صفحة بال مون على الموقع التواصل الاجتماعي فيسبوك

العودة   منتديات بال مون > منتدى الفن والأدب > منتدى الفن والادب العام > كتابات سحر فوزى






الرجاء استخدام خاصية البحث أدناه للبحث في الموقع:






إضافة رد
 
أدوات الموضوع إبحث في الموضوع انواع عرض الموضوع
  #1  
قديم 14-10-2012, 01:40 PM
:: رومانس مون جديد ::
______________
View سحر فوزى's Photo Album  سحر فوزى غير متواجد حالياً
 
سلفنى170 مليار جنيه؟!!!!



سلفنى 170مليار جنيه؟!!
كانت تتابع الفيلم الكوميدى القديم سلفنى ثلاثة جنيه...بطل الفيلم المسكين(على الكسار) لم يهدأ طوال مدة عرض الفيلم باحثا عن واحد إبن حلال يسلفه ثلاثة جنيه يفك بها رهن بيته ويرتاح من مباغتة حماته وسخريتها الشديدة منه...وبعد إنتهاء الفيلم شاهدت برنامجا يتحدث فيه أحد المسؤلين عن قرض صندوق النقد الدولى بقيمة 4.8 مليار دولار رغم ان عجز الموازنة 170 مليار جنيه..قالت متحدثة مع زوجها: يا مصيبتى هم بدأوها بالسلف و بيطبقوا طريقة على الكسار فى حل الأزمات؟ طيب مايشوفوا حد أحسن يسلفهم ال170 مليار كلهم ويخلصوا!!.ضحك زوجها من كلامها ورد عليها قائلا: ونستلف ليه ونسدد فوائد وإلا حتى (خدمة دين) ليه ما الأحسن نعيد ترتيب أوراقنا وندور على الكراسة الصفراء بتاعت( اللمبى)...سألته مستفسرة: يعنى أيه؟ قال لها يعنى نستعيد الأموال المنهوبة و المهربة للخارج...وأهو اللى يسفرنا علشان نعمل مباحثات ونوافق على شروط ممكن تضرنا أهو مشوار بمشوار ومباحثات بمباحثات ندور على المليارات المنهوبة وأهى فلوسنا ولا نسدد ولا نطبق شروط مش عجبانا ولا ندفع فوايد...وكمان ممكن نفتح الألف وخمسائة مصنع اللى إتقفلت بعد الثورة وشردت عمالها بدال ما نقعد نقول الاعتصامات كترت ليه و البلطجية زادوا ليه ونجرى وراهم لغاية ما نقبض عليهم وبعدين يصعبوا علينا ونفرج عنهم.. بالذمة مش كل ده تضييع وقت ومجهود وفلوس على الفاضى؟...وبدال ماالحكومة تهددنا كل شوية برفع الدعم وزيادة أسعارالمياه والكهرباء والمكالمات والسلع والخدمات ، تخفض هى نفقاتها حبه وبلاش تكتر من المستشارين وبدلات السفر والإنتقالات والمؤتمرات والحفلات اللى لابتودى ولا بتجيب،,ويطبقوا الحد الادنى والاقصى للاجور بسرعة علشان الناس نفسها تتفتح ويشتغلوا بجد وتدور عجلة الانتاج....ولازم الحكومة تفوق بقى وتحصل إستحقاقات الضرائب المتأخرة اللى لوجمعت على الأموال المهربة توصل إلى 100 مليار جنيه ، ده غير أموال الصناديق الخاصة، والضريبة العقارية على الفلل والقصور اللى فى الساحل الشمالى والمنتجعات وناس تانية ياولداه مش لاقية حق علبة الدواء ...وكمان لو شجعوا الإستثمار والمستثمرين وإنتبهوا إلى الثروة البشرية و العقول المصرية الواعية ووجهوا إهتمامهم للعلم والعلماء ولا حنحتاج نستلف من صندوق نقد ولاغيره ...دى مصر كلها ثروات ولو بطل الناس اللى فوق ينهبوا ويهدروا ثرواتها إحتمال كبيرإننا نسلف صندوق النقد نفسه؟!! بقلم / سحر فوزى /كاتبة وقاصة مصرية/14/10/2012

 
 
رد مع اقتباس
 
 
   
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة








الساعة الآن 04:01 AM.


Powered by vBulletin Version 3.8.2
Copyright ©2000 - 2017, Jelsoft Enterprises Ltd
Translation by Support-ar
منتديات بال مون - منتديات رومانس مون
  PalMoon.net