش إلا شافه فيها من جمالها يعني


..................................


(( هبه ))


كانت جالسة بغرفتها


ما تبي تروح الزواج


تحس انها تعبانة وموقادرة حتى تفكر


دق الباب


هبه : منووو


أبو خالد : انا يا يبه


هبه : تفضل


دخل ابو خالد


وشاف هبه جالسة على السرير


جلس بجنبها


وطالعها بحنان عمره ما عطاها وياه


هبه نزلت راسها


أبو خالد : لا تصدقينهم انتي بنتي أي


هبه رفعت راسها


أبو خالد : أي بنتي هبه اكبر اخوانها إلا كبرت وحنا ربينها وخلينها تربي اولادنا اخوانها


هبه : يبه


بكت وضمت ابوها


أبو خالد مسح على شعرها : صدق انك مو بنتنا الحقيقية وبنت عيلة ثانية بس ماراح ياخذوك مننا لأنك بنتي إلا ربيتها


(( أم خالد ))


كانت تطل من الباب


تحس بالخجل انها تدخل


بعد إلا سوته ببنتها


ترددت


وبعدها دخلت وضمت هبه بسرعة


: سامحييني يا بنتي سامحيني


هبه نزلت دموعها


وكأن حياة جديدة بدت لها


.................................................. ........


بيت أبو أحمد


(( أحمد ))


طلع هوا الدخان


الغرفة امتلت دخان الزجاير


فتح العلبة العاشرة


وظل يدخن


ابتسم


تخلصت منك يا وسخة يا قذرة


سحب اكثر من الدخان


ياليت اني ماقلت لأبو سعد انه يساعدك ويرجعك هنا


ياليت تظلي هناك بحالك


دخل ابو احمد


وماقدر وطل يكح


فتح النوافذ


أبو أحمد : انت شنوو راح تسوي بنفسك


أحمد : مالك دخل


أبو احمد : احمد


أحمد : انت إلا تزوجت لييه تتزوج لييه حتى تدمرني ولا تبيني اتزوج حتى اتدمر مثلك اكرهم اكرهك انت بعد


أبو أحمد تقرب من ولده : أحمد لا تقول كذا


احمد : اطلع برا


أبو أحمد : أحمد انت شارب ؟؟؟؟


أحمد وقف : مالك دخل في حياتي اطلع براا


أبو أحمد عطا أحمد كف : لا تخلي الماضي يأثر عليك


سحب الزجارة من يده وقطها بالزبالة


واخذ كل علب الزجاير وقطهم


أبو أحمد : انا عارف انك مستحيل تشرب بس انت تنتحر كذا


أحمد طل ساكت


وبعدها قال بهمس : خانتني .. مثل ماتوقعت (( بصراخ )) انا حبيتها


أبو أحمد رفع راسه


أحمد طلع من الغرفة بسرعة


.................................................. ........


في الصالة


دخلت اريام الصالة


وعيون الكل عليها


توجهت لنهاية وجلست


نور اخذت لها ريمه ثوب لأنها نست نا تاخذ لها ثوب


ريمه : رجعتين من السفر


نور : أي


ريمه ابتسمت لها : ها وش سويتين مع احمد


نور : ما سويت شي


ريمه : ما تحسين بتقدم معه


نور : ههههه تقدم وهو طلقني


ريمه : شنوووووووووووو !!!!!!!!!!!!!!


الكل طالع ريمه


ريمه مسكت يد نور وطلعوا بر الصالة


في الحديقة


ريمه : طيب ليه سوا كذا


نور : مدري بدون سبب


ريمه نزلت راسها : طيب يا الله ندخل لأن محمد شوي وبيدخل


نور ابتسمت بألم


ودخلت معها الصالة


.................................................. .........


(( ريان ))


ريان بصراخ : كيف يافايز ماقدرت


فايز : اكتشفني صاحبك احمد هذا مو بسهل حطيت المخدرات وبلغت الشرطة لكنه للأسف


ريان : خلاص هذا انا إلا راح انتقم منه


فايز : شنووو راح تسوي


ريان سكت


فايز : على فكرة حبيبتك ريمه


ريان : شفيها


فايز : طاحت بحب عبد العزيز


ريان : شنوووو وانت كيف عرفت


فايز : نسيت اني اراقبها


ريان : وش تحب فيه


فايز : قصدك انت إلا وش تحب فيها


ريان : لا تتكلم عنها كذا


.................................................. ..........


في الصالة


دخل محمد وصار له 10 دقايق


اخذت لهم المصورة صور


وبعدها طلعوا من الصالة بدا الناس يقلون


نور : ريمه شنوو اسوي ما ابي اقول لأخوي اني تطلقت


ريمه : ليه ما تنامين معي الليلة


نور رفعت راسها : ريمه


ريمه : أي نامين معي وبكرا قولين له حتى لا تعرف اريام


نور ابتسمت لها : عن جد مدري شنووو اقول لك


ريمه : يا الله يا حلوووة السواق جا


لبست نور عباتها مع ريمه وطلعوا


متجهين للبيت


..........................................


بيت عبد العزيز


دخل البيت وهو مظلم


فتح الانوار


قفل الباب


حط يده على الجدار


يحس انه بالبيت بحاله


كل خواته طلعوا


من هنا


حس بالوحدة اول مرة يحس فيها


تعوذ من ابليس ودخل


غرفته ينام


.................................................. .......


بيت نواف


دخلت ندى البيت


وهي تحس بألم مو مفارقها


خاصتا انها دخلت الشهر الثامن


آآآآآآه يا ظهري


فتحت الباب ودخلت الغرفة لقت نواف


نواف : ندى شبلاكِ


ندى : آآآآآآآآه يا نواف آآآآآآآآه


نواف وقف : ندى


ندى : مـ و بققــادرة


نواف اخذ عباتها ولبسها بسرعة


وطلع من البيت


توجه للمستشفى


دخل المستشفى و


اخذوا ندى على غرفة الولادة


نواف : شننووو راح تولد


الدكتور : بالصراحة البنت ماقدرت و


نواف يقطاعه : لكن هي بالشهر الثامن


الدكتور: عن اذنك


وقف نواف حس ان خايف على ندى


انتهى البارت اتمنى انه عجبكم


والاقي منكم ردود


انتظروني بالبارت الأخير


التوقيع

****

 
 
رد مع اقتباس
 
 
   
  #34  
قديم 24-05-2013, 01:42 PM
الصورة الرمزية عشتار
:: رومانس مون متفوق ::
______________
View عشتار's Photo Album  عشتار غير متواجد حالياً
 
رواية عذبتني ذليتني دست بكرامتي و أخرتها تقول لي أحبك / كاملة







بيت نواف


دخلت ندى البيت


وهي تحس بألم مو مفارقها


خاصتا انها دخلت الشهر الثامن


آآآآآآه يا ظهري


فتحت الباب ودخلت الغرفة لقت نواف


نواف : ندى شبلاكِ


ندى : آآآآآآآآه يا نواف آآآآآآآآه


نواف وقف : ندى


ندى : مـ و بققــادرة


نواف اخذ عباتها ولبسها بسرعة


وطلع من البيت


توجه للمستشفى


دخل المستشفى و


اخذوا ندى على غرفة الولادة


نواف : شننووو راح تولد


الدكتور : بالصراحة البنت ماقدرت و


نواف يقطاعه : لكن هي بالشهر الثامن


الدكتور: عن اذنك


وقف نواف حس ان خايف على ندى


مشى بتوتر ظل يروح ويجي


طالع ساعته


آآآآآه يا ندى


يارب ساعدها يارب


.................................................. ....


بيت شذى


دخلت غرام البيت وهي مبسوطة


طلقها


ياربي مو مصدقة


يعني خلاص هم وانزاح


لا لا لازم اهدد نور انها ما تتقرب منه


شذى : ابي اعرف شي واحد بس انتي ما تخافين من ربك من إلا تسوينه


غرام : نعــــم !!!! وانتي الحين لا تدخلين


شذى وقفت : احترمين نفسك واعرفي انتي تكلمين من


غرام : ههه اكلم وحد هأ حيا الله امي


شذى كانت راح تضربها بس وقفت يدها


انا حيا الله امك


شذى : طيب يا غرام واإذا هالحيا الله امك هدمت كل إلا تبنينه


غرام : شنووو قصدك


شذى : راح تعرفين بعدين شنوو قصدي


غرام طالعتها وابتسمت بسخرية : لا خوفتيني ترا ما اخاف منك


بعدت عنها


شذى نزلت دمعة من عيونها


كانت عاقة لوالدينها وكأن الزمن انقلب عليها


هاذي نسخة لها من صغرها


آآآآآآآآه يا زمن


نزلت راسها وصعدت فوق


(( غرام ))


كانت بغرفتها


رفعت جوالها ودقت على نور


انتظرت


نور : الوووو


غرام : هااااي


نور : هلا منووو معي


غرام : ههههههههه معاكِ غرام بنت خالة احمد


نور : شنووو وشنوو تبين مني


غرام : ههههه شي بسيييييييط


نور : إلا هو


غرام : سمعين انا عارفة انك تحبين احمد ولهذا الشي انا اهددكِ إذا تقربتي من احمد ولا خليتيه يشفوفك راح اقتله


نور : هاااااااااااااااااااااااااااااااا


غرام : إلا سمعتيه


نور : الله يخليكِ لا تسوين كذا


غرام : يا حلوك صيرين معي اوكي حتى اصير معك اوكي لا تتقربين منه بس وراح تساعديه وعلى فكرة احمد يحبك ويمووت بهواكِ لكن للأسف انتي خنتيه


نور : خنته !!!!!!!!


غرام : أي هههههههه ليه ماخلاكِ تتفرجين معه على الصور والفيديو المركبة إلا انا رسلتها له


نور شهقت : انتي ليييه تسوين كذا ليييييييه


غرام : هههههههههه ولا الحبيب من خوفه عليكِ قال لأم سعد وابو سعد احجزوا لها ورجعوها السعودية كان خايف عليكِ لأنه حبك ولو فكرتي ترجعي له وتسوين هاذي الحركات صدقيني راح اقتله


نور بكت : اعطيكِ عمري بس لا تسوين له شي


غرام ابتسمت : هههههههه اوكي كذا اتفقنا باي هههه


سكرت الجوال وهي تضحك


وامتدري منووو إلا كان يسمعها ورا الباب


.................................................. ..............


(( نور ))


نزلت دموعها


احمد ما يحبني


لييييه تسوي كذا لييييه


شنوو راح تستفيد


ليييه يا غرام ليييييه


ريمه : نور حبيبتي ليه تبكين


نور : آآآآآآآآه ريمه ليييه ليييه يصير لي كذا ليييه


ريمه : نور فهميني شنووو صاير


نور ضمت ريمه وظلت تبكي


ريمه ضمتها : خلاص نور هدين حبيبتي لا تخافين


نور بعدت عنها


مسحت دموعها


ريمه : نور كلمين اخوكِ وقوليله ان احمد طلقك اونتي بتنامين معي كم يوم


نور اخذت جوالها ورفعته


دقت على عبد العزيز


عبد العزيز : هلا نور


نور : عبد العزيز


عبد العزيز : نور شبلاه صوتك كذا


نور : لا بس (( بحزن )) أحمد طلقني وأنـ


عبد العزيز قطعها : شنوووو


نور : انا الحين راح انام كم يوم عند ريمه


عبد العزيز : نور الحين انتي مطلقة وتعالين البيت


نور : بلييز عبد العزيز خلني معها


عبد العزيز : براحتك


سكر منها


وهو معصب


الخسيس


احمد كيف سواها


انا قلت انه مايستاهل اختي


.................................................. .......


في المستشفى


(( نواف ))


طالع ساعته للمرة الخامسة


ياربي مرت 3 ساعات محد يطلع ويطمني


يحس بالخوف عليها


كل ماله ويزيد


طلع الدكتور


رفع راسه يبي الدكتور يقول شي


الدكتور نزل راسه


نواف : شنووو .(( وبصراخ )) تـــــــكلـــــــــــم


الدكتور : صار عندك ولد


نواف : وندى


الدكتور نزل راسه


نواف : شفيها زوجتي قول


الدكتور : زوجتك بحالة خطيرة وراح نسوي لها عملية بأقصى سرعة


بعد الدكتور عن نواف


المصدوم


كان يبي يدخل


لكن العمال وقفوه


قعد على الكرسي بألم


اخذ له قرآن وصار يدعي لها


.................................................. ...................


بيت أبو راشد


أم راشد : قلت لأ يعني لأ


أبو راشد وقف : الله يهديكِ يا ام راشد ليه معارضة انا في الحقيقة اتمنى انها تكون له


أم راشد : شنووو انت موافق انه ياخذ إلا قتلت اخوه


ابو راشد : بســـــــــــــك خلااااااااص قوليلي يالله كيف قتلته يا الله قوليلي


أم راشد : انا مو مافقة طيب


أبو راشد : لا تتهربين من السؤال


أم راشد : مدري


ابو راشد : لأن البنت مالها ذنب اصلا ماكانت معه وقت الحادث


أم راشد : انا هالبنت ما احبها بدون سبب وانا عارفة ان مالها ذنب بس


أبو راشد : بس ما تبي تعترفين


أم راشد : قول لي شنوو فيها سنين البنت حلووة وتناسبة


مازن : ما ابيها وانا قلت لك ما ابي غير هبه


التفتت أم راشد وابو راشد لمازن إلا دخل الصالة


أم راشد : يا ولدي يا حبيبي هبه ما تصلح لك


مازن : يمهه انا ما ابي حد غيرها وإذا غيرها فأنا ما ابي اتزوج اصلا ولي ما تصلح لي هي سنين


أم راشد : مازن


مازن تقرب من امه وباس راسها : مو قصدي اقول كذا بس هبه بنت غير يا يمه غير انت مو فاهمتها


أم راشد : طيب انا راح اروح لها اليوم وراح اكلمها وراح اشوف


مازن ابتسم : تسلميلي يا اغلا ام


أبو راشد ابتسم : قلت ان امك مازال فيها طيبة


أم راشد : لييه شنووو شايفني شريرة


أبو مازن بسخرية : لا لا انتي ام الطيبة


مازن : هههههههههههههههه


أم راشد : وانت تضحك بعد


مازن : ها يمه متى راح تروحين لها


أم راشد : وانت لييه مستعجل


مازن : يمـــه


أم راشد : طيب راح اروح لها بكرا العصر طيب


مازن : طيب انا الحين راح اروح غرفتي ارتاح عن اذنكم


أبو راشد و ام راشد : اذنك معاك


.................................................. ...............


في المستشفى


(( نواف ))


سكر القرآن


لما لقى باب الغرفة انفتح


نواف وقف : ها يدكتور بشر


الدكتور : الحمد الله العملية نجحت وهي الحين في وضع مستقر راح ننقلها لغرفة ثانية


نواف : الحمد الله ..الحمد الله ياربي الحمد الله


الدكتور ابتسم وبعد عن نواف


نواف سأل الدكتور عن ولده


دله على مكانه


بعد حتى يشوفه


وصل لمكانه


حط يده على الزجاج وشاف ولده


كان صغيير وملامحه مو باينه


ابتسم يا حلوه فيه شبه من امه


ظل واقف من ورا الزجاج وهو يتأمل بولده


.................................................. ...................


اليوم الثاني


بيت محمد


صحت اريام من النوم


لقت محمد بجنبها ابتسمت


وقامت من السرير


غسلت وصلت


بعدها جلست بجنبن محمد بالسرير


اريام بهمس : محمد .... محمد


محمد : هممم


اريام : يا الله قوم


محمد فتح عيونه : صباح الخير


اريام : صباح النور


محمد قام : يا الله حبيبتي نطلع ونفطر


اريام ابتسمت له : طيب


.................................................. ................


بيت ابو احمد


جلس أبو أحمد وجلس احمد معه


أبو أحمد سحب من الزجارة : خلاص بسك ارحم حالك طالع انت كيف صاير شكلك


أحمد :شنوو تبي تقول


أبو أحمد : ابيك ترجع نور


أحمد : هاااااااااااااااااااا انت تحلم


أبو أحمد : وانت مصدق


أحمد وقف : يبه سامحني بس انا مستحيل ارجعها


أبو أحمد : تقول انك تحبها


أحمد : متى قلت ؟؟؟؟


أبو أحمد : الله يهديك بس ....انا طالع الشغل الحين اشوفك بخير


طلع ابو أحمد من البيت وهو مضايق من حال ولده


أحمد جلس على الكنبه وفتح علبة جديدة


لكن قطعته الخدامه وهي تقول له ان في وحدة برا تبيه


أحمد وقف


وطلع لصالة الثانية


التفتت له


أحمد : انتي !!!!!


.................................................. ........


(( عبد العزيز ))


دخل سيارته وبعدها تحرك


مل وهو بالبيت بروحه


اشتاق لخواته


أو يحس انه ماعنده شي يحس بالفراغ من الشغل إلا البيت حتى اصحابه قطعهم


فكر


وفكر


لين ماقرر انه صدق يبي يتزوج


تتزوج وانت تفكر بنفسك الحين


رفعه جواله وكلم نور


نور : الو


عبد العزيز : هلا نور


نور : هلا عبد العزيز


عبد العزيز : كيفك اليوم


نور : الحمد الله


عبد العزيز : طيب نور افتقدتك


نور سكتت


عبد العزيز : طيب راحتك وانا نتظر اليوم إلا اشوفك فيه بالبيت


نور : طيب عبد العزيز انتبه لنفسك وكل طيب


عبد العزيز : قولين هالكلام لنفسك ولا تخلين واحد مثل احمد يتعبك كذا


نور تكابر : انا اصلا مو تعبانة وهذا احمد مش مأثر فيني


عبد العزيز : طيب نور انا قررت شي


نور : شنوو


عبد العزيز: ابيكِ تخترين لاخوكِ عروس


نور : صدق


عبد العزيز : أي


نور : والله فرحت لك من قلبي ما بغيت تقولها


عبد العزيز ابتسم : طيب


نور : طيب إذا شفت بنت راح اكلمها بالموضوع طيب


عبد العزيز : ولاراح تقوليلي منوو


نور : ات قلت لي انا اشوف لك وخلاص راح اشوف لك ولا ما تثق بذوقي


عبد العزيز : افا ااا ان ما اثق


نور ابتسمت


عبد العزيز : طيب يا الغلا اخليكِ الحين


نور : اووكي مع السلامة


عبد العزيز : الله يسلمك


سكر الجوال منها وهو مبتسم


.................................................. ...................


بيت أبو ناصر


شهد ملكت على خالد


لكن ماشافوا بعض


صعدت بسرعة غرفتها وهي خجلانة


دخلت غرفتها


ياسمين : مبرووك يا الغلا


شهد : الله يبارك في حياتك


ياسمين : عقبال ما تلبسين ثوب العرس


شهد ابتسمت لها


دق جوال ياسمين شافت الرقم وابتسمت


ياسمين : طيب شهد انا الحين طالعة عبد الله جا لي اشوفك خير


شهد : وانا بعد مع السلامة


ياسمين : الله يسلمك


طلعت ياسمين من البيت


وشهد ظلت مبتسمة وسرحانة


.................................................. .................


بيت أبو خالد


أم خالد :هبه حبيبتي يا الله السايق راح ياخذك انتي واخوانك الملاهي


هبه : أي يمه بس لحظة البس اسماء


الشغالة : مدام أم راشد برا


أم خالد : دخليها المجلس


بعدت الخدامة وراحت لأم راشد


هبه نزلت راسها وحست بالخوف من زيارة أم راشد لهم


بعدت أم خالد وراحت لأم راشد


هبه : وااااااااو اسومة الحلوووة طالعة قمررر


اسماء ابتسمت وطالعت نفسها بالمراية بأعجاب


هبه ابتسمت لها


وقفت مسكت يد اخوانها كانت راح تطلع من البيت بس وقفها صوت امها


أم خالد : هبه خلاص راح ياخذ ابوكٍ اخوانك اما انتي تعالي شوي


هبه تركت اخوانها واخذهم أبو خالد


هبه : هلا يمه في شي


أم خالد : خالتك أم راشد تبيكِ


هبه : تبيني ؟؟


أم خالد : أي


هبه نزلت راسها


وبعدها دخلت لأم راشد بتوتر


أم راشد : هلا هبه ليه واقفة اجلسي


هبه قعدت


أم راشد : كيفك ؟؟


هبه : الحمد الله بخير


أم راشد : وكيف الدراسة معك


هبه : تمام


أم راشد : هبه


هبه رفعت راسها : نعم خالتي


أم راشد : انا جاية لك اليوم حتى اعتذر لك وابي منك تسامحيني على إلا سويته لك كل هالسنين


هبه : انت مسموحة يا خالتي واكيد راح تكرهيني عشان ولدك


أم راشد ابتسمت : ولدي عرف يختار


هبه : شنو


أم راشد : انا جاية اليوم بعد حتى اقول لك ان ولدي مازن يبيكِ اتمنى تفكرين وحنا راح نجيكم ونطلبك رسمي من ابوكِ


وقفت أم راشد وطلعت من الصالة


هبه وقفت ومو مصدقة شي


ابتسمت


تحس ان الحياة بدت تنفتح لها من جديد


معقولة آخذ مازن


طلعت من المجلس وهي مبتسمة وصعدت غرفتها


.................................................. ........


في السيارة


دخلت ندى وولدها السيارة مع نواف


حرك السيارة وهو مبتسم


ندى ابتسمت له وهي تطالع ولدها


نواف : غسان يشبهك كثير


ندى : غسان !!!!


نواف : الأسم ماعجبك


ندى : با لعكس حلوو


نواف : عقبال البنت


ندى ابتسمت له


وتوجهوا للبيت


.................................................. ..........


بيت أبو أحمد


أحمد : انتي !!!!


شذى من شافته بكت


وطاحت على الأرض


احمد كبر وصار رجال


استجمعت قوتها ووقفت : أحمد


أحمد : ليه جاية هنا شنوو تبين


شذى : ادري انك ماراح تسامحني على إلا سويته بس حبيت اقول لك شي اتمنى لو تسمعني لو مرة وحدة


أحمد صعد عنها


شذى بكت : أحمد نور مالها ذنب نور تحبك بس الله ينتقم من السبب صدقني ان هي تحبك وإلا شفته تركيب


أحمد نزل راسه بألم


شذى : أحمد نور تحبك بدرجة ان غرام كلمتها وهددتها انا راح تأذيك لو تقربت منك وهي


أحمد قاطعها : حتى لو ماكانت تركيب انا كنت راح اطلق نور تدري ليه


شذى رفعت راسها


أحمد : لأن انتي إلا غرستي هالشي فيني انتي إلا كرهتيني للكل


شذى: أحمد سامحني والله اني تبت وما ابيك إلا انك ترجع لنور صدقني نور تعذبت في حياتها كثير


أحمد سكت وطالع شذى إلا تغيرت


شذى : رجع نور ولا تشك فيها وكل إلا صار خطة من خطط امك


كانت راح تطلع بس وقفها أحمد


أحمد : اقول لك شي شستفدتين بعد إلا سويتينه


شذى : أحمد قلتلك سامحني كنت انسانة نايمة والحين صحيت من نومي واشكر الله


أحمد طالعها : الله يسامحك روحين بس الله يهديكِ


شذى طالعته بعدها ابتسمت وبكت


ماتوقعته بهالطيبة بعد إلا سوته سامحها بكل سهولة


اخذته وضمته لها وضلت تبكي : سامحني ولد اختي سامحني والله يشهد اني اقولها من قلبي


أحمد بعدها عنه : خلاص انا مسامحك


شذى : يعني راح ترجع نور


أحمد : شذى خلي هالشي بعدين


شذى ابتسمت وطلعت من البيت


.................................................. ............


بيت أبو نواف



ريمه : نور


نور : هلا


ريمه : قومي نطلع


نور : وين روح


ريمه : نتمشى وخاصتنا انتي صار لك كم يوم بس هنا تتاجي تغيرين جو


نور : عن جد مالي خلق شي


ريمه : نور عشاني


نور طالعتها وهي مبتسمة : طيب


ريمه ابتسمت لها


وسحبتها حتى يلبسون ويطلعون


بعد نص ساعة جهزوا


وطلعوا من البيت وتوجهوا لمجمع الــــ ........


.................................................. ...................


بيت زياد


جلس زياد وغرور بالصالة يشاهدون


بعدها


غرور تعبت وراحت تنام


زياد اخذ جواله وكلم أحمد


زياد : الوو


أحمد : هلا زياد


زياد : وينك يا القاطع


أحمد : لا بس مشاغل


زياد : طيب يا الغالي ايش رايك نطلع


أحمد : وين نروح


زياد : أي مكان غير جو عن البيت إلا صاير ماتفارقه


أحمد : طيب انا راح اجيك


زياد : انا راح اجيك اجهز نص ساعة واكون عندك


أحمد : طيب


.................................................. ....................


(( ريان ))


ريان : وش صار معاك


فايز : هههه البنت انخطبت


ريان طالعه : وليه تضحك


فايز : اضحك على حظي خلاص ضاعت من يدي


ريان ابتسم : انا اليوم قررت اخطب ريمه


فايز : صدق !!!!


ريان : أي


فايز : والله طلعت صدق تحبها


ريان : ليه انت شاك


فايز : في البداية كنت أي شاك


ريان : آآه لو تشوفها ذوبت قلبي من اول ماشقتها حبيتها عليها نعومة وحنان آآآآآه يا قلبي


فايز ابتسم : وش صار على احمد


ريان : الحقير ناوي عليه بس انت اصبر وشوف


فايز: المخدرات إلا حطيتهم بسيارته واكتشقهم انت شنو ناوي


ريان : اقتله


فايز : هاااااااااااااااااا !!!!!!!


ريان : إلا سمعته


فايز : انت واحد مجنون


ريان ابتسم

التوقيع

****

 
 
رد مع اقتباس
 
 
   
  #35  
قديم 24-05-2013, 01:43 PM
الصورة الرمزية عشتار
:: رومانس مون متفوق ::
______________
View عشتار's Photo Album  عشتار غير متواجد حالياً
 
رواية عذبتني ذليتني دست بكرامتي و أخرتها تقول لي أحبك / كاملة




في السوق


جلست نور وريمه بالكوفي


ريمه طلبت لها عصير برتقال


ونور طلبت لها آيس كريم


ريمه : أي صح قلتيلي راح تقولين لي موضوع


نور : أي


ريمه : شنووو


نور : ابيكِ تكونين زوجة لأخوي


ريمه : شنووو !!!!!!!


نور : ماراح الاقي حد مثلك يكون زوجة لأخوي واعرفين لو رفضتين مستحيل تتغير علاقتي فيكِ صح


ريمه نزلت راسها ونزلت دموعها : نور


ماتدري تضحك ولا تبكي


عبد العزيز


يبيها


راح تكون له


نور : ايش رايك ندخل محل العطور هذا


ريمه : اوكي انتي اسبقيني


نور وقفت حملت اكياسها ودخلت محل العطور


ظلت تتفرج على العطور


لين ماسمعت صوت خلاها توقف


تعرف هذا الصوت عدل


التفتت: أحمد !!!!


(( أحمد ))


كان يطالع بالعطور الرجالية وزياد بعد عنه


لين مارفع راسه ولقى


نور


سرح فيها


وهي تتفرج على العطور بنعومة


خسرتك يا نور


خسرتك


مستحيل اصلا توافقين وترجعين لي


زياد : احمممممممممممممممد


أحمد التفت له :نعم شفيك تصارخ


زياد : صار لي ساعة اناديك وانت سرحان


أحمد : يا الله نطلع من هنا


زياد رفع راسه ولقى نور بعدها دخلت ريمه


وجه نظره لأحمد


أحمد حاول يشغل نفسه مع البايع


ريمه : نور هذا زياد وأحمد


نور : ريمه يا الله نطلع من هنا


ريمه : طيب


تقربت ريمه مع نور من زياد وأحمد


ريمة وقفت مع نور


ريمه : هلا زياد هلا احمد


زياد : هلا والله


أحمد ظل ساكت


يدري ان جرحها وذلها وداس بكرامتها


مايدري ليه جاه شعور غريب


نور طالعت أحمد إلا طلع من المحل


ريمه مسكت يدها وطلعوا


وتوجهوا للبيت


.................................................. .


بعد 3 ايام


شذى زارت نور ببيت عبد العزيز


نور : وشنو تبين الحين مني


شذى : ابي إذا احمد رجعك ماتردينه


نور : هههههه ما ارده


شذى : يا بنتي انا عذبته كثير وهو بعد تعذب واتمنى ان ترجعين له وتساعدينه


نور : مدري


شذى : عن اذنك


طلعت من البيت بعد ماريحت ضميرها شوي


وتوجهت لبيتها


عبد العزيز : شنووو تبي منك


نور سكتت


عبد العزيز : أبو أحمد كلمني وقال انه أحمد يبي يرجعك وانا اقول يا نور ارفضينه


نور رفعت راسها : اكيد


عبدالعزيز : آآآه والله مايهون علي اشوفك كذا يا نور


نور تبي تغير الموضوع : أي عزوز كلمت البنت


عبد العزيز : أي بنت


نور : أو بمعنى ثاني قلت لها انك تبي تخطبها


عبد العزيز : هاااا


نور : أي ريمه بنت عمي


عبد العزيز ابتسم : ههههه طيب بس إذا تزوجتها قولين لها نتزوج بالحديقه هههههههه


نور : هاااااااااا


عبد العزيز : قولي لها كذا وراح تفهم


نور : مدري عنكم


.................................................. .................


بيت أبو أحمد


أحمد : ليييييييه يا يبه لييه تقول اني ابي ارجعها


أبو أحمد: وانت صدق تبي ترجعها


أحمد سكت


أبو أحمد ابتسم لولده : هالبنت غيرتك كثير


أحمد طالع ابوه


أبو احمد : صرت انسان ثاني من الولد الشرس والقاسي والمغرور ولي مايفكر بنفسه إلا انسان متسامح و طيب


أحمد ابتسم


أبو أحمد : ان شاء الله توافق


.................................................. ........


بعد مرور اسبوع


نور رفضت ترجع لأحمد


وكانت في هاذي اليلة خطبت ريمه وعبد العزيز


دخل عبد العزيز


على ريمه


وكان الكل مبسوط


عبد العزيز لبس ريمه الخاتم


وهو مبتسم


ريمه كانت خجلانة


ندى واريام كانوا يعلقون وهم مبسوطات


اريام : ندى ولدك يبكي


ندى حملت ولدها وهي مبتسمة وطلعت برا


بعدها الكل طلع وبقى عبد العزيز وريمه


ريمة كانت تطالع الارض بخجل


وعبد العزيز يطالعها : ليه الخجل ؟؟؟؟


ريمه : ها


عبد العزيز : انتي كيفك


ريمه : بخير


عبد العزيز : وكيف شعورك بعد تخرجك من الثانوية


ريمه : حلوو


عبد العزيز ابتسم لها


ريمه رفعت راسها ولقته


حست بالخجل اكثر


اول مرة تشوفه كذا وتطالعه


تحس انه يشبه نور كثير


.................................................. ............


بعد مرور اسبوع


(( بيت عبد العزيز ))


دق الجرس وراحت نور تفتح الباب


نور : منووو عند الباب


أبو أحمد : انا عمك


نور فتحت الباب ودخلت أبو احمد المجلس وهي مرتبكة


نور : شنوو تشرب يا عمي


أبو أحمد : ما ابي شي بس ابيكِ تجلسين واكلمك


نور : خير ان شاء الله


أبو أحمد : اخوكِ عبد العزيز هنا


نور : لا طلع لشغله


أبو أحمد سكت شوي بعدها قال : نور انا عارف ان انتي رفضتي عشان كرامتك بس انا بد يصعب علي اشوف ولدي كذا متألم عن جد يا نور انتي غيرتيه بدون ما تحسين أو حتى هو يحس لنفسه صار احمد غير لدرجة انه سال من باله فكرة ان البنات خاينات


نور رفعت راسها


وبكت


وبكت


لين حست انها طلعت كل إلا حابسته من اسابيع


: بس كيف يهون عليه يطلقني ببريطانيا ويتركني


أبو أحمد : أحمد ما تركك بحالك وقال لاابو سعد يرجعك


نور سكتت


أبو أحمد : ها يا نتي شنوو قلتين


نور : ..................


أبو أحمد : ابي منك الجواب


نور بخوف : انا موافقة


أبو أحمد ابتسم


وحس انه ارتاح وقف


حتى يبشر ولده إلا ما يدري


طلع من البيت


ونور ظلت واقفة


إلا سويته غلط ولا صح


يارب ساعدني


....................................


(( ابو احمد ))


دخل البيت وهو مبسوط


ابو احمد : يا احمد ........احمد ..وين راح


أحمد : نعم


ابو احمد : اخييرا نور راح تكون هنا معنا


احمد : شنووو قصدك


أبو احمد : نور وافقت وان شاء الله ترجعون لبعض


أحمد : شنووو يبه ليه تسوي كذا


أبو احمد طالعه


أحمد : ليه ما خليت البنت تعيش حياتها ليه تعيش مع انسان نـ


أبو احمد قاطعه : لا تقو كذا وانا خلاص كلمت الشيخ والحين انتوا رجعتون يعني روح رجع زوجتك هنا


أحمد طالعه بعدهها طلع من البيت


صعد سيارته متجه بيت عبد العزيز


ظل يمشي بالسيارة


مو مصدق نور راح ترجع له


التفت يسار وظل يمشي


(( ريان ))


كان يمشي بالطريق بسيارته


وهو يصارخ


ليييييييييييييييييييييه لييييييييييييه ياريمه تتزوجين ليه


انا احبك انتي ابيكِ انتي وبس


انتي


لييييه توافقين


لييييييييييييييييييييييييييييييييييييه


كلمها لكنها ماترد


عاش احلام لكنها تحطمت


يحس انه مقهور وراح ينفجر


لكن سرعان ماشاف سيارة احمد قدامه


حس انه يبي ينتقم


سرعة سيارته وتوجه قدام بكل سرعته


...........


8



8


8


غمض عيونه وهو يسمع الصوت القوي


سمع صوت الشرطى متجهين لهنا


نزل من السيارة بسرعة


وهو يشوف أحمد إلا الدم غرقه


والاسعاف ماخذينه


كان راح يهرب لكن ماقدر الشرطة اخذوه معهم


.................................................. ........


بيت هناء


هناء : تدرين شنوو آخر شي


غرام : شنووو


هناء : يا غبية احمد رجع نور


غرام وقفت : شنوووووووووووو !!!!!!!!!!!!!!!


هناء : يعني مافاد تهديك معها


غرام : ياربي


هناء وقفت : اسمحي لي غرام ساعدتك كثير هالرة انتي إلا دبري نفسك


طلعت هناء من البيت وتركت غرام


إلا الافكار الفاسدة قضت على عقلها وتفكيرها


.................................................. ..


بيت عبد العزيز


دخل البيت بسرعة


شاف نور لابسة عباتها وهي مبتسمة تنتظر احمد


طالعته


عبد العزيز طالع اخته بألم


نور وقفت : عبد العزيز شصاير


عبد العزيز مسك يد اخته : تغطي


نور : تغطت


عبد العزيز مسك يدها وطلعوا مع بعض دخلوا السيارة وكانت معه ريمه


نور : عبد العزيز وين راح نروح وبعدين احمد الحين جاي لي


عبد العزيز : ماراح يجي


نور منصدمة : شنووو


عبد العزيز بألم : نور أحمد مـ


نورقاطعته : عبد العزيز انت شنوو تقول شنووو فهمني احمد شصار له


عبد العزيز وصل للمستشفى


نور طلعت معه وهي منصدمة ما تعرف شنوو صاير تحس بخوف


دخلت لقت


أبو أحمد


زياد


غرور


ومتعب


شروق


التوقيع

****

 
 
رد مع اقتباس
 
 
   
  #36  
قديم 24-05-2013, 01:44 PM
الصورة الرمزية عشتار
:: رومانس مون متفوق ::
______________
View عشتار's Photo Album  عشتار غير متواجد حالياً
 
رواية عذبتني ذليتني دست بكرامتي و أخرتها تقول لي أحبك / كاملة




أبو احمد حط غطرته على وجها : آآآآآآآه يا ولدي


نور طالعت عبد العزيز


عبد العزيز : نور احمد حالته خطيرة و3 % انه يعيش


و


نور نزلت دموعها : يعني شنووو عبد العزيز انت عارف شقاعد تقول


أبو أحمد وقف يحس بالضعف


رجل الاعمال الكبير


واحد اغنياء السعودية


انهز من خبر ولده


طلعت الدكتورة : وين نور


نور التفتت لها


الدكتورة : المريض يبيكِ


ريمه طالعتها


نور توجهت للغرفة بخوف


دخلت وسكرت الباب


لقت أحمد


قلبها دق بقوة وهي تشوفه كذا


تقربت منه بسرعة وبكت


نور : احمد


ماكان يرد عليها


فتح عيونه بتعب


نور طالعته


احمد مسك يدها : نور ابي اقول لك شي


نور طالعته ونزلت دموعها


امسح الدمعة ترى ضعفك قوي


انهزم قدام ضعفك يا غلاي


امسح الدمعة بعمري لو تبي


عطني احزانك وخذ مني هناي



أحمد : نور عذبتك وذليتك ودست بكرامتها وآخرتها حبيتك ..نور انا احبك كلمة ماقدرت اقولها او (( بصعوبة تكلم )) او اقن ع ت نفسي انها كذب


نور انا


اح بـ ك


ترك يدها


نور : احمد ليه سكت كمل (( نزلت دموعها )) يا الله قول احمد قول لا تسكت لا احمد رد علي (( بصراخ )) احمد اضربني ذلني بس لا تتركني احمد لا تموت الله يخليك لا تتركني احمد


دخل الدكتور وبعدها


طلعها من الغرفة وسكر الباب


نور انهارت على الأرض


جات لها ريمه وشروق وغرور


ريمه : نور


نور : آآآآآآآه لا تتركني


بعدها بلحظات طلع الدكتور


ابو احمد وقف ونو طالعته


وقلبها يدق بقوة


الدكتور : انت ابوه


أبو احمد : أي


الدكتور : من فضلك تعال معي شوي


أبو احمد بعد مع الدكتور


الدكتور : الحمد الله ولدك نجا من مرحلة الخطر بس


أبو احمد : بس شنووو


الدكتور : راح نرسله يسافر حتى تسوي له عملية لأن حالته ما تتأجل


أبو احمد وقع الاوراق


ويحس ان قلبه ارتاح شوي


بعد عنهم


وراح يخبر اهله


.................................................. ..............


في السيارة


غرام جلست جنب النافذة


وهي مبتسمة


كانت متوجهة لمكان قاصدة فيه تخرب على احمد ونور


ماراح افشل هالمرة


هناء كانت بجنبها


غرام : اسرع اكثر


السايق زيد السرعة


وبعدها وقف عند الاشارة


غرام : افف خالة راح نطول


هناء :ياربي مابقى شي


غرام : اقطع الاشارة


السايق : شنووو


هناء : إلا سمعته


قطع السايق الاشارة


لكن ليس كل مايبيه المرء يصير له


ولكل منافق وشر نهايته


اصدمت فيهم شاحنه


.................................................. ..............


في السجن


جلس بالزاوية


بعدها وقف


وتوجه لباب السجن


وظل ماسكه ويصارخ : افتحه ..... انا ما قتلت حد افتحه


جا حد من وراه وحط يده على كتفه : يا ولدي لا تصارخ لأن محد راح يسمعك


ريان : انت مو حاس فيني


علي : كيف ما احس فيك وانا هنا 15 سنة


ريان : شنوووو ليه انت شنووو سويت


علي : آآآآآآآآه من الماضي إلا دمرني


ريان طالعه بألم


علي : طيب راح اعطيك افضل صديق ظل معي بالجسن


ريان : منووو


مد علي له القرآن وهو مبتسم


اخذه ريان


وهو يطالعه : من مدة ما قرأ أو مو من مدة من سنين


.................................................. .................


بعد مرور 3 سنين


اجتمعت العائلتين بالشاليه


غرور : ههههههه لا زياد لا تكذب قول لهم الحقيقة


زياد : عن جد ما اكذب


زياد رفع ولده : تعال يا قلبي انت (( باسه على خذه )) ماشاء الله تشبهني الحمد الله ماطلعت شبه امك


ريناد : هههههههههههههههه


رياض : لا تضحكين كثير ماندري عنك (( طالع بطنها )) يمكن إلا بداخلك يكون كذا


غرور : اقول رناد هذول ما منهم فايدة يا الله نروح قسم البنات


طلعوا قسم البنات


ريمه وقفت وكلمت زوجها عبد العزيز برا


اريام كانت تسوي لهم العشا


نور


جلست بحالها


آآآآآآآه 3 سنين وهو برا ولا حتى كلم


وينك


وش صار لك


طال الغياب ولامنى من اوده ويقدر طول الغيبة يطول العناق


يامالك قلبي وصوتك تحده ان كنت كنت مشتاق فأنا الف مشتاق


هبه : شنووو تسوي الحلوة جالسة بحالها


نور : لا ولاشي


هبه ابتسمت لها : اشتقتي له


نور طالعتها : كثير


هبه : الله يرجعه بالسلامة


نور ابتسمت لها


هبه : نور عن اذنك مازن يبيني


نور ابتسمت لها


هبه قامت


وبعدها جات ريمه تركض


نور: بسم الله وشفيك


ريمه مسكت يدها : بسرعة .. بسرعة قومي


نور : وين


ريمه وهي تمشى معها بالسرعة : انتي تعالين معي


نور : ااا ريمه شوي شوي


ريمه وقفت جلست نور


وبعدها بعدت


نور : هذا شفيها خبلة تعالي وتعالي وتتركني بعد و تـ


قطع صوتها


........: اشتقت له


نور التفتت ولقته


نفسه ماتغير


لكن رجع غير بعد ماتعالج


نور طالعته


تبي تصدق صدق انه قدامها


وقفت بسرعة وضمته : يا مجنون اشتقت لك كذا تتركني


احمد ابتسم وهو ضامها : وانا اكثر


نور : غبي


احمد بعد عنها : وغبي بعد


نور : أي


أحمد : افا ليه


نور : تصدق ما ضنيت من اول ما شفتك انك


أحمد : اني شنووو


نور : احمد انت عذبتني وذليتني دست بكرامتي وآخرتها تقول لي احبك عن جد مو مصدقة


احمد ابتسم لها : انا آسف


نور ابتسمت له ومسكت يده : انا للحين م مصدقة عادي اعطيك كفحتى اصدق


أحمد : هههههههههههه اقول يا حلوة عندي شي ابي اسويه وراجع لك


نور : شنوو راح تطلع


أحمد : أي بس ساعة


.................................................. .......


(( أبو احمد ))


دخل البيت فتحته له الخدامة


لقاها قاعدة على الكرسي وما تتحرك وكانت غرام بجنبها مشوهة ويدها مكسورة


ورجلينها انحرقوا


طالع هناء إلا انشلت


هناء كانت تطالعه بس ماقدرت تقول شي لأنها ما تقدر تقول ولا شي من بعد ماكانت تقول وتفعل


أبو احمد : وصلتي للي تبيه هذا إلا تبيه فقدتي زوجك فقدتي ولدك إلا كان راح يموت وانتي ماتدرين عنه فقدتي كل شي وآخر شي فقدتي نفسك


نزلت منها دمعة


أبو احمد : شنووو فادك جمالك وهذا هو راااح رااااح


وجه نظره لغرام : وانتي ربحتي خلاص وصلتي للتبينه


ابتسم بسخرية وطلع من البيت


.................................................. ......


في السجن


(( ريان ))


جلس يقرأ القرآن وبعدها سكره وباسه صار له الين 24 مرة ختم القرآن بالسجن


غمض عيونه وجلس يستغفر


الشرطي : ريان لك زيارة


ريان رفع راسه : منووو هذا إلا راح يزورني


طلع من الباب


ورفع راسه


ريان : احمد !!!!!!!


احمد طالع ريان إلا تغير كثير شعره طول كثير كبرت له لحيه وصار غيييير


أحمد : كنت اعز اصدقائي وكنت انا بعد بس إلا كنت ابي اعرفه انت ليه سويت كذا


ريان نزل راسه : جاي تذلني


احمد مد يده : جاي نفتح صفحة جديدة لحياتي وحياتك نغير إلا كنا نسويه من ظلم وقسوة وانانية


ريان طالعه


بعدها مد يده


حظنه


وبكى بكى ريان من قلبه


أحمد ابتسم وطلع


بعدها بساعتين نادوا على ريان


الشرطي : ريان تقدر تطلع القضية تنازل صاحبها


ريان انصدم من إلا سواه احمد


..............


بعد خمس سنوات


نواف & ندى


عاشوا حياتهم مع بعض


وصار عندهم


غسان 8 سنوات


مرح 3 سنوات


عبد العزيز & ريمه


ريمه حامل بالشهر التاسع


تعيش معه بفله خاصة فيهم بعد ماكون له ثرون


عبد الله & ياسمين


صار عندهم


ولدين


وبنت


شهد & خالد


عاش معها ببيت امه شذى


إلا صارت جده


محمد & اريام


عاشت معه والحين هي حامل بالشهر الخامس


متعب & شروق


جابت له بنتين


اوالحين هو مستقر معها بجدة وعنده مشروع كبير يشتغل فيه


ريان & امل


تزوج من امل


بنت صالحة


وعاش معها بسعادة


مازن & هبه


ظلت معه وتزو اخوانها كثير


والحين هي حامل بالشهر الثاني


سعود & مرام


او رنيم الحب وفارس الخيال


جابت له تؤام بنت وولد


غرور& زياد


جابت له بنت وولدين


سنين & خليل


تزوجت من ولد عمها هليل اخو مرام


وبصعوبة اقتنعب بلي هي فيه


نور & احمد


ظل يسافر معها لشغله المستمر


وهي الحين حامل بالشهر الخامس


وظلت معاه وساعدته في كل شي


8


8


النهاية


لروايتي الثانية عذبتني ذليتني دست بكرامتي آخرتها تقول لي احبك




حبيت احكي عنها


واوجه عنها بعض القصص من وحي الخيال ممزوجة مع الواقع


غرور


بدايتها كانت من دلال الاهل لها لدرجة انها توقع بمشاكل كثيرة وبسببها الدلع


زياد


انسن متفهم ونادرا وجوده


وحبيت اقول ان مو كل الرجال مثل بعض


احمد


الشخص المنعزل عن اهله إلا اثر فيه ماضبه بسبب اهله


إلا كنت راح اخليه يموت بس لقيت اعتراض كبير على موته


حبيت اوضح بهاذي الروايه اهميت تربية الاهل


لأنها تنعكس على الانسان إذا كبر


ومني انا وردة يابسة


حبيت اشكر كل من قرأ الرواية ورد عليها أ مارد عليها


وحبيت اشكر كل الاعضاء غلا تابعوني من البداية حتى النهاية وهم كثير وانا امانسيت حد منهم


وشكرا لناقلات الرواية إلا نقلوها بأمانة


حبيت الاقي تعليقكم علىا لرواية بعد النهاية كلها


وحبيت اقول اني اختصرت الرواية كثير بسبب وجود بعض الظروف عندي


فسامحوني على التاخير بالبارتات


وانا عن جد ماكنت اتمنى ان تكون الرواية كذا بس كتبتها بالسرعة لأني كنت بقطعها بس قلت اكيد راح تضايقون من هذا التصرف


وبأنتظار ردودكم وانتقادكم ملاحظاتكم


بكل شوق


المحبة لكم


وردة يابسة

التوقيع

****

 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة








الساعة الآن 01:12 AM.


Powered by vBulletin Version 3.8.2
Copyright ©2000 - 2018, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net